قصتي مع كندا

[د هشام ابراهيم]

مساء الخير يا دكتور هشام

متابعة و مستمتعة جدا بالخواطر اليومية

وخصوصا خط السيناريو...نهار خارجى :wub:

لازم تيجى عندنا بالخواطر دى أنت صاحب بيت...مش محتاج دعوة و لا حاجة

هو الربيع الكندى بيستمر لحد شهر إيه؟؟

على فكرة الخواطر دى بتجيلى كتير و بنفس الترتيب..

أقدر أسميه توارد خواطر

تحياتى

سوسورانى

مساء الفل يا دكتورة wst::

شكرا جزيلا يا أفندم علي المتابعة الكريمة و الأطراء .... و توارد الخواطر ديه أكيد لها علاقة بجينيراشن إكس :lol:

الربيع بيخلص لما الصيف بيبتدي :blush2: :blush2:

لا بجد شهور الصيف بتبقى حر و رطوبة ....يوليو و أغسطس هما أحر شهرين .....فبيفضل الاحساس بالربيع لحد أول موجة حر ....طبعا الكلام ده في تورنتو ....كل حتة في كندا ليها النمط بتاعها

[د هشام ابراهيم]

استمتعت بالحوار حول فكرة الرضا

الحقيقة كمان انى لو ربنا كرمنى

ونجحت فى الهجرة

هحكيلك كتير عن مصر يا دكتور

تسجيل متابعة لتوبيك أكثر من رائع

تنور كندا كلها يا دكتورنا الفاضل و باذن الله ألزمك بوعدك الكريم wst:: :blush2:

[د هشام ابراهيم]

نهار داخلي المرة ديه :)

أمس بحجرة العمليات المكلف بها ....الشغل امتد من ٧ و ربع صباحا لحد ٦ و نص مساء

٥ عمليات قيصرية لسيدات من أصول عربية و روسية و كندية إيطالية و جامايكية و يهودية .... مع إن اليهودية مش جنسية بس حاقولكم ليه بعدين

عادة ما أكره الوصف النمطي ....ال-Stereotyping ..... يعني الدمياطي بخيل و الصعيدي ساذج و البورسعيدي حلنجي إلي أخر اللستة ....الحكاية ديه موجودة في العالم كله مش عندنا احنا بس و مش بس علي قد المدن و الأقاليم لا كمان البلاد .... كفاية تسمع إن اللي قدامك برازيلي مثلا و علي طول تعتبره خليفة بيليه في الملاعب و ما تصدقوش لو قالك إنه ما لوش في الكورة أصلا !!

امبارح بقي الخمس حالات اتبعوا الوصف النمطي ده بالمللي .... عادة السيدة الحامل بيسمح لها بمرافق داخل حجرة العمليات .....جزء من الدعم المعنوي يعني .....كمان بيسمح لها باختيار نوع المزيكا اللي تتلعب في الأوضة أثناء العملية علشان تهدي من روعها ..... طبعا ٩٩٫٩ ٪ من الحالات بتبقى بنج نصفي

كل سيدة و من اختارته من مرافق كانوا بالظبط مثل ما تتخيل النمط ...... تصرفاتهم ...كلامهم ...تعبيرهم عن مشاعرهم ... أفكارهم ... معاملتهم لبعض و الناس اللي حوالينهم ..... مش حاقولكم كل التفاصيل انما شوية ملاحظات

- السيدة العربية كانت الوحيدة اللي اختارت أمها تبقي معاها في أثناء العملية بدل الزوج .....الزوج العربي كان الوحيد اللي ما كلمش حد من أعضاء الفريق الطبي بعد العملية و لا شكرهم ....دكاترة و تمريض ...... حتي بعد ما عرف اني مصري و اني أنا اللي أذنت في ودان طفلته لما اتولدت

- السيدة اليهودية و زوجها كانوا أكتر من سألوا عن كل كبيرة و صغيرة بتحصل و ما كانش عندهم ثقة في حد أو حاجة

- الزوج الجامايكي كان أكتر زوج "روش " بطريقة لبسه و تصفيف شعره حتي بعد ما لبس بدلة العمليات ....و كمان دمه خفيف لما كان بيصور فيديو و بيعلق علي الأحداث و لا الكابتن لطيف

- السيدة الكندية من أصل ايطالي كانت أكتر واحدة استخداما لكلمات زاي من فضلك ....بعد إذنك ....شكرا

- ألطف موقف في اليوم كله لما السيدة الروسية اندمجت مع المزيكا و ابتدت تغني و شوية و جوزها كمان ابتدي يغني معاها :)

الأغنية اللي كانوا بيغنوا معاها

Time to say goodbye - Andrea Bocelli & Sarah Brightman

المرة ديه بقي من سماعات أوضة العمليات ال-Bose :blink:

[Mercedes]

( السيدة العربية كانت الوحيدة اللي اختارت أمها تبقي معاها في أثناء العملية بدل الزوج .....الزوج العربي كان الوحيد اللي ما كلمش حد من أعضاء الفريق الطبي بعد العملية و لا شكرهم ....دكاترة و تمريض ...... حتي بعد ما عرف اني مصري و اني أنا اللي أذنت في ودان طفلته لما اتولدت )

السلام عليكم يا دكتور هشام

لعلك تكون فى أتم صحة و عافية

عرفت ليه أنا عاوز أسيب السعودية و أهاجر الى كندا, اذا كانوا دول العرب اللى راحو كندا , أومال ايه شكل العرب اللى لسه فى جزيرة العرب

بس أنا بعتقد أن فيه سؤال أنا عاوز أسأله

هم الاتنين اليهود بعد الولادة قالولك شكرا ولا لأ؟؟؟؟؟

[د هشام ابراهيم]

بس أنا بعتقد أن فيه سؤال أنا عاوز أسأله

هم الاتنين اليهود بعد الولادة قالولك شكرا ولا لأ؟؟؟؟؟

و عليكم السلام و رحمة الله و بركاته .....الحمد لله يا سيدي الفاضل كله تمام و تمنياتي لحضرتك بموفور الصحة و السعادة

الحق يتقال الزوجين اليهوديين قاموا بشكر الجميع بعد إنتهاء العملية و قدموا للعبد لله شكر و إمتنان كمان !!

[Mercedes]

أن شالله أنا بخير و بتمام الصحة و العافية طول مابنسمع أن أخباركم فى وطنكم الجديد كلها سعيدة و طيبة

أما بخصوص السؤال عن مين قالك شكرا و مين اللى ماقالشى , فأنا سألت السؤال ده لغرض فى نفسى و الحدق- بكسر الحاء - بقى يفهم , طبعا سيادتك راجل ناصح و فاهم و لأنك مصرى فأكيد سيادتك ( حدق )

[د هشام ابراهيم]

أن شالله أنا بخير و بتمام الصحة و العافية طول مابنسمع أن أخباركم فى وطنكم الجديد كلها سعيدة و طيبة

أما بخصوص السؤال عن مين قالك شكرا و مين اللى ماقالشى , فأنا سألت السؤال ده لغرض فى نفسى و الحدق- بكسر الحاء - بقى يفهم , طبعا سيادتك راجل ناصح و فاهم و لأنك مصرى فأكيد سيادتك ( حدق )

الله يخليك و يكرمك يا سيدي الفاضل

أنا فاهم قصد حضرتك من السؤال بطبيعة الحال .....عارف حضرتك أنا ما كانش فارق معايا خالص يشكرني أو ما يشكرنيش أنا كان فارق معايا طريقة تصرفه مع الناس كلها .... فاكر حضرتك الناس حتقول لا ده سعودي و ده بحريني و لا ده مغربي و ده مصري و لا و لا ...... كلنا في نفس الخندق و تصرفات شخص ما بتعكس ثقافة شعوب بحالها .....ربنا يصلح حالنا جميعا

[Spanish Eyes]

انا ولدت اولادي الأتنين بعمليات قيصرية بس اكيد مكنش مسموح ليا ان حد يدخل معايا غرفة العمليات وكان جوزي واقف بره بيعيط اه والله بجد بيعيط لحظة دخولي لوحدي غرفة العمليات بصراحة انا كنت خايفة موت بس بحاول اتظاهر بالشجاعة قدامهم بس اول ما بقيت لوحدي جو غرفة العمليات قولت الشهادتين مكنش فيه بقة تختاري مزيكا ايه والكلام دة خالص مع ان المستشفى اللي ولدت فيها 5 ستارز نسيت اقولكوا كمان ان اول ولادة قبل العملية النور قطع في المستشفى كلها وكانوا بيبحثوا عن مولد كهرباء لمدة عشر دقايق مش عارفة لو انا كنت جوة كان ايه اللي ممكن يحصل ومن ساعتها وانا قلت خلاص توبة ولادة تاني بس لو الولادة في كندة حلوة كدة ودكتور هشام يشغلي celien dion ,fu وبعد الولادة ويؤذن في اذن المولود ممكن اعيد تفكير في الموضوع دة .

صباح الفل يا دكتور هشام

[د هشام ابراهيم]

ليل ..... داخلي برضه :ninja:

نوبتجي طول الليل في المستشفي ......المستشفيات عادة بتبقى مليئة باللحظات الدرامية و المواقف الانسانية .... فيه مواقف سعيدة و مواقف حزينة بطبيعة الحال

ردود الأفعال علي المواقف ديه بتختلف تماما من شخص لاخر لكن كمان بتختلف من جيل لجيل و من بلد لبلد و من عرق لعرق

تورنتو بطبيعتها فيها ناس من كل الأعمار و الأجناس و الخلفيات العرقية و الثقافية كمان فبتخليك تشوف التنوع ده واضح قوي

مثلا رد الفعل للالم ...و ليكن الام الولادة و الطلق بما اني نوبتجي نسا و ولادة النهارده ...... رد الفعل للابوين لحظة الولادة .......الأسئلة اللي بتتسأل .....طريقة ابلاغ الأهل و الاصدقاء فروق رهيبة بين الأجناس ...يمكن الثقافة الجمعية لمجتمع ما هي المسئولة عن تكوين ردود الأفعال بالطريقة ديه ......

مثال بسيط حصل لسه من شوية الأم قبل الولادة بتعبر عن الألم من غير لا تأوه و لا صريخ و لا تشنج إلخ ...... لحظة الولادة الأبوين بيعيطوا و يضحكوا في نفس الوقت ....شوية و لقينا الاب حيغمي عليه من منظر الدم .....طلعناه بره الأوضة يشم هوا .....بعد ما رجع أول حاجة سأل عليها وزن البيبي (الحكاية ديه بتفرق معاهم قوي و هما بيبلغوا الأهل و الأصدقاء لازم يقولوا وزن البيبي بالرطل و الأوقية ) .....الأب راح للام يقبلها و هي بتسأل عنه و هي مخضوضة باعتبار إنه كان حيسورق من شوية !!!

