ليه اخترت التوقيع ده

[الباشمهندس ياسر]

السلام عليكم

بقالى فترة عمالى افكر فى توقيعاتنا و مضمونها او رمزيتها و لقيت فينا مجموعه بتغير التوقيع كل فتره فقلت ايه المانع اننا نتناقش بصوت عالى

شوية بس طبعا ميصحيش الجيران

يعنى فى الموضوع ده ايه رأيكم؟

[الباشمهندس ياسر]

و على رأى تهاااااااامى اخويا

طباخ السم لازم يدوقه

فهقول انا توقيعى

طبعا لايخفى عليكم انى بدور على بونبوناية عمرى

و النص الحلو اللى بيكملنى ... انا مش وحش اوى يعنى

فكتبت بسأل نفسى انا فين

و هيا فين

و ازاى نوصل لبعض

ربنا يقرب البعيد

وكمان كنت بغير التوقيع كل فترة حسب الحالة المزاجية يعنى

لما ابقى مش مبسوط بكتب هتروق وتحلى بس الصبر كنوع من اعطاء الامل لنفسى ان بكره احسن ان شاء الله

و اوقات اكتب بيت شعر عجبنى جدا وحسيته انه بيعبر عن موقف حصلى

بس خلاص

يلا مستنيكم ومستنى تعليقاتكم ومعانيها

[عصام]

أنا استلمت العضوية بالتوقيع ومن ساعتها ما لعبتش فيه :closedeyes:

[الباشمهندس ياسر]

أنا استلمت العضوية بالتوقيع ومن ساعتها ما لعبتش فيه :closedeyes:

:closedeyes:

الكبير كبير

و معندناش وقت نضيعه

[Emo]

التوقيع عادة بيكون حاجة من الثوابت في حياتي..

وعشان كده..

كنا إذا أشتد فينا اليأس وانكسرت منا القلوب ونادانا منادينا..

عدنا الى الله علّ الله يرحمنا ..

والآن ..

نخجل منه...من معاصينا..

يعني بحاول دايما أذكر نفسي اني ماعملش حاجة تخليني أخجل من ربنا لما اجي ادعي..

بث.. :closedeyes:

[الباشمهندس ياسر]

التوقيع عادة بيكون حاجة من الثوابت في حياتي..

وعشان كده..

كنا إذا أشتد فينا اليأس وانكسرت منا القلوب ونادانا منادينا..

عدنا الى الله علّ الله يرحمنا ..

والآن ..

نخجل منه...من معاصينا..

يعني بحاول دايما أذكر نفسي اني ماعملش حاجة تخليني أخجل من ربنا لما اجي ادعي..

بث.. :closedeyes:

يا ايمو ربنا يكرمك و دايما على اعمال الخير

بث :closedeyes: متنسيناش وانتى بتدعى

و اوعى تدعى علينا

:blink:

[Mohamed Fayek]

السلام عليكم

بقالى فترة عمالى افكر فى توقيعاتنا و مضمونها او رمزيتها و لقيت فينا مجموعه بتغير التوقيع كل فتره فقلت ايه المانع اننا نتناقش بصوت عالى

شوية بس طبعا ميصحيش الجيران

يعنى فى الموضوع ده ايه رأيكم؟

الأخ الباشمهندس / ياسر

أعتقد للتوقيع أهمية ... فمثلا لو سعادتك إستلمت شيك فأول شئ يقع عليه نظرك هو قيمة الشيك ... ولكن تصدم إذا كان التوقيع غير مطابق أما فى المنتدى فمن الخطأ أن نسميه توقيع حيث أن غالبية الأعضاء يستعيرون بعض الكلمات من شعر أو أغنية فهل يصح أن نطلق عليه توقيع .

يقال أن التوقيع يدل على شخصية صاحبة ... فهل هذا صحيح ؟

[مسافر زاده الخيال]

اهلا بيكم

بخصوص التوقيع انا حاولت كم مرة بوضع صورة في توقيعي لكن تجيني رسالة انه غير مصرع باستخدام خاصية

[]

ايه معنى ده؟؟؟

[mffaswan]

والله موضوعك جديد و مبتكر

بالنسبة لي

انا شايف ان معظم الناس بتستنى الفرصة .. و تقعد تلعن الظروف و الأيام و الدنيا ..

صحيح ان الدنيا وحشة .. لكن احنا لو حاولنا نغيرها .. هتتغير و تستجيب لمحاولات التغيير بتاعتنا ..

لازم ندور على اللي ناقصنا و نكمل نفسنا بيه .. و إلا هانفضل ناقصنا حاجات كتييييييييييير و مش هنلاقي حد يكلمهالنا

في مثل بيقول

ما حك جلدك غير ظفرك ..

و المعنى معروف إنك تعتمد على نفسك في تلبية احتياجاتك ..

لكن أطرف تعليق ع المثل ده ..

إن المثل ده قاله واحد جربان !!! :closedeyes:

و شكراً

[الباشمهندس ياسر]

الأخ الباشمهندس / ياسر

أعتقد للتوقيع أهمية ... فمثلا لو سعادتك إستلمت شيك فأول شئ يقع عليه نظرك هو قيمة الشيك ... ولكن تصدم إذا كان التوقيع غير مطابق أما فى المنتدى فمن الخطأ أن نسميه توقيع حيث أن غالبية الأعضاء يستعيرون بعض الكلمات من شعر أو أغنية فهل يصح أن نطلق عليه توقيع .

يقال أن التوقيع يدل على شخصية صاحبة ... فهل هذا صحيح ؟

انا شخصيل لغاية دلوقتى مش ناوى اعمل دفتر شيكات و اعمله ليه اساسا

بص يا ا فايق

الموضوع ابسط من كده

انت لو هتحط توقيع ف المنتدى بيبقى حاجة شخصية نتيجة لحاجة ف نفسك

الفكرة واللى فيها

احنا بقى بنسألك ده ليه ؟؟

تقبل تحياااااااااااااتى

[الباشمهندس ياسر]

اهلا بيكم

بخصوص التوقيع انا حاولت كم مرة بوضع صورة في توقيعي لكن تجيني رسالة انه غير مصرع باستخدام خاصية

[]

ايه معنى ده؟؟؟

اهلا بك اخونا مسافر

تقدر تسأل حد من المشرفين و اكيد هيبعتولك فيدباااااااك

بس احنا هنا بنسأل انت ليه اخترت الاغنية دى ف توقيعك

[الباشمهندس ياسر]

والله موضوعك جديد و مبتكر

بالنسبة لي

انا شايف ان معظم الناس بتستنى الفرصة .. و تقعد تلعن الظروف و الأيام و الدنيا ..

صحيح ان الدنيا وحشة .. لكن احنا لو حاولنا نغيرها .. هتتغير و تستجيب لمحاولات التغيير بتاعتنا ..

لازم ندور على اللي ناقصنا و نكمل نفسنا بيه .. و إلا هانفضل ناقصنا حاجات كتييييييييييير و مش هنلاقي حد يكلمهالنا

في مثل بيقول

ما حك جلدك غير ظفرك ..

و المعنى معروف إنك تعتمد على نفسك في تلبية احتياجاتك ..

لكن أطرف تعليق ع المثل ده ..

إن المثل ده قاله واحد جربان !!!

و شكراً

هو مين طفأ النور يا جماااااااااااااااااعه

:tease:

[مسافر زاده الخيال]

انا من محبي اشهر اغاني عبدالوهاب

ياباش مهندس ياسر(وده نادر عندنا لمن هم في سني)وتقريبا لا اطرب للغناء الخليجي الا للنادر جدا

واذكر انه بعد تخرجي من معهد الاتصالات سنة 95 قعدت في البيت حوالي 6 اشهر مملة فكان من تسالي الاستماع لعبدالوهاب صباحا خاصة اغنية النهرالخالد

واشعر ان كلمات الاغنية كأنها تخاطبني الى ماقبل بيت ((يانيل ياساحر الغيوب))وطبعا احب اغنية ياسماء الشرق جدا جدا جدا

باختصار احس ان عبد الوهاب كان فعلا سابق عصره

[الباشمهندس ياسر]

اسمح لى اقولك ان حضرتك ودانك نضيفة :sad:

[ام بلال]

دخلت المنتدى قدرا من البحث في جوجل عن معلومات عن الهجرة لكندا ،

ولأن موضوع الهجرة موضوع مصيري لأسرتي فكان ومازال الدعاء ده ملازم للساني

لعل الله يهدينا للخير فيه أو لغيره لأننا كأسرة في مفترق الطرق ،

وهو مقتبس من قصة أهل الكهف

و موسى عليه السلام عندما خرج من مصر لا يعرف لأين يذهب فدعا أن يهديه الله سواء السبيل

، فتمثلت الدعائين

وربنا يستجيب ويتقبل يا رب

بس خلاص

[الباشمهندس ياسر]

دخلت المنتدى قدرا من البحث في جوجل عن معلومات عن الهجرة لكندا ،

ولأن موضوع الهجرة موضوع مصيري لأسرتي فكان ومازال الدعاء ده ملازم للساني

لعل الله يهدينا للخير فيه أو لغيره لأننا كأسرة في مفترق الطرق ،

وهو مقتبس من قصة أهل الكهف

و موسى عليه السلام عندما خرج من مصر لا يعرف لأين يذهب فدعا أن يهديه الله سواء السبيل

، فتمثلت الدعائين

وربنا يستجيب ويتقبل يا رب

بس خلاص

ربنا يستجيب دعائك اختى الفاضلة

و يريكوا الخير حيث كان

[newcomer]

طب انا معنديش توقيع :blush2: ...... ينفع اتكلم و لا......

بجد ...... انا ماعرفتش اختار توقيع محدد.......

بس علشان الاحراج ده. :wub: ....... ان شاء الله هاختار واحد....... قريب اوى .......

[أسد]

أتعرف مامعنى الكلمة

مفتاح الجنة في كلمة

دخول النار على كلمه

وقضاء الله هو كلمه

الكلمة لو تعرف حرمه زاد مزخور

الكلمة نور ..

وبعض الكلمات قبور

وبعض الكلمات قلاع شامخه يعتصم بها النبل البشري

الكلمة فرقان بين نبى وبغي

بالكلمة تنكشف الغمة

الكلمة نور

ودليل تتبعه الأمة .

عيسى ماكان سوى كلمة

أضاء الدنيا بالكلمات وعلمها للصيادين

فساروا يهدون العالم ..

الكلمة زلزلت الظالم

الكلمة حصن الحرية

إن الكلمة مسؤولية

إن الرجل هو كلمة

شرف الله هو الكلمة

هذا هو توقيعي ..

هو من كلمات عبد الرحمن الشرقاوي في مسرحية الحسين ثائراً ..

كلمات الأبيات تفسر لماذا اخترتها ..

خاصة وأننا هنا نكتب كلماتنا ونعرف بعضنا من كلماتنا ..

[الباشمهندس ياسر]

طب انا معنديش توقيع :closedeyes: ...... ينفع اتكلم و لا......

بجد ...... انا ماعرفتش اختار توقيع محدد.......

بس علشان الاحراج ده. :rolleyes: ....... ان شاء الله هاختار واحد....... قريب اوى .......

طبعا ينفع وينفع جدا كمان

و دائما توقيع الفرد بيدل اما على طبيعة فكره او حالته المزاجية

سو خلى بالك بقى

[الباشمهندس ياسر]

أتعرف مامعنى الكلمة

مفتاح الجنة في كلمة

دخول النار على كلمه

وقضاء الله هو كلمه

الكلمة لو تعرف حرمه زاد مزخور

الكلمة نور ..

وبعض الكلمات قبور

وبعض الكلمات قلاع شامخه يعتصم بها النبل البشري

الكلمة فرقان بين نبى وبغي

بالكلمة تنكشف الغمة

الكلمة نور

ودليل تتبعه الأمة .

عيسى ماكان سوى كلمة

أضاء الدنيا بالكلمات وعلمها للصيادين

فساروا يهدون العالم ..

الكلمة زلزلت الظالم

الكلمة حصن الحرية

إن الكلمة مسؤولية

إن الرجل هو كلمة

شرف الله هو الكلمة

هذا هو توقيعي ..

هو من كلمات عبد الرحمن الشرقاوي في مسرحية الحسين ثائراً ..

كلمات الأبيات تفسر لماذا اخترتها ..

خاصة وأننا هنا نكتب كلماتنا ونعرف بعضنا من كلماتنا ..

شرف كبير وجودك فى التوبيك يا استاذ اسد

طبعا ومما لا شك فيه اننا نعرف بعضنا من خلال كلماتنا

بل و ربما عرفنا عن الفرد من كلماته اكثر مما نعرفه ان التقيناه يوما

دمت بود سيدى الفاضل