قصتي مع كندا

[newcomer]

اغيب كام يوم الاقى البوم حلو كده.......

ربنا يكرمك يا دكتو

متابعيين .....مستمتعين....

:lol: :wub:

تم تعديل 9 يونيو 2009 بواسطة newcomer

[د هشام ابراهيم]

طبعا حلوه

وروعه كمان

احنا طايلين

ده انا كل يوم بفتح الحنفيه واقعد اقول

اهي الشلالات بتبقي زي دي يا ولاد

بس علي كبير

كتر الف خيرك يا د هشام

:lol:

يا أفندم العفو و باذن الله تنزل صورك مع الأولاد قدام شلالات نياجارا قريب

[د هشام ابراهيم]

مش عارف ليه يا د هشام انا الصور الى فيها غيوم بحبها جدا وانا عموما بحب الجو المغيم اوى حتى هنا فى الكويت لما بيكون الجو كده ببقى مبسوط جدا

ايه اريك الحالة خطيرة ولا ممكن اتعالج ولا ده طبيعى

العبد لله زيك بالظبط .......متفق معاك تماما ..... أنا عاشق للسما الرمادي و يا سلام كمان لو رمادي و ساعة مغربية :lol:

[د هشام ابراهيم]

معلش يا د هشام العين بصيره واليد قصيره

وانا معنديش كاميرا اصور بيها

واعمل معرض صور

لكن ممكن استعين بالكاميرات الحيه بتاعت المرور في مونتريال

مشاركة جامدة يا باشا ..... عمار يا مونتريال :lol:

[د هشام ابراهيم]

اغيب كام يوم الاقى البوم حلو كده.......

ربنا يكرمك يا دكتور

متابعيين .....مستمتعين....

:lol: :wub:

عودا حميدا يا سعادة المدير العام

متابعتك تشرفني يا أفندم :blink:

[د هشام ابراهيم]

طب نخلص جولة أوتاوا بقي لان الاسبوع اللي فات صعب علي اني ما خدتش جولة سياحية في تورنتو فطلعت واحدة بعد أربع سنين معيشة :blink:

ما تخافوش مش حانزل الصور دلوقتي علشان ما حدش يزهق :lol:

الصور الاولي ديه لقناة ريدو ...قناة مائية طولها ٢٠٠ كم تصل أوتاوا بكنجستون .....بناها الأنجليز لاغراض حربية لكنها لم تستخدم عسكريا علي الأطلاق

اليخت في طريقه لنهر أوتاوا كل هويس يفتح و يقفل يغير مستوي الماء أمامه و يخلي المركب يتقدم .....كل هويس بياخد حوالي ربع ساعة لحد ما المركب يعديه

التاون هاوسز دول بيبصوا علي القناة و في قلب أوتاوا جنب الجامعة بشوية .... سعر الوحدة عدي ٢ مليون دولار!!

شوية صور في النور و الشمس مشرقة علشان كابتن هوبا و كل من ما بيحبش السماء الرمادي

و صورة زوم علي ساعة برج البرلمان اهداء لكابتن تومي و ما فيش زوم أحسن من زوم mfb:

الصورة الزوم متاخدة من هنا بس كانت بليل :wub:

[moheltohamy]

تسلم يا شيكو وتسلم مجايبك :blink:

تسدأ إني اتفقعت بعد رحلتك دي؟! يومين سنكحة هناك وما لفيتش اللفة دي! عموماً هيّه ما كانش فيها تخطيط كويّس ، أنا كنت رايح أساساً عشان مستخسر العربية اللي دافع دم ألبي فيها ، ومركونة ع الفاضي ، قلت نحرق لنا شويّة بنزين!

بس دخلت أنا يا معلّم متحف الفن الكندي اللي انتا ما دخلتوش mfb: البتاع ده اللي أدّامه تمثال العنكبوت الاسود!

أخلص أنا بس من البتاع الشوبنج ده ، عشان أعرف أكمّل اللي بعده!

