السلام عليكم من كنـدا - 1 - نتعاون لنفهم الدنيا اكثر

[freefreer]

يا عمى كثر خيرك  انا ماستاهليش الكلام الحلو دا كله .. التليفون فى النسخة الجايه حيقول بابا و ماما .. بس انا مستنى التليفون اللى يخليك تسلم بالأيد ..

ما نا كمان طنطاوى و اتعالجت و جاورت السيده .. لا تقلق كلنا فى الهم طنطا

و طالما انت دمك خفيف كده و عندك رؤيه .. ليه ما تشاركشى فى احد المواضيع اللى ماليه المنتدى او تبدأ موضوع يعجبك؟

و السلام ختام

[freefreer]

بسم الله الرحمن الرحيم..اخوانى و حبايبي و حته من قلبي.. السلام عليكم و رحمة الله  و بركاته..

وصلنى عبر الأيميل رسائل تطلب عنوان المكتب الذى تحدثت عنه هنا .. و ها انذا انشره تعميما للفائدة :

J O R

36 Toronto Street, Suit 850

Toronto, ON  M5C  2C5

SAB  BANJI

Senior Consultant

Tel : (416) 917 – 2919

Tel : (416) 694 – 9756

Toll-free : (877) 694 – 9756

Fax : (416) 694 – 0677

E-mail : sbanji@aol.com

 

اخوانى و حبايبي و حته من قلبي.. السلام عليكم و رحمة الله  و بركاته

[freefreer]

كل عام و انتم بخير .. الأولاد اخطروهم اليوم فى المدرسة بان المدرسة قد خصصت مكانا للطلاب المسلمين للصلاه فى شهر رمضان

و فى اثناء اليوم  الدراسى .. طلبوا منهم ان يشرحوا ما هو رمضان .. و ماذا يفعل المسلمون فى هذا الشهر

و شكرا

[Mike]

[arabic]

بتصوموا كام ساعه في اليوم؟

وعايشين ازاي من غير كنافه وقطايف؟!!!

[ragab2]

أخى فريفرير

أرجو سؤالهم فى كندا

هل يقبلوا الاتحاد مع مصر ولو كونفدرالى

حتى نستمتع بخيرهم وأخلاقهم العالية

واحنا على استعداد للادماج مع  الاخوة  الكنادوة

[freefreer]

عزيزى رجب لا شك ان كندا ترحب بجميع انواع الوحدة مع مصر ,, فاهلا و سهلا ..

و بعدين اكنادوة دى عامله زى الهنادوة :)

أخى مايك .. توجد هنا محلات متخصصة تبيع القطائف و الكنافة و قمر الدين .. حتى الملوخية و جدناها فى محلات الصينيين .. و عمار يا كندا

[freefreer]

عفوا .. بنصوم من خمسة الى خمسة .. 12 ساعة .. الجو مازال متقلب .. و يصل الى الصفر و تحت الصفر .. فى المنزل اللبس صيفى حتى الأن و النوافذ مفتوحه .. و الثلج تأخر هذه السنه كثيرا .. ورق الشجر وقع 90 فى المئة منه .. و الأولاد ينتظرون الثلج على احر من الجمر

فى الشارع لازم تلبس تقيل شوية .. طبعا جميع وسائل المواصلات مكيفة .. الساب واى و الأوتوبيس و السترست كار ( الطرماى ) .. :)

عايزين تعرفوا ايه كمان؟

[Mike]

[arabic]

هل من حقك كمهاجر كندي العمل في الولايات المتحده؟

وهل ظروف المعيشه في امريكا راقيه مثلها في كندا؟

[Mike]

[arabic]

عفوا يا استاذ فري ..... ولكني لم استطع الوصول لحديثك عن هذا المكتب.

Quote: from freefreer on 6:24 am on Nov. 13, 2001

وصلنى عبر الأيميل رسائل تطلب عنوان المكتب الذى تحدثت عنه هنا .. و ها انذا انشره تعميما للفائدة :

J O R

36 Toronto Street, Suit 850

Toronto, ON  M5C  2C5

SAB  BANJI

Senior Consultant

Tel : (416) 917 – 2919

Tel : (416) 694 – 9756

Toll-free : (877) 694 – 9756

Fax : (416) 694 – 0677

E-mail : sbanji@aol.com

   

[ARABIC]

علما اني "ايميلته" واخبرني انه لا يساعد في الهجره وانما في ايجاد وظائف فقط.

[freefreer]

عزيزى مايك .. هذا هو   كل الكلام الذى قلته بخصوص الشركة المذكورة .. و هى ليست للهجرة  :

تعرفت على شركه هنا بتؤكد انهم يمضوا معاك عقد .. و ياخدوا 400 دولار .. و لهم طرق خاصه فى اظهارك انك عندك الخبرة الكندية .. يدربوك .. و شويه حاجات كده و يجبولك وظيفة فى تخصصك بمرتب على الأقل 3000 فى الشهر .. و ياخدوا من اول مرتب 200 دولار و من تانى مرتب 200 دولار .. و خلاص على كده .. فقط هذه الشركه لم اجربها لأنى لم احتاجها ..

وصلنى عبر الأيميل رسائل تطلب عنوان المكتب الذى تحدثت عنه هنا .. و ها انذا انشره تعميما للفائدة :

J O R

36 Toronto Street, Suit 850

Toronto, ON  M5C  2C5

SAB  BANJI

Senior Consultant

Tel : (416) 917 – 2919

Tel : (416) 694 – 9756

Toll-free : (877) 694 – 9756

Fax : (416) 694 – 0677

E-mail : sbanji@aol.com

 

طبعا وجودك هنا يؤهلك لدخول الولايات المتحدة و بتاخد الفيزا مرة و خلاص .. و ايضا العمل .. نعم .. و ايضا اعتقد ان هناك تسهيلات فى دخول جميع دول الكومونوولث .. و هم يمكن 30 دوله .. و من ضمنها استراليا المملكة النتحده .. اظن نيوزيلاندا .. الخ الخ

ملاحظة مضحكة .. القذافى كان قدم للأنضمام للكومونوولث( يظهر اعتبرها نوع من انواع الوحدة )  و رفض طلبه لأن ليبيا دكتاتورية

(Edited by freefreer at 11:12 pm on Nov. 18, 2001)

[Rawaqan]

عزيزي جدا فري....

لا أعتقد إنه ممكن لك العمل في الولايات المتحده... لازم إما فيزا

H1

أو

J

ولكن لما إنشاءالله تأخذ الجنسية الكندية سوف يمكن العمل في أمريكا بتصريح (مش فاكر إسمه بالضبط) .. مجرد تصريح عمل وليس فيزا.......

أنا مستنيك ترد على نقطة مين أرقى كندا ولا أمريكا علشان أنقض عليك لو غلطت في أمريكا !!!:) :)

طبعا بأهذر.... إنت والأستاذ مايك حتة من قلبي! :) :)

[freefreer]

الله يخليكم كلكم .. يعنى كمان 3 سنين .. مش مشكله .. :)

طبعا امريكا ارقى .. وهى عامله عقده نفسية للكنديين .. لأسباب كثيرة .. يعنى هم عايزين يبقوا زيها .. كندا 30 مليون بس

ولا زم اشوف امريكا علشان اقدر احكم .. و انا لا اعرف الا جزء صغير من كندا .. و اعرف ناس تركوا امريكا وجم كندا .. وقالوا لى بالحرف الواحد .. امريكا تشتغل و تتنطط فيها .. و لما تحب تستقر .. تيجى كندا .. و الله اعلم

[Red Horse]

عزيزى مايك

اذا كنت تبحث عن مكتب يساعد فى انهاء اجراءات الهجرة اليك مايلى :

Campbell Cohen

215 Redfern Street

Suite 118

Montreal, PQ H3Z 3L5

Tel: (514) 937-9445

fax: (514) 937- 2618

www.canadavisa.com

وأتعاب المكتب 1595 دولار امريكى  تدفع نصفهم عند تقديمك للأوراق والباقى بعد المقابلة قى السفارة الكندية

وخدمتهم جيدا جدا

[Mike]

[arabic]

شكرا  ياخويا  ياريدهورس

نخدمك يوم فرح كريم ونادين ....

وتوصلوا كندا الصيف الجاي بالسلامه ان شاءالله.

(Edited by Mike at 9:48 pm on Nov. 19, 2001)

[Mike]

[arabic]

عزيزي فري

اسمح لي ان اعلق علي مداخلتك السابقه والتي قلت فيها:

Quote: from freefreer on 5:08 am on Nov. 12, 2001

عفوا عمرك سمعت عن حد كان فى كندا و رجع ؟

[arabic]

حيث ان العديد ممن هاجروا  لكندا من دول الخليج ... عادوا مره اخري للخليج بمجرد انقضاء الثلاث سنوات وحصولهم علي الباسبور الكندي ....وطبعا حصلوا علي اربعه او خمسه اضعاف المرتب اللي كانوا بياخدوه بالباسبور الهندي او الباكستاني او المصري او اللبناني!!!!

[freefreer]

عزيزى مايك .. انا كنت اقصد (فشل) فى الخارج و عاد و قال مش رايح هناك تحديدا ثانى .. اما عن الناس اللى بتمسك العصا من النص .. فأنا شخصيا اعرف البعض فقط هم ليسوا هنا .. المهم لو كانت عندك علاقة بالناس دى .. ياريت تقولهم ييجوا يحكوا تجربتهم .. او تسألهم عنها و تحكيهالنا .. و كله سيثرى التجربة .. و لمصلحة الجميع .. و شكرا

[Nice guy]

عزيزى مايك،

أعتقد أن ما قلته بخصوص عودة بعض الناس الذين حصلوا على جواز سفر كندى بعد ثلاث سنوات للعمل بدول الخليج مرة أخرى لم يعد صحيح الآن ، من الممكن أن أقول لك أنه بالفعل كان يحدث ذلك بالماضى لأن البلاد ديه كان فيها خير كتير ، لكن بعد الإستنزاف الأمريكى لهم أصبحوا يبحثون عن وسائل جديدة لإحلال العمالة الوافدة بالعمالة الوطنية بالقطاع الحكومى( تعنى تعيين مواطنى هذه الدول ) وهذا ما يحدث الآن وبقانون ينص على أن يتم أحلال 5% من العمالة سنوياً. كما يحاولون عبثاً مع القطاع الخاص والذى بدأ بالفعل بالقيام بذلك

[Mike]

[arabic]

يبدو ان هذا الموضوع قد حطم الرقم القياسي لعدد من اطلعوا عليه

فبعد لفه سريعه علي موضوعات المنتدي .... لم يصادفني اي موضوع تعدي زواره الالف واربعمائه كما هو الحال هنا !!!!

تحيه كبيره الي فري فريير الذي شدنا طول هذه الفتره الي موضوعه الشيق، وهو مازال ساخنا (اقصد الموضوع مش فري) ويستقبل العديد من المداخلات

[freefreer]

بسم الله الرحمن الرحيم..اخوانى و حبايبي و حته من قلبي.. السلام عليكم و رحمة الله  و بركاته..

أخى الحبيب مايك .. شكرا جزيلا يا اخى اخجلتم تواضعنا .. الواقع ان هناك مواضيع تعدت ذلك مثل فلنبدأ و المؤامرة .. ووصلت فوق ال 2000 مطلع .. و لكن هذا لا يمنع من اشعر بالشكر و العرفان لكل من تكرموا بالتجاوب مع موضوعى .. و الذين هم فى الحقيقة عملوا قيمة و حيوية لهذا الموضوع .. فشكرا لكم جميعا ..

و علشان الكلام الحلو دة .. حاحكيلكم قصة اخرى من القصص العجيبة ( من وجهة نظرى ) .. و التى صادفتها هنا ..

الدراسة بدأت 4 سبتمبر .. يعنى حوالى شهرين و نصف .. ابنى الكبير ربنا يحمية فى جريد 8 .. الجريد القادم 9 حيكون فى مدرسة ثانوى .. جميل ؟ .. جميل

الاقى المدرسة بعتالى جواب .. من مسؤلة فى المدرسة تقول .. سازور فصل نجلكم  فى خلال هذا الأسبوع لأشرح لهم نظم الدراسة فى المدارس الثانوية ..و خطوات الألتحاق بها ..  و المدارس الثانوية القريبة و انواع التخصصات و شروط و مواعيد القبول ..

كما سنقيم يوم الخميس 29 نوفمبر امسية فى المكان الفلانى لنشرح لأولياء الأمور نظم المدارس الثانوية .. كما سيكون هناك ممثلين لبعض هذه المدارس لشرح الموضوع لكم و اى استفسارات اخرى .. كما سيقوم هؤلاء السادة بزيارة للطلبة فى الفصول ليقوموا بانفسهم بالشرح مباشرة للتلاميذ ..

فهل ترغب فى حضور هذه الأمسية .. برجاء التوقيع فى ذيل الورقة و ارسالها مع ابنك ..

ثم ورقة اخرى ملحقة .. فيها اسماء المدارس المحيطة بالمنطقة و طرق الدراسة بها حيث ان :

بعض المدارس تركز على الفنون و الرقص و الموسيقى

بعض المدارس تركز على الغة الفرنسية و تدرس مادتين بالفرنساوى

بعض المدارس تركز على الرياضيات فقط .. و البعض علوم فقط .. و البعض رياضة و علوم و حاسب

كل مدرسة محددة عنوانها – ارقام الأتصال بالتليفون – الشخص المسؤل الذى تستطيع الأتصال به للأستفسار – عنوان الموقع على الأنترنت – موعد اليوم المفتوح حيث يستطيع الأباء و التلاميذ وزيارتها للتفرج على المدرسة و مبانيا و الفصول و المعامل الخ الخ الخ

بـــــــــــــــــــــــــــــــــــــــــــــدون تـعـلـيــــــــــــــــــــــــــــــــــــــق

اخوانى و حبايبي و حته من قلبي.. السلام عليكم و رحمة الله  و بركاته

[Mike]

[arabic]

استاذ فري

ما هي اسعار المنازل التي نراها في الافلام .... (فيلا صغيره امامها مساحه خضراء) .... وما اسعار السيارات.....

ومتي يمكنك الاقتراض من البنك لشراء مثل هذه الاشياء