قصتي مع كندا

[qenawy]

تقصد ايه يا دكتور هشام ؟

مش فاهم تكونش تقصد تغييير الرئيس؟

المشكلة ليست في الرئيس

المشكلة في الشعب

[SoSo R]

هو إيه أخبار الطلبات هنا فى القهوة؟؟

أنا قلت أصحح العملية شوية و أبتدى بطلب

إحكى لنا يا دكتور عن إصدار الرخصة ....و إزاى قررت أختيار العربية ؟,على أساس إستهلاك البنزين ولا الصيانة ولا قطع الغيار

وعربيتك نوعها إيه و ما تأوليش أنظرى الشكل ولا المداخلة صفحة كذا :rolleyes:

[د هشام ابراهيم]

تقصد ايه يا دكتور هشام ؟

مش فاهم تكونش تقصد تغييير الرئيس؟

المشكلة ليست في الرئيس

المشكلة في الشعب

بالظبط يا دكتورنا الفاضل ... هو ده اعتقادي الشخصي و يقيني الأكيد .... تغيير الرئيس لا حيقدم و لا يأخر طول ما الشعب زاي ما هو .... قصدت تغيير فينا احنا ...الشعب المصري ....تغيير الرئيس حيحصل حيحصل ...انما الشعب يتغير ....أتمني ....قادر علي كل شئ

[د هشام ابراهيم]

هو إيه أخبار الطلبات هنا فى القهوة؟؟

أنا قلت أصحح العملية شوية و أبتدى بطلب

إحكى لنا يا دكتور عن إصدار الرخصة ....و إزاى قررت أختيار العربية ؟,على أساس إستهلاك البنزين ولا الصيانة ولا قطع الغيار

وعربيتك نوعها إيه و ما تأوليش أنظرى الشكل ولا المداخلة صفحة كذا :rolleyes:

ده موضوع كبير قوي يا أختي الفاضلة ... ما تخافيش حضرتك مش حاقولك بصي علي مشاركة سابقة بس حاقول اسمحيلي أرد علي الأسئلة علي مراحل

[bent misr]

القاهرة - محرر مصراوي - أعلنت الشركة القابضة للصناعات الغذائية، التابعة لوزارة الاستثمار، عن تخفيضات جديدة فى أسعار السلع الغذائية للمرة الرابعة خلال شهرين فى المجمعات الاستهلاكية التابعة لها فى القاهرة الكبرى والمحافظات.

شملت التخفيضات الزيوت النباتية، والسمن، والزبدة الطبيعية، والدقيق الفاخر، والدواجن المستوردة والمحلية، واللحوم المجمدة، والأسماك، فيما قررت تثبيت سعر السكر الحر المعبأ بأنواعه العادى، والكريستال، والدلتا عند 275 قرشاً للكيلو للمستهلك.

وانخفضت أسعار الزيت للعبوة 1 لتر من إنتاج الشركات التابعة للشركة من 6 إلى 5 جنيهات للمستهلك، ومن 75 إلى 64.75 جنيه للعبوة 12 زجاجة من نوع حلوة لتاجر التجزئة، ومن 6.5 إلى 5.5 جنيه للعبوة 1 لتر للمستهلك، ومن 80 إلى 71 جنيهاً للعبوة 6 زجاجات نوع عافية لتاجر التجزئة، ومن 14 إلى 12 جنيهاً للزجاجة للمستهلك، ومن 105 جنيهات إلى 96.5 جنيه للعبوة 12 زجاجة نوع سلايت لتاجر التجزئة، ومن 9.25 إلى 8.25 جنيه للزجاجة للمستهلك.

وانخفضت أسعار المسلى الصناعى نوع روابى من 80 إلى 72 جنيهاً للعبوة 4 علب زنة 2 كيلو جرام لتاجر التجزئة، ومن 20 إلى 18 جنيهاً للعبوة للمستهلك، ونوع بنت البلد من 63.5 إلى 58.75 جنيه للعبوة 4 برطمانات زنة 2 كيلو جرام لتاجر التجزئة، ومن 16 إلى 15 جنيهاً للعبوة للمستهلك، كما انخفضت أسعار الزبدة الطبيعية النيوزيلاندية من 17 إلى 15 جنيهاً للكيلو.

وانخفض سعر الدقيق الفاخر 72% السائب والمعبأ من 2.75 إلى 2.25 جنيه للكيلو، كما انخفضت أسعار الدواجن المستوردة من 15.50 إلى 14 جنيهاً للكيلو، والدواجن المحلية للدجاجة زنة من 950 جراماً إلى كيلوجرام إلى 13.25 جنيه، وزنة من كيلوجرام إلى 1100جرام إلى 14.25 جنيه، وزنة 1200 إلى 1300 جرام إلى سعر 17 جنيهاً، وشمل القرار خفض أسعار السمك الفيليه من 13 إلى 11.50 جنيه للكيلو.

وانخفضت أسعار اللحوم المجمدة من 20 إلى 18 جنيهاً للكيلو من الأجزاء الأمامية الكتف والرقبة، واللحوم الهندية من 17 إلى 16 جنيهاً، واللحوم النيوزيلاندية من 19.50 إلى 18 جنيهاً من الكتف الضانى، ومن 20 إلى 18 جنيهاً للكبدة البتلو، ومن 9.75 إلى 9 جنيهات للكبدة المجمدة.

المصدر: صحيفة المصرى ليوم

تسلم إيديكي يا دكتورة... فعلاً ما يجيبها إلاّ ستاتها :rolleyes:

وأحب أضيف معلومة لسّه سامعها من ماما من شويّة... كيلو اللحمة البلدي نزل بتاع 5 جنيه!

أوّل مرة في حياتي في البلد دي نسمع عن إن حاجة سعرها ينزل!

د. بنت مصر...

اللي فهمته إن مش سعادتك اللي بتشتري طلبات السوق i*:

والله أعلم بأه مين اللي بيطبخ :blink:

ماشي ماشي يا دكتور تهامي

ميسيرنا ان شاء الله يكتب لنا و نروح كندا

وساعتها هنعزمك بس علشان تعرف أنا أكلي شكله ايه :happy:

على رأي جوزي أنا هاعزم صحابي مش ياكلوا يتفرجوا بس

( وش سمير غانم في مسرحية المتزوجون ) bsh:) mfb:

[jessika]

دكتور تهامى انا مش دكتورة حضرتك ولا فاكر بنت مصر اللى نقلت الخبر واختلط عليك الامر مش عارفة بس عموما للتصحيح انا مش دكتـــــــــــــــــــــــــــــــــورة شكرا

[samehelassad]

تسجيل متابعة دائمة ياباشا. تسلم ايديك. وربنا يباركلك في عيلتك.

[د هشام ابراهيم]

تسجيل متابعة دائمة ياباشا. تسلم ايديك. وربنا يباركلك في عيلتك.

الله يسلمك يا سيدي الفاضل و متابعتك تسعدني دائما

[د هشام ابراهيم]

هو إيه أخبار الطلبات هنا فى القهوة؟؟

أنا قلت أصحح العملية شوية و أبتدى بطلب

إحكى لنا يا دكتور عن إصدار الرخصة ....و إزاى قررت أختيار العربية ؟,على أساس إستهلاك البنزين ولا الصيانة ولا قطع الغيار

وعربيتك نوعها إيه و ما تأوليش أنظرى الشكل ولا المداخلة صفحة كذا

اصدار رخصة القيادة في أونتاريو

أونتاريو تتبع منهج اصدار الرخصة التدريجي (Graduated Licensing Program ) بمعني إنه يوجد فترة زمنية ما بين كل مرحلة من مراحل الرخص قد تمتد لسنة

المرحلة الأولي ال-G1 ....أي حد ناوي يسوق ...إن شا الله بيتعلم علي عربية تعليم مجهزة لازمله رخصة

عربية التعليم المجهزة ديه بتبقى موجودة في مدارس القيادة و بيبقى فيها بدال فرامل في ناحية الراكب و ساعات دركسيون اضافي علشان المدرب يقدر يوقف العربية أو يغير اتجاهها لو عاز

ال-G1 بتطلع بعد اجتياز اختبار نظر و اختبار العلامات المرورية و اختبار اسئلة مرورية علي الكمبيوتر في المراكز المعدة لذلك

فيه كتيب بيتباع عن القواعد المرورية و التصرف في المواقف المختلفة و كمان ممكن يتنزل من علي النت

المرحلة التانية ال-G2 .... بعد مرور سنة من ال-G1 أو ٨ شهور لو المتقدم قدم من خلال مدرسة معتمدة يمكن التقديم لامتحان ال-G2 ....الامتحان بيبقى لمدة ٢٠ دقيقة غالبا و بيختبر الطالب عمليا في القيادة في الشارع و تغيير الحارات و الركن ...إلخ

الG2 مدتها ٥ سنين في خلالها لازم تقدم للمرحلة التالية

المرحلة الأخيرة ال-G الأمتحان بيبقى لمدة ساعة تقريبا و فيه كل اللي في أمتحان ال-G2 بالاضافة إلي القيادة علي طرق سريعة و هامش الخطأ المسموح فيه أقل

لمزيد من المعلومات رابط وزارة المواصلات

MTO

[د هشام ابراهيم]

هو إيه أخبار الطلبات هنا فى القهوة؟؟

أنا قلت أصحح العملية شوية و أبتدى بطلب

إحكى لنا يا دكتور عن إصدار الرخصة ....و إزاى قررت أختيار العربية ؟,على أساس إستهلاك البنزين ولا الصيانة ولا قطع الغيار

وعربيتك نوعها إيه و ما تأوليش أنظرى الشكل ولا المداخلة صفحة كذا :happy:

ده موضوع كبير قوي يا أختي الفاضلة ... ما تخافيش حضرتك مش حاقولك بصي علي مشاركة سابقة بس حاقول اسمحيلي أرد علي الأسئلة علي مراحل

الحقيقة حكاية السيارات ديه أنا جاوبت عليها باسهاب قبل كده ما تزعليش بقى يا سيدتي الفاضلة بس دوسي بس علي الرابط

هنا

و هنا

بالاضافة إلي موضوع الأخ الفاضل ياسر

هنا

[د هشام ابراهيم]

كام خاطر و موقف حصلوا النهارده و امبارح و سابوني أفكر كتير

امبارح اتأخرت شوية الصبح و كنت حاسس إني مش حاعرف أعوض التأخير بالمشي بسرعة خصوصا مع الزحاليق الموجودة في الشارع من نزول التلج ...المهم قررت أخد تاكسي و خلاص ...وقفت تاكسي و قولتلوا إسم المستشفي ... بعد دقيقة كده بصلي و سألني ..إنت دكتور ؟ رديت باقتضاب أيوه .... سألني دكتور إيه ؟ رديت باستغراب دكتور تخدير ...سواق التاكسي ابتدي يقولي علي أسماء علمية لادوية تخدير .... سألتوا باندهاش و لاول مرة في المحادثة القصيرة جدا بشيء من الأهتمام ... هو أنت دكتور ...قالي لأ كيميائي Biochemist و بيشتغل علي تاكسي علشان يساعد نفسه لحد ما يقدر يشتغل في تخصصه .... علي الحد ده و كنت وصلت المستشفي خلاص تمنيت له كل خير و نزلت من العربية و فضلت طول اليوم متضايق

أولا كنت مستعجل و خلقي ضيق و ما كنش عندي استعداد لتبادل أي حوار (abrupt ) و أتضايقت من نفسي بسبب الحكاية ديه

زاد من الحكاية ديه إني حسيت إنه كان نفسه يقولي إنه كميائي مش سواق و ما أتدتلوش فرصة ...مع إني مقتنع إن أي شغلانة شريفة مدعاة للفخر

ازداد حنقي علي نفسي و أنا قاعد اشتكي إن مشواري طويل علي ما أوصل لاهدافي و غيري بيتحدي صعاب أكبر من كده بكتير

اللهم لا إله إلا أنت سبحانك أستغفرك و أتوب إليك اني كنت من الظالمين

[newcomer]

.. علي الحد ده و كنت وصلت المستشفي خلاص تمنيت له كل خير و نزلت من العربية و فضلت طول اليوم متضايق

اللهم لا إله إلا أنت سبحانك أستغفرك و أتوب إليك اني كنت من الظالمين

خلاص يا دكتور حصل خير

هون على نفسك

المسافة زى ما فهمت قصيرة....ما سمحتش بمحادثة طويلة

و بعدين ..ماعتقدش ان حضرتك ضايقته

يمكن وضعه هو اللى اثر فيك....ربنا ييسر له امره

ما يحصلش حاجة يا دكتور لما نعذر نفسنا ....زى ما بنعذر الناس

احنا بنى ادميين....ساعات لطاف...ساعات متضايقيين

ربنا يعيننا على انفسنا ......

اقول لحضرتك حاجة ....هاتريحك....ادعى للراجل ده..

ربنا يفرج همه و يوسع رزقه و يعينه على ظروفه.....امين

...

[د هشام ابراهيم]

.. علي الحد ده و كنت وصلت المستشفي خلاص تمنيت له كل خير و نزلت من العربية و فضلت طول اليوم متضايق

اللهم لا إله إلا أنت سبحانك أستغفرك و أتوب إليك اني كنت من الظالمين

خلاص يا دكتور حصل خير

هون على نفسك

المسافة زى ما فهمت قصيرة....ما سمحتش بمحادثة طويلة

و بعدين ..ماعتقدش ان حضرتك ضايقته

يمكن وضعه هو اللى اثر فيك....ربنا ييسر له امره

ما يحصلش حاجة يا دكتور لما نعذر نفسنا ....زى ما بنعذر الناس

احنا بنى ادميين....ساعات لطاف...ساعات متضايقيين

ربنا يعيننا على انفسنا ......

اقول لحضرتك حاجة ....هاتريحك....ادعى للراجل ده..

ربنا يفرج همه و يوسع رزقه و يعينه على ظروفه.....امين

...

امين.... امين .....امين

المسافة حوالي ١٠ دقايق مشي لو ما فيش تلج ... مع التلج علشان بامشي بشويش تاخد ربع ساعة أو أكتر .... التاكسي بتاع ٣ دقايق

ربنا يخليكي يا سعادة المنسق العام و كلام حضرتك فعلا خفف عني .... ربنا يصلح لنا جميعا الدين و الدنيا و الأخرة

[د هشام ابراهيم]

الخاطر التاني طبي شويتين ... كنت النهارده في عيادة متابعة الحمل و قابلت كام حالة مثيرة للاهتمام

الأولي مريضة حامل عندها مرض نادر جدا Langerhans cell histiocytosis اللي كان معروف زمان باسم Histiocytosis X ....مرض كنا بنقراه في الكتب و عمري ما شفته قبل كده و جيالي مريضة بيه حامل لاستشارة التخدير في الأختيارات المتاحة ليها سواء ولادة طبيعيي أو عملية قيصرية ....

الثانية مريضة أتولدت بعيب خطير في القلب ...Transposition of the great vessels و عملت ٣ عمليات في القلب أول واحدة و هي عمرها كام ساعة (شانت ) و بعديها بسنة عملية (بلالوك تاوسيج ) و بعديها بسنتين عملية تالتة (راستيللي ) .... و جاية حامل و هي عندها ٢١ سنة علشان استشارة تخدير .... علي حد علمي الحالات ديه ما بتعش في مصر أصلا

الثالثة سيدة حامل عربية مسلمة بس كانت عايشة في فرنسا طول حياتها و ما بتتكلمش عربي كويس و ما عندهاش مرض و لا حاجة بس قلقانة من التخدير فحولوها للاستشارة ...قعدت أشرحلها و أطمنها و أخر الاستشارة طلبت إن طبيبة التخدير يوم العملية تبقى انثي و فعلا رتبت ليها طلبها .... الحكاية في منتهي السلاسة أصلا و يا دوبك مكالمة تليفون لسكرتيرة القسم ما خدتش دقيقة خلصت المهمة

[pharaon]

كام خاطر و موقف حصلوا النهارده و امبارح و سابوني أفكر كتير

امبارح اتأخرت شوية الصبح و كنت حاسس إني مش حاعرف أعوض التأخير بالمشي بسرعة خصوصا مع الزحاليق الموجودة في الشارع من نزول التلج ...المهم قررت أخد تاكسي و خلاص ...وقفت تاكسي و قولتلوا إسم المستشفي ... بعد دقيقة كده بصلي و سألني ..إنت دكتور ؟ رديت باقتضاب أيوه .... سألني دكتور إيه ؟ رديت باستغراب دكتور تخدير ...سواق التاكسي ابتدي يقولي علي أسماء علمية لادوية تخدير .... سألتوا باندهاش و لاول مرة في المحادثة القصيرة جدا بشيء من الأهتمام ... هو أنت دكتور ...قالي لأ كيميائي Biochemist و بيشتغل علي تاكسي علشان يساعد نفسه لحد ما يقدر يشتغل في تخصصه .... علي الحد ده و كنت وصلت المستشفي خلاص تمنيت له كل خير و نزلت من العربية و فضلت طول اليوم متضايق

أولا كنت مستعجل و خلقي ضيق و ما كنش عندي استعداد لتبادل أي حوار (abrupt ) و أتضايقت من نفسي بسبب الحكاية ديه

زاد من الحكاية ديه إني حسيت إنه كان نفسه يقولي إنه كميائي مش سواق و ما أتدتلوش فرصة ...مع إني مقتنع إن أي شغلانة شريفة مدعاة للفخر

ازداد حنقي علي نفسي و أنا قاعد اشتكي إن مشواري طويل علي ما أوصل لاهدافي و غيري بيتحدي صعاب أكبر من كده بكتير

اللهم لا إله إلا أنت سبحانك أستغفرك و أتوب إليك اني كنت من الظالمين

يا دكتور انتا انسان جميل اوى :happy:

متزعلش ولا تضايق نفسك على حاجة مش بايدك اصلا

هونك عليك يا دكتور

هى الدنيا كده

وممكن تكون رسالة من ربنا عشان يهون عليك طريقك فى حياتك

[el faid]

تسجيل متابعة واعجاب بدكتورنا العزيز

موضوعك عن الخدمات الطبية أثارني بشكل كبير خصوصا مع الخدمات المتميزة التي نحضى بها في بلادنا :blink:

أنا لي سيدة قريبتي مقيمة في مونتريال تكلمت معها عالنت وسألتها عن ابنتها التي كانت تبلغ 8 سنين فقالت لي أنها

مريضة وبها حمى شديدة والتهاب في اللوزتين وعندما عرضتها على دكتور رفض أن يمدها بأي دواء بدعوى أن هناك فيروس

في الجو هو السبب في حالتها.

الشيء الدي دفعها الى الإحتجاج وعدم هضم هده المبررات .

أنا قلت لها هو دكتور وعارف أحسن منك في تقييم الحالة. لكن هي ردت الدكاترة في المغرب أحسن على الأقل بيكتبو دوا :happy:

أرجو رأيك با دكتور في هده الحالة .

وتفضل فائق حبي واحترامي :)

[Lunalola]

الاخ العزيز دكتور هشام

تسجيل متابعة واحترام , حضرتك باين عليك شخص طيب الخلق ربنا يكرمك ويوفقك ان شاء الله

انا عملت لاندينج في مارس 2007 وناوية ارجع للاقامة النهائية في ابريل ان شاء الله , محتاجة دعواتكم لاني مقدمة على Master in child study ومستنية الموافقة من جامعة تورونتو ان شاء الله الرد هيكون في فبراير او مارس

[د هشام ابراهيم]

يا دكتور انتا انسان جميل اوى :blush2:

متزعلش ولا تضايق نفسك على حاجة مش بايدك اصلا

هونك عليك يا دكتور

هى الدنيا كده

وممكن تكون رسالة من ربنا عشان يهون عليك طريقك فى حياتك

:rolleyes:

الله يخليك و يكرمك يا أخي الفاضل شاكر حسن ظنك في شخصي الضعيف و ربنا يغفر لنا جميعا

[د هشام ابراهيم]

تسجيل متابعة واعجاب بدكتورنا العزيز :blush2:

موضوعك عن الخدمات الطبية أثارني بشكل كبير خصوصا مع الخدمات المتميزة التي نحضى بها في بلادنا :lol:

أنا لي سيدة قريبتي مقيمة في مونتريال تكلمت معها عالنت وسألتها عن ابنتها التي كانت تبلغ 8 سنين فقالت لي أنها

مريضة وبها حمى شديدة والتهاب في اللوزتين وعندما عرضتها على دكتور رفض أن يمدها بأي دواء بدعوى أن هناك فيروس

في الجو هو السبب في حالتها.

الشيء الدي دفعها الى الإحتجاج وعدم هضم هده المبررات .

أنا قلت لها هو دكتور وعارف أحسن منك في تقييم الحالة. لكن هي ردت الدكاترة في المغرب أحسن على الأقل بيكتبو دوا :blink:

أرجو رأيك با دكتور في هده الحالة .

وتفضل فائق حبي واحترامي :lol:

الله يكرمك يا أخي الفاضل و لك مني أصدق الأمنيات و أخلص المشاعر الطيبة :blink:

تعليقي علي حكاية قريبة حضرتك ديه حيبقى منقوص لاني مش عارف التفاصيل كلها انما مبدأيا كده لو التهاب اللوز سببه فيروس مش بكتيريا (غالبا كده من وصف الحالة ) يبقى الدكتور عنده حق ....المضادات الحيوية ما لهاش لازمة في الحالة ديه (المضادات الحيوية ضد البكتيريا مش الفيروسات ) و استخدامها ضرره أكتر من نفعه مش بس للمريضة ( دواء ما لوش لازمة و أكيد ليه أثار جانبية ) لأ للمجتمع كله ..... سوء استخدام المضادات الحيوية عمال علي بطال عادة شرقية سيئة نتج عنها إن البكتيريا كونت مناعة ضد الادوية و ما بقتش تأثر فيها .... كندا لسه بيستخدموا الأدوية اللي كانت فعالة من سنين في مصر و اضطرينا نبدلها بادوية أقوي و أغلي و أخطر :wub:

اللي مفروض الدكتور إنه عمله إنه كتب أدوية مخفضة للحرارة و معالجة الأثار الجانبية إن وجدت .... احتقان في الانف ...كحة ..إلخ

طبعا الدكاترة في الشرق السعيد لو ما كتبوش مضاد حيوي الابوين لا إما حيروحوا لدكتور تاني لان ده ما بيفهمش لا إما حيروحوا لاقرب صيدلية و يخلو الصيدلاني يصرف لهم دوا علي مزاجهم .... ده فولكلور يا باشا :rolleyes:

علشان برضه أقول الحقيقة كلها .... في أوساكا اليابان ٢٠٠١ جالي لوز برضه ( تخيل ) و لما رحت للدكتور برضه ما كتبليش مضاد حيوي و كنت مستغرب جدا .... ديه كانت أول تعامل لي مع الثقافة الغربية الطبية .... رحلاتي قبل كده كانت كلها سياحة و فسحة و ما أحتجتش اتعامل مع الوسط الطبي

أخر نقطة إن لو الألتهاب الفيروسي قلب بكتيري (ممكن يحصل) ساعتها ييجي دور المضادات الحيوية

أطيب التمنيات بالصحة و السعادة للجميع

[د هشام ابراهيم]

الاخ العزيز دكتور هشام

تسجيل متابعة واحترام , حضرتك باين عليك شخص طيب الخلق ربنا يكرمك ويوفقك ان شاء الله

انا عملت لاندينج في مارس 2007 وناوية ارجع للاقامة النهائية في ابريل ان شاء الله , محتاجة دعواتكم لاني مقدمة على Master in child study ومستنية الموافقة من جامعة تورونتو ان شاء الله الرد هيكون في فبراير او مارس

الله يخلي حضرتك يا سيدتي الفاضلة و جزيل الشكر لمديحك الكريم

ربنا يوفق حضرتك إن شاء الله و تحصلي علي ال-PhD كمان من جامعة تورنتو :rolleyes: (ترتيبها ٢٤ علي العالم )