إلى مغتربي دبي أرجو المساعدة أرجووووكم

[KamelN]

السلام عليكم و رحمة الله و بركاته

أعضاء المنتدى الكرام أرجو منكم مساعدتي في تفسير الفيزة إلى وصلتني

الحمد لله بعد طول إنتظار و صلت الفيزة الحمرة تبع دبي بس للأسف في إشكال أنا موش فاهمو

أنا في الباسبور مهنتي وكيل شركة و كنت ناوي أغيرها لعمل الحالي و هو مصمم جرافيك

و الفيزة إلي وصلتني مكتوب فيها بائــــع و لم إتصلت على صاحب العمل قال لي أني المهنة دي

مبدئية بس لنسرع إستخراج الفيزة لأنو المهنة الثانية لازم توثق المأهل و تستخرج أوراق يعني بتاخذ وقت

و بعد مانتفق على العمل و نوقع العقد إن شاء الله سوف نغيرها بمصمم جرافيك

و الفيزة مكتوب عليها عــمـــل يعني موش زيارة و لم سألتو قال هذه فيزة عمل فيها إقامة بثلاث سنوات

و أنا إن شاء الله مسافر بعد العيد لأني وعدتو و أرجو منكم أن تساعدونني حتى لا أقع في أيادي التحيل أو ماشابه

مع العلم أني متزوج و ناوي ابعث لمراتي و إبني بعد 3 شهور

أرجو منكم أخواني أن ترشدوني

هل صحيح أنو من الممكن تغيير المهنة بعد إمضاء العقد بمهني الحالية

و هل حكاية الإقامة بثلاث سنوات صحيحة و ممكن تتعمل و أنا لسا مع مضيتش العقد

و لو محصلشي إتفاق مع الشركة دي ممكن أدور على شغل ثاني و انا مقيم بالفيزة دي و أعمل عقد تاني

و هل من الممكن إني أستقدم مراتي و إبني بعد 3 شهور بالمهنة دي

أرجوكم أنا عارف أني أطات عليكم بأسئلتي بس و الله أنا حيرااااااااان و موش عارف أعمل إيه

و إن شاء الله ألاقي ردود تشفي حيرتي من أخواني في دبي و أصحاب الخبرة

[المرشد]

السـلام عليكم ورحمـة الله

أخي الفاضـل صاحب العمل أظن والله أعلم أنه بيكذب عليك لأن بيفزا العمل مفيش حاجة إسمهـا مهنـة مبدئيـة

هو غالبـا والله أعلم ملقاش مهنـة مصمم جرافيك على السيستم بتاع الدولـة لأن لازم المهنـة تكون متسجلـة فقام بوضع لك بائع

بالنسبـة للإستقدام إنت ملكش حق في الإستقدام بمهنـة بائـع هذي حتى لو كان راتبك 10 ألاف درهم

أمـا لو تعدلت المهنـة لمهنـة أخرى موثقـة بشاهدات عليـا بيمكنك تستقدم زوجتك وأولادك على كفالتك بشرط أن راتبك لا يقل

عن 4 ألاف درهم ويكون معك عقد إيجار بإسمك ومسجل في البلدية .

شوف نصيحـة مني تعال بالفيزا اللي هو أرسلهـا لك وحاول تعرف ظروف البلد بالظبط وهل هو فعلا يقدر يغير المهنـة وإعرف كم راتبك

وهل بيكفيك إنت وزوجتكـ وأولادك ؟؟ خصوصـا إن دولة الإمارات غاليـة جدا وكمان دبي أغلى إمارة في السكن والمصـاريف .

وربنـا يوفقك بإذن الله

حاول تدخل على موقع وزارة العمل الماراتي وانت لسه في مصر عشان تعرف اللي ليك واللي عليك

والسلام عليكم ورحمـة الله

[زعلان]

بص يا عزيزي مع اني ما بكتبش بقالي فترة بس قلت اريد عليك وانصحك أولا أي فيزا في الامارات ممكن تتغير بعد يومين مفيش مشاكل بس لازم تكون مجهز شهاداتك الأصلية وموثقها من وزارة التعليم العالي و

الخارجية في مصر وسفارة الامارات و لما تيجي الامارات تعتمدها من التعليم العالي هنا تقريبا

كل ده جميل بس لازم تكون واثق من الشركة الي انت جاي عليها علشان هي الي حتعمل الإجراءات و تقول الموظف ده بيشتغل عندي مصمم جرافيك

الأهم من ده كله انهم كان ممكن لو عايزين يجبوك من الأول بالمهنه ده بس ما علينا لازم تكون معاك نسخة من العقد موضح فيها كل حقوقك الراتب الاساسي و السكن الي حيوفروهولك استديو شقة سكن عمال و البدلات و تذاكر السفر و التأمين الطبي

يعني علشان تجيب مراتك واولادك زيارة فقط لازم الشركة تكون بتديك مرتب 4 الاف درهم او 3 الاف درهم وسكن وعلشان تجيبهم اقامة في البلد لازم يكون مرتبك 6 الاف درهم زائد سكن او سبع الاف درهم بدون سكن ( بعض الشركات التعبانة بتدي رسالة بده رغم ان الراتب غير ذلك ) ممكن بعدين تستعمل الراسلة ضدهم المهم

تم تعديل 1 ديسمبر 2008 بواسطة زعلان

[KamelN]

مشكور أخي زعلان على المعلومات

بس ياريت تجاوبوني على النقطتين دول

- و هل حكاية الإقامة بثلاث سنوات صحيحة و ممكن تتعمل و أنا لسا مع مضيتش العقد

- و لو محصلشي إتفاق مع الشركة دي ممكن أدور على شغل ثاني و انا مقيم بالفيزة دي و أعمل عقد تاني

[قاهرى]

اخى العزيز

بالنسبة انك تدور على شغل تانى اكيد ينفع بس بشرط انك متكونش وقعت العقد لان بمجرد توقيع العقد انت مطر تكون معاة لفترة كبيرة اقلها سنة حتى تعرف تمشى مع دفع غرامة لتجنب الحرمان او 3 سنوات بدون غرامة

علشان كدة حاول انك تاخر توقيع العقد حتى تتاكد من ان كل شىء تمام

بالنسبة لنوع الفيزا دلوقتى كل الشركات بتعمل على طول فيزا عمل مش زيارة لان الزيارة دلوقتى بقت اغلى من فيزا العمل وبقت عليها تامين مسترد فى حالة العودة فقط وبما انك طبعا جى لشغل يبقى كان هيضيع علية التامين علشان كدة كلو بيعمل عمل

وبيكون مدةة العقد فعلا 3 سنوات

اما موضوع استقدام الزوجة لازم يكون راتبك اكتر من 4000 درهم وتكون مكتوبة فى العقد كدة وسمعت دلوقتى ان كمان يكون معاك عقد ايجار سكن بيقدم للجوزات فى حالة استقدام الزوجة الكلام دة مطبق فى الشارقة مش عارف طبقو فى دبى ولا لا ....

ربنا معاك

جمد قلبك وتوصل بالسلامة

واى خدمة

[KamelN]

مشكور أخي على التوضيح أخي قاهري