قصتي مع كندا

[د هشام ابراهيم]

Very intersting Dr. Hesham all of us are so happy while reading your new thoughts

hope the best for you and your family in your new life mfb:

warmest regards

جزاك الله خيرا يا سيدي الفاضل و متابعتك تشرفني دائما

[د هشام ابراهيم]

ماهو ياحنا اللي مش طبيعيين يا أما الناس دي من كوكب تاني mfb:

سبحان الله يعني من غير ما ياخدوا بالهم أو هما فاهمين الحتادي التلات اطراف استفادوا

المريض الحمد لله بقى في احسن حال

الجراح اللي مكانش عارف الطريقة اتعلم (الكبر عدو التعلم رقم 1)

والجراح اللي جت تساعد استفادت تقدير الناس اللي كانت موجوده في غرفة العمليات وتقديرنا هنا

بجد سيدة ممتازة والجراح ممتاز وأنا مغمض كمان المريض ممتاز

وحضرتك مش محتاج كلام مني فوق الممتاز

و لا كوكب تاني و لا حاجة يا صديقي العزيز .....هو هنا الكل بيتربي علي إن مش عيب انك ما تعرفش حاجة بس عيب انك تكابر أو تفتي باللي ما تعرفوش

كمان فيه كذا عامل تاني بيساعد :

- النظام الطبي الكندي : علاقة الطبيب بالمريض ما فيهاش أي نواحي مادية مباشرة ....المريض بيدفع ضرايب للحكومة ...الحكومة هي اللي بتدفع للطبيب اتعابه .....كل المرضي سواسية .....يعني الكل بياخدوا أحسن علاج ممكن

- الطبيب بيقدم للمريض أحسن خدمة ممكنة و عارف إن فيه محاسبة لو فيه أي تقصير .....و من كذا جهة

- وضع الطبيب في المجتمع و مظلة التأمين المهني بتخلي الطبيب متفرغ لشغله و ما عندوش اعتبارات كتير غير شغله

- ثقافة العمل كفريق "teamwork " هي الغالبة

و غيره و غيره

[د هشام ابراهيم]

PROfessor HESHAM WE are following please cotinue

الله يخلي حضرتك يا دكتورة ...و بروفيسور مرة واحدة :) .....الله يكرمك يا أفندم

متابعة حضرتك تسعدني و تشرفني

[عبير يونس]

فكرتوني بواحدة أعرفها كانت من اوتاوا هي أخصائية نفسية بتشتغل في مكان اعادة تأهيل المعاقين

الإنسانية دي رقيقة جدا جدا جدا كانت طول عمرها محاطة بمجتمع إسلامي بالرغم من كدا مأثرش فيها

مش عارفة دا لاننا عمرنا مبندي انطبع أو صورة مشرفة للمسلمين ولا قدرها أن يهديها الله للدين الاسلامي لم يأت بعد

المهم يشاء القدر انها تدخل في الدين الاسلامي..وإمتي؟ بعد مترجع أوتاوا وفوسط أهلها

سبحان الله إنك لن تهدي الأحبة والله يهدي من يشاء

انا مكنتش اعرف بصراحة غير بعد فترة لقتها علي اتصال دائم بيه ..الخبر فرحني جدا

وكانت كل متتعلم حاجة جديدة تخليني أدخل عالايميل وتقعد تحكيلي ..مش هنسي يوم مرتدت الحجاب

وقعدت تصور في نفسها وتبعتلي الصور... المهم بعد فترة تعرفت علي شاب مسلم تونسي واتفقا علي الزواج

اللي حصل انه طيلة فترة 6 شهور كان بيستنزف أموالها أول بأول...وداللي اتاكدت منه بعد فترة ان اهله ميعرفوش اي حاجة

عنها زي مهو فهمها فبعدت عنه

اتعرضت للموضوع دا تلات مرات....طبعا كلكم هتقولوا عليها هبله وعلي نيتها ومبتتعلمش من اخطائها

بس مش دي الحقيقة..الحقيقة انها كانت محتاجة اي شخص يحسسها بالامان في ظل الدين الاسلامي

بتقولي كانت بتلاقي صعوبات كتيرة هناك سواء في ممعاملة اهلها او اصحابها القدام اللي تخلوا عنها تماما

وخصوصا بعض الاجراءات الامنية..كانت بتقلي ان كل فترة بيطلبوها باستمرار في مركز الشرطة للتحري عن اخر تحركاتها

ولا اعلم مدي صحة هذا الكلام

ذكرت ايضا انها لم تجد اي مركز اسلامي علي مستوي عالي..بالرغم من وجود الكثير من المسلمين والعرب

بالرغم من كدا ومن العديد من عمليات النصب اللي تعرضت لها من شباب المسلمين بحجة الزواج

والعديد من الضغوطات الحياتية للعودة لديانتها الاصلية...الا انها لاتزال ثابتة

ربنا يقويها

ربنا يثبتها و يقويها

بس ايه هي الاجراءات الأمنية دي

و هل كل المسلمين في كندا يتعرضون لذلك

بسبب الحجاب مثلا أو عند التردد على المراكز الإسلامية

رجاء الرد من اخواننا المقيمين في كندا

[د هشام ابراهيم]

هنا فمصر لو رحت خلال مرض واحد لطبيبين مختلفين

هتلاقي كل واحد بيقلك

مين الحمار اللي وصفلك الدوا دا

مع انك لو رحت لطبيب تالت هيحمر التاني برده

والايام دول

كنت عاوزة اسال حضرتك يا د.هشام علي حاجة

صحبتي الانتيخ معايا في ستة هي هتتزوج اخر السنة دي وهتقيم إن شاء الله في تورونتو لظروف عمل زوجها

تفتكر هي ممكن تاخد سنة الامتياز من حداكو هناك؟؟؟ يعني دا سهل يعني؟

ولا تستني لحد مترجع مصر تاني وتخلص الامتياز من هنا؟

"مين الحمار اللي قبلي اللي عمل كيت و كيت" ..... و يعقبه تغيير منهجي للخطة ..... ساعات كتير من غير لازمة ..... ده تراث شعبي مصري يمتد إلي قديم الزمن من أيام الفراعنة لحد النهارده و يستوي فيه الطبيب مع المحامي مع المهندس مع المحاسب مع الميكانيكي

بالنسبة لصديقة حضرتك علي حد معلوماتي صعب تقضي الأمتياز في كندا لأن كده هي مش حاصلة علي أي شهادة علشان تعرف تعادلها ...زاي ما عارفة سعادتك الشهادة بتطلع بعد الأمتياز ...... لكن أفضل برضه تسألوا الكلية الملكية الكندية أكيد عندهم الرد الشافي

Royal College

تحياتي يا باشا

[د هشام ابراهيم]

للأسف بنسبة كبيرة يا دكتور.....

الا ما رحم ربى

و حضرتك تلاحظ الحكاية دى فى الخليج

من كام شهر كده قابلت عيلة هندية من اللى بيعبدوا حاجات غريبة

بقالهم فى الخليج 20 سنة

قلت يا ربى ....ما شفوش و لا قابلوا نموذج مسلم محترم

يخليهم يفكروا فى الدين ده !!!

و زاد حيرتى اكتر لما لقيت ان عنهم ولاد اتولدوا و كبوا و بيدرسوا فى الخليج

طب دول المفروض (نظريا) يعنى انهم ما فيش فى دماغم افكار و لا ضغوط زى الكبار

ليه ما بنشوفش ناس كتيير من الجنسيات المختلفة دى بتفكر فى الاسلام

لقيت ان الاجابة .....للأسف.....ان احنا المسلمين بشكل عام فشلنا فى تقديم الصورة الصحيحة

فى حين قدر تجار مسلمين من اكتر من الف سنة انهم يساعدوا فى دخول الاسلام فى الصين

من غير ميديا و لا دعاية و لا منشورات.....بس قدروا يكونوا مسلمين حقيقى

خلينى أامن على دعاء حضرتك ....ربنا يصلح حالنا جميعا

معاكي في كل كلمة يا سيدتي الفاضلة

للاسف احنا بعيد تماما عن السلف الصالح اللي بمجرد المعاملة الطيبة نشروا الاسلام في ربوع العالم