في الافاقة الاب يحمل البيبي و قاعد يلاعبه و بعدين يطلع بره علشان يبلغ الجدود و الأصدقاء

ممكن تتخيلوا الاختلاف في ردود الأفعال في كل موقف أنا قولته

[د هشام ابراهيم]

انا ولدت اولادي الأتنين بعمليات قيصرية بس اكيد مكنش مسموح ليا ان حد يدخل معايا غرفة العمليات وكان جوزي واقف بره بيعيط اه والله بجد بيعيط لحظة دخولي لوحدي غرفة العمليات بصراحة انا كنت خايفة موت بس بحاول اتظاهر بالشجاعة قدامهم بس اول ما بقيت لوحدي جو غرفة العمليات قولت الشهادتين مكنش فيه بقة تختاري مزيكا ايه والكلام دة خالص مع ان المستشفى اللي ولدت فيها 5 ستارز :blink: نسيت اقولكوا كمان ان اول ولادة قبل العملية النور قطع في المستشفى كلها وكانوا بيبحثوا عن مولد كهرباء لمدة عشر دقايق مش عارفة لو انا كنت جوة كان ايه اللي ممكن يحصل ومن ساعتها وانا قلت خلاص توبة ولادة تاني بس لو الولادة في كندة حلوة كدة ودكتور هشام يشغلي celien dion ,fu وبعد الولادة ويؤذن في اذن المولود ممكن اعيد تفكير في الموضوع دة .

صباح الفل يا دكتور هشام

صباح الأنوار يا سيدتي الفاضلة و ألف حمد الله علي سلامتك ......الفكرة كلها في السيستم ككل ...... ما هو نفس دكتور هشام ده كان شغال في مصر برضه .....و في مستشفيات ٥ نجوم و ٧ نجوم و برضه كان النور بيقطع و الأكسجين بيقطع و التعقيم بيقطع ......... و الزوج ما بيخشش أوضة العمليات........ و ما فيش لا سيلين ديون و لا حتي الريس متقال :happy:

تحياتي و تقديري يا أفندم :ninja:

[bent misr]

صباح الورد و الياسمين يا د/هشام

أنا كنت فصلت عنكم شويه لأن الكومبيوتر كله بحاله

كان بيتصلح بس الحمد لله عدنا للمتابعه

والله يا دكتور موضوعاتك جميله جدا و ممتعه جدا و خصوصا

انك بتنقلنا ثقافة و سلوك الشعب الكندي بجميع فئاته.

بس اللي أحلى بجد الخواطر الجميله دي و الي فيها احساس

عالي جدا و تحمل بين طيياتها ( حلوه دي ) معاني كبيره وواقعيه :ninja:

بجد جميل جدا و ياريت لو أمكن شوية صور لربيع كندا الحبيبه :happy:

[الجدار]

ليل ..... داخلي برضه :)

نوبتجي طول الليل في المستشفي ......المستشفيات عادة بتبقى مليئة باللحظات الدرامية و المواقف الانسانية .... فيه مواقف سعيدة و مواقف حزينة بطبيعة الحال

ردود الأفعال علي المواقف ديه بتختلف تماما من شخص لاخر لكن كمان بتختلف من جيل لجيل و من بلد لبلد و من عرق لعرق

تورنتو بطبيعتها فيها ناس من كل الأعمار و الأجناس و الخلفيات العرقية و الثقافية كمان فبتخليك تشوف التنوع ده واضح قوي

مثلا رد الفعل للالم ...و ليكن الام الولادة و الطلق بما اني نوبتجي نسا و ولادة النهارده ...... رد الفعل للابوين لحظة الولادة .......الأسئلة اللي بتتسأل .....طريقة ابلاغ الأهل و الاصدقاء فروق رهيبة بين الأجناس ...يمكن الثقافة الجمعية لمجتمع ما هي المسئولة عن تكوين ردود الأفعال بالطريقة ديه ......

مثال بسيط حصل لسه من شوية الأم قبل الولادة بتعبر عن الألم من غير لا تأوه و لا صريخ و لا تشنج إلخ ...... لحظة الولادة الأبوين بيعيطوا و يضحكوا في نفس الوقت ....شوية و لقينا الاب حيغمي عليه من منظر الدم .....طلعناه بره الأوضة يشم هوا .....بعد ما رجع أول حاجة سأل عليها وزن البيبي (الحكاية ديه بتفرق معاهم قوي و هما بيبلغوا الأهل و الأصدقاء لازم يقولوا وزن البيبي بالرطل و الأوقية ) .....الأب راح للام يقبلها و هي بتسأل عنه و هي مخضوضة باعتبار إنه كان حيسورق من شوية !!!

في الافاقة الاب يحمل البيبي و قاعد يلاعبه و بعدين يطلع بره علشان يبلغ الجدود و الأصدقاء

ممكن تتخيلوا الاختلاف في ردود الأفعال في كل موقف أنا قولته :rolleyes:

صباح الخير يا سيناريست يا كبير

والله مستمتع بكلامك جداً

أعتقد ان بره عامة الناس ماعندهاش مشاكل من اظهار أحاسيسهم بتلقائية وبطبيعية

غير عندنا كمصريين بصفة خاصة أو كشرقيين بصفة عامة

يعني عندنا نادر انك تشوف راجل بيبكي

أو بيغم عليه علشان شاف منظر مش حلو

أو بيظهر لمراته انه مهتم وخايف عليها مهما كان بيحبها

أو بيتنطط علشان فرحان

مش عارف انا بتكلم بالنسبة للرجالة يمكن السيدات ليهم رأي تاني

يتهيالي إخفاء المشاعر والتظاهر بما ليس بداخلنا ده بيجيب أمراض كتير زي الضغط والسكر و و و

والله انت حتخلي الواحد يفكر في كندا

أشكرك يا صديقي على وقتك اللي بتشاركنا بيه

وليك التحية ولكل واحد بيقدر الإنسان في العالم كله

[Queen]

نهار داخلي المرة ديه :)

أمس بحجرة العمليات المكلف بها ....الشغل امتد من ٧ و ربع صباحا لحد ٦ و نص مساء

٥ عمليات قيصرية لسيدات من أصول عربية و روسية و كندية إيطالية و جامايكية و يهودية .... مع إن اليهودية مش جنسية بس حاقولكم ليه بعدين

عادة ما أكره الوصف النمطي ....ال-Stereotyping ..... يعني الدمياطي بخيل و الصعيدي ساذج و البورسعيدي حلنجي إلي أخر اللستة ....الحكاية ديه موجودة في العالم كله مش عندنا احنا بس و مش بس علي قد المدن و الأقاليم لا كمان البلاد .... كفاية تسمع إن اللي قدامك برازيلي مثلا و علي طول تعتبره خليفة بيليه في الملاعب و ما تصدقوش لو قالك إنه ما لوش في الكورة أصلا !!

امبارح بقي الخمس حالات اتبعوا الوصف النمطي ده بالمللي .... عادة السيدة الحامل بيسمح لها بمرافق داخل حجرة العمليات .....جزء من الدعم المعنوي يعني .....كمان بيسمح لها باختيار نوع المزيكا اللي تتلعب في الأوضة أثناء العملية علشان تهدي من روعها ..... طبعا ٩٩٫٩ ٪ من الحالات بتبقى بنج نصفي

كل سيدة و من اختارته من مرافق كانوا بالظبط مثل ما تتخيل النمط ...... تصرفاتهم ...كلامهم ...تعبيرهم عن مشاعرهم ... أفكارهم ... معاملتهم لبعض و الناس اللي حوالينهم ..... مش حاقولكم كل التفاصيل انما شوية ملاحظات

- السيدة العربية كانت الوحيدة اللي اختارت أمها تبقي معاها في أثناء العملية بدل الزوج .....الزوج العربي كان الوحيد اللي ما كلمش حد من أعضاء الفريق الطبي بعد العملية و لا شكرهم ....دكاترة و تمريض ...... حتي بعد ما عرف اني مصري و اني أنا اللي أذنت في ودان طفلته لما اتولدت

- السيدة اليهودية و زوجها كانوا أكتر من سألوا عن كل كبيرة و صغيرة بتحصل و ما كانش عندهم ثقة في حد أو حاجة

- الزوج الجامايكي كان أكتر زوج "روش " بطريقة لبسه و تصفيف شعره حتي بعد ما لبس بدلة العمليات ....و كمان دمه خفيف لما كان بيصور فيديو و بيعلق علي الأحداث و لا الكابتن لطيف :rolleyes:

- السيدة الكندية من أصل ايطالي كانت أكتر واحدة استخداما لكلمات زاي من فضلك ....بعد إذنك ....شكرا

- ألطف موقف في اليوم كله لما السيدة الروسية اندمجت مع المزيكا و ابتدت تغني و شوية و جوزها كمان ابتدي يغني معاها :)

الأغنية اللي كانوا بيغنوا معاها

Time to say goodbye - Andrea Bocelli & Sarah Brightman

المرة ديه بقي من سماعات أوضة العمليات ال-Bose :)

دكتور هشام، دي من احلى المداخلات اللي قريتها في المنتدى.

[د هشام ابراهيم]

صباح الورد و الياسمين يا د/هشام

أنا كنت فصلت عنكم شويه لأن الكومبيوتر كله بحاله

كان بيتصلح بس الحمد لله عدنا للمتابعه :rolleyes:

والله يا دكتور موضوعاتك جميله جدا و ممتعه جدا و خصوصا

انك بتنقلنا ثقافة و سلوك الشعب الكندي بجميع فئاته.

بس اللي أحلى بجد الخواطر الجميله دي و الي فيها احساس

عالي جدا و تحمل بين طيياتها ( حلوه دي ) معاني كبيره وواقعيه :)

بجد جميل جدا و ياريت لو أمكن شوية صور لربيع كندا الحبيبه :)

صباح الفل و الدافودلز يا سيدتي الفاضلة (ديه الزهرة المنتشرة جدا الايام ديه و البلدية زرعاها في كل حتة :))

ربنا يجازيكي كل خير يا أفندم علي كريم ثنائك .... عودا حميدا و أكيد إن شاء الله أنزل صور قريب جدا لتورونتو و سانت كاترين :)

[د هشام ابراهيم]

صباح الخير يا سيناريست يا كبير

والله مستمتع بكلامك جداً

أعتقد ان بره عامة الناس ماعندهاش مشاكل من اظهار أحاسيسهم بتلقائية وبطبيعية

غير عندنا كمصريين بصفة خاصة أو كشرقيين بصفة عامة

يعني عندنا نادر انك تشوف راجل بيبكي

أو بيغم عليه علشان شاف منظر مش حلو

أو بيظهر لمراته انه مهتم وخايف عليها مهما كان بيحبها

أو بيتنطط علشان فرحان

مش عارف انا بتكلم بالنسبة للرجالة يمكن السيدات ليهم رأي تاني

يتهيالي إخفاء المشاعر والتظاهر بما ليس بداخلنا ده بيجيب أمراض كتير زي الضغط والسكر و و و

والله انت حتخلي الواحد يفكر في كندا

أشكرك يا صديقي على وقتك اللي بتشاركنا بيه

وليك التحية ولكل واحد بيقدر الإنسان في العالم كله

صباح الفل يا صديقي العزيز

يا ريت يا باشا تفكر في كندا ده يبقى يوم المني :rolleyes:

متفق معك تماما ..... طبيعتنا كشرقيين التحفظ في اظهار المشاعر إلي حد التكلف .....لا أدري أهي طبيعة أم عادات مكتسبة

يا باشا أنا مش قد الكلام الحلو ديه كله ...... بس برضه It takes one to know one :)

[د هشام ابراهيم]

دكتور هشام، دي من احلى المداخلات اللي قريتها في المنتدى.

