تصريح العمل للسيدات

[pearl]

انا مقيمه في الامارات من 6 سنوات على كفالة زوجي وكنت واخده اجازه من شغلي الحكومي في مصر مرافقة زوج و دلوقتى هاشتغل في الامارات وشغلي هو اللي هايكون كفيلي وده هايكون مكتوب في الاقامه طبعا.

في الحاله دي لو سافرت مصر وحبيت اطلع لازم اعمل تصريح عمل؟؟؟ وهل ممكن يعملو تصريح عمل لواحده واخده اجازة مرافقة زوج ولا لازم اغير الاجازه وايه الاوراق المطلوبه؟

[Amr Radwan]

بالنسبة لتصريح العمل ..

المفروض الجوازات في مطار القاهرة يطلبوا منك التصريح بتاع العمل لو انتي مسافره علي فيزه عمل .. و لكن اللي حصل معايا و اكيد حصل مع غيري كتير ان الظابط بتاع الجوازات ما طلبهوش اساسا .. !!!

و انا لو ما كنتش عملته ما كانش حصل حاجة ..

بس المشكلة لو طلبه و منعك من السفر بسببه .. لو مش معاكي !!!

ملحوظة : تصريح العمل مالوش دخل او علاقة بشغلك القديم

هذا علي حد علمي ..

[Alrefaey]

انا مقيمه في الامارات من 6 سنوات على كفالة زوجي وكنت واخده اجازه من شغلي الحكومي في مصر مرافقة زوج و دلوقتى هاشتغل في الامارات وشغلي هو اللي هايكون كفيلي وده هايكون مكتوب في الاقامه طبعا.

في الحاله دي لو سافرت مصر وحبيت اطلع لازم اعمل تصريح عمل؟؟؟ وهل ممكن يعملو تصريح عمل لواحده واخده اجازة مرافقة زوج ولا لازم اغير الاجازه وايه الاوراق المطلوبه؟

اختى الفاضلة

تصريح العمل بتعملية لو كانت التأشيرة على الجواز تأشيرة عمل وبس

ورأى الشخصى انكى طالما هيكون نقل كفالتك من داخل الامارات اى ان الشركة مش هترسل لكى تأشيرة فى مصر على الجواز

يبقى انتى كده فى الامان ومش محتاجه اى تصاريح

وخليكى على نفس وضعك الحالى

اما لو اخذتى اجازة بشكل رسمى للعمل فهيطلبو منك تسديد التأمينات والمعشات سنويا بالدولار غير هيطلبو منك كل سنة تجديد الاجازة فى نفس الوقت

كمان ممكن لا قدر الله لو جلستى من العمل يبقى واجب عليكى العودة الى مصر لأن الغرض من السفر انتفى فأنتى كده فى مأمن

[Melhakim]

إذا كانت المهنه فى جواز السفر ان حضرتك شغاله فى الحكومة يبقى لازم لو هتعملى تصريح سفر ان الطلب يتختم من جهة العمل إذا كان السفر للعمل بس معرفش مرافقة الزوج ليها تصريح عمل ولا لا

تم تعديل 3 ديسمبر 2008 بواسطة surfthe

[ozoozo]

انتي مش هاتعرفي تطلعي التصريح اساسا لو الفيزا مش عمل وانتي هاتشتغلي من داخل الامارات يعني امام الحكومه مرافقه بس ولستي عامله