نصائح

[wmh]

السلام عليكم

أردت أن أشارك ببعض النصائح الخاصة بالمطبخ ووجدت أنها مفيدة

• لإزالة رائحة أي نوع من التوابل من المطحن الكهربائي ينصح بطحن قليل من الخبز الناشف أو المحمص.

• لإزالة بقعة خل من فوق مفرش مائدة الطعام تستعمل اسفجنة مبللة بالنشادر السائل ثم غسل الموضع بالماء بعد إزالة البقعة.

• الإسفنج الكبير الذي يستعمل للتنظيف يجب غسله في الماء دائماً قبل استعماله

• عند حفظ الفواكه في الثلاجة يراعى تنظيفها جيداً لتقليل نسبة التالف من الثمار المحفوظة بها.

• يمكنك استخدام الشمع لتلميع سطح البوتاجاز وواجهة غسالة الأطباق والملابس، والثلاجة والرخام والقيشاني في دورات المياه، والبالوعات إذ أن طبقة الشمع تحمي هذه الأجهزة من الخدوش وتراكم القاذورات وتمنع انتشار الفطريات بي وحدات القيشاني وبالوعات دورات المياه.

• للمحافظة على الثلاجة الكهربائية وصيانتها، يجب إذابة الثلج من حول جدار الفريزر مرة كل شهر مع غسل كاوتش الباب بقطعة قماش نظيفة بعد غمرها في ماء دافئ وللتخلص من الروائح الكريهة التي تنبعث من الثلاجة أحياناً نتيجة تراكم الطعام دالها ضعي إناء صغيراً مكشوفاً به بيكربونات الصودا من ملاحظة تغيير البيكربونات من أسبوع لآخر.

• كيف يمكنك الاستفادة من قطع الصابون الصغيرة المتبقية من الاستعمال؟ يمكن الاستفادة منها كالآتي:

تخصيص إناء كبير لنقع بقايا الصابون في كل من الحمام والمطبخ، بعد عملية النقع يقلب الصابون في الماء بملعقة خشبية تخصص لذلك والصابون يبرد في مكان بعيد عن متناول أيدي الصغار..يضاف إلى السائل عصير الليمون ليضفي عليه رائحة طيبة، ويزيد من فاعلية المحلول..يحفظ هذا السائل في زجاجات بلاستيك لاستخدامه بعد ذلك كمنظف في جميع الأغراض المنزلية

[النيل حبيبي]

جزاكي الله كل خير وجعله في ميزان حسناتك(دبليو إم إتش)

فورييييره طَبعته للمدام

[newcomer]

توبيك حلو اوى . :closedeyes:

و اضيف حاجة عملتها النهارده كنت قريتها ..... اضافة معلقة خل للبيض و هو بيتسلق ..... ما بيخلهوش يتشرخ و يطلع بره القشر. :rolleyes:

[moheltohamy]

لأ وانتي السادءة يا نيو كمر...

بتحطي شويّت ملح (مش خل) مع ميّت السلق... بكده تضمني إنك رفعتي الضغط الأسموزي خارج قشرة البيضة ، وبالتالي مش هتمتص ميّه لجوّه ، وبالتالي القشرة مش هتتكسّر...

أي خدمة :rolleyes:

آه... ملحوظة تانية بالمرة على ذكر حكايت الصابون القديم كنت قريتها أبل كده على ويبسايت...

تجيبي يا أختشييي سفنجة (م اللي بتستخدميهم في غسيل الأطباق مثلاً أو في تنضيف الحوض أو الاستخدامات المنزلية عموماً)...

تشقيها من الجمب (تخللي بالك وانتي بتفتحيها من الجمب... يغور التوفير اللي هيعوّرلك إيديكي ياختي) ، وتحطّي جوّاها قطع الصابون الصغيرة ، وبالتالي هتبقى سفنجة منّه فيه (زي أستك منه فيه كده )...

من كتاب أبلة تهامي ف المطبخ :blink:

تم تعديل 4 ديسمبر 2008 بواسطة moheltohamy

[newcomer]

لأ وانتي السادءة يا نيو كمر...

بتحطي شويّت ملح (مش خل) مع ميّت السلق...

لأ خل و يمكن ملح ( هاجربه و اقولك )

انا متأكدة انك كنت طفل عنيد جدا ............... الله يكون فى عون مامتك :rolleyes: ::

تم تعديل 4 ديسمبر 2008 بواسطة newcomer

[newcomer]

طيب هاقولوكوا على حاجة تانية ...... فادت كتير من صحابى

على ذكر البيض المسلوق....... لما بيفضل بيض مسلوق و يتحط فى الثلاجة ..... كله بيغضب عليه علشان بارد

اعمله ساندويتش و ماتنساش ملح و فلفل طبعا و حطه فى المايكروويف لمه 40 ثانية ل دقيقة ...... بيطلع زى ما تكون سلقة دلوقتى حالا

ساعات الحكاية دى بتنفع فى توفير الوقت الصبح فى تجهيز الفطار