قصتي مع كندا

[د هشام ابراهيم]

الله عليك يا دوك :roseop:

بجد روعة

انا اهم حاجة بنسبالى العربية لان انا من الاشخاص الى الحياة بدون عربية تبقى مش حياة

بس بعد كلام حضرتك وسعر اللتر للبنزين التأمين الاجبارى والتأمين العادى

اكتشفت حاجة جديدة

ان الانسان عنده اوبشن انه ممكن يعيش من غير عربية وعادى :roseop:

وخصوصا بعد المعلومات الى عرفتها عن شبكة المواصلات والاتوبيسات والمترو

بلاها سوسو

وخلينا فى نادية :blink: wst::

:sad:

الله يخليك يا أخي الفاضل و يكرمك و يوفقك لما يحب و يرضي

لو في تورنتو بالذات وسط تورنتو مش حتحتاج لعربية فعلا .... و لو احتجت الأيجار في الويك اند من هيرتز و لا بادجت أو الشركات اللي زيهم أكتر من كفاية

لو طلعت بره وسط تورنتو الاحتياج لعربية بيزيد خصوصا لو فيه أطفال .... لما يستقر بك الحال باذن الرحمن سواء بره تورنتو في الضواحي أو مدينة تانية خالص . العربية بتبقى ضرورة ..... برضه أحب أذكر تجربة أصدقاء لي قعدوا في فانكوفر سنة و بيقولوا إن العربية ضرورة هناك و تجربتي الشخصية مع سانت كاترين

أحب أأكد علي نقطة جت سيرتها قبل كده ..... طبعا السواقة في الشتا و علي التلج و طرق سريعة لازم لها عربيات بمواصافات خاصة ....موتور قوي ..... دفع رباعي .... مواصفات أمان اضافية للزحلقة زاي TC و VSC بالاضافة إلي ال-ABS و ال-EBD بتوع الفرامل .... كمان مهم قوي العجل المخصص للاجواء الباردة Winter tires .....و طبعا في الأول و الأخر ستر ربنا

[د هشام ابراهيم]

http://used.automart.ca/used/dealerListing.php

اسعار السيارات المستعملة في Ontario.

أهلا و سهلا بحضرتك و ألف شكر علي الرابط .... في انتظار المزيد من المشاركات إن شاء الله

موضوع الأخ الفاضل ياسر اللي نوهت عليه قبل كده فيه معلومات قيمة جدا عن العربيات المستعملة و فيه روابط كتير بالاضافة إلي نفس الرابط

هنا

[د هشام ابراهيم]

ربنا يبارك لك دكتور هشام ، عارف حضرتك ليه " بشروا و لا تنفروا " ، حضرتك و دكتور شامي و د. تهامي و المهندس إيهاب بيدعوا الناس للتفاؤل في حدود الواقعية ،

في علم النفس يوج شيء اسمه " عين النحلة " و " عين الذبابة " الأولى ترى الحسن من الأمور ( زي النحلة تبحث عن الأزهار ) و العين الثانية ترى القبيح فقط ، ربنا يرزقنا الأولى بدون رومانسية ،

لكن دعاء و استخارة ، تفكير و استشارة ، تدبر جيد للأمور و حسن إختيار بعد تقدير المفاسد و المصالح ، ثم يكون مع كل ذلك توكل على الله و حسن ظن فيه لابد أن يحدث التوفيق ،

هكذا علمتني الحياة

الله يبارك في حضرتك و يهدينا جميعا بفضله إلي ما يحب و يرضي

كلام حضرتك هو عين العقل و خلاصة تجارب حياتية .... جزاك الله كل خير

[د هشام ابراهيم]

أيوه كده يا دوك

خليك هادي و كمل موضوعك

الهيد كوتش :roseop:

بنحاول يا زعيم و ربنا يهدينا جميعا

[د هشام ابراهيم]

الله ينو عليك يادكتور هشام.

........