فين ده من اللي بيحصل في بلادنا دلوقت

الكبر و التعالي و السخرة و العنصرية صعب يقنعوا أي حد بأي حاجة

[ابو ادم]

د هشام

دي اول مشاركه ليا في المنتدى ويشرفني انها تكون موجهه لحضرتك ولموضوعك الجميل الي بقاله 6 شهور اهوه بس لا زال اكتيف ومفيد لناس كتير

حضرتك قلت لو تفتكر من زماااااااان في اوائل المشاركات انك مستبعد امريكا واستراليا.. امريكا وعرفناها طيب استراليا ليه؟؟

انا مش دكتور انا Software Engineer وفي بداية الدعبسه عن هجره لاستراليا بالزات نظرا لان فرصي فيها اكتر وبالنسبه لمجال تخصصي العمليه هتكون سهله شويه ان شاء الله

كلمتك دي بجد قلقتني شويه خصوصا انها طالعه من شخص مثقف مر بالتجربه كلها وواضح انه قتل الموضوع بحثا

كان عندي سؤال تاني بس ده هبعتلك بيه رساله خاصه..

تم تعديل 19 مايو 2009 بواسطة ابو ادم

[د هشام ابراهيم]

السلام عليكم ورحمه الله وبركاته ....

فعلا لم نعطى للعالم المثال السوى عن الاسلام

لاحول ولا قوه الا بالله العلى العظيم

بس برضه الاسلام احصائيا هو اسرع الاديان انتشارا

الوف بيخشوا الاسلام كل سنه ...بس ده مش عشان ان المسلمين ضربوا اروع الامثله فى تطبيق الاسلام

لا ده بفضل الله اولا واخيرا ثم بفضل جهود فرديه لمسلمين فى الغرب (اللهم اجعلنا منهم )

السؤال لحضرتك يا دكتور هشام..

1

-هل قابلت فى الفتره اللى فاتت حد حاول يسالك عن الاسلام فى كندا؟

2-ايه وهوه الدور اللى بيأديه المركز الاسلامى وهل هو دور مؤثر؟

ربنا يثبتا على الدين وعلى شريعه خير المرسلين صلى الله عليه وسلم ...أمين يا رب العالمين

و عليكم السلام و رحمة الله و بركاته

الصراحة حكاية سرعة انتشار الاسلام ديه سلاح ذو حدين ....كتير باحس انها حاجة بتلهينا عن واقعنا أكتر منها حاجة مفيدة ...فيه كذا نقطة أحب أعلق بيها علي الحكاية ديه

- غثاء السيل

قال رسول الله صلى الله عليه وسلم: "يوشك الامم ان تداعى عليكم كما تداعى الاكلة الى قصعتها" فقال قائل: ومن قلة نحن يومئذ؟ قال: "بل انتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن الله في قلوبكم الوهن" فقال قائل: يارسول الله، وما الوهن؟ قال: "حب الدنيا وكراهية الموت"

اذا فحكاية إن المسلمين كعدد بيزيدوا مش معناه إن حالتنا أحسن .....الكيف لا الكم

- معظم الزيادة جاية من زيادة المواليد .....معظم الدول الأسلامية دول نامية و معدل المواليد فيها عالي ......عكس العالم الغربي اللي أغلبه دول متقدمة و معدل المواليد قليل

اذا الزيادة أغلبها أفراد تحت سن البلوغ و العمل .....من غير تعليم كويس و اقتصاد قوي يوفر فرص عمل ...الأفراد دول حيبقوا عبء أكتر منهم مساهمة فعالة

- أرقام ازدياد المسلمين بتستنفر جهود التنصير و تزود احساس العالم الغربي بالخطر من العالم الاسلامي .....هل ده في صالحنا ....الله أعلم ...فيه ناس حتقول أيوه و بحترم وجهة نظرهم ...رأيي الشخصي المتواضع تأجج الرهاب من الاسلام Islamophobia مش في مصلحة حد ...لا شرق و لا غرب

رجوعا لاسئلة حضرتك

-هل قابلت فى الفتره اللى فاتت حد حاول يسالك عن الاسلام فى كندا؟

كتير و للاسف الفكرة اللي عندهم عن الاسلام و المسلمين سيئة جدا

جزء منه الدعاية المضللة انما جزء كبير احنا مسئولين عنه سواء باعمالنا أو غياب اعمالنا ......طبعا جاوبت و دافعت مدي جهدي لكن ما أعتقدش إن الجهود الفردية ممكن توصل لنتائج باهرة

ايه وهوه الدور اللى بيأديه المركز الاسلامى وهل هو دور مؤثر؟

المراكز الإسلامية علي قد ما لمست دورها بيقتصر علي خدمة أعضاء الجالية الاسلامية ....و ده مش شيء هين ...لكن صعب نطالبها بدور أكبر من كده خصوصا في ظل ضعف الامكانيات المادية و البشرية و غياب اليات العمل الجماعي و التطوعي

[د هشام ابراهيم]

فكرتوني بواحدة أعرفها كانت من اوتاوا هي أخصائية نفسية بتشتغل في مكان اعادة تأهيل المعاقين

الإنسانية دي رقيقة جدا جدا جدا كانت طول عمرها محاطة بمجتمع إسلامي بالرغم من كدا مأثرش فيها

مش عارفة دا لاننا عمرنا مبندي انطبع أو صورة مشرفة للمسلمين ولا قدرها أن يهديها الله للدين الاسلامي لم يأت بعد

المهم يشاء القدر انها تدخل في الدين الاسلامي..وإمتي؟ بعد مترجع أوتاوا وفوسط أهلها

سبحان الله إنك لن تهدي الأحبة والله يهدي من يشاء

انا مكنتش اعرف بصراحة غير بعد فترة لقتها علي اتصال دائم بيه ..الخبر فرحني جدا

وكانت كل متتعلم حاجة جديدة تخليني أدخل عالايميل وتقعد تحكيلي ..مش هنسي يوم مرتدت الحجاب

وقعدت تصور في نفسها وتبعتلي الصور... المهم بعد فترة تعرفت علي شاب مسلم تونسي واتفقا علي الزواج

اللي حصل انه طيلة فترة 6 شهور كان بيستنزف أموالها أول بأول...وداللي اتاكدت منه بعد فترة ان اهله ميعرفوش اي حاجة

عنها زي مهو فهمها فبعدت عنه

اتعرضت للموضوع دا تلات مرات....طبعا كلكم هتقولوا عليها هبله وعلي نيتها ومبتتعلمش من اخطائها

بس مش دي الحقيقة..الحقيقة انها كانت محتاجة اي شخص يحسسها بالامان في ظل الدين الاسلامي

بتقولي كانت بتلاقي صعوبات كتيرة هناك سواء في ممعاملة اهلها او اصحابها القدام اللي تخلوا عنها تماما

وخصوصا بعض الاجراءات الامنية..كانت بتقلي ان كل فترة بيطلبوها باستمرار في مركز الشرطة للتحري عن اخر تحركاتها

ولا اعلم مدي صحة هذا الكلام

ذكرت ايضا انها لم تجد اي مركز اسلامي علي مستوي عالي..بالرغم من وجود الكثير من المسلمين والعرب

بالرغم من كدا ومن العديد من عمليات النصب اللي تعرضت لها من شباب المسلمين بحجة الزواج

والعديد من الضغوطات الحياتية للعودة لديانتها الاصلية...الا انها لاتزال ثابتة

ربنا يقويها

الله يكون في عونها و يثبتها و يقويها .....٣ تجارب فاشلة أكيد حاجة قاسية جدا

مش عايز أكون متجني بس فيه حاجات كتير في القصة مش سهل تصديقها .....علي العموم الله تعالي أعلي و أعلم

ربنا يهدينا جميعا لما يحب و يرضي

[د هشام ابراهيم]

انت كده بتيجي علي الجرح يا دكتور

لان المسلمين قد يكونوا مشمولين بذلك التهديد.

ربنا يستر علينا وعلي ذريتنا جميعا

سعات بيجيلي هاجس اوحش منه وهو ان زي مالاخره متقسمه جنه ونار باخاف ان الدنيا تكون زي كده والواحد يكون بسيب القعده مع اصحاب الجنه ورايح اقعد مع اهل النار . مش عارف حقيقي ايه الصح في الدنيا دي.الحياه دي غريبه كلها الم وعندي احساس محدش مستريح فيها حتي المسلمين في الغرب .

الأكيد إن ما حدش حيستريح في الدنيا و عمر السعادة ما حتبقى كاملة إلا في الحياة الاعلي ....امال اسمها دنيا ليه يا صديقي

الحياة الحقيقية هي في الأخري ربنا يصلح خاتمتنا جميعا

انما أنا مؤمن بالمقولة "اعمل لدنياك كانك تعيش أبدا و اعمل لاخرتك كانك تموت غدا " بغض النظر عن صحة نسبها من عدمه انما ماشية تماما مع روح الدين

[د هشام ابراهيم]

حقيقي شيئ يحزن الي الواحد بيشوفه من الاطباء العرب في التعامل مابينهم في مصر وفي الخليج.

حضرتك لا يمكن ان تتخيل كم التعالي الي موجود من معظم الاطباء في بلاد النفط علي الغلايه المصريين و خصوصا لو راجع من كندا او امريكا .ياما علشان فارق الراتب او علشان اتصرف عليه في تعليمه كتير .

اضف الي ذلك ان الطبيب لما يهجر وياخد وظيفه اعتقد المسئوليه والراتب بيكون متساوي مع ابن البلد اما في بلاد النفط راتب المواطن ضعف او ضعفين او ثلاثه اضعاف الاجانب كما يسموننا مع قله الاداء.

ده اللي كنت لسه باقوله يا دكتورنا الغالي ....التعالي و الكبر و العنصرية اللي الواحد بيشوفها من بعض ذوي النفوس الضعيفة في بلادنا العربية

بالنسبة لملاحظات حضرتك و استفسارك

دول كتير من الخليج خاصة السعودية و الامارات بتبعت اطبائها الشبان (النواب ) يقضوا فترة نيابتهم في كندا و أمريكا و أوروبا .......بعثة كاملة .....بتدفع مصاريف تعليمهم و كمان فلوس زيادة للجامعات غير المرتب و السكن إلخ

الشباب دول بعد ما بيخلصوا و ياخدوا الشهادة الاجنبية بيرجعوا بلادهم و يمسكوا مناصب كمان

في ظل تدني مستوي الحاصلين علي الدكتوراه المصرية علميا و اكلينيكيا و كمان قبولنا بشروط مجحفة و مرتبات أقل ....النتيجة المعاملة السيئة اللي حضرتك أشرت ليها

بالنسبة للشق التاني من مشاركة حضرتك .....الطبيب المهاجر لكندا أول ما يعادل كل شهاداته بيبقى زيه زاي الطبيب الكندي بالظبط في الاجر ما فيش تفرقة في الحكاية ديه ......

[د هشام ابراهيم]

ربنا يثبتها و يقويها

بس ايه هي الاجراءات الأمنية دي

و هل كل المسلمين في كندا يتعرضون لذلك

بسبب الحجاب مثلا أو عند التردد على المراكز الإسلامية

رجاء الرد من اخواننا المقيمين في كندا

علي حد تجربتي الشخصية و تجربة كل من أعرفهم من الجالية العربية و الاسلامية في كندا و منهم اللي هنا من أكتر من ٣٠ سنة ...ما حدش عمره اتعرض لأي ملاحقة أمنية أو مضايقات حتي علشان أي حاجة متعلقة بالدين

بالعكس كندا بالذات من أكتر الدول تسامحا و قبولا لاختلاف الثقافات و الأديان

كام نقطة

- الولايات المتحدة خصوصا في عهد الغير مأسوف عليه بوش كان فعلا فيه ملاحقات و مراقبة للمترددين علي الجوامع و المراكز الاسلامية ....تحديدا من ال-FBI و ده سبب أزمة سياسية في أمريكا لما أتكشف و المنظمات الاسلامية هناك اشتكت

- كوبيك حصل فيها مشاكل مع الحجاب علي غرار مشاكل فرنسا مع الحجاب انما مؤخرا ما سمعتش حاجة لمدة طويلة

- فيه خلية ارهابية أتظبطت في ميسيسوجا أعضائها شباب كندي اغلبهم مولود في كندا من أصول إسلامية ....الخلية كانت بتخطط لاغتيال رئيس الوزراء و القيام بعدة تفجيرات انتحارية ...... الخلية أمام القضاء دلوقتي .....أكيد كان فيه مراقبة أمنية علي أعضاء التنظيم ده لو صح الأدعاء لحد ما قبضوا عليهم

و برضه في الأول و الأخر الله أعلم

[د هشام ابراهيم]

د هشام

دي اول مشاركه ليا في المنتدى ويشرفني انها تكون موجهه لحضرتك ولموضوعك الجميل الي بقاله 6 شهور اهوه بس لا زال اكتيف ومفيد لناس كتير

حضرتك قلت لو تفتكر من زماااااااان في اوائل المشاركات انك مستبعد امريكا واستراليا.. امريكا وعرفناها طيب استراليا ليه؟؟

انا مش دكتور انا Software Engineer وفي بداية الدعبسه عن هجره لاستراليا بالزات نظرا لان فرصي فيها اكتر وبالنسبه لمجال تخصصي العمليه هتكون سهله شويه ان شاء الله

كلمتك دي بجد قلقتني شويه خصوصا انها طالعه من شخص مثقف مر بالتجربه كلها وواضح انه قتل الموضوع بحثا

.

أهلا و سهلا بحضرتك يا سيدي الفاضل و جزاك الله كل خير علي كلمات الأطراء ...كلك ذوق

الحقيقة أنا لا قتلت الموضوع بحثا و لا حاجة ...أنا لما جيت كندا ما كنتش أعرف ١٪ من المعلومات المتاحة في المنتدي هنا مثلا

ما فيش عندي أسباب لعدم اختياري أستراليا ممكن تقلق حضرتك ..ما فيش أسباب عامة زاي في حالة أمريكا كلها أسباب شخصية ممكن تختلف من شخص لاخر بطبيعة الحال .....الفكرة كلها أسلوب الحياة ....style of living ....... اللغة ... الموقع ... الجو.... معرفة ناس من كندا ادوني فكرة جيدة عن طباع الكنديين و معرفة ناس من أستراليا ادوني فكرة سلبية حاجات كده يعني ....توكل علي الله و ربنا يقدم الخير بفضله

[د هشام ابراهيم]

خاطرة سريعة

الحقيقة أنا ما عشتش مواقف من طراز الجيران لبعضها من زمان

بيت أهلي في ميدان لبنان و الجيران كانوا محترمين و كان فيه علاقة كويسة إلي حد كبير بس ما أقدرش أقول إن كان فيه تعاون أو عمل جماعي أو أو

لما اتجوزت خدت شقة في الرماية ....علاقتي بالجيران لم تتعدي الحقني يا دكتور كام مرة متفرقة ....... و مرة نزلت لقيت العربية مخبوطة و هي واقفة في الباركينج بتاع العمارة ...يعني غالبا حد من الجيران و طبعا لا حس و لا خبر و لا أي حاجة

شقة تورنتو أصلا ما أعرفش جيراني ما عدا جار واحد تاجر مصري أكبر مني بحوالي ١٥ سنة و ولاده أكبرهم أصغر مني بحوالي ١٠ سنين ...انما الصراحة العلاقة يا دوبك السلام عليكم و عليكم السلام ...أخبارك إيه نازل مصر أمتي

