قصتي مع كندا

[د هشام ابراهيم]

السلام عليكم

اخي الفاضل واشكرك على الرد رغم انك في اجازة الله يكرمك ويديك على قد نيتك

الجالية العربية محافظة على دينها وعاداتها او كل شئ تبخر انا خايف على الاولاد ليتمردوا وينسو دينهم وهو الاهم فما رايكم.وعلمت ان النظام صعباي متعاملش اولادك زي ما انت حابب

و عليكم السلام و رحمة الله و بركاته

أخي الفاضل ....تربية الاولاد في هذا الزمن محتاجة مجهود كبير و مضاعف ....يستوي في ذلك الولاد في مصر أو الجزائر أو الخليج أو كندا .... ما فيش أي ضمان إن الولاد يطلعوا زاي ما الأباء عايزين

أكيد في كندا فيه اجراءات و احتياطات لازم تتعمل حتبقى مختلفة عن تلك المطلوبة في غير كندا

برضه بانصح حضرتك تقرا شوية في المنتدي حتلاقي الرد علي كل أسئلتك

[د هشام ابراهيم]

مساء ظريف جميل رومانسى

تصدق يا دكتور ...سعدت جدا لما لقيت حضرتك أبتديت تانى فى الخواطر

هو دة الشغل...شد الهمة يا دكتور

على فكرة أنت ممكن تثرى الساحة بتاعتى بتاعة الخواطر...عايزين شوية من الحاجات دى هناك

مساء الفل يا دكتورة

مصدقك طبعا و جزاك الله كل خير

ليا الشرف يا باشا اشارك في موضوع حضرتك ... ما دام معانا دعوة رسمية يبقى ما فيش قدنا بقي :blink:

ما زلنا في انتظار افتتاح الكافيه الكندي .....شدي حيلك بقي يا أفندم

[د هشام ابراهيم]

دو ريان .....

انا كل اللى عملته انى ضميت صوتى لصوتك :blink:

مع اجراء شديد شويه :P انى لغيت الاجازة

و طلعت وش نجمة ابراهيم

عقبال مانقدر على د. الشامى و نلغيله اجازته هو كمان

يالا بينا ....يا قوى يا رب...

و هو وش نجمة ابراهيم في ريا و سكينة ده شوية :lol:

ده أنا فضلت ممنوع من مشاهدة الفيلم ده و أنا صغير علشان ما أتسرعش .... طبعا لا مجال للمقارنة بالاجيال الحديثة اللي ممكن يلاقوا الفيلم ساذج و مضحك

تحياتي يا أفندم و لو فيه حاجة اعملها لمساندة خطة استعادة الهيد كوتش د الشامي أنا كمان مشارك wst::

[د هشام ابراهيم]

لو تسمح يا دكتور هشام أجاوب على السؤال دة

http://www.BLOCKED77/dir/4566707/899fb679/toronto.html

دة الرابط وهم أخر حاجة فى الرابط.

يا أفندم كتر ألف خيرك ....شرفت و تكرمت و أوفيت ..... ألف شكر يا دكتورنا الفاضل :blink:

تم تعديل 18 أبريل 2009 بواسطة د هشام ابراهيم

[د هشام ابراهيم]

مشهد نهار خارجي

ربيع سانت كاترين البديع

العبد لله و المدام يتبادلوا أطراف الحديث في مطعم في الهواء الطلق

محور الحديث انطباعات عامة :blink:

الأخوة الكنادوة زيهم زي البلاد اللي بتاكل طحينة مع الكباب و الكفتة من أهم ما يميزهم الاحتفال بالويك اند ..من أول الجمعة بليل تلاقي الناس كلها في مود احتفال ....لبس و خروج و احتفال كأنه عيد ....الشوارع اللي عادة ما بتبقى فاضية تماما بعد ٨ بليل في الويك اند بتبقي صاحية جدا .....

الظاهرة ديه طبيعية طبعا لأن أسبوع الشغل بيبقى شغل بجد من أول ما تروح لحد ما تمشي .... و كتير و إنت ماشي تلقي رئيسك في الشغل مكمل شغل بعديك و مش قادر يروح .... ما هو كل ما عليت كل ما زادت مسئولياتك و اعبائك

مظاهر الاحتفال ديه بتاخد أشكال كتير منها ما هو طيب و منها ما هو غير مقبول .... يعني النهارده بليل مثلا جيرانا عاملين تجمعين ....تجمع سيدات و تجمع رجال ....الرجال حيتابعوا ماتش هوكي في التيلفزيون و الله أعلم بقي ببرنامج التجمع التاني wst::

المهم إن مظاهر الاحتفال ديه بتختفي من أول الأحد بعد الظهر .... استعدادا ليوم عمل جديد و هلم جرا

الاختلاف الوحيد في النمط ده بيبقى الناس اللي بيضطروا يشتغلوا في الويك اند علي اختلاف تخصصاتهم و منهم الأطباء بطبيعة الحال

الحمد لله علي كل حال

بيب بيب مونتريال كاناديين

[torontoz]

مشهد نهار خارجي في قلب تورنتو النابض و الجو مشمس ربيعي في منتهي الجمال

حوار داخلي (علي أنغام حليم ..نبتدي منين الحكاية من أي بود و سماعات JVC في وداني wst:: )

- هو احنا في كندا ليه

- هربانين

- هربانين من إيه

- كل واحد عنده سبب شكل ...اللي هربان من حاجة .... من حد ....من احباطات واقع أليم .... من خوف علي مستقبل ارهاصاته غير مبشرة .... من عمل حاجات تغضب ربنا و مش قادرين عليها و لا علي اللي بيعملها .... من الخنقة .... من الفوضي ..... من و من و من

- طب و بعدين حنفضل هربانين

- علي قد دلوقتي آه

-مبسوطين ؟

- راضيين و حامدين حتي لو نقصنا حاجات .... نحاول كمان و كمان و كله علي الله

- قول يا رب :P

انا بحب الناس الرومانسيين اللي بياخدوا وبيدوا مع نفسهم علي انغام الموسيقي..تسجيل متابعة لرومانسية حدرتك. :blink:

[newcomer]

انا لو عارفة ان وش نجمة ابراهيم مؤثر كده

كنت استعملته من زمان

تسجيل متابعة يا فندم......

و بالمرة بافكر استعمل نفس الوش مع د. الشامى

يمكن يجيب فايده

على فكرة....كنت مرة قريت ان نجمة ابراهيم

كانت من اتباع احدى الطرق الصوفية....و انها كانت خيرة جدا

و انها كمان كانت طيبة حدا جدا......(بالرغم من ادوار الشر اللى كانت بتجيدها)

افتكر ان سناء البيسى هى اللى كانت كاتبة ده

الله يرحمها و يرحم موتانا

[د هشام ابراهيم]

انا بحب الناس الرومانسيين اللي بياخدوا وبيدوا مع نفسهم علي انغام الموسيقي..تسجيل متابعة لرومانسية حدرتك. :blink:

يا أفندم الله يخليك ...أهلا و سهلا بحضرتك يا ميتغ wst::

[د هشام ابراهيم]

انا لو عارفة ان وش نجمة ابراهيم مؤثر كده

كنت استعملته من زمان

تسجيل متابعة يا فندم......

و بالمرة بافكر استعمل نفس الوش مع د. الشامى

يمكن يجيب فايده

على فكرة....كنت مرة قريت ان نجمة ابراهيم

كانت من اتباع احدى الطرق الصوفية....و انها كانت خيرة جدا

و انها كمان كانت طيبة حدا جدا......(بالرغم من ادوار الشر اللى كانت بتجيدها)

افتكر ان سناء البيسى هى اللى كانت كاتبة ده

الله يرحمها و يرحم موتانا

اللهم ارحمهم جميعا و ارحمنا اذا صرنا إلي ما صاروا إليه

طب تصدقي حضرتك اني عمري ما شفت فيلم ريا و سكينة علي بعده .... و أنا صغير كان في قائمة الأفلام الممنوعة و لما كبرت شوية ما كانش في دائرة اهتمامي .....

حادور عليه و اشوفه و بعدين نجربه علي الهيد كوتش :blink:

[Spanish Eyes]

بسجل حضور ومتابعة لسرد حضرتك الشيق خاصة ان حضرتك تناولت موضوع مهم جدا وهو الحياه الإجتماعية في كندا يعنى النشاطات الإجتماعية بعد الشغل في الإجازات الناس بتتزاور ولا كله بيتك بيتك الخروج كله مطاعم ولا في نوادي رياضيه واجتماعية.

الموضوع شكله حيكبر قوي

متابعين ومنتظرين

تحياتي يا فندم

[د هشام ابراهيم]

بسجل حضور ومتابعة لسرد حضرتك الشيق خاصة ان حضرتك تناولت موضوع مهم جدا وهو الحياه الإجتماعية في كندا يعنى النشاطات الإجتماعية بعد الشغل في الإجازات الناس بتتزاور ولا كله بيتك بيتك الخروج كله مطاعم ولا في نوادي رياضيه واجتماعية.

الموضوع شكله حيكبر قوي

متابعين ومنتظرين

تحياتي يا فندم

الله يكرم حضرتك ....متابعة حضرتك تشرفني و تسعدني دوما wst::

الحياة الاجتماعية في كندا هي نتاج ما نحصده ....بمعني المردود متوقف علي مجهود الواحد

يعنى العبد لله مثلا ....لما جينا كندا ما كناش نعرف جنس مخلوق في كندا كلها .....شوية بشوية دائرة معارفنا زادت و ابتدينا نعمل لنفسنا أصدقاء .... أنا فاكر في أوائل بداياتنا في تورنتو عملنا كذا عزومة لمعارف جداد عندنا في البيت ..... عرب و مصريين و كنديين و مهاجرين من كل حتة ..... ايطاليا - رومانيا - الفلبين - لبنان - السعودية - باكستان - شيلي - اليابان ...و غيرهم و غيرهم

الشباب الأجانب كنا بنفهمهم إن احنا لا بنشرب و لا بنخلي حد يشرب عندنا ..... بشويش طبعا و بابتسامة و كده ....لما بييجوا بنحسسهم إن الشرب ما لوش لازمة و اننا ممكن نضحك و نفرح من غيره .....طبعا الأكل الشرقي بيعمل شغل جامد .....الرز بالخلطة و الملوخية بقوا الناس يتطلبوهم بالاسم دلوقتي md2:

دلوقتي الحمد لله عندنا أصدقاء مقربين في تورنتو زاي العيلة و أكتر

المشكلة في تورنتو إن احنا ما عرفناش جيرانا ....العمارة كبيرة (٢٨ دور ...كل دور ٢٠ شقة ) .....الحكاية ديه عوضناها في سانت كاترين .....الحمد لله عندنا جيران في منتهي الطيبة و الذوق و كلهم كانوا مرحبين و بيحاولوا يساعدونا كمان

بره المعارف و الأصدقاء و الجيران برضه فيه حياة اجتماعية .....المسجد و انشطته - السينما (قليل كمان بتيجي أفلام مصري ...بس غير كده الأفلام الامريكية بتنزل وقت ما بتنزل في أمريكا ) - المطاعم - المسارح - الحدائق - الملاعب - المكتبات و المحاضرات و المتاحف - الحدائق و المتنزهات حسب الجو ...بس حتي في الشتا في حاجات كتير indooors - التسوق

الملخص كندا ...تورنتو بالذات فيها كل حاجة ممكن تتخيليها أو لا تتخيليها :blink:

[د هشام ابراهيم]

نهار خارجي قرب المغرب علي الطريق السريع ما بين سانت كاترين و تورنتو ..ال-401

حوار داخلي أثناء القيادة و من سماعات العربية حليم بيغني أي دمعة حزن لا md2:

الجو الأيام ديه ما لوش حل ...الربيع أحلي فصل في تورنتو و كمان الشجر لما "يحيا" تاني بعد موات الشتا و تبتدي الأزهار و الورود تطلع ما ينفعش نقول غير سبحان الله

تلال خضر و أشجار علي الشمال و بحيرة أونتاريو علي اليمين و الطرف التاني من البحيرة شايف مباني تورنتو و منهم ال-CN تاور و كمان مباني هاملتون ( ما هو ما فيش سحابة سودة !!)

- هي مصر وحشة قوي كده و لا كندا هي اللي حلوة قوي كده

- لا مصر وحشة و لا كندا أحلي

- ازاي؟ كندا خضرا جدا ...كفاية المناظر الطبيعية ....مش فاكر المناظر في غرب كندا جبال و بحيرات و مناظر سبحان الخلاق ...ما شفتش أحلي منها في الدنيا

- هي صحيح مصر صفرا لكن حتي الصحاري فيها جمال غير طبيعي .... و مصر فيها شواطيء ما فيش أحلي منها في الدنيا ....كفاية الساحل و شرم و الغردقة

- امال ليه احنا مش راضيين؟ .... ليه حتي الترعة هنا شكلها منتجع خمس نجوم أو جزء من ملعب جولف و الترعة في مصر بتبان مصدر للاوبئة و الأمراض ؟

- بلاش أفترا الريف الم.....

- ريف مصري إيه ؟ ..... إنت أصلا ما طلعتش بره القاهرة و الجيزة و ما شفتش ريف

- بس برضه السؤال قائم ليه راضيين هنا و مش راضيين هناك ؟

- الفكرة كلها في تفاصيل الحياة الصغيرة اللي بتمس حياتك اليومية .... مش فارقة معاك إن الناتج القومي زاد أو عدد مواسير الصرف الصحي زاد في حكم السيد الرئيس ستيفن هاربر..... فارقة معاك الحاجات الصغيرة .... بص علي عربية البوليس اللي ماشية في الطريق ..... مصدر أمان للناس ..... في مصر مصدر ترويع و مشاكل ..... قيس علي كده بقي كل حاجة بتقابلها في يومك من أول ما بتصحي لحد ما تنام .... الاكل الشرب الهوا اللي بتتنفسه الشارع اللي بتسوق فيه التعليم الصحة الاعلام و غيره و غيره

- طب أسكت بقي و إسمع عبد الحليم

ولا ملامة علينا لا ملامة

داحنا تعبنا و دوبنا ياما

واما ندينا عليه يداوينا

عمره ما فكر في يوم يجينا

وأدينا عايشين............. wst::

[somayasaleh]

نهار خارجي قرب المغرب علي الطريق السريع ما بين سانت كاترين و تورنتو ..ال-401

حوار داخلي أثناء القيادة و من سماعات العربية حليم بيغني أي دمعة حزن لا :)

الجو الأيام ديه ما لوش حل ...الربيع أحلي فصل في تورنتو و كمان الشجر لما "يحيا" تاني بعد موات الشتا و تبتدي الأزهار و الورود تطلع ما ينفعش نقول غير سبحان الله

تلال خضر و أشجار علي الشمال و بحيرة أونتاريو علي اليمين و الطرف التاني من البحيرة شايف مباني تورنتو و منهم ال-CN تاور و كمان مباني هاملتون ( ما هو ما فيش سحابة سودة !!)

- هي مصر وحشة قوي كده و لا كندا هي اللي حلوة قوي كده

- لا مصر وحشة و لا كندا أحلي

- ازاي؟ كندا خضرا جدا ...كفاية المناظر الطبيعية ....مش فاكر المناظر في غرب كندا جبال و بحيرات و مناظر سبحان الخلاق ...ما شفتش أحلي منها في الدنيا

- هي صحيح مصر صفرا لكن حتي الصحاري فيها جمال غير طبيعي .... و مصر فيها شواطيء ما فيش أحلي منها في الدنيا ....كفاية الساحل و شرم و الغردقة

- امال ليه احنا مش راضيين؟ .... ليه حتي الترعة هنا شكلها منتجع خمس نجوم أو جزء من ملعب جولف و الترعة في مصر بتبان مصدر للاوبئة و الأمراض ؟

- بلاش أفترا الريف الم.....

- ريف مصري إيه ؟ ..... إنت أصلا ما طلعتش بره القاهرة و الجيزة و ما شفتش ريف

- بس برضه السؤال قائم ليه راضيين هنا و مش راضيين هناك ؟

- الفكرة كلها في تفاصيل الحياة الصغيرة اللي بتمس حياتك اليومية .... مش فارقة معاك إن الناتج القومي زاد أو عدد مواسير الصرف الصحي زاد في حكم السيد الرئيس ستيفن هاربر..... فارقة معاك الحاجات الصغيرة .... بص علي عربية البوليس اللي ماشية في الطريق ..... مصدر أمان للناس ..... في مصر مصدر ترويع و مشاكل ..... قيس علي كده بقي كل حاجة بتقابلها في يومك من أول ما بتصحي لحد ما تنام .... الاكل الشرب الهوا اللي بتتنفسه الشارع اللي بتسوق فيه التعليم الصحة الاعلام و غيره و غيره

- طب أسكت بقي و إسمع عبد الحليم

ولا ملامة علينا لا ملامة

داحنا تعبنا و دوبنا ياما

واما ندينا عليه يداوينا

عمره ما فكر في يوم يجينا

وأدينا عايشين............. wst::

دكتورنا الفاضل هشام بك

صباحك فل وورد وياسمين

وكل عيد ربيع وحضرتك والاسرة بالف خير وسعادة

انا كل يوم بدخل علي توبكات حضرتك ،،،،،، اقرأ ..... واستفيد..... بس مش بحب اكتب اي مداخلة حتي لا تتوه الحكايات الجميله ده

بس اليوم بمناسبة الربيع الجميل ده...... ووصف حضرتك الرائع للطبيعة الخلابة .....لم اجد بد الا من الدخول والقاء التحية المعطرة بالياسمين والزهور علي شخصك الكريم وسرد حضرتك الرائع

للطبيعة وان اشاركك القول ...... سبحان الله البديع :waf:

[ahmed_saleh]

نهار خارجي قرب المغرب علي الطريق السريع ما بين سانت كاترين و تورنتو ..ال-401

حوار داخلي أثناء القيادة و من سماعات العربية حليم بيغني أي دمعة حزن لا

- طب أسكت بقي و إسمع عبد الحليم

ولا ملامة علينا لا ملامة

داحنا تعبنا و دوبنا ياما

واما ندينا عليه يداوينا

عمره ما فكر في يوم يجينا

وأدينا عايشين............. :waf:

الله الله على الروقان و الخيال الجميل و لحظات الصفاء و التأمل ..... حاجات مش بنلاقيها بسهولة و يمكن على الاطلاق

مش عايز احس اني باحسدك انت او اي شخص مستمتع بحياته هناك و على طريقته الخاصة ... عشان كده انا هادعيلك بان دايما ربنا يديم عليك النعمة و الفضل و انت عليك الباقي بقى ....

بس غريبة شوية يا دكتور انك تجمع بين مزيكا رزع الحلل و ان معدنك اصيل و عبد الحليم الولهان .... نوعية مختلفة من الموسيقى و الطرب ؟؟؟؟ .... و لا على حسب المزاج !

