آخر أخبار نظام البصمة فى السعودية

[wayfarerr]

بعد اذن السادة المشرفين وخصوصا الاخ الكريم سين سين

انا كنت شاركت في موضوع الرجوع على تاشيرة جديدة والبصمة وكدة

دالوقتي انا باكلمكم من السعودية انا بصمت قبل كده وانا خارج من السعودية بتاشيرة عودة

يا جماعه الخلاصة اللي خرج من السعودية وبصم يدخل تاني عاااادي جدا بس اهم حاجه مايكونش مترحل

انا جيت دخلت هنا من مطار المدينة المنورة سألني انت كنت موجود في السعودية قبل كده قولت ايوه قالي بصمت قالي ايوة

ولما بصمني طبعا شاف صورتي القديم قعد بقه يهزر معايا ويقولي انت شكلك احلويت ومش عارف ايه

وفي النهاية قالي حمدالله على السلامه

يعني من الاخر اللي بصم وهو خارج يدخل تاني بس مايكونش اترحل قبل كده

[se_ Elsyed]

حمد الله علاسلامة وربا يوفقك

بس عايزين توضيحين منك :

1- هل كانت التأشيرة سارية ولا أنتهت ؟

2- إقامتك كانت سارية ولا إنتهت ؟

3- هل غيرت الجواز القديم اللي عليها تاشيرة الخروج والعودة ؟

4- هل عُدت لنفس المنطقة اللي كان فها كفيلك السابق ؟

أٌقفل المحضر في ساعته وتاريخة

س س الدرمللي .. رئيس نيابة عابدين

[hgalal]

سلامو عليكم استاذ ًwayfare

ممكن توضح يعني اه خرجت بتأشيرة عودة؟ تقصد خروج وعودة ولا تأشيرة خروج نهائي؟

[eng hoss]

حمد الله علاسلامة وربا يوفقك

بس عايزين توضيحين منك :

1- هل كانت التأشيرة سارية ولا أنتهت ؟

2- إقامتك كانت سارية ولا إنتهت ؟

3- هل غيرت الجواز القديم اللي عليها تاشيرة الخروج والعودة ؟

4- هل عُدت لنفس المنطقة اللي كان فها كفيلك السابق ؟

أٌقفل المحضر في ساعته وتاريخة

س س الدرمللي .. رئيس نيابة عابدين

فى أنتظار أجابة هذه الأسئله الهامه

والا سيكون الحبس والجلد مصيرك

h h .. جلاد نيابة عابدين

[wayfarerr]

بالراحة عليا يا جدعان

والله يومين ما نمت قبل ما ادخل المملكة

بس نمت من امبارح الساعه واحدة يعني بعد ما وصلت ب5 ساعات لحااااااااااااااااد الساعة 11 الصبح

الحمد لله

الله يسلمك يا سين سين

الاجابات:-

التاشيرة القديمة انتهت من حوالي سنة

الجواز غيرته بجواز جديد ومهنة جديدة ورقم جديد بس انا اول ما بصمت طبعا كانوا جايبين تاريخي وماضيا الابيض في المملكة

بالنسبة لكفيلي الاول الله ي......................ز يلا ما علينا

انا كنت في اقصى الشمال ولدلوقتي انا في المدينة المنورة

انا كنت خارج من المملكة بتاشيرة عودة وبصمت

والحمد لله الموضوع عادي يا جماعه طالما انك غير مترحل

بالمناسبة يا رجالة

انا جاي على فيزا حرة في المدينة

شوفوا بقة الرزالة:........

ماحدش موجود هنا في المدينة يساعدني في الحصول على شغل

انا خريج تربية انجليزي بتقدير مبلول بلا فخر (مقبول) وماعنديش خبرة في التدريس

معايا رخصة مصرية وسعودية ساريتان المفعولااااان

عندي خبرة طويييييييييلة بالكمبيوتر(صيانه) وشوية شبكات على ماقسم والسكرتارية

ونسيت اقول كمان معايا الايزي إل ( الاي سي دي ال )

عااااااارف لكاك وكلامي كتير

[abo_sameer]

معلومه خاصه لمنتدي المحوارات المصريين ( سر بيني وبيكم )

لو كنتو سالتوني من الاول كنت عرفتكم بالتفاصيل

تطبيق البصمه في السعوديه يتم من قبل وزاره الداخليه . ودا مالوش اي علاقه بعقد العمل والتاشيره اطلااااااااقا

حسب معلوماتي الموثقه والاكيده طبعا ( والسريه )( ان البصمه امنيه فقط _ بمعني ما لهاش علاقه بالعمل _ لو حصل لك حاجه او عايز تترحل ونت مبصم . لازم تراجع كفيلك . او يتاكد انك مش مطلوب امنيا لاي في اي قضيه

زي اخونا الي بجيزان مش عارف باع ايه وهرب من السعوديه لليمن واتسجن باليمن ست سنوات ونقل للسعوديه قصه طويله

[wasseif]

انا مفهمتش بعد اذنك انت كنت خارج يعني بفيزا خروج وعودة وضربتها يعني؟وازاي يعني التاشيرة بتاعتك منتهية ليها سنة؟وعايز اعرف انت سافرت امتى ومن اي منفذ؟

سامحنا تقلنا عليك

[سكر]

الجواز غيرته بجواز جديد ومهنة جديدة ورقم جديد بس انا اول ما بصمت طبعا كانوا جايبين تاريخي وماضيا الابيض في المملكة

انا بعت قبل كدة وقلت غير الجواز تبقى شخص جديد لانج على النظام حتى البصمة لا تضر فى شى ولكن ذلك هيكون لفترة موقته

مدام الكفيل الاول مبلغش عليك ودة مش هتعرفها غير فى المطار

غيرت الجواز خلاص السفارة فى مصر متعرفش انت دخلت قبل كدة ولا لا

لكن يا حلو لو الجواز متغيرش السفارة كانت رفضت التاشيرة لان مازل هناك تاشيرة عليها وهترفض تاشيرة على تاشيرة

معايا رخصة مصرية وسعودية ساريتان المفعولااااان

لو الرخصة السعودية كانت على الاقامة القديمة

انصحك تكون حريص فى التعمل معها لان

رقم رخصة القيادة هو رقم الاقامة القديمة

وانت اكيد الان معك اقامة جديدة برقم جديد

يبقى لازم رقم الرخصة هو الرقم الجديد بالاقامة

[الحيران]

السلام عليكم الى الاخ صاحب الموضوع حمد لله على وصولك بالسلامه ولكنى اعرض عليك حالتى وعلى حسب خبرتك ومرورك بالواقع بالموضوع ده تدلنى

انا جددت الاقامة سنتين مع ملاحظة انى عملتها بدون بصمة ان شاء الله هنزل مصر خروج وعوده لان الكفيل لايعطى نهائى هنزل فى شهر يونيو 2009 يعنى يبقى فى الاقامة باقى حوالى سنه ونصف وانا هنزل 6 شهور فهل بنفع ارجع تانى بعد وجودى فى مصر شهرين بس يعنى يبقى موجود وقت فى الاقامة والتاشيرة كمان علما بانى سوف اغير الجواز وانى ارجع على مكان بعيد جدا عن الكفيل القديم انا كده الحمد لله مابصمتش هل وانا بعمل خروج الجوازات تطلب منى البصمة على اساس انى معملتش بصمة فى التجديد ولا البصمة عند التجديد بس وهل لو بصمت ينفع ارجع تانى ولا هى برضو امنية بس بغض النظر انا طبعا عايز ارجع فى الفترة دى اللى هى خلال سريان الاجازة عشان الكفيل مايلحق يبلغ عنى ارجو الرد اخوتى فى الله علما بانى لم ابصم واقامتى سنتين وسوف ارجع قبل انتهاء الاجازة على تاشيرة جديدة وشكرا لكم كتير وعساى اكون متقلتش عليكم

[wasseif]

الاخ ataameer انت قلت

انا بعت قبل كدة وقلت غير الجواز تبقى شخص جديد لانج على النظام حتى البصمة لا تضر فى شى ولكن ذلك هيكون لفترة موقته

مدام الكفيل الاول مبلغش عليك ودة مش هتعرفها غير فى المطار

يعني انا عايز اعرف لو عندك فكرة هل لو خرجت بخروج نهائي وعملت البصمة وانا خارج وحبيت ارجع خلال فترة السنة اللي هي الحرمان؟ممكن اكتشف في المطار هنا في السعودية ان الكفيل مبلغ عني وممنوع من الدخول ؟ولا دا بس خلال فترة الخروج والعودة؟

وسؤال تاني

هل لو انا حبيت ارجع خلال فترة السنة دي لازم اغير الجواز لان السفارة ممكن تطلب مني خطال المنع؟ولا خلاص مش حتطلبه؟

وسؤال اخر معلش تقلت عليك لما الشخص يغير الجواز والمهنة زي اللاخ صاحب الموضع وهو باصم ويدخل على انه شخص جديد ميعتبروش دا تزوير ويعملوله مشكلة

الرجو من الجميع المشاركة في الرد

وجزاكم الله خير

[se_ Elsyed]

الله يسلمك يا سين سين

الاجابات:-

التاشيرة القديمة انتهت من حوالي سنة

ده اللي قصدته لما سألتك في المحضر ..

إذاً حالتك مختلفة تماماً يا ريس .. لغني لحد دلوقت ما شوفتش حد راح وإقامته وتأشيرته كانت سارية ورجع أثناء ذلك زز وهنا الخطورة على ما أعتقد

يعني انا عايز اعرف لو عندك فكرة هل لو خرجت بخروج نهائي وعملت البصمة وانا خارج وحبيت ارجع خلال فترة السنة اللي هي الحرمان؟ممكن اكتشف في المطار

لأ ما فيش أي مشاكل بإذن الله بس غير الجواز وأرجع .. وما عدش لا في فترة حرمان ولا سمان

[wayfarerr]

ايه يا جدعان

لما كتبت الموضوع كان فيه تفاعل قوي

وردود

وردود على الردود

ولما طلبت طلب

ولا كأن حد قرا الموضوع ولا شاف حاجه

طيب فيه حد هنا في المدينة طيب؟؟؟

[الحيران]

السلام عليكم اخوتى هل فى جديد فى هذا الموضوع ان اللى معه خروج وعوده ممكن يرجع تانى والاقامة القديمه ساريه وكمان مدة الاجازة برضه سارية وهل ينفع فى حالة انه بصم ولا فى حالة انه معملش البصمة بالله افيدونى بالله افيدونى بالله افيدونى بالله افيدونى بالله افيدونى بالله افيدونى بالله افيدونى بالله افيدونى بالله افيدونى بالله افيدونى وكلمن عنده ولو معلومة صادقة يضيفها عسى ان ننتفع بها وجزاكم الله خيرا

[amrkhaled]

السلام عليكم ورحمة الله وبركاتة

اخوانى واخواتى اعضاء المنتدى الكرام

نظرا لاهمية هذا الموضوع فى الحياة المادية والشخصية والاسرية للمصريين فى السعودية

اجد انة من الضرورى ان نفتح هذا الموضوع مرارا وتكرارا حتى نتبين المعلومات الحديثة عنة

وبعد بحث وسؤال وجدت ان المحاور التى دائما يسأل عنها الاخوان بما فيهم انا طبعا هى

1- فى حالة القدوم بفيزا جديدة مع انهاء التأشيرة الاولى ( خروج وعودة + تم اخذ البصمة )

2- فى حالة القدوم بفيزا جديدة مع انهاء التأشيرة الاولى ( نهائى + تم أخذ البصمة )

3- هل تتطلب الجوازات السعودية عند القدوم ( اخلاء طرف - عدم ممانعة )

4- هل تتطلب القنصلية فى مصر ( شهادة تحركات تتبين منها هل سافر سابقا للسعودية )

* مع ملاحظة ان المغادرة سواء نهائى او خروج وعودة هو خروج عادى وليس بمشاكل

ارجوا منكم اخوتى واخواتى ان يكون الرد بمعلومات صحيحة وحديثة حيث ان تلك المعلومات

ستساهم بشكل كبير فى اتخاذ البعض منا قرارات مصيرية تخص مستقبلة ومستقبل اسرتة

والسلام عليكم ورحمة الله وبركاتة

[iloveegypt]

سمعنا فى العمل عندنا من بعض الموظفين بالجوازات ان هناك نية لتطبيق نظام البصمة والخروج نهائى يكون هناك حرمان لمدة خمس سنوات من الحكومة السعودية تمهيدا لا لغاء الكفالة (على حد كلام الموظف زى الامارات) بالمناسبة انا ولا اعرف قوانين الممكلة ولا حتى الامارت لو حد عنده فكرة عن الموضوع يار يت يقوله

وجارى التأكد من الموضوع عن طريق بعض الموظفين الموثوق بهم فى الجوازات وفى حالى معرفة اى جديد

سو ف اكتبه فورا ان شاء الله

وبالتوفيق للجميع

[se_ Elsyed]

سمعنا فى العمل عندنا من بعض الموظفين بالجوازات ان هناك نية لتطبيق نظام البصمة والخروج نهائى يكون هناك حرمان لمدة خمس سنوات من الحكومة السعودية تمهيدا لا لغاء الكفالة (على حد كلام الموظف زى الامارات) بالمناسبة انا ولا اعرف قوانين الممكلة ولا حتى الامارت لو حد عنده فكرة عن الموضوع يار يت يقوله

وجارى التأكد من الموضوع عن طريق بعض الموظفين الموثوق بهم فى الجوازات وفى حالى معرفة اى جديد

سو ف اكتبه فورا ان شاء الله

وبالتوفيق للجميع

كل دي اشاعات مغرضة ولا اساس لها من الصحة

كما اوضحنا ان موضوع البصمة هو موضوع امني بحت كان السبب منه هو قيام بعض معدومي الضمير من العمالة المتخلفة بالقيام باعمال ضد القانون وخصوصاً السرقات .. وبعدين يقوموا مقطعين جوازات سفرهم ورايحين مكه يعملوا نفسهم عُمره ومتخلفين ويريدون الترحيل ونجحت مع ناس كتييييييييييييير جداً ومنهم اتنين امناء مخازن عندنا واحد هندي والتاني فلبيني وكان لهم سنوات طويلة هنا وراحوا ضربوا ضربتهم وهربانين بالرغم من جوزات سفرهم مازالت عندنا وبالرغم من اننا خاطبنا سفاراتهم.. لكن للأمانة السفارات دي بتقف مع مواطنيها حتى في الباطل وبتبقى عارفه ان اللي جاهم يستخرج وثيقة سفر ده حرامي وابن ستين ومتبلغ عنه .. لكن بيساعدوه ويهربوه خارج البلاد

وبالتالي الاشكال دي لما يعمل اراجوز دلوقت فالبصمة بتوضح سجله كله

حتى اللي ما بصمش وعمل مثل تلك الاعمال الاجرامية .. فالشرطة السعودية بقت تعمل له حاجه كده زي " الكعب الداير " في مصر .. يعني يتسجن الاول في مكه كام شهر .. ويلففوه على مناطق المملكة بيت بيت وشارع شارع عشان يشوفوا هو كان مقيم ولا لأ وايه حكايته بالظبط

وبالتالي كما قلنا ايضاً ان موضوع عدم الممانعة ومنع العودة مره اخرى خلال عامين لم يعد يُطبق وبالتالي اللي راح نهائي ممكن يرجع تاني يوم بدون مشاكل ويُستحسن بجواز جديد

لكن بالرغم ذلك مازال قانون العمل يحظر عودة العامل خلال عامين من تاريه تركه للمملكة خصوصاً لو هايرجع على نفس المجال اللي كان بييعمل به قبل ذلك منعاً لتسريب اخبار شركته القديمة

[kswra]

الله يطمنكم بس انا عايز اتأكد من حاجه انا تركت المملكة بتأشيرة ذهاب و عودة لمدة شهرين تنتهي في 17 فبراير 2009 و الاقامه سارية لحد شهر 7 هل ممكن ارجع بعد انتهاء التلأشيرة بدون اي مشاكل رغم ان الاقامة القديمة ساريه ارجو الرد للضرورة و شكرا مقدما لكل المشاركين خصوصا صاحب الموضوع

[shakerrr]

يا جماعه والى راجع قبل انتهاء التاشيره ولم يبصم من اصله وضعه ايه انا طيرتى يوم 24 هذا الشهر باقي 10 ايام افيدنى بتجربتك العمليه علما بان تاشيرتى القديمه لم تنتهى بعد وطبعا البسبور جديد وكل شىء جديد فى جديد بس اسمي الى متشابه

[shakerrr]

الحقووووووووووني يا ناس ما في وقت الى عنده معلومه لا يبخل

يا جماعه والى راجع قبل انتهاء التاشيره ولم يبصم من اصله وضعه ايه انا طيرتى يوم 24 هذا الشهر باقي 10 ايام افيدنى بتجربتك العمليه علما بان تاشيرتى القديمه لم تنتهى بعد وطبعا البسبور جديد وكل شىء جديد فى جديد بس اسمي الى متشابه له علاقه

[shagran]

الحقووووووووووني يا ناس ما في وقت الى عنده معلومه لا يبخل

يا جماعه والى راجع قبل انتهاء التاشيره ولم يبصم من اصله وضعه ايه انا طيرتى يوم 24 هذا الشهر باقي 10 ايام افيدنى بتجربتك العمليه علما بان تاشيرتى القديمه لم تنتهى بعد وطبعا البسبور جديد وكل شىء جديد فى جديد بس اسمي الى متشابه له علاقه