والزوم المتواضع بتاعك ده يعتبر اختراع (بالنسبة لواحد آخره Plug and Play طبعاً) :wub:

بس اللي أحترمها فعلاً الكاميرا اللي بتصوّر بالليل ؛ دي تبقى كاميرا محترمة فعلاً! موضوع الآيزو ده واكل لي دماغي أصلاً :lol:

لدرجة إني بافكّر أرمي الكاميرا اللي لسّه شاريها دي! منك لله يا ديبو!

[د هشام ابراهيم]

حبيب هارتي يا كابتن تومي wst::

بص يا سيدي أنا كان ادامي حاجة من اتنين لا أدخل البرلمان الكندي (زائر يعني :blink: ) لا أروح متحف الحضارة اللي في جاتينو و الاختيارين دول كنا أنا و المدام موافقين عليهم ....الصراحة ما فكرتش في متحف الفن بس كان ممكن أروح متحف الحرب و المدام كانت بتفكر في متحف الطيران .....المهم بما اننا احنا الاتنين كنا موافقين علي البرلمان .... و متحف الحضارة محتاج يوم كامل علي الأقل ..... استقرينا علي البرلمان ....المضحك بقي إنه لما رحنا أول يوم عجبنا جدا رحنا تاني يوم كمان بس ما دخلناش جوه ...... هو كان أصلا قريب جدا من الأوتيل زاي ما واضح من الصور

زاي ما قولتلك يا عم الحاج أي مدينة بازورها خصوصا لو الوقت قصير غاوي أخد ال- Guided city tour .....بتلف البلد كلها و تسمع شرح وافي و يا سلام لو فيه بحيرة أو نهر يبقى combined tour و بعد كده ممكن أروح مكان من اللي شفتهم ......طوكيو ....كوبيه ...اسطنبول .... باريس .....برلين .... بروكسل .....بروج ..... جنت ......مونتريال .......بانف .......أوتاوا و أخيرا تورنتو wst::

السر في الصورة حاجتين ...ديه كاميرا بجد مش من الكاميرات اللي راميهم في العربيات ......الاهم بقي الستاند الفرفور إياه ...... علشان أي اهتزاز في الأيد حيبوظ الدنيا (زوم + ليل بدون فلاش + هاي آيزو )

سيبك ماله ال-plug n play

[د هشام ابراهيم]

أخر مجموعة صور لاوتاوا

منظر من حي السفارات اللي البيوت فيه بملايين ..... ديه كانت في حديقة عامة في الحي

الرجل الرتبة ده كان في كلية الشرطة الكندية و صعد للاوتوبيس للترحيب بالركاب ..... تدعيم السياحة

كورنيش نهر أوتاوا ....للمشاه و العجل و ممنوع للعربيات

شوية صور لليل أوتاوا ...زاي ما قلت رغم انها مدينة موظفين حكومة انما صاحية جدا بليل ...علي الأقل في وسط البلد ما كان ما كنت ...... أوتاوا كمان معدلات الجريمة فيها منخفضة للغاية و فيها أكبر نسبة ناس متعلمين تعليم عالي (جامعي فما فوق ) يمكن من أعلي النسب في العالم كله بالنسبة لعدد السكان

[د هشام ابراهيم]

كان معكم من أوتاوا العبد لله مراسل المحاورات

بالاشتراك مع

Nikon Coolpix S8

و

Sony Cybershot DSC H3

إلي اللقاء مع جولة تورنتو المصورة قريبا باذن الله (مش دلوقتي ما تخافوش wst:: )

[ايهاب سالم]

صور هايله يا شيكو و عمار يا اوتاوا

[SoSo R]

To dr. Hesham,

I know I am so late to write after all these photos

sorry I am writing in English right now but just want to say that I loved them all so much

I will be back in Arabic ...wish me luck

SoSoRaNy

[حسام يوسف]

To dr. Hesham,

I know I am so late to write after all these photos

sorry I am writing in English right now but just want to say that I loved them all so much

I will be back in Arabic ...wish me luck

SoSoRaNy

حمد الله ع السلامة يا د.سوسوراني

مصر ضلمت

وكندا نورت

لما الأمور تنتظم مع حضرتك

عايزين توبيك خاص بحضرتك

بعيدا عن توبكات قصتي مع كندا وكندا الى رأيتها

ولا هندفع أرضية لدكتور هشام

ودكتور تهامى

[ايهاب سالم]

السر في الصورة حاجتين ...ديه كاميرا بجد مش من الكاميرات اللي راميهم في العربيات ......الاهم بقي الستاند الفرفور إياه ...... علشان أي اهتزاز في الأيد حيبوظ الدنيا (زوم + ليل بدون فلاش + هاي آيزو )

بس اللي أحترمها فعلاً الكاميرا اللي بتصوّر بالليل ؛ دي تبقى كاميرا محترمة فعلاً! موضوع الآيزو ده واكل لي دماغي أصلاً

لدرجة إني بافكّر أرمي الكاميرا اللي لسّه شاريها دي! منك لله يا ديبو! :lol:

شكلك إشتريت كوداك برضه

لا خاب من إستشار يا كابتن تومي

امال احنا هنا بنعمل ايه

ألف باء الكاميرات .. زووم عالي ... هاي ايزو موود .. Optical Image Stabilization

لأن مع زووم عالي و عدسه مفتوحه على الأخر عشان تدخل أكبر كمية ضوء بالليل مش ممكن الصوره تطلع واضحه بدون Optical Image Stabilization

ولو معاك الترايبود العجيب بتاع شيكو يبقى خير و بركه أو تكتم نفسك زي ما كنا بنعمل في ضرب النار في الجيش

مع تحيات سوني و باناسونيك

[د هشام ابراهيم]

صور هايله يا شيكو و عمار يا اوتاوا

شهادة اعتز بيها يا كنج .....عمار يا كندا

[د هشام ابراهيم]

To dr. Hesham,

I know I am so late to write after all these photos

sorry I am writing in English right now but just want to say that I loved them all so much

I will be back in Arabic ...wish me luck

SoSoRaNy

بالتوفيق إن شاء الله يا دكتورة ....الله يكون في العون أنا عارف قد إيه الطلعة الأولانية ديه صعبة ......ربنا معاكم

[precanadian]

كان معكم من أوتاوا العبد لله مراسل المحاورات wst::

بالاشتراك مع

Nikon Coolpix S8

و

Sony Cybershot DSC H3

إلي اللقاء مع جولة تورنتو المصورة قريبا باذن الله (مش دلوقتي ما تخافوش )

مجموعه صور اتوا في منتهي الروعه تسلم ايديك يا دكتور.

ومجموعه الصور الي باليل تدل علي مهاره وحب التصوير وخصوصا باستخدام point &shoot cameras

ومتابعين معاك ان شاء الله جوله ترونتو

[basha]

جزاك الله خيرا يا دكتور هشام على الموضوع ده

والله حضرتك اديتنا الأمل

كان عندى سؤال بعد إذنك وهو أنى قرأت أن الواحد ممكن يقدم فى النيابات بعد امتحان mccee فقط

هل الكلام ده صحيح

[precanadian]

جزاك الله خيرا يا دكتور هشام على الموضوع ده

والله حضرتك اديتنا الأمل

كان عندى سؤال بعد إذنك وهو أنى قرأت أن الواحد ممكن يقدم فى النيابات بعد امتحان mccee فقط

هل الكلام ده صحيح

بعد اذن الدكتور هشام اجاوب.

كلام سليم بشرط ان يكون معاك pr card او جنسيه.

[basha]

شكرا يا دكتور على الرد السريع

ومعلش هى دى حاجه جديده ولا أصلا النيابات كانت كده ؟

والحاجه التانية لو أنا عاوز كارديو هل التخصص متاح ؟وايه هى درجة التنافس عليه أو الباطنة عموما ؟