قصتي مع كندا

[د هشام ابراهيم]

العزيز الفاضل مروان كريم ..... يا أفندم كلك ذوق و تستاهل كمان رفع القبعة علي ذوقك و أدبك الجم :hi:

العزيز الفاضل Kaplan ....الله يبارك فيك يا دكتور ...الصراحة مجموعة منتقاة من الأيقونات أضفت إبتسامة واسعة علي وجه العبد لله ....جازاك الله كل خير :)

العزيزة الفاضلة bent misr ...... الأيقونات وراها storyline كمان ..... يا أفندم العفو و ربنا يخليكي و يكرمك يا رب rs: rs:

العزيزة الفاضلة newcomer .... الله يبارك فيكي يا سعادة المدير العام .... ربنا يتقبل من الجميع يا سيدتي الفاضلة و دعاء حضرتك الكريم هو كل ما أترجاه ..... آمين يا رب العالمين :lol:

العزيزة الفاضلة SoSoRaNy ... الله يبارك في حضرتك يا دكتورة ...مستر تي بيهزر ..... الموضوع و ما فيه اني مغير اعدادات المنتدي علشان تبقى ٤٠ مشاركة في الصفحة بدلا من ١٥ .....فالحقيقة الموضوع دلوقتي في الصفحة ٣٨ :)

[د هشام ابراهيم]

زاي ما وعدت شوية صور خدتها مؤخرا

الأول صور من الطريق السريع بين سانت كاثرين و تورنتو

ده الطريق اللي الحوار الداخلي بيحصل فيه و أنا سايق ....و عادة فيه مزيكا شغالة في العربية .....حليم ....Iron Maiden أو اي حاجة ما بينهم :lol:

[د هشام ابراهيم]

لو دققتم في الصورة حتشوفوا مباني تورنتو علي الضفة التانية من البحيرة ...عذرا علي جودة الصورة ....الحقيقة متاخدة من كاميرا أي كلام سايبها في العربية :lol:

------------------------------------------------------------------

ديه أخر الطريق مشارف تورنتو حبيبتي

----------------------------------------------------------------

و ٥ دقائق من البيت .... مبني البلدية القديم

----------------------------------------------------------------

و ديه المستشفي اللي شغال فيها ...لاحظوا الشجر كان من غير ورق

[د هشام ابراهيم]

الربيع بقي ...ورق الشجر بيرجع تاني و في الأول بيبقى فاتح جدا .....الصورة جنب البيت في سانت كاترين

--------------------------------------------------------------------------------

غير كده البلديات بتزرع أحواض ورد في أغلب الشوارع الرئيسية .....تورنتو كلها دافيدلز دلوقتي .....الصورة من نياجارا

-------------------------------------------------------------------------------

و ديه ترعة في ويلاند .....منطقة نياجارا كلها مليانة انهار و ترع و قنوات مائية

الصورة الأخيرة من سانت كاترين

[مروان كريم]

ماشاء الله يا دوك هشام بجد صور روعة :) سؤال بس : بتزهق وانت سايق على الطريق ده؟؟

معلش اصل عجبتى اوى صور طريق تورنتو - سانت كاترين rs: : اما بقى الترعة الشيك دى فده موضوع تانى :lol: , الله ينور ياباشا شغل عالى rs:

يبدو نادى الافواه المتدلية قد زاد عضوا :hi:

تحياتى يا دوك

تم تعديل 27 أبريل 2009 بواسطة مروان كريم

[د هشام ابراهيم]

ماشاء الله يا دوك هشام بجد صور روعة bv:- سؤال بس : بتزهق وانت سايق على الطريق ده؟؟

معلش اصل عجبتى اوى صور طريق تورنتو - سانت كاترين art:) : اما بقى الترعة الشيك دى فده موضوع تانى :harp: , الله ينور ياباشا شغل عالى pht:

يبدو نادى الافواه المتدلية قد زاد عضوا jdw::

تحياتى يا دوك clp::

أهلا و سهلا بيك يا باشا في نادي الدروب جوز و شاكر ليك يا أفندم ذوقك

الحقيقة ال-401 ده طريق لطيف جدا و الواحد بيتبسط من السواقة عليه ....بس لما بيبقى زحمة خصوصا في أوقات الذروة الواحد بيتضايق (طبقا لكابتن دكتور تهامي يا أخويا أنا و ديبو و الأخوة الكنادوة اللي بيشتكوا من الزحمة بنتدلع و نسينا يعني إيه زحمة ....الزحمة الحقيقية في مصر ...زحمة تورنتو ديه أي كلام :))

[bent misr]

بسم الله ماشاء الله الصور جميله جدا

و بتخلينا نعيش معاكم هناك في كندا

و نبعد شويه عن الزحمه و التلوث الي احنا فيه

كل يوم :sad:

بس والله بحبك يا مصر , مظلومه من الي بيتعمل فيك :)

[د هشام ابراهيم]

بس والله بحبك يا مصر , مظلومه من الي بيتعمل فيك :sad:

أوجزت فافدت يا سيدتي الفاضلة ..مصر فعلا مظلومة

[الجدار]

دكتورنا العزيز

بصراحة مجهودك أكتر من رائع بصراحة

الصور بجد تهبل

حتى في التصوير ليك وجهة نظر بجد تحفة

ألا قلي يا دكتور بدون تطفل انت رافع علم مصر العثمانية لية في الصورة الشخصية ليك :sad:

يتهيألي أنا عارف الإجابة والصور جاوبت

تحيتي من بلاد السحر والجمال الخلاب والمناظر الأخاذة الكويت (يا رب صبرنا) :)

اللهم لا حسد ربنا يباركلك ويجازيك كل خير يا صديقي العزيز جداً

[SoSo R]

مساءك سعيد يا دكتور:

يعنى يوم واحد ما أدخلش ألاقى كل الأنجازات دى....

بصراحة حاجة ظريفة جدا

الصور تحفة...و الكواليتى بتاعتها ممتازة ...مش زى ما أنت بتقول...ربنا يسعدك يا دكتورنا العزيز

تحياتى

سوسورانى

[Princesse]

الف شكر :lol: bv:- يا دكتور هشام على الصور الرائعة دي

بجد لقطات جميلة جداا mf-: ، ويكفي يا دكتور انك فكرت فينا وصورت الصور دي

مش زي ناس (واخد بالك يا دكتور تهامي) تروح و تيجي وتنشف ريقنا عقبال ما تحط صورةز

مدينة تورنتو دي باين عليها هادية و جميلة...اكيد العيشة في الهدوء و النظافة و الطبيعة دي بتخلى الانسان باله مرتاح و نفسه مفتوحة على الشغل.

انا كنت زمان لما بكلم العميل في كيبيك و يكون في الشغل يقولي اتصلي بيا بعد 10 دقائق علشان هكون في البيت، بقولوا و ليه يا ميسيو بحبحا شوية علشان المواصلات و الاشارات و الزحمة..... صورك بقي يا دكتور ردت على سوالي، تقريبا الشوارع مافيش فيها حد.

أكتر حاجة حبيتها في الشعب دا مثلا لو شاف حاجة غلط بتحصل مش بيكبر دماغه بالعكس يسعى علشان يصححها

الناس في كيبيك دمها خفيف و متعاونة يعني مثلا الجيران هناك بتساعد بعضها زي مصر

و اكتر من مرة حصلت معايا و مع زمايلي ناس تعزمنا على العشاء

غير ان علاقتنا مع زمايلنا في كندا حلوة اوي، اتصحبنا على بعض و فيس بوك و ايميلات

همة مختلفين عن الاوروبيين ، بجد الناس دي موصلتش للتقدم دا من فراغ

الشغل عندهم شغل بجد و الغلط مش مسموح

فكرتنى يا دكتور هشام بالذي مضى

[SoSo R]

مساء الخير دكتور هشام:

مش عايزة أخرج برة سياق الموضوع ...بس معلهش خطر على بالى سؤال مع الفرجة على الصور....

هى سانت كاترين فيها عمارات و شقق ولا كلها هاوسز؟؟

ولو فى إيجاراتها فى حدود كام؟؟

إلا صحيح مش عايز تأجر البازمنت بتاع بيتكم :lol:

يعنى حد يسليكوا و عيال يعملوا حس وتطفشوا من العيشة wst:: ؟؟

بس تعمل واجب فى الأيجار..... :blush2:

تحياتى

سوسورانى

[أم موني]

يعجز اللسان أمام عظمة هذا الإنسان

دكتور هشام طبيب فنان موسيقي مبدع مرهف الأحاسيس

يامن تحمل كل المعاني الإنسانية كيف لنا أن نتكلم بحضورك

لا يسعنا إلا أن نقرأ بصمت وقلوبنا تلهج بالدعاء و الشكر

[د هشام ابراهيم]

دكتورنا العزيز

بصراحة مجهودك أكتر من رائع بصراحة

الصور بجد تهبل

حتى في التصوير ليك وجهة نظر بجد تحفة

ألا قلي يا دكتور بدون تطفل انت رافع علم مصر العثمانية لية في الصورة الشخصية ليك :blush2:

يتهيألي أنا عارف الإجابة والصور جاوبت

تحيتي من بلاد السحر والجمال الخلاب والمناظر الأخاذة الكويت (يا رب صبرنا) :lol:

اللهم لا حسد ربنا يباركلك ويجازيك كل خير يا صديقي العزيز جداً

العفو يا صديقي العزيز ده بس من ذوقك ....أنا الحقيقة نفسي آخد دروس في التصوير ...باحبه جدا بس ما عنديش أي فكرة عنه ...يا دوبك باحط الكاميرا أدام المنظر اللي عايز أصوره و أدوس ....بس علي كده ...يعني قيراط حظ و لا فدان شطارة ....في التصوير wst::

أما علم مصر أيام محمد علي فده حكايته حكاية ....خليني ساكت أحسن :)

سيبك من الكويت بقي و قلب موضوع كندا في دماغك m8:

[د هشام ابراهيم]

مساءك سعيد يا دكتور:

يعنى يوم واحد ما أدخلش ألاقى كل الأنجازات دى....

بصراحة حاجة ظريفة جدا

الصور تحفة...و الكواليتى بتاعتها ممتازة ...مش زى ما أنت بتقول...ربنا يسعدك يا دكتورنا العزيز

مساء الخير دكتور هشام:

مش عايزة أخرج برة سياق الموضوع ...بس معلهش خطر على بالى سؤال مع الفرجة على الصور....

هى سانت كاترين فيها عمارات و شقق ولا كلها هاوسز؟؟

ولو فى إيجاراتها فى حدود كام؟؟

إلا صحيح مش عايز تأجر البازمنت بتاع بيتكم m8:

يعنى حد يسليكوا و عيال يعملوا حس وتطفشوا من العيشة :) ؟؟

بس تعمل واجب فى الأيجار..... :blush2:

تحياتى

سوسورانى

يا أفندم و لا انجازات و لا حاجة أنا كان نفسي أحط صور أكتر و أحلي بس دول بس اللي ربنا يسرهم :lol:

سعيد حقيقي انهم عجبوا حضرتك و الاخوة و الأخوات الافاضل ...الحمد لله

ألف شكر يا باشا علي ذوقك wst::

بالنسبة لسانت كاترين فزيها زاي المدن الصغيرة ما فيهاش عمارات حلوة ..... يعني الدلع بتاع تورنتو مش موجود ...العمارات اللي موجودة بتبقى عادة فقيرة في الأمكانيات و قليلة جدا

علشان كده ثقافة البيوت هي المنتشرة .....البيوت فيها الرخيص و فيها الغالي ...أساسا حسب الموقع و طبعا بجانب المساحة و التشطيب إلخ

ثقافة الأيجار برضه مش موجودة في المدن الصغيرة ديه ...التملك و الرهن العقاري هو السائد

يا أفندم البيت كله تحت أمركم بس تعالوا :)

[د هشام ابراهيم]

الف شكر :lol: wst:: يا دكتور هشام على الصور الرائعة دي

بجد لقطات جميلة جداا :) ، ويكفي يا دكتور انك فكرت فينا وصورت الصور دي

مش زي ناس (واخد بالك يا دكتور تهامي) تروح و تيجي وتنشف ريقنا عقبال ما تحط صورةز

مدينة تورنتو دي باين عليها هادية و جميلة...اكيد العيشة في الهدوء و النظافة و الطبيعة دي بتخلى الانسان باله مرتاح و نفسه مفتوحة على الشغل.

انا كنت زمان لما بكلم العميل في كيبيك و يكون في الشغل يقولي اتصلي بيا بعد 10 دقائق علشان هكون في البيت، بقولوا و ليه يا ميسيو بحبحا شوية علشان المواصلات و الاشارات و الزحمة..... صورك بقي يا دكتور ردت على سوالي، تقريبا الشوارع مافيش فيها حد.

أكتر حاجة حبيتها في الشعب دا مثلا لو شاف حاجة غلط بتحصل مش بيكبر دماغه بالعكس يسعى علشان يصححها

الناس في كيبيك دمها خفيف و متعاونة يعني مثلا الجيران هناك بتساعد بعضها زي مصر

و اكتر من مرة حصلت معايا و مع زمايلي ناس تعزمنا على العشاء

غير ان علاقتنا مع زمايلنا في كندا حلوة اوي، اتصحبنا على بعض و فيس بوك و ايميلات

همة مختلفين عن الاوروبيين ، بجد الناس دي موصلتش للتقدم دا من فراغ

الشغل عندهم شغل بجد و الغلط مش مسموح

فكرتنى يا دكتور هشام بالذي مضى

ألف شكر يا باشا علي كلمات الأطراء m8: ....كابتن تي مشكلته إنه بيحبكها و عايز كل مشاركة تبقى علي سنجة عشرة :blush2: ...... يا رب يوفقه في مهمة كالجاري

الحقيقة الصور ديه كانت الأحد بعد الظهر و ده وقت هادي مروريا إلي حد كبير ...تورنتو عادة أزحم من كده خصوصا وقت الذروة ...٦-٩ صباحا و ٤-٧ مساء .....غير كده المرور معقول جدا

الواحد بيفضل يشتكي من زحمة تورنتو لحد ما ينزل القاهرة اجازة ...بعديها بنبطل شكوي خالص كام شهر و نرجع نشتكي تاني ..... بني آدم ده مخلوق عجيب

حضرتك فعلا لمستي كتير من صفات الكنديين ..... و فعلا هما مختلفين عن الاوروبيين و عن الامريكان كمان .....كتير باحس انهم خدوا أحسن ما في الناحيتين ...... يمكن متعصب ليهم شوية بس الحقيقة ما شفتش منهم إلا كل خير و الحمد لله

ربنا ييسر لحضرتك الأمور و تنوري كندا

[د هشام ابراهيم]

يعجز اللسان أمام عظمة هذا الإنسان

دكتور هشام طبيب فنان موسيقي مبدع مرهف الأحاسيس

يامن تحمل كل المعاني الإنسانية كيف لنا أن نتكلم بحضورك

لا يسعنا إلا أن نقرأ بصمت وقلوبنا تلهج بالدعاء و الشكر

سيدتي الفاضلة أخجلتم تواضعنا بكريم ثنائك و أدبك الجم .....جزاك الله كل خير و أكرمك و أصلح لك الأمر كله .....يا رب أفضل دائما عند حسن ظن الجميع :blush2: :lol:

[د هشام ابراهيم]

خاطرة سريعة بمناسبة الحديث عن المرور في تورونتو

- طبعا الألتزام بقواعد المرور و الاشارات الضوئية و الحارات المرورية و أولوية المرور للمشاه في غياب الأشارات الضوئية ديه بديهيات ..... أقل الناس التزاما بالقواعد هم سواقين التاكسي ....عدم الالتزام ما بيوصلش لدرجة المخالفة انما ممكن تقول قلة ذوق أحيانا .....أكثر الناس التزاما علي الأطلاق سواقين اوتوبيسات المدارس بعديهم سواقين الاوتوبيسات العامة و النقل الثقيل

- كام نقطة تثير الأنتباه

* أماكن الأنتظار المخصصة للحالات الخاصة و المعاقين مقدسة .....ما حدش بييجي جنبها ....كتير تلاقي الباركينج مليان علي الأخر انما الأماكن ديه فاضية و ما حدش بييجي ناحيتها حتي لو ما فيش غيرها .....عادة الاماكن بتبقى أقرب ما تكون للابواب أو المصاعد ......في حالة الجراجات متعددة الطوابق بتبقى فيه أماكن خاصة عادة في كل طابق

* فيه تقاطعات مرورية ما فيهاش اشارات .....بتبقى فيها علامة "قف " في كل ناحية .....اولوية المرور بتبقى للي يوصل التقاطع الأول ...... حقيقي بتبقى فرجة ازاي الناس بتلتزم و ما حدش بيستعبط (خصوصا بره تورنتو ....في تورنتو ممكن سواق تاكسي يستعبط كل حين و فين )

* اللي يستاهل بجد الأعجاب موقف بيحصل في ساعات الذروة ...لو اشارتك خضراء انما الجزء الأخر من الشارع واقف و ما بيتحركش بتقف مكانك أكن الأشارة حمراء .....لأنك لو عديت حتقفل علي مكان عبور المشاه و بعدين علي العربيات اللي في الشارع المتقاطع معاك لما الاشارة تقلب

ممكن جدا تفضل واقف و الاشارة تقلب عليك إنت شخصيا مرة أو اتنين بس لا حد بيتحرك و لا اللي وراك بيستعجلك و لا آي حاجة ...لحد ما الأشارة تخضر تاني و الشارع أدامك يسمح انك تعدي ....ممكن جدا ساعتها اللي وراك يتحيط في نفس الموقف انما برضه حيعمل زيك بالظبط

[د هشام ابراهيم]

نهار .... و ليل داخلي في المستشفي :)

حجرة أورام العظام ..... و حالة صعبة قعدت من ٧ و نص صباحا حتي العاشرة مساء ثم نقلت للعناية المتوسطة (أقل درجة من العناية المركزة )

مريض عنده ٧٦ سنة و بيعاني من العديد من الأمراض ..... قلب (AF ) ...ضغط ...سكر .... جلطة دماغية من كام سنة سابت إعاقة خفيفة جدا ..... بجانب أمراض الشيخوخة العادية من إلتهاب مفاصل و غيره و علي لستة طويلة عريضة من الأدوية

الراجل أصيب بسرطان العظام (Osteosarcoma ) في عظام الحوض و الفخذ و محتاج عملية معقدة لاستئصال الورم بالعظام مع محاولة استبقاء الاوردة و الشرايين و الأعصاب الرئيسية

خد كورس من العلاج الكيماوي و الاشعاعي علشان يسيطروا شوية علي الورم قبل العملية و اشترك طبعا في العناية بيه فرق طبية من تخصصات متعددة

أثناء العملية فقد كمية كبيرة من الدم (٣ لتر و نص )..... انما بمقاييس العملية و قد إيه الورم ده صعب و دموي تعتبر رقم كويس جدا يحسب للجراحين ....طبعا بنك الدم ما أتأخرش دقيقة في تلبية أي طلب ..... و المعامل كمان لان كل شوية كنا بنبعت عينات دم للتحليل .....الحقيقة ما فيش حد أتأخر في حاجة خالص لا أشعة و لا تمريض و لا صيدلية ..... و ده العادي

بعد العملية الراجل صحي كويس جدا الحمد لله و أول حاجة نطقها ? Did I make it .....و ارتسمت علي وجهه ابتسامة عريضة لما طمناه .....الصراحة في الأفاقة الابتسامة ما سابتش وش الراجل مع اننا كنا قلقانين عليه علشان العملية نفسها و حالته الصحية كمان .....بعد حوالي ساعتين في الأفاقة نقلناه العناية المتوسطة باعتبار إن حالته مستقرة و مش محتاج سرير العناية المركزة اللي ممكن حد تاني يحتاجه أكتر منه

الراجل حالته أحسن النهارده و برضه بيشترك في علاجه كذا تخصص طبي

حد يسألني يا كابتن لطيف و ليه كل ده ...الراجل داخل علي التمانين و مواطن عادي يعني لا رئيس نادي و لا حتي حكم كورة ..... أقوله ماهو في كندا اللي ما لوش أهل الحكومة أهله ..... بجد ....الراجل مواطن صالح و دفع ضرايبه و احترم بلده .....بلده مش حتبخل عليه و لا تستخسر فيه مليم ...سينت يعني ..... و عليه كل اللي فات ده و الخدمة الطبية اللي بجد علي أعلي مستوي ....كله علي حساب الحكومة اللي هي موجودة لخدمة الشعب

خلص الكلام علي رأي أخونا الفاضل شريف

اه نسيت اقولكم إن طول اليوم في العمليات الجراحين كانوا مشغلين مزيكا رزع حلل :lol:

[icehearted girl]

كفاية AF هنا فمصر بيبقي الدكتور ناقص يقله روح اكتب وصيتك :(

أقوله ماهو في كندا اللي ما لوش أهل الحكومة أهله ..... بجد ....الراجل مواطن صالح و دفع ضرايبه و احترم بلده .....بلده مش حتبخل عليه و لا تستخسر فيه مليم ...سينت يعني .....

exactly..that's wot i wanna say :)

صحيح بخصوص الاشارة اللي حضرتك بتتكلم عليها انا شفت دا بعيني هنا فمصر

بس في اماكن ابعد ما تكون عن القاهرة حضرتك متتخيلهاش

ودا اللي خلاني استغرب اكتر

صحيح حضرتك بتستحمل تشوق بنفسك هنا فمصر لما بترجع؟؟؟ :lol: