قصتي مع كندا

[الجدار]

....كثيرا ما أتخيل كم التفاصيل و المواقف التي سيمر بها هذا الانسان الذي يبدأ أول مشوار حياته ..... و أعجب كيف يمكن أن يتحول هذا المخلوق الضعيف الذي لا حول له و لا قوة إلي كائن يعيث في الأرض فسادا أو يملأ الارض هدي و نورا و لا أملك نهاية إلا قول سبحان الله و بحمده سبحان الله العظيم

.أم شابة في اسبوعها الخامس عشر من حمل كان يبدو طبيعيا..... تتعرض لنزيف حاد و تفقد جنينها .....

سبحان الله

بداية الجبارين والمتجبرين والأباطرة والقياصرة

وبداية الرسل والأنبياء والدعاة والمهتدين

وبداية المذبذبين لا إلى هؤلاء ولا إلى هؤلاء

كلها بداية واحدة

وكذلك النهاية واحدة

وكل يرسم طريقة ما بين البداية والنهاية

اللهم أكتبنا من الفائزين في الدنيا والأخرة

[newcomer]

اني أنا اللي أذنت في ودان طفلته لما اتولدت

باسجل اعجابى بتمسك حضرتك بالتفاصيل الأنسانية دى....

مع انه (مهنيا) مش واجب على حضرتك.......

ربنا يحتسبهالك فى ميزان حسناتك.....أمين

[newcomer]

تورنتو بطبيعتها فيها ناس من كل الأعمار و الأجناس و الخلفيات العرقية و الثقافية كمان فبتخليك تشوف التنوع ده واضح قوي

:sad:

اهو دى الطف حاجة فى التوبيك يا دكتور

ان احنا كمان بنشوف مع حضرتك ..

انا شخصيا مستمتعة جدا بالخواطر و الملاحظات الاخيرة كلها......

و كمان تعليقات و تفاعل المتحاوريين.....

....

...

[mohamedadel]

السلام عليكم

بصراحة لم أستطع ان انهي قراءة كافة الصفحات والمداخلات حتى استطيع ان اشكرك يا دكتور هشام على هذا الأسلوب الرائع في الكتابة وعلى مجهودك في مساعدة من استشارك ...

فلك كل شكر وتقدير واحترام ...

تم تعديل 22 أبريل 2009 بواسطة mohamedadel

[torontoz]

نهار داخلي ....الساعات الاولي من الصباح الباكر .....برضه المستشفي

و الوجه الأخر للسعادة هو الحزن ...... متضادان و لكنهم يكملان بعدهما .... لا تعرف معني السعادة الحقيقية إلا لما تصادف الحزن

أم شابة في اسبوعها الخامس عشر من حمل كان يبدو طبيعيا..... تتعرض لنزيف حاد و تفقد جنينها .....تحتاج إلي عملية طارئة لوقف النزيف

اللحظات قبل العملية و زوجها يواسيها و يقبل وجها و يديها و يرجونا أن نعتني بها جيدا ....الزوج يبدو مكلوم أكثر من الزوجة و لكنه راضي بالقضاء و همه الأساسي هو الزوجة .....إيمان .....سكينة داخلية .....تقبل للامر المحتوم .....تكيف مع الواقع ...سمه ما شئت و لكنه أثار أشجان و إحترام الجميع

علي كده التامين اللي بيتحمل تكاليف العمليات دي ولا يبئي موت وخراب ديار...

[SoSo R]

سيدى الفاضل و العزيز دكتور هشام:

لا أود أن أضيف كثيرا من مداخلات الشكر و تسجيل المتابعة...و كنت أود أن أقرأ فى صمت

ولكنك سيدى تستحق إنحناءة

و أرفع لك القبعة

إحتراما منى لأسلوبك الراقى جدا

لقد أسرتنى سيدى بكلماتك

و أستجدت هذه الكلمات دموعى...فضنت هذه الدموع أن ترفض هذه الدعوة

أشكرك سيدى من كل القلب و أود أن يصل شكرى مباشرة إلى قلبك

لأنك تشاركنا كما من المشاعر و الأحسايس قلما يوجد فى نفس الزمان و المكان

لقد حاولت التهرب من الرد على مداخلتك السابقة....ولكن الحقيقة....لم أستطع تجاهل كل هذا الكم من المشاعر

لى سؤال فقط سيدى...هل كثرة إحتكاكك بكل هذا الكم من المشاعر يجعلها تفقد قيمتها بعد فترة...

و تصبح أشياء عادية لا تهز الوجدان كما تفعل فينا أنت الآن؟؟؟

أنتظر إجابتك

تحياتى

سوسورانى

[د هشام ابراهيم]

سبحان الله

بداية الجبارين والمتجبرين والأباطرة والقياصرة

وبداية الرسل والأنبياء والدعاة والمهتدين

وبداية المذبذبين لا إلى هؤلاء ولا إلى هؤلاء

كلها بداية واحدة

وكذلك النهاية واحدة

وكل يرسم طريقة ما بين البداية والنهاية

اللهم أكتبنا من الفائزين في الدنيا والأخرة

آمين يا رب العالمين

ربنا يباركلك و يحميك يا صديقي ...هي كده بالظبط رحلة أولها معروف و آخرها معروف و ما هي إلا اختبار لحياة أعلي و حقيقية .....ربنا يجعلنا جميعا من الفائزين الناجحين

[د هشام ابراهيم]

باسجل اعجابى بتمسك حضرتك بالتفاصيل الأنسانية دى....

مع انه (مهنيا) مش واجب على حضرتك.......

ربنا يحتسبهالك فى ميزان حسناتك.....أمين

اهو دى الطف حاجة فى التوبيك يا دكتور

ان احنا كمان بنشوف مع حضرتك ..

انا شخصيا مستمتعة جدا بالخواطر و الملاحظات الاخيرة كلها......

و كمان تعليقات و تفاعل المتحاوريين.....

سعادة المدير العام ......جزاك الله كل خير سيدتي علي دعائك الصالح .... و سعيد و ممتن جدا لمتابعة حضرتك الكريمة :roseop:

الحقيقة أنا جسمي كله ارتجف لحظتها .....أم السيدة العربية اللي كانت معاها ما كانتش بتتكلم كلمة انجليزي و كانت مش قادرة تتواصل مع أي حد في الحجرة إلا العبد لله بطبيعة الحال و لما نبهتها لان حد مفروض يؤذن في ودن البيبي ما قدرتش تروح بنفسها و سعدت لما عرضت اني أقوم بالمهمة ....أصارحك القول أنا كمان سعدت بادائها

أحلي حاجة إن كل من في الحجرة من أطباء و ممرضات احترموا اللحظات ديه تماما و التزموا الصمت

ألطف حاجة بقي انهم كلفوني بعمل CD أغاني عربي علشان لو سيدة عربية جت بعد كده يقدروا يشغلوا ليها مزيكا تناسبها

[د هشام ابراهيم]

السلام عليكم

بصراحة لم أستطع ان انهي قراءة كافة الصفحات والمداخلات حتى استطيع ان اشكرك يا دكتور هشام على هذا الأسلوب الرائع في الكتابة وعلى مجهودك في مساعدة من استشارك ...

فلك كل شكر وتقدير واحترام ...

العفو يا سيدي الفاضل .... كلام حضرتك بيحسس الواحد فعلا إن الموضوع ليه فايدة و إنه يكمل كتابة ....جزاك الله كل خير و ادعو الله أن أكون عند حسن ظن الجميع

ربنا يوفقنا جميعا لما يحب و يرضي

[د هشام ابراهيم]

علي كده التامين اللي بيتحمل تكاليف العمليات دي ولا يبئي موت وخراب ديار...

مون شيغي لو ميتغ -

كل العمليات الطارئة متغطية بال-OHIP ما فيش كلام

أغلب العمليات الاخري برضه متغطية بالتأمين ....العمليات اللي ما بتتغطاش بتبقى عادة العمليات اللي ما لهاش ضرورة طبية .....عملية تجميل مثلا .... كقاعدة عامة تقريبا كل الممارسات الطبية داخل المستشفيات الكبيرة متغطية بالتأمين الطبي الشامل

ا بين تو

[د هشام ابراهيم]

سيدى الفاضل و العزيز دكتور هشام:

لا أود أن أضيف كثيرا من مداخلات الشكر و تسجيل المتابعة...و كنت أود أن أقرأ فى صمت

ولكنك سيدى تستحق إنحناءة

و أرفع لك القبعة

إحتراما منى لأسلوبك الراقى جدا

لقد أسرتنى سيدى بكلماتك

و أستجدت هذه الكلمات دموعى...فضنت هذه الدموع أن ترفض هذه الدعوة

أشكرك سيدى من كل القلب و أود أن يصل شكرى مباشرة إلى قلبك

لأنك تشاركنا كما من المشاعر و الأحسايس قلما يوجد فى نفس الزمان و المكان

لقد حاولت التهرب من الرد على مداخلتك السابقة....ولكن الحقيقة....لم أستطع تجاهل كل هذا الكم من المشاعر

لى سؤال فقط سيدى...هل كثرة إحتكاكك بكل هذا الكم من المشاعر يجعلها تفقد قيمتها بعد فترة...

و تصبح أشياء عادية لا تهز الوجدان كما تفعل فينا أنت الآن؟؟؟

أنتظر إجابتك

تحياتى

سوسورانى

سيدتي الفاضلة الكلمات الصادرة من القلب تصل مباشرة إلي القلب ....دون حواجز أو عوائق .....كلمات حضرتك غمرتني بمشاعر السعادة و الأعتزاز بوجودي وسط نخبة منتقاة من شخصيات تميزت بالعقل الراجح و المشاعر النبيلة و الأدب الجم .....مثلك سيدتي

أبادلك تحيتك بمثلها ...تحية تقدير و احترام و أزيدها تحية امتنان و عرفان

بالنسبة لسؤالك سيدتي فما زالت كل اللحظات الانسانية تأثر في و تصل لوجداني ....ما قد انجح فيه أحيانا هو عدم اظهار تأثري أو تحجيمه ..... و ما احرص عليه دوما هو عدم تأثير مشاعري علي عملي و اتخاذي للقرارت الطبية .....

بالنسبة لموقف الزوج المكلوم لم تخل عين في حجرة العمليات من دموع

[torontoz]

علي كده التامين اللي بيتحمل تكاليف العمليات دي ولا يبئي موت وخراب ديار...

مون شيغي لو ميتغ -

كل العمليات الطارئة متغطية بال-OHIP ما فيش كلام

أغلب العمليات الاخري برضه متغطية بالتأمين ....العمليات اللي ما بتتغطاش بتبقى عادة العمليات اللي ما لهاش ضرورة طبية .....عملية تجميل مثلا .... كقاعدة عامة تقريبا كل الممارسات الطبية داخل المستشفيات الكبيرة متغطية بالتأمين الطبي الشامل

ا بين تو

merci beaucoup ...

[د هشام ابراهيم]

merci beaucoup ...

جو فزمبغيه مسيو

ا فوتغ سغفيس يا ميتغ :sad:

[kaplan]

مقدرش اقول غير انى متابع بانبهار يادكتور

ياااااااه قد ايه وانت بتحكى عن المستشفى عندك تلقائى كده باقعد اقارن بالمستشفى عندنا

معامله الدكاترة اللى زى الزفت للعيانين خصوصا النواب و الشخط والزعيق لاهالى وامهات الاطفال

دولا حتى بيحرموا الام من انها تعيط وتبكى على طفلها حتى وهو فى حاله صعبه

حاجه مش ممكن والله

فرق ثقافات وللا لخلاق وللا اختلاف عادات وللا ايه بالظبط؟

ياللا ربنا يخرجنا من البلد على خير

ياريت تستمر فى الخواطر دى ياباشا بالتوفيق

[د هشام ابراهيم]

مقدرش اقول غير انى متابع بانبهار يادكتور

ياااااااه قد ايه وانت بتحكى عن المستشفى عندك تلقائى كده باقعد اقارن بالمستشفى عندنا

معامله الدكاترة اللى زى الزفت للعيانين خصوصا النواب و الشخط والزعيق لاهالى وامهات الاطفال

دولا حتى بيحرموا الام من انها تعيط وتبكى على طفلها حتى وهو فى حاله صعبه

حاجه مش ممكن والله

فرق ثقافات وللا لخلاق وللا اختلاف عادات وللا ايه بالظبط؟

ياللا ربنا يخرجنا من البلد على خير

ياريت تستمر فى الخواطر دى ياباشا بالتوفيق

الله يخليك يا دكتورنا العزيز ...جزاك الله كل خير

ما تحاولش تقارن يا باشا علشان ما تتعبش .....أنا فاكر استاذة عندنا في الكلية كانت مرة سألتني عن الفروق بين مصر و اليابان بعد ما رجعت من البعثة بتاعتي ....ما لقيتش أصلا نقط مشتركة تقارنها

بس برضه أرجع و أقول عمر حال الطب ما حيتصلح في بلدنا إلا لو حال البلد كله أتصلح

[Ayman elhemasy]

Dr Hesham how r u

plz do u know any info. about the IMG

http://www.img-canada.ca/en/provinces/IMGChartJan3.htm

plz check this link

thank u very much

good luck

[د هشام ابراهيم]

Dr Hesham how r u

plz do u know any info. about the IMG

http://www.img-canada.ca/en/provinces/IMGChartJan3.htm

plz check this link

thank u very much

good luck

أنا الحمد لله بخير يا أخي الفاضل و أكيد عندي معلومات عن ال-IMG ....لو تفضلت حضرتك بقراءة الموضوع حتلاقي كل اللي أعرفه موجود فيه ..... تقبل تحياتي و ربنا يوفقك

[د هشام ابراهيم]

نهار داخلي ....العيادات الخارجية بالمستشفي

كنت في عيادة التخدير النهارده ..... صديق قديم من مصر جراح أنف و أذن كان راسلني بيطلب النصيحة لانه مش عارف يدخل جوه السيستم الكندي مع إنه حاول كذا مرة من خلال ال-CaRMS و ال-CEHPEA ....المهم وسط اسئلته كان عايز يعرف نواب أنف و أذن الكنديين بيذاكروا منين لامتحان الكلية الملكية

طبعا ما كانش عندي أي فكرة ...أنتهزت وجود وقت فاضي ما بين اتنين عيانين و قلت أروح لعيادة أنف و أذن أسأل أي حد هناك ..... دخلت العيادة ما لقيتش حد أعرفه ..... كنت حارجع من غير ما أسأل و بعدين قلت أتوكل علي الله و أسأل أي حد و خلاص حتي لو ما اعرفوش ..... رحت لاول طبيب شفته و سألته ......ردود الأفعال اللي حصلت بعد كده هي اللي أثارت دهشتي

الدكتور ده طلع لسه طالب و ما يعرفش الاجابة فراح أستأذني أجي معاه للنائب اللي بدوره جاوب علي سؤالي و سأل نائبة تانية موجودة لحسن يكون عندها إجابة تانية أحسن .....و الاتنين خدوني لل-Fellow اللي كان من انجلترا و ده كمان ابتدي يدور علي النت من الكمبيوتر اللي وراه يمكن يلاقي حاجة يفيدني بيها .....و بعدين النايب الأولاني راح للاستاذ يسأله .... و ده جه كمان و ابتدي يجاوبني و يحاول يساعدني ....فجأة لقيت ٥ من البشر لا أعرفهم و لا يعرفوني و الخمسة مختلفين عني تماما و كل واحد منهم بيحاول يساعدني علشان سألت سؤال ...حتي ما يخصنيش ...يخص شخصية مش موجودة حتي قدامهم

موقف صغير لكن أثر فيي جدا و حبيت اشارككم .....و ما كانش فيه مزيكا المرة ديه :)

[kaplan]

نهار داخلي ....العيادات الخارجية بالمستشفي

كنت في عيادة التخدير النهارده ..... صديق قديم من مصر جراح أنف و أذن كان راسلني بيطلب النصيحة لانه مش عارف يدخل جوه السيستم الكندي مع إنه حاول كذا مرة من خلال ال-CaRMS و ال-CEHPEA ....المهم وسط اسئلته كان عايز يعرف نواب أنف و أذن الكنديين بيذاكروا منين لامتحان الكلية الملكية

طبعا ما كانش عندي أي فكرة ...أنتهزت وجود وقت فاضي ما بين اتنين عيانين و قلت أروح لعيادة أنف و أذن أسأل أي حد هناك ..... دخلت العيادة ما لقيتش حد أعرفه ..... كنت حارجع من غير ما أسأل و بعدين قلت أتوكل علي الله و أسأل أي حد و خلاص حتي لو ما اعرفوش ..... رحت لاول طبيب شفته و سألته ......ردود الأفعال اللي حصلت بعد كده هي اللي أثارت دهشتي

الدكتور ده طلع لسه طالب و ما يعرفش الاجابة فراح أستأذني أجي معاه للنائب اللي بدوره جاوب علي سؤالي و سأل نائبة تانية موجودة لحسن يكون عندها إجابة تانية أحسن .....و الاتنين خدوني لل-Fellow اللي كان من انجلترا و ده كمان ابتدي يدور علي النت من الكمبيوتر اللي وراه يمكن يلاقي حاجة يفيدني بيها .....و بعدين النايب الأولاني راح للاستاذ يسأله .... و ده جه كمان و ابتدي يجاوبني و يحاول يساعدني ....فجأة لقيت ٥ من البشر لا أعرفهم و لا يعرفوني و الخمسة مختلفين عني تماما و كل واحد منهم بيحاول يساعدني علشان سألت سؤال ...حتي ما يخصنيش ...يخص شخصية مش موجودة حتي قدامهم

موقف صغير لكن أثر فيي جدا و حبيت اشارككم .....و ما كانش فيه مزيكا المرة ديه :lol:

ممكن ياباشا انضم لنادى الافواه المتدليه :) :lol: :lol:

ايه الاحترام ده وايه الجمال ده

فعلا يادكتور هى منظومه من اول عسكرى المرور ف الشارع لغايه الدكتور جوة المستشفى زى ماحضرتك دايما بتقول

انا اول مرة احس بمعتاها دلوقتى

ياريت نشوف عندنا حاجه زى كده ف يوم من الايام

ولو انى مااعتقدش wst:::lol:

[د هشام ابراهيم]

ممكن ياباشا انضم لنادى الافواه المتدليه :) :lol: :lol:

ايه الاحترام ده وايه الجمال ده

فعلا يادكتور هى منظومه من اول عسكرى المرور ف الشارع لغايه الدكتور جوة المستشفى زى ماحضرتك دايما بتقول

انا اول مرة احس بمعتاها دلوقتى

ياريت نشوف عندنا حاجه زى كده ف يوم من الايام

ولو انى مااعتقدش wst:::lol:

أهلا و سهلا بيك يا دكتورنا العزيز في نادي الدروب جوز

ربنا يباركلك .....هي القصة كلها فعلا منظومة مش حالات فردية ....ماكينة و كل ترس فيها بيشتغل صح ...... أملي نشوف منظومة مماثلة في مصر .... ما فيش حل تاني ...لو فضلنا كده حنضيع