قصتي مع كندا

[د هشام ابراهيم]

بناء علي طلب الجماهير أدي تفاصيل تركيب الدش العربي في سانت كاترين

بناء علي توصية من جراح ليبي مهاجر من أكتر من ٣٠ سنة .... فيه مكتب في هاميلتون فرع لشركة أمريكية متخصصة في تركيب الدش و الستالايت .... اتصلنا بيهم و تم التعاقد .....الريسيفر أشترناه من علي النت من موقع الشركة بالضرايب و الجمارك دخل في بتاع ٣٠٠ دولار

مكتب هاملتون خد مقابل التركيب و المستلزمات و كله ٢٠٠ دولار

التعاقد علي أساس ٥٠ دولار في الشهر

الباقة تضم الجزيرة و العربية ..... ART أمريكا و الأفلام ....MBC ...LBC ...دريم .....دبي ....الفضائية المصرية ....اقرأ ....ذكر ... يورو نيوز و كام قناة تانيين

الصراحة الناس مواعيدهم ما كانتش مظبوطة قوي انما في الأجمال معقولين و المحصلة جيدة في رأيي

أدي ميزة لسانت كاثرين ....أغلب مناطق تورنتو ممنوع فيها تركيب دش

[SoSo R]

نواصل الارسال ....خواطر متفرقة

- عادة الشكوي من كل حاجة و كل حال ديه ....هل هي عادة مكتسبة عند ناس و لا ليها نموذج توريث ؟

فيه ناس كده أول ما يشوفوك من هنا و تبتدي إسطوانة الشكوي العيش و العيشة و الناس اللي عايشينها .......الصراحة أنا باقفل جدا من الناس ديه ما بقولش ما نشتكيش أو ما نذكرش العيوب بس ما يبقاش الكلام كله سلبي كده .......

ده أنا شفت واحد بيبصق في الشارع .....ده زحمة تورنتو غير محتملة .....ده اليوم بيخلص بسرعة ......ده الاكل ما لوش طعم ......ده الناس ما بيفهموش الهزار ...... فينكم يا صاحباتي فينكم يا اخواتي

الغريب بقي إن ما فيش ذكر للجانب المضيء .... الهجرة مشيت علي طول ....الزوجين بيعملوا من أول دقيقة و في مجال عملهم ..... ساكنين علي بعد دقائق من المستشفي و العمارة حلوة جدا ..... الأهالي رايحين جايين عليهم .... عقد العمل إتمد و بمرتب أعلي ......الوليدة الجديدة خدت الجنسية الكندية .....رخصة القيادة طلعت من أول مرة ........ العيشة في تورنتو سهلة و أغلب الناس محترمة ..... مفيش مشاكل في الشغل ....إلخ

يا تري ده بيبقى رد فعل لاحباطات ..... عدم توقع لمصاعب الغربة .....مجرد فضفضة و أنا اللي شكاي عشان باشتكي من الناس اللي بتشتكي

للمرة اللي مش عارف كام ....لا كندا الجنة و لا الكنديين ملايكة علي الأرض ...... قرار الغربة مش سهل ...كل حاجة في الدنيا ليها ميزات و عيوب و عمر الدنيا ما حتبقى وردية و من غير مشاكل .....كندا عامة من أحسن بلاد العالم في كل حاجة لكن الكمال لله وحده

ربنا يرزقنا جميعا الرضا و القناعة

يا سلاااااااام

هى الناس دى موجودة فى كل حتة...دة أنا كنت فاكراهم فى الخليج بس...هيطلعولى فى كندا كمان؟!!!

بص يا دكتور فضفضتك فى محلها و أنا معاك من الألف للياء فى كل اللى قلته

وسببها فى رايى حاجة من الأتنين...يا إما الناس دى مش حاسة بالنعمة اللى هى فيها فعلا و عينها فى اللى فى إيد غيرها...عشان كدة بيشتكوا و مش عاجبهم

يا إما الناس دى مدركة الأنجاز اللى حصل معاهم...و بيتكلموا كدة كنوع من الأسقاط النفسى عشان يداروا و الحسد و العين و كل القصص اللى أنت فاهمها دى

ممكن بأة أزود فضفضة فوق فضفضتك...

