قصتي مع كندا

[ايهاب سالم]

....و لو اتربى ع الصح فى بيئة منيلة يبقى فى احتمال كبير يطلع كويس..بس هيصطدم بالبيئة فيا اما يسايرها عشان عرف يعيش ،يا يعيش فى فى صدام معاها لحد ما يجنن و يعمل جريمة يا تجيلوه ذبحة..يا اما يسبها و يهج....و ده اللى انا اعتقد انك تقصده....بس هل ده ينفع حل لكل ابناء A ؟؟...ما اعتقدش ...بس اللى انا اقصده هو بقى فى حالة لما يتربى ع الغلط فى بيئة غلط......دول بقى اللى انا قصدى عليهم ...

كلام سليم يا أ/ شهاب

أنا رأيي إنه مفيش فايده و إنه يا سكته قلبيه يا إكتئاب يا جنان يا يهج و يهاجر

[somayasaleh]

ما شاء الله ما شاء الله .... :) . مقابلة الوزير مرة واحدة......الله واكبر :ninja:

الف الف مبروك يا دكتور هشام....حضرتك تستحقها وزيادة.....كفاية ذوق حضرتك ومساعدتك لكل الاعضاء

الف مبروك مرة تانية :happy: :happy:

[dcfarouk]

السلام عليكم

هذا ملخص مبسط للمجهود الجبار الذي قام به الدكتور هشام في توفير معلومات عن الهجره والعمل في كندا كطبيب وهي تجربه مبهره ومفيده

واتمني من الله ان يجعلها في ميزان حسناته

ولاتنسوني من دعائكم د.احمد فاروق

dr.hesham_in_canda_as_a_doctor.doc

تم تعديل 17 مارس 2009 بواسطة dcfarouk

[dcfarouk]

اكرر شكري للدكتور هشام علي ردوده الجميله ومجهوده الجبار

انا بجد لما فتحت الموضوع قعدت اقراه ليل نهار

وانا لخصت الحجات اللي تخص العمل كطبيب ولنا ملخص اخر من قصه الدكتور هشام من خصوص الحياه في كندا من التنقلات والاسعار والشقق وسوف اقوم بترتيبها ونشرها باذن الله

تم تعديل 17 مارس 2009 بواسطة dcfarouk

[د هشام ابراهيم]

يا باشا الكلام ده كتير اوى عليا ...ده بس من ذوقك....و فعلاً موضوع المنتديات ده بجد ...انا ما كنتش واخد بالى ...لأنى ما كنتش بادخل غير المنتدى اياه...بس لما جيت هنا فهمت اللعبة ..و تأكدت ان عمرنا ما هنتغير ..او ع الاقل قدمنا وقت طويل جداً...خاصة و ان generation X,Y و Z كمان ما منهمش رجا...هما اتربوا ع كده....ربنا يسهل و يكرم ب Gen A يظبط الاداء ...و ولو انى مش عارف هيجى منين و اجداده هما X,Y مع كامل احترامى للكويس منهم....و بمناسبة الكباب فليك عندى يا باشا عزومة ع ربع كباب و تمن رومى اول ماتنزل مصر و لا اقولك بلاش احسن خليها لما اجيلك انا كنكة...و الا اقولك بلاش موضوع كنكة ده صعب برده...احنا نتقابل فى منطقة محايدة فى نص المحيط.... :blink:

:lol:

إنت تستحق أكتر من كده كمان يا باشا ...... بس بلاش نص المحيط ديه :P

و عندك حق في كل كلمة قلتها ..... سعيد بالحوار بينك و بين إيهاب باشا ....يا أفندم ديه قهوة ..... البيت بيتك .... منكم و بكم (وش عضو في الأتحاد الأشتراكي )

لا بجد مرورك و حوارك بيسعدني يا صديقي العزيز :rolleyes: :ph34r:

[د هشام ابراهيم]

كلام سليم يا أ/ شهاب

أنا رأيي إنه مفيش فايده و إنه يا سكته قلبيه يا إكتئاب يا جنان يا يهج و يهاجر

إنت بتقول فيها يا كنج الديفينس :ph34r:

أنا قبل ما أجي كندا رحت لدكتورة قلب علشان ضغطي علي و نبضات قلبي بقيت غير منتظمة و الدكتورة نصحتني أغير أسلوب حياتي لا أموت ..... أظن ما فيش تغيير أكتر من الهجرة :rolleyes:

[د هشام ابراهيم]

ما شاء الله ما شاء الله .... :rolleyes: . مقابلة الوزير مرة واحدة......الله واكبر :winner:

الف الف مبروك يا دكتور هشام....حضرتك تستحقها وزيادة.....كفاية ذوق حضرتك ومساعدتك لكل الاعضاء

الف مبروك مرة تانية :lol: :lol:

الله يبارك في حضرتك يا أفندم ...كلك ذوق ... تحياتي لحضرتك و أسرتك الكريمة wst::

[د هشام ابراهيم]

السلام عليكم

هذا ملخص مبسط للمجهود الجبار الذي قام به الدكتور هشام في توفير معلومات عن الهجره والعمل في كندا كطبيب وهي تجربه مبهره ومفيده

واتمني من الله ان يجعلها في ميزان حسناته

ولاتنسوني من دعائكم د.احمد فاروق

dr.hesham_in_canda_as_a_doctor.doc

بجد مش عارف أشكرك ازاي .... لساني فعلا عاجز عن إيجاد كلمات مناسبة ...أقولك .... حادعيلك بالدعاء اللي بادعي بيه لنفسي و أحبائي المقربين اللهم أصلح للدكتور أحمد الدين و الدنيا و الأخرة ....اللهم ارزقه من حيث لا يحتسب و أرضه و أرضي عنه و أدخله فسيح جناتك ...... قول آمين :lol:

استأذنك أحط المشاركة بتاعتك في توقيعي علشان نسهل علي الناس :rolleyes: :lol:

[CanadianPR]

4.كنت كمان عاوز اخد رايك ايه رايك في البرتا من ناحيه الاسعار في السكن والدراسه

ادمونتون ارخص بكتير من كلجارى

اعزب ادمونتون $650 كلجارى $900

اسره ادمونتون $2000 كلجارى $3000

كالجرى زي فانكوفر ادمنتون زى وينيبيج و ساسكاتوون

[د هشام ابراهيم]

اكرر شكري للدكتور هشام علي ردوده الجميله ومجهوده الجبار

انا بجد لما فتحت الموضوع قعدت اقراه ليل نهار

وانا لخصت الحجات اللي تخص العمل كطبيب ولنا ملخص اخر من قصه الدكتور هشام من خصوص الحياه في كندا من التنقلات والاسعار والشقق وسوف اقوم بترتيبها ونشرها باذن الله

روح يا شيخ ربنا يكرمك و يسعدك زاي ما أسعدتني كده بذوقك و أدبك :rolleyes: :lol:

[د هشام ابراهيم]

4.كنت كمان عاوز اخد رايك ايه رايك في البرتا من ناحيه الاسعار في السكن والدراسه

ادمونتون ارخص بكتير من كلجارى

اعزب ادمونتون $650 كلجارى $900

اسره ادمونتون $2000 كلجارى $3000

كالجرى زي فانكوفر ادمنتون زى وينيبيج و ساسكاتوون

ألف شكر يا سيدي الفاضل ..... في انتظار المزيد من حضرتك إن شاء الله :rolleyes: :lol:

[د هشام ابراهيم]

مشاركة صغيرة علي الماشي ....

بالامس كنت أحضر حلقة مناقشة بعد لستة العمليات ...نشاط قسم التخدير في المستشفي اللي شغال فيها دلوقتي بيضم محاضرة يومية صباحا قبل العمليات .... لقاء أسبوعي يوم الجمعة الصبح Grand round .... لقاء أسبوعي يوم الاتنين بعد الظهر غالبا journal club .... لقاء أسبوعي يوم الأربعاء بعد الظهر خاص بالاحصا و epidemiology .... غير طبعا مؤتمر علمي سنوي .... ده غير أنشطة بقية المستشفيات و قسم التخدير في الجامعة إلخ إلخ ...ما علينا

امبارح كنا بنناقش بحث نرويجي منشور في مجلة علمية أمريكية :rolleyes: .... الحضور كانوا من مصر (:lol:) ..البرازيل ... كوريا ..الولايات المتحدة ...الصين ....الهند ...اليابان .... باكستان ...سريلانكا ...صربيا .... تشيلي و طبعا كندا ... أنا خدت بالي من التنوع ده و الدكتورة اليابانية كانت بتلقي البريسنتاشين بتاعها ....الاخوة اليابانيين الأنجليزي بتاعهم عجب ...فلسه بقول لنفسي بقية الحضور يمكن يبقوا متضايقين من اللكنة بابص حوالي لقيت ما فيش حد قاعد ما لوش لكنة مختلفة عن التاني ...بس الكل موجود و الكل بيتابع و ما حدش أصلا شكله بيفكر في الحكاية ديه .... هي ديه كندا .... تورنتو بالذات المستشفي ... المولات ....الشوارع حتي الجامع ....تحس انك في قاعة للامم المتحدة :lol:

[icehearted girl]

i think most of postgraduates r not interested in these theoritical meetings...

[Shehab]

:lol:

إنت تستحق أكتر من كده كمان يا باشا ...... بس بلاش نص المحيط ديه :)

و عندك حق في كل كلمة قلتها ..... سعيد بالحوار بينك و بين إيهاب باشا ....يا أفندم ديه قهوة ..... البيت بيتك .... منكم و بكم (وش عضو في الأتحاد الأشتراكي )

لا بجد مرورك و حوارك بيسعدني يا صديقي العزيز :roseop:

ده بس من ذوقك يا دكتورنا.....و بلاها نص المحيط ...خليها علينا...و يبقى فى ربع المحيط من ناحيتك :sad:

و بعدين برده كونها قهوة ما يمنعش ان احنا ناخد الأذن من المعلم الكبير

[Shehab]

....و لو اتربى ع الصح فى بيئة منيلة يبقى فى احتمال كبير يطلع كويس..بس هيصطدم بالبيئة فيا اما يسايرها عشان عرف يعيش ،يا يعيش فى فى صدام معاها لحد ما يجنن و يعمل جريمة يا تجيلوه ذبحة..يا اما يسبها و يهج....و ده اللى انا اعتقد انك تقصده....بس هل ده ينفع حل لكل ابناء A ؟؟...ما اعتقدش ...بس اللى انا اقصده هو بقى فى حالة لما يتربى ع الغلط فى بيئة غلط......دول بقى اللى انا قصدى عليهم ...

كلام سليم يا أ/ شهاب

أنا رأيي إنه مفيش فايده و إنه يا سكته قلبيه يا إكتئاب يا جنان يا يهج و يهاجر

أ/؟؟....فين ده ؟؟؟....أنا ؟؟؟....ده ليه الكلام الكبير ده يا هندسة ده انا كنت لسه ناوى حتى اسألك ع اللازنيا ...تقوم تكتب لى أ و بتاع و الكلام الغريب ده ...ما علينا

انا زي حضرتك شايف برده انه ما فيش فايدة ...حتى لو كان فيه مش هالحق اشوفها...بس برده ساعات بسأل نفسى السؤال العقيم أياه....هل الحل ان كله يخلع؟؟ ...مش عارف!!...طيب و اللى مايقدرش يخلع لأى سبب او ظروف تخصه ...يعمل أيه ؟؟...يولع فى نفسه؟؟.....معلش أنا قولت أسألك السؤال ده بما أنك اكتر خبرة منى...و نفذت الحل ده...يمكن يكون عندك أجابة مقنعة ليه!

أستكمالاً للرغى و العجن بتاعى ..بنتك امورة اوى ر بنا يخليهالك..و تفرح بيها....لولا اسعار العقارات فى كندا و انا المهر بالدولار....ما كنتش اترددت ابداً!!!

[د هشام ابراهيم]

i think most of postgraduates r not interested in these theoritical meetings...

في مصر طبعا لكن في كندا لازم يهتموا لاسباب كتير قوي

- ثقافة المجتمع الطبي كله كده .... لو بعدتي حتخسري كتير مهنيا و اجتماعيا

- العلوم الطبية بتتغير بسرعة جدا ....لو ما لاحقتيش التطور مش حينفع تكملي في كندا و تواجهك مشاكل كتير علي المستوي المهني و حتي القانوني

- الكلية الملكية بتحدد ساعات كل سنة مخصصة للتعليم الطبي المستمر CME= Continuous Medical Education

لو الطبيب ما حققش الساعات ديه بيعرض نفسه لمشاكل مع الكلية

- الطلبة و النواب حيموتوا علي العلم و لما بيسألوا ما ينفعش تقولي ليهم هي كده و لا كانت كده من كام سنة

- أي مناقشة علمية مع زملائك أو رؤسائك الحكم هو الدليل العلمي .... Evidence based medicine

- أخيرا و ليس أخرا المشكلة بقيت دلوقتي مش الحصول علي المعلومة ...المشكلة نقد المعلومة و معرفة الغث من السمين و ديه يمكن أكتر حاجة أنا استفدتها شخصيا من العمل في كندا ..critical appraisal

[د هشام ابراهيم]

ده بس من ذوقك يا دكتورنا.....و بلاها نص المحيط ...خليها علينا...و يبقى فى ربع المحيط من ناحيتك

و بعدين برده كونها قهوة ما يمنعش ان احنا ناخد الأذن من المعلم الكبير

يا باشا خد راحتك ..... الأصدقاء ليهم منزلة خاصة طبعا .... حتي لو مش معدنيين

ربنا يصلح لك الأمر كله يا صديقي العزيز

[AL MUHAGER]

تسجيل إعجاب وإحترام ومتابعة لكبير اطباء كندا دكتور هشام

[precanadian]

مشاركة صغيرة علي الماشي ....

بالامس كنت أحضر حلقة مناقشة بعد لستة العمليات ...نشاط قسم التخدير في المستشفي اللي شغال فيها دلوقتي بيضم محاضرة يومية صباحا قبل العمليات .... لقاء أسبوعي يوم الجمعة الصبح Grand round .... لقاء أسبوعي يوم الاتنين بعد الظهر غالبا journal club .... لقاء أسبوعي يوم الأربعاء بعد الظهر خاص بالاحصا و epidemiology .... غير طبعا مؤتمر علمي سنوي .... ده غير أنشطة بقية المستشفيات و قسم التخدير في الجامعة إلخ إلخ ...ما علينا

:unsure:

دكتورنا العزيز هشام

حضرتك قضيت 7 سنوات undergraduate وزيهم post graduate في اكبر جامعه مصريه والان انت في اكبر جامعه كنديه .هل توافقني ان الكليه الملكيه ليها حق في التشديد لاعطاء فرص ل IMG للعمل في كندا نتيجه الاختلاف الكبير في طرق التدريب الطبي ولا هما مزودينها والفرق بيننا وبينهم مش كبير مع الاخذ في الاعتبار ان حضرتك univerity staff trainee مش MOH trainee ولكم تحياتي

[د هشام ابراهيم]

تسجيل إعجاب وإحترام ومتابعة لكبير اطباء كندا دكتور هشام

الله يخلي حضرتك يا سيدي الفاضل جزيل الشكر علي كريم مديحك في شخصي الضعيف ..... عاش من شاف حضرتك .... لعل كل الأمور تبقى بخير :unsure: :happy: