توقعات المحاوراتية لماتشات الأهلى بكاس العالم ياليابان

[حسام يوسف]

السلام عليكم ورحمة الله وبركاته

الموضوع سيكون كتصويت لتوقعات السادة الأفاضل أعضاء المحاورات

والتصويت سيكون مفتوحا

عشان نعرف مين صاحب التوقع الأصح

ولو كان ينفع يبقى فية جوايز كنت أتمنى والله

لكن الأمانى شيئ والتوقع شيئ اخر

توقع باللى انت حاسس انة الأقرب للصحة

مش بامنيتك

مع خالص أمنيات العبدلله للأهلى بتشريفنا فى كأس العالم القادمة

لانة فريق مصرى

وانتصارة حاجة كويسة لمصر والعرب وافريقيا

ملحوظة التوقعات او الاستفتاء مفنوح حتى يوم 12 ديسمبر فقط

لان تانى يوم الماتش

مع أمنياتى بالتوفق للنادى الأهلى

حالة الأهلى لا تسر عدوا او حبيبا

دفاع مهلهل

وحارس مرمى متذبذب المستوى

وأخطاء فنية فى ادارة المباراة من مديرة الفنى

وغياب الاداء المقنع من فترة مش قصيرة

وعلى الجانب الايجابى

تفرق كتير

مباريات بهذا المستوى

والتجمع العالمى

عن مباريات الدورى المحلى

ومتوقع أن يتحسن أداء اللاعبون وتكتيك المدير الفنى وقت الجد

ودة جد مابعدة جد

أتمنى ان أن تنتصر وجهة النظر الثانية

لكنى أتوقع ان تنتصر وجهة النظر الاولى

وأتمنى ان أكون مخطئا فى توقعى

لان المباريات الخارجية شرف لكل مصرى أن يفوز الفريق الذى يمثل بلدة

بغض النظر ولو مؤقتا عن حزازيات التشجيع للخصم

ويارب أكون غلطان

__________________

تم تعديل 2 ديسمبر 2008 بواسطة حسام يوسف

[الطيار المصرى]

دكتور حسام المشجع الزمالكاوي الجميل......

و الله يا دكتور الموضوع يقلق حبتين...

بس برده مش أوي....لأن الامور دي يمكن تداركها و هذا ما قد نراه في المبارة القادمة للأهلي اللي علي مات اعتقد هتبقي يوم الجمعة....

سنري المستوي الذي سيظهر عليه اللاعبين و مستوي الادارة الفنية للمبارة.....

لأن اذا ما استعاد الأهلي توازنه و قدرات لاعبيه العالية....

ستكون مباراة جيدة أمام فريق ضعيف نسبيا مثا بانشوكا.....

أما اذا ما استمر الحال علي ما هو عليه....فلن نستطيع الحكم الا اذا ما رأينا الاهلي و هو يؤدي في المبارة...

و في الحالتين مفيش حاجة مضمونة....بس ان شاء الله ربنا يوفقهم من كل قلبي....عشان نغيظ الزمالكاوية ....

لكن هل الصحيح ان جوزيه استبعد شادي محمد من القائمة اللي هتسافر.....تبقي مشكلة كبيرة لو الكلامد ده صح...

[النيل حبيبي]

مفيش حاجة مضمونة....بس ان شاء الله ربنا يوفقهم من كل قلبي....عشان نغيظ الزمالكاوية :closedeyes: :rolleyes:....

لكن هل الصحيح ان جوزيه استبعد شادي محمد من القائمة اللي هتسافر.....تبقي مشكلة كبيرة لو الكلامد ده صح...

اشاعااات اشاعااات اشاعااات معقوله يستبعد حبيبه شادى اللي امه داعيه له

[حسام يوسف]

وانا بشارك فى التصويت

اللى أنا عاملة

غلطت وكتبت اتوقع فوز الأهلى

وأنا بسجل موقفى عشان اقول انى مش بتوقع فوز الاهلى

[ebregi]

إن شاء الله فوز الأهلي

[Mohamed Fayek]

أتمنى إن شاء الله الأهلى يكسب فى اليابان وياخد البطولة كمان ..

واليوم وجدت هذا الكلام مكتوب عن الأهلى فى موقع فىالجول

دول ناس رخمين قوى على قلبى

الأهـــلــــى وكل اللى يحــــــــــبه

من خــيبتـــه بيخســـر ويخـــبى

يتعـــادل ويقـــول مش ذنــــبــه

بيجــــيب العــــيب ع الحكـــــام

وبيـــزعـــل لو يــــوم يتــــــلام

ماهو دايمـاً وياه الكــــــــوســة

وحكومة ودولــــة وإعــــــــلام

مسنود م الدلتـــا وم الـــوادى

وحكومة تــزلزل فى بــــلادى

لو يوم مكروه مسك أو سوء

على طول ع الريس حتنـادى

ماأنــا عارفك بتحب تـــــلاوع

وف وقت الجد تروح خــــالع

لو يوم حاكموك بتزيد فى نواح

وبصوت الظلم تروح راقــــع

[se_ Elsyed]

لو الاهلي لعب بفلسفة انه ثالث العالم سنة 2006 وبالتالي عايز يحافظ على المركز او يحسنه .. يبقى كل سنة واحنا طيبين والاهلي لا هايلحق بلح الشام ولا عنب اليمن

اما لو لعب كورة من اجل الكورة وان دي بطولة فانتازية فهايقدم اداء كويس وممكن يوصل للنهائي مع مانشستر يونايتد

[الطيار المصرى]

ايوة يا جنرال ابو الأسيان......

عارفك انا عاوز تشوف المواجهة المتكافئة ما بين سيد معوض و كريستيانو رونالدو.....

[شاب مصري]

انا بقيت أكره الأهلي

وانسلخت من حزب الأهلاوية

بس ان شاء الله يفوز ويشرف مصر يا ولاد .

[elshafey]

انا بقيت أكره الأهلي

وانسلخت من حزب الأهلاوية

بس ان شاء الله يفوز ويشرف مصر يا ولاد .

بتكره الاهلي ليه يا ابو الكباتن

ولا انت نويت يجيلك الضغط والسكر (بعد الشر)

وتشجع الزمالك :) ;)

[شاب مصري]

انا بقيت أكره الأهلي

وانسلخت من حزب الأهلاوية

بس ان شاء الله يفوز ويشرف مصر يا ولاد .

بتكره الاهلي ليه يا ابو الكباتن

ولا انت نويت يجيلك الضغط والسكر (بعد الشر)

وتشجع الزمالك :unsure: bxg::

لا يا سيدي زمالك ايه بعيد الشر :happy:

بس انا كرهت احتكار الاهلي للبطولات المصرية وقتله لحلاوة المنافسة

بص كدا المقال دا وانت تفهمني

http://www.filgoal.com/Arabic/News.asp?NewsID=49811

طبعا سيطرته الافريقية تسعدني لانها شرف لمصر

وكمان كتير كان الاهلي بيفوز بسبب الحكام وضربات الجزاء الشرم برم والوقت بدل الضايع المفتوح

وكمان مش بحب النفاق بتاع مجلس ادارة الاهلي

يقولولك نادي المبادئ والقيم

وهما ابعد ما يكون عن الشرف والنزاهة

وشغل خطف اللاعبين من الاندية الاخرى

واستغلال ثغرات في العقود لخطف اللاعبين

وجوزيه يجيب 40 نجم ويحنطهم جمبه

يعني تحس انه بيستهلك امكانيات كبيرة جدا وبيقتل لاعبين كتير في سبيل مزاجه في تحنيط اللاعبين جمبه

واللي عاوز يحترف بيقفوا له بالمرصاد يعني يهمهم مصلحة النادي و مش مهم رغبة اللاعب

ابوتريكة كان عاوز يحترف وغيره

هتقوللي محمد شوقي وعماد ايوة بس دي حالات بسيطة مقارنة بلاعبي الاهلي راغبي الاحتراف

وعصام الحضري ادى عمره للاهلي ولما حب يمشي مسكوه بالعافية لحد ما الواد طهق ومشي بالطريقة دي وطلعوه هو الغلطان قدام الجماهير وانه هارب

انا مكنتش اعرف اني شايل في قلبي من الاهلي كل دا :blush2: