تتبع ملفات فيدرالي القاهره ولندن قبل فبراير 2008

[medopharm]

يارب عقبالكم كلكم قريبا جدا وتسمعونا أحلى أخبار ونفرح لكم جميعا

أحب أبشركم ان الفيز وصلت بحمد الله ومساعده جميع من في هذا المنتدى المحترم المحبوب

ان شاء الله الأخبار الحلوه هاتتوالى تباعا وهانسمع منكم كلكم خلال الأيام الجايه بإذن الله

دعواتكم ربنا يتمم الأمور على خير ياااارب

الف مليون مبروك

وعقبال اللاندينج والاستقرار بسلام الله

وعقبال بقى ماتتحقق النبؤه ويتحرك مكتب القاهره

تحياتى للجميع

[medopharm]

الف الف الف مبروك يا جايلك يا كندا و يارب الاخبار تبقى

حلوه علطول و عقبال يا رب الي في بالي :P

( أرورا و ميدوفارم ) :D

يااااارب يا بنت مصر

وعقبالك انتى كمان ان شاء الله

[medopharm]

الف شكر لكل الاخوة الصابرين و المنتظرين اللي باركولي

وعقبالكم كلكم ان شاء الله

ربنا يهون عليكم الصبر و يقصر المدة قادر يا كريم

الاخبار من الكنترول دي موثوقة ؟؟ ولا اشاعات قبل اللستة الجديدة ما تنزل؟؟

في كلام كتير ان اللستة الجديدة بتتجهز و يمكن نلاقيها طلعت اليومين دول

والله مافيش حاجه موثوقه اليومين دول

ولكن اهو الواحد بيتعلق فى اى اخبار جديده وخلاص

ويارب تكون صحيحه

[medopharm]

الف مليون مبروك دكتور مااهر

وعقبال بااقى الجدول

وان شاء الله هاااااااااانت

انا حاسس ان خلال الشهر ده هيكون فيه قوووومه جامده لمكتب القاهره ان شاء الله

هاااااااااااااااااانت يا اخواننا

ان شاء الله قريب اوى ويمكن يوم الخميس اللى جاااى حاسس ان ارورا هتفقع زغروووووده جاامده اوى

ابشروووووا

ايه ده ياميدو انتى قريتلى الفنجال ولا ايه

اشمعنى الخميس تحديدا :P

لا لا انت اكيد مكشوف عنك الحجاب

ولا جبت النتيجة من الكنترول :D

بس اوعى تكون فشنك لحسن مش هاستحمل المره دى

ازمة قلبية على طول

عموما انا بسخن واعمل تمرينات لزوم الزغرودة

ولو انى مش باعرف ازغرد :wub:

لو كلام د/ ميدو طلع صح و ان شاء الله يطلع صح

أنا و بعون الله حاتعلم ازغرد و ازغردلك يا أرورا

بس هو يحصل و احنا نوزع شربات بالموز مش سادة :lol:

و عقبالك يا د/ ميدو أنت و أبو زياد و كل المتأخرين

الف شكر ليك يارامى

وعقبالك انت كمان

وعقبال مانقفل الباب ده خااالص

تحياتى

[medopharm]

بصو ياجماعه انا هقول على سبب التكهنات دى

وياريت نفكر سوى

اولا

لو جينا نبص لآخر ميديكال اتبعت من مكتب القاهره كان فى شهر نوفمبر 2009

يعنى من 6 شهور تقريبا

والايام دى بدأو يبعتو يستفسرو عن بعض الملفات

وانا كنت واحد منهم

يعنى يطلبو العنوان - التليفون - كده يعنى ( مش عارف ليه )

يجوز البيانات دى ناقصه عندهم

ولا يجوز عشان انا بعتت فى الابديت انى كنت فى السعوديه فى الحته الفلانيه

ونزلت مصر وماقولتش انا فين

المهم فى الموضوع انهم بدأو يفتحو الملفات ويشوفو فيها ايه

وحته ال6شهور دى كمان تخلى الواحد يتوقع انهم من المنطقى يخلصو دفعتين فى السنه ع الاقل

لذلك توقع المحامى انهم على صدد ( حلوه صدد دى ) يبعتو الميديكال لمجموعه جديده

واتمنى من الله اننا نكون من هذه الدفعه المختاره

دى كل الحكايه

هل حد عنده رأى تانى او تفسير تانى

تحياتى

تم تعديل 6 مايو 2010 بواسطة medopharm

[medopharm]

نسيت اقول حاجه

حته يوم الخميس

عى اساس ان اى حاجه بتدخل وتخرج من السفاره على يوم الخميس

يبقى لو كان هيكون فيه جديد هيظهر فى الكنترول يوم الخميس

يااااااااااااااااارب

[arora]

عندك حق يا ميدو فى تفكيرك العقلانى والمنطقى

وده تفكير الناس العاقلة

اللى نرجو ان مكتب القاهرة يكون منهم

انا بعت انكويرى لمكتب القاهرة

وردوا عليا بان الفايل بياخد دوره

بس الرد كان من قسم التاشيرات

هل ده يعنى حاجة

[qenawy]

بس الرد كان من قسم التاشيرات

قسم التاشيرات

قسم امبابة

اهه كله اقسام

ان شاء الله خير

[qenawy]

برضه م ملاحظاتي ان طلب الميدكال للفيدرالي بيكون يوم خميس وفي الغالب بعد يوم 20 في اي شهر

ان شاء الله خير

من محظاتي

عدد التاشيرات المنوحة لمصر لسنة 2008

2350 تاشيرة تقريبا

يعني لازم وغصبا عنهم هيشتغلوا

ما تخافوش من كيبك ليهم حصة برضه اي نعم من ضمن 2350 تاشيرة برضه بس اقل طبعا ولذلك ان شاء الله خير للفيدراليين اينما كانوا نظام جديد او قديم

وان شاء الله خير قطر ثم ينهمروا

[arora]

ادينا قاعدين لهم يا دكتور قناوى

يا يشتغلوا ....... يا يشتغلوا

يا يقضوا علينا ......... يا نقضى عليهم

واشمعنى بعد 20 فى الشهر

علشان يكون المرتب جه

:unsure:

[medopharm]

واشمعنى بعد 20 فى الشهر

علشان يكون المرتب جه

:unsure:

هههههههههههههههه

طبعا اكيد الناس دى مش هتشتغل بلووووشى

لازم يحلو بوقهم قبل ماينامو قصدى قبل مايشتغلو

[اغابي]

سؤال × السريع يا جماعة الله يخلبكم

لو عدا شهرين من وقت ارسال الفايل ( ملفى الى فيدرال ) وماردوش عليا بالفايل نمبر لا عن طريق الايميل ولا البريد ؟ مع العلم انا مقدمة من الكويت

ما هى المدة اللى من حقي بعدها ابدأ اقلق هل لو مر شهرين ولا 4 شهور ؟

فى الحالة دى ايه اللى مطلوب منى اعمله ؟؟

وازاى اتصل اسال ان كان الفايل بتاعى اتقبل ووصل فعلا ولا ضاع هو والشيك او انه اترفض من اساسه - ايه العنوان او التلفونات اللى اراسلهم عليها

- لو حد يعرف بالنسبة للى فى الكويت يساعدنى بليزززز ؟

وليه ما ردوش بالفايل نمبر لعد الشهرين ..

تحياتى للجميع

اغابي

:ninja:

تم تعديل 9 مايو 2010 بواسطة اغابي

[bent qena]

السلام عليكم بقالى مدة مدخلتش انا كمان يا اغابى بعت الملف بس لمكتب القاهرة عن طريق محامى من 12/3/2010 ولا حس ولا خبر مش عارفة ليه قلقانة ربنا يستر واى يا جماعة يشاركنا بتجربته :ninja:

[اغابي]

السلام عليكم بقالى مدة مدخلتش انا كمان يا اغابى بعت الملف بس لمكتب القاهرة عن طريق محامى من 12/3/2010 ولا حس ولا خبر مش عارفة ليه قلقانة ربنا يستر واى يا جماعة يشاركنا بتجربته :rolleyes:

ازيك يا بنت بلادى

اضم صوتى كمان مرة لصوتك

عاوزين حد يرد علينا

يا arora - طب يا دكتور قناوى - طب يا - medopharm

حد يرد علينا

:blush2:

[qenawy]

السلام عليكم بقالى مدة مدخلتش انا كمان يا اغابى بعت الملف بس لمكتب القاهرة عن طريق محامى من 12/3/2010 ولا حس ولا خبر مش عارفة ليه قلقانة ربنا يستر واى يا جماعة يشاركنا بتجربته :rolleyes:

ازيك يا بنت بلادى

اضم صوتى كمان مرة لصوتك

عاوزين حد يرد علينا

يا arora - طب يا دكتور قناوى - طب يا - medopharm

حد يرد علينا

:blush2:

حد قال جزر ؟

ايوة

اقل مدة للرد هي 70 يوم لان الملفات كترت جدا جدا علي نوفا سكوتشيا

بصوا في الايميل كويس

وبصوا علي صناديق البريد تبعكم

واصبروا

للاسف نوفا سكوتشيا لا يوجد اي وسيلة اتصال بها

one way فقط

المحاميين كمان بيتلكعوا ايه اللي رماكي عليهم عليهم يا بنت بلادي ؟

اصبروا شهر كمان ان شاء الله خير

[bent qena]

شكرا جزيلا على يا دكتور قناوى ومفيش ادامنا الا الصبر ربنا ييسر لك أمورك ونباركلك عما قريب على الميدكال :rolleyes:

[bent qena]

شكرا جزيلا على سرعة الرد وربنا يجعله فى ميزان حسناتك يا دكتور قناوى ومفيش ادامنا الا الصبر ربنا ييسر لك أمورك ونباركلك عما قريب على الميدكال

[medopharm]

الصبر وليس امامنا سوى الصبر

[arora]

صبرت حتى مل الصبر

من صبرى

تم تعديل 9 مايو 2010 بواسطة arora

[ASHAKER]

السلام عليكم

أنا متابع الموقع من زمان و كان عندي سؤال ...بس دة اول مرة يبقي لية مداخلة لاني بعت الورق لكندا و ردة علي بالئيميل و بحضر ورقي دالوقتي و الحقيقة أنا استفدت كتير من الاراء الكتير اللي أحيانا بتبقي متضاربة :rolleyes: ... هية مدة الانتظار تختلف من اللي قدم السنة دة مثلا و اللي قدم قبل التعديل يعني قبل فبراير 2008

وشكرا