هل وجدت في زوجك/زوجتك ما تمنيت قبل الزواج؟

[هشام الكندي ان شاء الله]

السلام عليكم و رحمه الله و بركاته:

كل واحد فينا بيبقا ليه مواصفات لشريك/شريكه حياته, و طبعا الاخوة المتجوزين عارفين مواصفات ازواجهم/زوجاتهم. و طبعا لاننا مش في جمهوريه افلاطون و لان ليس كل ما يتمناه المرء يدركه, فحبيت اتاكد من الناس نفسها. و علشان يكون fair play فهيكون فيه سؤالين:

هل شريك/شريكه حياتك يمتلك المواصفات التي كنت تتخيلها قبل الزواج؟

هل انت سعيد مع شريك/شريكه حياتك حاليا بغض النظر اذا كان يمتلك المواصفات التي كنت ترغب بها ام لا؟

لو خايف او مكسوف ممكن تقول اي حكايه عايز تقولها و تنسبها لاي حد من اصدقائك :lol:

يعني تقول واحد صاحبي مش سعيد لان حصل له كذا و كذا, و ربنا يسترها علي الرجاله :blush2:

هشام الكندي ان شاء الله

[لولا]

وإن شكرتم لأزيدنكم

لولا

[ذهبية]

طبعا مش هاكدب واقول ان زوجى كان فية مواصفات فارس الاحلام

وهاكون صريحة اكتر لو قولت لك انى عدلت احلامى علشان تناسب امكانيات زوجى وعلشان انا الحمد الله راضية بحياتى و عدلت من نفسى علشان عرفت ان صعب انك تغير اللى قدامك لكن الاريح انك تتعود علية كدة و ترضى بية كدة و السعادة نسبية و بتتغير مع الوقت عرفت ان سر السعادة الرضا و القناعة باللى فى ايدك لانة ممكن غيرك يتمنى ربع الىل انت فية وانت مش حاسس وممكن جدا السعادة اللى مش عجباك الان تروح منك فجاة

علمتنى الدنيا ارضى بالقليل يجيلك الكتير غيرك يتمنى ربع اللى انت فية باديك انت تخلى حياتك جنة و بايدك تخليها نار عامل السيئة بالحسنة والحسنة بالاحسن منها تعش سعيدااااااااااااا

[هشام الكندي ان شاء الله]

الاخت ذهبيه:

ردك متوازن جدا و عقلاني الي ابعد الحدود. فعلا كل واحد لازم يغير من احلامه طبقا لامكانيات شريك/شريكه حياته. مينفعش الواحده تحمل زوجها اكتر من طاقته و العكس صحيح, و اكتر واحده تشوف الواحد هيا زوجته. و اذا ما كنتش قادره تعرف امكانيات جوزها علي وجه الدقه بعد فتره من الجواز يبقي العلاقه فيها خلل.

كذلك بعض الرجاله بيحاولوا يقرروا قرارات مصيريه متعلقه بالعمل و تغيير السكن و الهجرة مع اعتبار راي الزوجه مجرد نصيحه او راي ثانوي, و دا شئ غير مقبول لانه بيقلل من قدر الزوجه.

انا متفق مع كلام الاخت ذهبيه من اول حتي اخر كلمه و بالتوفيق لها في حياتها.

الاخت لولا:

اكيد الشكر مطلوب في كل الظروف لان الدنيا ما هي الا دار اختبار و الاخرة هي دار القرار.

اما انا فاحب انقل لكم تجربه بابا و ماما

هما لما اتجوزوا كانوا فاكرين ان كل المواصفات اللي بيتمنوها موجوده في كلا منهما, لكن مع مرور الوقت اكتشفوا ان مافيش حد كامل او بمعني ادق مفيش حد تفصيل. بس اللي اقدر اقوله انهم متفاهمين و قدروا يحققوا سعادتهم طبقا للموجود. اخر حاجه احب اقولها انهم دايما بيفكروا فيا و في اخويا اكتر من نفسهم شخصيا و دا في حد ذاته دليل علي الرغبه في الاستمرار.