الأمثال الشعبية: تأثيرها السلبى و الإيجابى على المجتمع.

[الأفوكاتو]

الأمثال الشعبية: تأثيرها السلبى و الإيجابى على المجتمع.

كنت أكتب مقالا , مستعملا فيه مثلا شعبيا, عندما طرأت لى فكرة تجميع أكبر عدد ممكن من هذه الأمثلة, و محاولة قراءة الرسالة التى تتضمنها كل منها, و التى يتم نقلها للعامة عن طريق الكلمة المسموعة بسهولة أكثر من نقل الكلمة المكتوبة.

و نظرا لإرتفاع نسبة الأمية فى مصر, فإن تاثير الكلمة المسموعة يفوق كثيرا تأثير الكلمة المكتوبة, فى تكوين و تطوير المفاهيم الإجتماعية.

و عند بداية إسترجاع هذه الأمثال فى ذاكرتى, تذكرت ما كانت المرحومة والدتى تقوله لى كلما ناقشنا أمرا من أمور الحياة, فقد إعتادت أن تقول: " على رأى المثل يابنى" ثم تسرد بعض الأمثال التى تعضد بها رأيها.

و بدأت هذه المجموعة بعشرة أمثال, ثم تداعت بقيتها , و كلما تذكرت مثل, أطل آخر من ذاكرتى, الى أن قررت أن أنوقف عن التذكر لضيق المقام.

و نظرة على هذه الأمثلة توضح أن بعضها يُجسد و يشرح وضعا معينا, و بعضها ينتقد بعض هذه الأوضاع , كما أن البعض الأخر يحبذ سلوك معين قد يكون له تاثير سلبى على المجتمع.

و حيث أن لكل منا نظرة تختلف عن الآخر فى تقييم الأمور, فقد رأيت أن أسرد هذه الأمثال, و أترك للقراء مجال التعليق عليها, و تصنيفها من حيث آثارها السلبة أو الإيجابية على سلوك المواطن العادى:

المية ما تجريش فى العالى.

قليل البخت يلاقى العظم فى الكرشة

الطبع يغلب التطبع

أيش حشرك يا مملوك ........ بين الملوك

الجعان يحلم بسوق العيش

العين ما تعلاش على الحاجب

درهم حظ, ....... ولا قنطار شطارة

زى الأطرش فى الزفة

يبوظ الطبخة...... علشان بنكلة ملح

الباب اللى يجيلك منه الريح.... سده واستريح

تعمل خير, يجيلك شر..... ما تعملش خير, يجيلك الشر منين؟

يشتمنى فى زفة, .. و يصالحنى فى عطفة 0 (أو)

يضربنى فى شارع, و يصالحنى فى زقاق

من خاف سلم.........( أو)

السلامة خير من الندامة

إسعى يا عبد و أنا أسعى معاك

سيبها على الله

يا رايحيين, إتقوا شر الجايين

كل فولة ولها كيال

وشّها يقطع الخميرة من البيت

يصوم يصوم .... و يفطر على بصلة

إقلب القلة على فُمها.... تطلع البنت لأمها

لقمة هنية...... تكفى مية

إيش تعمل الماشطة فى الوش العكر

الطمع يقل ما جمع

أقرع و نزهى (أو)

عريان (.......) و غاوى تقميز

قبل الهنا.... بسنــــــــــــــا

يا بخت من كان النقيب خاله

اللى طلع البغل فوق المأذنة.... هوه اللى يقدر ينزله

ضربوا بتاع الكزبرة..... خاف بتاع الكمون

عريان سنة... إشتكى الخياط على يوم

إدى العيش لخبازه.. و لو أكل نصفه

جت الحزينة تفرح.... ما لاقيتلهاش مطرح

ديل الكلب لا ينعدل, حتى ولو علقوا فيه قالب طوب

فى الوش مراية, و فى القفا سلاية

الإيد اللى ماتقدر تقطعها..... بُوسها

لو كان لك عند الكلب حاجة....... قوله ... يا سيدى

سكتناله... دخل بحماره

قبل ما تتخطب, حضرت المأذون.... و قبل ما تحبل حضرت الكمون.... و قبل ما تولد.. سمته مأمون