بيت سانت كاترين الجيران بقي فوق الوصف ...متعاونين لاقصي درجة ...ودودين جدا .....أنشطة خيرية و اجتماعية شغالة .....مساعدة و نصيحة مستمرة ...... بشوشين علي طول و كانوا مرحبين بينا جدا من أول يوم ....حقيقي حاجة تفرح ....ألف حمد و شكر ليك يا رب

[safaalabana]

? professor Hesham ...Iwant to ask IS there arabic T.V or RADIO channels broadcasting from TORONTO

[the doors]

هشام باشا

تهامى باشا

THE DOORS OR PINK FLOYD WILL COME VERY SOON

اشوفكم على خير

[د هشام ابراهيم]

? professor Hesham ...Iwant to ask IS there arabic T.V or RADIO channels broadcasting from TORONTO

علي حد علمي يا دكتورة ما عرفش غير ART أمريكا اللي بتقدم برامج منتجة في أمريكا الشمالية ....مقدمينها من عرب أمريكا الشمالية و مواضيعها بتخص الجالية العربية في الولايات المتحدة و كندا ......و الحقيقة مش عارف هي بتذيع من هنا و لا لأ

كل المحطات التانية سواء كابل أو ساتلايت محطات عادية ...أقصد مالهاش صبغة أمريكية أو كندية

[د هشام ابراهيم]

هشام باشا

تهامى باشا

THE DOORS OR PINK FLOYD WILL COME VERY SOON

اشوفكم على خير

يا باشا تنور قارة أمريكا الشمالية كلها :lol:

توصل بالسلامة إن شاء الله :lol: :lol:

[د هشام ابراهيم]

جملة قالتها لي استاذة تخدير في المستشفي و فضلت معلقة معايا شويتين ......الاستاذة ديه كندية أب عن جد و من أصل انجليزي و مهتمة جدا بالسياسة و الأديان و ياما إتناقشنا في مواضيع الشرق الاوسط و قضايا المسلمين ......

المهم .... كان عندها حالة صعبة جدا بس بناء علي كلامها ربنا كرمها جدا و الحالة مشيت كويس بس هي كانت حاسة إن الحالة مشيت كويس بتدخل خارجي علوي (ترجمة لكلامها ...قصدها ربنا سبحانه و تعالي ) مش بسبب أي حد أو أي حاجة مباشرة

بتقولي انها استغربت لانها عارفة إن علاقتها بربنا مش كويسة و ما بترحش الكنيسة بانتظام و مش بتصلي أو تلتزم بتعاليم الدين قوي

هي معتقدة إن ربنا كرمها علشان المريض و أهله متدينين مش علشانها هي و إن الانسان بنظره الضيق للامور بيتصور إن كل حاجة في الدنيا ليها علاقة مباشرة بيه هو انما كتير بتبقى مجرد سبب أو طريقة لحد تاني أو حاجة تانية

الكلام ده حصل من كام يوم بس لحد النهارده لسه بفكر فيه :lol:

[safar]

دكتورنا أستاذ هشام أسمح لي بالاشتراك في الموضوع بتاعك (قهوتك إذا جاز التعبير) ، لماذا لا تبدأ حضرتك بالقراءة عن المسلمين الجدد وما الذي دعاهم لاعتناق الدين الإسلامي، وتسجيل ملاحظات عامة حول ذلك، وإثناء نقاشك مع أي أحد من غير المسلمين ترسل هذه الرسائل البسيطة التي استخلصتها من قصصهم للآخرين، لجعلهم يفكروا أكثر في الدين الإسلامي.

الرسول (ص) قال: " من دعا إلى هدى فله أجر من تبعه لا ينقص ذلك من أجورهم شيئاً " ، إنها فرصة عظيمة أن تكون في هذا الموقع وأعلم أن الداعي لا يدعى بمعنى أنك إذا كنت مصلح لن يستطيع المفسد الوصول لإفسادك بسهولة بعكس الصالح.

عموماً سامحني على هذه المداخلة، التي طرأت لي أثناء ذكرك لهذه الدكتوره التي نسأل الله لها الهداية ، لإن الوسائل الإعلامية وما تتكلمه عن الإسلام تجعلها تفكر في كل دين إلا الدين الإسلامي.

مع تحياتي