قصتي مع كندا

[Princesse]

نهار خارجي قرب المغرب علي الطريق السريع ما بين سانت كاترين و تورنتو ..ال-401

حوار داخلي أثناء القيادة و من سماعات العربية حليم بيغني أي دمعة حزن لا ;)

الجو الأيام ديه ما لوش حل ...الربيع أحلي فصل في تورنتو و كمان الشجر لما "يحيا" تاني بعد موات الشتا و تبتدي الأزهار و الورود تطلع ما ينفعش نقول غير سبحان الله

تلال خضر و أشجار علي الشمال و بحيرة أونتاريو علي اليمين و الطرف التاني من البحيرة شايف مباني تورنتو و منهم ال-CN تاور و كمان مباني هاملتون ( ما هو ما فيش سحابة سودة !!)

- هي مصر وحشة قوي كده و لا كندا هي اللي حلوة قوي كده

- لا مصر وحشة و لا كندا أحلي

- ازاي؟ كندا خضرا جدا ...كفاية المناظر الطبيعية ....مش فاكر المناظر في غرب كندا جبال و بحيرات و مناظر سبحان الخلاق ...ما شفتش أحلي منها في الدنيا

- هي صحيح مصر صفرا لكن حتي الصحاري فيها جمال غير طبيعي .... و مصر فيها شواطيء ما فيش أحلي منها في الدنيا ....كفاية الساحل و شرم و الغردقة

- امال ليه احنا مش راضيين؟ .... ليه حتي الترعة هنا شكلها منتجع خمس نجوم أو جزء من ملعب جولف و الترعة في مصر بتبان مصدر للاوبئة و الأمراض ؟

- بلاش أفترا الريف الم.....

- ريف مصري إيه ؟ ..... إنت أصلا ما طلعتش بره القاهرة و الجيزة و ما شفتش ريف

- بس برضه السؤال قائم ليه راضيين هنا و مش راضيين هناك ؟

- الفكرة كلها في تفاصيل الحياة الصغيرة اللي بتمس حياتك اليومية .... مش فارقة معاك إن الناتج القومي زاد أو عدد مواسير الصرف الصحي زاد في حكم السيد الرئيس ستيفن هاربر..... فارقة معاك الحاجات الصغيرة .... بص علي عربية البوليس اللي ماشية في الطريق ..... مصدر أمان للناس ..... في مصر مصدر ترويع و مشاكل ..... قيس علي كده بقي كل حاجة بتقابلها في يومك من أول ما بتصحي لحد ما تنام .... الاكل الشرب الهوا اللي بتتنفسه الشارع اللي بتسوق فيه التعليم الصحة الاعلام و غيره و غيره

- طب أسكت بقي و إسمع عبد الحليم

ولا ملامة علينا لا ملامة

داحنا تعبنا و دوبنا ياما

واما ندينا عليه يداوينا

عمره ما فكر في يوم يجينا

وأدينا عايشين............. :lol:

العزيز دكتور هشام، هذه المشاركة بجد أثرت فيا جداا

العيب مش في مصر العيب فينا كمصريين، بنضيع كل حاجة جميلة منا، لا اعرف لماذا اصبحت ثقافة القبح هي السائدة اليوم في بلدنا.

يمكن الجهل هو السبب؟

كنت مرة بكلم الدكتور تهامي في الموضوع دا : قلت له انا عمرى ما فكرت اني اسيب مصر، برغم من كل العيوب و الفساد و الجهل الي فيها لانها بلدي، ويكفي ان شوارع مصر كلها أمان غير شوارع مدينة شيكاغو مثلا، ويكفي ان في مصر شهامة ولاد البلد. بس فجاءة حصلت حادثة الاعتداء الجماعي على اكثر من بنت في شارع طلعت حرب في وسط القاهرة ثم بعدها بسنة تقريبا تكرر مفس الحادث في المهندسين، وقتها فقط سألت نفسي لدرجة دي بقت البنات مستباحة في البلد دي؟ فين الامان ؟ معقول كل يوم و انا نازلة الشغل احمد ربنا الي رجعت سليمة؟ هنوصل لفين؟؟

ل

[newcomer]

بس هل حضرتك موافقاني إن الظروف المحيطة بالواحد بتسهل إنه يطلع أفضل ما فيه ....أكيد مش عذر أو سبب إن الواحد يبقى وحش ...أنا بس بتكلم عن درجة السهولة أو درجة جهاد النفس

:lol:

موافقة حضرتك تماما فى النقطة دى...... وده اللى خلانى افكر فى الهجرة

بس زى ما حضرتك قلت....هو جهاد فعلا......و ان كان للنفس

و خلينا ندعى دايما ان ربنا يصلح حالنا و حال بلدنا و حال الناس اجمعين

.....مش حاقدر أقول أكتر أو أحسن من ما قالته السيدة الفاضلة newcomer

و

يا خبر .... :wub:

شكرا للأطراء يا فندم!!

تم تعديل 26 أبريل 2009 بواسطة newcomer

[newcomer]

..الأخوة الكنادوة متربيين من صغرهم علي ثقافة Do it Yourself أو اختصارا DIY طبعا العبد لله مصري أصيل و مهما رحت أو جيت مش متخيل نفسي سليمان نجيب في غزل البنات و هو لابس الاوفرول و هاتك إعتنا بالجونينة أو الطفل حسين صديق فيروز و أعيش في دور الميكانيكي و أغير عجل الشتا ( ال-Winter tires ) لعجل العادي زاي ما كل الجيران بيعملوا ..... النتيجة كام مشوار للتوكيل علشان أغير العجل و تعاقدت مع شركة للعناية بالحشيش و النباتات ... :lol:

ضحكتنى اوى يا دكتور بحكاية سليمان نجيب دى

بس يا دكتور.....ان كنت فى روما.....فافعل كما يفعل اهل روما :wub:

مش كده و لا ايييييه.....

(صوت فؤاد المهندس فى كلمتين و بس....)

[newcomer]

بشكرك جدا newcomer على الكلام الموزون اللى خلانى اعدت افكر فيه شوية ولاقيت حضرتك كأنك بتدوسى على كل مواطن الاحباط عندى وبتفهميهالى تحياتى ليكى newcomer :lol: ولاستاذنا الدوك / هشام

يا رب يكرمك كلك ذوق و الله يا أ. مروان

بس يبدو ان الأخوة فى الشركة كلهم دفعة القلم الرصاص اياه :wub:

بجد بقى ....شكلهم حزب اعداء التطور....

اللى حضرتك مقتنع انه صح و متطور و مفيد ......

اعمله يا ا.مروان.....ممكن حضرتك بتصميمك على التطور

تكون سبب فى تغيير كبيير ....للأفضل ....ان شاء الله

دايما عندى اعتقاد ان لكل مجموعة ناس فى واحد

بيكون سبب فى التغيير ....بيساعدهم انهم يشوفوا

نموذج بشرى محترم ... قدامهم ...مش هايتخيلوه

يقتدوا بيه و يقلدوه......

تخيل حضرتك لو كل واحد فينا سمع و نفذ تعليمات

حزب " محلك سر"......

قول على الدنيا السلام ...... .....

[د هشام ابراهيم]

دكتور هشام انا اسف يافندم والله الكلام خدنى وما سلمتش عليك و لو حكيتلك على شركتنا واللى بيحصل فيها دى عايزه توبيك لوحده . . حضرتك والناس الجميلة فى المنتدى ده هما اللى بيدونا الامل ان فيه حياة نضيفة ممكن نعيشها ولو بعد حين و ان اولادنا ممكن ما يتربوش فى التربة الفاسدة اللى احنا اتزرعنا فيها من اول المدرسة مرورا بالجيش الى الشغل ( على فكرة دى حتة للتهامى باشا انا دفعة 126 ضباط احتياط بفايد ولا فخر - فيه حكايات عن كلية الضباط الاحتياط " ذخيرة الوطن " وما بعد الكلية

تحياتى لاستاذنا الدوك / هشام :lol:

هي ديه المشكلة يا أخي الفاضل ....أنا ما أعتقدش إن حال مصر أسوأ من حال بلاد كتير ...المشكلة الحقيقية في رأيي المتواضع هي الاحباط .....

الشعب كله محبط و ما عندوش ثقة لا في البلد و لا القائمين عليها .... الأحباط بيؤدي في الاخر إلي مزيد من التأخر .....ما هو لو كل واحد عايز يعمل حاجة كويسة لقي ميت واحد بيشده لورا بعد شوية حيزهق و يبطل يعمل اللي عاوز يعمله لانه عامل زاي اللي بيخبط راسه في الحيط ....تخيل بقي إن شركة حضرتك ديه مجرد مثال و إن اللي بيحصل فيها بيحصل في كل شبر من أرض مصر

النتيجة ما فيش حاجة بتحصل و كلنا محلك سر .....أكتر من كده لأن الدنيا كلها من حوالينا بتمشي بسرعة ..محلك سر ديه في الحقيقة رجوع للخلف

مشاركتك قلبت المواجع علينا يا باشا ....لكن مش ذنبك طبعا :wub: .....تقبل تحياتي و امنياتي الخالصة بالتوفيق

[moheltohamy]

ألف مبروك يا هشام ياخويا وصولك المئوية لموضوعك الأول ع المنتدى :lol:

وبحسابات أخرى... الصفحة 38 بالنسبالك وانتا في كندا... الصفحات في كندا بتزيد بركتها ما تعرفش ليه

[د هشام ابراهيم]

يوووووووه يا دكترة ...كده خرجتنى من صمتى؟؟؟ينفع كده؟؟

و بعدين الناس تدعى عليك و أبقى انا السبب!!

بالنسبة لموضوع كنكا او غيره...فانا سايب كله ع ربنا ....أنا بحاول بس أسعى و أعمل اللى عليه على قد ما اقدر....بس طبعاً فى الأخر اللى عايزه ربنا هيكون...و ما حدش عارف الخير فين

و زى ما قلت لك يا باشا...مين عارف يمكن نتقابل صدفة زى هنا بالظبط....و زى منتدى الخمسة غيار..و لو أنه ميعتبرش صدفة لأن الناس اللى فيه عارفها بعضها مسبقاً...أنما هنا اللى كانت مفاجأة بجد.

زى ما بقولك كده يا باشا يمكن تلاقينى فى وشك صدفة زى ما انت قلت انك بتقابل ناس كتير صدفة

شكراً ع زوقك يا باشا

و فى انتظار بقية الخواطر

ربنا يكرمك يا صديقي العزيز .... ما تخافش يا سيدي و شارك و لا يهمك الناس هنا كلها قمة في الذوق و الطيبة و ما حدش حيدعي علي ...خلاص نسيب الموضوع للنصيب و ربنا يقدم اللي فيه الخير ...... و إن شاء الله نتقابل أول ما أنزل الأجازة الجاية :lol: ....

[د هشام ابراهيم]

مساء الخير يا دكتور:

أنا فعلا فاهمة إحساسك و أنت بتكتب و مش عارف إذا كان موضوعك فارق مع حد ولا لأ

و أنا كنت واحدة من الناس اللى بتتابع فى صمت...

خوفا من تغيير سياق الموضوع و ضياع روحه فى الشكر و تسجيل المتابعة..

لكن باؤكد لك...كل اللى بتكتبه له أهمية...لأنك بتدى واقع ملموس...حياة يومية معاشة

ولأنى كنت من أول الناس اللى طلبوا إنك تكتب يومياتك و خواطرك ...بقولك أستمر

وأكيد لو ما علقناش بعد كل مرة...هتعرف برضه إن أحنا قرينا

تحياتى

سوسورانى

الحق يتقال اني فعلا كنت ناوي أجيب ضرف الموضوع و كنت حضرتك و أخوة و أخوات أفاضل السبب اني أكمل .....لكم جميعا جزيل الشكر و العرفان :lol:

و حاضر حاستمر في الخواطر حتي لو ما فيش حد رد علي

[د هشام ابراهيم]

دكتور هشام اسجل متابعة لموضوعك الشيق

وبمناسبة الصيف، و ذوبان الجليد.. عندي سوال لو سمحت

كان في الشركة بيقبي عندنا حالة طوارئ طول الصيف، علشان معظم سكان كيبيك بيعزلوا في الوقت دا، كل سنة الناس بتعزل هناك

فيا ترى ثقافة العزال و الانتقال من بيت لبيت دي ثقافة عامة في كندا كلها ولا في كيبيك بس؟؟

سمو الأميرة أهلا و سهلا بحضرتك و متابعتك تشرفني يا أفندم :lol:

ثقافة الأنتقال و العزال موجودة طبعا و لكن في حدود .... ما شفتش حد بيعزل كل سنة في تورنتو انما برضه ما شفتش حد فضل في بيت واحد طول عمره ... يعني مثلا أي طبيب كندي بيسيب عادة بيت أهله لما بيدخل الجامعة اللي عادة بتبقى في مقاطعة مختلفة ...و بعدين يجيب أو يؤجر بيت أو شقة صغيرة ....بعد التخرج و الشغل بينقل لبيت جديد عادة أكبر و أغلي ....مع الجواز و الخلفة بيت جديد ..... مع التقدم في العمل بيت جديد و ممكن كمان بيت في منتجع أو ضيعة مع تقدم العمر و المعاش بينقل برضه لبيت جديد ....أصغر و دور واحد و قريب من أماكن التسوق و مراكز خدمة المجتمع

ده العادي فيه ناس بقي بينقلوا أسرع لو أسعار البيوت ارتفعت علي أساس تحقيق ربح

المهاجرين و أصحاب الوظائف المؤقتة و السريعة بقي بينقلوا حسب وظائفهم و معيشتهم

[د هشام ابراهيم]

استمر يا دكتور هشام انا عن نفسي بتابع وبستفيد من كلامك.

وشكرا يا دكتور على الوقت الي بتديه للمنتدى و لينا :lol:

كتر ألف خيرك يا أفندم :wub: :lol: .....معاكي انها معضلة ....خواطر شخصية فيها معلومات ممكن تفيد بس ما فيش حوار مستمر .... صاحب الخواطر مش متأكد إذا كان ما يكتب يهم و قارئين الخواطر مش عايزين يقطعوا استرسال الكاتب .... خلاص أنا كده أتطمنت ...حاكمل كتابة لغاية ما حد يقولي كفاية :lol:

[د هشام ابراهيم]

يااااه الحقني بكبايه ميه يا دوك بقيت بنهج من كتر الصفحات اللي قريتها بجد موضوع ممتع جدااا لأقصي درجه ربنا يباركلك يا دوك :wub:

و أنا أقول إنت مختفي فين و سايبني أرزع حلل هناك لوحدي

الله يخليك يا صديقي ...شد حيلك بقي و تعال كندا و مش بعيد ساعتها تفتح موضوع في منتدي كندا كمان :lol:

[د هشام ابراهيم]

العزيز دكتور هشام، هذه المشاركة بجد أثرت فيا جداا

العيب مش في مصر العيب فينا كمصريين، بنضيع كل حاجة جميلة منا، لا اعرف لماذا اصبحت ثقافة القبح هي السائدة اليوم في بلدنا.

يمكن الجهل هو السبب؟

كنت مرة بكلم الدكتور تهامي في الموضوع دا : قلت له انا عمرى ما فكرت اني اسيب مصر، برغم من كل العيوب و الفساد و الجهل الي فيها لانها بلدي، ويكفي ان شوارع مصر كلها أمان غير شوارع مدينة شيكاغو مثلا، ويكفي ان في مصر شهامة ولاد البلد. بس فجاءة حصلت حادثة الاعتداء الجماعي على اكثر من بنت في شارع طلعت حرب في وسط القاهرة ثم بعدها بسنة تقريبا تكرر مفس الحادث في المهندسين، وقتها فقط سألت نفسي لدرجة دي بقت البنات مستباحة في البلد دي؟ فين الامان ؟ معقول كل يوم و انا نازلة الشغل احمد ربنا الي رجعت سليمة؟ هنوصل لفين؟؟

حضرتك لمست فعلا العديد من الاسباب اللي خلتني شخصيا أخد قرار الهجرة .. زاي حضرتك بالظبط ما كانش عندي أي إستعداد أسيب مصر لحد ما كذا حاجة أتجمعت مع بعض

- تفشي ثقافة القبح مش بس في المباني و الطبيعة ...لأ كمان في الأخلاق و المعاملة

- فقدان الاحساس بالامن و الامان ... في كل حاجة ..... من أول قيادة السيارة و الواحد مش عارف حيبقى نصيبه يروح هو و عربيته سليم كل يوم ..... و طبعا لو الواحد اتجنن في عقله و حب يمشي علي رجليه أو يعدي شارع من أمثال جامعة الدول العربية أو أحمد عربي يبقى يتشهد علي روحه ..... الموضوع بيتعدي المرور ليا تري لو أحتجت الأسعاف أو المطافي أو النجدة حد حيييجي و لا لأ

- تدني أداء جهاز الشرطة فيما يخص أمن المواطنين و تجاوزات نفس الجهاز فيما يخص "الأمن السياسي " ...

- إختفاء أو علي الأقل إضمحلال قيمنا و تقاليدنا الأصيلة ...الشهامة و الجدعنة زاي ما حضرتك بتقولي و كمان أزمة في المعاملات الدينية .....يعني لا قانون و لا تقاليد و لا دين بيحكموا المجتمع كله .....حالة فوضي مخيفة

و غيرها من أسباب ...... و زاي ما حضرتك قلتي بالظبط العيب مش في مصر ...العيب فينا احنا المصريين

[د هشام ابراهيم]

ضحكتنى اوى يا دكتور بحكاية سليمان نجيب دى :lol:

بس يا دكتور.....ان كنت فى روما.....فافعل كما يفعل اهل روما

مش كده و لا ايييييه.....

(صوت فؤاد المهندس فى كلمتين و بس....)

حاولت فعلا يا سعادة المدير العام و نجحت في حاجات و فشلت في حاجات ..... يعني خصوصا في الاول اشترينا كذا حاجة من ikea و قمت بتجميعها بنفسي ...صحيح كانت متعبة لكن الواحد كان بينبسط لما بيخلص الشغل و بعدين بمرور الوقت الواحد بقي أحسن كتير

اللي فشلت فيه تماما بقي الشغل بره البيت .... مش سليمان نجيب ....أحمد مظهر في الأيدي الناعمة أول الفيلم :wub:

[د هشام ابراهيم]

يا خبر ....

شكرا للأطراء يا فندم

تستحقينه تماما يا سيدتي الفاضلة ...لك جزيل الشكر و الامتنان :lol:

[د هشام ابراهيم]

ألف مبروك يا هشام ياخويا وصولك المئوية لموضوعك الأول ع المنتدى :lol:

وبحسابات أخرى... الصفحة 38 بالنسبالك وانتا في كندا... الصفحات في كندا بتزيد بركتها ما تعرفش ليه

حبيب هارتي يا تهامي :lol:

بس تعرف حكاية ١٠٠ صفحة ديه تخوف :wub: .... يا تري أستحقهم .... استفدت بيهم صح ....عملت اللي أقدر عليه ..... أثرت في حد أو أفدت حد بأي طريقة .....

فاكر يا تهامي يا أخويا أنا ابتديت الموضوع ده كله ازاي و ليه ؟ :lol:

لا يسعني إلا شكر كل من تفضل و أضاف للموضوع نفر نفر ....و شكر خاص للفرسان الأربعة اللي جابوا رجلي أصلا ....د تهامي و الباشمهندس ايهاب سالم و د اسكندرية تاني و د قناوي ..... و شكر متكرر لكل الأخوة و الأخوات اللي اقنعوني أكمل كتابة ...... يا رب يتقبل منا و منكم و أفضل عند حسن الظن دائما

[مروان كريم]

:blink: :lol: wst:: :hi: :hi:

تم تعديل 26 أبريل 2009 بواسطة مروان كريم

[kaplan]

tot:: tot:: :hi: مبروووووووووووووك يادكترة الوصول للصفحه 100 وعقبال يارب الصفحه المليووووووووووون

ودايما تمتعنا بمواضيعك ياباشا wst:: :hi: :blink: :lol:

[bent misr]

:lol: :lol: :lol: :sad: bv:-

[newcomer]

مبروك اليوبيل الذهبى يا دكتور

و ربنا يجازيك بكل حرف فى ال100 صفحة....حسنة.

[SoSo R]

مبروك ال100 صفحة عقبال ال200و ال 1000

لكن إزاى هما فى كندا 38 صفحة؟!!!!

هما صفح فلوسكاب؟؟؟

تحياتى

سوسورانى