بعد ما أكل واتّكة.... قال لا ده ريحته مستكة

اللى يتجوز أمنا, نقوله يا بابا

يا داخل بين البصلة و قشرتها...... ما ينوبك إلا صنتها

بعيد عن العين... بعيد عن القلب

لو دامت لغيرك.... ما جاءت لك

الحداية ما بتحدفش كتاكيت

القط يحب خناقه

حرص... حاسب.... قبل ما تناسب

ربنا خلق ناس,...... يفلق بيها ناس

من قدم السبت يلقى الحد قدامه

إتلم المتعوس على خائب الرجا

أصبر على جار السوء.... يا يرحل, يا تجيله مصيبة

القرعة تتباهى بشعر بنت أختها

مين شهد للعروسة؟ أمها و خالتها, و عشرة من ستات حارتها

إمشى فى جنازة... و لا تمشى فى جوازة

أنا و أخويا على إبن عمى,... و أنا و إبن عمى على الغريب

لو كان فيها خير... ما كان رماها الطير

أردب فى أردب. مادام كيله, لازم عليك شيله ( اللى يعمل جميل يكمله)

خيبة بالويبة...... ( الأردب = 6 ويبة.... و الويبة = 2 كيلو جرام)

اللى مالوش كبير, يشترى له كبير

قصر ديل يا أزعر

رضينا بالهم, و الهم مش راضى بينا

السلف تلف, و الرد خسارة

لسانك .. حصانك.... أن صنته, صانك, و إن خنته خانك

ما أنيل من ستى إلا سيدى

ياما فى الجراب يا حاوى

علقة تفوت, و لا حد يموت

عدو عاقل أحسن من صديق جاهل

يا بخت من نام مظلوم و ليس ظالم

الحلو ما يكملش

أول القصيدة كفر

خيبة الأمل ... راكبة جمل

كنت فاكره عنتر... طلع عبلة

جاى يكحلها... عماها

الصيت و لا الغنى

شرف البنت زى عود الكبريت, ما يولعش إلا مرة واحدة

( كان المرحوم يوسف وهبى يكرر هذه العبارة فى معظم أفلامه و مسرحياته)

هذه هى بعض الأمثال الشعبية, و سوف أترك لكم التعليق على مدى تأثيرها( فى رأيكم) على سلوك المواطن المصرى.

و تقبلوا تحياتى.

[Salwa]

البانى طالع والفاحت نازل.

اللى جوزها يقول لها ياعورة الناس تلعب بيها الكورة واللى جوزها يقول لها ياهانم الناس تقف لها على السلالم .

خدتك لواز خدتك عواز خدتك اكيد بيك العوازل كدت انا روحى .

على قد فوله ادفوله.

قليل الاصل تحتار فيه.

يامستنى السمن من بطن النمل لاحاتطبخ ولا تقللى .

الحس مسنى وابات مهنى .

الكحكة فى ايد اليتيم عجبة .

حسدوا الغجر على ظل الشجر .

اللى تحسبه موسى يطلع فرعون.

قال ياجحا عد غنمك قال واحده قايمة وواحدة نايمه.

ياواخدة القرد على ماله يروح المال ويبقى القرد على حاله .

برة وجوة فرشت لك وانت مايل ايه يعدلك .

اكنس بيتك ورشه ماتعرف مين يخشه .

يبقى نايم على صدرك وناوى على غدرك .

لاتآمنى للدكير ولو كان صغير .

اقلب القدرة على فمها تطلع البنت لامها .

القفة ام ودنين يشيلوها اتنين .

المية ماتجريش فى العالى .

اجرى ياابن آدم جرى الوحوش غير رزقك لن تحوش .

البدرية منسية .

على قد لحافك مدد رجليك.

ده اللى متغطى بيك عريان .

اللحمة النية فى بطن الشباب تستوى .

اللى على راسه بطحة يحسس عليها .

كل حلة ولها غطاها وكل فوله ولها كيال .

ربنا خلق البحر ومده وكل واحد يمشى على قده .

ياارض احفظى ماعليكى.

من جوه الله الله ومن برة يعلم الله .

قد الزبلة ومقاوح التيار .

ايش ياخد الريح من البلاط .

من برة اش اش ومن جوة اف اف .

اتخانقوا العربجية هللوا الركاب .

الناس معادن .

ان انت اكرمت الكريم ملكته وان انت اكرمت اللئيم تمردا.

اضحك للدنيا تضحك لك .

ياقاعدين يكفيكم شر الجايين .

لبس البوصة تبقى عروسة .

حط الحلال على الحرام يكتره اتارى الحرام خد الحلال وبحتره .

كفاية كدة .....تعبت ......لما افتكر تانى حاكتب لكم تانى .

سلامى .

[BenNeal]

انا اعتقد ان معظم امثالنا لها تأثير سلبى على الناس وان كان بعضها مجرد تقييم لتصرفات الآخرين او له رساله ايجابية او ينم عن حكمة:

سلبى :

المية ما تجريش فى العالى.

أيش حشرك يا مملوك ........ بين الملوك

العين ما تعلاش على الحاجب

يا بخت من كان النقيب خاله

الإيد اللى ماتقدر تقطعها..... بُوسها

لو كان لك عند الكلب حاجة....... قوله ... يا سيدى

اللى يتجوز أمنا, نقوله يا بابا

الباب اللى يجيلك منه الريح.... سده واستريح

يا داخل بين البصلة و قشرتها...... ما ينوبك إلا صنتها

تعمل خير, يجيلك شر..... ما تعملش خير, يجيلك الشر منين؟

إمشى فى جنازة... و لا تمشى فى جوازة

من خاف سلم.........( أو) السلامة خير من الندامة

الطبع يغلب التطبع

ديل الكلب لا ينعدل, حتى ولو علقوا فيه قالب طوب

يا بخت من نام مظلوم و ليس ظالم

رضينا بالهم, و الهم مش راضى بينا

أصبر على جار السوء.... يا يرحل, يا تجيله مصيبة

علقة تفوت, و لا حد يموت

الحلو ما يكملش

درهم حظ, ....... ولا قنطار شطارة

قليل البخت يلاقى العظم فى الكرشة

جت الحزينة تفرح.... ما لاقيتلهاش مطرح

ايجابية او ينم عن حكمة

أنا و أخويا على إبن عمى,... و أنا و إبن عمى على الغريب

عدو عاقل أحسن من صديق جاهل

أردب فى أردب. مادام كيله, لازم عليك شيله (اللى يعمل جميل يكمله)

اللى مالوش كبير, يشترى له كبير

إدى العيش لخبازه.. و لو أكل نصفه

الصيت و لا الغنى

تقييم لتصرفات الآخرين :

فى الوش مراية, و فى القفا سلاية

سكتناله... دخل بحماره

بعد ما أكل واتّكة.... قال لا ده ريحته مستكة

إعريان سنة... إشتكى الخياط على يوم

تلم المتعوس على خائب الرجا

قصر ديل يا أزعر

خيبة الأمل ... راكبة جمل

كنت فاكره عنتر... طلع عبلة

جاى يكحلها... عماها

الحداية ما بتحدفش كتاكيت

لو كان فيها خير... ما كان رماها الطير

[abouali]

ألأخ بن نيل

في التصنيف الذي أوردته لأمثالنا الشعبية وضعت المثل التالي

"اللي مالوش كبير... يشتريله كبير" . وقد صنفته علي أنه ايجابي أو ينم عن حكمة . ربما هذا المثل ينم عن حكمة لكن من أي نوع ؟

في برنامج حوار تليفزيوني ذكر هذا المثل والتعليق عليه وهذا جزء مما أتذكره من ذلك الحوار,

كنت أشاهد علي قناة أبوظبي برنامج اسمه "مبدعون" وهذا البرنامج يستضيف المثقفين والفنانين ومن هم علي هذا المستوي- وكان ضيف الحلقة مؤلف ومثقف مصري اسمه يوسف القعيد وفهمت من الحوار أنه من أنصار الناصرية وعبد الناصر . ولما سألته مقدمة عن سر هذا التأييد رغم ثبوت فشل معظم السياسات والشعارات التي قامت عليها الثورة وكان رد الضيف كالآتي: عندما قامت الثورة كنت وقتها طفلا وأنا أصلا من ألأرياف وكنت أشاهد والدي وهو راجع من الغيط راكب حماره واول مايوصل لسراي العمدة التي كانت علي الطريق- لازم ينزل من علي الحمار ويفضل ماشي علي رجليه حتي يتخطي حدود السراي

وقال الكاتب أنه كان يشعر بالاذلال والنقص كلما تكرر هذا المشهد...