لما تقابل الناس دى و يشتكولك أنت بالذات و هما عارفين و حافظين قصتك و الصعوبات اللى أد اللى هما مروا بيه مية مرة....و الدنيا اللى كانت ملطشة معاك

و هما ظروفهم كانت متظبطة ولا أروع...يقوموا يشتكوا لك من الظلم اللى حاسينه فى ظروفهم....و بعدين يغيظوا فيك أنهم فى وضع أحسن من اللى أنت فيه و اللى هتكون فيه

يكون رد فعلك إيه؟؟!!

تحياتى

سوسورانى

[د هشام ابراهيم]

ممكن بأة أزود فضفضة فوق فضفضتك...

لما تقابل الناس دى و يشتكولك أنت بالذات و هما عارفين و حافظين قصتك و الصعوبات اللى أد اللى هما مروا بيه مية مرة....و الدنيا اللى كانت ملطشة معاك

و هما ظروفهم كانت متظبطة ولا أروع...يقوموا يشتكوا لك من الظلم اللى حاسينه فى ظروفهم....و بعدين يغيظوا فيك أنهم فى وضع أحسن من اللى أنت فيه و اللى هتكون فيه

يكون رد فعلك إيه؟؟!!

الحق يا دكتورة كمية المشاعر السلبية اللي باحس بيها بعد أسطوانة شكوي مستمرة من دول بتفضل معكننة علي يومي كله ...... و كمان احساس بالذنب اني مش عارف أساعد أو انصح ...... عادة الارسال بيبقي في اتجاه واحد و ما فيش استقبال من الطرف الشاكي

أنا قابلت اتنين لحد دلوقتي فيهم الحكاية ديه و الاتنين مصريين

عارفة حضرتك الشيء بالشيء يذكر فيه اتنين من أقرب اصدقائنا في كندا حاليا ....الاتنين من لبنان زوج دكتور و زوجة غير عاملة ......نموذج للرضا و القناعة و حمد الله رغم كل الظروف ....ربنا يحميهم و يكرمهم

[Shehab]

حمد لله ع السلامة يا دكترة....و الف سلامة عليك يا باشا

انا عارف نوعية الناس اللى انت بتتكلم عليهم دول.....بس لو هما نفس الناس كل مرة تعالى ع نفسك شوية :wub:

و سكهم bsh:)و اخلص من قرفهم

مبروك ع الدش يا باشا...بس هو ليه ممنوع فى تورنتو؟؟؟

[mohamedadel]

صدقني يادكتور .... نماذج الناس دي موجوده هنا في الخليج كتير ...

نادرا ما يقولو الحمد لله

شيء غريب ... أمال فين الصحة وفين العيال وفين الزوجه الصالحة وفين وفين وفين ..............

صراحة انا أشوف ان النوعيه دي احسن حاجه انك تسمع من هنا وتطلع من هنا

الناس بس لو تعرف قيمة (( الحمد لله ))

تم تعديل 10 مايو 2009 بواسطة mohamedadel

[gergawy]

أنا أسف جدا أنا لاأستطيع تفعيل إشتراكى ومحتاج إلى طرح موضوع جديد مماثل لموضوعكم وأتمنى يأخذ نفس القوة لو ممكن أحد أعضاء الإدارة أو من لدية هذه الإمكانية أن يتبرع مشكورا بفتح الموضوع: الحياة والعمل كأطباء فى ألمانيا

[Balooshy]

أنا أسف جدا أنا لاأستطيع تفعيل إشتراكى ومحتاج إلى طرح موضوع جديد مماثل لموضوعكم وأتمنى يأخذ نفس القوة لو ممكن أحد أعضاء الإدارة أو من لدية هذه الإمكانية أن يتبرع مشكورا بفتح الموضوع: الحياة والعمل كأطباء فى ألمانيا

ادخل يا دكتور على الرابط التالي ..

http://www.egyptiantalks.org/invb/?showforum=5

هتلاقي فوق على الشمال مربع بعنوان ( موضوع جديد ) .. اضغط عليه و هيطلب منك عنوان للموضوع .. اكتب (الحياة والعمل كأطباء فى ألمانيا ) ..

و بعدين ضيف نص الموضوع في المربع الكبير اللي تحت ..

في انتظار موضوعك الجميل .

[qenawy]

الف سلامة دكتور هشام

واسف علي التاخير

[د هشام ابراهيم]

حمد لله ع السلامة يا دكترة....و الف سلامة عليك يا باشا wst::

انا عارف نوعية الناس اللى انت بتتكلم عليهم دول.....بس لو هما نفس الناس كل مرة تعالى ع نفسك شوية :lol:

و سكهم و اخلص من قرفهم

مبروك ع الدش يا باشا...بس هو ليه ممنوع فى تورنتو؟؟؟

الله يسلمك يا صديقي العزيز

هما نفس الناس يا باشا ...الحقيقة ما باعرفش اتصرف معاهم .....بحاول أتجنبهم و ساعات بيصعبوا علي ....مش علشان الشكوي ....علشان مش حاسين بالنعم اللي في أيديهم

بالنسبة للدش فيه مناطق كتير في تورنتو خصوصا في وسط المدينة ممنوع فيها تركيب أطباق ساتلايت ..... كل العمارات فيها وصلات تليفزيون كابل و قنوات الكابل فيها كل ما تتخيله ....زائد انها كمان فيها قنوات هاي ديفينشين و امكانية ترجيع و ايقاف البث الحي و حاجات تانية كتير قصاد مقابل مادي طبعا

ما يطلق عليه ال-Basic Cable اللي هو أقل حاجة ممكنة حوالي 80 قناة مقابل حاجة و عشرين دولار في الشهر .... كل اضافة بما فيها باقات الرياضة و الأفلام إلخ بتزود المقابل الشهري تدريجيا و ممكن تبقى فوق ال-١٥٠ دولار في الشهر لللي غاوي

البلدية حاسة إن الأطباق ممكن تبوظ شكل المدينة ......بره وسط المدينة فيه مناطق بتسمح بتركيب أطباق و بره تورنتو الدنيا أسهل بكتير

متبني نظرية المؤامرة بيعتقدوا إن قرار منع الاطباق وراه شركات الكابل و لو اني مش مقتنع بالتفسير ده :amb:

[د هشام ابراهيم]

صدقني يادكتور .... نماذج الناس دي موجوده هنا في الخليج كتير ...

نادرا ما يقولو الحمد لله

شيء غريب ... أمال فين الصحة وفين العيال وفين الزوجه الصالحة وفين وفين وفين ..............

صراحة انا أشوف ان النوعيه دي احسن حاجه انك تسمع من هنا وتطلع من هنا

الناس بس لو تعرف قيمة (( الحمد لله ))

الحمد لله كما ينبغي لجلال وجهه و عظيم سلطانه

كلام حضرتك صحيح تماما ...... بني آدم عادة مقل في حمد ربه علي نعمه ......الرضا و القناعة عملات نادرة

بالنسبة للعبد لله لا أخفي حضرتك سرا إن المحاورات من النوع ده بتأثر في سلبا بطريقة سخيفة

[د هشام ابراهيم]

أنا أسف جدا أنا لاأستطيع تفعيل إشتراكى ومحتاج إلى طرح موضوع جديد مماثل لموضوعكم وأتمنى يأخذ نفس القوة لو ممكن أحد أعضاء الإدارة أو من لدية هذه الإمكانية أن يتبرع مشكورا بفتح الموضوع: الحياة والعمل كأطباء فى ألمانيا

ادخل يا دكتور على الرابط التالي ..

http://www.egyptiantalks.org/invb/?showforum=5

هتلاقي فوق على الشمال مربع بعنوان ( موضوع جديد ) .. اضغط عليه و هيطلب منك عنوان للموضوع .. اكتب (الحياة والعمل كأطباء فى ألمانيا ) ..

و بعدين ضيف نص الموضوع في المربع الكبير اللي تحت ..

في انتظار موضوعك الجميل .

شكرا جزيلا للاخ الفاضل Balooshy و في انتظار موضوع دكتور جرجاوي "الحياة والعمل كأطباء فى ألمانيا" :lol:

[د هشام ابراهيم]

الف سلامة دكتور هشام

واسف علي التاخير

يا باشا العفو و ربنا يسلمك من كل أذي يا دكتورنا العزيز :lol: wst::

[د هشام ابراهيم]

خاطرة علي الماشي

العبد لله كان نبطشي يوم الخميس و الشغل كان متعب جدا .....يوم الجمعة الصبح كنت رايح سانت كاترين ....ما بين تعب الشغل و تأثير أدوية البرد قررت أسافر بالاوتوبيس ....... ملاحظة و موقف

الملاحظة

- عادة مسافري الأوتوبيس في تورنتو هم من الفئات الاجتماعية الأقل ....مع ذلك الناس كلهم في قمة النظافة و التحضر و الذوق كمان ......ديه يمكن حاجة بتميز كندا و غيرها من الدول المتقدمة ....الفروق ما بين الطبقات مش شاسعة ....فيه فروق طبعا لكن ما فيش الفجوات العميقة ما بين طبقة و أخري

و أنا في ناجويا اليابان لفت انتباهي إن السباك اللي بيعمل الصيانة لنزل الأطباء في مستشفي من اللي كنت فيهم كان راكب عربية BMW .....صحيح موديل قديم ٣ ٤ سنين فاتوا لكن الحكاية ديه لفتت انتباهي ......نظرية قالها لي دكتور ياباني ساعتها ...عايز تعرف مدي تقدم مجتمع ما اجتماعيا (social development ) شوف الفروق ما بين رئيس مؤسسة ما و أقل عامل بنفس المؤسسة كل ما زادت الفروق كان دليل علي تأخر المجتمع

الموقف

- لما وصلت سانت كاترين خدت تاكسي من محطة الأوتوبيس للبيت ..... الصراحة السواق كان في غاية الادب و الذوق من أول لحظة .....لما وصلنا العداد عمل ١٧ دولار و شوية ......أديته ورقة بعشرين دولار و قولتله خللي الباقي علشانك ...الراجل ما صدقش نفسه قالي بالحرف Are you sure

قولتله اه ما فيش مشكلة ما الحساب أصلا معدي ال-١٧ دولار ...قالي لأ ما هو أقصي حاجة تدفعها هو ١٥ دولار ...تعريفة ثابتة من محطة الاوتوبيس لاي حتة في سانت كاترين ( في تورنتو برضه فيه تعريفة ثابتة من المطار لأي حتة في داخل مدينة تورنتو مهما كانت المسافة )

الصراحة موقف الراجل خلاني أعجب بيه زيادة و قلتله ما فيش مشكلة برضه خلي الباقي علشانك ....السواق اداني الكارت بتاعه و قالي لو طلبته في أي مشوار حيعملي خصم و طبعا أنا أكيد مصدقه wst::

آه نسيت اقولكم طول الرحلة كنت باسمع أغاني رزع حلل من الأي بود :lol:

[الجدار]

خاطرة علي الماشي

العبد لله كان نبطشي يوم الخميس و الشغل كان متعب جدا .....يوم الجمعة الصبح كنت رايح سانت كاترين ....ما بين تعب الشغل و تأثير أدوية البرد قررت أسافر بالاوتوبيس ....... ملاحظة و موقف

الملاحظة

- عادة مسافري الأوتوبيس في تورنتو هم من الفئات الاجتماعية الأقل ....مع ذلك الناس كلهم في قمة النظافة و التحضر و الذوق كمان ......ديه يمكن حاجة بتميز كندا و غيرها من الدول المتقدمة ....الفروق ما بين الطبقات مش شاسعة ....فيه فروق طبعا لكن ما فيش الفجوات العميقة ما بين طبقة و أخري

و أنا في ناجويا اليابان لفت انتباهي إن السباك اللي بيعمل الصيانة لنزل الأطباء في مستشفي من اللي كنت فيهم كان راكب عربية BMW .....صحيح موديل قديم ٣ ٤ سنين فاتوا لكن الحكاية ديه لفتت انتباهي ......نظرية قالها لي دكتور ياباني ساعتها ...عايز تعرف مدي تقدم مجتمع ما اجتماعيا (social development ) شوف الفروق ما بين رئيس مؤسسة ما و أقل عامل بنفس المؤسسة كل ما زادت الفروق كان دليل علي تأخر المجتمع

الموقف

- لما وصلت سانت كاترين خدت تاكسي من محطة الأوتوبيس للبيت ..... الصراحة السواق كان في غاية الادب و الذوق من أول لحظة .....لما وصلنا العداد عمل ١٧ دولار و شوية ......أديته ورقة بعشرين دولار و قولتله خللي الباقي علشانك ...الراجل ما صدقش نفسه قالي بالحرف Are you sure

قولتله اه ما فيش مشكلة ما الحساب أصلا معدي ال-١٧ دولار ...قالي لأ ما هو أقصي حاجة تدفعها هو ١٥ دولار ...تعريفة ثابتة من محطة الاوتوبيس لاي حتة في سانت كاترين ( في تورنتو برضه فيه تعريفة ثابتة من المطار لأي حتة في داخل مدينة تورنتو مهما كانت المسافة )

الصراحة موقف الراجل خلاني أعجب بيه زيادة و قلتله ما فيش مشكلة برضه خلي الباقي علشانك ....السواق اداني الكارت بتاعه و قالي لو طلبته في أي مشوار حيعملي خصم و طبعا أنا أكيد مصدقه :amb:

آه نسيت اقولكم طول الرحلة كنت باسمع أغاني رزع حلل من الأي بود :lol:

يا دكتور انا أطالب انك توقف النشر كده

يعني كل يوم بتحببنا أكتر في كندا

اعتقد شهرين تلاته كمان وحتلاقي كل المحاوراتيه لموا هدومهم وعلى كندا

بجد مواقف تشرح القلب

واسمحلي مش أي حد يشوف الحاجات دي

دي عايزة واحد بيفكر في كل خطوة في حياته وعقلة يكون زي حضرتك

مازلت أذاكر من البراشيم اللي أخدتها من حضرتك

دعواتك يا دوكـ

بس عندي سؤال مافيش موقف حصلك في كندا خلى الدنيا مش حقول تسود في عنيك يعني تبقى غامقة شوية ؟؟

احكيلنا شوية عن شياطين كندا على أساس الواحد ما يتصدمش wst::

اتمنى من الله دوام التوفيق والسعادة والرضا لك ولأسرتك الكريمة

[precanadian]

نواصل الارسال ....خواطر متفرقة

- عادة الشكوي من كل حاجة و كل حال ديه ....هل هي عادة مكتسبة عند ناس و لا ليها نموذج توريث ؟

فيه ناس كده أول ما يشوفوك من هنا و تبتدي إسطوانة الشكوي العيش و العيشة و الناس اللي عايشينها .......الصراحة أنا باقفل جدا من الناس ديه ما بقولش ما نشتكيش أو ما نذكرش العيوب بس ما يبقاش الكلام كله سلبي كده .......

يا تري ده بيبقى رد فعل لاحباطات ..... عدم توقع لمصاعب الغربة .....مجرد فضفضة و أنا اللي شكاي عشان باشتكي من الناس اللي بتشتكي

عودا للارسال بعد انقطاع الديسل لمده 5 ايام

يا باشا في ناس بتداري علي شمعتها وبتخاف من الحسد بانها تقلل من حجم النعمه امام اعين الناس.

او انها لا تعرف تشكر الله

ودي ياباشا نوعيه للاسف تشتكي الله جل جلاله لعبيد الله انه مبيبعتش الي هو عايزه . لا حول ولا قوه الا بالله واستغفر الله ان كنت انا منهم

للمرة اللي مش عارف كام ....ربنا يرزقنا جميعا الرضا و القناعة /quote]

يتهيقلي دي المره ال 157 wst:: صدقني مهما قلت مش كل الناس هتفهم . بالحق يا دكتور انا لي سؤال : انا طبيب قدمت هجره لكندا مفيش سكه اشتغل بيها دكتور بس اوعا تقول لي معادله ومذاكره؟؟؟: :lol: wst:: wst:: :lol:

تم تعديل 11 مايو 2009 بواسطة precanadian

[ايناس احمد]

الف سلامه عليك يادكتور هشام شفاك الله وعفاك وجعله فى ميزان حسناتك

معلشى متأخره بس النت ماكنشى متظبط عندنا الايام اللى فاتت الف سلامه مره اخرى

[bent misr]

الف سلاااااااااااااااامه عليك يا دكتور هشام

معلش هيه بجد متأخره بس الاخير ربه كريم

و يا ترى صحتك عامله ايه دلوقتي يارب تكون أحسن :lol:

متابعه و بشده و اعجاب الخواطر الثمينه و المعبره

[precanadian]

خاطرة علي الماشي

الملاحظة

- عادة مسافري الأوتوبيس في تورنتو هم من الفئات الاجتماعية الأقل ....مع ذلك الناس كلهم في قمة النظافة و التحضر و الذوق كمان ......

...عايز تعرف مدي تقدم مجتمع ما اجتماعيا (social development ) شوف الفروق ما بين رئيس مؤسسة ما و أقل عامل بنفس المؤسسة كل ما زادت الفروق كان دليل علي تأخر المجتمع

الموقف

- ..... الصراحة السواق كان في غاية الادب و الذوق من أول لحظة .....لما وصلنا العداد عمل ١٧ دولار و شوية ......أديته ورقة بعشرين دولار و قولتله خللي الباقي علشانك ...الراجل ما صدقش نفسه قالي بالحرف Are you sure

آه نسيت اقولكم طول الرحلة كنت باسمع أغاني رزع حلل من الأي بود :lol:

حقيقي شيئ يحزن عندما تري الفارق بين ما يحصل عليه المواطن العربي و دول العالم الاول.

مش عارف هل ما يحدث هو فتنه لنا .

عايشين حياتنا في بلاد الاسلام واحنا في ضغوط غير عاديه من القهر والفقر.

اما سواق التاكسي كان ممكن يحاسبك ويضرب الفارق في جيبه .لكن لغه الامانه هي الغه العاميه المنتشره بين الناس .

انما الامم الخلاق ما بقيت فاذا ذهبت اخلاقهم ذهبوا

[ايهاب سالم]

البلدية حاسة إن الأطباق ممكن تبوظ شكل المدينة ......بره وسط المدينة فيه مناطق بتسمح بتركيب أطباق و بره تورنتو الدنيا أسهل بكتير

:rolleyes:

في مسيساجا و المدن المتقدمه .... ...بياكلوا مع الدش طاحينه

قصدي مفيش حاجه إسمها دش ممنوع :lol:

تم تعديل 11 مايو 2009 بواسطة ايهاب سالم

[ايهاب سالم]

......ديه يمكن حاجة بتميز كندا و غيرها من الدول المتقدمة ....الفروق ما بين الطبقات مش شاسعة ....فيه فروق طبعا لكن ما فيش الفجوات العميقة ما بين طبقة و أخري

صحيح

هنا الفروق بين الطبقات مش عالي فعلا و الشئ الملحوظ كمان إن الناس مش بتتعامل مع بعض بمنطق أنا هاي كلاس و إنت إنسان بسيط

الناس هنا معظمها ذوق في تعامله و متواضع حتى لو كان من علية القوم

easy going يعني

طب أنا هأحكي لكم حكايه بخصوص مفهوم التواضع و البساطه عند عموم الكنديين ... كنت مأجلها لقهوتي ... لكن مش مشكله دكتور هشام حبيبنا برضه .. نروج لقهوته شويه

زوجتي في الشهور الأولى من إستقرارنا في كندا إلتحقت بمركز من مراكز تحسين اللغه الإنجليزيه الحكوميه للمهاجرين و في يوم ذهبت متأخره ووجدت باب الفصل مقفول على غير العاده خبطت على الباب فتحتلها سيده على وجهها إبتسامه مرحبه و بعدين زوجتي وهي داخله وقع منها بعض الأوراق و الكتب على الأرض قامت هذه السيده إنحنت و جمعت معها الأوراق و الكتب و على وجهها نفس الإبتسامه الودوده اللطيفه

هذه السيده كانت Diane Finley وزيرة الهجره في ذلك الوقت والتي كانت في زيارة تفقديه للمركز في ذلك اليوم