بونديرة التاكسي

[Scorpion]

و بونديرة التاكسي اصدقائي من الجيل الجديد تعني تعريفة التاكسي و التي يتم تحديدها من خلال عداد متواجد داخل التاكسي نفسه ... نعم هناك عداد اصدقائي .. و هو هذا الصندوق الأسود الموضوع كديكور بجانب السائق و الذي غالبآ يكون عليه مفرش ملون دانتيللا .. و تخرج منه اسلاك لا تنتهي في اي مكان .. و لكنك تجدها مقطوعة و "متدلدلة" تتمايل مع مطبات الطريق .... هو مجرد ديكور مثله مثل رباط الجزمة الذي يدعي حزام الآمان و الذي يجب ان "تعمل نفسك " واضعآ اياه جيدآ دون أي أهمية اذا كان طرفه الآخر مثبت أم لا ... كله ديكور .. كله بيمثل ... السواقين بتمثل .. و الركاب بتمثل .. و عساكر المرور بتمثل ....

ما علينا دي كانت المقدمة ...

المشكلة فين بقي :

أعترف انها مشكلة شخصية ... و ان كنت أجزم ان هناك آخرين مثلي يعانون منها ....

فأنا مثلآ تراجعت نهائيآ عن فكرة السواقة في مصر ... ما ينفعش معايا .. بتجيلي حالة "اسهال" اول ما اقعد ورا الدركسيون ... فبما ان مافيش اكتر من التاكسيات في قاهرة المعز .. فانا بقضي كل مشاويري صائحآ بينهم محددآ وجهتي ....

سيبك من الحوارات اثناء المشوار نفسه .. فهي مادة دسمة لكثيرآ من المواضيع .... سيبك من ضرورة تمثيل وضع الأمان بوضع رباط الجزمة السابق ذكره .. سيبك من المقصات و الشتايم و سبق الراللي اللي بتعيش فيه ... النقطة الهامة هي آخر لقطة في الفيلم ده .. ساعة الحساب ...

العداد طبعآ زي ما قلنا مجرد ديكور و مش عارف ليه موجود لحد دلوقتي بما ان امة لا الله الا الله كلها عارفة انه مالوش اي فايدة ...

و بما اني مش عارف فعلآ لازم ادفع كام ... و علشان مش عايز ابالغ في الدفع او ابخس حق السواق فمافيش قدامي حل غير اني اسأله :

- عايز كام يا اسطي ( المشوار مثلآ كان من أحمد حلمي لسليمان باشا و ده للمقيمين في القاهرة و علي المقيمين خارجها مراعاة الفرق )

- اللي تجيبه يا باشا

يا ابن الأيه يا حريف .. الجدع رجعني لنقطة البداية

افكر شوية و اقوم مديه ورقة بعشرين جنيه .. لما حيرجعنلي الباقي حعرف التسعيرة كام

اقوم الاقيه فكهم كلهم ورق من فئة الجنيه .. و رجعلي عشرين ورقة و هو بيبتسم

الاقي نفسي زي التيس قدامه و مش عارف اعمل ايه ... فعلشان اخرج من الموقف ده اديله عشرة جنيه و من غير ما يعدهم الاقيه رمي السلام و مشي ...

انا طبعآ حاسس اني إتخميت و بمزاجي .... و لكن للي ما بيحبش المشاكل ما عندوش حل تاني غير كده ...

تتحل ازاي دي يا جماعة ....

[أسد]

تتحل ازاي دي يا جماعة ....

تلك المعضلة أنا باحلها .. بأني قبل ما اتحرك من مكاني لمكان تاني .. أو أثناء ما أكون راكب التاكسي .. أتصل بأحد أقاربي المقيمين بصورة مستمرة في مصر وأسأله .. المشوار ده أدفع فيه كام ..

دايماً بينصحوني برقمين ...

واحد لو مش عاوز أوجع دماغي .. وده إختيار سيسعد سائق التاكسي جداً .. لأنه رقم فوق العادل بشوية ..

ورقم لو مش عاجبني شك السواق . وده ممكن يدخلني في جدال مع السائق ..

يعني يقولك مثلاً (قريبي اللي بيقول) .. مش أقل من 10 جنيه .. ولو تحب .. إديله خمستاشر ..

الحقيقة غالباً باخد متوسط الرقمين ...

تلك هي المقدمة ..

المداخلة الأساسية "

مش عارف إمتى فعلاً ممكن تتحل تلك المعضلة ..

القيمة العادلة لبنديرة التاكسي سيكون في إعلانها وأقول (إعلانها) إزعاج كبير .. وصدى مرعب .. حيث أنه ستتعالى الأصوات بأنها مرتفعة جداً وغالية جداً ... ومش ممكن .. والمواطن يتحملها ازاي .. ويجيب منين ..

مع العلم أن كل الناس يدفعون نفس المبالغ حالياً في مصر .. ويمكن أكثر ..

ومع وجود تاكسي العاصمة .. والذي يتوهم الناس بأنه غالي جداً .. ولكنه غير كافي .. وإذا عايز مشوار للمطار مثلاً .. تحتاج تحجز له قبلها بأسبوع على الأقل . وده ان لقيت ..

الناس تدفع في سيارات التاكسي المدمرة والمحطمة تقريباً ما يتم دفعه لتاكسي العاصمة ذو السيارات الصفراء المكيفة ...

الموضوع يحتاج شجاعة من مسئولي الدولة في تحديد التعرفة العادلة .. للسائق والراكب ..

وهذا غير موجود ..

ويحتاج وعي من الناس لتقبل هذا السعر العادل .. وأن يعترفوا بأنهم يدفعون حالياً أكثر من السعر العادل .. والذي تخشى الدولة أن تعلنه وتقننه .. خوفاً من تذمر الناس ..

[newcomer]

الاستاذ اسد

لفت نظرى توقيع حضرتك....... دى بيتهيأ لى للشاعرة ايمان ...... معلش مش فاكرة باقى اسمها...... يمكن ايوب ؟؟؟؟؟؟

[Amr Radwan]

موضوع التاكسي ده من المواضيع اللي كانت خنقاني في مصر ..

عموما ..

انا في بعض الاحيان كنت بركب تاكسي و انا مش عارف البنديرة هتكون كام .. بستني لحد ما يوصلني و احسب الوقت و المسافة بالتقدير و اديله مبلغ اقل من اللي متوقعه عشان لو هو شايف انه قليل هيتكلم و يقولك عاوز كمان .. جنية ..

انما تعمل فيها باشا و تديه بزيادة .. بتعمل مشكلتين ..

مشكلة ليك .. لانك بتدفع اكتر من الازم .. و ده معناه انك فلوسط ضايعة علي البقشيش

المشكلة التانية لكل الركاب اللي بعدك .. لان الباشا السواق اتعود علي البنديرة بزيادة .. و دي مصيبة لانه ممكن يجي علي واحد غلبان و يطلب منه زي ما انت اديته ..

تم تعديل 3 ديسمبر 2008 بواسطة Amr Radwan

[Scorpion]

تلك المعضلة أنا باحلها .. بأني قبل ما اتحرك من مكاني لمكان تاني .. أو أثناء ما أكون راكب التاكسي .. أتصل بأحد أقاربي المقيمين بصورة مستمرة في مصر وأسأله .. المشوار ده أدفع فيه كام ..

طب ايه موقفك من السواق في الوضع ده يا ليون كينج ... يعني ازاي اتصل جنبه و اقول للي عالطرف التاني أدفع كام ... ده انا اكون في نص هدومي بين الأتنين ... صاحبي اللي بسأله و السواق اللي حيبتدي يظغرلي لحد ما نوصل و محضر نفسه عالشكل ....

لأ يا اخويا يفتح الله .. الحل ده ما ينفعنيش ....

المشكلة التانية لكل الركاب اللي بعدك .. لان الباشا السواق اتعود علي البنديرة بزيادة .. و دي مصيبة لانه ممكن يجي علي واحد غلبان و يطلب منه زي ما انت اديته ..

الأستاذ الفاضل Amr Radwan

النقطة دي هامة فعلآ ... و مثال بسيط علي حاجات بتحصل في حياتنا .... أتذكر عندما كنت أغضب من السياح و امنعهم من اعطاء أقلام البيج الي الأطفال المتحلقين حولهم ... لأن هؤلاء الأطفال سيتعودون منذ صغرهم علي الحصول علي شيء لا يعطون اي مقابل امامه ... و لم يجتهدوا في الحصول عليه فيترسب داخلهم مبدأ التواكل علي الغير ... اتذكر الغضب عندما يتم رفع سعر الشقق أو ايجاراتها مع توافد الضيوف العرب علي مصر مما جعل الحصول عليها من جانب المصريين أنفسهم ضرب من الخيال .. و ها نحن أمام مثال مصغر جدآ لنفس الأمر .... بالنسبة لبعض المغتربين .. طالت الفترة او قصرت فسوف يرجعون مرة أخري ... لكنهم سيتركوا ورائهم حزمة اسعارجديدة ... اسعار مبالغ فيها و ليست حقيقية ...