ولما قامت الثورة استطاع والده أن يمر أمام سراي العمدة دون أن يترجل عن حماره ولهذا السبب ومن يومها وهو يشعر بالامتنان للثورة ونما لديه هذا الشعور بالولاء لعبد الناصرحتي بعد ماكبر وأصبح كاتبا معروفا و لما أبدت المذيعة دهشتها كيف أن واقعة بسيطة كهذه تؤثر علي أفكاره وهو المثقف- وبعد أن فكر قليلا رد عليها بقوله - عندنا مثل معروف بيقول "اللي مالوش كبير يشتريله كبير " وردت عليه المذيعة بقولها " اليس هذا المثل ينطوي علي شيء من العبودية؟... فوافقها علي رأيها

- طب ايه العلاقة بين هذا المثل الذي ذكره وماقبله من حديث؟ ...

أذا كان المثل الشعبي أو الحكاية اللي رواها فكل منها يمثل خلل في سلوكيات المجتمع

النتيجة التي خرجت بها من هذا الحوار هي أن مشاكلنا الاجتماعية أخطر مما نتصور وبالتأكيد يوجد لدينا الكثير من الباحثين والمتخصصين في شئون المجتمع المصري - وغالبا مابيكتبوا أويتكلموا لكن طناش كالعادة .... ياريت تتاح لهم الفرصة للاصلاح ...فهم ألأقدر علي علاج مشاكلنا قبل أن يفكر أحد العباقرة في استيراد شركة أجنبية كما فعلوا لحل مشكلة الزبالة.

[SANAA]

ألأخ بن نيل

في التصنيف الذي أوردته لأمثالنا الشعبية وضعت المثل التالي

"اللي مالوش كبير... يشتريله كبير" . وقد صنفته علي أنه ايجابي أو ينم عن حكمة . ربما هذا المثل ينم عن حكمة لكن من أي نوع ؟

.

ارئ ان هذا المثل ايجابي وانا من اشد المقدرين لهذا المثل عن تجارب

اولا المقصود من هذا المثل احترام الكبير والمشوره واخذ الخبره في الاعتبار

كون ان احد الافراد استخدم هذا المثل في وضع غير موفق فهذا لا يلغي اهميت من هم اكثر خبره والكبير المقصود في المثل ليس ذو السلطه ولكن ذو الخبره والراي الصائب ،،،،وهنا لا نصادر افكار من هم اصغر سنآ ولكن لا نلغي اهميت دور الكبير فقد يكون الاب او الاخ الاكبر او مدرس او حتي جار

[disappointed]

الأمثال هى خلاصة تجارب انسانيّه يتم صياغتها فى صورة عبارات موجزة تعبّر عن مضامين هذه التجارب والحكم والمواعظ المستقاة منها

وتختلف المرادفات والألفاظ المستخدمه فى صياغة الأمثال ودلالات هذه الأمثال من شعب الى آخر بفعل تباين الظروف الاجتماعيّه والعادات والتقاليد والعوامل الطبيعيّه والخلفيّات التاريخيّه والثقافيّه...الخ الخ

وقد يختلف تقبّل الفئات الاجتماعيّه المختلفه لأحد الأمثال تبعا لاختلاف هذه الشرائح من المجتمع فى الخواص والمستويات الاجتماعيّه والفكريّه

كما يلاحظ وجود أمثال تحمل حكمة أو مغزى معيّن فى ظل وجود امثال أخرى تحمل حكمة أو مغزى مخالف ومضاد... وهو مايدل على تباين الجكمة والاستدلال تبعا لتباين ظروف التجربه البشريّه التى أفرزت الحكمة والاستدلال المصاغة فى صورة المثال

وتعتبر الأمثال الشعبيّه أحد الفروع الهامّة التى يبحث فيها علم الاجتماع وعلم نشوء الشعوب والأجناس وعلم الأنثروبولوجى , وذلك لأنّها تعتبر بمثابة فهرسة لعادات وطباع وتجارب وتراث وثقافة ومفاهيم الشعوب ويوجد كتاب لأبو الفضل ( أحمد النيسابورى) يحمل عنوان "الميدانى" وهو الكتاب الذى أعتبر أول كتاب جامع للأمثال العربيّه القديمة ( ظهر الكتاب فى القرن السادس الهجرى)

وهذه هى بعض الأمثال التى تحضرنى (قمت بتصنيفها الى مجموعات حسب الحكمة التى تتمحور كل مجموعة من الأمثال حولها) :

أمثال عن الحظ والنصيب

ادّينى حظ وارمينى فى البحر

المنحوس منحوس ولو علّقوا على بابه فانوس

العز للرز والبرغل شنق حاله (سورى)

اللى مايرضى بالخوخ يرضى بشرابه (لبنانى)

الخايب خايب يطلع من الدنيا بلا نايب (خليجى)

اذا أقبلت الدنيا باض الحمام على الوتد واذا أدبرت بال الحمار على الأسد (عربى قديم)

الحظ لمّا يآتى يخللى الأعمى ساعاتى

قيراط حظ ولا فدّان شطاره

المكتوب على الجبين لازم تشوفه العين

قليل البخت يلاقى العظم فى الكرشه

قليل البخت يعضّه الكلب فى المولد

جينا نتاجر فى الحنّه كثرت الأحزان (سودانى)

حظ الشينا فى السما وحظ المليحه فى الحما (خليجى)

سبع صنايع والبخت ضايع

ساعة الحظ ما تتعوّضش

صامت صامت وفطرت على بصله

طمعنجى بنى له بيت فلسنجى سكن له فيه

طوّلت غيبته وجانا بخيبته (خليجى)

كنت بالقديم مانى راضى جانى الجديد زوّد أمراضى (خليجى)

تاجرنا بالطواقى انولد الخلق بلا روس (خليجى)

من نقره لدحديره يا قلبى لا تحزن

من جاور السعيد يسعد

ما كفانا همّ أبونا راح أبونا جاب أبوه.... أمضغوا له ولقّموه وهندلوله ونوّموه (خليجى)

دليله بومه ومأواه خرابه

أمثال عن المظاهر الخدّاعه

اللى يشوف الخلاخل مايدرى ان البلا من الداخل (خليجى)

طالعوا القبّه حسبوها مزار وهيّه مليانه أحجار (سورى)

باب كبير مساميره حمر...وجوّاتو شيئ بيقصف العمر (لبنانى)

بيت عالى وسقفه مخروم (سورى)

نشفت البركه وبانت قراميطها

نشفت البير وبان حصاها

من برّه هالاّ هالاّ ومن جوّه يعلم الله

من برّه رخام ومن جوّه سخام

ياما تحت البراقع سم ناقع

ياما تحت السواهى دواهى

ياما فى الزوايا خبايا

مايغرّكش البيت وتزويقه...واحد فطر والتانى على ريقه

أمثال عن محدثى النعمه

القمله تقول للبقّه...قطيعه تقطع المحدث لمّا يترقّى

ان كنتم نسيتم اللى جرى...هاتوا الدفاتر تنقرى

سبحان العاطى الوهّاب... من بعد الشبشب والقبقاب

اللى ماهو والف على البخور ينحرق ثوبه (خليجى)

شبعه بعد جوعه

القوالب نامت والانصاص قامت

كنّا فى جرّه وطلعنا برّه

طلعوا من القفّه وقعدوا على ودانها

قال له با ابنى شرّفنى...قال له لما يموت الأوّل كل اللى يعرفنى

أمثال عن الجمال

الحلو حلو ولو قام من النوم , والوحش وحش ولو غسل وشّه كل يوم

اتدلّعى ياخبّيزه...مافيش فى السوق غيرك

السماره أماره

الصداره للبداره (خليجى)

القرعه تتباهى بشعر بنت أختها

بيع الجمال واشترى الخفّه, الجمال كثير بس الخفّه صدفه

الحلو مايكملش

نحتها النحّات وبعدين مات

ياريتنى بيضاء وكتعه...ده البياض متعه

ياريتنى حلوه وعرجه...ده الحلاوه فرجه

ياريتنى بيضاء و ليّا ضب..ده البياض أصله ينحب

أمثال عن الكسل

الركوب على الخنفس ولا المشى على الديباج (سودانى)

ان فاتك العنقود قول انّه العنب حامض (سورى)

العيشه على الله والنفقه على خلق الله (خليجى)

أكل ومرعى وقلّة صنعه

لو ماعرفتيش ترقصى قولى الأرض عوجه

اللى نايمه على ظهرها ماتستاهلش مهرها

خلّ على الجاهز أحلى من عسل ينتعب فيه

اخدمونى وأنا سيدكم (لبنانى)

الله يخلّيك يابكبك...أمّك تحجّج بك (خليجى)

حجّة البليد مسح السبّوره

ست وجاريتين على قلى بيضتين!!!

