قصتي مع كندا

[ايهاب سالم]

و أنا في ناجويا اليابان لفت انتباهي إن السباك اللي بيعمل الصيانة لنزل الأطباء في مستشفي من اللي كنت فيهم كان راكب عربية BMW .....صحيح موديل قديم ٣ ٤ سنين فاتوا لكن الحكاية ديه لفتت انتباهي ......نظرية قالها لي دكتور ياباني ساعتها ...عايز تعرف مدي تقدم مجتمع ما اجتماعيا (social development ) شوف الفروق ما بين رئيس مؤسسة ما و أقل عامل بنفس المؤسسة كل ما زادت الفروق كان دليل علي تأخر المجتمع

على رأي مراتي يا دوك .. لو الناس في مصر شافو الست اللي بتشتغل بوابة للعماره اللي ساكنين فيها هيفتكروها صاحبة العماره مش البوابه

قرأت مره في كتاب للدكتور جلال أمين أستاذ الأقتصاد في الجامعه الأمريكيه إن أحد مقاييس تقدم المجتمعات هو مدى تقييم المجتمع لقيمة العمل الإنساني

يعني المجتمع المتقدم هو الذي يحصل فيه العاملون بالوظائف البسيطه على دخل يكفل لهم حياه كريمه

[newcomer]

- عادة الشكوي من كل حاجة و كل حال

حضرتك ممكن تنصحهم بالدعوة دى يا دكتور

اللهم قنعنى بما رزقتنى و بارك لي فيه

[newcomer]

.....نظرية قالها لي دكتور ياباني ساعتها ...عايز تعرف مدي تقدم مجتمع ما اجتماعيا (social development ) شوف الفروق ما بين رئيس مؤسسة ما و أقل عامل بنفس المؤسسة كل ما زادت الفروق كان دليل علي تأخر المجتمع

:rolleyes:

كمان بيتهيا لى المقياس ممكن يكون ازاى بتتعامل طبقات المجتمع

كل ما كان درجة الاحترام و الرقى فى التعامل مرتبط بممتلكات و منصب المتعامل معه

اكيد ده برضه هايدل على تخلف المجتمع

سبحان الله....احنا برضه المفروض نكون بنتعامل ب..

"ان اكرمكم عند الله اتقاكم" و " لا فضل لعربى على اعجمى الا بالتقوى"

تسجبل تقدير لخواطر حضرتك ....

[الجدار]

صحيح

هنا الفروق بين الطبقات مش عالي فعلا و الشئ الملحوظ كمان إن الناس مش بتتعامل مع بعض بمنطق أنا هاي كلاس و إنت إنسان بسيط

الناس هنا معظمها ذوق في تعامله و متواضع حتى لو كان من علية القوم

easy going يعني

طب أنا هأحكي لكم حكايه بخصوص مفهوم التواضع و البساطه عند عموم الكنديين ... كنت مأجلها لقهوتي ... لكن مش مشكله دكتور هشام حبيبنا برضه .. نروج لقهوته شويه

زوجتي في الشهور الأولى من إستقرارنا في كندا إلتحقت بمركز من مراكز تحسين اللغه الإنجليزيه الحكوميه للمهاجرين و في يوم ذهبت متأخره ووجدت باب الفصل مقفول على غير العاده خبطت على الباب فتحتلها سيده على وجهها إبتسامه مرحبه و بعدين زوجتي وهي داخله وقع منها بعض الأوراق و الكتب على الأرض قامت هذه السيده إنحنت و جمعت معها الأوراق و الكتب و على وجهها نفس الإبتسامه الودوده اللطيفه

هذه السيده كانت Diane Finleyوزيرة الهجره في ذلك الوقت والتي كانت في زيارة تفقديه للمركز في ذلك اليوم

ايه ده يا بوب ؟؟ أنت بتتكلم بجد

يعني الوزيرة فتحت الباب ومافيش لا حرس ولا وسع يا جدع ولا الشارع أتقفل ولا 500 عربية مرسيدس ولا 5000 موتوسيكل هارلي !!

لأ وكمان لمت الكتب والورق اللي وقعوا على الأرض !! :lol:

الحمد لله ان الواحد مش في كندا والا كنا حنتطمن على نفسنا ازاي

ايه الهرجلة ولعب العيال ده :lol:

يا عم فين القهوة بتاعتك مستنينها بقالنا كتير قوي ولا لسه السيراميك ماركبش ؟؟

يالا شد حيلك عايزين نشوف كندا من منظور هندسي

تحية واجبة لعمدة مهندسي كندا :rolleyes:

تم تعديل 12 مايو 2009 بواسطة الجدار

[Spanish Eyes]

صباح الخير يا دكتور

الف سلامة عليك، أجر وعافية انشاءالله معلش يمكن تكون متاخرة خالص واكيد خلاص ربنا تملك الشفا، تسجيل متابعة للخواطر اليومية الرائعة.

تقبل تحياتي

[د هشام ابراهيم]

يا دكتور انا أطالب انك توقف النشر كده

يعني كل يوم بتحببنا أكتر في كندا

اعتقد شهرين تلاته كمان وحتلاقي كل المحاوراتيه لموا هدومهم وعلى كندا

بجد مواقف تشرح القلب

واسمحلي مش أي حد يشوف الحاجات دي

دي عايزة واحد بيفكر في كل خطوة في حياته وعقلة يكون زي حضرتك

مازلت أذاكر من البراشيم اللي أخدتها من حضرتك

دعواتك يا دوكـ

بس عندي سؤال مافيش موقف حصلك في كندا خلى الدنيا مش حقول تسود في عنيك يعني تبقى غامقة شوية ؟؟

احكيلنا شوية عن شياطين كندا على أساس الواحد ما يتصدمش

اتمنى من الله دوام التوفيق والسعادة والرضا لك ولأسرتك الكريمة

صديقي العزيز كلامك كله وسام اعتز به و ثقة غالية في العبد لله ارجو أن أكون استحقها و ربنا يديم المعروف يا صاحبي

بالنسبة لشياطين كندا موجودين ..... و من كل الأصناف ..... من الحاجات اللي اتعلمتها في حياتي إن الشر و الرذيلة و القبح مش حكر علي عرق أو علي أصل أو جنس ....بالظبط زي الخير و الفضيلة و الجمال ما هم مش حكر علي حد ......بني بشر سواء في كل حاجة

بص يا سيدي أكتر حاجة بتضايقني في كندا هو سوء إستغلال الحريات و الحقوق ....مثل علي كده استعراض مثلي الجنس اللي بيحصل كل يوليو و بيقفل شوارع تورنتو من كتر الناس اللي بتيجي تشترك فيه من كل أنحاء الدنيا .....في كندا الحرية الشخصية مقدسة ...طول ما فيه احترام كامل للقوانين كل واحد حر يعمل اللي هو عايزه و ما حدش ليه إنه يتدخل .....الحكاية ديه كويسة طبعا بس فيه ناس بيستغلوها أسوأ استغلال ...علي قد ما الواحد بيتضايق علي قد ما بيطمن علي احترام المجتمع للحرية الشخصية

حاجة تانية مثلا ....الاخوة التاميل و المظاهرات بتاعتهم اللي بتقفل الشوارع و يوم الأحد اللي فات قفلوا ال-QEW ...... علشان أقرب لك القصة ...تخيل الاف من الأخوة الافارقة من رواندا و حاصلين علي حق اللجوء و منهم حامل الجنسية المصرية (مجرد تخيل يعني ) و بعدين بيعترضوا علي المذابح اللي بتتعمل في رواندا و بيطالبوا الحكومة المصرية انها تتدخل .....المظاهرات قافلة ميدان العتبة بقالها اسابيع و عاملة أزمة مرورية انما الحكومة سامحة ليهم يكملوا مظاهرات رغم إعتراض أهالي القاهرة المتضررين .....الأخوة الروانديين بقى لاقوا المظاهرات مش جايبة نتيجة راحوا طالعين علي كوبري ٦ أكتوبر و قفلوه علي الناحيتين .....و الكلام ده كان يوم عيد الأم و يوم جمعة و اصروا علي تكملة إغلاق الكوبري ٦ ساعات متصلة و كمان اعتدوا علي أفراد من الشرطة

حلو ؟ تخيل رد فعل أي حكومة - مش بس المصرية- علي موقف مشابه !!.......حكومة كندا قررت انها تتعامل سلمي مع المتظاهرين دول لانهم مواطنين كنديين ليهم كل الحقوق .....بعد مفاوضات عسيرة تتدخل فيها كمان احزاب المعارضة إغلاق ال-QEW إتفك بواسطة المتظاهرين من غير تدخل البوليس مع وعد من أعضاء البرلمان باثارة أزمة التاميل في سريلانكا في أقرب جلسة للبرلمان

[د هشام ابراهيم]

عودا للارسال بعد انقطاع الديسل لمده 5 ايام

يا باشا في ناس بتداري علي شمعتها وبتخاف من الحسد بانها تقلل من حجم النعمه امام اعين الناس.

او انها لا تعرف تشكر الله

ودي ياباشا نوعيه للاسف تشتكي الله جل جلاله لعبيد الله انه مبيبعتش الي هو عايزه . لا حول ولا قوه الا بالله واستغفر الله ان كنت انا منهم

للمرة اللي مش عارف كام ....ربنا يرزقنا جميعا الرضا و القناعة

يتهيقلي دي المره ال 157 صدقني مهما قلت مش كل الناس هتفهم . بالحق يا دكتور انا لي سؤال : انا طبيب قدمت هجره لكندا مفيش سكه اشتغل بيها دكتور بس اوعا تقول لي معادله ومذاكره؟؟؟: hypr:

عودا حميدا يا دكتورنا الغالي ..... معاك حق في حكاية إن فيه ناس بتحاول ادعاء الشكوي خوفا من الحسد ... إحتمال يكون السبب .......و لو اني حاعيد مثل كنت قولته قبل كده .....فيه ناس بتشوف نص الكباية الفاضي و فيه ناس بيشوفوا نصها المليان ...انما فيه ناس مش شايفين الكباية أصلا

ربنا يهدينا جميعا

بالنسبة لسؤالك الطبي بقي أنصح حضرتك تقرا الموضوع ده تاني hypr: hypr: hypr:

حبيب هارتي و الله يا دكتورنا hypr:

[د هشام ابراهيم]

الف سلامه عليك يادكتور هشام شفاك الله وعفاك وجعله فى ميزان حسناتك

معلشى متأخره بس النت ماكنشى متظبط عندنا الايام اللى فاتت الف سلامه مره اخرى

الف سلاااااااااااااااامه عليك يا دكتور هشام

معلش هيه بجد متأخره بس الاخير ربه كريم hypr:

و يا ترى صحتك عامله ايه دلوقتي يارب تكون أحسن

متابعه و بشده و اعجاب الخواطر الثمينه و المعبره

صباح الخير يا دكتور

الف سلامة عليك، أجر وعافية انشاءالله معلش يمكن تكون متاخرة خالص واكيد خلاص ربنا تملك الشفا، تسجيل متابعة للخواطر اليومية الرائعة.

تقبل تحياتي

:roseop: hypr:

الله يسلمكوا جميعا ...أنا الحمد لله أحسن كتير ..... بجد لفتتكم الطيبة كلها ذوق ...شاكر ليكم السؤال و الدعاء و المتابعة الغالية ......بس أهم حاجة بقي الدعاء خصوصا الفترة اللي جاية ديه ... ما تحرمونيش منه بقي hypr:

[د هشام ابراهيم]

حقيقي شيئ يحزن عندما تري الفارق بين ما يحصل عليه المواطن العربي و دول العالم الاول.

مش عارف هل ما يحدث هو فتنه لنا .

عايشين حياتنا في بلاد الاسلام واحنا في ضغوط غير عاديه من القهر والفقر.

اما سواق التاكسي كان ممكن يحاسبك ويضرب الفارق في جيبه .لكن لغه الامانه هي الغه العاميه المنتشره بين الناس .

انما الامم الاخلاق ما بقيت فاذا ذهبت اخلاقهم ذهبوا

تساؤلات حضرتك بتفتح مجال للسؤال الشائك ...ما مدي مسئوليتنا كمواطنين عن واقعنا المرير اللي عايشينه في العالم العربي خاصة ...أعتقد إن اجابة السؤال موجود في آخر سطر من مشاركة حضرتك

منور الموضوع فعلا يا صديقي العزيز ما تغبش عنا تاني بقي

[د هشام ابراهيم]

في مسيساجا و المدن المتقدمه .... ...بياكلوا مع الدش طاحينه

قصدي مفيش حاجه إسمها دش ممنوع hypr:

ما لكش حل يا هوبا يا كنج

طب علي كده بقي سانت كاترين كمان بتاكل كباب و كفتة مع الطحينة hypr:

بس هنا بقي فيه سؤالين :

١- نظام ميلتون إيه ؟

٢- الحتة بتاعة square one و العمارات الناطحات اللي حتتبني قريب في وسط مسيسوجا (فينك يا تهامي hypr:) نظامها إيه .....تورنتو و لا طحينة ؟

[د هشام ابراهيم]

صحيح

هنا الفروق بين الطبقات مش عالي فعلا و الشئ الملحوظ كمان إن الناس مش بتتعامل مع بعض بمنطق أنا هاي كلاس و إنت إنسان بسيط

الناس هنا معظمها ذوق في تعامله و متواضع حتى لو كان من علية القوم

easy going يعني

طب أنا هأحكي لكم حكايه بخصوص مفهوم التواضع و البساطه عند عموم الكنديين ... كنت مأجلها لقهوتي ... لكن مش مشكله دكتور هشام حبيبنا برضه .. نروج لقهوته شويه

زوجتي في الشهور الأولى من إستقرارنا في كندا إلتحقت بمركز من مراكز تحسين اللغه الإنجليزيه الحكوميه للمهاجرين و في يوم ذهبت متأخره ووجدت باب الفصل مقفول على غير العاده خبطت على الباب فتحتلها سيده على وجهها إبتسامه مرحبه و بعدين زوجتي وهي داخله وقع منها بعض الأوراق و الكتب على الأرض قامت هذه السيده إنحنت و جمعت معها الأوراق و الكتب و على وجهها نفس الإبتسامه الودوده اللطيفه

هذه السيده كانت Diane Finley وزيرة الهجره في ذلك الوقت والتي كانت في زيارة تفقديه للمركز في ذلك اليوم

على رأي مراتي يا دوك .. لو الناس في مصر شافو الست اللي بتشتغل بوابة للعماره اللي ساكنين فيها هيفتكروها صاحبة العماره مش البوابه

قرأت مره في كتاب للدكتور جلال أمين أستاذ الأقتصاد في الجامعه الأمريكيه إن أحد مقاييس تقدم المجتمعات هو مدى تقييم المجتمع لقيمة العمل الإنساني

يعني المجتمع المتقدم هو الذي يحصل فيه العاملون بالوظائف البسيطه على دخل يكفل لهم حياه كريمه

ملاحظات كلها في محلها يا كنج ......

سلوك الوزيرة عادي جدا بمقاييس كندا طبعا ...

في كندا كل ما عليت في مركزك كل ما كنت مطالب بمزيد من التواضع و تحمل أي معاملة من اللي حواليك خصوصا لو في منصب عام ...مش بس في كندا ...العالم الغربي عامة ....يعني إنت لو مواطن عادي ما حدش يقدر ييجي جنبك و لو حصل ليك حق الرد و الشكوي و التقاضي انما لو وزير ممكن الناس تشتم فيك و تتريق عليك و يجيبوا سيرة الأهل كمان و الوزير ما يقدرش يرد لانها جزء من اعباء الوظيفة اللي المسمي بتاعها خادم الشعب = public servant

[د هشام ابراهيم]

طب أنا هأحكي لكم حكايه ... كنت مأجلها لقهوتي ... لكن مش مشكله دكتور هشام حبيبنا برضه .. نروج لقهوته شويه

كان بس ناقص تقول معلهش احنا بنتكلم ..... و النبي إنت عسل يا هوبا

أهي المشاركات اللي زي ديه اللي باقولك عليها مثال كلاسيكي علي صفات و مقومات جنيراشين إكس hypr:

ماشي يا كنج أدينا برده مستنيين الكافيه لما نشوف

[د هشام ابراهيم]

حضرتك ممكن تنصحهم بالدعوة دى يا دكتور

اللهم قنعنى بما رزقتنى و بارك لي فيه

كمان بيتهيا لى المقياس ممكن يكون ازاى بتتعامل طبقات المجتمع

كل ما كان درجة الاحترام و الرقى فى التعامل مرتبط بممتلكات و منصب المتعامل معه

اكيد ده برضه هايدل على تخلف المجتمع

سبحان الله....احنا برضه المفروض نكون بنتعامل ب..

"ان اكرمكم عند الله اتقاكم" و " لا فضل لعربى على اعجمى الا بالتقوى"

تسجبل تقدير لخواطر حضرتك ....

دعاء جميل يا سعادة المدير العام حادعي بيه لنفسي و أحاول أنقله كمان للكل

حضرتك بتصيبي الهدف دائما .....سلوك الناس بره بلادنا مش عجبة يعني ....لو احنا التزمنا صح بدينا حنكون أحسن منهم بمراحل ...باقول لو

[د هشام ابراهيم]

فجر النهارده ...شقة تورنتو

قلقت الساعة ٤ و نصف صباحا علي صوت غريب في الشارع .....أنا ساكن في الدور ال-٢٤ و الزجاج عازل للصوت يعني لو صوت حيوصلي يبقى فيها إن

صحيت من النوم متضرر و بصيت من الشباك عربية نقل و عمال و معاهم حفار و بيعملوا شغل في الشارع .....كنت حاحاول أكمل نوم و بعدين افتكرت اني في كندا ...... مسكت سماعة التليفون و اتصلت بالنجدة 911 ...... رد علي شخص في أقل من عشر ثواني

بعد سؤالي إذا كنت بخير سألني عن ازاي يقدر يساعدني

- و الله يا عم الأوفيسر أنا في شقتي و فيه صوت مزعج في الشارع مش عارف فيه إيه هو ينفع حد يصلح حاجة في الوقت ده

- إسم حضرتك إيه و رقم التيلفون و العنوان

- إسمي هشام (ما قولتش غير الأسم الأولاني بس ) و العنوان و التيلفون كذا

- عند حضرتك حق ما ينفعش الشغل يبقى في ساعة زي ديه ..... الاستثناء الوحيد لو حالة طارئة (Emergency )

- طب هي ديه حالة طواريء

- احنا متبلغين بعطل في شارع اليزابث (علي بعد بتاع نص كيلو من البيت يعني ) انما ما فيش حاجة متبلغين بيها عندكم ....أنا حابعت عربية شرطة تستطلع الأمر و تتعامل معاه

شكرا

العفو Have a nice day

في خلال خمس دقائق كان الصوت اختفي !!

و علشان ما تتصوروش اني باحلم و أنا نازل الشغل الصبح كان فيه كردون حوالين مكان الشغل في الشارع علشان يكملوا الشغل بعدين ......

[precanadian]

فجر النهارده ...شقة تورنتو

قلقت الساعة ٤ و نصف صباحا علي صوت غريب في الشارع .....أنا ساكن في الدور ال-٢٤ و الزجاج عازل للصوت يعني لو صوت حيوصلي يبقى فيها إن

صحيت من النوم متضرر و بصيت من الشباك عربية نقل و عمال و معاهم حفار و بيعملوا شغل في الشارع .....كنت حاحاول أكمل نوم و بعدين افتكرت اني في كندا ...... مسكت سماعة التليفون و اتصلت بالنجدة 911 ...... رد علي شخص في أقل من عشر ثواني

بعد سؤالي إذا كنت بخير سألني عن ازاي يقدر يساعدني

- و- عند حضرتك حق ما ينفعش الشغل يبقى في ساعة زي ديه ..... الاستثناء الوحيد لو حالة طارئة (Emergency )

-

العفو Have a nice day

في خلال خمس دقائق كان الصوت اختفي !!

و علشان ما تتصوروش اني باحلم و أنا نازل الشغل الصبح كان فيه كردون حوالين مكان الشغل في الشارع علشان يكملوا الشغل بعدين ......

تصدق بقي يا باشا انتوا الكندواه متدلعين !!

ده انا لما جيت __ بعديها باسبوع قرروا يعملوا نفق في الجبل الي قصاد السكن وانا في الدور التاني وكل شويه يوقفوا العربيات ودببببببببببببب انفجار كانك في قندهار تفجير ديناميت علي اعلي مستوي وكانوا بيحبوا الليل علشان المرور بيكون اخف . ولا كان بيهمني الشباك الي بيتهز ولا اصحي مذعور من خضه الانفجار. ولا كنت اقدر اقول حرام بلاش باليل..... ليه لاني لازم اكون... ؟ مفيش قدامي اي حل الا اني ادعي انهم يخلصوا النفق بسرعه hypr: hypr:

Have a nice day in a nice country

hypr:

يا تري امتي نيجي وندلع كده.

تم تعديل 12 مايو 2009 بواسطة precanadian

[safaalabana]

فجر النهارده ...شقة تورنتو

قلقت الساعة ٤ و نصف صباحا علي صوت غريب في الشارع .....أنا ساكن في الدور ال-٢٤ و الزجاج عازل للصوت يعني لو صوت حيوصلي يبقى فيها إن

صحيت من النوم متضرر و بصيت من الشباك عربية نقل و عمال و معاهم حفار و بيعملوا شغل في الشارع .....كنت حاحاول أكمل نوم و بعدين افتكرت اني في كندا ...... مسكت سماعة التليفون و اتصلت بالنجدة 911 ...... رد علي شخص في أقل من عشر ثواني

بعد سؤالي إذا كنت بخير سألني عن ازاي يقدر يساعدني

- و الله يا عم الأوفيسر أنا في شقتي و فيه صوت مزعج في الشارع مش عارف فيه إيه هو ينفع حد يصلح حاجة في الوقت ده

- إسم حضرتك إيه و رقم التيلفون و العنوان

- إسمي هشام (ما قولتش غير الأسم الأولاني بس ) و العنوان و التيلفون كذا

- عند حضرتك حق ما ينفعش الشغل يبقى في ساعة زي ديه ..... الاستثناء الوحيد لو حالة طارئة (Emergency )

- طب هي ديه حالة طواريء

- احنا متبلغين بعطل في شارع اليزابث (علي بعد بتاع نص كيلو من البيت يعني ) انما ما فيش حاجة متبلغين بيها عندكم ....أنا حابعت عربية شرطة تستطلع الأمر و تتعامل معاه

شكرا

العفو Have a nice day

في خلال خمس دقائق كان الصوت اختفي !!

و علشان ما تتصوروش اني باحلم و أنا نازل الشغل الصبح كان فيه كردون حوالين مكان الشغل في الشارع علشان يكملوا الشغل بعدين ......

MA shaa ALLAH WA LA HAWLA WA LA QWATA ELA BE ELLAH

[د هشام ابراهيم]

تصدق بقي يا باشا انتوا الكندواه متدلعين !!

ده انا لما جيت __ بعديها باسبوع قرروا يعملوا نفق في الجبل الي قصاد السكن وانا في الدور التاني وكل شويه يوقفوا العربيات ودببببببببببببب انفجار كانك في قندهار تفجير ديناميت علي اعلي مستوي وكانوا بيحبوا الليل علشان المرور بيكون اخف . ولا كان بيهمني الشباك الي بيتهز ولا اصحي مذعور من خضه الانفجار. ولا كنت اقدر اقول حرام بلاش باليل..... ليه لاني لازم اكون... ؟ مفيش قدامي اي حل الا اني ادعي انهم يخلصوا النفق بسرعه :wub: :wub:

Have a nice day in a nice country

:lol: :lol: :D :lol:

يا تري امتي نيجي وندلع كده.

MA shaa ALLAH WA LA HAWLA WA LA QWATA ELA BE ELLAH

دكاترتنا الأفاضل GK باشا و صفاء باشا ...... متابعتكم شرف لي

الله يكون في العون يا جول كيبير .....طبعا مدرك تماما إن في بلاد الشرق الاوسط السعيد ما كنت أجرأ حتي التفكير في مكالمة زاي اللي عملتها

معاكم إن الموقف مثير لمشاعر كتيرة بس برضه فيه نقطة مهمة ..... لازم الواحد يشتكي ...لازم يبقي ليه دور في اللي حواليه ...طبعا غنيا عن القول اني ما باتكلمش عن حفر الشوارع و لا عن جهود فردية ;)

[safaalabana]

PROFeSSOR HESHAM IDO AGREE YOU have to play a role this if u are not in MALTA EGYPT IS MALTA

[moheltohamy]

تسجيل متابعة وإعجاب بجمال وروعة القهوة دي... إيه رأيك نغير إسمها لـ... آممممم... يوميات من كندا ، أو من أونتاريو ، أو حاجة كده يعني...

تعرف إن أحلى حاجة في قهوتك دي إنها خواطر مستمرة ، يعني تعايُش يومي!

بغض النظر إني باستغرب إنتا بتلاقي وقت منين ليها ، ومش معبّرني ع التليفون لما اتفقعت! md2:

آديني جيت تورونتو آهوه ، وعمّال باهوّي... ابقى اتصل بيّا بقى لما تخلّص شغل ، أو لمّا تفضى. بجد ، انتا واحشني جداً :closedeyes:

حبيبي انتا يا شيكو

[ايهاب سالم]

يا عم فين القهوة بتاعتك مستنينها بقالنا كتير قوي ولا لسه السيراميك ماركبش ؟؟

الوقت ...... الوقت يا عزيزي أيبك

لو كان الوقت رجلا لقتلته

إديني وقت و إرميني البحر

طب أنا هأحكي لكم حكايه ... كنت مأجلها لقهوتي ... لكن مش مشكله دكتور هشام حبيبنا برضه .. نروج لقهوته شويه

كان بس ناقص تقول معلهش احنا بنتكلم ;) ..... و النبي إنت عسل يا هوبا

أهي المشاركات اللي زي ديه اللي باقولك عليها مثال كلاسيكي علي صفات و مقومات جنيراشين إكس

يا دي جينيراشن إكس اللي واكله دماغك

يعني إنت عايز تقنعني إن جميع البشر المولودين في نفس الفتره الزمنيه مشتركين في نفس الصفات بغض النظر عن خلفياتهم الثقافيه المتباينه

مش ممكن مش معقول

مش منطق مش مقبول

معلش إحنا بنتكلم مع بعض مفيش أي حاجه ... وش القرموطي .... :D