قصتي مع كندا

[AL MUHAGER]

السلام عليكم ورحمة الله وبركاته

شكرا لك يل د هشام على الموضوع القييم

الف شكر على المجهود الطيب ولمعلومات

بخصوص موضوع المعادلة.. هل يلزم اجتياز اختبار لتقييم اللغة ( زى ايليتس مثلا) حتى تكون موهلا لدخول المعادلة (انا كميائى)

بضم سؤالي لسؤاله وفي انتظار ردك يا دكتور هشام هل لابد للاطباء من اجتياز اي اختبارات لغة ولا يكفي اثبات ان الدراسة كانت باللغة الانجليزية وشكرا لمساهماتك الجميلة و المفيدة

[qenawy]

ما فيش امتحان لغة وارجعوا لموضوع د اسكندرية تاني بتاعالمعادلة

[ابن الصعيد]

تسجيل اعجاب ومتابعة

سؤال بسيط

اسهل ثلاث مقاطعات لنيابة طب اسرة بكندا بعد mccee

وشكرا

[hazemtara]

صحيح انا مش طبيب

لكن بافكر اغير الكاريير

تسجيل متابعه في الصف الاول

حبيبى جارى البحث عنك فى كل مكان فينك يا راجل يا عمى مش تنسانا من صورك الجميلة :unsure:

أنا موجود أهو يا حازم

أنا بس مشغول بأجهز لموضوعي الجديد اللي هأكتسح بيه موضوعات دكاترتنا الكبار الشامي و التهامي و هشام

طايحين في المنتدى زي ما يكون مفيهوش مهندسين

ترقب "كندا التي أعيشها"

قريبا في الأسواق

منتظرينك يا باشا لا تتأخر علينا

[تامر احمد]

ما فيش امتحان لغة وارجعوا لموضوع د اسكندرية تاني بتاعالمعادلة

طيب... تقصد يا د قناوى ما فيش امتحان لغة فى معادلة الاطباء.. ولا بردو الكيميائيين فى جامعات كيبك الفرنسية

اصل الحقيقة الموضوع دا مهم اوى عشان ابرمج مخى على الاولويات

[تامر احمد]

ما فيش امتحان لغة وارجعوا لموضوع د اسكندرية تاني بتاعالمعادلة

طيب... تقصد يا د قناوى ما فيش امتحان لغة فى معادلة الاطباء.. ولا بردو الكيميائيين فى جامعات كيبك الفرنسية

اصل الحقيقة الموضوع دا مهم اوى عشان ابرمج مخى على الاولويات

[qenawy]

ما اعرفش يا تامر بخصوص كيبك اسال جادوللي او تورنتو

[تامر احمد]

ما اعرفش يا تامر بخصوص كيبك اسال جادوللي او تورنتو

ماهمش عارفين

[Torontotruk]

ما فيش امتحان لغة وارجعوا لموضوع د اسكندرية تاني بتاعالمعادلة

طيب... تقصد يا د قناوى ما فيش امتحان لغة فى معادلة الاطباء.. ولا بردو الكيميائيين فى جامعات كيبك الفرنسية

اصل الحقيقة الموضوع دا مهم اوى عشان ابرمج مخى على الاولويات

بعد ما بتعمل اللايكيفالنس بيتعمل اختبار في اللغة..اى حاجة الدولة بتدفعلك فلوس فيها لازم يسبقها امتحان في اللغة الفرنسية..

[Torontotruk]

ما فيش امتحان لغة وارجعوا لموضوع د اسكندرية تاني بتاعالمعادلة

طيب... تقصد يا د قناوى ما فيش امتحان لغة فى معادلة الاطباء.. ولا بردو الكيميائيين فى جامعات كيبك الفرنسية

اصل الحقيقة الموضوع دا مهم اوى عشان ابرمج مخى على الاولويات

بعد ما بتعمل اللايكيفالنس بيتعمل اختبار في اللغة..اى حاجة الدولة بتدفعلك فلوس فيها لازم يسبقها امتحان في اللغة الفرنسية..

اقصد بالدولة كيبيك.

[د هشام ابراهيم]

اهلا يا دكتور هشام شرفتنا فعلا

موضوع جميل جدا

انا كنت فعلا كتبت موضوع عن ال fellowship بس ماحدش تجاوب مع الموضوع

كان ليا تساؤل في موضوع معين ... هل لو اخدت زمالة الكليه الملكيه البريطانيه ده ممكن يكون كويس و يساعدني اني اخد position كنائب بعد ما انتهي من المعادله ؟

السؤال التاني : ايه اللي ساعدك انك تحصل ال fellowship ؟ هل كان للدكتوراه دور في الموضوع ده ؟

عدنا و أسف للتأخير ... أرد على الأسئلة الأول و بعدين نكمل كلام على تورونتو

الأخ الفاضل ابو الخير سؤال حضرتك الأولاني أنا جاوبت عليه فعلا قبل كده استسمحك تقرا الموضوع ده تاني

بالنسبة للدكتوراه أكيد بتعزز طلب الحصول على fellowship انما مش عامل أساسي أو ضروري

تقبل تحياتي و دعواتي يا أخي الفاضل

[bent misr]

د/ هشام ابراهيم

مرحبا بك في منتدانا الرائع , الجميل

معلش المداخله متأخره شويه بس أنا لسه شايفه التوبيك

بتاعك. حقيقي اسلوبك رائع و قصتك أروع

أنا كمان متابعه, بس هرجع أكمل من الاول و جايلكوا تاني

[د هشام ابراهيم]

تبارك الله ماشاء الله. اية الجامع الجميل دة يادكتور هشام. حاجة تفتح النفس بجد. ربنا يكرمك ويكرمنا جميعا انشاء الله. ويسهلنا الامور ونبقى معاك في كندا اوام انشاء الله.

ألف شكر يا سيدي الفاضل ربنا يكرمك و يوفقك إلي ما يحب و يرضي ... الحقيقة انهم جامعين .... الاول اللي في الصور الصغيرة في مشاركة الأخ الفاضل د تهامي ده مسجد النور في مدينة سانت كاترين في نياجرا .... الجامع اللي في الصور الكبيرة ده جامع ISNA زاي ما الأخ الفاضل إيهاب تفضل و أوضح

[د هشام ابراهيم]

آه يا باشا... هوّه ده الكلام :lol:

ويا ريت حتى تكبّر الصور عن كده... خللي إيديك فرطة شويّة... روجرز بتحاسب على الداونلود مش الأبلود :sad:

تعالي شوف الفضايح اللي بننزّلها في مواضيعنا أنا و د. الشامي

بس ما قلتلناش برضه... فين الجامع ده؟!

علي فكرة الجامع ده اتبني بفلوس الباكستانين و البنجل...الجامع ده امام اكبر مراكز لصيانة المعدات الثقيلة بس نسيت اسم الشارع...هوراونتاريو ستريت صح؟

أخي الفاضل مسجد النور اللي في الصورة موجود في شارع جنيف في مدينة سانت كاترين في نياجرا أونتاريو

[د هشام ابراهيم]

الأخوة الأفاضل ... أخوكم طبيب مصري مغترب في كندا حاليا

الصراحة ده أول يوم لي في المنتدى انما طلب مني حكاية قصتي كلها في كندا للاستفادة .... أرجو أن يتسع صدركم لي و بسم الله توكلنا على الله

اخونا د/ هشام اسجل اعجابى بك وبموضوعك الجميل وال انا كنت ابحث عنة من فترة كبيرة جدا انا اجد حد مصرى خاض التجربة بنفسة وعاشها ويكون عندة سعة صدر لطوفان الأسئلة التى لم اجد لها حتى الن جواب شافى من ناس كتير فاتمنى انك تساعدنا هنا من موقعك هذا وتكون عون لكن الناس وجعلة الله فى ميزان حسناتك.

ارجو انك مش تزعل اذا اكثرت عليك من الأسئلة خصوصا انى هطلوب اسئلة تكون اجابتها مفصلة

اخوك حازم احصائى اطفال فى السعودية :sad:

أخي الفاضل عظيم امتناني لكلمات الأطراء الرقيقة و دعائك الكريم ...أرجو أن أكون عند حسن ظن الجميع .... و الله من وراء القصد ... أرجو أن تسامحوني جميعا على التأخير في الرد و علي عدم استطاعتي الرد باسهاب لاني لا امتلك كيبورد عربي و استخدم برنامج Yamli حتي استطيع الكتابة بالعربية

[د هشام ابراهيم]

هاهاهاهاهاهاهاهاه

ما تنساش دول كمان (17 الزوار)

بصراحة يا د. الشامي... الراجل ده جوهرة ، وهيقاسمنا ف الزباين بتوعنا!

مش تسجيل متابعة المرّادي... ده تسجيل إعجاب واستمتاع ومخمخة wst::

كمّل يا راجل... لا فُضّ فوك bv:-

لا دة راح يسحب الجو كلة متابعين يا دكتور والله انا دوامى باقى لة 4 ساعات وولكن باين كدة ها اقوم اعمل كوز شاى على طريقة جناوى علشان اصح لك يا دكتور وشكلى ها أتهزء بكرة لانى هااكون نايم بس كلة يهون علشان خاطر كلامك الى زى الفل :sad: :lol:

ربنا يكرمك يا أخي الفاضل و يرزقك الخير كله و أرجو ألا تكون تعرضت لاي مضايقة بسبب السهر :)

[د هشام ابراهيم]

[... من أكثر الدول المتقدمة عالميا ... أي لستة لاحسن الدول في أي مجال حتلاقي فيها كندا ... اقتصاد رعاية صحية تعليم إلخ ...

علشان كده محبطة اوى من ساعة ما نزلت لستة الوظائفالجديدة........ كنت عايزة ولادى يتعلموا هناك :sad:

[اسفة د. هشام لو كنت خرجت عن الموضوع...........

اتفضل حضرتك كمل.........

باكرر اسفى :

العفو يا أفندم لا داعي للاسف على الاطلاق و ربنا يوفق حضرتك و الأسرة الكريمة إلي ما يحب و يرضي .... و كما تفضل الأخوة الأفاضل و ردوا على حضرتك أنا موافق على تحليلهم للموقف ١٠٠ في ال-١٠٠

[newcomer]

العفو يا أفندم لا داعي للاسف على الاطلاق و ربنا يوفق حضرتك و الأسرة الكريمة إلي ما يحب و يرضي .... و كما تفضل الأخوة الأفاضل و ردوا على حضرتك أنا موافق على تحليلهم للموقف ١٠٠ في ال-١٠٠

كلك ذوق و الله يا دكتور :sad:

بس مش عايزين نشغل حضرتك عن الحلقات الاساسية ...... و خصوصا ان مافيش كيبورد عربى .......... كمان مافيش مسلسلات تانى شيقة اليومين دول غير حضرتك...... قهوة د. تهامى بتتبيض و قهوة د. الشامى بيغير لها الكراسى و المهندس ايهاب لسه بياجر قهوة......... يعنى استحملنا بقى كلنا علشان الزحمة و كدة يعنى و اتفضل سعادتك.........مستنيين..... متابعيين

[د هشام ابراهيم]

دكتورنا الغالي د/هشام

انا اخوك الصغير طالب في سنة سادسة اسكندرية

الاول ربنا يجزيك خير علي جهدك ووقتك

طموحي اني اهاجر لكندا

اول وقت ينفع اقدم فيه للهجرة هو بعد امتياز

يبقي اسافر بعد امتياز بسنة تقريبا ( حسب القانون الجديد)

السؤال

اخد المعادلة وبعدين اسافر ولا ممكن لو جالي هجرة يجيلي fellowship

مع ملاحظة اني مش هيكون بقي معايا شهادات لسة ( علشان المنافسة في ال fellowship )

وكمان ما ليش حاجة في مصر يعني قعدتي هتبقي تضييع وقت

يعني اقصد ينفع fellowship لدكتور صغير

ولو ماينفعش يبقي في حاجة تانية قريبة من الطب اشتغلها لغاية ما اعمل المعادلة ( medical assistant - medical rep)

ولو ما ينغعش فامتي ينفع اقدم علي النيابة (لازم اخلص المعادلة كلها ؟)

سؤال اخير : انا بحب النسا بس اعرف ان الاجهاض في كندا مسموح بيه وخايف اكون مضطر اعمله المعلومة دي صح ؟

وجزاكم الله خيرا

دكتورنا الغالي ربنا يوفقك و تخلص بكالوريوس بنجاح و تفوق

بالنسبة لطلب الهجرة لا علاقة له بطلب العمل في وظيفة "fellow" .... بمعني أخر يوجد العديد من المهاجرين ممن لم يستطعوا الحصول على وظيفة "fellow" كما يوجد العديد من ال-fellows ممن لم يقدموا على طلب هجرة أو قدموا و لم يتم الرد عليهم

من الطبيعى إن سنوات الخبرة دعم جيد لطلب التقدم للوظيفة ....لكن الحصول عليها يخضع لعوامل أخري و أهمها على الاطلاق توفيق ربنا.... في حالة عدم تمكنك من الحصول علي وظيفة Clinical fellow ... توجد وظائف عديدة تستطيع العمل بها حتي تلحق بالسيستم .... لعل أفضلها وظيفة Research fellow ....العائد المادي أقل لكن فرصة البحث العلمي و نشرها باسمك في مجلات محترمة و الأحتكاك المباشر مع جميع العناصر تعوض هذا النقص .... كما أشرت قبل كده يا أخي الفاضل مفيش حاجة ذات قيمة تبقى سهلة و لازم كفاح و تعب .... أعرف أطباء كتير مصريين و غير مصريين اضطروا للعمل في وظائف تمريض و غير طبية حتي يستطيعوا إكمال المسيرة و بسم الله ما شاء الله عليهم دلوقتي حاجة تفرح بصحيح

بالنسبة لموضوع الاجهاض فميزة من مزايا كندا إن ما حدش يقدر يجبرك على انك تعمل حاجة تخالف معتقداتك .... حكاية الاجهاض تحديدا كل اللي عليك انك تقول إنه يخالف عقيدتك و مش عايز تشارك فيه و عمرك ما حاتشوفه حتي

تم تعديل 1 ديسمبر 2008 بواسطة د هشام ابراهيم

[د هشام ابراهيم]

الحمد لله كل يوم واحد طيب يطلعلنا بموضوع ينورلنا بيه سكة كندا

انا عندي سؤال واحد

لو انا طبيب اسنان وكنت اعمل في الجامعة ومعاي دكتوراه من اليابان في الgene therapy وانا عاوز اشتغل في البحوث ينفع بعد الحدوتة دية اشتغل في الجامعة في كندا

وربنا يكرمك

من قال لا أعلم فقد أفتي ... يمكن حد من الأخوة الافاضل يقدر يرد على سؤال حضرتك أو تحاول حضرتك و تراسل الجامعات الكندية مباشرة للجواب الشافي .... بالتوفيق إن شاء الله