:rolleyes: :)

يا أفندم الله يكرمك و يجازيكي كل خير يا رب .....اعتز جدا بكلمات حضرتك ديه و أرجو أن أكون دائما عند حسن الظن

[د هشام ابراهيم]

ليل داخلي قرب الفجر .....لسه في المستشفي :rolleyes:

حضرت ولادات بعدد شعر رأسي و أكيد كمان أكتر ... في مصر و كندا و اليابان كمان .....لكن ما زلت أدهش من اللحظة التي يأخذ فيها الوليد أول نفس .....لو عرفتم مدي التغييرات البيولوجية التي تحدث في هذه اللحظة و تحول النظام البيولوجي كله من حالة إلي حالة خاصة دورة التنفس و الدورة الدموية .....لو عرفتم مدي تعقيد تلك اللحظة ..... مدي عرضة التحول لحدوث مشاكل .......لعرفتم مدي أهمية هذا النفس الأول

لكن ما يثير عجبي و فضولي هو بداية حياة لا يعلمها أحد سوي الله ....كثيرا ما أتخيل كم التفاصيل و المواقف التي سيمر بها هذا الانسان الذي يبدأ أول مشوار حياته ..... و أعجب كيف يمكن أن يتحول هذا المخلوق الضعيف الذي لا حول له و لا قوة إلي كائن يعيث في الأرض فسادا أو يملأ الارض هدي و نورا و لا أملك نهاية إلا قول سبحان الله و بحمده سبحان الله العظيم

[Spanish Eyes]

بلا ER ولا Greys anatomy فيه بث حي من دكتور هشام متابعينك يا دكتور بكل اهتمام، خاصة ان قصة الولادة دي وتخليص روح من روح (زي ما بنقول بالبلدي عندنا في مصر) بجد معجزة آلهية قلما نلتفت اليها وبناخدها انها من المسلمات عادي ما كل الستات بتولد ، سبحان الله دائما بتعجب من القوة اللي ربنا بيمد بيها الأم لتحتمل الم الولادة وبعد كدة الحنيه اللي ربنا بينزلها في قلبها لهذا الكائن الضعيف.

[د هشام ابراهيم]

بلا ER ولا Greys anatomy فيه بث حي من دكتور هشام متابعينك يا دكتور بكل اهتمام، خاصة ان قصة الولادة دي وتخليص روح من روح (زي ما بنقول بالبلدي عندنا في مصر) بجد معجزة آلهية قلما نلتفت اليها وبناخدها انها من المسلمات عادي ما كل الستات بتولد ، سبحان الله دائما بتعجب من القوة اللي ربنا بيمد بيها الأم لتحتمل الم الولادة وبعد كدة الحنيه اللي ربنا بينزلها في قلبها لهذا الكائن الضعيف.

متابعتك تشرفني سيدتي و إن تفوقت دراما الحياة الحقيقية علي دراما المسلسلات ..... يمكن ER ساعات بتتفوق بس أكيد مش Grey's Anatomy :rolleyes:

اشاركك الدهشة و التعجب من واقعة الولادة ....حتي بعد ما رأيتها الاف المرات

[د هشام ابراهيم]

نهار داخلي ....الساعات الاولي من الصباح الباكر .....برضه المستشفي

و الوجه الأخر للسعادة هو الحزن ...... متضادان و لكنهم يكملان بعدهما .... لا تعرف معني السعادة الحقيقية إلا لما تصادف الحزن

أم شابة في اسبوعها الخامس عشر من حمل كان يبدو طبيعيا..... تتعرض لنزيف حاد و تفقد جنينها .....تحتاج إلي عملية طارئة لوقف النزيف

اللحظات قبل العملية و زوجها يواسيها و يقبل وجها و يديها و يرجونا أن نعتني بها جيدا ....الزوج يبدو مكلوم أكثر من الزوجة و لكنه راضي بالقضاء و همه الأساسي هو الزوجة .....إيمان .....سكينة داخلية .....تقبل للامر المحتوم .....تكيف مع الواقع ...سمه ما شئت و لكنه أثار أشجان و إحترام الجميع