ياسلام لو تكلمنا عن خبرتك في السكن في كندا وشروطة وعقباتة على المهاجر الجديد وكيفية التغلب عليها؟ وياترى عملت اية انت والمدام في الفترة الاولي قبل ماتستلموا الشقة بتاعتكم؟؟ مستني حلقتك الدسمة الجديدة اللي هتلاقيعليها اكيد اقبال جماهيري شرس؟

علم و ينفذ يا باشا

الجزء التاني من الهوم ورك ....تجربتي في السكن بالتفصيل .....ابقوا معنا

[samehelassad]

الله ينو عليك يادكتور هشام.

........

ياسلام لو تكلمنا عن خبرتك في السكن في كندا وشروطة وعقباتة على المهاجر الجديد وكيفية التغلب عليها؟ وياترى عملت اية انت والمدام في الفترة الاولي قبل ماتستلموا الشقة بتاعتكم؟؟ مستني حلقتك الدسمة الجديدة اللي هتلاقيعليها اكيد اقبال جماهيري شرس؟

علم و ينفذ يا باشا

الجزء التاني من الهوم ورك ....تجربتي في السكن بالتفصيل .....ابقوا معنا

تسلم ايديك ياكبير. وباقيين معاك. تحياتي.

[Torontotruk]

بالدليل والبرهان...علشان ماتئولوش اني بعملكوا احباط...ولسة فيه شركات كتير حتأفل...

بأحس إن قلبك بيرفرف من البهجه و إنت بتجيب الاخبار السيئه للناس

عموما معدل البطاله لما أنا وصلت كندا في أغسطس 2007 كان 5.7 % و كان أقل معدل بطاله في تاريخ كندا

لما يوصل حاليا 6.3 % وسط البهدله اللي حاصله في العالم كله معتقدش إنها مشكله

واللي راح.....راح ...يا ألبي شكوتك لله...وكولوا يهون علشان خاطر كندا محطمة احلام الشباب...ومهدرة اموال الاسر التي كانت تحلم بحياة مليئة بالرفاهية لهم ولاطفالهم فذات اكبادهم

كندا لم تهدر أموالي و لم تحطم احلامي و لا احلام د / هشام و لا أحلام أي واحد من أصدقائي اللي هاجروا معي من الخليج و كذلك زملاء د / هشام الاطباء في العمل من المهاجرين و زملائي في العمل من المهاجرين

كلنا و الحمد لله شغالين في مجالنا و في وظائف محترمه

و الحياه التي حلمت بها لي و لأطفالي وجدتها و الحمد لله

على فكره واحد من أعز أصدقائي هنا و كان صديقي في قطر برضه و هاجر قبلي بسنتين و هو مهندس برضه و IT برضه و شغال في Scotia Bank

البنك عمل جائزة employee of the month كتقليد جديد لاول مره في قطاع ال IT في البنك على مستوى كندا كلها

صديقي هذا كان اول واحد يفوز بها من شهرين

و هو المصري المهاجر الى كند ا سنة 2005

فاز بها من دون كل الكنديين الغربيين و المولودين في كندا و ذوي الشعر الاصفر و الإنجليزي بدون لكنه

وكولوا يهون علشان خاطر كندا محطمة احلام الشباب...

لو كندا حطمت احلامك .... فكر كويس

مش يمكن العيب مش في كندا

كل واحد بياخد على قدر إجتهاده و سعيه في الحياه و كمان على قدر نيته السليمه

ربنا يعطيك على قدر نيتك يا متر

اعتقدان مش كل المهاجرين هم م/بوب ود/هشام واصحابهم...وزى مافيه قصص نجاح مع ناس افاضل زيكوا.../علي كلامكوا/فيه قصص لناس فشلت في كندا ..ممكن الافاضل ايلي زيكو يكونوا ليهم هدف غير معلوم لسرد قصص نجاحهم وخاصة في وقت زي اللي بتمر بيه كندا وشمال امركا حاليا...كل شئ جايز...وممكن ناس فاشلة يكون ليهم غرض غير معلوم لسرد قصص الفاشلين برده في ظل الظروف اللي بتمر بيها كندا حاليا...وزى ما انت اولت ربنا يدي كل واحد علي اد ضميرة...عموما اللي حيقرر مين اللي بيتكلم مظبوط ومين اللي بيخرف المهاجرين اللي حيوصلوا كندا في التلات سنين القادمة.اللي حيغرزوا جديد..او الغارزين الجدد,,,

[newcomer]

.....ابقوا معنا

حاااااضر ......اتفضل سعادتك

[د هشام ابراهيم]

تسلم ايديك ياكبير. وباقيين معاك. تحياتي.