قالوا لها : ايش بيكى قاعده خملانه...قالت : حامل

قالوا لها : ايش بيكى نايمه كسلانه...قالت : والده

قالوا لها : ياهووووو....هاذى خصلتك من يوم كنتى بنت (خليجى)

كلمة ياريت ماتعمّرش بيت

لابيهش ولا بينش..ولا بيناطح ولا بيقول "امبع" (سورى)

لاحياة لمن تنادى

قالوا له العروسه بيجمّلوها...قال لهم طيّب الأوّل حبّلوها (خليجى)

أمثال عن تمكّن الخصال والطبائع من الانسان

نهيتك ما انتهيت والطبع فيك غالب , وديل الكلب ما ينعدل ولو علّقوا فيه قالب

اقطع ودن الكلب و دلّيها...اللى به خصله ما بيخلّيها (خليجى)

اللى فيك ما بيخلّيك (سورى)

الطبع غلاّب

من شب على شيئ شاب عليه (عربى قديم)

اللى به عاده راح نسمّيه أبو العوايد (أردنى)

اللى تقوله تعيده واللى تعيده تزيده

يموت الزمّار وصوابعه بتلعب

تموت الحدّايه وعينيها على الكتاكيت

رجعت ريما لعادتها القديمه

علّم فى المتبلّم يصبح ناسى

من يومك يا خاله وانتى بدى الحاله

من يومك يا رضا وانت متقندل كده

أمثال عن اجتماع أشخاص على صفات معيّنه

الطيور على أشكالها تقع

البيض البايظ بيتدحرج على بعضه

اتلم المتعوس على خايب الرجا

الله يقطع بيّاع الخل على بيّاع الخردل

ايش لم الشام على المغربى

ايش لم عيشه على أم الخير

عالم هبهب بلا ملّه ولا مذهب (سورى)

جاتنا بنت خالتنا...زادتنا هباله على هبالتنا (خليجى)

جوّزوا مشكاح لريمه...ماعلى الاتنين قيمه

سردان طاح على بردان (سودانى)

شنقح وبنطح وحبل الغسيل (بحرينى)

صوير وعوير واللى مافيه الخير (كويتى)

طنجره والتقت غطاها (سورى)

طول ما انت زمّار وأنا طبّال طول ما حتجمعنا ليالى طوال

ما أسخم من سيدى الاّ ستّى

أمثال عن التسكّع والفراغ

الفاضى يعمل قاضى

اللى ماعندوش شغله تشغله يقطع ***** وبقعد يوصله

قالوا له مالك عامل لينا قواضى...قال لهم ما أنا أصلى فاضى

اللى مزاجه مافى شيئ يعكّره... يفتح شبّاكه ويسكّره (لبنانى)

[disappointed]

للتذكير , وحتى لا تضيع من ذاكرة المنتدى مجهودات ومشاركات الأعضاء واسهاماتهم , فقد كان هناك موضوع عن الأمثال الشعبية فى باب المناقشات العامة و قام الأعضاء بتدوين عدد كبير جدا من الأمثال الشعبية به.....

وهذه هى الوصلة

http://www.egyptiantalks.org/bforums/viewt...%E7%E3%EB%E7%E1

[BenNeal]

معلش انا فى مداخلتى اعدت معظم الأمثال التى اوردها الأستاذ الأفوكاتو.انا بس رتبتهم فى 3 تصنيفات و تحت كل تصنيف مجموعة او مجموعات من الأمثال المتقاربة. للأسف انا كنت عايز افصل فى تحليلى بس كالعادة اصبت ب mental block.

اما عن مثل اللى مالوش كبير, يشترى له كبير فانا كنت دائما اعتقد انه يعنى ان تحرص على ان يكون فى حياتك شخص تأخذه كقدوة و تستنير بأراءه زى نظام ال mentor. انا لا اوافق الكاتب يوسف القعيد على استخدامه لهذا المثل....

[الطفشان]

الكتب التي الفها القدماء من العرب في الامثال كثيرة

منها:

الأمثال - المفضل الضبي (و هو اول هذه الكتب)

المستقصى في أمثال العرب - الزمخشري

جمهرة الأمثال - العسكري

مجمع الأمثال - الميداني (و هو اشهرها)

و كتاب الميداني هنا

http://www.al-eman.com/islamlib/viewtoc.asp?BID=141

و باقي الكتب موجودة في قسم الادب على موقع الوراق

http://www.alwaraq.com