كيف احصل على خرفان من الفلاحين

[قديم]

هذا الموضوع يتزامن مع عيد الاضحي المجيد

لكن بصراحه ما له علاقه بالاضحيه لكن مثل هذا الموضوع دايم ياخذ من وقتي لما انزل مصر

تكمن الازمه في كيفيه الحصول على ( خروف ) حولي

طبعا واكيد الاخوان المصريين اللي عايشين في السعوديه يلاحظون اغلب السعوديين مو متعودين على لحم البقر بجميع انواعه عجل او بتلو

فكل ما انزل مصر احاول اتصل علي سواق يبحث لي عن خروف , وانتو عارفين بعض السواقين مره يرد عليك ومره يقول لك تركت التاكسي

فاضطر الي البحث عن بديل

احيانا اروح السلخانه والجزارين طبعا شاطرين في انهم يعرفون كيف يبيعوك , لان ذي مهنتهم

ســــــــؤالـــــــي هـــــــــــــو

كيف احصل على الخرفان الصغيره من المزرعـــــــه مباشــره .

هل هناك مزارع تبيع مثل هذه الخرفان او مزارعين مشهورين ببيعها لها حظيره عنده في المزرعـه . او مناطق طبعا قريبه من القاهره .

وشكرا للجميييييييييييع

[~Heba~]

او مناطق طبعا قريبه من القاهره .

اممم لولا كده كنت افدتك

بحكم ان اخى طبيب بيطرى و احنا عندنا مزرعه

لكن بكده كل اللى اقدر اعمله انى ارفعلك الموضوع

[se_ Elsyed]

الأول يعني إيه خروف حولي ؟

يعني تقصد صغير في السن وإنت تربية براحتك ؟

ولا عايز تشتري وتدبح على طول ؟

في مزرعة بنشتري منها تقع في أول طريق مصر الإسكندرية ودي كانت بتاعت واحد رجل اعمال بس خد قرض من البنك وخلع على بلاد بره .. فبالبنك حط إيده عليها وبيديرها بمعرفته .. وبالتالي الأطباء والمهندسين الزراعيين اللي هناك ليسو جشعين أو مش بيديروها بغرض الربح التجاري في المقام الأول ...

وبصراحة المواشي عندهم سواء عجول او خرفان .. 10/10

بس هي عيبها إنها بعيدة شويه .. لكن المشوار يستاهل

بص يا قديم .. بالنسبة لشراء المواشي وهاتكلم عن الخرفان .. لو إنت ما بتفهمش فيهم وتعرف تقلب في الخروف من فوق لتحت وتتعرف على عمره من اول نظرة وتعرف حالته الصحية قبل ما يكُح أو يفتح بؤه ... يبقى سواء كنت في مصر او في السعودية يبقى هاينضحك عليك للصبح

فمنهم من يبيع لك خروف كبير في السن على إنه صغير .. وبالتالي لحمته مش هاتستوي ومش بتبقى طعمها كويس

او يبيع لك أنثى على إنها ذكر ويا سلام لو كانت ولدت قبل كده يبقى لحمها مش هايبقى كويس خالص خالص

او يبيع لك خروف منطوح أو متردي او حتى السبع واكله

وتجار الخرفان بالذات لهم طرق غش كتتتتتتتتتتتتتتتتتتتتتتتتتتتيره .. أبسطها إنه يعطش الخروف يومين تلاتة وده نوع من انواع التعذيب لحيوان لا يتكلم ولا يشتكي - ربنا هايعذبهم بسببه يوم القيامة بإذن الله - .. وبعدها يضع له ماء بكمية مهولة مذاب فيه ملح .. وإشرب يا عم الخروف لحد ما تبقى بطنه مترين ووزنه يزيد وده بيبقى يوم البيع أو يوم السوق .. وييجي الزبون الغلبان يتغر في شكله ويشترية وعلى ما يروح به البيت فرحان وسعيد والاولاد من وراءه عمالين يلعبوا مع الخروف .. تلاقي شكله إتغير وبقى هيكل عظمي وبقى مخلوق هزيل ما فيهوش إتنين كيلو لحمه .

جاوبني بس الاول وأنا بإذن الله هاحاول اخدمك وأنا هنا في الرياض وبعون الله هاتلاقي الخروف قدام بيتك بيمأ مأ وحاجه نعيمي محترمة .. بس تبقى تشيل لي الريش بتاعت الخروف لما تدبحه عشان لما انزل أجازة أشويها

[Diab]

س س باشا اوعي تنسي اخوك في المحاورات دياب

يا ريت تقولي ع المكان ده ويا سلام لو عندهم هوم ديليفري يبقي هايل

منتظر ردك ع الخاص

[se_ Elsyed]

س س باشا اوعي تنسي اخوك في المحاورات دياب

يا ريت تقولي ع المكان ده ويا سلام لو عندهم هوم ديليفري يبقي هايل

منتظر ردك ع الخاص

هوم ديليفري ؟!!!!!!!!!

يابني هو انت طالب وجبة كومبو

باقولك مزرعة ضخمة جداً فيها لا مؤخذه عجول واسم الله على مقامك خرفان هذا بالاضافة الى ارانب وفراخ وحركات اخرى .. يعني لازم تروح انت وتشتري يا معلم

شرفتنا يا دبدوب ولك عندي قطعية حلوه

[alsaher]

والله يا س س حضرتك جاي على الجرح :D

أصل انا حضرتك مغترب وعزابي وما ليش في الموضوع ده

لكن من العيد اللي فات أنا ومجموعة شباب وعزابية ومغتربين زي حالاتي بنشتري خروف وأهو بنحس إننا في عيد برضو بدل ما نقعد نتفرج على بعض :rolleyes:

المهم إننا السنة اللي فاتت تدبسنا بعيد عنك

خروف كان حلو وبجلد وشعر وزي الفل :D

الصبح بعد صلاة العيد إلا صاحبنا بيكح وحالته حالة

ده حتى أنا أول مرة أشوف خروف بيكح بالشكل ده :D

فالسنة دي الشباب بيقولوا توبة ياعم نشتري لحمة وخلاص :D

فلو في مكان فعلا عندهم حاجة كويسة ممكن نروح ونجيب ومش مشكلة إسكندرية الصحراوي قريب مني لأني بمدينة أكتوبر الأيام دي

وفي واحد بيقول لي أجيب لك من الفيوم بس قلقان من الحكاية دي بصراحة :)

وتحياتي ياباشا

[قديم]

او مناطق طبعا قريبه من القاهره .

اممم لولا كده كنت افدتك

بحكم ان اخى طبيب بيطرى و احنا عندنا مزرعه

لكن بكده كل اللى اقدر اعمله انى ارفعلك الموضوع

اهلا وسهلا انسه هبه شرفني مرورك والخروف ييجي بعدين انشاء الله :sad:

اهلا وسهلا عزيزي سي سيد

شرفني مرورك واضافتك على موضوعي وكل المواضيع

الخروف يمر مراحل عندنا في السعوديه وكل مرحله ليه تسميه

فيكون حمل ثم جذع ويمسي (هرفي ) ثم ثني ثم رباع ثم سديس

افضل سن لذبح الخروف هو الجذع ثم الثني فعمره صغير جدا

فمسمي حولي غير دارجه في السعوديه واعتقد هذه التسميه في مصر شائعه فلما اسال عن خروف يقول عايز حولي ؟؟؟

فهل الحولي هو الخروف او مرحله من مراحل نمو الخروف ؟

بالنسبه لمعرفتي بالخرفان وتقليبها ولمس ظهرها وغيرها من الحركات الغير مفهوله ولكن لها مغزي عن اصحاب الشان

فانا اجيد تلك الحركات لكن لا معني لها عندي مجرد يمامات فقط؟

فهل مطلوب مني اكون فاهم في الخرفان ايام العيد .؟

هل مطلوب مني افهم في الرسيفرات ؟

هل مطلوب مني افهم في برمجه الكمبيوتر ؟

هل مطلوب مني افهم في السيارات ؟

هل مطلوب مني افهم في الخلاطات والعصارات والمايكرو ويف .؟

قائمه طويله يصعب على الانسان الالمام بها في هذا العصر لانك ستتعامل في هذه الحاله مع شخص متخصص وهذه شغلته طبعا اكيد سعب جدا ان تجد مثل هذا الانسان ولكن هناك بعض المعلومات الخفيفه وان الانسان يخفي جهله امام البائع ولازم يقوم ببعض الحركات كي يوهم البائع بانه فاهم ويقدر يفاصل .

لكن تقدر تقول عن خبرتي فيها صفر وهينضحك علي وهذا شي طبيعي لكن المحاوله حلوه . على الاقل نستفيد معلومه وفسحه

ما ادري وين المزرعه وكيف الوصول لها . اتذكر السنه الماضيه شفت الخرفان في الرحاب ايام العيد مرقمه كل خروف مشبك فيه رقم باذنه وذا سالت البائع بكم هذا الخروف . يقول لك رقم كم ويشوف في الدفتر معاه كاتب الارقام والاسعار .

الاستاذ ذياب لا تستغرب التوصيل في الرياض اناس تتصل فيهم ويجيب لك الخروف عند باب البيت سواء مذبوح ومقطع ثلاجه او مفاطح او حي . (سمي الخروف الجوال)

[الباشمهندس ياسر]

خروف حولى يعنى عمره اكتر من سنة و الحول هو العام

و عموما الخرفااااااان الحولى تلاقيها فى اسكندرية وف الصعيد اكتر من القاهرة لانهم بيرعوا بيها

انما الخرفان هنا فى القاهرة بتبقى خرفان مزارع

او خرفان بيتى من الفلاحين القريبين حول القاهرة

عموما اقرب مكان تجيب منه خرفان كويسه نوعا ما كالتالى

لو انت من سكان مدينة نصر ومصر الجديده و المطار و التجمع الخامس

فتطلع على الدائرى من عند موقف العاشر و تنزل المرج او المؤسسة

و افضل يوم هو الثلاثاء لانه سوق كبير فى المرج

و لو كنت من سكان دريم واكتوبر و المناطق اللى قريبة من الجيزة

فتطلع على التبين وغمازه و الصف او العياااااط

هتلاقى طلبك

و بالمناسبة الجماعه بتوع الصف والمناطق دى عرب من عرب بنى واصل

يعنى هتلاقى الدماغ واحدة يا قديم

يارب اكون عرفت اساعد

[alsaher]

لو كنت من سكان دريم واكتوبر و المناطق اللى قريبة من الجيزة

فتطلع على التبين وغمازه و الصف او العياااااط

أيووووه عندك ياباشا أنا ساكن في اكتوبر بقى :rolleyes:

بس تبين وغمازة والصف أو العياط دول يطلعو فين

الصف أظن بلد بعد الجيزة كده

لكن الباقي ما سمعتش عنهم قبل كده مع إني هنا من أكتر من 5 سنين

بصراحة هما الجزارين في أكتوبر عاملين أحواش اليومين دول , كل واحد قدام محله

لكن أنا مش مقتنع أشتري منهم لإني المرة اللي فاتت خدت علقة ب 1200 جنيه mil:

فياريت تقوللي أنزل الاماكن دي إزاي وبعيدة قد إيه عن أكتوبر وأكون متشكر جدا جدا

تعبناكم معانا سامحونا :closedeyes:

[الباشمهندس ياسر]

المجموعه دى كلها عبارة عن قرى كبيرة او مراكز تحديدا فى طريق الجيزة الصعيد وهى الصف و العياط

اما تبين وغمازه فاقرب طريق ليها هو الدائرى لانها بعد حلوان بشويه

و انا اسف مش هقدر اديك توضيحات اكتر لانى معنديش وانما تجار الطوب اللى اتعاملت معاهم من هناك اصلا

فهو ده السبب انى اعرفهم

و مفيش تعب ولا حاجة يا اخى

[se_ Elsyed]

جبت لكم عنوان المزرعة اللي كلمتكم عنها

- اسمها مزرعة " التونسي " وزي ما ذكرت هي بتاعت رجل اعمال اعتقد اسمه عمرو التونسي واخد قروض من البنوك زي الهوامير الكتير اللي في البلد وبعدين خلع

فالبنك الاهلي وضع يده على المزرعة بيديرها

- موقعه .. بعد القرية الذكية على اول طريق مصر - اسكندرية الصحراوي مباشرة تدخل يمين وتمشي شويتين وتسأل عن مزارع التونسي التي يُديرها البنك الاهلي

ولنا عودة

[se_ Elsyed]

موضوعات ذات صلة باللحمه الضاني

خروفي خروفي .. لابس بدله صوفي

الموسوعة الذكية .. في انواع الخرفان المحلية

جزار نضييييييييييييييييييييييييييف

[عادل أبوزيد]

جبت لكم عنوان المزرعة اللي كلمتكم عنها

- اسمها مزرعة " التونسي " وزي ما ذكرت هي بتاعت رجل اعمال اعتقد اسمه عمرو التونسي واخد قروض من البنوك زي الهوامير الكتير اللي في البلد وبعدين خلع

فالبنك الاهلي وضع يده على المزرعة بيديرها

- موقعه .. بعد القرية الذكية على اول طريق مصر - اسكندرية الصحراوي مباشرة تدخل يمين وتمشي شويتين وتسأل عن مزارع التونسي التي يُديرها البنك الاهلي

ولنا عودة

المزرعة إسمها شركة التونسى للثروة الحيوانية و موقعها الكيلو 28 طريق مص الإسكندرية أبورواش و تليفونهم 35390577 و 35390003

و قد إتصلت بهم الآن و سألت عن الخرفان فقال لى المسئول أن أوزانها فى حدود 40 كيلو !! و إتصلت بقسم الأبقار - فى نفس المزرعة - فقال لى المسئول هناك أن العجول الصغيرة لن توفى معك لأن عجل 200 كيلو ثمنه تقريبا 3300 سوف يصفى لحم 90 كيلو و قال لى أن خرفان المزرعة الآن غير جيدة لأنه لم يبق إلا الأحجام الصغيرة و أنه هو شخصيا إشترى الخروف من خارج المزرعة.

سألته عن نصيحته فسألنى أين أسكن قلت له مدينة نصر فأشار على ب

جراج جسر السويس - شارع الأربعين بجوار حديقة بدر و قال أن هناك تقريبا أربعة أشخاص يبيعون الخراف و قال هناك واحد أمام الجامع قل له إنك من طرف الدكتور محمد أحمد

و سأرسل البواب و السائق الآن لهذا المكان

السائق و البواب رأيهم إن بالنسبة لحجم 60 كيلو الأفضل الشراء من الجوار أى من المنطقة هنا !! المهم تركت لهم ذلك الأمر و أعطيتهم النقود و دعونا نرى.

فى السنوات الماضية كنت أشترى خراف مارينو و طعمها جيد و قليلة الدهن و من سنوات طويلة لم أجرب الضانى البلدى.