قصتي مع كندا

[الدكتور المصرى]

أخى الدكتور هشام ... السلام عليكم

أنا دى أول مشاركة ليا فى المنتدى ,,, و أنا اشتركت علشان أشكرك على المجهود الجبار اللى انته بتعمله ,,, ومش هتصدق لو ألتلك انى أريت ال 89 صفحة دول كلهم مرة واحدة

وألف مبروك على النيابة (ولو إنها متأخرة شوية) وطمنا عملت إيه مع وزير الصحة الكندى ,,, وربنا يكرمك ويوفقك فى شغلك الجديد

أنا دكتور والحمد لله جتلى الهجرة ,,, بس لسه ما عملتش اللاندنج ,,, ورايا شوية حاجات لازم أخلصها فى السعودية الأول

أنا بس عندى سؤالين ليك

1- انا فى حاجة مزعلانى من موضوع النيابات فى كندا ,,, وهى موضوع ال Return of Service ,, أنا حاسس إن فيه ظلم وتفرقة ,,, يا إما يطبأوه على الكل (الدكتور الكندى و الدكتور الأجنبى) يا إما بلاش منه خالص ,,, وال Return of Service للمش عارف هوا إيه .. هو انك بعد ما تخلص نيابتك فى كندا لازم تشتغل فى منطقة ما فيهاش دكاترة كتير (بالبلدى زى عندنا فى مصر تخدم فى مناطق ناأية) لمدة توازى عدد سنين النيابة بحد أقصى 3 سنوات (على حد علمى ده الوضع فى أنتاريو) يا إما تدفع غرامة كبيرة تصل إلى أكثر من 100.000 دولار ... والمناطق دي غالبا ما بتكون فى مناطق الصقيع الشمالية اللى أصلا عدد سكانها قليل

سؤالى هو : انتا فعلا مضيت عقد ال Return of Service مع عقد النيابة ... ويا ريت تكلمنا شوية بخبرتك عن الموضوع ده ... خاصة انى سامع إن كثير من الأطباء الأجانب معترضين عليه

2- انت قلت ان كان معاك 5 مصريين فى الكورس ... ياريت لو تقلنا بختصار الطريق اللى هما مشيو فيه لحد ما وصلول للنيابة (طبعا لو كنت عارف) و تخصصاتهم إيه.

وشكر تانى عل مجهودك الرائع ... ومستنى ردك

تم تعديل 30 مارس 2009 بواسطة الدكتور المصرى

[د هشام ابراهيم]

أخى الدكتور هشام ... السلام عليكم

أنا دى أول مشاركة ليا فى المنتدى ,,, و أنا اشتركت علشان أشكرك على المجهود الجبار اللى انته بتعمله ,,, ومش هتصدق لو ألتلك انى أريت ال 89 صفحة دول كلهم مرة واحدة

وألف مبروك على النيابة (ولو إنها متأخرة شوية) وطمنا عملت إيه مع وزير الصحة الكندى ,,, وربنا يكرمك ويوفقك فى شغلك الجديد

أنا دكتور والحمد لله جتلى الهجرة ,,, بس لسه ما عملتش اللاندنج ,,, ورايا شوية حاجات لازم أخلصها فى السعودية الأول

أنا بس عندى سؤالين ليك

................

وشكر تانى عل مجهودك الرائع ... ومستنى ردك

و عليكم السلام و رحمة الله و بركاته

العفو يا دكتور .... الله يبارك في حضرتك و ألف شكر علي الدعاء و كريم المديح .....ربنا يوفق حضرتك إن شاء الله و اسمحلي أرد علي أسئلتك في المداخلة التالية

[د هشام ابراهيم]

1- انا فى حاجة مزعلانى من موضوع النيابات فى كندا ,,, وهى موضوع ال Return of Service ,, أنا حاسس إن فيه ظلم وتفرقة ,,, يا إما يطبأوه على الكل (الدكتور الكندى و الدكتور الأجنبى) يا إما بلاش منه خالص ,,, وال Return of Service للمش عارف هوا إيه .. هو انك بعد ما تخلص نيابتك فى كندا لازم تشتغل فى منطقة ما فيهاش دكاترة كتير (بالبلدى زى عندنا فى مصر تخدم فى مناطق ناأية) لمدة توازى عدد سنين النيابة بحد أقصى 3 سنوات (على حد علمى ده الوضع فى أنتاريو) يا إما تدفع غرامة كبيرة تصل إلى أكثر من 100.000 دولار ... والمناطق دي غالبا ما بتكون فى مناطق الصقيع الشمالية اللى أصلا عدد سكانها قليل

سؤالى هو : انتا فعلا مضيت عقد ال Return of Service مع عقد النيابة ... ويا ريت تكلمنا شوية بخبرتك عن الموضوع ده ... خاصة انى سامع إن كثير من الأطباء الأجانب معترضين عليه

عندك حق .... عقد ال-ROS ده عليه كلام كتير و فيه فعلا قضايا مرفوعة علشان تلغيه ..... الفكرة كلها إن وزارة الصحة بتدفع مصاريف تدريب و مرتبات الأطباء المغتربين طوال مدة نيابتهم (ما بين سنة و ٥ سنوات حسب النيابة ) ....

الأطباء الكنديين بيدفعوا مبالغ طائلة للجامعات طوال سنين دراستهم لغاية ما يتخرجوا فلما بيستلموا النيابة بتبقى مصاريفهم أكنهم دافعينها مقدما

برغم كده الحكاية ديه برضه فيها شبهة تفرقة (من وجهة نظر الخريج الكندي هي عادلة ) و ده محور القضايا اللي مرفوعة و يا عالم إيه اللي حيحصل

أنا لسه ما ماضتش العقد بس حامضيه إن شاء الله لاني الصراحة ما عنديش مشكلة اني أطلع بره تورونتو بالعكس رغم حبي ليها لكن أفضل اني انقل لمدينة أهدي و مناسبة أكتر لتربية أطفال

لو أخصائي مش family medicine فرصة ان ينتهي بيك الحال في المناطق الشمالية قليل جدا إن لم يكن منعدم ..... كل الاخصائيين اللي أعرفهم انتهي بيهم الحال علي بعد ساعتين ل-٣ ساعات سواقة من تورونتو .....كتشنر ، جويلف ، كامبريدج ، أورانجفيل ...... المناطق ديه فيها نقص في عدد الدكاترة برضه و وزارة الصحة بتوافق علي انها تعتبرها underserved

في حالة ال family medicine الموضوع مختلف لان كل اللي محتاجينه عيادة مش مطلوب مستشفي أو تجهيزات فممكن ينتهي بيك الحال أبعد من دائرة الأخصائيين

لو مش عايز تروح المناطق ديه قدامك حاجة من اتنين

- تدفع لوزارة الصحة مصاريف تدريبك و مرتبك .... حوالي ١٠٠ ألف دولار عن السنة الواحدة ( يعني ٥٠٠ ألف دولار لو النيابة ٥ سنين ) و ديه حصلت .... أقربها دكتور عظم من روسيا ...قضي سنتين نيابة و دفع غرامة ٢٠٠ ألف دولار و بيشتغل في قلب تورنتو .... طبعا هو كان عنده فعلا عرض عمل في مستشفي في تورونتو فكان سهل ياخد قرض سدد بيه الغرامة

- تثبت لوزارة الصحة انك لازم تروح المكان الفلاني لان أسرتك هناك أو مرتبطين بالمكان لوجود دور عبادة أو خدمات ثقافية أو تجمع إثني إلخ طبعا مع وجود نقص لتخصصك في المكان ده ....

الملخص رغم إن ال ROS فيه شبهة تفرقة لكن الحقيقة فيه جانب مشرق و مش لازم ينتهي بيك الحال بعيد قوي عن تورنتو في الاخر

2- انت قلت ان كان معاك 5 مصريين فى الكورس ... ياريت لو تقلنا بختصار الطريق اللى هما مشيو فيه لحد ما وصلول للنيابة (طبعا لو كنت عارف) و تخصصاتهم إيه.

اللي حضروا كانوا ٥ مصريين بيا

١ - العبد لله ..... تخدير .... القصر العيني..... fellow ٣ سنين في تورونتو بعد ٨ سنين ممارسة في مصر

٢ - ش ......باطنة .....طب الأسكندرية ..... fellow سنة و نصف في تورنتو بعد ١٧ سنة ممارسة في مصر و عمان ....

