اريد اسعار اللابتوب فى السعودية الان فى كارفور وغيره من اماكن التخفيضات التوشيبا والايسر والاسوس

[maxword]

السلام عليكم انا اعيش فى مصر واقاربى فى السعودية اريدهم ان يشتروا لى لابتوب فى حدود 1700 الى 2000 ريال ما الموديل المناسب وفين يلاقوه رخيص او عليه تخفيض علما بانهم نازلين يوم 7 شهر 12 الجاى ولازم يشتروا قبلها

[عبدوو]

السلام عليكم انا اعيش فى مصر واقاربى فى السعودية اريدهم ان يشتروا لى لابتوب فى حدود 1700 الى 2000 ريال ما الموديل المناسب وفين يلاقوه رخيص او عليه تخفيض علما بانهم نازلين يوم 7 شهر 12 الجاى ولازم يشتروا قبلها

اهلا بكـ فى رحاب المحاورات

اول شئ لازم تكون عارف ان 99.9 % من اللاب توب فى السعوديه صينى

بالنسبه للسعر اللى حددته ماراح يعطيك مواصفات كويسه فى التوشيبا والاتش بى ممكن ايسر او ديل او MSI او LG

الافضليه عندى على الترتيب : توشيبا , اتش بى , ديل , ايسر , LG , MSI والله اعلم ..

2000 ريال ماراح تعطيك اكثر من المواصفات التاليه Doul core 1.8 رامات 1 جيجا هارد 160 على الاكثر ومعاه وايرلس وبلوتوث واللاذى منه ..

انصحك تسأل فى المولات المتخصصه بمصر اعتقد ان الاسعار راح تكون افضل بضمانات اعلى ..

ادخل موقع مكتبه جرير فهى من اهم اماكن شراء اللاب توب بالسعوديه

http://www.jarirbookstore.com/catalog/laptop.asp

وفقكـ الله وسدد خطاكـ , واهلا بك مره اخرى فى رحاب المحاورات

:closedeyes:

[شاب مصري]

أنصحك بديل اكس بي اس

لكن في السعر اللي انت عاوزه مش هتلاقي

وبالتالي ديل انسبايرون هيكون كويس

http://www.arabslaptop.net/vb/

http://www.dell.com/home/laptops?~ck=mn#su...p;a=&page=1

بعد كدا ياتي الاتش بي

ابعد عن توشيبا وايسر وأسوس

اهم حاجة البروسيسور كور تو ديو وياريت فوق 2.0 وكارت الشاشة

من الاخر روح المنتدى دا http://www.arabslaptop.net/vb/

واسألهم هناك كلهم خبراء ماشاء الله وهيساعدوك .

[maxword]

'f g, vطب لو رفعنا االمبلغ الى 2500 ريال؟

[شاب مصري]

ادخل موقع ديل وموقع اتش بي وشوف الاسعار والمواصفات

ونقي الموديل والمواصفات اللي يعجبك

والسعر المناسب

وبعد كدا قرر

ونصيحتي ان سؤالك دا اساله للشباب في المنتدى اللي اديتك اللينك بتاعه

هناك ناس مهتمة بالموضوع دا

مش هنا

وربنا يوفقك .

[أبو غادة]

أخي الكريم

نصيحة لك بما أنك في مصر

اشتر الجهاز من مصر أفضل حتى تستفيد من الضمان واعتقد أن السعر لديكم اقل قليلا من المملكة

أما إذا كنت مصرا على الشراء من المملكة فابتعد عن جرير أولا لأنهم نصابين بإحتراف وأغلى من السوق كثيرا وإعلانتهم مخادعه

وكذلك الحال بالنسبة لإكسترا

وانصحك أن تشتري من أسواق الكمبيوتر في العليا أو اسواق الكمبيوتر في عمارة الصالحية فستجد أن السعر يفرق عن المولات كثير

[لخبطه]

بلاش جرير

كارفور وهايبر بنده في جدة عندهم اسعار وعروض حلوه بس دي كانت عايزه حد بيروح المولات دي باستمرار علشان يصطاد عرض حلو

[ترنيم]

والله أنا أعرف إن كارفور عامل تخفيضات الأسبوعين دول

بس المشكلة ان ال20% الى بيعطيهالك تخيض مش بينزل لك فى السعر الكاش

ولكن بيعطيلك الخصم فى صورة قسايم شرائية تشترى بيها

وعرض خصم اللاب توب على مل أتذكر يوم 1 /12 يعنى بعد بكرة

[Amr Radwan]

السلام عليكم و رحمة الله وبركاته ..

اخي الحبيب ..

يجب ان تسال نفسك بعض الاسئلة المهمة ..

1- هل انت محدد ماركة معينة و مواصفات معينة ؟؟ و لا عاوز تشتري و خلاص حسب السعر اللي معاك ؟

لا بد ان تكون محدد المواصفات و الماركة .. و الحذر الحذر من الماركات التعبانة (زي ايسر مثلا) لانها مضيعة للفلوس

تحديد المواصفات بيكون في ضوء احتياجاتك .. فمثلا انت لو مصمم جرافيك او من هواة الالعاب فلا بد ان يكون كارت الشاشة خارجي (GeForce - ATI) و لو انت من النوع اللي بيتحرك كتير و جهازك بيكون عرضة للصدمات و كده افضل حاجة جهاز زي (فوجيتسو - سيمنس) و هكذا .. و انصحك انك تقعد مع احد المتخصصين و يفهم احتياجاتك و يترجمها في هيئة مواصفات مش مجرد تشتري جهاز لانه مناسب في السعر و خلاص .

2- هل انت عاوز ضمان و لا لا ؟

فرق السعر مش بالضخامة اللي يخليك تخسر الضمان عشانه .. يعني من الاخر دي كانت موضة من سنين .. و الان الاسعار تقريبا متقاربة بالاضافة ان في السعودية صيني و في مصر صيني .. يعني هي هي .. بس لو اشتريت من مصر يبقا الضمان افضل طبعا .. كان زمان بنشتري المسجلات و الفيدوهات و التلفزيونات و غيرها من السعودية عشان بتكون ياباني .. الان زي ما قلت لك الكل صيني !!

تحياتي لك

[abdulmuttaleb]

وماله الآيسر يا جماعة؟!

أرجو ممن يهاجم الآيسر إذا كان عن خبرة عملية أو تجربة شراء له أو لأحد معارفه أن يذكرها

وأعلن التنديد والشجب لكل من يقلل من شأن الآيسر.

[wmh]

السلام عليكم

-هناك عرض جيد فى أسواق هيبرباندا وهو لابتوب توشيبا بروسيسور كوردى ديو قوته1.8 جيجاهرتز والهارد 160 جيجا والرامات 1 جيجا مع بلوتوث وكاميرا = 2590ريال.

-عرض آخر من شركة فيجوتسو سيمنس والكومبيوتر صناعة ألمانى موديلهESPRIMO MOBILE M9400 ومواصفاته بروسيسور ديوال كور -أى أقل فى القدرة من السابق- قوته 1.8جيجا هرتز ورامات 2 جيجا مع بلوتوث وكاميرا = 2099 ريال والإستفسار على تليفون التوكيل رقم 2013083 بالرياض أو تليفون كومبيوتك بجدة رقم 6515259

على فكرة هناك موديل من نفس الماركة رقمه V6535 به بروسيسور قوته 2 جيجا سيليرون -أى أقل من السابق- وهارد 160 جيجا ورامات 1 جيجا وبه كاميرا وبلوتوث سعره 1650 ريال -

تحياتى

[egyptlaptop]

أسعار اللاب توب فى مصر على الموقع التالى

ايجبت لاب توب

EgyptLaptop.com

www.EgyptLaptop.com

[doha]

مش عاوزه احبطك بس بالسعر ده صعب تلاقي لابتوب نظيف في فعلا لابتوبات بالف وسبعمية ريال بس دي زي ماتكون لعبه وحجمها لايزيد عن حجم كتاب متوسط الحجم وبيطلق عليها لابتوب لتصفح النت يعني يادوب يعمل لك الخدمات الاساسية بس .

اللابتوب الكويس في احتمال تلاقي من الفين وخمسمية ريال بس ده هيكون بروسيسور اي ام دي لكن لو عاوزل انتل باي انتل وحاجة معقوله مش اقل من ثلاثه ..

انا لسه واخده جوله من ثلاث اسابيع ولقيت انسب نوع هو ديل سعره ثلاثه الاف وتسعين ريال او ثلاثه وسبعين حاجه زي كده بس ممتاز وفيه كل شيء .. بروسيسور انتل وكاميرا وبلوتوث وبصمه بصراحه ( روش ) وهيعجبك والاهم انه يعيش معاك فترة باذن الله على مايحتاج يتغير لان مواصفاته معقوله جدا ..

اللابتوب عشان تكسب فيه اشتريه من عرض يعني هم بيكونوا جايبين كميه من اللابتوبات وبدأت تقدم عندهم فبينزلوا عليها عروض .. اما خصم في السعر او يحطوا لك عليها برنتر هدية او شنطه او او .. يعني حاول تستفيد من العروض دي ..

عن نفسي بشتري من اكسترا معرفش ليه ناس كتير بتشتمه بس اهو فيه كل حاجه وريح دماغك من اللف .. في ناس كتير بتجيب من جرير بس انا مجربتش اجيب منهم لابتوب بصراحه .. تجربتي مع جرير دائما كل حاجه عندها اغلى حوالي عشرة الى عشرين في المية من السعر الاصلي بينما اكسترا بينزل عروض كويسه اوي خاصه في شهر 11 و 12 من كل سنه ..

بالنسبة لاسعار اللابتوب في مصر اعتقد اغلى كتير من السعوديه يمكن لان معليهوش اقبال اوي .. معرفش انا سالت في الاقاليم يمكن في القاهره يكون السعر واحد ..

بالنسبة للي سال على ايسر فانا برضه مش بثق فيها نهائيا .. يجوز لانها ارخص حاجه والغالي غالبا ثمنه فيه ويجوز لان زمان لما كنت بشتغل في معهد كمبيوتر وكانت الشركه هي نفسها صاحبة توكيل ايسر فكانت مجهزه المعامل كلها باجهزه ايسر ودل .. المعمل كان فيه 15 جهاز تقريبا مفيش يوم يمر الا ولازم جهاز او اثنين على الاقل خربان وعاوز صيانه مع ان الاجهزه كلها كانت جديده وموديل السنة .. بصراحه تعقدت من الايسر بحس انه ماركه تعبانه جدا ..

انا لابتوبي اتش بي ومرتاحه معاه جدا ماشاء الله .. وناس اعرفهم معاهم ديل وشغال معاهم كويس .. بس من متابعتي لاسعار اللابتوبات في الجرائد المصرية من زمان تكونت لدي قناعه ان الاكثر طلبا والاعلى سعرا هو توشيبا يليه اتش بي ثم ديل واخيرا ايسر اخر حاجه ده تجيبه لما تكون عاوز تتفشخر وتقول معايا لابتوب وخلاص ومش مهم تستفيد منه اوي ( مع الاعتذار لكل من اشترى ايسر هو اكيد برضه احسن من مفيش ) ..

نصيحه لو مش معاك فلوس اللابتوب الكويس دلوقت متستعجلش واهو كل مده الاسعار بتنزل والمواصفات بتتحسن فاصبر احسن لو مش محتاجه دلوقت اوي او مبلغه مش جاهز معاك ..

[fatfouta]

شوف فى جرير عامله اسعار وعروض حلوة وبالتقسيط

ربنا يوفقك

[Rocky]

الاخ الكريم ،،،

لو عاوز مكان فيه عروض واسعار كويسة .. خلي اقاربك يلقوا نظرة علي عرووض مكتبة العبيكان باي مكان في السعودية

هتلاقي اسعار هائلة .. أما بالنسبة لموضوع الضمان فمتقلقش منه خالص

لان الضمان دولي... وفي اي مكان في العالم ده لكل الماركات

انا شغال في المجال ده بقالي سنتين ... ودلوقتي في اجازة في مصر وعايز اقولك ان العروض في سوق اللابتوب في السعودية اقوي كتير من مصر .. الا انا في مصر عروض التقسيط أكبر

ولو عايز اي استفسار في كل ما يتعلق باللابتوب انا تحت امرك

وربنا يوفق الجميع

[tolui]

حبيت بس أضيف أن أهم حاجة "انت عايز ايه من اللابتوب؟" جرافيكس و اللا نت و شوية أوفيس خفيف... أنا اشتريت قريب Acer netbook 10 inch من كارفور الشندغة - دبي و النتبوك ده مش لعبة زي مابيقولوا.. ده عامل قلبان في العالم كله لما أسير التايوانية نزلته السنة اللي فاتت و كسبت شريحة مهمة كبيرة من المستهلكين (الطلبة و محبي السفر و التنقل و محدودي الدخل) وكل الشركات الكبيرة دلوقتي بتحاول تنافس في المجال ده... اولا وزنه خفيف لا يتعدى (كيلو و نص) يتشال بايد واحدة و واي فاي و كاميرا و بلوتوث و البروسيسور أتوم الجديد 1.6 أنا شايف كويس قوي للي أنا عايزه من اللابتوب و بطارية تعيش حوالي 5 ساعات فعليا.... بس من غير CD/DVD (و مين حيحتاجهم طالما عندك USB) , ممكن بعض الناس تتضايق من الكيبورد (89% من الحجم الطبيعي) بس أنا عايز أقول ادو النتبوك (ليس النوتبوك) فرصة في بحثكم لو شغلكم عليه خفيف (نت - اتصالات - أوفيس - موسيقا) مش جرافيكيس أو ألعاب.

ده رفيو ليهم http://portablemonkey.com/article/acer-asp...d150-comparison