قصتي مع كندا

[qenawy]

روعة د هشام

لي سؤال بالنسبة للبط الضال ده

هل يحوز صيده (بتكلم جد)

ولا ندخل فيq&a

يعني سين وجيم

اهو يساعد في توفير الميزانية شوية في الاول

حد طايل يتغدي كل يوم بط

[omaraziz]

روعة د هشام

لي سؤال بالنسبة للبط الضال ده

هل يحوز صيده (بتكلم جد)

ولا ندخل فيq&a

يعني سين وجيم

اهو يساعد في توفير الميزانية شوية في الاول

حد طايل يتغدي كل يوم بط

اهم حاجه يادكتور جناوي ان انت بعد ماتتغدا بيه تبقي تتاويه صوح

اصل يمسكوك ياولدي و يسجنوك و تاخد فيها اعدام بالمقصله زي ماعملت في البط الغلبان ده

[د هشام ابراهيم]

تسجيل متابعة لأسلوب حضترك الأكثر من رائع .. بدون مجامله و الله ..

وان شاء الله انا ناوي أجلس 2 اسبوع في أوتاوا الصيف الجاي وانا بعمل إجرءات الاندينج

الله يخلي حضرتك

أوتاوا مدينة رائعة ...هي غالية حبتين انما جميلة فعلا

ربنا يوفقك

[د هشام ابراهيم]

بجد صور رائعة تسلم إيديك عليها يا باشا

إدعيلنا نستلم الفيزا بسرعة علشان نيجي نتمتع بالصور دي على الحقيقة

مستنين البقية وتقبل سلامي

الله يسلم حضرتك و سعيد إن الصور عجبتك

بقية الصور تباعا إن شاء الله

يا رب ييسر الأمور كلها و تنورونا عما قريب

[د هشام ابراهيم]

:lol: ;) :lol:

ضحكتني يا دوكـ والله

فين الكلاب البلدي الأصيلة عندنا :lol: الكلب عايز يكون معاك رشاش علشان يفكر يخاف

اكيد الكلاب لازم نفسيتها تبقى تمام في الجو الرائع ده

إمتياز يا دكترة

تخيل يا صديقي العزيز الحكاية ديه برضه شغلت تفكيري ...مقارنة ما بين كلاب مصر و كلاب كندا و الحيوانات عموما ..... اهتمام الكنادوة بالكلاب we القطط و بقية الحيوانات الأليفة و حيوانات المزارع ...إلخ يغيظ و يفقع ساعات انما الفرق يخليك تستعجب ...... تطرف في الأهتمام من ناحية و تطرف في القسوة من ناحية تانية

[د هشام ابراهيم]

بصراحه يا د.هشام

الواحد عين علي في عمار يا كندا وعين هنا صور في غاية الجمال والروعه

والأجمل من الصور روحك الجميله انت وايهاب سالم

ربنا ميحرمناش من تعاونكم ومن مشاركاتكم

الله يخلي حضرتك ....بقية صور الرحلة جاية باذن الله

كنج هوبا ده محترف تصوير ...احنا علي قدنا جدا يا باشا ..... هو ستر ربنا بس اللي ممشينا :lol:

[د هشام ابراهيم]

يا دكتورنا العزيز

انا بس حبيت اعمبر عن ما بداخلي .... حقيقي انا بادخل التوبك ده و ببقى مستريح نفسياً ... يمكن لاني بلاقي فيه بعض اللي بدور عليه وسط زحمة ضياع الاخلاق و العنجهية الفارغة و انا و الطوفان من بعدي و ..... و كثير من الحاجات اللي بقت عادية و اللي يعمل غيرها يبقى عايش في ايام الزمن الجميل اللي انقرض .

معلهش نظرة تشاؤمية شوية بس للاسف دي الحقيقة ...طبعاً ما نقدرش نقول ان الناس اللي عايشين في كندا كلهم ملايكة لكن على الاقل بتلاقي نظام و اسلوب حياة يمنع الى حد كبير التجاوزات .....

معلهش انا طولت شوية لكن تمنياتي لك بالتوفيق و من نجاح الى نجاح انت و كل مجتهد و كل شخص عنده مقومات النجاح و محتاج بس اللي يجليها من التراب اللي عليها .

:lol:

حضرتك جبت المفيد ....لا الكنادوة ملايكة و لا كندا جنة علي الأرض

الفكرة كلها إن بالمقاييس البشرية الناس ديه قدرت تسبق ناس تانية كتير و بقيت المقارنة في صالحهم في معظم أوجه الحياة ....أنا ما باتكلمش علي الشرق الاوسط بس ....لا حتي أمريكا و اوروربا و بقية العالم

تحياتي يا باشا ;)

[د هشام ابراهيم]

روعة د هشام

لي سؤال بالنسبة للبط الضال ده

هل يحوز صيده (بتكلم جد)

ولا ندخل فيq&a

يعني سين وجيم

اهو يساعد في توفير الميزانية شوية في الاول

حد طايل يتغدي كل يوم بط

:lol:

طبعا كصعيدي أصيل سألت نفس السؤال قبلك يا دكترة

بس كان في باريس .....الحمام في ساحة اللوفر ما كانش بيتحرك و لو حتي إيه ...بالمثل الحمام و البط في كندا .....المشكلة حاجتين

الحمام و البط ده لحمه مر ...... فصايل برية مختلفة عن الفصايل الداجنة بتاعتنا

لو حد شافك فيه محاكمة و غرامة و مش بعيد ساعات خدمة مجتمع أو حضور كورسات في الرأفة بالحيوان ... و ممكن توصل لسجن كمان زاي لعيب كرة القديم الأمريكية اللي كان بيسابق الكلاب و أتسجن فيها علشان القسوة في المعاملة

[د هشام ابراهيم]

الحقيقة نصيحة لكل زائر لمدينة ما يعرفهاش .....خصوصا لو الوقت قليل ...جولة اوتوبيس و مركب لو متاح ....بمرشد سياحي .....حتخليك تعرف البلد كلها و تكتشف حاجات مش حتعرفها بسهولة لوحدك ....

زيارتي لاوتاوا ما كانتش سعيدة .....و الحمد لله علي كل حال بس برضه لقيت وقت للجولة ديه و عرفت حاجات كتيرة عن كندا و أوتاوا

معايا واحدة بواحدة .....بسم الله

[د هشام ابراهيم]

المبني الرئيسي للبرلمان الكندي .....يلاحظ إن فيه أطفال بتلعب في الحديقة الأمامية ..... برلمان يعني مجلس الشعب .....يبقى الشعب حر يلعب هو و عياله

داخل المبني فيه جولات مجانية للزائرين و معاها مرشد سياحي بيشرح نظام البرلمان و تاريخ الحياة الديمقراطية في كندا .....فيه جولات انجليزي و جولات فرنساوي ..... يسمح بالدخول و التصوير في أنحاء داخلية محددة في مبني البرلمان ما عدا أجزاء معينة ....منها مثلا ممنوع التصوير في داخل المكتبة و ممنوع دخول المبني الغربي الخاص بالوثائق السرية

صور الزيارة جاية في السكة إن شاء الله

مبني البرلمان من شرفة الفندق ...... المبني اللي شبه القلعة اللي جنبه ده واحد من أغلي و أفخم فنادق أوتاوا Chateau Laurier

المبني اللي قصاد الفندق اللي فيه نوافذ نصف دائرية ده كان محطة القطر .....بعد تطوير أوتاوا الشامل اللي حصل في الستينات و ما بعديها المحطة أتنقلت بره المدينة و المبني ده بقي قاعة مؤتمرات

[د هشام ابراهيم]

رسم توضيحي لمباني البرلمان ....المبني الرئيسي في الواجهة ....البرج إسمه برج السلام .....The Peace tower و هو أعلي مبني في أوتاوا بحكم القانون اللي بيمنع بناء أي مبني أعلي منه ....البرج فيه ساعة و أجراس ....كمان فيه نصب تذكاري لضحايا كندا في الحروب

المبني اللي علي اليمين المبني الشرقي و الغربي اللي علي الشمال ...... المبني الغربي هو الوحيد اللي ممنوع الدخول فيه

شوية صور متفرقة لمباني و حدائق البرلمان و كمان المكتبة

[د هشام ابراهيم]

شوية صور كمان و نشوف حاجة تانية .....الحق يتقال المبني في غاية الجمال و فيه كارت SD تاني لسه ما فضيتهوش بس كفاية كده

[د هشام ابراهيم]

أهم تقاطع في أوتاوا

شارع ويلنجتون ده اللي فيه مباني البرلمان اللي شفناها و كمان

مكتب رئيس الوزرا قصاد البرلمان علي طول و متوصلين بنفق

و مقر المعارضة البرلمانية

المحكمة الدستورية العليا

مباني الحكومة

و شارع بانك ده إسم علي مسمي فروع البنوك كلها و الأهم مقر البنك المركزي الكندي

[Shehab]

شوية صور متفرقة لمباني و حدائق البرلمان و كمان المكتبة

الله ينور يا دكترة هو ده الشغل....موثق و مدعم بالصور...عقبال دكتور تهامى لما يحن ..و يعبر الزباين

انما هى الحتة الكامرى واقفة لوحدها شريدة كده ليه.....و لا هو الانظار ممنوع و ديه تبع عضو؟؟

و لا انت ضمتها فى الكدر ايماناً بمبدأ

Toyota rules!!

[د هشام ابراهيم]

لله ينور يا دكترة هو ده الشغل....موثق و مدعم بالصور...عقبال دكتور تهامى لما يحن ..و يعبر الزباين

انما هى الحتة الكامرى واقفة لوحدها شريدة كده ليه.....و لا هو الانظار ممنوع و ديه تبع عضو؟؟

و لا انت ضمتها فى الكدر ايماناً بمبدأ

Toyota rules!!

فاهمني صح يا صديقي العزيز

الحتة الكامري ديه بتاعة عضو بللمان لا مؤاخذة ..... و كمان هايبريد

تبقى أكيد Toyota Rules

[د هشام ابراهيم]

نكمل الجولة ...صور من داخل مبني البرلمان أثناء الجولة ...... المرشد السياحي...... الصور الأخيرة من أعلي برج السلام........ بقية الصور مش محتاجة تعليق

[د هشام ابراهيم]

[د هشام ابراهيم]

علي فكرة الناحية التانية من النهر ديه كيبيك ....مدينة جاتينو تحديدا .....حنرحلها بعدين باذن الله

[ايهاب سالم]

صور جميله جدا يا دوك

حظك وحش إن الجو كان مغيم و إلا كانت طلعت أحسن

وعاصمتنا تفرح ما شاء الله

إديني أكتر

[حسام يوسف]

بسم الله ماشاء الله

بجد حاجة جميلة يا دكتور هشام

وانا بقى بالذات مستني جاتينو لأنى بفكر فيها

مرة تانية الف الف شكر