٣ - ف .....عظم ..... طب الأسكندرية ..... fellow ٦ شهور في تورنتو بعد ٧ سنين ممارسة في مصر و فرنسا

٤- م ....نفسية ....طب طنطا ..... ما فيش خبرة كندية ..... ١٠ سنين ممارسة في مصر و الكويت

٥- ن ....نفسية ....قصر العيني ..... ٦ شهور fellow في تورونتو بعد ٢١ سنة ممارسة في مصر و الكويت

دول المصريين يا باشا .... بقية قصص الغير مصريين مشابهة برضه

[د هشام ابراهيم]

في لقائه مع الأطباء المغتربين وزير صحة أونتاريو يعرب عن تقديره لكفاح و تضحيات الأطباء المهاجرين و يؤكد علي حاجة أونتاريو لمزيد من الأطباء الأجانب

تسجيل للقاء سريع مع محطة محلية ....وشي منور زيادة عن اللزوم :)

دردشة ودية مع جمع من الأطباء المقبولين في برامج النيابة في عدة مستويات

تقولوش زمل دفعة واحدة مثلا :lol:

:

[ناوية ع الهجرة]

ماشاء الله والله يادكتور هشام انت مثال للطبيب المصري الناجح clp:: :)

ودائما بتديني امل في الحياة ربنا يوفقك وللامام دائما bv:-

وعقبال كل الاطباء اللي في المنتدى ما يتصوروا مع وزير الصحة الكندي :lol:

[medopharm]

ماشاء الله

ربنا يكرمك ويوفقك

ودايما مشرفنا يارب

وتقبل تحباتى

[SoSo R]

ألف مبروك يا دكتور هشام..

أرجو إنك تكون أستمتعت فى لقائك مع وزير الصحة

بالتوفيق و إلى الأمام دائما

تحياتى

سوسورانى

[Spanish Eyes]

ماشاء الله يا دكتور هشام والله انت تشرف اي مصري منها الى الأمام انشاءالله ودايما كدة مفرحنا باخبارك المشرفه ، وشك منور وزي القمر كمان بس مش عارفه حاسه ان سيادة الوزير وشه لونه احمر زيادة شوية ليكون عنده حساسية مفيش حد يديلوة دوا حساسيه يا عيني يا سيادة الوزير مستخسرين فيك حبة زيرتك ولا كلاريتين :lol:

[bent misr]

:lol: :)

ماشاء الله يا دكتورنا والله شكلك كده هترفع راسنا

في كندا الحبيبه :D

مش عارفه حاسيت كده ان وزير الصحه حاطط عينه عليك clp::

يللا شد حيلك و امسك منصب حلو علبال ما نيجي

ان شاء الله -_- أهو برضوا يبقلنا ظهر هناك bv:-

حلوة جدا الصور يا دكتور هشام ;)

[Shehab]

في لقائه مع الأطباء المغتربين وزير صحة أونتاريو يعرب عن تقديره لكفاح و تضحيات الأطباء المهاجرين و يؤكد علي حاجة أونتاريو لمزيد من الأطباء الأجانب

تسجيل للقاء سريع مع محطة محلية ....وشي منور زيادة عن اللزوم :lol:

:

يا قلقك يا انترفيوهاتك يا كندا

منور الصور يا دكترة و الى الأمام دائماً

بس هو مين الوزير؟؟؟....ما تقوليش أنه الراجل الصحة ده اللى مش معلق بتاعة ع صدره

اصل مش معقول كله معلق نمر و هو لأ...ده حتة عيب كده

[moheltohamy]

يا لعبك يا هشام يا معلمة :sad: Moviestar يا اخواتي؟!

والواد مسك المقص... محروس مسك المقص! :lol:

بذمتك كنت تحلم تتصوّر جمب رئيس القسم أيّام القصر العيني؟! :ninja:

ما خدتش نمرة تليفونه في الخباسة كده؟! تظبيط مصالح يعني wst::

[moheltohamy]

مش عارفه حاسيت كده ان وزير الصحه حاطط عينه عليك :lol:

جبتش انا حاجة من عندي؟! :sad:

آهو أنا في السعودية آهوه ، ومش معاك في الصورة...

واحدة تقوللك حاطط عينه عليك ، والتانية تقوللك Is it a special occasion؟ wst::

براءة أنا كده :ninja:

[Mido]

الف مبروك و دعاء لك من القلب بالتوفيق و لكل المغتربين

تم تعديل 31 مارس 2009 بواسطة Mido

[Balooshy]

حاجه تفرح والله يا د/هشام .. ربنا يزيدك كمان و كمان .

[الدكتور المصرى]

فعلا الواحد سعيد ليك من كل قلبه ... علشان انت راجل محترم ... وبتحب تخدم الناس ... عكس المصريين اللى شفتهم فى الخليج خالص ...

وشكرا على موضوع إنك لو أخصائى مش هتروح بعيد عن ترونتو فى ال ROS... مكنتش عارف الحكاية دى

وربنا يزيدك كمان و كمان

[د هشام ابراهيم]

ماشاء الله والله يادكتور هشام انت مثال للطبيب المصري الناجح clp:: :winner:

ودائما بتديني امل في الحياة ربنا يوفقك وللامام دائما bv:-

وعقبال كل الاطباء اللي في المنتدى ما يتصوروا مع وزير الصحة الكندي :rolleyes:

آمين يا رب .... و يحقق اماني الجميع بفضله و كرمه ...... بس أنا متصور مع وزير صحة أونتاريو مش كندا احنا علي قدنا يا باشا :)

الله يكرمك و يخليكي يا أفندم شاكر لحضرتك ذوقك و مجاملتك :P

[د هشام ابراهيم]

ماشاء الله

ربنا يكرمك ويوفقك

ودايما مشرفنا يارب

وتقبل تحباتى

ألف مبروك يا دكتور هشام..

أرجو إنك تكون أستمتعت فى لقائك مع وزير الصحة

بالتوفيق و إلى الأمام دائما

تحياتى

سوسورانى

الأعزاء الافاضل جزيل الامتنان و العرفان

ألف شكر علي دعواتكم الكريمة :rolleyes: :P

[د هشام ابراهيم]

ماشاء الله يا دكتور هشام والله انت تشرف اي مصري منها الى الأمام انشاءالله ودايما كدة مفرحنا باخبارك المشرفه ، وشك منور وزي القمر كمان بس مش عارفه حاسه ان سيادة الوزير وشه لونه احمر زيادة شوية ليكون عنده حساسية مفيش حد يديلوة دوا حساسيه يا عيني يا سيادة الوزير مستخسرين فيك حبة زيرتك ولا كلاريتين

يا أفندم الله يخليكي و يكرمك دايما أسراني بذوقك و أدبك ..جزاك الله كل خير :wub: :D

الأخ الوزير يا عيني كل شوية يحطوه تحت سبوتات التصوير و هاتك يا أحاديث لما الراجل أذرد زاي ما حضرتك شايفة كده ....أنا عايز أقولك إن الكلمتين اللي علي ميه بيضة اللي كلتهم خدوا بتاع ٥ دقايق بس فعلا ما كنتش طايق النور و السخونة ..... افتكرت لما الأخوة الفنانين يقعدوا يقولوا بنتعب و مش عارف إيه wst::

[د هشام ابراهيم]

wst::

ماشاء الله يا دكتورنا والله شكلك كده هترفع راسنا

في كندا الحبيبه :D

مش عارفه حاسيت كده ان وزير الصحه حاطط عينه عليك smk:

يللا شد حيلك و امسك منصب حلو علبال ما نيجي

ان شاء الله -_- أهو برضوا يبقلنا ظهر هناك bv:-

حلوة جدا الصور يا دكتور هشام ;)

يا باشا الله يكرمك ....سعيد جدا بمشاعركم و كلماتكم الكريمة :wub: :D

الحقيقة يا باشا احنا نخدم طبعا بس الوزير ما بيبقاش دكتور أصلا .... لا وزير الصحة دكتور و لا وزير الدفاع عسكري و لا وزير الداخلية من الشرطة .... أوروبا و الدول المتقدمة اللي بتحط طحينة علي الكباب و الكفتة زاي كندا شايفين إن منصب وزير منصب اداري مش تقني و عليه لازم الموظف العام اللي بدرجة وزير يبقى دارس سياسة و أدارة و ليه خبرة فيهم ....ناس غريبة :)

[د هشام ابراهيم]

يا قلقك يا انترفيوهاتك يا كندا

منور الصور يا دكترة و الى الأمام دائماً

بس هو مين الوزير؟؟؟....ما تقوليش أنه الراجل الصحة ده اللى مش معلق بتاعة ع صدره

اصل مش معقول كله معلق نمر و هو لأ...ده حتة عيب كده

هو أنا لحقت أقلق أصلا هما ٥ دقايق من الاول و الأخر و دمتم :wub:

ربنا يخليك لي يا صديقي العزيز ....أينعم يا أفندم هو الوزير .... متهيألي مش حاطت بادج علشان إسمه معروف حبتين و سهل يتنطق بالنسبة للاخوة الكنادوة .... الحقيقة باقعد أضحك لما بيحاولوا ينطقوا اسامي عربي و كردي و هندي و صيني و لاتيني و صربي و اذربيجاني إلخ الخ ..... لأ و يفضلوا يكرروا في النطق علشان يحاولوا يجيبوه صح ... wst::