قصتي مع كندا

[Princesse]

نهار .... و ليل داخلي

الراجل حالته أحسن النهارده و برضه بيشترك في علاجه كذا تخصص طبي

حد يسألني يا كابتن لطيف و ليه كل ده ...الراجل داخل علي التمانين و مواطن عادي يعني لا رئيس نادي و لا حتي حكم كورة ..... أقوله ماهو في كندا اللي ما لوش أهل الحكومة أهله ..... بجد ....الراجل مواطن صالح و دفع ضرايبه و احترم بلده .....بلده مش حتبخل عليه و لا تستخسر فيه مليم ...سينت يعني ..... و عليه كل اللي فات ده و الخدمة الطبية اللي بجد علي أعلي مستوي ....كله علي حساب الحكومة اللي هي موجودة لخدمة الشعب

خلص الكلام علي رأي أخونا الفاضل شريف

اه نسيت اقولكم إن طول اليوم في العمليات الجراحين كانوا مشغلين مزيكا رزع حلل :lol:

اسمح لي بس يا دكتور هشام احكيلك على موقف طريف جداا قام به وزير الصحة المصري مؤخرا

بمناسبة انفالونزا الخنزير التي اصابت العالم كله بالرعب، قام سيادة الوزير بزيارة المطار، لتفقد الاجراءات التي يقوم بها العاميلن في المطار حتى لا يتسرب المرض لمصر. سيادته اعلن ان مصر ان شاء الله سوف تتاخذ اجراءات اكثر تشدد عندما يتحول المرض في المستقبل الى وباء..

انتهى الخبر (سمعته في برنامج العاشرة مساءا)

يعني ايه يا سيادة الوزير هنستنى لما يبقى وباء في البلد علشان تتحركوا؟؟

برضه يا دكتور انا مش معاك في تأخر الطب في مصر، دا احنا اصبحنا من ارخض الاسواق في بيع اعضاء البشر، وكل يوم في صفحة الحوادث تسمع عن اطفال اتخطفت ، وبعدين يلاقوا جثثهم منزوعة الاعضاء...الاسعار خارج المنافسة...والي مش هيبيع جسمه من الفقر..هيخطفوا الاطفال و ياخدوا الي همة عاوزينه.

وعلى المستوى الفني، موسيقى رزع الحلل دي مستوى راقي، وليها هدف يكفي ان على نغامات الموسيقى دي تمت عملية جراحية ناجحة. أما على انغام اغنيات تامر حسني وكلماتها الهابطة نتوقع ايه الي هيخرج منها؟

اسفة يا دكتور اني خرجت عن موضوع المنتدى بس بجد انا كنت متغاظة من الي بيحصل قدامي

[د هشام ابراهيم]

صحيح بخصوص الاشارة اللي حضرتك بتتكلم عليها انا شفت دا بعيني هنا فمصر

بس في اماكن ابعد ما تكون عن القاهرة حضرتك متتخيلهاش

ودا اللي خلاني استغرب اكتر

صحيح حضرتك بتستحمل تشوق بنفسك هنا فمصر لما بترجع؟؟؟ :lol:

باعتباري مواطن قاهري فالحقيقة اللي شفته أثار اعجابي ..... أكيد بره القاهرة الدنيا أحسن كتير ......بس تورنتو لكندا هي القاهرة لمصر ...قصدي ديه المدينة الميترو بوليتان الزحمة اللي فيها تكدس سكاني و عربيات كتير و مرور مخنوق (نسبة و تناسب ) يعني مرورك يا تورنتو أسوأ مرور في كندا كله

الحقيقة يا دكتورة أنا كنت باسوق عادي في مصر في الأجازات بس آخر مرة ما قدرتش ...اجرت عربية بالسواق بتاعها و شكلي ناوي علي كده كل مرة باذن الله

شرفتي الموضوع يا أفندم :)

[د هشام ابراهيم]

اسمح لي بس يا دكتور هشام احكيلك على موقف طريف جداا قام به وزير الصحة المصري مؤخرا

بمناسبة انفالونزا الخنزير التي اصابت العالم كله بالرعب، قام سيادة الوزير بزيارة المطار، لتفقد الاجراءات التي يقوم بها العاميلن في المطار حتى لا يتسرب المرض لمصر. سيادته اعلن ان مصر ان شاء الله سوف تتاخذ اجراءات اكثر تشدد عندما يتحول المرض في المستقبل الى وباء..

