قصتي مع كندا

[خالد المسلم]

السلام عليكم ورحمه الله وبركاته

أضم صوتى لصوت الاخ سفر ...

وانا راييى ان حضرتك تجيب اى كتيبات صغيره مبسطه تتكلم

عن الاسلام بالانجليزيه او الفرنسيه وتعطى أى حد عاوز يسأل عن الاسلام

كما قال الرسول صلى الله عليه وسلم لسيدنا على رضى الله عنه

لان يهدى الله بك رجلا واحدا خيرا لك من حمر النعم ...

والاسلام هو الدين المتماشى مع الفطره اى واحد يقرأ فيه بس يكون منصف

ودون اى تاثير خارجى ألا ويعتنقه ...

نسأل الله لنا ولكم التوفيق ..

[د هشام ابراهيم]

دكتورنا أستاذ هشام أسمح لي بالاشتراك في الموضوع بتاعك (قهوتك إذا جاز التعبير) ، لماذا لا تبدأ حضرتك بالقراءة عن المسلمين الجدد وما الذي دعاهم لاعتناق الدين الإسلامي، وتسجيل ملاحظات عامة حول ذلك، وإثناء نقاشك مع أي أحد من غير المسلمين ترسل هذه الرسائل البسيطة التي استخلصتها من قصصهم للآخرين، لجعلهم يفكروا أكثر في الدين الإسلامي.

الرسول (ص) قال: " من دعا إلى هدى فله أجر من تبعه لا ينقص ذلك من أجورهم شيئاً " ، إنها فرصة عظيمة أن تكون في هذا الموقع وأعلم أن الداعي لا يدعى بمعنى أنك إذا كنت مصلح لن يستطيع المفسد الوصول لإفسادك بسهولة بعكس الصالح.

عموماً سامحني على هذه المداخلة، التي طرأت لي أثناء ذكرك لهذه الدكتوره التي نسأل الله لها الهداية ، لإن الوسائل الإعلامية وما تتكلمه عن الإسلام تجعلها تفكر في كل دين إلا الدين الإسلامي.

مع تحياتي

بالعكس مداخلة حضرتك في الصميم

الحقيقة يا سيدي الفاضل أنا فعلا تابعت العديد من قصص المسلمين الجدد سواء مكتوبة أو متذاعة .....

جزاك الله خيرا علي التذكرة و نبل المقصد انما الحقيقة اللي لازم نقتنع بيها إن سوء صورة المسلمين و مش حاقول الاسلام مش السبب الوحيد فيه الوسائل الاعلامية .....اعتقادي الشخصي السبب الاساسي المسلمين نفسهم ......عارف حضرتك المسلمين الجدد ...ربما لأن إسلامهم عن دراسة و عن اقتناع كامل مش مجرد بالوراثة ..... أكتر ناس تلاقيهم ملتزمين بالدين و تعاليمه و معاملاته الصح .....و ليهم نقد لاذع لاحوال المسلمين التقليديين اذا جاز التعبير

الدكتورة الكندية قريت كتير عن الدين الاسلامي و عن التاريخ و السياسة في الشرق الأوسط و كمان عن الفرق داخل المذاهب ...... كتير بتسألني عن حاجات معينة بحاول جاهدا شرحها و هي مقتنعه إن سلوك المسلمين حاليا في كثير من الأحوال بعيد تماما عن تعاليم الاسلام

فيه ناس كتير بالذات في أوساط الطبقة المتوسطة في كندا عارفين إن الاعلام مش بينقل الصورة صح و عليه بيحاولوا و يدوروا علي كذا مصدر .....المشكلة إن المسلمين نفسهم سواء في كندا أو خارجها مش بيدوا صورة كويسة عن الاسلام سواء بسبب التطرف أو التساهل و ترك التعاليم و ده بيبان جدا في المعاملات

تحياتي يا سيدي الفاضل

[د هشام ابراهيم]

السلام عليكم ورحمه الله وبركاته

أضم صوتى لصوت الاخ سفر ...

وانا راييى ان حضرتك تجيب اى كتيبات صغيره مبسطه تتكلم

عن الاسلام بالانجليزيه او الفرنسيه وتعطى أى حد عاوز يسأل عن الاسلام

كما قال الرسول صلى الله عليه وسلم لسيدنا على رضى الله عنه

لان يهدى الله بك رجلا واحدا خيرا لك من حمر النعم ...

والاسلام هو الدين المتماشى مع الفطره اى واحد يقرأ فيه بس يكون منصف

ودون اى تاثير خارجى ألا ويعتنقه ...

نسأل الله لنا ولكم التوفيق ..

آمين .....ربنا يخليك يا سيدي الفاضل

الكتيبات موجودة و بتتوزع في الشارع ......حتي في وسط ميدان دانداس اللي هو قلب تورنتو .....و القرأن موجود و مترجم لكل اللغات و المواقع الدينية موجودة علي النت

المشكلة مش في نقص المعلومات عن الاسلام ... بالذات بعد حروب و أزمات الشرق الاوسط و تفجيرات ٩ سبتمبر ناس كتير بقيت تقرا و تدور

المشكلة الحقيقية فينا احنا ...المسلمين .....مهما الناس بره قرأت و سألت ..... لما بعدين تشوف المعاملات بتاعتنا و تسمع لهجة و طريقة الخطاب الديني من رجال الدين الاسلامي سواء في الغرب أو الشرق و تلاقي تناقض واضح ما بين الاصل و الواقع مش حينفع معاها كلام فرد واحد

انتم ما تتخيلوش الواحد بيحبط قد إيه من طريقة تفكير و كلام بعض و مش حاقول كل المسلمين .....عرب و غير عرب .....و علي كل المستويات .....الناس ليها الفعل مش كلام و خلاص ......

تاني الجزء الأكبر من سوء صورة الاسلام في الخارج سببه احنا المسلمين .....الاعلام المتحيز مجرد عامل مساعد مش هو السبب الوحيد ....يوم ما نعترف بالجزء ده هو أول يوم في طريق الاصلاح طول ما بنلقي اللوم علي الغير و مش عايزين نتغير يبقى ما فيش فايدة

تحياتي يا أفندم

[icehearted girl]

المشكلة الحقيقية فينا احنا ...المسلمين .....مهما الناس بره قرأت و سألت ..... لما بعدين تشوف المعاملات بتاعتنا و تسمع لهجة و طريقة الخطاب الديني من رجال الدين الاسلامي سواء في الغرب أو الشرق و تلاقي تناقض واضح ما بين الاصل و الواقع مش حينفع معاها كلام فرد واحد

متفقة تماما مع حضرتك ياد.هشام

كمثال يعني

لما حد بيقرأ رواية لنجيب محفوظ... بيتذكر كام في المية منها بعد فترة؟؟؟؟

انما لو تجسدت أدامه في فيلم سينما واتفرج علي الاحداث حية هيحكم عالرواية من قرائتها ولا من خلال الفيلم؟

اكيد الفيلم لانه فيه مؤثرات سمعية وبصرية ومتجسدة في اشخاص وبالتالي سبل الاتصال للمعلومة سهل اوي

عشان كدا المعلومة الاسهل اللي بتتاخد عن الاسلام هي من خلال المسلمين نفسهم

مش من خلال الكتيبات...

وخصوصا مفيش حاجة بتعلم في الاذهان الا الافعال السيئة سواء تفجيرات او عمليات ارهابية او او او

الاسلام قضية رابحة

لكن للاسف..المحامي خيبان

[ايهاب سالم]

الكتيبات موجودة و بتتوزع في الشارع ......حتي في وسط ميدان دانداس اللي هو قلب تورنتو

تم تعديل 20 مايو 2009 بواسطة ايهاب سالم

[newcomer]

انها استغربت لانها عارفة إن علاقتها بربنا مش كويسة و ما بترحش الكنيسة بانتظام و مش بتصلي أو تلتزم بتعاليم الدين قوي

من كام يوم كان فيه شيخ فى التلفزيون بيتكلم فى موضوع قريب

كان بيقول ان علاقة الانسان بربنا لا يجب ان تقاس بما فى جيبه او بنجاحاته

"فأما الانسان اذا ما ابتلاه ربه فاكرمه ونعمه فيقول ربي اكرمن واما اذا ماابتلاه فقدر عليه رزقه فيقول ربي اهانن"

يقصد العلاقة دى اسبابها و حكمتها يعلمها الله وحده

فممكن يكون واحد مؤمن ملتزم و من وجهه نظرنا كبشر زى الفل

بس رزقه قليل او مبتلى فى اى ناحية فى حياته

مش لازم يفسر ده ان ربنا غضبان عليه

و كمان اللى ناجح او ربنا رازقه رزق واسع

مش لازم برضه يفسر ده على ان ربنا راضى عنه

حكمة المنع او المنح .....ربنا وحده يعلمها ...و لا علاقة لها بتفسيرنا

ف لو شفنا الكلام ده مع الدكتورة .....هنلاقى ما فيش تفسير اكيد

يمكن علشان تحس " بالقوى العليا" على حد تعبيرها!!

يمكن علشان احنا المسلمين نعرف ان ربنا ممكن يجعل الشفاء

على يد اى حد مؤمن او كافر.....لأن الشفاء بيده وحده...سبحانه !!

و لا تفسير مؤكد و لا مستبعد

بس الأكيد ان احنا لازم نحمد ربنا على كل الاحوال و على كل المنح و المحن

اللهم لك الحمد كما ينبغى لجلال وجهك و عظيم سلطانك حمدا حتى ترضى

.

تم تعديل 20 مايو 2009 بواسطة newcomer

[precanadian]

هي معتقدة إن ربنا كرمها علشان المريض و أهله متدينين مش علشانها هي و إن الانسان بنظره الضيق للامور بيتصور إن كل حاجة في الدنيا ليها علاقة مباشرة بيه هو انما كتير بتبقى مجرد سبب أو طريقة لحد تاني أو حاجة تانية

اتفق مع الدكتوره الكنديه يا دكتور في ان كثير من رزق الله ليس لان الله اجتبانا واصطفانا انما قد تكون طريقه يوصل بيها الخير للغبر يعني ان ربنا بيستعملنا لخير الاخرين

الحقيقه انا عندي مثل قد يكون سليم الا وهو السعوديه وكم الاحتياطي النفطي الي عندها . سبحان الله ربنا مديهم كنز اكثر من احتياجاتهم وتعداد سكانهم وحرمهم من الثروه البشريه وال skills علشان يتم توزيعها علي اسر وعائلات تعمل بالخليج لانهم لازم يجيبوهم لانعدام الثروه البشريه . الحاجه التانيه قد يكون احتياج الحرمين لكم ضخم من الانفاق ووضعه في مكانه تليق به امام العالم في عصر اصبح كل انسان علي الارض يمكن ان يشاهد هذين المسجدين.

الخلاصه عمر مكان رزق ربنا هو دليل علي رضاه عن عبده ولا حرمانه من الرزق دليل علي سخطه

المشكلة الحقيقية فينا احنا ...المسلمين .....مهما الناس بره قرأت و سألت ..... لما بعدين تشوف المعاملات بتاعتنا و تسمع لهجة و طريقة الخطاب الديني من رجال الدين الاسلامي سواء في الغرب أو الشرق و تلاقي تناقض واضح ما بين الاصل و الواقع مش حينفع معاها كلام فرد واحد

انتم ما تتخيلوش الواحد بيحبط قد إيه من طريقة تفكير و كلام بعض و مش حاقول كل المسلمين .....عرب و غير عرب .....و علي كل المستويات .....الناس ليها الفعل مش كلام و خلاص ......

تاني الجزء الأكبر من سوء صورة الاسلام في الخارج سببه احنا المسلمين .....الاعلام المتحيز مجرد عامل مساعد مش هو السبب الوحيد ....يوم ما نعترف بالجزء ده هو أول يوم في طريق الاصلاح طول ما بنلقي اللوم علي الغير و مش عايزين نتغير يبقى ما فيش فايدة

اتفق مع حضرتك في ما تقول تماما . المعلومه النهارده متوفره عن طريق الكتاب وا النت .

لكن عمر ما الكتابه والحبر والورق هيعمل دعايه .

المنتج هو نفسه الي يقدر يثبت تميزه جنب المنتجات الاخري والزبون بيفحص المنتج كويس ويسال عنه وممكن يقرا دليل الاستعمال كمان وغالبا بيحب يشوفه ويلمسه بايده

لو كان المنتج هو المسلمين المعاصرين : منتج كما ترون غير قادر علي المنافسه لانعدام معايير الجوده في الصناعه .... مين هينجذب اليه ويفكر فيه؟

الحاجه التانيه يا دكتور هشام انا راي ان الدعايه المباشره للاسلام لن تجدي بل قد تنفر المستمع لازم واعتقد ان الدعايه الغير مباشره عن طريق ابهارهم بسلوكياتنا وتعاملنا مع بعض داخل الاسره والمجتمع اقوي واجدي انهم يفكروا في الاسلام

تحياتي لك وربنا يهدي الدكتوره الكنديه للخير!

[د هشام ابراهيم]

الاسلام قضية رابحة

لكن للاسف..المحامي خيبان

ده بالظبط اللي أنا أقصده يا دكتورة ...حضرتك لخصتي بالجملة ديه كل اللي عايز أقوله ......ربنا يصلح الحال

[د هشام ابراهيم]

الكتيبات موجودة و بتتوزع في الشارع ......حتي في وسط ميدان دانداس اللي هو قلب تورنتو

حبيب هارتي يا هوبا يا دوكيومنتد

تحياتي يا كنج الديفينس و عمدة ميسيسوجا wlch::

[د هشام ابراهيم]

حكمة المنع او المنح .....ربنا وحده يعلمها ...و لا علاقة لها بتفسيرنا

ف لو شفنا الكلام ده مع الدكتورة .....هنلاقى ما فيش تفسير اكيد

يمكن علشان تحس " بالقوى العليا" على حد تعبيرها!!

يمكن علشان احنا المسلمين نعرف ان ربنا ممكن يجعل الشفاء

على يد اى حد مؤمن او كافر.....لأن الشفاء بيده وحده...سبحانه !!

و لا تفسير مؤكد و لا مستبعد

بس الأكيد ان احنا لازم نحمد ربنا على كل الاحوال و على كل المنح و المحن

اللهم لك الحمد كما ينبغى لجلال وجهك و عظيم سلطانك حمدا حتى ترضى

صدقت يا سيدتي الفاضلة و متفق معاكي تماما ...... بارك الله فيكي يا سعادة المدير العام ...... حاكرر صيغة الحمد نفسها

اللهم لك الحمد كما ينبغى لجلال وجهك و عظيم سلطانك حمدا حتى ترضى

[د هشام ابراهيم]

اتفق مع حضرتك في ما تقول تماما . المعلومه النهارده متوفره عن طريق الكتاب وا النت .

لكن عمر ما الكتابه والحبر والورق هيعمل دعايه .

المنتج هو نفسه الي يقدر يثبت تميزه جنب المنتجات الاخري والزبون بيفحص المنتج كويس ويسال عنه وممكن يقرا دليل الاستعمال كمان وغالبا بيحب يشوفه ويلمسه بايده

لو كان المنتج هو المسلمين المعاصرين : منتج كما ترون غير قادر علي المنافسه لانعدام معايير الجوده في الصناعه .... مين هينجذب اليه ويفكر فيه؟

الحاجه التانيه يا دكتور هشام انا راي ان الدعايه المباشره للاسلام لن تجدي بل قد تنفر المستمع لازم واعتقد ان الدعايه الغير مباشره عن طريق ابهارهم بسلوكياتنا وتعاملنا مع بعض داخل الاسره والمجتمع اقوي واجدي انهم يفكروا في الاسلام

الله ينور عليك يا دكتورنا الغالي حضرتك قلت بالظبط اللي عايز أقوله بصورة أوضح و احسن كمان .....جزاك الله كل خير يا صديقي العزيز

[الجدار]

ما شاء الله

والله الصورة دي فرحتني جداً

ربنا يجازيهم خير

اللي عجبني ان الناس مش ماسكة الكتيبات المجانية وطالعة ماشية في الشوارع توزع على الناس بالعافية وممكن يبقى فيها احراج لناس

او توصل لناس مش محتاجينها بمجرد انك تديله الكتيب وتدور وشك يرميه في الزبالة

انا شايف انه اسلوب حضاري

تنده بسيطة مكتوب عليها "معلومات مجانية عن الإسلام"

واتنين واقفين للمساعدة في إختيار الكتيبات

واللي محتاج معلومة هو اللي بيدور عليها مش مستني ان المعلومة هي اللي تجيله

أحييك مستر هوبا على اختيارك للصورة

تم تعديل 21 مايو 2009 بواسطة الجدار

[icehearted girl]

عارفين المكان الوحيد اللي شفت فيه الموقف دا كان في معرض الكتاب السنة دي في يناير

بس اللي كان حاطت كتيبات مجانية بيزعها علي اي حد دار الكتاب المقدس

كانت كتيبات مسيحية

بصراحة انا كنت واقفة اتفر لقيت العديد من الكتب معروضة عليه

ومجانية

بغض النظر انا هقرأها ولا لأ....بس احترمت الموقف دا جدا

في الوقت اللي كان المحل اللي جنبه بيبيع كتب اسلامية بس للاسف فعلا باسعار وهمية :ninja:

حاجات كتير بصراحة بحترمها في حملات التبشير بغض النظر انها مخالفة لعقيدتي بس الحق يقال

[safar]

الكتيبات موجودة و بتتوزع في الشارع ......حتي في وسط ميدان دانداس اللي هو قلب تورنتو

حبيب هارتي يا هوبا يا دوكيومنتد :sad:

تحياتي يا كنج الديفينس و عمدة ميسيسوجا

مهندس أيهاب نشكرك كثيراً على مثل هذه الصور التي تشجع الآخرين على خدمة دين الله، وكذلك تظهر للآخرين أن ليس كل العرب في الغرب في ضياع كما يذكر البعض بل هنالك من يجتهد أكثر من الموجود في الدول العربية.

راجياً تكثير هذه الصور كلما سنحت لك فرصة.. وجزاكم الله خيراً

مع تحياتي للجميع

تم تعديل 21 مايو 2009 بواسطة safar

[د هشام ابراهيم]

سعيد بالحوار الراقي و المشاركات الكريمة و نفسي أشوف قهوة عمدة ميسيسوجا "عمار يا كندا " قريب بقي .....بلا ايبك بلا اقطاي

[د هشام ابراهيم]

أخر أخبار قصتي مع كندا ......وصل بحمد الله إلي شقة تورنتو المدعو Wii ..... المذكور أعلاه كان فيه محاولات للقبض عليه من أيام البوكسينج داي ...... فعلا كل حاجة ليها وقتها المحتوم

[newcomer]

أخر أخبار قصتي مع كندا ......وصل بحمد الله إلي شقة تورنتو المدعو Wii .....

WOW!!

فعلا .....و ايه الاخبار يا دكتور

علشان ناوية اجيبه لأبنى....يعنى ....مش علشانى خاااااااالص

كنت لعبت بيه.....اممممممممم اقصد جربته قبل كده فى التنس و البوكسينج

و عجبنى جدااااااااا .....

بس لأسباب تربوية .....اجلت شرائه للصيف.

( عند الأمهات ده ....ساعات ما بيضايقش غير الامهات نفسهم. ;) ....و عجبى)

فى اوفر اليومين دول فى الامارات ...الWii و 3 gamesب 1400 درهم

يا ترى فى كندا نفس الاوفر بكام ؟؟؟؟

Enjoy your time و قول لنا ايه الاخبار

[د هشام ابراهيم]

WOW!!

فعلا .....و ايه الاخبار يا دكتور

علشان ناوية اجيبه لأبنى....يعنى clwn: ....مش علشانى خاااااااالص

كنت لعبت بيه.....اممممممممم اقصد جربته قبل كده فى التنس و البوكسينج

و عجبنى جدااااااااا .....

بس لأسباب تربوية .....اجلت شرائه للصيف.

( عند الأمهات ده ....ساعات ما بيضايقش غير الامهات نفسهم. ....و عجبى)

فى اوفر اليومين دول فى الامارات ...الWii و 3 gamesب 1400 درهم

يا ترى فى كندا نفس الاوفر بكام ؟؟؟؟

Enjoy your time و قول لنا ايه الاخبار

الحقيقة هو لسه في صندوقه .....الويك اند بقي باذن الله نبقى نكتشفه clp::

جبت معاه كذا حاجة تانية ...أكسسوارات يعني .....كله من علي النت .....العرض الأصلي أهو يا سعادة المدير العام ;)

Future Shop offer

[dreamy]

د.هشام تحية تقدير للموضوع المتميز وحب مساعدة الخير وفقك الله لما يحب ويرضي .....

[د هشام ابراهيم]

د.هشام تحية تقدير للموضوع المتميز وحب مساعدة الخير وفقك الله لما يحب ويرضي .....

يا أفندم كتر ألف خيرك ...و جزاك الله خيرا علي الدعاء الصالح