قصتي مع كندا

[د هشام ابراهيم]

كام ملاحظة كده علي أوتاوا علي بال الشوط التاني من البارسا و مان يو :blink:

ملاحظتان متوقعتان :sad:

- الناس كلها لابسة فورمال ....بدل و تاييرات ..... طبيعي لأن اغلبهم موظفين حكومة و تكنوقراط ....انما المنظر برضه يفرح و الناس كلها شكلها محترم كده ....فكرتني بطوكيو .....تحس إن الناس كلها لابسة يونيفورم موحد

- اللغة الفرنسية منتشرة جدا .....عمال المحلات و المطاعم و الفنادق إلخ ....اغلبهم لغتهم الاساسية فرنساوي ..... أوتاوا قريبة جدا من كيبيك ....لو أشتغلت في أوتاوا و سكنت في كيبيك يبقى جمعت ما بين المرتب العالي و تكاليف المعيشة الاقل ....أحسبها صح تعيش صح يعني

و ملاحظتان مش متوقعتان :sad:

- المدينة صاحية جدا ....مفروض انها مدينة موظفين و أول ما يخلص الشغل تتحول لمدينة أشباح لكن في الحقيقة الدنيا نابضة بالحياة خصوصا في منطقة وسط المدينة .....تفسيري المتواضع ( ده لسه تاني يوم لي في أوتاوا مش حاقدر أفتي قوي يعني ) الجامعة و السياحة ....خصوصا سياحة المؤتمرات ......الفندق اللي نازل فيه لوحده فيه ٣ ٤ مؤتمرات شغالة منهم واحد دولي

- انك تقعد في مطعم و لا كافيه تلقي الناس بتتكلم في السياسة ...من أول اقتصاد أمريكا مرورا بتهديد كوريا الشمالية النووي و لحد الصراع العربي الأسرائيلي تجربة افتقدتها تماما في تورنتو :)

[safaalabana]

و كام صورة من أوتاوا .....الأنطباع الاولي مدينة جميلة و تليق بكونها عاصمة للبلاد

http://i440.photobucket.com/albums/qq129/hishamgamal/Ottawa Professor HESHAM really amazing photos

[د هشام ابراهيم]

Professor HESHAM really amazing photos

يا أفندم كتر ألف خير حضرتك :) :blink: ....

إن شاء الله علي آخر الاسبوع يبقى فيه صور تانية

[ايهاب سالم]

إخييييي

ذوقك وحش قوي يا شيكو

مالو الميكروباظ

[د هشام ابراهيم]

إخييييي

ذوقك وحش قوي يا شيكو

مالو الميكروباظ

يا باشا العفو ...الماكرو باظ ده ضرورة مرحلة ....شوية شوية كل لورد من الصغيرين ينقي اشي لامبو و اشي فيراري و اشي مازيراتي .... ربنا يديلك الصحة و طولة العمر يا كنج ....... و ساعتها بقي ندور لينا احنا الاتنين علي واحدة من دول أنا و سعادتك :winner:

[Nassarlink]

انتم بتحنسونا ولا ايه يا د هشام

اعملوا حساب لاصحاب ال128

اوعدنا يارب

ده احنا صرفنا كل الي قدامنا والي ورانا والي في جيوب اصحابنا كمان

[safaalabana]

professor Hesham I remember thant once you said that family medicine choice is EASIER so please explain to me ..andif u know something easier plez tell us the poor doctors by the way I have ryour story of working in canda several times

[عبير يونس]

خاطرة سريعة (برضه :lol:)

العبد لله عنده مشكلة حقيقية في تلقي المديح المهني (كلام كبير جدا :winner: )

النهارده كان عندي كذا حالة ... منهم حالة لسيدة عندها مشاكل نفسية و emotionally unstable .....الحمد لله ربنا سهل و الدنيا مشيت حلو و السيدة كانت راضية لحد كبير أخر العملية (كانت قيصرية ببنج نصفي) ....المهم جراحة النساء و الولادة جت ليي مخصوص أخر العملية و شكرتني علي حسن ادارتي للحالة و طريقة الكلام مع المريضة و قالت لي انها عمرها ما شافتها أهدي و لا حالتها أكثر استقرارا مشاعريا من وقت العملية علما اني ما أستعملتش أي أدوية مهدئة العبد لله تلعثم و ما عرفش يرد أصلا علي الجراحة غير اني شكرتها

بعديها ببتاع ربع ساعة اتصل بي أحد الأساتذة بالقسم يقولي إن الطبيبة الجراحة راحت له مخصوص علشان هو المشرف علي النساء و الولادة النهارده و كررت الشكر و المديح في شخصي الضعيف .....و برضه تلعثمت و تلخبطت و ما عرفتش أرد عليه :wub:

هي ثقافتنا و تعاليم ديننا هي اللي بتخللي الواحد متواضع دائما و لا قلة الشكر من الناس في الشغل اللي بتخلي الواحد مش متعود علي الرد

و لو كنتم مكاني كنتم عملتم إيه :lol:

حضرتك أكيد تستاهل لأن دول ناس ما بيجاملوش

تعاليم ديننا بتقول لنا ما ننتظرش الشكر من العباد و ان الجزاء من رب العالمين و نبقى متواضعين آه

بس كمان التعاليم دي بتقول اعط كل ذي حق حقه

و أيضا : كافئوا أهل الفضل

للأسف بقينا دلوقتي نتمنى من الناس انهم بس يكفوا اذاهم عنا مش يشكرونا!!!

عشان كده حضرتك اتفاجئت بالشكر

و لو كنت مكان حضرتك كنت انبسطت جدا

لأن ده أول جون في الشبكة

و جود حضرتك في كندا كإنسان ملتزم بتعاليم دينك أكيد كل سلوكك سيتم تصنيفه على هذا الاعتبار

و أكيد حيغير نظرتهم لينا شوية شوية

ربنا يكرمك و تشرفنا يا دوك

:lol:

[د هشام ابراهيم]

انتم بتحنسونا ولا ايه يا د هشام

اعملوا حساب لاصحاب ال128

اوعدنا يارب

ده احنا صرفنا كل الي قدامنا والي ورانا والي في جيوب اصحابنا كمان

خليها علي الله يا نصار باشا

فيه عربيات أمريكاني أسوأ من ال-١٢٨ ...سامع يا تهامي يا أخويا :wub:

[د هشام ابراهيم]

professor Hesham I remember thant once you said that family medicine choice is EASIER so please explain to me ..andif u know something easier plez tell us the poor doctors by the way I have ryour story of working in canda several times

تؤمري يا أفندم ...نيابة طب الاسرة من أقصر النيابات ...سنتين ممكن يبقوا ٣ اختياري لمزيد من التخصص (التخدير

مثلا خمس سنين و لمزيد من التخصص بيبقى fellowships بعد النيابة سنة أو سنتين )

كمان الاماكن المتاحة لطب الأسرة سواء في ال-CaRMS أو CEHPEA أضعاف أضعاف أي تخصص

للسببين دول أساسا قلت إن طب الأسرة أسهل

[د هشام ابراهيم]

حضرتك أكيد تستاهل لأن دول ناس ما بيجاملوش

تعاليم ديننا بتقول لنا ما ننتظرش الشكر من العباد و ان الجزاء من رب العالمين و نبقى متواضعين آه

بس كمان التعاليم دي بتقول اعط كل ذي حق حقه

و أيضا : كافئوا أهل الفضل

للأسف بقينا دلوقتي نتمنى من الناس انهم بس يكفوا اذاهم عنا مش يشكرونا!!!

عشان كده حضرتك اتفاجئت بالشكر

و لو كنت مكان حضرتك كنت انبسطت جدا

لأن ده أول جون في الشبكة

و جود حضرتك في كندا كإنسان ملتزم بتعاليم دينك أكيد كل سلوكك سيتم تصنيفه على هذا الاعتبار

و أكيد حيغير نظرتهم لينا شوية شوية

ربنا يكرمك و تشرفنا يا دوك

:lol:

جزيل الشكر علي كلمات حضرتك الطيبة

الصراحة الموقف كله كان محرج لي جدا :wub:

ربنا يكرمك يا أفندم و يصلح حالنا جميعا :lol: :wub:

[د هشام ابراهيم]

نواصل الارسال من أوتاوا ....النهارده كنت باقضي مشوار خاص بالعمل فتحركت من منطقة وسط المدينة للضواحي ..... المكان اللي كنت رايحه كان في حي متواضع في ضواحي أوتاوا ...صور و تعليقات

ديه عاملة زاي وزارة الصحة علي نقابة الأطباء ....ما لهاش مقابل في مصر ....شارع جانبي هاديء في الضواحي و أماكن ركن أكثر من أن تحصي ....

[د هشام ابراهيم]

الحي نفسه متواضع نسبيا ....لا فيه بيوت فخمة و لا عربيات فاخرة .....لكن زيه زي أي حي تاني شفته سواء في تورنتو أو سانت كاترين ..... نفس المنظر ده

شارع هادئ و أشجار علي الصفين و الدنيا محترمة ....اللي بتفرق من مكان لمكان نوعية البيوت و العربيات ...البنية الاساسية و التخطيط العمراني واحد

برغم بساطة البيوت انما الناس معتنية بيها و الورود و النباتات منورة الجناين الخاصة ...لاحظوا إن الناس سايبة حاجات بره البيت ...كراسي ، لعب أطفال ، تماثيل ....أحواض زرع .....الدنيا أمان و ما حدش بياخد حاجة من مكانها

و كل تجمع سكني لازم يكون فيه Park أو متنزه .....بيختلفوا في المساحة و التجهيزات انما ضرورة حتمية

مشكلة المتنزهات ديه إن الكنادوة غاويين كلاب و علي طول ياخدوها تتمشي في المنتزه ...من كام شهر كان قامت أزمة في تورنتو ما بين البلدية و أصحاب الكلاب الاليفة ...البلدية ألزمت صحاب الكلاب انهم يحطوا طوق و مقود (leash) في كل الأوقات ....أصحاب الكلاب احتجوا لان كده نفسية الكلاب حتتأثر بالقيد .....بس البلدية مشيت كلامها في الاخر ..... نقطة مهمة برضه كلاب كندا فرفورة خالص ...خصوصا في المدن ....يعني آخرها تزعق في وشها تخاف ...مهما كان حجمها

الكلاب و القطط كلها حيوانات أليفة و ليها مالك .....الحيوانات الضالة أهيه :

[د هشام ابراهيم]

و طبعا المطاعم الاثنية موجودة في الشارع التجاري .....تخيلوا صورة الست هيفاء في أوتاوا :wub:

[د هشام ابراهيم]

الصور اللي جاية في طريق الرجوع ...من غير تعليق :wub:

[mohamedadel]

تسجيل متابعة لأسلوب حضترك الأكثر من رائع .. بدون مجامله و الله ..

وان شاء الله انا ناوي أجلس 2 اسبوع في أوتاوا الصيف الجاي وانا بعمل إجرءات الاندينج

[walidfh]

بجد صور رائعة تسلم إيديك عليها يا باشا

إدعيلنا نستلم الفيزا بسرعة علشان نيجي نتمتع بالصور دي على الحقيقة

مستنين البقية وتقبل سلامي

[الجدار]

..... نقطة مهمة برضه كلاب كندا فرفورة خالص ...خصوصا في المدن ....يعني آخرها تزعق في وشها تخاف ...مهما كان حجمها

:) :D

ضحكتني يا دوكـ والله

فين الكلاب البلدي الأصيلة عندنا :lol: الكلب عايز يكون معاك رشاش علشان يفكر يخاف

اكيد الكلاب لازم نفسيتها تبقى تمام في الجو الرائع ده

إمتياز يا دكترة

[Nassarlink]

بصراحه يا د.هشام

الواحد عين علي في عمار يا كندا وعين هنا صور في غاية الجمال والروعه

والأجمل من الصور روحك الجميله انت وايهاب سالم

ربنا ميحرمناش من تعاونكم ومن مشاركاتكم wst::

[ahmed_saleh]

العبد لله عنده مشكلة حقيقية في تلقي المديح المهني (كلام كبير جدا )

النهارده كان عندي كذا حالة ... منهم حالة لسيدة عندها مشاكل نفسية و emotionally unstable .....الحمد لله ربنا سهل و الدنيا مشيت حلو و السيدة كانت راضية لحد كبير أخر العملية (كانت قيصرية ببنج نصفي) ....المهم جراحة النساء و الولادة جت ليي مخصوص أخر العملية و شكرتني علي حسن ادارتي للحالة و طريقة الكلام مع المريضة و قالت لي انها عمرها ما شافتها أهدي و لا حالتها أكثر استقرارا مشاعريا من وقت العملية علما اني ما أستعملتش أي أدوية مهدئة العبد لله تلعثم و ما عرفش يرد أصلا علي الجراحة غير اني شكرتها

بعديها ببتاع ربع ساعة اتصل بي أحد الأساتذة بالقسم يقولي إن الطبيبة الجراحة راحت له مخصوص علشان هو المشرف علي النساء و الولادة النهارده و كررت الشكر و المديح في شخصي الضعيف .....و برضه تلعثمت و تلخبطت و ما عرفتش أرد عليه

هي ثقافتنا و تعاليم ديننا هي اللي بتخللي الواحد متواضع دائما و لا قلة الشكر من الناس في الشغل اللي بتخلي الواحد مش متعود علي الرد

و لو كنتم مكاني كنتم عملتم إيه gt:

يا دكتورنا العزيز

انا بس حبيت اعمبر عن ما بداخلي .... حقيقي انا بادخل التوبك ده و ببقى مستريح نفسياً ... يمكن لاني بلاقي فيه بعض اللي بدور عليه وسط زحمة ضياع الاخلاق و العنجهية الفارغة و انا و الطوفان من بعدي و ..... و كثير من الحاجات اللي بقت عادية و اللي يعمل غيرها يبقى عايش في ايام الزمن الجميل اللي انقرض .

معلهش نظرة تشاؤمية شوية بس للاسف دي الحقيقة ...طبعاً ما نقدرش نقول ان الناس اللي عايشين في كندا كلهم ملايكة لكن على الاقل بتلاقي نظام و اسلوب حياة يمنع الى حد كبير التجاوزات .....

معلهش انا طولت شوية لكن تمنياتي لك بالتوفيق و من نجاح الى نجاح انت و كل مجتهد و كل شخص عنده مقومات النجاح و محتاج بس اللي يجليها من التراب اللي عليها .