انتهى الخبر (سمعته في برنامج العاشرة مساءا)

يعني ايه يا سيادة الوزير هنستنى لما يبقى وباء في البلد علشان تتحركوا؟؟

برضه يا دكتور انا مش معاك في تأخر الطب في مصر، دا احنا اصبحنا من ارخض الاسواق في بيع اعضاء البشر، وكل يوم في صفحة الحوادث تسمع عن اطفال اتخطفت ، وبعدين يلاقوا جثثهم منزوعة الاعضاء...الاسعار خارج المنافسة...والي مش هيبيع جسمه من الفقر..هيخطفوا الاطفال و ياخدوا الي همة عاوزينه.

وعلى المستوى الفني، موسيقى رزع الحلل دي مستوى راقي، وليها هدف يكفي ان على نغامات الموسيقى دي تمت عملية جراحية ناجحة. أما على انغام اغنيات تامر حسني وكلماتها الهابطة نتوقع ايه الي هيخرج منها؟

اسفة يا دكتور اني خرجت عن موضوع المنتدى بس بجد انا كنت متغاظة من الي بيحصل قدامي

بالعكس يا أفندم حضرتك بتتكلمي في صلب الموضوع ..... ما فيش مصري ما نفسوش مصر تبقى أحسن بلد في الدنيا ....اللي بيحز في نفس الواحد إنه ممكن بس محتاجين نتغير و لو مش بكيفنا حيبقى غصب عنا لا قدر الله ....الواحد بيشوف الكويس في آي حتة و بيأمل إنه يشوفه في بلده ...يوما ما

وزير الصحة زيه زاي أي وزير ....مجرد واجهة و لا يملك من أمره شيء ... و بعدين الكلام ما فيش أحسن منه و تصريح كله تمام يا ريس شغال طبعا .... الشيء بالشيء يذكر ...من أكتر الحاجات اللي بتضايق الواحد في مصر ما أطلق عليه سياسة اليفط ....أهم حاجة في أي حتة اليافطة اللي بره ...مش مهم خالص المحتوي اللي جوه .....مدرسة الأخلاق الحميدة العالمية النموذجية .....لا هي نموذجية و لا عالمية و لا ليها دعوة بالاخلاق الحميدة و إحتمال كبير كمان ما تبقاش مدرسة أصلا

[the doors]

.....مدرسة الأخلاق الحميدة العالمية النموذجية .....لا هي نموذجية و لا عالمية و لا ليها دعوة بالاخلاق الحميدة و إحتمال كبير كمان ما تبقاش مدرسة أصلا

ده اختصار كبير لمصر (الاكلايشية-اليفط )

[د هشام ابراهيم]

ده اختصار كبير لمصر (الاكلايشية-اليفط )

فعلا هو ده الواقع الأليم يا صديقي و ما فيش أمل إلا لو أتغير

[ناوية ع الهجرة]

دكتور هشام تحية كبيرة لحضرتك على الخواطر الرائعة اللي فعلا بتسعدنا كلنا وتدينا أمل ان احنا نعيش حياة محترمة منظمة بأذن الله

وبصراحة الخواطر الاخيرة دي أثارت في نفسي بعض الامور

خاطرة سريعة بمناسبة الحديث عن المرور في تورونتو

- طبعا الألتزام بقواعد المرور و الاشارات الضوئية و الحارات المرورية و أولوية المرور للمشاه في غياب الأشارات الضوئية ديه بديهيات .....

في الكويت المرور بصراحة منظم واحسن من مصر بمراحل والناس بتلتزم علشان المخالفات المرورية هنا كبيرة جدا

لكن للاسف الالتزام مش نابع من شخصية الناس زي ماحضرتك بتوصف ده

* فيه تقاطعات مرورية ما فيهاش اشارات .....بتبقى فيها علامة "قف " في كل ناحية .....اولوية المرور بتبقى للي يوصل التقاطع الأول ...... حقيقي بتبقى فرجة ازاي الناس بتلتزم و ما حدش بيستعبط (خصوصا بره تورنتو ....في تورنتو ممكن سواق تاكسي يستعبط كل حين و فين )

* اللي يستاهل بجد الأعجاب موقف بيحصل في ساعات الذروة ...لو اشارتك خضراء انما الجزء الأخر من الشارع واقف و ما بيتحركش بتقف مكانك أكن الأشارة حمراء .....لأنك لو عديت حتقفل علي مكان عبور المشاه و بعدين علي العربيات اللي في الشارع المتقاطع معاك لما الاشارة تقلب

احب احكي موقف بنشوفه بيتكرر كتير في اوقات الذروة ان شخص يعدي كل الناس اللي واقفة في الأشارة ويقف في بداية االطريق الفرعي اللي جنب الاشارة ويفضل يدخل بسيارته ويعدي الناس اللي واقفة وممكن كمان يقفل الطريق الفرعي

ممكن جدا تفضل واقف و الاشارة تقلب عليك إنت شخصيا مرة أو اتنين بس لا حد بيتحرك و لا اللي وراك بيستعجلك و لا آي حاجة ...لحد ما الأشارة تخضر تاني و الشارع أدامك يسمح انك تعدي ....ممكن جدا ساعتها اللي وراك يتحيط في نفس الموقف انما برضه حيعمل زيك بالظبط

حضرتك ده لو حصل هنا او في مصر انا متخيلة ان اللي واقف ده هياخد شتيمة ومش بعيد كمان حد ينزل يضربه

واضح ان الشخصية العربية مش بس المصرية اتربت على عدم النظام والفوضى وعدم احترام الاخرين

[أثناء العملية فقد كمية كبيرة من الدم (٣ لتر و نص )..... انما بمقاييس العملية و قد إيه الورم ده صعب و دموي تعتبر رقم كويس جدا يحسب للجراحين ....طبعا بنك الدم ما أتأخرش دقيقة في تلبية أي طلب ..... و المعامل كمان لان كل شوية كنا بنبعت عينات دم للتحليل .....الحقيقة ما فيش حد أتأخر في حاجة خالص لا أشعة و لا تمريض و لا صيدلية ..... و ده العادي

حضرتك فكرتني بأخر ولادة ليا في احدى مستشفيات الكويت وكانت ولادة قيصرية وحدث نزيف شديد واحتجت نقل دم وانا بي نيجاتيف في البداية تم توفير الدم و لما احتجت دم تاني رفض بنك الدم لأن السالب غير متوفر واصر ان احنا نوفر اكياس دم من نفس الفئة وللأسف ماكنش في حد وكانت مهزلة والحمد لله على كل حال

رغم محاولة الحكومة هنا ان يكون النظام الصحي على مستوى عالي وذلك بتوفير الأمكانيات لكن تبقى المعاملة السيئة وسوء التخطيط والروتين الغبي عناصر هامة في عدم نجاحه

واضح ان الشخصية العربية محتاجة إعادة تكوين!!

[د هشام ابراهيم]

دكتور هشام تحية كبيرة لحضرتك على الخواطر الرائعة اللي فعلا بتسعدنا كلنا وتدينا أمل ان احنا نعيش حياة محترمة منظمة بأذن الله

وبصراحة الخواطر الاخيرة دي أثارت في نفسي بعض الامور

في الكويت المرور بصراحة منظم واحسن من مصر بمراحل والناس بتلتزم علشان المخالفات المرورية هنا كبيرة جدا

لكن للاسف الالتزام مش نابع من شخصية الناس زي ماحضرتك بتوصف ده

احب احكي موقف بنشوفه بيتكرر كتير في اوقات الذروة ان شخص يعدي كل الناس اللي واقفة في الأشارة ويقف في بداية االطريق الفرعي اللي جنب الاشارة ويفضل يدخل بسيارته ويعدي الناس اللي واقفة وممكن كمان يقفل الطريق الفرعي

ممكن جدا تفضل واقف و الاشارة تقلب عليك إنت شخصيا مرة أو اتنين بس لا حد بيتحرك و لا اللي وراك بيستعجلك و لا آي حاجة ...لحد ما الأشارة تخضر تاني و الشارع أدامك يسمح انك تعدي ....ممكن جدا ساعتها اللي وراك يتحيط في نفس الموقف انما برضه حيعمل زيك بالظبط

حضرتك ده لو حصل هنا او في مصر انا متخيلة ان اللي واقف ده هياخد شتيمة ومش بعيد كمان حد ينزل يضربه

واضح ان الشخصية العربية مش بس المصرية اتربت على عدم النظام والفوضى وعدم احترام الاخرين

حضرتك فكرتني بأخر ولادة ليا في احدى مستشفيات الكويت وكانت ولادة قيصرية وحدث نزيف شديد واحتجت نقل دم وانا بي نيجاتيف في البداية تم توفير الدم و لما احتجت دم تاني رفض بنك الدم لأن السالب غير متوفر واصر ان احنا نوفر اكياس دم من نفس الفئة وللأسف ماكنش في حد وكانت مهزلة والحمد لله على كل حال

رغم محاولة الحكومة هنا ان يكون النظام الصحي على مستوى عالي وذلك بتوفير الأمكانيات لكن تبقى المعاملة السيئة وسوء التخطيط والروتين الغبي عناصر هامة في عدم نجاحه

واضح ان الشخصية العربية محتاجة إعادة تكوين!!

شكرا جزيلا سيدتي الفاضلة علي تحيتك الرقيقة

الحقيقة أنا مقتنع إن حالة و سلوكيات الشعوب في الشوارع مرأة جيدة لحالة المجتمع ككل و انعكاس لحاجات كتير فيه ...الحالة الأقتصادية ..سيادة القانون .... قيم زاي مساعدة الغير و احترام الفئات الأضعف و المساواة إلخ

الاخوة الكنادوة مش ملايكة ...ما فيش ملايكة علي الأرض ... لتغيير سلوكيات الناس لابد من تطبيق القانون العادل علي الجميع دون تفريق .... بعد شوية السلوك بيبقى مكتسب و جزء من الثقافة الجمعية للمجتمع...... و بالعكس الخروج علي النظام بيبقى مستغرب و مستهجن حتي في غياب القائمين علي القانون

مستشفيات الشرق الأوسط السعيد بتسود فيها أفكار عتيقة و قيم غريبة ما لهاش دعوة بالطب ...

متفق مع حضرتك ..الشخصية العربية محتاجة فرمتة الهارد ديسك

[SoSo R]

أهه حضرتك حطيت إيدك على مربط الفرس.....تطبيق القانون

يعنى إيه بقى الكلمة دى؟؟؟؟؟؟؟؟؟؟

بصراحة مالهاش أى معنى فى قاموس الشرق الأوسط

يعنى ما فيش قانون..ولو موجود...يبقى ما بيتطبقش إلا على اللى ماعندوش طريقة يزوغ بيها من القانون

