قصتي مع كندا

[د هشام ابراهيم]

السلام عليكم ورحمة الله وبركاته

شكرا لك يل د هشام على الموضوع القييم

الف شكر على المجهود الطيب ولمعلومات

بخصوص موضوع المعادلة.. هل يلزم اجتياز اختبار لتقييم اللغة ( زى ايليتس مثلا) حتى تكون موهلا لدخول المعادلة (انا كميائى)

بضم سؤالي لسؤاله وفي انتظار ردك يا دكتور هشام هل لابد للاطباء من اجتياز اي اختبارات لغة ولا يكفي اثبات ان الدراسة كانت باللغة الانجليزية وشكرا لمساهماتك الجميلة و المفيدة

ما فيش امتحان لغة وارجعوا لموضوع د اسكندرية تاني بتاعالمعادلة

بالظبط ....و انتهز الفرصة لاشكر الأخوة الأفاضل قناوي باشا و ايهاب باشا و Torontotruk باشا على الرد على الاسئلة التي لم أستطع الرد عليها في حينها .... لكم جزيل الشكر

[د هشام ابراهيم]

تسجيل اعجاب ومتابعة

سؤال بسيط

اسهل ثلاث مقاطعات لنيابة طب اسرة بكندا بعد mccee

وشكرا

المقاطعات الشرقية أو تعرف أحيانا بمقاطعات الأطلنطي

١- Newfoundland and Labrador

٢- New Brunswick

٣- Nova Scotia

٤- Prince Edward Island

ديه مقاطعات فيها عجز شديد في الأطباء في جميع التخصصات بالذات طب الأسرة و الطريق فيهم أسهل نسبيا من بقية المقاطعات انما عيبهم الأساسي الطقس القاسي في الشتاء

[د هشام ابراهيم]

د/ هشام ابراهيم

مرحبا بك في منتدانا الرائع , الجميل

معلش المداخله متأخره شويه بس أنا لسه شايفه التوبيك

بتاعك. حقيقي اسلوبك رائع و قصتك أروع

أنا كمان متابعه, بس هرجع أكمل من الاول و جايلكوا تاني

جزاكي الله خيرا يا أختي الفاضلة و الله المستعان

[moheltohamy]

بالنسبة لموضوع الاجهاض فميزة من مزايا كندا إن ما حدش يقدر يجبرك على انك تعمل حاجة تخالف معتقداتك .... حكاية الاجهاض تحديدا كل اللي عليك انك تقول إنه يخالف عقيدتك و مش عايز تشارك فيه و عمرك ما حاتشوفه حتي

أحبّك يا كندا

[د هشام ابراهيم]

عودة إلي الصور قبل مواصلة الحديث عن تورونتو في كافة الفصول

أرجو أن تكون الصور بحجم مناسب هذه المرة :sad:

[moheltohamy]

تسلم الأيادي يا د. هشام

الواحد يا جدع ألبُه بيهفهف لما بيشوف صور الحتت دي!

فعلاً ؛ الواد امرؤ القيس ده معلّم...

قفا نبكِ من ذكرى حبيبِ ومنزلِ *** بسقط اللوى بين الدَخولِ فحوملِ

كان المفروض يقولها بين يانجٍ وإجلنتون! :sad:

[ahmed_saleh]

لا لا لا ده الموضوع سخن اوي اوي ... انا شايف كده هيكون في منافسة على الزباين مع قهوة د.التهامي و كلية د. الشامي

احب اسجل اعجابي و متابعة للموضوع بشغف ..

[شاب مصري]

متابعين يا دكتور.

[Torontotruk]

صور حلوة,,وابراج مبنية علي الهوا...وبني آدمين فاضيين داخليا...ورزق الهبل علي المجانين...

[د هشام ابراهيم]

ألف شكر لجميع الأخوة على الردود المشجعة

تورنتو مدينة عجيبة و متميزة جدا ... يمكن أهم ما يميز تورنتو انها مش بتاعة حد ...الحكاية ديه بتفرق مع المهاجر الجديد قوي ..... يعني تمشي في شينا تاون تقول ديه حتة من الصين و أهلها كلهم بلديات شنجهاي ربع ساعة ماشي تلاقي نفسك في الحي الكوري .... نهائي كاس العالم بين ايطاليا و البرتغال تقول المشجعين اللي موجودين في الحي الايطالي و البرتغالي دول مستوردين رأسا من روما و لشبونة ....و هكذا .... تمشي في شارع لورنس في سكاربورو تضرب سندوتش شاورمة شامي و تشتري بقالتك من محل البقالة العربي .... عسل أسود و طحينة حلواني و عصير بست .....و اللي غاوي ممكن يقعد على أي قهوة يشرب شيشة ....

لو تسمع الناس اللي في الشارع بيتكلموا قليل ما تلاقي حد بيتكلم انجليزي كله بيتكلم لغته .... تركب تاكسي لو السواق مش من شبه القارة الهندية أنا شخصيا باقلق

التوليفة ديه موجودة في نيويورك بس تورنتو أهدي و انضف و آمن ( معدلات الجريمة في تورنتو في ارتفاع للاسف بس ما زالت آمنة إلي حد كبير و لا تقارن مثلا لا بنيويورك و لا القاهرة )

أظرف حاجة إن كتير من الأفلام الامريكاني بتتصور في تورنتو على انها نيويورك .... طبعا بيغيروا نمر العربيات اللي في المشهد و يجيبوا كام صندوق بريد عليه علامة نيويورك و يرموا على الأرض شوية زبالة محترمين علشان تبان انها نيويورك

تورنتو في الحقيقة بتتكون من كذا مدينة ... زي القاهرة الكبري كده ما هي قاهرة و جيزة و قليوبية (و دلوقتي كمان ٦ أكتوبر و حلوان ) .... تورنتو بتتكون من أربع أقسام كبار ...Peel و York و Durham و Halton كل واحدة من دول بتنقسم لمدن صغيرة زي سكاربورو و ميسيسوجا و إتوبيكو و أوكفيل و نورث يورك و تورونتو نفسها اللي بنقول عليها وسط البلد

تم تعديل 1 ديسمبر 2008 بواسطة د هشام ابراهيم

[moheltohamy]

صور حلوة,,وابراج مبنية علي الهوا...وبني آدمين فاضيين داخليا...ورزق الهبل علي المجانين... :wub:

يا سيد تورونتو...

إنتا ليه كده؟!

ليه دايماً لو شايف ناس مبسوطين بحاجة ؛ لازم تدخل تقنعهم إنهم أغبيا ، وعايشين الوهم؟!

يا سيدي الراجل بيقول قصتي مع كندا ؛ وتجربته الشخصية! مفيش مجال للتعميم في أي مكان في الدنيا!

وده مش هناك من امبارح ؛ ده بقاله زمن هناك.

ممكن بعد إذنك تسيبه يتكلّم من واقع تجربته الخاصة؟

وعندك موضوع كندا الوحشة ؛ تعالى هناك نعدد مساوئها. موضوع متخصص للجوانب السلبية مش كفاية؟ لازم نبعتر سيئات كندا في موضوعات الناس الشخصية؟!

سبحان الله في طبعك بجد!

آسفين يا دكتور هشام... اتفضّل كمل كلامك

[د هشام ابراهيم]

الله يخلي حضرتك يا د تهامي و لا داعي للاسف يا أخي الفاضل .... أخونا العزيز Torontotruk يكره تورونتو لسبب لا أعلمه و له مطلق الحرية .... اذا كان الناس لم يجتمعوا على الأيمان بالواحد الأحد فما بالك بمدينة .... حتي لو كانت من أجمل و أحلي و أنظف و آمن و أرقي و أغني و حاجات كتير حسنة على وزن أفعل مدن العالم

[moheltohamy]

ما هو اللي هيجنني كم التناقض الغير منطقي في كلامه!

هوّه شايف إن تورونتو وحشة ؛ وكندا عموماً وحشة من وجهة نظره ؛ ومُجبر يستمر فيها لظروفه الخاصة...

كلام جميل...

لكن في كلامه ساعات يشكّر في كندا وتورونتو تحديداً في مداخلات كتير!

