قصتي مع كندا

[Torontotruk]

http://en.wikipedia.org/wiki/Crime_in_Canada

دي الاحصائيات الجريمة في كندا

[د هشام ابراهيم]

الله ينور يادكتور هشام تسلم ايديك على المداخلة التمام دي ياريس.

مستنين الحلقة الجاية بفارغ الصبر.

الله يسلمك يا باشا و أنا تحت أمرك

[د هشام ابراهيم]

اسف ايه يا فندم.....العفو

ده انا كنت بحاول اكون زى قوات حفظ السلام

بس بجد ....حلقة زى الفل...

و الحاجه المشجعة فيها..... الاعتماد على النفس....و النت طبعا

كمل يا فندم !!!

الله يخليك يا سعادة المنسق العام و يعينك دايما علي السعي في الخير

....الحقيقة إن الواحد لما بيقعد يفكر هو عمل إيه و ازاي ما بيملكش إلا شكر الله علي نعمه التي لا تحصي و ستره و رضاه و توفيقه

[د هشام ابراهيم]

http://en.wikipedia.org/wiki/Crime_in_Canada

دي الاحصائيات الجريمة في كندا

ألف شكر يا ميتر ...رابط مهم جدا يا ريت الكل يقراه .... جوجل و ويكيبيديا و يوتيوب .... غيروا شكل الحياة فعلا

[pharaon]

طيب يا دكتور لو شقة لواحد عازب

مش مهم المساحة

بس اهم حاجة الحمام يكون مش مشترك

تكون فى حدود كام فى الشهر ؟!!!

فى حاجات كتير على النت

بس انا عاوز رينج اقرر على اساسه

انا انشاء الله نويت انى اروح الاول بفيزا سياحة

اشوف البلد واخد فكرة

قبل ما انقل حياتى هناك

لانى بفكر اخد العلقة كلها مرة واحدة ال 3 سنين بتوع الاقامة مرة واحدة

وشكرا مقدما ليك يا دوك

ومتخليش الاختلاف فى الاراء يبعدك عن هدفك الاصلى

وربنا يذيدك من حسناته بسبب موضوع المهم فى المنتدى ( اللهم لا حسد ) :roseop:

[د هشام ابراهيم]

عدنا

طبعا بعد ما أجرنا الشقة اكتشفنا إن تأجير الشقة حاجة و العيشة فيها حاجة تانية ... خصوصا إن العبد لله صمم ما يستخدمش عفش قديم و يجيب جديد .... غير إن ما فيش تلفزيون و لا تلفون و لا نت ...إلخ ...

اضطرينا نستمر كام يوم زيادة في الشقة الفندقية رغم إن احنا كنا متضايقين منها جدا ....الحق يتقال انها كانت كويسة بس المناظر اللي الواحد شافها في الكرنفال اياه سدت نفس الواحد عن كل حاجة

زاي ما قلت قبل كده أول سنة ديه كانت أصعب سنة و أول ٣ شهور كانوا أصعب ما فيها و أول اسبوعين كانوا أصعب ما في التلت شهور

المناقشة بتاعة إيه الارف ده ما نرجع مصر أحسن فضلت تتكرر بس الفترات ما بين المناقشة و أختها ابتديت تزيد لحد ما اختفت تماما بعد سنتين تقريبا و ابتدي النقاش يبقى عاشت كندا حرة مستقلة

نرجع للسكن .... طبعا الأعتماد علي النفس جميل و محمود بس بيوقعك في مواقف مضحكة جدا ... وقتها ما بتكونش مضحكة بس دلوقتي الواحد يفتكرها و يضحك

شراء المرتبة بتاعة السرير مثلا و احنا مش فاهمين أن السراير هنا من غير ملة .... شراء التلفزيون و جره فوق عربية بعجل في شوارع تورونتو بمساعدة البائع بتاع المحل ...شكلنا صعبنا عليه .... التعاقد مع شركة التليفون و الذهاب لمقر الشركة بعد مجهود مضني.... طبعا كل اللي كنا مفروض نعمله إننا نكلم رقم خدمة العملاء من أي تيلفون عمومي و الحرارة بتيجي للشقة بعد يومين ...و هكذا

المهم نقلنا للبيت بعد ما بقى صالح للسكن و لسه لحد النهارده مأجرينه

طبعا كل الطرائف و الغرائب ديه كوم و تجربة شراء بيت سانت كاترين كوم تاني ....يتبع

[د هشام ابراهيم]

طيب يا دكتور لو شقة لواحد عازب

مش مهم المساحة

بس اهم حاجة الحمام يكون مش مشترك

تكون فى حدود كام فى الشهر ؟!!!

فى حاجات كتير على النت

بس انا عاوز رينج اقرر على اساسه

انا انشاء الله نويت انى اروح الاول بفيزا سياحة

اشوف البلد واخد فكرة

قبل ما انقل حياتى هناك

لانى بفكر اخد العلقة كلها مرة واحدة ال 3 سنين بتوع الاقامة مرة واحدة

وشكرا مقدما ليك يا دوك

ومتخليش الاختلاف فى الاراء يبعدك عن هدفك الاصلى

وربنا يذيدك من حسناته بسبب موضوع المهم فى المنتدى ( اللهم لا حسد ) :roseop:

wst::

الله يخليك يا أخي الفاضل و يكرمك و يوفقك

المواصفات اللي بتقولها تنطبق علي شقة أستديو .... ديه مش متقسمة أوض ....مساحة واحدة للمعيشة و النوم و المطبخ زائد حمام ... هايلة لفرد أو لزوجين مش ناويين يستقبلوا حد في شقتهم .... أعرف ٢ عملوا كده .... دكتور فليبيني و مراته ما كانتش بتشتغل و كان جاي يدرس في كندا علي حسابه ( حساب عيلته يعني ) قعد سنتين في الشقة ديه لحد ما خلص و بعدين رجع لبلده ...الشقة كانت ٨٠٠ دولار في الشهر شامل المياه و الغاز و الكهربا

أعتقد و قد أكون مخطئا إن فيه أرخص من كده كمان

[pharaon]

:roseop:

[ام بلال]

ربنا يوفقك دكتور هشام و يرضى عنك ،

متابعين :roseop:

تم تعديل 19 يناير 2009 بواسطة ام بلال

[اسكندرية تانى]

عزيزى د0 هشام

كما قرآت فى مشاركات اخرى ان موضوع تآجير شقة مش سهل و لازم ضمانات

و يكون لك كريدت فى كندا و لكن فى حالتك ارى انك اتفقت مع السمسار على اختيار شقة

مناسبة عن طريق النت0 فهل فعلا تآجير شقة سهل ? و مفيهوش مشاكل?

[torontobanker]

عزيزى د0 هشام

كما قرآت فى مشاركات اخرى ان موضوع تآجير شقة مش سهل و لازم ضمانات

و يكون لك كريدت فى كندا و لكن فى حالتك ارى انك اتفقت مع السمسار على اختيار شقة

مناسبة عن طريق النت0 فهل فعلا تآجير شقة سهل ? و مفيهوش مشاكل?

الموقع ده حى فيدك

http://toronto.en.craigslist.ca/apa

[casanooovaaa]

جامد جدا يا دوك hpc:!: ,ربنا يكرمك على اد تعبك معانا ,دا احنا طلعنا متعبيين جدا ,بس بجد شكرا على تعبك hpc:!: بس انا مش عارف ليه كل ما اسمع عن شقة لفرد واحد باتشيلور يعنى ب 800 $ بحس انها غالية اوى 800x4.6 =3680$ كتيير اوى دا الواحد لحد ما ياخد المعادلة و يدخل السيستم هيكون باع اللى وراه واللى اودامه ربنا معانا

[newcomer]

ما بيملكش إلا شكر الله علي نعمه التي لا تحصي و ستره و رضاه و توفيقه

الحمد لله كما ينبغى لجلال وحهك و عظيم سلطانك ....حمدا حتى ترضى....يا رب العالمين

شاكرين الله

متابعيين لسيادتكم.....

[د هشام ابراهيم]

:blink:

ربنا يوفقك دكتور هشام و يرضى عنك ،

متابعين :) :blink:

الله يخليكم يا رب و ربنا يهدينا جميعا إلي سواء السبيل

[د هشام ابراهيم]

عزيزى د0 هشام

كما قرآت فى مشاركات اخرى ان موضوع تآجير شقة مش سهل و لازم ضمانات

و يكون لك كريدت فى كندا و لكن فى حالتك ارى انك اتفقت مع السمسار على اختيار شقة

مناسبة عن طريق النت0 فهل فعلا تآجير شقة سهل ? و مفيهوش مشاكل?

الحقيقة إن إيجار الشقة تم بسهولة تامة و ما كانش فيه أي مستندات أو إستعلام ...بس خلي بالك يا دكترة الكلام ده كان في صيف ٢٠٠٥ فما أعرفش اذا كان فيه حاجة اتغيرت في الشروط و لا لأ

الحاجة التانية اني اجرت الشقة من مالكها مش من أدارة العمارة ....الشقق في أي عمارة لا إما حد شاريها فبتبقي باسمه أو بتبقى ملك للشركة المالكة العمارة و ساعتها أدارة التسويق هي اللي بتبقى مسئولة عنها

ميزة انك تأجر من الأدارة إن أي حاجة تحصل بتخاطبهم علي طول ... في حالتي باخاطب الراجل اللي اشتري الشقة منهم و هو اللي بيتصرف سواء من خلالهم أو من خلال حد تاني

ميزة انك بتأجر من شخص إن التعامل بيبقى شخصي و الموضوع ما فيهوش رسميات كتير .... الراجل صاحب الشقة راجل سكرة مهاجر من عشر سنين من روسيا هو و مراته و أولاده و صراحة ما شفتش منه إلا كل خير ...من ساعة ما قابلته أول مرة كان في غاية الأدب و الذوق .... كل اللي طلبه شيكات لمدة سنة ...أول شيك بيبقى ايجار شهرين أول واحد و أخر واحد .....و كل سنة بكلمه و نجدد العقد

[د هشام ابراهيم]

الموقع ده حى فيدك

http://toronto.en.craigslist.ca/apa

شكرا يا أخي الفاضل

[د هشام ابراهيم]

جامد جدا يا دوك :blink: ,ربنا يكرمك على اد تعبك معانا ,دا احنا طلعنا متعبيين جدا ,بس بجد شكرا على تعبك بس انا مش عارف ليه كل ما اسمع عن شقة لفرد واحد باتشيلور يعنى ب 800 $ بحس انها غالية اوى 800x4.6 =3680$ كتيير اوى دا الواحد لحد ما ياخد المعادلة و يدخل السيستم هيكون باع اللى وراه واللى اودامه ربنا معانا

العفو يا أخي الفاضل ما فيش تعب و لا حاجة ....بالنسبة لغلو أسعار الشقق الصراحة آه ....الشقق في تورونتو غالية جدا ....أسعار السوق العقاري بقالها كذا سنة في الطالع ....كل المراقبين مستنيين حدوث انخفاض لما العرض يزيد عن الطلب و السوق يوصل لمرحلة تشبع ....امتي الله أعلم

بس برضه خد بالك من حاجة ....الرقم ده مش ثابت لكل الشقق ....ديه كانت شقة ايريك و إلين ...أكيد فيه أرخص و كمان أغلي من كده

مصاريف السكن هي أكبر حاجة في الميزانية بتاعة المقيم

كل ما بعدت عن وسط تورنتو الأسعار بتقل .....و كمان كل ما بعدت عن تورنتو نفسها الأسعار بتقل

بس بصراحة العيشة في تورنتو حلوة خصوصا لو فرد لوحده أو أسرة بدون أطفال ....كل حاجة سهلة و متوفرة علي مسافة مشي = walking distance

[د هشام ابراهيم]

ما بيملكش إلا شكر الله علي نعمه التي لا تحصي و ستره و رضاه و توفيقه

الحمد لله كما ينبغى لجلال وحهك و عظيم سلطانك ....حمدا حتى ترضى....يا رب العالمين

شاكرين الله

متابعيين لسيادتكم.....

سعادة المنسق العام ربنا يصلح لك الأمر كله يا سيدتي الفاضلة و يوفقك لما يحب و يرضي

[د هشام ابراهيم]

عودة للجزء الأخير من الهوم ورك

طبعا شراء البيت بتاع سانت كاترين كان ضرورة أكتر منه ترف .... بعد أكتر من ٣ سنين في تورنتو كان لازم نفكر في الخطوة التالية .... احنا ما كناش خدنا قرار نهائي بالبقاء في كندا من أول ما جينا ...يمكن بعد أكتر من سنتين من الأقامة و العمل في كندا اللي القرار بقى مقنع و مرضي

خطوات شراء البيت تشابهت مع خطوات ايجار شقة تورنتو في حاجات .... استقرينا علي مدينة سانت كاترين بعد ما عاينا كذا مكان علي الطبيعة ...منهم أماكن بره منطقة نياجارا أصلا ....بعد ما استقرينا علي منطقة نياجارا ابتدينا ندور جواها و استقرينا علي سانت كاترين بعد معاينة أماكن زاي ويلاند و نياجرا أون ذا ليك و منطقة الشلالات ...... ابتدينا ندور علي النت و كلمنا سمسار و قلناله المواصفات اللي عايزينها بالظبط ....نفس النظام كل واحد يكتب عايز إيه في البيت و نكون لستة مواصفات نبلغها للسمسار علشان يدور من خلالها ..... حاجات زاي شكل البيت و الحديقة و حمام السباحة ...التشطيب الداخلي ...عمر البيت يكون جديد .... البدروم يكون متشطب بالكامل ..إلخ

بس المرة ديه كانت فيه بيوت معينة شفنا اعلاناتها علي النت وسط البيوت اللي السمسار وراها لينا و فعلا اختارنا واحد منهم

عملية الشراء نفسها كانت معقدة شوية ... تبسيطا فيه خمس جهات بيشتغلوا مع بعض

١ - السمسار : ده كان المفاوض الرسمي بتاعنا في السعر و الشروط و ميعاد التسليم و الحاجات اللي حنشتريها في البيت ....النجف اللوحات اللي علي الحيطة ..إلخ

٢- المحامي : ده لتوثيق العهود و تقديم عروض الاسعار و التأكد من قانونية الشهادات و صكوك الملكية و خلو الأرض من أي نزاعات قانونية ..إلخ

٣- شركة الصيانة و التفتيش ....شركة مهمتها الكشف علي البيت ...كل سنتي فيه و إعداد تقرير مفصل عن كل حاجة فيه مدعم بالصور و تأكيد انها شغالة بصورة جيدة و ما فيش مشاكل ...حاجات زي

الكهربا و المياه و الغاز و المواسير و السقف و الارضيات .... خلو البيت من الأسبستوس ... نظافة البيت من الحشرات و الفطريات ...إلخ

٤- البروكير ...صراحة مش عارف ترجمتها ....ده الشخص اللي بيمثلك في مفاوضاتك مع البنك ...الشراء بيتم بنظام الرهن العقاري ....البنك بيشتري البيت و بيقسطهولك علي سنين كتير حسب ما أنت عايز .... فيه كمان نظام رهن عقاري اسلامي بتدفع فيه زيادة شوية بس بتدرء شبهة الربا لو عايز

٥- إنت شخصيا و الجهات اللي بتجيبها علشان تساعدك تنقل .... شركات خدمة الحدائق و صيانة حمامات السباحة و ازالة التلج و لو عايز تغير دهانات و تجيب عفش و تغير كوالين و تركب نظام أمان ...إلخ

كل واحد من دول بيبقى شغال في طريقه لحد عملية الشراء ما تتم :blink:

[ام بلال]

ما شاء الله لا قوة إلا بالله ، ربنا يبارك لك في مالك و أهلك ، و يجعله في طاعة الله ، ربنا يرزقك دارا في الجنة إنت و أهلك و كلنا جميعا يارب آمييين