ماهى تكاليف المعيشة فى عمان 2008 ؟

[Aber Mohamed]

السلام عليكم ورحمة الله و بركاته

الحمد لله قد أجتزت مقابلة شخصيه بمسقط سلطنه عمان وفى طريقى للتعاقد بمشيئة اللة وسيكون العقد شامل ولا سبيل للتفاوض على السكن أو المدارس وبمراجعة جميع المواضيع والاراء بالموقع وهى بلا شك ممتازة فلى عدة اسفسارات و ياريت تكون الردود محدده و جديدة للفترة الحالية وذلك لانى سأبنى عليها طلباتى:

1- أسعار السكن بمسقط حتى تاريخة سواء غرفه أو غرفتيين

2- أنا عرفت أن في مدرسة مصرية بمسقط كم تبلغ مصاريف المدرسة السنوية للمرحلة الابتدائية وهل هى أقساط و لا دفعه واحدة عندى طفلين 8 و 7 سنوات. ولو السكن جنب المدرسة يبقى تكلفتة كام

3- بداية العام الدراسى بالمدارس ونهايته

4- تكاليف المعيشة الشهرية لاربع افراد (متوسط التكاليف)

5- تكاليف استهلاك المياة و النور و......

6- الحياه بصفة عامه فى عمان

ياريت ياجماعه تردوا عليا ضرورى قبل يوم الاحد لان موعدى معهم يوم الاحد الساعة عشرة صباحا

ولكم جزيل الشكر

عابر مصطفى

مهندس كيميائى

34 عام

a_elbatreek@yahoo.com

[شاب مصري]

عليكم السلام ورحمة الله وبركاته

سجل في المنتدى ده

http://www.omania2.net/avb/forumdisplay.php?f=6

واسألهم

وان شاء الله تتوفق في مسقط .

[MZohairy]

متهيألي حضرتك عملت مداخله قبل كده بالانجليزي وانا رديت عليك

عموما حرد تاني على اللي اعرفه يمكن تكون مشوفتهاش

السلام عليكم ورحمة الله و بركاته

الحمد لله قد أجتزت مقابلة شخصيه بمسقط سلطنه عمان وفى طريقى للتعاقد بمشيئة اللة وسيكون العقد شامل ولا سبيل للتفاوض على السكن أو المدارس وبمراجعة جميع المواضيع والاراء بالموقع وهى بلا شك ممتازة فلى عدة اسفسارات و ياريت تكون الردود محدده و جديدة للفترة الحالية وذلك لانى سأبنى عليها طلباتى:

1- أسعار السكن بمسقط حتى تاريخة سواء غرفه أو غرفتيين

لازم تحدد غرفه ولا غرفتين و عايز تسكن في اي منطقه لأنها بتختلف اختلاف كبير

عموما مش اقل من 200 ريال و مش اكتر من 500 ريال في المناطق المحترمه المعقوله و ليست الفاخره (الريال بحوالي 14 جنيه و شويه)

4- تكاليف المعيشة الشهرية لاربع افراد (متوسط التكاليف)

برضه موضوع نسبي جدا لكن عموما من 400 الى 800 ريال شهريا

5- تكاليف استهلاك المياة و النور و......

حوالي من 30 ريال الى 50 شهريا للميه و النور في المتوسط

6- الحياه بصفة عامه فى عمان

هادئه و جميله

[Aber Mohamed]

اشكرك جزيل الشكر

عمان غاليه قوي

بالنسبه للمدارس سمعت ان في مدارس مصريه يا ترى تكاليفها كام في السنه لو تكرمت ومتى يبدأ وينتهي العام الدراسي (أبتدائي)

أصل هما هيحصلوني بعدين ان شاء الله لما السنه الدراسيه تنتهي, انا بفكر أخد شقه حجره واحده مفروشه لغايه لما ييجوا ودي بقى موجوده ولا أيه وسعرها كام ,بعد المكان أو قربه مش مشكله المهم يكون كويس و نظيف.

[شاب مصري]

الدراسة تبدأ يوم 1 من سبتمبر كل سنة لكل مراحل التعليم

شقق او غرف مفروشة لا يوجد الا الفنادق طبعا

ممكن تأجر وتفرشها انت وفي محلات كتير بتبيع اثاث مستعمل بحالة ممتازة جدا وارخص بكتير

ربنا يوفقك .

[شاب مصري]

استاذ زهيري انا بسمع ان دلوقت الايجارات 400 ريال وفوق

انا تركت عمان سنة 2004 ولم اعد اليها في اي زيارة

زمان والله كان في شقق محترمة جدا ب 80 او 100 ريال شهريا

شقة واسعة 4 غرف وفي منطقة ممتازة

ارقى أحياء القرم كان الايجار لا يتجاوز 150 ريال لاجمل الشقق

الدنيا اتجننت .

[MZohairy]

استاذ زهيري انا بسمع ان دلوقت الايجارات 400 ريال وفوق

انا تركت عمان سنة 2004 ولم اعد اليها في اي زيارة

زمان والله كان في شقق محترمة جدا ب 80 او 100 ريال شهريا

شقة واسعة 4 غرف وفي منطقة ممتازة

ارقى أحياء القرم كان الايجار لا يتجاوز 150 ريال لاجمل الشقق

الدنيا اتجننت .

على رأي الست ام كلثوم يا عم

عايزنا نرجع زي زمان قول للزمان ارجع يا زمان

الشقه المعقوله في القرم 3 نوم حاليا ب 750 الى 800 ريال و ممكن توصل ل 1200 كمان

الغرفه الواحده والاتنين اقل طبعا

بس المشكله ان عدد المعروض عموما اقل بكتييييير من المطلوب

ازمه كبيره جدا

[Aber Mohamed]

جزاكم الله خيرا

أنا عرفت أن في مدرسة مصرية بمسقط كم تبلغ مصاريف المدرسة السنوية للمرحلة الابتدائية وهل هى أقساط و لا دفعه واحدة عندى طفلين 8 و 7 سنوات. ولو السكن جنب المدرسة يبقى تكلفتة كام

[MZohairy]

بصراحه معنديش اي فكره عن اسعار المدرسه المصريه اطلاقا

بس عموما المدارس بتبقى على 3 اقساط سنويه تقريبا

[شاب مصري]

المدرسة المصرية توجد في منطقة اسمها مرتفعات الخوير

وهي منطقة راقية جدا وبها كليات خاصة

المدرسة كانت مصاريفها 700 ريال تقريبا للمرحلة الاعدادية ( من 10 سنوات :closedeyes: )

المنطقة دي راقية جدا واعتقد هتلاقي السكن فيها غالي

لكن ممكن تسكني في الخوير ويكون بينك وبين المدرسة 10 دقايق بالسيارة

الخوير مكان جميل ومعقول وفيها مصريين وشوام كتير .

[شاب مصري]

انا احبذ اي مدرسة خاصة تانية

المدرسة المصرية اغلى من معظم المدارس التانية على الفاضي .

[الباشمهندس ياسر]

الاستاذ زهيرى و الاستاذ شاب مصرى

كلام جميل مقدرش اقول حاجة عنه

[Aber Mohamed]

الشغل ان شاء الله في روى

طيب ياجماعه أسعار المدارس المتوسطه عامه في مسقط كام (تقريبا) في السنه والدراسه بتنتهي في شهر كام؟

سعر الشقه حجرتين و صاله في منطقه كويسه كام؟ولو حجره كام؟

[شاب مصري]

يا مدام عبير سجلي في منتدى السبلة

http://www.omania2.net/avb/forumdisplay.php?f=6

وهما يفيدوكي اكتر ان شاء الله

الاخوة العايشين في عمان هنا قليلين جدااااااااااااا .

[Aber Mohamed]

ألاستاذ شاب مصري

أنا عابر محمد و ليس عبير

[شاب مصري]

انا آسف للخطأ يا استاذ عابر

ربنا يوفقك في السفر ان شاء الله .