قصتي مع كندا

[Shehab]

انا كمان عايز انضم ...

عقد فينا يا دكتورنا عقد

متابع فى صمت يا باشا

:rolleyes: :happy:

[newcomer]

.و الاتنين خدوني لل-Fellow اللي كان من انجلترا و ده كمان ابتدي يدور علي النت من الكمبيوتر اللي وراه يمكن يلاقي حاجة يفيدني بيها .....و بعدين النايب الأولاني راح للاستاذ يسأله .... و ده جه كمان و ابتدي يجاوبني و يحاول يساعدني ....فجأة لقيت ٥ من البشر لا أعرفهم و لا يعرفوني و الخمسة مختلفين عني تماما و كل واحد منهم بيحاول يساعدني علشان سألت سؤال ...

)

للحسرة....مسلمين بلا إسلام

لكن الجانب المشرق برضه فى الموضوع

ان حضرتك اهتميت و ضيعت وقت.....ورحت علشان تسأل

و سألت ناس متعرفهمش.....كان ممكن يكون رد فعلهم بايخ...مثلا

بس علشان حد مش قدام حضرتك ( يعنى مافيش ضغط معنوى)

بس علشان ده التزام انسانى ادبى

هو ده الجانب المشرق .....و حضرتك مسلم ...مصرى

يعنى ان شاء الله ربنا هايصلح حالنا.....لسه فينا ناس كويسيين

[bent misr]

والله يا دكتور هشام يعجز الكلام عن أن يعبر عن مشاعري

تجاه ما تكتبه من خواطر أقل ما يقال عنها أنها رائعه :rolleyes:

بجد شئ جميل منك انك تشاركنا الأوقات التي تقضيها في العمل

والتي تنقل لنا من خلالها كل عادات و ثقافات و وسلوك هذا الشعب

باختلاف أجناسه .

أشعر أنني من خلال خواطرك و المواقف التي تمر بها

أدرس ردود الأفعال و كيفية مواجهة الأزمات و التي تختلف

الى حد كبير عما يحدث عندنا هنا في مصر

على فكره يا دكتور خواطرك دي مفيده لنا نحن المهتمون بكندا

لأنها تهيئنا للتأقلم مع المكان الذي اخترناه ليكون وجهة لنا في المستقبل

شكرا لك :happy:

متابعه

[مروان كريم]

متابعين فى صمت يا دوك ولكن لما الموضوع يبقى فيه الكلام الخطير ده لازم نتكلم

هيا فعلا منظومة متكاملة و كل واحد عايز المنظومة دى تنجح وده لانه برضه فى مصلحته هو كمان مش زى ناس اعرفهم وعايش بينهم , نفسى ثم نفسى ثم نفسى ثم الاخرين هو ده المثل السائد فى مصر يا دوك اليومين دول , وعشان كده مش عارف ايه اللى جاى فى المستقبل للبلد دى ربنا يستر ,

حاقولك حاجة يا دوك مقابلة للقصة الاخيرة بتاعة حضرتك , انا بشتغل محاسب فى مصر طبعا فى برنامج حسابات جاهز المفروض انه يغطى كل حسابات الشركة من مبيعات لمشتريات .. الخ , عشان مطولش عليك البرنامج ده البيه المدير المالى شاف انه مش مهم الموديول أو الجزء بتاع الضرايب ومااشتراهوش من الشركة المنتجة وبقت حسابات الضرايب يدوى بالدفتر والقلم الرصاص تخيل حاجة زى كده وقارنها بكندا , المهم انا مسكت حسابا ت الضرايب دى بالنظام ده شوية وبعدين زهقت , ففكرت فى حل بما انى درست شوية للداتا بيز ولغة برمجة VB ممكن اصمم برنامج للضرايب يعملى كل حاجة اوتوماتيك , وفعلا عملت ده - 6 شهور يا دوك باروج البيت افضل سهران لغاية 3 الفجر اعمل ديزاين للبرنامج وانفذه واصحى 7 صباحا عشان الشغل , لغاية فعلا ما خلصته واشتغل معايا احسن من البرنامج الجاهز بتاع الشركة وبقت كل حسابات الضرايب للشركة كمبيوترايزد وبكده وفرت على الشركة 10000 جنيه تقريبا , عرضت الموضوع على السيد الاستاذ المحترم المبجل المحافظ الوزير المدير المالى تعرف يقوللى ايه - انت باين عليك قاعد فاضى ومش لاقى حاجة تعملها وبتلعب - تخيل احساسك يبقى ايه يا دوك فى الموقف ده

طولت عليك وانا عارف مشاغلك الله يعينك , متابعينك ,

تم تعديل 25 أبريل 2009 بواسطة مروان كريم

[newcomer]

, وفعلا عملت ده - 6 شهور يا دوك باروج البيت افضل سهران لغاية 3 الفجر اعمل ديزاين للبرنامج وانفذه واصحى 7 صباحا عشان الشغل , لغاية فعلا ما خلصته واشتغل معايا احسن من البرنامج الجاهز بتاع الشركة وبقت كل حسابات الضرايب للشركة كمبيوترايزد وبكده وفرت على الشركة 10000 جنيه تقريبا , عرضت الموضوع على السيد الاستاذ المحترم المبجل المحافظ الوزير المدير المالى تعرف يقوللى ايه - انت باين عليك قاعد فاضى ومش لاقى حاجة تعملها وبتلعب - تخيل احساسك يبقى ايه يا دوك فى الموقف ده

ا.مروان

اسمح لى اعلق على الحكاية دى.... بعد اذن د. هشام

انا عدى علىه كام موقف مشابهه للموقف اللى مش لاقية لى وصف ده

طبعا اتضايقت و عيطت و.....

بس و الله يا ا. مروان بعد ما سمعت نصيحة حد محترم و عنده خبرة فى الدنيا

انى اصبر و احتسب اجرى عند ربنا......و ان ربنا لا يضيع اجر مجتهد

و فى الدنيا انا ما اخسرتش ....و لا ضيعت وقت زى ما معالى المدير قال

بالعكس انا اكتسبت خبرة

المهم عايزة اقول لحضرتك ان بعد كده بكام سنة ....حصل لى مواقف عكسية

حسيت ان ده تعويض من ربنا .....

يمكن بعقلنا البشرى ...نفكر انها متأخرة و لا .....و لا.....

لكن اكيد فى حكمة لا يعلمها الا الله......

ما تزعلش .....حضرتك صح.....و اعذر المدير لان هو اخر علامه

القلم الرصاص و الجومه.....و تعالى يا ديسمبر روح يا نوفمبر...

انا مابغتابش الراجل ...لا سمح الله...انا بس بدى ليه عذر

و باحاول اساعد حضرتك تفكر هو ليه رد فعله كان كده؟؟!!

استعمل حضرتك البروجرام الناجح اللى عملته

و اثبت للناس اللى لسه عايشيين مع القلم الرصاص

ازاى انه دقيق و سريع....و بيوفر وقت و مجهود

بالتوفيق دايما....ان شاء الله

تم تعديل 25 أبريل 2009 بواسطة newcomer

[خالد المسلم]

السلام عليكم ورحمه الله وبركاته

اخوانا دكتور هشام برسلك تحيه عاطره من ارض الحجاز سائلين المولى عز وجل ان يديم عليك

النعمه والتوفيق باذن الله وفعلا اى حد عاوز يسافر كندا لا

[د هشام ابراهيم]

انا كمان عايز انضم ...

عقد فينا يا دكتورنا عقد

متابع فى صمت يا باشا

wst:: smk:

صمت ليه يا صديقي العزيز كفي الله الشر ...... فينك يا مواطن بقالي كتير ما شفتش مشاركات لك و لا حتي في رزع الحلل :P

لفها تاني في دماغك كده يا شهاب يا أخويا و بدل ما نتقابل في نص المحيط كمل لكندا بقي و خلاص wst::

[د هشام ابراهيم]

للحسرة....مسلمين بلا إسلام

لكن الجانب المشرق برضه فى الموضوع

ان حضرتك اهتميت و ضيعت وقت.....ورحت علشان تسأل

و سألت ناس متعرفهمش.....كان ممكن يكون رد فعلهم بايخ...مثلا

بس علشان حد مش قدام حضرتك ( يعنى مافيش ضغط معنوى)

بس علشان ده التزام انسانى ادبى

هو ده الجانب المشرق .....و حضرتك مسلم ...مصرى

يعنى ان شاء الله ربنا هايصلح حالنا.....لسه فينا ناس كويسيين

رحم الله الشيخ محمد عبده ...أول واحد قالها

بس هل حضرتك موافقاني إن الظروف المحيطة بالواحد بتسهل إنه يطلع أفضل ما فيه ....أكيد مش عذر أو سبب إن الواحد يبقى وحش ...أنا بس بتكلم عن درجة السهولة أو درجة جهاد النفس

تحياتي يا سعادة المدير العام و ربنا يكرمك علي حسن ظنك في العبد لله wst::

[د هشام ابراهيم]

والله يا دكتور هشام يعجز الكلام عن أن يعبر عن مشاعري

تجاه ما تكتبه من خواطر أقل ما يقال عنها أنها رائعه wst::

بجد شئ جميل منك انك تشاركنا الأوقات التي تقضيها في العمل

والتي تنقل لنا من خلالها كل عادات و ثقافات و وسلوك هذا الشعب

باختلاف أجناسه .

أشعر أنني من خلال خواطرك و المواقف التي تمر بها

أدرس ردود الأفعال و كيفية مواجهة الأزمات و التي تختلف

الى حد كبير عما يحدث عندنا هنا في مصر

على فكره يا دكتور خواطرك دي مفيده لنا نحن المهتمون بكندا

لأنها تهيئنا للتأقلم مع المكان الذي اخترناه ليكون وجهة لنا في المستقبل

شكرا لك

متابعه

ربنا يكرمك يا أفندم ..... أنا كتير باحس إن كلامي ممكن ما يبقاش ليه أهمية لناس كتير أو ما لوش لازمة أصلا ..... ما تتخيليش حضرتك باطمئن قد إيه لما حد يقول إيه اللي طلع بيه من الكلام أو الموضوع و باسعد لما أتصور إن أي معلومة باقولها ممكن تفيد حد يوما....ربنا يصلح حالنا جميعا

لكي كل التحية و الامتنان يا سيدتي smk:

[د هشام ابراهيم]

"]متابعين فى صمت يا دوك ولكن لما الموضوع يبقى فيه الكلام الخطير ده لازم نتكلم

هيا فعلا منظومة متكاملة و كل واحد عايز المنظومة دى تنجح وده لانه برضه فى مصلحته هو كمان مش زى ناس اعرفهم وعايش بينهم , نفسى ثم نفسى ثم نفسى ثم الاخرين هو ده المثل السائد فى مصر يا دوك اليومين دول , وعشان كده مش عارف ايه اللى جاى فى المستقبل للبلد دى ربنا يستر ,

حاقولك حاجة يا دوك مقابلة للقصة الاخيرة بتاعة حضرتك , انا بشتغل محاسب فى مصر طبعا فى برنامج حسابات جاهز المفروض انه يغطى كل حسابات الشركة من مبيعات لمشتريات .. الخ , عشان مطولش عليك البرنامج ده البيه المدير المالى شاف انه مش مهم الموديول أو الجزء بتاع الضرايب ومااشتراهوش من الشركة المنتجة وبقت حسابات الضرايب يدوى بالدفتر والقلم الرصاص تخيل حاجة زى كده وقارنها بكندا , المهم انا مسكت حسابا ت الضرايب دى بالنظام ده شوية وبعدين زهقت , ففكرت فى حل بما انى درست شوية للداتا بيز ولغة برمجة VB ممكن اصمم برنامج للضرايب يعملى كل حاجة اوتوماتيك , وفعلا عملت ده - 6 شهور يا دوك باروج البيت افضل سهران لغاية 3 الفجر اعمل ديزاين للبرنامج وانفذه واصحى 7 صباحا عشان الشغل , لغاية فعلا ما خلصته واشتغل معايا احسن من البرنامج الجاهز بتاع الشركة وبقت كل حسابات الضرايب للشركة كمبيوترايزد وبكده وفرت على الشركة 10000 جنيه تقريبا , عرضت الموضوع على السيد الاستاذ المحترم المبجل المحافظ الوزير المدير المالى تعرف يقوللى ايه - انت باين عليك قاعد فاضى ومش لاقى حاجة تعملها وبتلعب - تخيل احساسك يبقى ايه يا دوك فى الموقف ده

طولت عليك وانا عارف مشاغلك الله يعينك , متابعينك ,

العفو يا أخي الفاضل لا طولت ولا حاجة .....مش حاقدر أقول أكتر أو أحسن من ما قالته السيدة الفاضلة newcomer و ثق حضرتك إنك حتاخد حقك إن عاجلا أو آجلا ......بالنسبة لي أنا شخصيا لو كنت مكانك كنت أكيد حاصاب باليأس و الاحباط ربما الغضب كمان. معاك إن الاحباطات المتكررة باختلاف المواقف بطبيعة الحال تدفع الواحد دفعا للهروب أو الهجرة ..... بس مش سبب كفاية ..... حتي بعد الهجرة ممكن يبقى فيه احباطات برضه ..... اللي ما لوش حل كان هو الأحساس بالظلم و عدم الأمان و الحرمانية في ما تعمله .....حتي تفاصيل الحياة اليومية ..... "اكرامية" عسكري المرور مثلا علشان تقف في الممنوع لحد ما تخلص مشوار أو مصلحة و ما عندكش وقت تقضي نص اليوم بتدور علي مكان ركن ...... مثل بسيط جدا لكن لو فكرت فيه حتلاقيه حرام و شبهة رشوة واضحة مهما كانت الدوافع .....حاجات كتير زاي ديه تراكمت مع حاجات تانية و دفعت الواحد دفعا لاتخاذ القرار

اديني أنا اللي طولت عليك في الرد أهو smk: .....تحياتي يا أفندم wst::

[د هشام ابراهيم]

السلام عليكم ورحمه الله وبركاته

اخوانا دكتور هشام برسلك تحيه عاطره من ارض الحجاز سائلين المولى عز وجل ان يديم عليك

النعمه والتوفيق باذن الله وفعلا اى حد عاوز يسافر كندا لا

و عليكم السلام و رحمة الله و بركاته

جزاك الله كل خير علي تحيتك و دعائك الكريم و ربنا يرزقنا جميعا زيارة بيته الحرام ..... في انتظار بقية المشاركة و مزيد من المشاركات باذن الله يا أخي الكريم wst::

[د هشام ابراهيم]

نهار خارجي

يوم مشمس آخر في سانت كاترين بعد كام يوم مطر

الحرارة ٢٧ درجة و الناس مش مصدقة نفسها من السعادة ....و بيندهشوا قوي لما أقولهم لأ كده حر قوي wst::

المطر في الوقت ده ضروري للنباتات ...زاي ما قولتلكم اواخر الخريف و الشتا أغلب النباتات و الأشجار تبص عليها تلاقيها أقرب للخشب أو الحطب .... و ما تتخيلش إن لسه فيها حياة .....ييجي الربيع و تبتدي براعم أوراق الشجر تبان و بعدين تطلع أوراق خضرة فاتحة جدا كأنها أوراق في مرحلة الطفولة و علي قدام شوية الأخضر ده بيغمق ....بما إن كل شجرة ليها ال-pace بتاعها تلاقي المنظر شجر لسه ما فيهوش ورق و شجر فيه براعم بس و شجر ورقه أخضر باختلاف درجات الأخضر ..غير طبعا الشجر دائم الخضرة اللي ما فقدش ورقه أصلا

الحكاية ديه بتدهشني كل سنة أكني باشوفها لاول مرة

المهم تتوالي اعباء اقتناء بيت ....الشتا خلص من هنا و قلنا خلاص بقي الدنيا حتبقى اسهل و العناية بالبيت مش حتحتاج مجهود ....هيهات هيهات ....الحديقة الأمامية و الخلفية و حمام السباحة كلهم محتاجين رعاية و صيانة دورية و متابعة ....الأخوة الكنادوة متربيين من صغرهم علي ثقافة Do it Yourself أو اختصارا DIY طبعا العبد لله مصري أصيل و مهما رحت أو جيت مش متخيل نفسي سليمان نجيب في غزل البنات و هو لابس الاوفرول و هاتك إعتنا بالجونينة أو الطفل حسين صديق فيروز و أعيش في دور الميكانيكي و أغير عجل الشتا ( ال-Winter tires ) لعجل العادي زاي ما كل الجيران بيعملوا ..... النتيجة كام مشوار للتوكيل علشان أغير العجل و تعاقدت مع شركة للعناية بالحشيش و النباتات .....الموضوع كبير بقى و إيشي أسمدة و ايشي أنواع تربة و عينات من الجنينة علشان معالجة مش عارف إيه و مواد إيه للقضاء علي الأعشاب الضارة و نباتات إيه حتطلع ورودها امتي و مين مش حيلحق يطلع ...إلخ إلخ إلخ

مالها تورنتو .....يا حبيبتي يا تورنتو ....عاشت تورنتو smk:

[Shehab]

صمت ليه يا صديقي العزيز كفي الله الشر ...... فينك يا مواطن بقالي كتير ما شفتش مشاركات لك و لا حتي في رزع الحلل wst::

لفها تاني في دماغك كده يا شهاب يا أخويا و بدل ما نتقابل في نص المحيط كمل لكندا بقي و خلاص wst::

يا باشا فى صمت ديه ....علشان ما نعملكش قلق و نسيبك تعمل فى هدوء

و بينى و بينك بصراحة الواحد ساعات بيحس انه بقى سخيف و سئيل فبيكتفى بالمتابعة

بس يا دوك مواضيعك كلها فى القلب و تحت النظر

بالنسبة لموضوع كنكا فده ماينفعش الفه فى دماغى لأنه هو لاففها من مدة...حتى اسأل الواد موتو

بس للأسف الظروف مش فى صالحى حالياً...بس مين عارف يمكن أعملها فى يوم...او يمكن حتى الف و أجيلك من النصف الأخر للأرض

تحياتى ليك يا باشا smk:

و على فكرة موضوع الخواطر ده جامد بجد...أعتقد انه أكتر حاجة مسمعة و عاملة زباين خاصةً

فى غياب مستر تى.

تم تعديل 25 أبريل 2009 بواسطة Shehab

[د هشام ابراهيم]

يا باشا فى صمت ديه ....علشان ما نعملكش قلق و نسيبك تعمل فى هدوء

و بينى و بينك بصراحة الواحد ساعات بيحس انه بقى سخيف و سئيل فبيكتفى بالمتابعة

بس يا دوك مواضيعك كلها فى القلب و تحت النظر

بالنسبة لموضوع كنكا فده ماينفعش الفه فى دماغى لأنه هو لاففها من مدة...حتى اسأل الواد موتو

بس للأسف الظروف مش فى صالحى حالياً...بس مين عارف يمكن أعملها فى يوم...او يمكن حتى الف و أجيلك من النصف الأخر للأرض

تحياتى ليك يا باشا :lol: ;)

و على فكرة موضوع الخواطر ده جامد بجد...أعتقد انه أكتر حاجة مسمعة و عاملة زباين خاصةً

فى غياب مستر تى.

أولا سعادتك تشرفني و تسعدني بالتعليق علي أي موضوع و التفاعل معاه كمان :roseop: ..... ما هو لو الكل تابع في صمت و اكتفي بالمتابعة حاعرف منين أنا إن اللي باكتبه ده يهم أي حد أصلا wst::

خللي حكاية كندا ديه علي الله .... يوم ما يبقى فيها الخير حتلاقي الموضوع ماشي سهل لوحده

مستر تي قاعد مع الكاوبويز و بيذاكر .....ربنا يوفقه باذن الله

[مروان كريم]

بشكرك جدا newcomer على الكلام الموزون اللى خلانى اعدت افكر فيه شوية ولاقيت حضرتك كأنك بتدوسى على كل مواطن الاحباط عندى وبتفهميهالى , الاهم من كده يافندم انه انا كمان مراجع داخلى فى نفس الشركة بجانب حسابات الضرايب وصممت برنامج اخر يمكننى به تسجيل مالا يستطيع برنامج الحسابات اعطاء تقارير به ( الموضوع يطول شرحه ) وفعلا بشهادة مراجع كبير فى الشركة حاز اعجابه نجح البرنامج فى اعطاء بيانات تفصيلية وتحليلات كتيرة , خدى عندك دى كمان , زملائى مسمينى الاكسس من باب التريقة والسخرية واللى يقوللى يابنى انت بتعمل ايه وبتضيع وقتك - والله زميل ليا قالهالى بالحرف كده " بص يابنى سيبك من البرنامج والفيلم اللى انت عامله ده الاستاذ فلان ( يقصد المدير ) مش حايرحمك لو اتأخرت فى تسجيل الضرائب فعلشان ما تتوهش نفسك خليك فى الدفتر وانجز وخلص اللى عليك وروح "

دكتور هشام انا اسف يافندم والله الكلام خدنى وما سلمتش عليك و لو حكيتلك على شركتنا واللى بيحصل فيها دى عايزه توبيك لوحده . . حضرتك والناس الجميلة فى المنتدى ده هما اللى بيدونا الامل ان فيه حياة نضيفة ممكن نعيشها ولو بعد حين و ان اولادنا ممكن ما يتربوش فى التربة الفاسدة اللى احنا اتزرعنا فيها من اول المدرسة مرورا بالجيش الى الشغل ( على فكرة دى حتة للتهامى باشا انا دفعة 126 ضباط احتياط بفايد ولا فخر - فيه حكايات عن كلية الضباط الاحتياط " ذخيرة الوطن " وما بعد الكلية

تحياتى ليكى newcomer :lol: ولاستاذنا الدوك / هشام ;)

تم تعديل 25 أبريل 2009 بواسطة مروان كريم

[Shehab]

يوووووووه يا دكترة ...كده خرجتنى من صمتى؟؟؟ينفع كده؟؟

و بعدين الناس تدعى عليك و أبقى انا السبب!!

بالنسبة لموضوع كنكا او غيره...فانا سايب كله ع ربنا ....أنا بحاول بس أسعى و أعمل اللى عليه على قد ما اقدر....بس طبعاً فى الأخر اللى عايزه ربنا هيكون...و ما حدش عارف الخير فين

و زى ما قلت لك يا باشا...مين عارف يمكن نتقابل صدفة زى هنا بالظبط....و زى منتدى الخمسة غيار..و لو أنه ميعتبرش صدفة لأن الناس اللى فيه عارفها بعضها مسبقاً...أنما هنا اللى كانت مفاجأة بجد.

زى ما بقولك كده يا باشا يمكن تلاقينى فى وشك صدفة زى ما انت قلت انك بتقابل ناس كتير صدفة

شكراً ع زوقك يا باشا

و فى انتظار بقية الخواطر

[SoSo R]

مساء الخير يا دكتور:

أنا فعلا فاهمة إحساسك و أنت بتكتب و مش عارف إذا كان موضوعك فارق مع حد ولا لأ

و أنا كنت واحدة من الناس اللى بتتابع فى صمت...

خوفا من تغيير سياق الموضوع و ضياع روحه فى الشكر و تسجيل المتابعة..

لكن باؤكد لك...كل اللى بتكتبه له أهمية...لأنك بتدى واقع ملموس...حياة يومية معاشة

ولأنى كنت من أول الناس اللى طلبوا إنك تكتب يومياتك و خواطرك ...بقولك أستمر

وأكيد لو ما علقناش بعد كل مرة...هتعرف برضه إن أحنا قرينا

تحياتى

سوسورانى

[Princesse]

دكتور هشام اسجل متابعة لموضوعك الشيق

وبمناسبة الصيف، و ذوبان الجليد.. عندي سوال لو سمحت

كان في الشركة بيقبي عندنا حالة طوارئ طول الصيف، علشان معظم سكان كيبيك بيعزلوا في الوقت دا، كل سنة الناس بتعزل هناك

فيا ترى ثقافة العزال و الانتقال من بيت لبيت دي ثقافة عامة في كندا كلها ولا في كيبيك بس؟؟

[Princesse]

مساء الخير يا دكتور:

أنا فعلا فاهمة إحساسك و أنت بتكتب و مش عارف إذا كان موضوعك فارق مع حد ولا لأ

و أنا كنت واحدة من الناس اللى بتتابع فى صمت...

خوفا من تغيير سياق الموضوع و ضياع روحه فى الشكر و تسجيل المتابعة..

لكن باؤكد لك...كل اللى بتكتبه له أهمية...لأنك بتدى واقع ملموس...حياة يومية معاشة

ولأنى كنت من أول الناس اللى طلبوا إنك تكتب يومياتك و خواطرك ...بقولك أستمر

وأكيد لو ما علقناش بعد كل مرة...هتعرف برضه إن أحنا قرينا

تحياتى

سوسورانى

اتفق معكي يا استاذة سوسوراني

انا كمان مشركاتي قليلة، بفضل أقرأ دون ان اكتب اي تعليق، إلا إذا كان عندي سوال.

وفعلا انا عن نفسي استفدت كتير جدا من المنتدى من خلال خبرات الدكتور تهامي و الدكتور هشام و الدكتور قناوي و خبرات كل من شارك في كتابة تعليق

بصراحة الناس هنا بتساعد بعض جداا و مش بيبخلوا بأي معلومة.

فشكرا للجميع و جذاكم الله خيرأ

استمر يا دكتور هشام انا عن نفسي بتابع وبستفيد من كلامك.

وشكرا يا دكتور على الوقت الي بتديه للمنتدى و لينا :lol: ;)

[MARDUK]

يااااه الحقني بكبايه ميه يا دوك بقيت بنهج من كتر الصفحات اللي قريتها بجد موضوع ممتع جدااا لأقصي درجه ربنا يباركلك يا دوك :lol: