قصتي مع كندا

[mohamedadel]

النهارده كان آخر نبطشية ليا في المستشفي اللي اشتغلت فيها آخر أربع سنين ..... مكمل معاهم لاخر الشهر بس طلبت ما آخدتش نبطشيات أخر اسبوعين علشان استعد نفسيا و جسمانيا للنيابة .....أحاسيس غريبة جدا و متعددة ....إيه اللي يخللي الواحد يرتبط بمكان أو باشخاص رغم معرفته سابقا إنه مفارقهم .. يعني إيه احساس بالانتماء ...يمكن علشان الناس كانوا محترمين جدا و ودودين جدا جدا و ساعدوني جدا جدا جدا .....يمكن لان ده المكان الوحيد اللي أشتغلت فيه لحد دلوقت و قريب حابتدي ألف علي أماكن كتير جديدة علي تماما .....الله أعلم .....أخر مره حسيت كده كان لما بفضي دولابي في أبو الريش بعد ٨ سنين شغل تدرجت فيهم من نايب لحد مدرس

أسيبكم مع أغنية عادة بتقطع في قلبي :blink:

Those were the days - Mary Hopkin

بالتوفيق يا دكتور هشام ... وصدقني واحد مثلك أكيييييد مكسب لأي مكان جديد حيروحه ... وأكيييييد خسارة كبيره لأي مكان حيتركه ..

حتقولي يعم الراجل ده ميعرفنيش وزاي يقول عليه كده .. حقولك والله ده إحساسي الحقيقي بدون اي مجامله

و بالتوفيق مره ثانيه ...

مش كنتوا خليتوا الحفله في 23-7 wst:: :closedeyes:

أما الأغنيه :blush2: :happy: فكرتني بأيام كانت حلوه أوي ... غريبه أنها مش .. أنا أعرف ان حضرتك بتحب الناس دول قوي :lol:

[moheltohamy]

أسيبكم مع أغنية عادة بتقطع في قلبي :)

Those were the days - Mary Hopkin

يا خبر أبيض ع الجمال يا هشام wst::

روعة من هنا لبكره ، إيه كم الرقة والجمال والمشاعر والرومانسيّة اللي في الأغنية دي يا جدع؟ فعلاً والله حسّيت بكلمة (الزمن الجميل) وانا باسمعها :wub:

أنا باحضر دراسات في الأغنية دي حالياً!

بس انتا طلعت بتعرف تسمع آهوه! أمّال رزع إيه بس يا عم الحاج؟! :blink:

الأصلية آهيه:

وفيه نسخة فرنسية للسادة اخواننا الأفاضل الخونة بتوع كيبيك wst::

وفيه نسخة بقى مكس... الممتع بقى وانتا بتسمع (ذوس ويغ ذا دايز ما فغيند) wst:: العالم دي مايصة بالسليقة

[abuzyaad]

بجد والله امتعتني جداااااااااااااااااااااااااااااااااااااااااااااااااااااااااااااااااااااااااااااا

اااااااااااااااااااااااااااااااا بالاعنية يادكتور هشام واستاذ تهامي وصدقوني ان كانت شهادتي ليكم ليها قيمة فانتم فعلا سميعة بجد وناس بتفهم وودنها مازالت نظيفة وعقولكم كبيرة ومحبتكم لخدمة الناس اكبر مش عارف يمكن الاغنية اثارت في مشاعر جميلة كتير فكتبت كده علطول.

[abuzyaad]

عارفين حسيت اني صغرت 20 سنة وانا بسمعها ايه كم الاحساس الراقي ده .

[mohamedadel]

الأصلية آهيه:

وفيه نسخة فرنسية للسادة اخواننا الأفاضل الخونة بتوع كيبيك

وفيه نسخة بقى مكس... الممتع بقى وانتا بتسمع (ذوس ويغ ذا دايز ما فغيند) العالم دي مايصة بالسليقة

أصليه وكاريوكي .. و فرنساوي و مكس .... أحمدك يا رب .. ( وش علي بابا في المغاره ) ..

100 % يادكتور تهامي .

[د هشام ابراهيم]

ما هو ده الطبيعى يا دكترة..... مكان و بشر عشت مستريح معاهم و نجحت بينهم و احترموك و قدروك و ساعدوك ...و غالباً محدش كان مستنى منك مصلحة...عملاً بمبدأ خد و هات....اكيد هتبقى مضايق و انت سايبهم.

و اعتقد ده جزء من طبيعة البشر عموماً بتميل للأستقرار ...و ما بتحبش التغيير....او ممكن تقول بتخاف من كل ما هو جديد و مجهول.

و هى ديه يا باشا طبيعة الحياة..هتتنقل من مرحلة لمرحلة..و هتضطر فى كل مرة انك تفارق ناس اعزاء عليك.

عموماً بالتوفيق يا دوك فى المرحلة الجديدة..وكل المراحل القادمة

وفى انتظار بقية الصور

بالظبط يا صديقي العزيز تحليلك صحيح تماما و هي ديه فعلا الأفكار و الأحاسيس اللي بتدور جوايا حاليا ...... تحياتي يا باشا

[د هشام ابراهيم]

الموضوع فعلا صعب يا دكتور هشام.

يرتبط المرء احيانا بالمكان الي كبره وكبر معاه .وقدر يشبع ذاته بالنجاح فيه .مكان اعطي لك ولم يبخل. مكان استطاع ان يشيع البهجه والسرور والامل . مكان تعطيه فيعطيك اكثر .كلنا بنرتبط بهذا المكان. عكس اماكن اخري العمل بها مدمر نفسيا.

اما الانسان الذي داخل المكان ،اذا ما كانوا اناس اسوياء نفسيا حبوبين مخلصين متعاونين محترمين مرهفوا الاحساس ففراقهم بيكون اصعب من فراق المكان نفسه

ولكن يا صديقي الدنيا محطات..... ويا رب تكون محطاتك ومحطاتنا فيها سعاده الدنيا والاخرهملحوظه:زميل انهي عقده بالمكان الي شغال فيه وسعيد جدا جدا انه ماشي ليه؟ لانه شغال في ICU وبيقول في ناس بتموت المفروض متموتش لكن الاهمال. وفي اطباء في الاER بيعملوا ENTUBATION لمرضي مش محتاجين !!علشان يحدفوهم علي icu ... وعجبي

من جهة صعب ففعلا صعب أنا كان نفسي آخد اجازة أخر اسبوعين دول علشان أبعد عن جو الشحن العاطفي ده بس اجازاتي خلصت خصوصا مع دورة الأعداد بتاعة ال-CEHPEA

أكيد ذكريات أي إنسان مع أي مكان بتحكمها تجاربه فيه ..... و لو إن الواحد كتير بيفتكر جانب أكتر من التاني ...سواء سلبي أو أيجابي .....ملعب علم النفس ده ما لوش أخر

تحياتي يا صديقي العزيز

[د هشام ابراهيم]

بالتوفيق يا دكتور هشام ... وصدقني واحد مثلك أكيييييد مكسب لأي مكان جديد حيروحه ... وأكيييييد خسارة كبيره لأي مكان حيتركه ..

حتقولي يعم الراجل ده ميعرفنيش وزاي يقول عليه كده .. حقولك والله ده إحساسي الحقيقي بدون اي مجامله

و بالتوفيق مره ثانيه ...

مش كنتوا خليتوا الحفله في 23-7 ;)

أما الأغنيه clp:: clp:: فكرتني بأيام كانت حلوه أوي ... غريبه أنها مش .. أنا أعرف ان حضرتك بتحب الناس دول قوي :)

يا أفندم الله يخليك كلك ذوق كلامك ده أكتر من ما استحق ...بجد مش أدعاء تواضع يعني ...... شاكر لحضرتك حسن ظنك و ذوقك

عيد كندا القومي ١ يوليو ...Canada day .....٢٣ يوليو بقي ده طبعا عيد قومي بس مش عارف فين ...متهيألي مصر نفسها ما بقتش تحتفل بيه ......آخرهم يذيعوا رد قلبي و خلاص

أنا فعلا باحب رزع الحلل ...جدا جدا كمان ....بس ما يمنعش اني باسمع مزيكا متنوعة ......باختصار باسمع من أول عبد الوهاب لحد Iron Maiden :D

[د هشام ابراهيم]

يا خبر أبيض ع الجمال يا هشام

روعة من هنا لبكره ، إيه كم الرقة والجمال والمشاعر والرومانسيّة اللي في الأغنية دي يا جدع؟ فعلاً والله حسّيت بكلمة (الزمن الجميل) وانا باسمعها

أنا باحضر دراسات في الأغنية دي حالياً!

بس انتا طلعت بتعرف تسمع آهوه! أمّال رزع إيه بس يا عم الحاج؟!

حبيب هارتي يا تومي clp::

ما سعادتك شفت ال-MP3 بلايرز كل وقت و ليه أذان ....قصدي يعني كل مود و ليه آي بود .....بس رزع الحلل عشقي الأول من غير منافس .....إنت نفسك فيه حاجات ابتديت تحبها رزع حلل ...أعترف :)

الأغنية ديه وراها بول مكارتني بتاع البيتلز ....كانت الأغنية الرسمية بتاعة آخر شهر سنة الأمتياز .....اييه ...... ذكريات clp::

[د هشام ابراهيم]

بجد والله امتعتني جداااااااااااااااااااااااااااااااااااااااااااااااااااااااااااااااااااااااااااااا

اااااااااااااااااااااااااااااااا بالاعنية يادكتور هشام واستاذ تهامي وصدقوني ان كانت شهادتي ليكم ليها قيمة فانتم فعلا سميعة بجد وناس بتفهم وودنها مازالت نظيفة وعقولكم كبيرة ومحبتكم لخدمة الناس اكبر مش عارف يمكن الاغنية اثارت في مشاعر جميلة كتير فكتبت كده علطول.

عارفين حسيت اني صغرت 20 سنة وانا بسمعها ايه كم الاحساس الراقي ده .

يا باشا الله يخليك ...جزاك الله كل خير علي المديح ...علي رأي الكنادوة It takes one to know one

حضرتك ما كنتش حتحب الأغنية إلا لو كنت تتمتع بحس مرهف و ذوق عالي .....تحياتي يا باشا

[mohamedadel]

يا أفندم الله يخليك كلك ذوق كلامك ده أكتر من ما استحق ...بجد مش أدعاء تواضع يعني ...... شاكر لحضرتك حسن ظنك و ذوقك

عيد كندا القومي ١ يوليو ...Canada day .....٢٣ يوليو بقي ده طبعا عيد قومي بس مش عارف فين ...متهيألي مصر نفسها ما بقتش تحتفل بيه ......آخرهم يذيعوا رد قلبي و خلاص

أنا فعلا باحب رزع الحلل ...جدا جدا كمان ....بس ما يمنعش اني باسمع مزيكا متنوعة ......باختصار باسمع من أول عبد الوهاب لحد Iron Maiden clp::

بصراحة يادكتور ...........23 يوليو ....... عيد قومي ...... والله أنا كنت ناسي الموضوع ده تمااااما

لا يا دكتورنا العزيز ...

الموضوع وما فيه إن ده إن شاء الله تاريخ السفر للأراضي الكنديه لعمل إجراءات الاندينج لي والأسره بإذن الله تعالى .... clp::

http://www.youtube.com/watch?v=SJzCEXmMNmY

http://www.youtube.com/watch?v=x7fTHmVtBtM

تم تعديل 17 يونيو 2009 بواسطة mohamedadel

[د هشام ابراهيم]

بصراحة يادكتور ...........23 يوليو ;) ....... عيد قومي :) ...... والله أنا كنت ناسي الموضوع ده تمااااما

لا يا دكتورنا العزيز ...

الموضوع وما فيه إن ده إن شاء الله تاريخ السفر للأراضي الكنديه لعمل إجراءات الاندينج لي والأسره بإذن الله تعالى .... B)

http://www.youtube.com/watch?v=SJzCEXmMNmY

http://www.youtube.com/watch?v=x7fTHmVtBtM

توصل بالسلامة يا باشا و تنورنا باذن الرحمن mft:

قصيدة جمال بخيت و أغنية شيرين وصلتلي احساسك و مشاعرك في المرحلة ديه .....ربنا معاك ......و الله يسامحك يا مصر .....أو أحسن ربنا ياخد بايدك يا مصر

[د هشام ابراهيم]

و ما فيش منيو أحسن من منيو

:blush2:

[bent misr]

د / هشام و د / تهامي

أنا أصلا بموووووووووت في الاغنيه دي

و لها تأثير خاص فيه

الف شكر لك يا د/هشام على لمساتك الجميله دي :blush2:

[عابد]

السلام عليكم

ممكن اطلب استشارة من حضارتكم

اخوكم جايب 99.3 فى الثانويه2006 ودخلت كليه طب بشرى بس حابب اغير مجالى دراستى وادرس هندسه فى كندا لانى بجد عاشق المواد الهندسيه

انا دارس رياضه 2 واحياء يعنى علمى علوم وعلمى رياضه لانى ازهرى

ابداء منين ؟ وازاى ؟ وايه المطلوب ؟ هل ممكن احصل على منحه ؟ ولو مش ممكن محتاج كام الف كدا فى سنين الدراسه ؟ وهل مبلغ 250 الف مصرى يكفى ؟ وهل ممكن اشتغل مع الدراسه ؟ انا بجد طموح جدا ومجتهد بس مريت بظروف فى الطب قاسيه ودخلتها اصلا مجبر مش مختار

وشكر جزيلا ليكم

:rolleyes:

[Nassarlink]

وفيه نسخة فرنسية للسادة اخواننا الأفاضل الخونة بتوع كيبيك :rolleyes:

وعندك واحد من الخونه ديسبونبل اون لاين

آيوه جاااااااااااااااااااااااااااااااااااااااااااااااي

بصراحه اغنيه عشره علي عشره bv:-

انا مش عارف ازاي الاغنيه دي فاتتني

شكرا يا كبير

تم تعديل 18 يونيو 2009 بواسطة Nassarlink

[د هشام ابراهيم]

د / هشام و د / تهامي

أنا أصلا بموووووووووت في الاغنيه دي

و لها تأثير خاص فيه

الف شكر لك يا د/هشام على لمساتك الجميله دي h):

يا أفندم العفو ......دفعة قصر العيني ديسمبر ١٩٩٥ الأغنية ديه كانت بتعمل العجب آخر كام أسبوع في سنة الأمتياز ...تشتغل من هنا و الدموع تشتغل

تحياتي يا سيدتي الفاضلة :o

[د هشام ابراهيم]

السلام عليكم

ممكن اطلب استشارة من حضارتكم

وشكر جزيلا ليكم

:o

أهلا و سهلا بحضرتك و ربنا يعينك .....صراحة مش حاقدر أفيدك في الموضوع ده ...

لو ما حدش من الأخوة الفاضل قدر يرد , عليك بموضوع الأخ الفاضل د قناوي المثبت ....ربنا يوفقك

[د هشام ابراهيم]

النهارده كان ماتش ايطاليا و مصر طبعا

خلصت شغل و أتسمرت قدام التليفزيون في استراحة قسم التخدير ....من الدقيقة ٥٥ ....... كل اللي يجي جنبي يلاقيني مشدود للشاشة و ما بتحركش .....

طب عايزين نشوف ماتش البيسبول بتاع البلو جيز (ده كان رئيس قسم الجراحة ) قلتله فرصة سعيدة ده ماتش تاريخي و الراجل أضطر يمشي ......

طب يا هشام عندنا اجتماع في الاوضة (دول كانوا نائب رئيس قسم العظم و معاه نائب رئيس قسم التخدير ومسئول من بنك الدم و مسئول من العيادة الخارجية و واحد تاني ما اعرفوش ) معلهش يا حضرات فاضل ربع ساعة و مش حاقدر أمشي (ابتدوا الأجتماع و أنا مكمل قدام الشاشة )

الطف حاجة بعد الماتش ما خلص الناس هنتني و هما مش مصدقين نفسهم .....الكل فاكر فوز ايطاليا بكاس العالم الأخرانية و احتفالات الجالية الأيطالية في تورنتو بعديها .....إن مصر تكسب بطل العالم الكنادوة شايفينها مناسبة للتهنئة رغم انهم ما بيفهموش قوي في الكورة ......

مبروك لمصر :o

[ايهاب سالم]

انا اتفرجت في الشغل برضه يا دوك

بس في الخباثه

على الانترنت و الهيدفون في وداني

وششششش :giveup: