قصتي مع كندا

[AL MUHAGER]

شاكر اهتمامك و اتمنى لك التوفيق .. وربنا يعوضك خير عن مساعدتك للغير.

[د هشام ابراهيم]

شاكر اهتمامك و اتمنى لك التوفيق .. وربنا يعوضك خير عن مساعدتك للغير.

العفو يا أخي الفاضل ... ربنا يوفق الجميع لما يحب و يرضي .... في الغد إن شاء الله لنا حديث عن الحياة في كندا

[AL MUHAGER]

بمشيئة الله هاكون في انتظار حضرتك غدا....اسيبك في رعاية الله وحفظه.

[البوب]

عزيزي الدكتور هشام

ربنا يكرمك يا رب و يديك على أد نيتك

و يجازيك على تعبك مع اخوانك

أنا مش طبيب و لكن فكرت أدرس طب في كندا هل دة ممكن؟؟؟؟؟؟

أنا مدرس انجليزي حاليا و عندي 30 سنة طبعا متزوج و عندي طفلين و كنت قدمت على الهجرة في 2007 نوفمبر

و متظر الدور في 2011

هل ممكن أعمل أي حاجة دلوقتي و أنا منتظر؟؟؟؟؟؟

طبعا اللي شجعني على الفكرة دي كلام الباشمهندس ايهاب سالم لما قال انة بيفكر يغير الكاريير بتاعة

حسيت ان الكلام دة ممكن يتحقق ززحتى لو كان في تعب شديد لكن الإمكاية موجودة

سلامي لكل أعضاء المنتدى الكرم

في انتظار الرد من الإخوة الأطباء و الإخوة المقيمين في كندا

[شاب مصري]

البوب باشا ...

دراسة الطب شاقة جدا واناكنت طهقان منها لما دخلت الكلية وعمري 16 سنة في سنة أولى وحاليا قربت اخلص دراسة

اعتقد الموضوع هيكون ممل جدا وشاق انك تبدأ دلوقت

لان في امريكا (واعتقد كندا كذلك) كلية الطب 8 سنين (4سنين ثم 4 سنين) وليس 6 زي مصر

في واحد سوداني صديقنا عمره دلوقت حوالي 40 سنة

و كان بيشتغل مترجم في الخليج (دراسته الجامعية بباكستان)

و هاجر كندا من 10 سنين تقريبا ودرس هندسة طبية (خاصة بالاجهزة الطبية زي اجهزة الاشعة MRI وغيرها)

وكان بيعمل مع الدراسة

وحاليا مستقر في تورنتو

يعني الراجل دا غير الكارير

وبيتصل بينا كتير و قالي انه مبسوط وكله تمام لولا البرد بس :lol:

لكن بامانة دراسة الطب شاقة وفي سن التلاتين شاقة جدا

دي مجرد وجهة نظر قد تخطئ وتصيب

ربنا يوفقك .

[البوب]

شاكر جدا لردك يا شاب يا مصري

لكن أنا كنت بفكر معاكم و بصوت عالي قصدي و بكلام مكتوب

هو أنا لو ركبت القطر مـتأخر و اللا أشوف حاجة تانية و خلاص؟؟؟؟؟؟

أنا أصلي رب أسرة و عزمت على السفر بإذن الله ولكنني قلق من دخلي ي ال second jobs بلاش نقول ال dirty jobs

أنا مستعد أمشي في النار من أجل مستقبل أفضل لأولادي و أعتقد أن هذا رأي باقي السادة الأفاضل العضاء

أنا فكرت في الطب مش لأني غاوية *** لكن لأن مركزة مرموق و دخلة يسمح بحياة كريمة لي و لأسرتي

أين أنتم يا باقي أعضاء المنتدى

أين الشامى و ايهاب سالم و ياسر و تورونو و هشام ابراهيم و وجدي والمقيمين بكندا

لا أعتقد أن هذا الموضوع يهمني وحدي بل أعتقد أن الكثير ممن يودون الهجرة لا تتفق وظائفهم أو مؤهلاتهم مع الدخل المرغوب به حياة كريمة في كندا :lol: wst::

الشكر لكم جميعا

[ايهاب سالم]

طبعا اللي شجعني على الفكرة دي كلام الباشمهندس ايهاب سالم لما قال انة بيفكر يغير الكاريير بتاعة

عزيزي البوب

أنا كنت بأهزر

أنا مرتاح في كاريري

بالعكس .. ده لو كنت عايز تغير كاريرك .. أرشح لك مجال ال IT ..

ربنا يوفقك

عذرا للدكتور هشام على تغيير مسار الموضوع

[د هشام ابراهيم]

عذرا يا اخوتي الأفاضل على التأخير ... زاي ما قلت قبل كده أرجو أن تسامحوني اذا تأخرت على الرد .... فرضا حتي لو ما وريش حاجة خالص ... كفاية فرق التوقيت

الأخ الفاضل بوب بالنسبة إلي دراسة الطب في كندا فهي من أصعب ما يمكن ... مش بس الدراسة نفسها و هي صعبة جدا بالمناسبة لكن كمان المصاريف .... الأغلبية العظمي من طلبة الطب في كندا وخدين قروض باهظة من البنوك و بيفضلوا كذا سنة بعد التخرج يسددوا فيها

لو حضرتك عايز تغير كارير انصح بالمحاسبة أو أي حاجة ليها علاقة بال-IT زاي ما الأخ الفاضل إيهاب تفضل و قال

[اسكندرية تانى]

د.هشام ابراهيم المحترم

موضوع متميز و كنا نحتاجه بشدة

عارف يا دكتور هشام كان عندى اسئلة كتيرة قوى فى موضوع الشغل بس من كتر الاسئلة نسيتها!!

خليك تكمل براحتك كتابة مشوارك و نأجل الاسئلة على مهلنا

على فكرة انا تخدير برضه و كان لى سؤال بس صغير

ا

واحد أصلا من المنصورة و التاني من عين شمس .... الاتنين أكبر مني سنا ... دكتور المنصورة في قمة البشاشة و الذوق .... على طول بيساعدني و بينصحني .... دكتور عين شمس ما يشوفنيش غير ما يكسر مجاديفي و يحبطني و يقعد يشتكي من كل كبيرة و صغيرة لحد ما بقيت أتجنب اني أقابله أو أكلمه

هوا الاخ بتاع عين شمس دا كان اسمه أشرف؟ مجرد فضول شديد :huh:

تقبل تحياتى و ربنا يوفقك :hi:

[شاب مصري]

شوف يا بوب

حاول تخربش في مجال من الحاجات الجديدة المطلوبة

انا بصراحة لحد دلوقت مش عارف الفرق بين التجارة والاقتصاد و ادارة الاعمال و الهندسة والأي تي والبرمجة و......الخ

بس عموما المجالات دي كويسة وبتكسب كويس

وعلى فكرة الهندسة الطبية اللي قولتلك عنها دي بتكسب دهب في اي مكان في العالم

دهب بجد

واسأل د.الشامي يقولك احسن مننا لان من مجال شغله اكيد يعرف مهندسين اجهزة طبية .

[شاب مصري]

وكمان المجالات دي هتخليك تشتغل سريعا ان شاء الله .

[Torontotruk]

يعنى يادكتور تهامى ملقيتشى حتة تبعت فيها الاخ تورونتو غير كيبيك

سيب كيبيك للغلابة اللى زينا على مايرتبو امورهم ويفرو منها

عموما على مانوصل ان شاء اللة يكون الاخ تورونتو بقى فى الاسكا :huh:

انا ناوي اخربها الاول يعني ايلي حييجي بعد مني مش حيلاقي غير اطلال وممكن يقبضواعليه في المطار...فنداء لكل الاخوة الأيجيبشن بلاش كيبيك . :hi:

[د هشام ابراهيم]

أول الحديث على تورونتو شوية صور خدتها مؤخرا :

[moheltohamy]

روعة يا د. هشام الصور ، وبالذات صورة الجامع... والشجر اللي ف الجنينة ده :hi:

بس هيه الصور كبيرة أوي كده ليه؟!

[د هشام ابراهيم]

أنا بحكم العادة باحط الصور في المنتديات صغيرة علشان فيه أخوة كتير بيخشوا ب-dial up انما ممكن أحط الصور أكبر لو عايزين

إيه رأيكم كده

[moheltohamy]

آه يا باشا... هوّه ده الكلام :D

ويا ريت حتى تكبّر الصور عن كده... خللي إيديك فرطة شويّة... روجرز بتحاسب على الداونلود مش الأبلود :hi:

تعالي شوف الفضايح اللي بننزّلها في مواضيعنا أنا و د. الشامي

بس ما قلتلناش برضه... فين الجامع ده؟!

:huh:

[د هشام ابراهيم]

آه يا باشا... هوّه ده الكلام mf-:

ويا ريت حتى تكبّر الصور عن كده... خللي إيديك فرطة شويّة... روجرز بتحاسب على الداونلود مش الأبلود :huh:

تعالي شوف الفضايح اللي بننزّلها في مواضيعنا أنا و د. الشامي :hi:

بس ما قلتلناش برضه... فين الجامع ده؟!

:D

أكيد حضرتك من محبي السيارات زاي حالاتي

الجامع المشار إليه في سانت كاترين ....اللي في نياجرا مش اللي في سيناء :P

[ahmedmustafamarey]

احب اشكرك عالمجهود الرائع وان شاء الله كل الدكاترة بالذات هيستفيدوا منه ان شاء الله

انا طالب سنة 3 طب وناوي ان شاء الله لما اخلص اهاجر واشتغل طبيب في كندا

عاوز اعرف ممكن اعمل ايه من اول ما اخلص سنة 6 عشان ابقى طبيب ؟

وهتتكلف كام تقريباً كده ؟

وايه رايك في الزمالة البريطانية

ممكن اشتغل بيها في كندا من غير معادلة ؟

ويا ترى ايه التخصصات المطلوبة في كندا عشان نسستم نفسنا عليها من دلوقتي ( اخوك الصغير ناوي يبدا شغل كلينيكال واتفرج على حالات من الصيف الجاي ان شاء الله سواء بالواسطة عن طريق خالي مدير اكتر من مركز طبي عندنا في طنطا او في مستشفى الطوارئ )

ويا ترى مرتبات الوظايف الطبية في كندا زي ال fellows و النايب والاستشاري

وهل وظيفة الطبيب سهل كده احصل عليها ؟

وانا سمعت ان فيه ولايات بتقبل دكاترة من غير معادلة

الكلام ده صحيح ولا لأ

واسف على الاطالة ومعلش احنا ما بنصدق نلاقي طبيب يرد على استفسارتنا

وربنا يجعله في ميزان حسناتك

[ابو الخير]

اهلا يا دكتور هشام شرفتنا فعلا

موضوع جميل جدا

انا كنت فعلا كتبت موضوع عن ال fellowship بس ماحدش تجاوب مع الموضوع

كان ليا تساؤل في موضوع معين ... هل لو اخدت زمالة الكليه الملكيه البريطانيه ده ممكن يكون كويس و يساعدني اني اخد position كنائب بعد ما انتهي من المعادله ؟

السؤال التاني : ايه اللي ساعدك انك تحصل ال fellowship ؟ هل كان للدكتوراه دور في الموضوع ده ؟

[samehelassad]

تبارك الله ماشاء الله. اية الجامع الجميل دة يادكتور هشام. حاجة تفتح النفس بجد. ربنا يكرمك ويكرمنا جميعا انشاء الله. ويسهلنا الامور ونبقى معاك في كندا اوام انشاء الله.