[hazemtara]

نهار خارجي قرب المغرب علي الطريق السريع ما بين سانت كاترين و تورنتو ..ال-401

حوار داخلي أثناء القيادة و من سماعات العربية حليم بيغني أي دمعة حزن لا :lol:

الجو الأيام ديه ما لوش حل ...الربيع أحلي فصل في تورنتو و كمان الشجر لما "يحيا" تاني بعد موات الشتا و تبتدي الأزهار و الورود تطلع ما ينفعش نقول غير سبحان الله

تلال خضر و أشجار علي الشمال و بحيرة أونتاريو علي اليمين و الطرف التاني من البحيرة شايف مباني تورنتو و منهم ال-CN تاور و كمان مباني هاملتون ( ما هو ما فيش سحابة سودة !!)

- هي مصر وحشة قوي كده و لا كندا هي اللي حلوة قوي كده

- لا مصر وحشة و لا كندا أحلي

- ازاي؟ كندا خضرا جدا ...كفاية المناظر الطبيعية ....مش فاكر المناظر في غرب كندا جبال و بحيرات و مناظر سبحان الخلاق ...ما شفتش أحلي منها في الدنيا

- هي صحيح مصر صفرا لكن حتي الصحاري فيها جمال غير طبيعي .... و مصر فيها شواطيء ما فيش أحلي منها في الدنيا ....كفاية الساحل و شرم و الغردقة

- امال ليه احنا مش راضيين؟ .... ليه حتي الترعة هنا شكلها منتجع خمس نجوم أو جزء من ملعب جولف و الترعة في مصر بتبان مصدر للاوبئة و الأمراض ؟

- بلاش أفترا الريف الم.....

- ريف مصري إيه ؟ ..... إنت أصلا ما طلعتش بره القاهرة و الجيزة و ما شفتش ريف

- بس برضه السؤال قائم ليه راضيين هنا و مش راضيين هناك ؟

- الفكرة كلها في تفاصيل الحياة الصغيرة اللي بتمس حياتك اليومية .... مش فارقة معاك إن الناتج القومي زاد أو عدد مواسير الصرف الصحي زاد في حكم السيد الرئيس ستيفن هاربر..... فارقة معاك الحاجات الصغيرة .... بص علي عربية البوليس اللي ماشية في الطريق ..... مصدر أمان للناس ..... في مصر مصدر ترويع و مشاكل ..... قيس علي كده بقي كل حاجة بتقابلها في يومك من أول ما بتصحي لحد ما تنام .... الاكل الشرب الهوا اللي بتتنفسه الشارع اللي بتسوق فيه التعليم الصحة الاعلام و غيره و غيره

- طب أسكت بقي و إسمع عبد الحليم

ولا ملامة علينا لا ملامة

داحنا تعبنا و دوبنا ياما

واما ندينا عليه يداوينا

عمره ما فكر في يوم يجينا

وأدينا عايشين............. :hi:

إية الجمال دة يا عم هشام إحنا كدة مفروض إننا هنستمتع بحكايات جميلة طالما أن المزاج رايق وعامل دماغ عالية ومظبط على الأخر.

إشجينى وحدة واحدة وتاتة تاتة العبد لله طول عمرة متربى فى الريف المصرى لما فعلاً كان هادى ونظيف وجميل وبس دلوقت شيئ مُحزن ويُرثى لة. :lol:

[SoSo R]

مساء الخير يا دكتور هشام

متابعة و مستمتعة جدا بالخواطر اليومية

وخصوصا خط السيناريو...نهار خارجى :hi:

لازم تيجى عندنا بالخواطر دى أنت صاحب بيت...مش محتاج دعوة و لا حاجة

هو الربيع الكندى بيستمر لحد شهر إيه؟؟

على فكرة الخواطر دى بتجيلى كتير و بنفس الترتيب..

أقدر أسميه توارد خواطر

تحياتى

سوسورانى

[حسام يوسف]

استمتعت بالحوار حول فكرة الرضا

الحقيقة كمان انى لو ربنا كرمنى

ونجحت فى الهجرة

هحكيلك كتير عن مصر يا دكتور

تسجيل متابعة لتوبيك أكثر من رائع

[د هشام ابراهيم]

دكتورنا الفاضل هشام بك

صباحك فل وورد وياسمين

وكل عيد ربيع وحضرتك والاسرة بالف خير وسعادة

انا كل يوم بدخل علي توبكات حضرتك ،،،،،، اقرأ ..... واستفيد..... بس مش بحب اكتب اي مداخلة حتي لا تتوه الحكايات الجميله ده

بس اليوم بمناسبة الربيع الجميل ده...... ووصف حضرتك الرائع للطبيعة الخلابة .....لم اجد بد الا من الدخول والقاء التحية المعطرة بالياسمين والزهور علي شخصك الكريم وسرد حضرتك الرائع

للطبيعة وان اشاركك القول ...... سبحان الله البديع wst:: :blush2:

صباح الأنوار يا سيدتي الفاضلة و كل سنة و حضرتك و من تحبين في أتم صحة و سعادة ..... تحية حضرتك الرقيقة أسرتني بلطفها و مرورك الكريم يسعدني و يشرفني دائما يا باشمهمندس :blush2: :lol:

[د هشام ابراهيم]

الله الله على الروقان و الخيال الجميل و لحظات الصفاء و التأمل ..... حاجات مش بنلاقيها بسهولة و يمكن على الاطلاق

مش عايز احس اني باحسدك انت او اي شخص مستمتع بحياته هناك و على طريقته الخاصة ... عشان كده انا هادعيلك بان دايما ربنا يديم عليك النعمة و الفضل و انت عليك الباقي بقى ....

بس غريبة شوية يا دكتور انك تجمع بين مزيكا رزع الحلل و ان معدنك اصيل و عبد الحليم الولهان .... نوعية مختلفة من الموسيقى و الطرب ؟؟؟؟ .... و لا على حسب المزاج !

أحمد باشا ....حاقولك علي السر :blush2:

أنا سايب كل حاجة علي الله ..... من فضله و كرمه شفت بعيني ازاي حاجات حصلت في حياتي كنت فاكرها مصايب و كوارث تطلع في الأخر فيها الخير لي

تيقنت إن كل حاجة بتحصل وراها حكمة .....ممكن ما تبنش ساعتها و ممكن تبان بعدين و ممكن ما تبانش خالص انما الأكيد إن ربنا بيعملك الخير

-----------------------------

بالنسبة للمزيكا بقي فانا فعلا باسمع أنواع كتير قوي ....في العربي الحقيقي بحب القديم أكتر بكتير من الجديد .....باحس إن الجديد فقد الأصالة اللي كانت بتميز الموسيقي الشرقية و بقي مسخ من الموسيقي الغربية و عليه أسمع الأصل الغربي أحسن

في العربي عبد الحليم بلا منازع عندي .....بس باسمع من أول عبد الوهاب و فيروز و فريد و فوزي لحد حاجات ل MTM و حكيم و شعبان عبد الرحيم

في الأجنبي أكيد بافضل رزع الحلل طبعا ....بس باسمع من أول المزيكا الكلاسيك و لحد حاجات في الراب و الار أن بي wst::

[د هشام ابراهيم]

إية الجمال دة يا عم هشام إحنا كدة مفروض إننا هنستمتع بحكايات جميلة طالما أن المزاج رايق وعامل دماغ عالية ومظبط على الأخر.

إشجينى وحدة واحدة وتاتة تاتة العبد لله طول عمرة متربى فى الريف المصرى لما فعلاً كان هادى ونظيف وجميل وبس دلوقت شيئ مُحزن ويُرثى لة. :blush2:

يا أفندم الله يخليك ...غالي يا دكتورنا و الطلب رخيص wst::

الصراحة أنا ما شفتش ريف عن قرب إلا مرة واحدة كانت زيارة مدنية أيام الكلية تبع ال-Community medicine و رحنا قرية جوه الجيزة يعني .... المسافة كانت ساعتين بالاتوبيس من قصر العيني انما حسيت إن احنا رجعنا في الزمن مئات السنين ....هالني ما شفته يومها و لحد دلوقتي فيه وشوش و مواقف معلمة فيا مش قادر انساها