وشوف تمسُّكه العجيب بالنيكنيم بتاعه (جميع أنواع مشتقات تورونتو ؛ بعد البان على "تورونتو") ، وتوقيعه:

كندا هي امي

نياجارا هي دمي

تلجها في بياضي

حتي اسمي تورونتو

أنا دماغي باظت يا راجل يا طيب!

[Torontotruk]

صور حلوة,,وابراج مبنية علي الهوا...وبني آدمين فاضيين داخليا...ورزق الهبل علي المجانين... :wub:

يا سيد تورونتو...

إنتا ليه كده؟!

ليه دايماً لو شايف ناس مبسوطين بحاجة ؛ لازم تدخل تقنعهم إنهم أغبيا ، وعايشين الوهم؟!

يا سيدي الراجل بيقول قصتي مع كندا ؛ وتجربته الشخصية! مفيش مجال للتعميم في أي مكان في الدنيا!

وده مش هناك من امبارح ؛ ده بقاله زمن هناك.

ممكن بعد إذنك تسيبه يتكلّم من واقع تجربته الخاصة؟

وعندك موضوع كندا الوحشة ؛ تعالى هناك نعدد مساوئها. موضوع متخصص للجوانب السلبية مش كفاية؟ لازم نبعتر سيئات كندا في موضوعات الناس الشخصية؟!

سبحان الله في طبعك بجد!

آسفين يا دكتور هشام... اتفضّل كمل كلامك

يا سيد تهامي انا بقول رايي ...انت لو بتحب البطيخ انا مابحبوش..انت شايف تورونتو مكان جميل وآمن لكن انا شايف العكس...زى ما بحترم رأيك و بقدره ياريت تحترم رايي وبلاش تقدره...بالنسبة لي كندا كلها ما تسواش وماتستحق كل الكلام ده عليها...ولا انا فاشل و لا خالي شغل و لا عايش علي الاعانة لكن الجمال عندي له مقاييس تانية ...مقاييس مرتبطة مباشرة بسلوكيات الناس ...

[ام بلال]

صور حلوة,,وابراج مبنية علي الهوا...وبني آدمين فاضيين داخليا...ورزق الهبل علي المجانين... :wub:

يا سيد تورونتو...

إنتا ليه كده؟!

ليه دايماً لو شايف ناس مبسوطين بحاجة ؛ لازم تدخل تقنعهم إنهم أغبيا ، وعايشين الوهم؟!

يا سيدي الراجل بيقول قصتي مع كندا ؛ وتجربته الشخصية! مفيش مجال للتعميم في أي مكان في الدنيا!

وده مش هناك من امبارح ؛ ده بقاله زمن هناك.

ممكن بعد إذنك تسيبه يتكلّم من واقع تجربته الخاصة؟

وعندك موضوع كندا الوحشة ؛ تعالى هناك نعدد مساوئها. موضوع متخصص للجوانب السلبية مش كفاية؟ لازم نبعتر سيئات كندا في موضوعات الناس الشخصية؟!

سبحان الله في طبعك بجد!

آسفين يا دكتور هشام... اتفضّل كمل كلامك

يا سيد تهامي انا بقول رايي ...انت لو بتحب البطيخ انا مابحبوش..انت شايف تورونتو مكان جميل وآمن لكن انا شايف العكس...زى ما بحترم رأيك و بقدره ياريت تحترم رايي وبلاش تقدره...بالنسبة لي كندا كلها ما تسواش وماتستحق كل الكلام ده عليها...ولا انا فاشل و لا خالي شغل و لا عايش علي الاعانة لكن الجمال عندي له مقاييس تانية ...مقاييس مرتبطة مباشرة بسلوكيات الناس ...

أظنك ممكن تلاقي ده ، في المدينة الفاضلة ، أو في الجنة ، ربنا يرزقنا وإياكم

[Torontotruk]

ما هو اللي هيجنني كم التناقض الغير منطقي في كلامه!

هوّه شايف إن تورونتو وحشة ؛ وكندا عموماً وحشة من وجهة نظره ؛ ومُجبر يستمر فيها لظروفه الخاصة...

كلام جميل...

لكن في كلامه ساعات يشكّر في كندا وتورونتو تحديداً في مداخلات كتير!

وشوف تمسُّكه العجيب بالنيكنيم بتاعه (جميع أنواع مشتقات تورونتو ؛ بعد البان على "تورونتو") ، وتوقيعه:

كندا هي امي

نياجارا هي دمي

تلجها في بياضي

حتي اسمي تورونتو

أنا دماغي باظت يا راجل يا طيب!

لو كان ردي علي اسئلة بعض الناس يوحي اني بشكر في كندا فهذه مشكلتك...وبخصوص النيك نيم والتوقيع فهذه مناغشة لشخص عزيز عليا...

[د هشام ابراهيم]

ما علينا ...... أواصل السرد ثم أخلد للنوم لاني تأخرت جدا :wub:

الحياة في تورنتو سهلة إلي حد كبير بمعني أن الخدمات متوفرة و على مستوى من جيد إلي جيد جدا إلي ممتاز .... في رأيي الشخصي الأهم على الاطلاق هما التعليم و الصحة .... ميزة كبيرة من مزايا كندا إن التعليم و الصحة على أعلي مستوى و الخدمة مجانية تماما

و تفصيلا مثلا خدمة البريد ممتازة و تستطيع أن تعتمد عليها تماما في ايصال أي مستندات إلي أي مكان في العالم و في وقت معلوم .....المواصلات متوفرة و رخيصة إلي حد كبير و لو إن شبكة مترو الأنفاق تحتاج إلي تطوير ..... طبعا أنا لا أقارن بالقاهرة حتى لا أظلمها .... أنا أقارن بين تورونتو و المدن التي زرتها باريس ... طوكيو .... برلين .... مونتريال ..... إلخ

خدمات الشرطة و الأسعاف و المطافي على أعلي مستوى ....

أنا شخصيا تعرضت لتجربة مريرة كدت أن افقد فيها شريكة حياتي بعد أزمة صحية عنيفة لولا فضل الله و سرعة استجابة الأسعاف ... عندما اتصلت ب-٩١١ (زي ١٢٢ عندنا كده ) كان المسعفين داخل شقتي بعد أقل من دقيقيتين و ذهبنا إلي المستشفي في أقل من ١٠ دقائق .... لكم أن تتخيلوا امتناني و تقديري خصوصا اني كنت في حالة لا يعلمها إلا الله و نسيت تماما اني طبيب و فقدت القدرة على التصرف أو التفكير رغم تعرضي لهذا الموقف كطبيب بصورة متكررة و كم انقذت أرواح باذن الله و فضله قبل هذه المحنة

المطافي لا تتواني علي الذهاب فورا لأي بلاغ أو انذار حريق .... دأب بعض قاطني العقار الذي أسكن فيه على قلي بطاطس في أوقات غريبة ليلا و نهارا .... و في كل مرة عندما يزيد الدخان داخل شقتهم يفتحوا باب الشقة لتنطلق صفارات الأنذار في ارجاء العمارة كلها (٢٧ دور .... كل دور ٢٠ شقة ) و لم تتقاعس المطافي مرة عن المجيء .... و في زمن قياسي للتحقق من الأنذار حتي يكتشفوا إنه انذار كاذب و يعودوا من حيث أتوا

الشرطة شعارها To serve and protect و هو شعار على حق ... أفراد الشرطة في غاية الأحترام مع الجميع و لكنهم و في غاية الصرامة مع الخارجين على القانون حتي لو كانت مخالفة مرورية .... بالطبع المخالفات البسيطة يتغاضوا عنها .... مثلا كنت مرة أقود سيارة مأجرة في احدي ضواحي تورنتو و لم انتبه إن السرعة القصوي في الطريق كانت ٦٠ كم / ساعة .... تعديت السرعة المقررة (كنت لسه طالع من طريق سريع و ماشي على ٨٤ كم /س ) عندما انشقت الأرض على عربية دورية خلفي ... طبعا في هذه الحالة يجب أن أقف تماما على جانب الطريق و لا اتحرك من السيارة .... يقوم الشرطي بالكشف على نمرة السيارة بالكمبيوتر الموجود في سيارته ثم يتوجه إليك....في حالتي دار هذا الحديث بالانجليزية طبعا

- مساء الخير سيدي هكذا تحدث ...

- رديت عليه مساء الخير أيها السيد الظابط هل تعديت السرعة المقررة ...

- نعم كانت سرعتك ٨٤ كم / س في طريق ٦٠ .....

- أسف جدا لم انتبه إلي اللافتة .....

- هل هذه سيارتك (هو يعلم تماما مكنون السيارة كلها )

- لا يا سيدي هي سيارة مؤجرة من هيرتز ....

- أوراق السيارة و التأمين و رخصتك من فضلك .....

أخذهم ثم ذهب إلي سيارته للكشف عليهم و عاد بعد عدة دقائق .... حسنا لا يوجد لك مخالفات سابقة سوي مخالفة ركن في الممنوع ( حقيقة ....مهاجر مصري بقى حنعمل إيه ) و لكنك كنت مسرعا اليوم، أنا أريد مساعدتك و لذلك ساقيد المخالفة علي إن سرعتك ٦٤ كم /س حتي لا تتعرض لخصم نقاط من رصيدك و مخالفة كبيرة ....أنا أسف جدا (الظابط يتأسف لي ؟!!!)

- لا داعي للاسف يا حضرة الظابط أنا شاكر لك جدا و ممتن لك حقا ....Have a nice day

- Same to you

و للحديث بقية إن شاء الله

تم تعديل 1 ديسمبر 2008 بواسطة د هشام ابراهيم

[moheltohamy]

عزيزي تورونتو...

أنا - يمكن - من أكتر الناس اللي شايفين إن من حقك تقول رأيك هنا وف أي مكان...

وحتى أنا قلتها صريحة ف التوبيك بتاعي...

لكن أستأذنك نسيب الراجل الطيب ده يكمّل كلام ف التوبيك بتاعه زي ما هوّه عاوز ؛ التوبيك ده مش عشان ناخد آراء في تورونتو حلوة ولاّ وحشة.

التوبيك ده الراجل بيحكي حدّوتة ؛ زيي أنا و د. الشامي بالظبط...

تعالى بأه نسحب لنا كرسيين ، ونشدّلنا نفسين على اصطباحة (مسا عندك حالياً) تعدل الدماغ ع الأهوة بتاعته دي ، ونسمع الحدّوتة وبس ، وبلاش نبوّظله موضوعه ، ونشتت الحوار بتاعه!

معقول الكلام كده؟

[ام بلال]

يا جماعة الخير ممكن تخلوا الراجل الطيب اللي سايب مصالحه عشان يفيدنا بكلمتين يقول اللي عنده ، وكفاية تشتيت بقه و خروج عن الموضوع ، د. هشام نحن متابعين مع حضرتك وجزاك الله كل خير حضرتك ، و د. تهامي، ود. شامي ، وحتى تورونتو ، لو الكلام مش مجرد نقد والسلام ، وكل اللي بينقلنا خبرته ، أهم حاجة ، ما فيش داعي للسخرية وتشتيت العقول .

[Torontotruk]

عزيزي تورونتو...

أنا - يمكن - من أكتر الناس اللي شايفين إن من حقك تقول رأيك هنا وف أي مكان...

وحتى أنا قلتها صريحة ف التوبيك بتاعي...

لكن أستأذنك نسيب الراجل الطيب ده يكمّل كلام ف التوبيك بتاعه زي ما هوّه عاوز ؛ التوبيك ده مش عشان ناخد آراء في تورونتو حلوة ولاّ وحشة.

التوبيك ده الراجل بيحكي حدّوتة ؛ زيي أنا و د. الشامي بالظبط...

تعالى بأه نسحب لنا كرسيين ، ونشدّلنا نفسين على اصطباحة (مسا عندك حالياً) تعدل الدماغ ع الأهوة بتاعته دي ، ونسمع الحدّوتة وبس ، وبلاش نبوّظله موضوعه ، ونشتت الحوار بتاعه!

معقول الكلام كده؟

je suis d`accord