حاااااضر ......اتفضل سعادتك

:roseop:

[د هشام ابراهيم]

اعتقدان مش كل المهاجرين هم م/بوب ود/هشام واصحابهم...وزى مافيه قصص نجاح مع ناس افاضل زيكوا.../علي كلامكوا/فيه قصص لناس فشلت في كندا ..ممكن الافاضل ايلي زيكو يكونوا ليهم هدف غير معلوم لسرد قصص نجاحهم وخاصة في وقت زي اللي بتمر بيه كندا وشمال امركا حاليا...كل شئ جايز...وممكن ناس فاشلة يكون ليهم غرض غير معلوم لسرد قصص الفاشلين برده في ظل الظروف اللي بتمر بيها كندا حاليا...وزى ما انت اولت ربنا يدي كل واحد علي اد ضميرة...عموما اللي حيقرر مين اللي بيتكلم مظبوط ومين اللي بيخرف المهاجرين اللي حيوصلوا كندا في التلات سنين القادمة.اللي حيغرزوا جديد..او الغارزين الجدد,,,

:roseop:

ماشي يا عم الميتر ألف شكر !!!!!!

أكيد طبعا الحكومة الكندية ...أو الأمريكية أو المكسيكية .... هي اللي ورانا علشان نجيب الناس يغرزوا معانا هنا ....بس ولاد اللذين ما دفعوش ولا سحتوت لحد دلوقتي!!

[Torontotruk]

اعتقدان مش كل المهاجرين هم م/بوب ود/هشام واصحابهم...وزى مافيه قصص نجاح مع ناس افاضل زيكوا.../علي كلامكوا/فيه قصص لناس فشلت في كندا ..ممكن الافاضل ايلي زيكو يكونوا ليهم هدف غير معلوم لسرد قصص نجاحهم وخاصة في وقت زي اللي بتمر بيه كندا وشمال امركا حاليا...كل شئ جايز...وممكن ناس فاشلة يكون ليهم غرض غير معلوم لسرد قصص الفاشلين برده في ظل الظروف اللي بتمر بيها كندا حاليا...وزى ما انت اولت ربنا يدي كل واحد علي اد ضميرة...عموما اللي حيقرر مين اللي بيتكلم مظبوط ومين اللي بيخرف المهاجرين اللي حيوصلوا كندا في التلات سنين القادمة.اللي حيغرزوا جديد..او الغارزين الجدد,,,

:roseop:

ماشي يا عم الميتر ألف شكر !!!!!!

أكيد طبعا الحكومة الكندية ...أو الأمريكية أو المكسيكية .... هي اللي ورانا علشان نجيب الناس يغرزوا معانا هنا ....بس ولاد اللذين ما دفعوش ولا سحتوت لحد دلوقتي!!

خلي بالك يا د/هشام...انا ماأصدش حاجة ...وماأدرش علي زعلك...لكن انا حبيت اوضح للاعضاء اللي ما يعرفوناش واللي مصدئين كلامكوا...وطبعا مكذبين كلامي علي طول الخط انهم زي انهم مايعرفونيش ...مايعرفكومشي بردوا...بس هما عايزين يصدئوكوا وحئيئي انا فرحان بكده...علشان انا بلغت ...وكل واحد يشيل شيلته بأة...المهم عندي انك ما تكونشي زعلان مني...تشكراديرم..واحتراماتي هشام بابا...حته تركي مش خسارة فيك..

[Torontotruk]

اعتقدان مش كل المهاجرين هم م/بوب ود/هشام واصحابهم...وزى مافيه قصص نجاح مع ناس افاضل زيكوا.../علي كلامكوا/فيه قصص لناس فشلت في كندا ..ممكن الافاضل ايلي زيكو يكونوا ليهم هدف غير معلوم لسرد قصص نجاحهم وخاصة في وقت زي اللي بتمر بيه كندا وشمال امركا حاليا...كل شئ جايز...وممكن ناس فاشلة يكون ليهم غرض غير معلوم لسرد قصص الفاشلين برده في ظل الظروف اللي بتمر بيها كندا حاليا...وزى ما انت اولت ربنا يدي كل واحد علي اد ضميرة...عموما اللي حيقرر مين اللي بيتكلم مظبوط ومين اللي بيخرف المهاجرين اللي حيوصلوا كندا في التلات سنين القادمة.اللي حيغرزوا جديد..او الغارزين الجدد,,,

:roseop:

ماشي يا عم الميتر ألف شكر !!!!!!

أكيد طبعا الحكومة الكندية ...أو الأمريكية أو المكسيكية .... هي اللي ورانا علشان نجيب الناس يغرزوا معانا هنا ....بس ولاد اللذين ما دفعوش ولا سحتوت لحد دلوقتي!!

وبعدين هو ليه لازم او المفروض اني اكون بس اللي بيخرف...سؤال ياريت اجد اجابة عليه....مع العلم ان الاعضاء لسةماجوش كندا....يعني علي السمع بس...ده لو انت كنت زعلان من الكلمة دي...

[د هشام ابراهيم]

خلي بالك يا د/هشام...انا ماأصدش حاجة ...وماأدرش علي زعلك...لكن انا حبيت اوضح للاعضاء اللي ما يعرفوناش واللي مصدئين كلامكوا...وطبعا مكذبين كلامي علي طول الخط انهم زي انهم مايعرفونيش ...مايعرفكومشي بردوا...بس هما عايزين يصدئوكوا وحئيئي انا فرحان بكده...علشان انا بلغت ...وكل واحد يشيل شيلته بأة...المهم عندي انك ما تكونشي زعلان مني...تشكراديرم..واحتراماتي هشام بابا...حته تركي مش خسارة فيك..

وبعدين هو ليه لازم او المفروض اني اكون بس اللي بيخرف...سؤال ياريت اجد اجابة عليه....مع العلم ان الاعضاء لسةماجوش كندا....يعني علي السمع بس...ده لو انت كنت زعلان من الكلمة دي...

ماشي يا باشا حصل خير .... ال نيا با دي بروبلم

يا ميتر أنا عمري ما قلت انك بتخرف .... أنا مختلف معاك في الرأي بس و قلت ميت مرة قبل كده إن الأختلاف طبيعي و ما فيش حاجة الناس كلها اجمعت عليها ....سعادتك اللي جبت سيرة الأجندة الخفية و التخريف .... برضه حصل خير

[newcomer]

يادكتور....حضرتك قلت ابقوا معنا

و ادى احنا سمعنا الكلام و بقينا؟؟؟!!

باقيين....متابعيين....مستنيين

[د هشام ابراهيم]

بعد ما استقرينا علي قرار الهجرة ...قدمنا علي وظائف fellowships في تورنتو .... ربنا كرمنا جدا و جالنا وظيفتين في مستشفيتين في قلب تورنتو يبعدوا ٣٠ دقيقة مشي عن بعض

وقع اختيارنا علي تورنتو باعتبارها أكبر مدينة كندية تتكلم الأنجليزية ( بلكنات متعددة كما اكتشفنا بعد كده ) ... فرص شغل كتير ...جالية اسلامية كبيرة .... موقعها في جنوب شرق كندا = جو أرحم في الشتا من حتت تانية و أقرب لمصر و أوروبا عن غرب كندا

الحقيقة جوجل و النت لعبوا دور كبير قوي في كل حاجة ....التقديم للشغل ...البحث عن سكن ... المراكز الأسلامية في تورنتو ... معدلات المعيشة و الجريمة في أحياء تورنتو المختلفة ....احنا ما لناش حد تقريبا في أمريكا الشمالية كلها و ثقافة المنتديات ما كنتش أعرفها ....ابتدت بعد ما جيت كندا بشوية حلوين و لغاية دلوقتي محدودة جدا ....المنتدى ده و واحد تاني بس اللي شاركت فيهم

ابتدينا نحط لستة لمواصفات الشقة اللي عايزينها ...استقرينا علي

- شقة في وسط المسافة بين المستشفيتين (نصيحة رئيسي المباشر كانت اني أدور علي سكن أقرب ما يكون لمكان العمل و أخدت بنصيحته و الحمد لله كانت صحيحة تماما ) و تكون غرب شارع يانج

- في حدود ١٥٠٠ دولار في الشهر ...أوضة و صالة غير مفروشة مساحة معقولة ( فيه شقق أوضة و صالة بتبقى مساحتها صغيرة قوي ) فيها كل الأجهزة الكهربائية بما فيها غسالة هدوم و مجفف داخل الشقة ( فيه شقق الغسالات و المجففات بيبقوا متجمعين في مكان واحد كبير عمومي للعمارة كلها ) و تكون في دور عالي و ليها view

- العمارة تكون شيك و جديدة نسبيا و فيها كل الأمكانيات ...استقبال و أمن ٢٤ ساعة ...أسانسيرات كتير .... جراج ...أماكن تخزين اضافية ... حمام سباحة ....جيم ....ملاعب رياضية (اسكواش ..تنس ..باسكت )

(الشقة و العمارة اللي اخترناها و اللي أنا قاعد فيها لحد دلوقتي فيها كل ده ....بس ملعبين اسكواش و قاعة بنج بونج و ما فيش تنس و لا باسكت ....بس فيها كمان ساونا و جاكوزي و قاعة حفلات و حجرة عرض سينمائي و مكاتب مجهزة نت و طباعة و حديقة خارجية و روف جاردن في الدور التلاتين مجهز للجلوس و فيه تراك مشي و أماكن للشواء بشوايات جاهزة و حمام سباحة صغير خارجي ....طبعا الحديقة و الروف للاستخدام في الصيف بس )

كونراد السمسار كان مجهز لينا ٤ شقق فيها كل المواصفات الأولية اللي طلبناها و ادانا معاد في تورنتو نتقابل علشان نختار الشقة ...كان فاضل بس نحجز فندق لحد ما نقابل كونراد ....حجزنا شقة فندقية عن طريق النت زاي ما قلت قبل كده كذا مرة

اخترنا الشقة يوميها بس ما كانش ينفع ننقل علي طول لان المالك كان بيغير الأرضيات لباركيه فقعدنا في الفندق يومين زيادة علي مضض

يتبع

[د هشام ابراهيم]

يادكتور....حضرتك قلت ابقوا معنا

و ادى احنا سمعنا الكلام و بقينا؟؟؟!!

باقيين....متابعيين....مستنيين

أسف يا باشا علي التأخير .....

و الله الكلام أتمسح ٣ مرات من علي yamli و كل مرة اكتب المشاركة كلها من أول و جديد ...

[اسكندرية تانى]

كلام جميل يا د. هشام

[د هشام ابراهيم]

كلام جميل يا د. هشام

العفو يا باشا ...عاش من شافك يا دكتورنا الغالي

[samehelassad]

الله ينور يادكتور هشام تسلم ايديك على المداخلة التمام دي ياريس.

مستنين الحلقة الجاية بفارغ الصبر.

[newcomer]

أسف يا باشا علي التأخير .....

و الله الكلام أتمسح ٣ مرات من علي yamli و كل مرة اكتب المشاركة كلها من أول و جديد ...

اسف ايه يا فندم.....العفو

ده انا كنت بحاول اكون زى قوات حفظ السلام wst::

بس بجد ....حلقة زى الفل...

و الحاجه المشجعة فيها..... الاعتماد على النفس....و النت طبعا

كمل يا فندم !!!