فمن يصون حقوق الجميع في ظل انعدام الضمير .... من يصون حق المستهلك في دفع السعر العادل الذي لا يظلم الراكب و لا السائق ...

ازاااااااي نحدد البونديرة ؟؟؟؟

[النجم الثاقب]

الفاضل سكوربيون .. تحية طيبة

تلك المعضلة أنا باحلها .. بأني قبل ما اتحرك من مكاني لمكان تاني .. أو أثناء ما أكون راكب التاكسي .. أتصل بأحد أقاربي المقيمين بصورة مستمرة في مصر وأسأله .. المشوار ده أدفع فيه كام ..

طب ايه موقفك من السواق في الوضع ده يا ليون كينج ... يعني ازاي اتصل جنبه و اقول للي عالطرف التاني أدفع كام ... ده انا اكون في نص هدومي بين الأتنين ... صاحبي اللي بسأله و السواق اللي حيبتدي يظغرلي لحد ما نوصل و محضر نفسه عالشكل ....

لأ يا اخويا يفتح الله .. الحل ده ما ينفعنيش ....

حضرتك ممكن تتصل بالشخص المعرفة قبل ما تنزل من البيت .. أعتقد كده هيبقى افضل .

لكن لو مفيش حد معرفة ممكن يحددلك قيمة المشوار ، يبقى حضرتك لازم تسأل السواق هتاخد كام قبل ما تركب ( تقاوله يعنى ) اذا قالك اى حاجه يا بيه ، قله لا معلش اللى أوله شرط آخر نور .. هو هيديك رقم و بيبقى غالبا ازيد من الرقم اللى المفروض يتدفع بشوية .. يعنى لو قالك 20 جنيه ، غالبا ممكن تدفع 15 فيما فوق .. قس على ذلك .. الكلام ده من واقع تجربتى الشخصية .. بالإضافة إنى بحاول اخمن قيمة البنديرة قياسا على مشوار تانى ( اطول او اقصر ) ممكن اكون ركبت فيه تاكسى قبل كده .

تقبل تقديرى

مبروك على المداخلة الـ 3000 :)

[احمد عمرو]

فعلا دى مشكلة كبيرة جدا ..دى وصلت دلوقتى ان اغلبية السواقين مهما تديهم يطلبوا أكتر

[Falcon Crest]

الفاضل سكوربيون .. تحية طيبة

تلك المعضلة أنا باحلها .. بأني قبل ما اتحرك من مكاني لمكان تاني .. أو أثناء ما أكون راكب التاكسي .. أتصل بأحد أقاربي المقيمين بصورة مستمرة في مصر وأسأله .. المشوار ده أدفع فيه كام ..

طب ايه موقفك من السواق في الوضع ده يا ليون كينج ... يعني ازاي اتصل جنبه و اقول للي عالطرف التاني أدفع كام ... ده انا اكون في نص هدومي بين الأتنين ... صاحبي اللي بسأله و السواق اللي حيبتدي يظغرلي لحد ما نوصل و محضر نفسه عالشكل ....

لأ يا اخويا يفتح الله .. الحل ده ما ينفعنيش ....

حضرتك ممكن تتصل بالشخص المعرفة قبل ما تنزل من البيت .. أعتقد كده هيبقى افضل .

لكن لو مفيش حد معرفة ممكن يحددلك قيمة المشوار ، يبقى حضرتك لازم تسأل السواق هتاخد كام قبل ما تركب ( تقاوله يعنى ) اذا قالك اى حاجه يا بيه ، قله لا معلش اللى أوله شرط آخر نور .. هو هيديك رقم و بيبقى غالبا ازيد من الرقم اللى المفروض يتدفع بشوية .. يعنى لو قالك 20 جنيه ، غالبا ممكن تدفع 15 فيما فوق .. قس على ذلك .. الكلام ده من واقع تجربتى الشخصية .. بالإضافة إنى بحاول اخمن قيمة البنديرة قياسا على مشوار تانى ( اطول او اقصر ) ممكن اكون ركبت فيه تاكسى قبل كده .

انا عن نفسي بجيب تاكسي بالساعه لما برجع مصر لاني بجمع مشاويري كلها في يوم واحد او اتنين و غالبا الساعه ب 15 جنيه سوا ماشي او واقف و بريح دماغي

[ابو محمود]

طيب انتو لما بتنزلو مصر بتعملو او بتتعاملو هكذا اهل المحروسة بقى يعملو اية ؟

انا عندى عربية وبالحساب كدة التاكسى ارخص لان كل مشاويرى داخل وسط القاهرة بمعنى انى هركن فين الساعة على الرصيف ب5ج ناهيك شركات النصب بتاعة لوءات الشرطة والجيش اللى على المعاش وعاملين لهم سبوبة فى ارصفة وسط البلد والكروت بتاعتهم مظروبة تشترى الكارت ابو عشرة ب5ج ويادوب تدخلة داخل العداد يتسحب ويبقى زيرو المهم التاكسى ارحم بس هناك سؤال لماذا تترك الدولة متمثلة فى ادارة المرور المواطن والسائق يحلوها بينهم وبين بعض اليس فى هذا مغزى بمعنى ان السواق من رعايا الدولة والراكب من نفس الرعايا طب ما هو كدة تبقى محلولة يتم عمل تسعيرة تحفظ العلاقة بين السائق والمواطن انما علشان مصر تفضل فى مشاكل زى موضوع الفتنة الطائفية لابد ان نترك حرية للسائق وحرية للمواطن يعنى اللى يكون قوى هو اللى يكسب زى الاغلبية والمعارضة زى اى حاجة موجودة فى عصر النهضة الحالى اللى يقدر يفعل لوكنت مؤدب متخرجش من بيتك الغريب بقى يا أصدقائى مش التاكسى الغريب ان كل اسواق مصر ليس بها اماكن للركن (باركينج ) وانا على علم ان معظم جراجات وسط البلد فارغة لان شعبنا العظيم غالبيته لا يريد ان يركن فى جراج انما فى الازقة والشوارع الجانبية ودى قصة تانية او حكاية شعب مبيحبش يدفع

[doha]

عادي بتحط في الموقف ده كتير لاني مش من سكان القاهرة ومن سنين طويلة بضطر اسافر احيانا وكل تنقلاتي فيها بالتاكسي ولاني مش عارفه الاسعار فدائما لما اكون رايحه مكان بروح لاقرب كشك سجاير جنبي واسأله انا عاوزه اروح الشارع الفلاني اركب منين وادفع كام تقريبا .. لان احيانا بتكون واقف في اتجاه معين ولو قطعت الشارع ورحت الاتجاه المعاكس تدفع اقل بكتير لان انتم عارفين شوارع مصر غالبا اتجاه واحد وعشان تلف من مكان لمكان ممكن يقطع بيك التاكسي مسافة طويلة جدا بس عشان يغير اتجاهه فدائما بسال على السعر والاتجاه الي رايحاه يمين ولا شمال ..

باخذ المبلغ الي بيقوله لي بتاع الكشك وغالبا بيكون عادل جدا لان الي زي دول مبيركبوش تكسيات عاده فبيديني اقل سعر ممكن لان الجنيه عنده بيفرق .. اسكت انا؟ لاه بروح امشي خطوتين بعيد شويه عن بتاع الكشك عشان ميشوفنيش ويزعل واسال اي حد تاني واقف على الرصيف من هنا للمكان الفلاني بكام .. ده غير اصلا اني لما بكون راكبه السوبر جيت ورايحه القاهرة بسال السائق اصلا الحته الفلانيه دي اقرب طريق لها اروحه ازاي واركب ميترو ولا تاكسي افضل ..

لو انا رايحه مشوارين ورا بعض وهركب تاكسيين مثلا بسال التاكسي الي انا راكبه معاه وبعد مااكون اتفقت معاه خلاص على سعر مشوارنا واقوله لو مشوار من الحته الفلانيه للمكان العلاني يكلف كام تقريبا وهو غالبا بيديلك سعرين تدفع مابينهم .

واخيرا لو انا بروح مشوار معين كتير وعارفه ومتاكده من سعره بس عادة التكسيات بتستهبل فيه مثلا مشوار القنصلية الي في جاردن ستي زمان كنا بندفع للتاكسي من عبد المنعم رياض للقنصلية اثنين جنيه .. والدي لما كان بيروح كان بيدفع من خمسة لسبعه جنيه .. مهم عارفين ان مشوار القنصلية ده معناته حد جاي من برا ففلوسه حلال .. لما يكون مشوار زي كده له سعر معلن وهو الخمسة جنيه برغم ان سعره الحقيقي اثنين بروح على طول لما اوقف التاكسي اقوله القنصلية في جاردن ستي ؟ ولما يقولي ايوه اقوله ( بحزم ) اثنين جنيه .. ولو اعترض اقوله انا دائما بروح بالسعر ده خلاص بيوافق على طول .. لكن لو قلت له تاخذ كام هيقولك السعر المضروب ..

وعلى فكره نفس الطريقة دي بستخدمها مع الليموزينات في السعوديه برضه تسأل على المكان هيحتاج قد ايه فلوس و( تفرض ) رايك على السائق بحزم هيوافق ..

[احمد عمرو]

عادي بتحط في الموقف ده كتير لاني مش من سكان القاهرة ومن سنين طويلة بضطر اسافر احيانا وكل تنقلاتي فيها بالتاكسي ولاني مش عارفه الاسعار فدائما لما اكون رايحه مكان بروح لاقرب كشك سجاير جنبي واسأله انا عاوزه اروح الشارع الفلاني اركب منين وادفع كام تقريبا .. لان احيانا بتكون واقف في اتجاه معين ولو قطعت الشارع ورحت الاتجاه المعاكس تدفع اقل بكتير لان انتم عارفين شوارع مصر غالبا اتجاه واحد وعشان تلف من مكان لمكان ممكن يقطع بيك التاكسي مسافة طويلة جدا بس عشان يغير اتجاهه فدائما بسال على السعر والاتجاه الي رايحاه يمين ولا شمال ..

باخذ المبلغ الي بيقوله لي بتاع الكشك وغالبا بيكون عادل جدا لان الي زي دول مبيركبوش تكسيات عاده فبيديني اقل سعر ممكن لان الجنيه عنده بيفرق .. اسكت انا؟ لاه بروح امشي خطوتين بعيد شويه عن بتاع الكشك عشان ميشوفنيش ويزعل واسال اي حد تاني واقف على الرصيف من هنا للمكان الفلاني بكام .. ده غير اصلا اني لما بكون راكبه السوبر جيت ورايحه القاهرة بسال السائق اصلا الحته الفلانيه دي اقرب طريق لها اروحه ازاي واركب ميترو ولا تاكسي افضل ..

لو انا رايحه مشوارين ورا بعض وهركب تاكسيين مثلا بسال التاكسي الي انا راكبه معاه وبعد مااكون اتفقت معاه خلاص على سعر مشوارنا واقوله لو مشوار من الحته الفلانيه للمكان العلاني يكلف كام تقريبا وهو غالبا بيديلك سعرين تدفع مابينهم .

واخيرا لو انا بروح مشوار معين كتير وعارفه ومتاكده من سعره بس عادة التكسيات بتستهبل فيه مثلا مشوار القنصلية الي في جاردن ستي زمان كنا بندفع للتاكسي من عبد المنعم رياض للقنصلية اثنين جنيه .. والدي لما كان بيروح كان بيدفع من خمسة لسبعه جنيه .. مهم عارفين ان مشوار القنصلية ده معناته حد جاي من برا ففلوسه حلال .. لما يكون مشوار زي كده له سعر معلن وهو الخمسة جنيه برغم ان سعره الحقيقي اثنين بروح على طول لما اوقف التاكسي اقوله القنصلية في جاردن ستي ؟ ولما يقولي ايوه اقوله ( بحزم ) اثنين جنيه .. ولو اعترض اقوله انا دائما بروح بالسعر ده خلاص بيوافق على طول .. لكن لو قلت له تاخذ كام هيقولك السعر المضروب ..

وعلى فكره نفس الطريقة دي بستخدمها مع الليموزينات في السعوديه برضه تسأل على المكان هيحتاج قد ايه فلوس و( تفرض ) رايك على السائق بحزم هيوافق ..

تفكير جيد جدا...

بمناسبة انك لما تقولى أماكن زى القنصليات و السفارات و أماكن الترفيه السواق يطلب منك زيادة علشان شايف نا فلوسك حلال انا عن نفسى بقول اسم الشارع و انزل قبل المكان بشوية صغيرين و اديله الفلوس الصح و بعد كده اتمشى دقيقة و اوصل المكان اللى انا عايزه

[احمد عمرو]

دلوفتى مهما اديت للتاكسى بيبقى عايز زيادة.....

فانت لو مش فارقة معاك الفلوس و مش عايز وجع دماغ اديله مبلغ كويس..

اما لو عايز تدفع السعر الصح.. اديله اتفق معاه قبل ما تركب خصوصا فى المشاوير الطويلة.. أو فى المشاوير القصيرة اديله اقل بجنيه و لا 2 جنيه و لما يتخانق معاك اديله الفرق..

[mandoo]

النقطة الهامة هي آخر لقطة في الفيلم ده .. ساعة الحساب ...

العداد طبعآ زي ما قلنا مجرد ديكور و مش عارف ليه موجود لحد دلوقتي بما ان امة لا الله الا الله كلها عارفة انه مالوش اي فايدة ...

و بما اني مش عارف فعلآ لازم ادفع كام ... و علشان مش عايز ابالغ في الدفع او ابخس حق السواق فمافيش قدامي حل غير اني اسأله :

- عايز كام يا اسطي ( المشوار مثلآ كان من أحمد حلمي لسليمان باشا و ده للمقيمين في القاهرة و علي المقيمين خارجها مراعاة الفرق )

- اللي تجيبه يا باشا

يا ابن الأيه يا حريف .. الجدع رجعني لنقطة البداية

افكر شوية و اقوم مديه ورقة بعشرين جنيه .. لما حيرجعنلي الباقي حعرف التسعيرة كام

اقوم الاقيه فكهم كلهم ورق من فئة الجنيه .. و رجعلي عشرين ورقة و هو بيبتسم

الاقي نفسي زي التيس قدامه و مش عارف اعمل ايه ... فعلشان اخرج من الموقف ده اديله عشرة جنيه و من غير ما يعدهم الاقيه رمي السلام و مشي ...

انا طبعآ حاسس اني إتخميت و بمزاجي .... و لكن للي ما بيحبش المشاكل ما عندوش حل تاني غير كده ...

تتحل ازاي دي يا جماعة ....

السيد / سكوربيون المحترم

لا اله إلا الله ، أعتقد أن العلاقة بين سائق التاكسى والتاكسى هى الدجاجة التى تبيض لصاحبها بيضة دهب مع كل زبون ولكن لانظلم سائقى التاكسى فهو مجبر على ذلك لأنه لايوجد رقيب ولاحسيب على تعاملاتنا الإنسانية اليومية وكل منا شغلته الحياه وأصبح همه الأكبر كيف يجمع قوت يومه فى أقل وقت ممكن ولكن أظن أن الجهات الرقابية لو أرادت أن يكون هناك تنظيم ما ورقابه صارمة على التاكسى لفعلت ولكن قبل أن نبدأ فى تطبيق القانون علينا أن نوفر لهم سبل الراحة وتتمثل فى طرق ممهده خالية من أى بالوعات عالية عن مستوى سطح الأرض وكذلك مطبات عميقة عن مستوى سطح الأرض ناهيك عن المطبات الصناعية والمصيبة الأكبر الضرائب والتأمين على السيارة اللى مالهوش أى فائدة للطرفين ( ترتيب الأوراق يحتاج إلى ذمة وضمير ورحمة ) وأعطى لسعادتك مثال بسيط هنا فى السعودية يوجد كم هائل من الليموزين وشركات كثيرة منها من يعمل بأيصال موضح به السعر والمنطقة يعنى مثلا من المطار الى العليا بمبلغ 55 ريال وبعدين سعادتك بتدفع المبلغ المطلوب للمحاسب وليس للسائق ويوجد أيضا ليموزين شركات أهلية وأغلب سائقيها بنغالة وباكستانيين وقبل ماتركب بتسأل عن السعر رغم وجود العداد لكن ماحدش بيستخدمه المهم ياسيدى الفاضل المملكة موفره كل سبل الراحة لهم لكن المخطئ بياخد على دماغه يعنى فى مصر لو سعادتك عملت حادثة بالسيارة ممكن تقعد يوم لحد ما حد يعبرك لكن هنا فى المملكة فى ثوانى تلاقى سيارة المرور وصلتك وأول شئ بقوله لك سلامات هل توجد إصابات وبكل ذوق وحتى وإن كنت مخطئ ينتهى الموضوع فى أقل من دقائق لأن التأمين هنا إجبارى ويحمى الطرفين ، لماذا لانتعلم من السعودية ؟ ونبدأ من حيث إنتهى الآخرون

[Salwa]

اولا..

اسمح لى ياسكوربيو ارد على نيوقمر ...

هى تسأل ..الاستاذ/ اسد.

الاستاذ اسد

لفت نظرى توقيع حضرتك....... دى بيتهيأ لى للشاعرة ايمان ...... معلش مش فاكرة باقى اسمها...... يمكن ايوب ؟؟؟؟؟؟

وانا اسمح لنفسى بالرد بدلا من الاستاذ/ اسد.

لاياعزيزتى ..

هذه الكلمات للرائع عبد الرحمن الشرقاوى فى رائعته....الحسين ثائرا.

----------------------------.

و...

بالنسبة لبونديرة التاكسى ...(( ولو انى اكتب المداخلة بعد اربع شهور وشوية ..))..

بصراحة يعنى ...

فى الاسكندرية حدث ولاحرج .....

يعنى تركب التاكسى ولما تسأل السواق ....عاوز كام؟؟ يرد بكل خجل ...(( اللى تدفعيه حضرتك ))...!!!!!

والا لو عطيته مبلغ خمسين او عشرين....!!!!....يفك الفلوس جنيهات ( كلها ) ..وبرضه يقول ....اللى تدفعيه حضرتك ..!!!

وبصراحة ايضا ...

بعد مافوجئت انى (( بدون ما اشعر )) بدفع مبلغ وقدره ...

قررت انى اريح دماغى واتصل ب...تاكسى العاصمة .

ده بقى اجمل اختراع بالنسبة (( للحريم اللى بيتحركوا لوحدهم بدون اى شخص مرافق )) ...

يعنى لو حسبناها حانلاقيها هى هى ....ماشى هى زيادة شوية ..

لكن؟؟

فيه امان..

ومعروف احنا راكبين السيارة مع مين ..؟؟

خصوصا بعد التحذيرات اللى سمعتها وان فيه سواقين بيبقوا مدمنين ..!!

ربنا يستر ..

سلام..

[سهل جدا]

مشكلة البنونديرة من اصعب المشكلات

لا يمكن أن تجد طريقة عادلة تماما في مدينة مثل القاهرة المزدحمة

يعني مثلا مش هاينفع نحسبها بالكيلو متر لأن ممكن ال 10 كيلو متر مثلا اللي التاكسي يقطعها في 10 دقائق , لو هايروح مكان تاني ممكن ياخذ ساعة ولا ساعتين على حسب الزحمة

ولو قلت نحسبها بالوقت برده مش هاينفع , لأن ممكن مشوار ياخد نصف ساعة بس الطريق يكون ممهد ومتسفلت وآخر حلاوة

بينما مشوار تاني يستغرق نفس الوقت لكن الطريق كله مطبات .. وطبعا ده بيأثر على العمر الافتراضي للسيارة ..

الموضوع فعلا معقد ...

الحل الوحيد حاليا من وجهة نظري هو الاتفاق مع السائق قبل ما يروح المشوار

وبكده تريح دماغك وتريح السواق وتريحنا احنا كمان :wub:

[احمد عمرو]

مشكلة البنونديرة من اصعب المشكلات

لا يمكن أن تجد طريقة عادلة تماما في مدينة مثل القاهرة المزدحمة

يعني مثلا مش هاينفع نحسبها بالكيلو متر لأن ممكن ال 10 كيلو متر مثلا اللي التاكسي يقطعها في 10 دقائق , لو هايروح مكان تاني ممكن ياخذ ساعة ولا ساعتين على حسب الزحمة

ولو قلت نحسبها بالوقت برده مش هاينفع , لأن ممكن مشوار ياخد نصف ساعة بس الطريق يكون ممهد ومتسفلت وآخر حلاوة

بينما مشوار تاني يستغرق نفس الوقت لكن الطريق كله مطبات .. وطبعا ده بيأثر على العمر الافتراضي للسيارة ..

الموضوع فعلا معقد ...

الحل الوحيد حاليا من وجهة نظري هو الاتفاق مع السائق قبل ما يروح المشوار

وبكده تريح دماغك وتريح السواق وتريحنا احنا كمان :sad:

اتفق تماما معك