يا إما واسطة،معرفة،واصل"هيدفع فلوس

أى حاجة...المهم مافيش حاجة بتتطبق...اللى بيغلط غالبا ما بيحصلوش حاجة

إلا لو غلبان و فى حاله

كان دايما يقولك...إحنا شعب إتعود على الكرباج

للأسف جدا......هى دى الحقيقة

الطلبة لو ما فيش حد بيراقبهم بيغشوا...ما ينفعش يسيبوهم لضميرهم

العسكرى لو مش واقف...إشارة المرور هتتكسر مية مرة

المدير لو مش موجود...اللعب هيبتدى من الموظفين

وبقية الأمثلة معروفة

تحياتى

سوسورانى

[د هشام ابراهيم]

دكتورتنا الفاضلة ....بني بشر عمرهم ما كانوا ملائكيين ...... الدين و القانون و التقاليد و الاعراف هما اللي بيحكمونا .....في غياب العوامل ديه كلها بنبقي أقرب للشياطين أو الوحوش ......اذا ما كانش فيه وازع ديني و لا تطبيق للقوانين و غياب للقيم الجميلة ......خلصت خلاص

[ناوية ع الهجرة]

دكتور هشام اكيد الكنديين مش ملايكة لكن الفرق بين دول الشرق الأوسط والدول المتقدمة ان القانون فيها بيطبق بمعايير مختلفة

زي ما قالت الاخت سوسوراني القانون عندنا بيطبق على اللي ماعندوش واسطة او محسوبية أو رشوة أو غيرها

لكن في الدول المتقدمة القانون بيطبق على الكبير قبل الصغير وبالتالي بيصبح الالتزام شئ اساسي في السلوك اليومي للناس

[د هشام ابراهيم]

دكتور هشام اكيد الكنديين مش ملايكة لكن الفرق بين دول الشرق الأوسط والدول المتقدمة ان القانون فيها بيطبق بمعايير مختلفة

زي ما قالت الاخت سوسوراني القانون عندنا بيطبق على اللي ماعندوش واسطة او محسوبية أو رشوة أو غيرها

لكن في الدول المتقدمة القانون بيطبق على الكبير قبل الصغير وبالتالي بيصبح الالتزام شئ اساسي في السلوك اليومي للناس[

هو ده بالظبط اللي أقصده يا أفندم ...... الكنادوة و دول العالم المتقدم مش من عجينة تانية غير مواطني الشرق الاوسط السعيد ....الفرق هو تطبيق قانون عادل علي الجميع دون تفرقة و لمدة طويلة ...اللي بيه الناس اتعودت علي احترامه و ما بقوش محتاجين للترهيب المستمر ... تحياتي

تم تعديل 30 أبريل 2009 بواسطة د هشام ابراهيم

[precanadian]

خاطرة سريعة بمناسبة الحديث عن المرور في تورونتو

- طبعا الألتزام بقواعد المرور و الاشارات الضوئية و الحارات المرورية و أولوية المرور للمشاه في غياب الأشارات الضوئية ديه بديهيات .....

*

بمناسبه الكلام عن المرور

انا شوفت يا دكتورفي بلا د الفرنجه الطريق متقسم جزء للعربيات وجزء للعجل ورصيف كبير للمشاه والاغرب من كده ان هناك اشاره للمشاه وللعجل وللعربيات لعبور الشوارع والتقاطعات والاعجب ان حاره العجل رايح جاي زي العربيات وفيها خط منتصف الطريق

كل واحد عارف حدوده وحقوق غيره وكله بيقف ينتظر الون الاخضر للعبور وكانها منظومه شبه النمل في الحركه ولا بتسمع كلاكس عربيه ولا شتيمه لواحد ماشي غلط

مره كنت في شارع جانبي وعايز اعدي الرصيف التاني ففضلت ماشي لحد ملقيت في نص الشارع علامات عبور المشاه علي الاسفلت فوقفت لان في عربيه جايه من بعيد والاقي الخواجه يجي عند العلامه وهو اي يقف ويبصلي فعديت جري وانا محرج من الاب والنظام والاحترام بين الناس (المكان ده مكنش فيه اشاره مرور علشان تدوس زرار عبور المشاه)

اما في بلادنا والدول العربيه حسب الله في الحكومات والافراد . في احدي مدن الخليج كل كام يوم حادث بسبب كسر اشاره من مراهق مشي واشارته حمرا ويضيع الي جاي ومش واخد خوانه ووالله ان في اسره مصريه ماتت الزوجه في مثل ذلك الحادث بسبب كسر مراهق الاشاره>>>>------ تحياتي .

[د هشام ابراهيم]

بمناسبه الكلام عن المرور

انا شوفت يا دكتورفي بلا د الفرنجه ...................

دكتورنا الفاضل صديقي العزيز ....عن المرور في بلاد الفرنجة فحدث و لا حرج ....أجمل ما رأيت الحقيقة كان في اليابان ....

بلاط أرصفة الشوارع محطوط في نص الرصيف بطريقة معينة بحيث يساعد المحرومين من نعمة الأبصار انهم يعرفوا اتجاه الشارع و أماكن عبور المشاه و أبواب محطات المترو لما يدوسوا علي البلاط

الأشارات الضوئية معاها كمان اشارات صوتية بحيث يعرفوا أمتي مسموح لهم العبور و امتي يستنوا ....الشارات الصوتية مدتها أقل من الشارة الضوئية باعتبار انهم ابطأ من المبصرين فحيحتاجوا وقت أطول في التعدية

في تورنتو راكبي الدراجات مصدر القلق الحقيقي للسائقين خصوصا في الصيف وسط المدينة .....ليهم حاراتهم المخصوصة لكن كمان يسمح لهم بالمشي علي الأرصفة و كتير قوي تلاقيهم غيروا طريقهم من غير ما تاخد بالك و طبعا ليهم أولوية .....تقدر تقول أكتر ناس واخدين حقهم في شوراع تورنتو

[walidfh]

السيد الفاضل الدكتور هشام

أنا أحد المتابعين لموضوعك بصمت ولكن كلماتك الجميلة وموضوعك الشيق وما به من فائدة جمة تجبر القارىء على الرد ولو بكلمات بسيطة

اولا وقبل كل شىء أدعو الله ان يبارك لك في صحتك وعافيتك وعائلتك ومستقبلك واخرتك ويجعل ما كتبته في ميزان حسناتك ويوفقك في عملك ودنياك واخرتك

حبيت ان اقول هذه الكلمات لأن من لا يشكر الناس لا يشكر الله وانا قد إستفدت الكثير مما كتبته ومما كتبه الزملاء الأفاضل في هذا المنتدى (صحيح ان إستفادتي في بعض المواضيع كانت ستكون أفضل لو كنت قد حصلت عليها مبكرا ولكن الحمد لله على كل شىء)

أنا اكتب هذا لأنك تريد ممن يقرأ موضوعك ان يلمح على الأقل انه قرأه وإستفاد منه وبذلك يكون دافعا وحافزا لك في المتابعة وهذا ما نتوقعه منك ونقول لك إلى الأمام ونحن معك وربنا يوفقك وحتى لو لم نكتب (وهذا تقصير منا) فسندعوا لك في ظاهر الغيب

وعذرا لتأخري في الرد على موضوعك فقد إستغرق مني أكثر من أسبوعين حتى وصلت إلى نهايته مع كثرة المشاغل ولكن أن تصل متأخرا خيرا من أن لا تصل (أليس كذلك)

تمنياتي لك وللأسرة بحياة كريمة مستورة ناجحة مباركة كلها حب ونجاح وتوفيق وحفظ ورعاية من الله

وتقبل تحياتي

دكتور وليد حجازي

[د هشام ابراهيم]

السيد الفاضل الدكتور هشام

........تقبل تحياتي

دكتور وليد حجازي

عارف حضرتك لو الموضوع ده كله ما طلعتش منه غير بدعائك أخي الفاضل ده و كريم ثنائك يبقى كفاية علي قوي .....جزاك الله كل خير يا دكتور و وفقك إلي ما يحب و يرضي

معاك حق ....كتير باحس اني اللي باكتبه ممكن يبقى ما لوش لازمة و إن الموضوع استنفذ غرضه خلاص ....لولا مشاركات زاي مشاركة حضرتك و مشاركات الأخوة و الأخوات الأفاضل ...... متهيألي جزء كبير من الحكاية ديه بسبب إن الخواطر الشخصية كتير بتبقى كأنها ارسال موجه و ما تعرفش اثرها إيه علي المتلقي

حقيقي سعدت بمشاركة حضرتك جدا و أرجو أن أكون دائما عند حسن الظن

[somayasaleh]

دكتورنا الفاضل هشام

الف مبرووووووووووووك علي المئوية للتوبك الرائع ده

ربنا يبارك لحضرتك في وقتك وصحتك ومالك واهلك

:sad: bv:- :sad:

[د هشام ابراهيم]

دكتورنا الفاضل هشام

الف مبرووووووووووووك علي المئوية للتوبك الرائع ده

ربنا يبارك لحضرتك في وقتك وصحتك ومالك واهلك

:sad: bv:- :sad:

الله يبارك في حضرتك يا باشمهندس :)

جزاك الله خيرا يا سيدتي الفاضلة و تحية خالصة لحضرتك علي مجهودك الوافر و أدبك الجم :lol:

[د هشام ابراهيم]

نواصل الارسال

ربيع تورنتو :sad:

أول ما الشتا بيخلص ..حالة الشوارع بتبقى وحشة جدا ....من أثر التلج و الملح اللي البلدية بتبدره في كل حتة .....الملح بيساعد علي إن المياه ما تجمدش بسرعة ....و لما تتجمد تسيح أسرع .....لكن بيبهدل الشوارع

أثناء الشتا الصيانة شغالة و مستمرة بس ما بتبقاش كاملة .....الربيع بييجي و تبتدي الأصلاحات الجذرية .....عادة كل ويك اند بيبقى فيه شارع أو أكتر مقفول علشان الرصف ....الشوارع بيبقى معلن عنها من قبلها بكتير و المسارات البديلة بتتذاع أول باول في الراديو و التليفزيون و علي النت طبعا

الطف حاجة بقي إن الكل عارف إن كل اللي بيتعمل حيبوظ تاني في الشتا ....بس الكلام ده ما بيفرقش مع حد و العملية مستمرة

الصورة من أمام المستشفي ..... الشرطي اللي واقف ده لتنظيم المرور لان الشارع نص مقفول ..... ما تنسوش إن شعار الشرطة To serve and protect ...... الحقيقة مش مجرد شعار بل حقيقة عملية

[د هشام ابراهيم]

الصور الجاية ديه أحواض الزهور اللي بتملي الشوارع الرئيسية في تورنتو في الربيع .....البلدية هي اللي المسئولة عنهم ....بس الحقيقة حاجة بتشرح القلب

Bay street

Dundas Street

[د هشام ابراهيم]

بمناسبة المرور ...فيه طريقة تأجير سيارات في تورنتو لطيفة قوي .....كذا شركة منهم zipcar ديه .....بتشترك معاهم باشتراك سنوي و بيدولك مفتاح ماستر لكل عربياتهم .....العربيات بتبقى واقفة في كذا باركينج في المدينة كلها ......لما تحتاج لعربية تتوجه لاقرب باركينج و تاخد العربية اللي تعجبك ......تشكيلة العربيات عادة بتبقى معقولة جدا .....العربية الرابعة في موقف zipcar ده ( جنب عمارة تورنتو علي طول) Mini Cooper

لمزيد من التفاصيل www.zipcar.com

و ده موقع شركة تانية www.autoshare.com