ما هو الوطن الذى تنتمى اليه ؟

[eslam elmasre]

بعد ان تخرجت من الجامعه كنت مثل غيري من شباب الخرجين احاول ان احدد مستقبلي وان ابحث عن عمل يتناسب معي وكان من ضمن الخيارات السفر الي الخارج وبدأت في السعي الي السفر وبكل بساطه مش عارف ازاي دي حصلت عليها وجدت بين يدي فيزا لدوله اوربيه كبيره ولم اقاتل للحصول عليها ومش عارف ليه بعد تفكير وجدت نفسي دون تعقل او ان هناك دافع غير محسوس منعني من الاستمرار في السفر ورفضت فكره الغربه الي دوله اوربيه

وبعد ذلك بفتره قصيره وجدت بين يدي عقد عمل لدوله خليجيه وبردوا مش عارف ايه اللي خلاني اتلكك وارفض العقد بعد ان وقعت عليه وكان فاضل حجز التذكره وبردوا مش عارف ايه اللي خلاني استني في مصر وارفض جميع فرص العمل خارج بلدي

ومش كده وبس ده لما اغادر مدينتي لمده ايام وارجع ليها تاني بحس اني سايبها بقالي سنين ومابيتخيلش اني في يوم من الايام اتحرم من بحرها وجوها

يمكن انا بيتي شويه ولو سافرت ميت كيلوا بعيد عنها اقول ياغربتي

الواحد مننا اتلهي في اكل العيش والعيال والحياه بس بردوا لما باحب اشوف صحابي اشوفهم في اي وقت

وامي لو مر يوم ماشفتهاش بحس ان فيه حاجه غلط في حياتي

ودائما كنت من انصار البحث عن لقمه العيش داخل الوطن

اه ممكن ارجع اخر الليل بس في النهايه في حضن اولادي وزوجتي

ممكن اكون بالحس التراب بس في الاخر اسمي في بلدي وبين اخواتي

ولما الواحد بيمرض بلاقي اخواتي واصحابي معايا مابسيبونيش وده بيخلي المرض يخف بنسبه النص

والفطار عندي يوم الجمعه الصبح لو مارحتش اقف في طابور العيش واتعب واجيب العيش واقف عند بتاع الفلافل اللي الفلافل بتاعتو محروقه بالزيت المتنيل بستين نيله افضل اكل وكأني واكل خروف لوحدي

هوه ده الوطن

بحلوه وبمره الي بيحب مصريحبها علي حلوها ومرها

واللي اتعود يعيش بره مصر بصراحه مايقدرش يعيش فيها تاني

اه ممكن يزورها لفتره بس يعيش فيها باستمرار صعب شويه

عشان كده انا بحمد ربنا اني ماشوفتش غيرها عشان احب اعيش فيها ومابأش ناقم علي عيشتها

الوطن هو الاهل والحباب ولقمه العيش وده اختصار للموضوع

طاب صباحكم

[se_ Elsyed]

الانسان اى انسان ليس له الا وطن واحد ده الاصل

لا أتفق معاك

في حالات كتير ممكن يكون عندك أكثر من وطن و تحبهم جميعا لكن بدرجات مختلفه

يعني مثلا لو واحد أبوه و أمه من بلدين مختلفين وعنده أقارب هنا و هنا وذكريات هنا وهنا

هيبقى عنده وطنين

لو واحد إتولد و عاش شبابه في بلد و هاجر بلد تانيه هيبقى عنده وطنين و جنسيتين لكن ممكن تختلف درجة حبه لكل وطن فيهم

زي ما ممكن الواحد يحب صديق أكثر من صديق أخر أو تحب زوجه أكثر من الأخرى

ممكن اتفق معك م ايهاب فيما ذكرته

بس ممكن حد لو عنده حتى اكثر من وطن ان ينظر لاى منهم نظرة احتقار او استهزاء او سخرية لاى من اوطان

وتقبل تحياتى وعيدمبارك على جميع المسلمين :)

اخي الكريم

وهو ده المطلوب اثباته

********************

********************

تم تعديل 7 ديسمبر 2008 بواسطة أبو محمد
حذف رد على مداخلات محذوفة

[adrianocrespo]

يا جماااااااااااااعه صلوا علي رسول الله

الموضوع مش مستاهل

بس انت يا استاذ سي السيد شايل من الراجل اوي_ ده احساس يعني_هوا صحيح الاستاذ ايهاب ممكن يكون اكتر واحد بينتقد مساويء مصر بس برده دي حريته الشخصيه و في ناس تانيه كتير شايفه ان مصر احلي بلد في الدنيا رغم عيوبها_ حريتهم برده_

و كل سنه و انت طيب و كل المسلمين بخير

[nizza la bella]

انا ما بحبش الهتفات والشعارات من الاخر

وبحترم الراى الاخر,

لو بتحب مصر اوى انزل وعيش فيها,

انا كنت فى وطنى ومتغرب

تم تعديل 6 ديسمبر 2008 بواسطة nizza la bella

[se_ Elsyed]

يا جماااااااااااااعه صلوا علي رسول الله

الموضوع مش مستاهل

بس انت يا استاذ سي السيد شايل من الراجل اوي_ ده احساس يعني_هوا صحيح الاستاذ ايهاب ممكن يكون اكتر واحد بينتقد مساويء مصر بس برده دي حريته الشخصيه و في ناس تانيه كتير شايفه ان مصر احلي بلد في الدنيا رغم عيوبها_ حريتهم برده_

و كل سنه و انت طيب و كل المسلمين بخير

سيدي الفاضل ... وهل قرأت لي قبل ذلك اي شيء ضد من ينتقد مساويء مصر بأسلوب محترم ؟

****************

****************

وهل النقد اصلاً هو اقتباس ما يلفت نظرك من مساويء زي الراجل المحترم اللي نضعه فوق رؤسنا وهو يعمل جماع للقمامة لنشير الي ان هي دي مصر ... فهل هذا نقداً لمصر ؟

******************

******************

تم تعديل 7 ديسمبر 2008 بواسطة أبو محمد
حذف رد على مداخلات محذوفة

[الباشمهندس ياسر]

مرة كنا خارجين شلة مع بعض كده

و بعدين وانا سايق فوجئت بمطب فى حتة ملوش اى لازمة فيها

فبقول نفسى مرة نخطط اى حاجة نفسى المهندسيين هما اللى يقولوا مش حد تانى

و خدنى الزعل شوية فقلت هى عمر بلدنا دى ما هتتحسن ابدا ايه ده

فرد حد و قال طب ما انت تقدر تعيش بره على طول ايه اللى بيرجعك

قلت انت طبعا فهمت انى كاره البلد صح .. انا عمرى ما اكره بلدنا عارف ليه

بلدنا دى زى امك بالظبط تخيل لو بعد الشر ماما جالها كل امراض الدنيا هتكرها او هترميها ف بيت المسنيين مثلا

قالوا لآ اطلاقا ده انا هبيع عمرى عشان تقوم بالسلامة

قلت انا مش ناوى ابيع عمرى عشان القاهرة تتحسن وتبقى تنفع للبنى ادمين يعيشوا فيها

انما على الاقل مكرهاااااااااش

و دمتم فى ود

و كل سنة وانتو طيبين

[adrianocrespo]

حذفت المداخلة

تم تعديل 7 ديسمبر 2008 بواسطة أبو محمد
رد على مداخلات وأجزاء من مداخلات محذوفة

[Salwa]

مساء الخير..

طلب سى السيد تدخل الادارة والحكم بما تراه عدلا....وهنا ارى ان يتدخل اخى / ابو محمد ..( افضل ) .

لان رأيى وحكمى ( بالعدل ) سيكون .............حذف الموضوع....!!!

حاولت تنقية المداخلات ...!!! ولم استطع..

وضع السيد / ايهاب سالم .....منظر رجل لايجد اساسيات طعامه وحكم بهذا المثل ...حكمه ..على ( وطنه ) ..!!

ورد سى السيد...وشبه ناكر خير وطنه بورد النيل...

ورد عليه ايهاب سالم ...بقصيدة عصماء ...عن الوطنى الحق و...ورد النيل ..

وزاد من الشعر بيت فقال....كرسى زيادة فى محل الحلاقة ...وغيره..

ورد سى السيد بكل فورة ...الغضب..

فى موضوع كندا ....ايضا..

قال ايهاب فى عدة مداخلات .....نحن مجموعة ...(( متدلى الفك ))...

ولم ارد التدخل ايضا ...

اى تدخل سوف يفسر على انه ...(( محاباة لمشرف آخر ))...

ولنا عودة ..

[Salwa]

الوطن وحب الوطن...

السيد / ايهاب سالم.......كلامى هذه المرة موجه لحضرتك .

تغربت عن بلدى ..منذ 33 عاما ............نعم ياسيدى الفاضل ....ثلاثة وثلاثون عامااااااااااا....

اتعرف معنى 33 عاما ؟؟؟؟؟؟؟

رأيت فيها بلاد كثيرة ........زرت مدنا كثيرة .....اكلت فى افخم مطاعم ....وارتديت احدث الموديلات دائما ...

وتمتعت بالتنزه فى الغابات وصعود الجبال ...وغيره وغيره وغيره ....

تعاملت مع اغلب الاجناس البشرية بحكم عمل زوجى وسفرياتنا الكثيرة .....

ولم اجد...ولن اجد ....اى راحة نفسية ...كالتى اجدها فى سكندريتى ..

انا من تراب هذه البلد ....مهما تغير لون الباسبور ...!!!! فهمت ؟؟ فهمت قصدى ؟؟ ازاى حاتغير دمك ؟؟؟

ازاى ؟؟؟

ليست هذه اشعار ....وليس هذا مجرد كلام رومانتيك ...

لدى من الابناء اربعة ...

اتمنى فعلا فعلا فعلا ............ان يسعدك الحظ وتنول رضا الله ....ويكون لك ابن ..(( يشبه احد ابنائى ))

طباعا وسلوكا وانتماء ..

اللى ملهوش جذور ملهوش فروع ...

اولادى يحملون الجنسية الاسبانية ....عروقهم يجرى بها دم مصرى خالصا ...

روحهم مصرية ..

انتصاراتهم كلها ....اهداء لمصر ..

حتى هداياهم ....واقتطاع اى جزء من مرتباتهم بصفة دورية ...يكون لصالح اى ابن غير قادر من ابناء (مصرهم ) ......فهمت قصدى ؟؟

الانتماء لابد يكون نابع من الآباء ....حتى يتوارثه الابناء ...

لوواحد محبش بلده وشعر بالانتماء لهذا البلد ...........((( اكيد فيه خلل....اكيد فيه شئ مش طبيعى )))

الانتماء موجود فى الجينات ...

صدقنى ...

موجود فى الجينات ..

[أبو محمد]

الباشمهندس إيهاب سالم - كتَّر خيره - فهِّمنا إن الناس اللى بتنام فى الشوارع فى وطنه كندا بتعمل كده بمزاجها .. وإن إخوانه الكنديين بيقولوا عليهم Mentally Sick .. كده بقى أنا فهمت إن برضه فى أمريكا وكندا والدول المتقدمة فيه ناس على نيَّاتها وبيسموهم Homeless .. لأ وفيه ناس عاملة Picnic مستديم جنب صناديق الزبالة .. وفى نيويورك فيه ناس ما بتحلالهاش ال Picnic إلا فى أنفاق المجارى .. يا بختهم .. وجاتنا نيلة فى حظنا الهباب :)

أرجو من الأخوة الذين لا يعجبهم رأى "ضيوفنا" فى وطنهم السابق أن يدركوا أن لكل مواطن - سواء كان مواطنا سابقا أو حاليا - مطلق الحرية فى التعبير عن رأيه .. كما أرجو من السادة الضيوف مراعاة واجبات الضيف وحقوق المضيف .. وألا يكون اعتبارهم فقط لحق الضيف على المضيف

برضه المضيف من حقه يقول رأيه ومفيش مانع يكرره .. وبصفتى مصرى متخلَّف من اللى بيحبوا يكرروا كلامهم فمفيش مانع أكرر رأى سابق لى

من يريد أن يترك الوطن لأن السبل قد تقطعت به فى أرجائه بحثا عن رزق أوفر .. فأنا أبارك مسعاه

من يريد أن يترك الوطن حنقا على الفساد .. فأنا أدعو له الله أن يوفقه

من يريد أن يترك الوطن بغضا لنظام حكم عشوائى مغرض .. فنعم البغض

من يريد أن يترك الوطن بحثا عن العلم والمعرفة والرقى .. فقلبى معه واحترامى له

أما من يريد أن يترك الوطن لأنه لا يحب هذا الوطن .. فأنا أتمنى أن يكون ذلك بأسرع ما يمكن .. حتى يبرأ الوطن من درنه ويعود صحيحا خالصا لأبنائه الذين يحبونه .. فسيكون نهوضهم بوطنهم من كبوته أيسر وأسهل فى عدم وجود من لا يحبون وطنهم

لى أقارب من المهاجرين .. ولى أصدقاء من المهاجرين .. وأنا عملت بالخارج لمدة 20 سنة ... لم أنس ولم ينس أغلب هؤلاء وطنهم .. فعلا يقضون إجازاتهم فى مصر .. يحضرون أولادهم .. من الأولاد من يبكى عند مغادرته مصر .. ومنهم من يسخر من كل مايراه فى مصر ... وهؤلاء هم الخسارة التى يخسرها الوطن .. الجيل الثانى والثالث وما بعدهم .. ولكنى أعتقد أنهم خسارة ليست لها قيمة ، لأن آباءهم من النوع الذى أتمنى أن يهاجر من مصر بأسرع وقت .. هم ممن اختلط عندهم الوطن بحكام الوطن .. هم ممن عندهم الاستعداد للتخلى عن جزء منهم .. تخلوا عن وطنهم وتنكروا له ، وهاهم يتخلون عن أبنائهم ، وعاجلا أم آجلا سيتنكر أبناؤهم لهم .. أبناء عندما يبلغون الثامنة عشر تبدأ روابطهم بآبائهم فى التقطع كما تقطعت روابط آبائهم بوطنهم ..

إنهم أبناء كأبناء أى كائن آخر غير الإنسان

لو كان فى كلامى بعض القسوة ، فهى القسوة على قساة القلوب .. أما أولئك الذين لا تنقطع روابطهم بوطنهم فقلبى معهم .. لأننى أرى كيف هى علاقتهم بأبنائهم وروابط أبنائهم بهم وبأفراد عائلاتهم الذين يزورونهم مرة كل عام أو عامين .. أرى الإنسان .. بعقله وقد نما ، وبقلبه وقد اتسع

وصحيح الضيف بيبقى عزيز ومُكرَّم .. بس مش حيبقى أعز أو أكرم من البيت واصحابه

[الباشمهندس ياسر]

حُذفت المداخلة

تم تعديل 7 ديسمبر 2008 بواسطة أبو محمد
رد متعلق بمداخلات وأجزاء من مداخلات محذوفة

[بركة]

من يريد أن يترك الوطن لأن السبل قد تقطعت به فى أرجائه بحثا عن رزق أوفر .. فأنا أبارك مسعاه

من يريد أن يترك الوطن حنقا على الفساد .. فأنا أدعو له الله أن يوفقه

من يريد أن يترك الوطن بغضا لنظام حكم عشوائى مغرض .. فنعم البغض

من يريد أن يترك الوطن بحثا عن العلم والمعرفة والرقى .. فقلبى معه واحترامى له

كل هذه الاسباب يا أستاذ محمد

وأتفق مع الاستاذة سلوى قلبا وقالبا ربنا يبارك فيكي ويكتر من أمثالك

[بركة]

أنا حزينة جدا لما وصل اليه الحوار الان

وبجد كنت حاسة من ساعة لما عرفت المنتدى إني لقيت أهلي الي إتحرمت منهم في الدنيا لأن

ربنا إختارهم لجواره ولا راد لقضاء الله بس دلوقتي ............

مش لاقيه حاجه أقولها غير إنا لله وإنا إليه راجعون........

سلام عليكم

[ssmaly]

مرة كنا خارجين شلة مع بعض كده

و بعدين وانا سايق فوجئت بمطب فى حتة ملوش اى لازمة فيها

فبقول نفسى مرة نخطط اى حاجة نفسى المهندسيين هما اللى يقولوا مش حد تانى

و خدنى الزعل شوية فقلت هى عمر بلدنا دى ما هتتحسن ابدا ايه ده

فرد حد و قال طب ما انت تقدر تعيش بره على طول ايه اللى بيرجعك

قلت انت طبعا فهمت انى كاره البلد صح .. انا عمرى ما اكره بلدنا عارف ليه

بلدنا دى زى امك بالظبط تخيل لو بعد الشر ماما جالها كل امراض الدنيا هتكرها او هترميها ف بيت المسنيين مثلا

قالوا لآ اطلاقا ده انا هبيع عمرى عشان تقوم بالسلامة

قلت انا مش ناوى ابيع عمرى عشان القاهرة تتحسن وتبقى تنفع للبنى ادمين يعيشوا فيها

انما على الاقل مكرهاااااااااش

و دمتم فى ود

و كل سنة وانتو طيبين

;كلنا نفس الموضوع عندما نتقد اى شىء فى مصر ونتمى ان يكون كل شىء فى مصر جميل زى ما شفنا فى بلاد اخرى متقدمة او نايمة مثلنا ونتمنى ان تكون مصر احسن من اى بلد نتهم بأننا نكرها هو فى واحد ممكن ان يكره امه؟

المطلوب منا حتى بثبت حبنا لمصر ان نقول الشعر فى كل ما نراها حتى لو كان مطب او حفرة فى الشارع[/color]

مساء الخير..

طلب سى السيد تدخل الادارة والحكم بما تراه عدلا....وهنا ارى ان يتدخل اخى / ابو محمد ..( افضل ) .

لان رأيى وحكمى ( بالعدل ) سيكون .............حذف الموضوع

انا اؤيدطلب سى السيد و الاخت سلوى بتدخل الادراة وحذف الموضوع

الوطن وحب الوطن...

تغربت عن بلدى .رأيت فيها بلاد كثيرة ........زرت مدنا كثيرة .....اكلت فى افخم مطاعم ....وارتديت احدث الموديلات دائما ...

وتمتعت بالتنزه فى الغابات وصعود الجبال ...وغيره وغيره وغيره ....

تعاملت مع اغلب الاجناس البشرية

ولم اجد...ولن اجد ....اى راحة نفسية ...كالتى اجدها فى سكندريتى ..

انا من تراب هذه البلد ....مهما تغير لون الباسبور ...!!!! فهمت ؟؟ فهمت قصدى ؟؟ ازاى حاتغير دمك ؟؟؟

ازاى ؟؟؟

ليست هذه اشعار ....وليس هذا مجرد كلام رومانتيك ..

اللى ملهوش جذور ملهوش فروع

الانتماء لابد يكون نابع من الآباء ....حتى يتوارثه الابناء ...

لوواحد محبش بلده وشعر بالانتماء لهذا البلد ...........((( اكيد فيه خلل....اكيد فيه شئ مش طبيعى )))

الانتماء موجود فى الجينات ...

صدقنى ...

موجود فى الجينات ..

كلام جميل و لكى منى كل تقدير

لان كل كلامك (اسف للاقتباس مع التصرف حتى يكون عام ) ينطبق علينا جمعيا كمصريين ولكن قد نختلف فى طرق التعبير

أنا حزينة جدا لما وصل اليه الحوار الان

وبجد كنت حاسة من ساعة لما عرفت المنتدى إني لقيت أهلي الي إتحرمت منهم في الدنيا لأن

ربنا إختارهم لجواره ولا راد لقضاء الله بس دلوقتي ............

مش لاقيه حاجه أقولها غير إنا لله وإنا إليه راجعون........

سلام عليكم

للاسف حتى الان لانعرف ان نتحاور

مع ان اسم المنتدى محاورات المصريين ولكن عندما نتحاور عن اى موضوع له علاقة بمصر و يهمنا كمصريين يتحول الحوار الى قتال والمصريين الى وطنيين او غير وطنيين

وانا كذلك حزين جدا للوضع الذى وصل ايه مستوى الحوار

الرجاء من الادارة غلق هذا الموضوع

[أبو محمد]

أنا حزينة جدا لما وصل اليه الحوار الان

سؤال ليس من ورائه أى شئ سوى معرفة الإجابة من حضرتك يا أخت بركة :

أيهما أكبر ؟ حزنك على ما وصل إليه الحوار فى هذا الموضوع ؟ أم حزنك على ما وصل إليه الحوار فى "بعض" موضوعات كندا ؟

لا أستطيع توضيح السؤال بنماذج لبعض المداخلات المحذوفة أو العضويات المشطوبة .. فهى قد حُذفت لأنها لا تليق بمحاورات "المصريين" .. مع أن التوضيح بتلك النماذج من المداخلات المحذوفة ربما يجعلك تضعين اليد على العناصر المشتركة فيها

وبجد كنت حاسة من ساعة لما عرفت المنتدى إني لقيت أهلي الي إتحرمت منهم في الدنيا لأن

ربنا إختارهم لجواره ولا راد لقضاء الله بس دلوقتي ............

مش لاقيه حاجه أقولها غير إنا لله وإنا إليه راجعون........

سلام عليكم

رحم الله من حُرمت منهم من أهلك .. وندعو الله أن يجمعك بهم فى الجنة بكرم ورحمة العزيز الغفار

ونرجو أن يستمر إحساسك بأنك فى وسط أهلك

[ايهاب سالم]

حُذفت المداخلة

تم تعديل 7 ديسمبر 2008 بواسطة أبو محمد
رد على أجزاء محذوفة

[أبو محمد]

نصت الفقرة الختامية من قواعد المشاركات على الآتى :

إذا لزم الأمر ستصدر الإدارة إعلانات إدارية لشرح أو تفصيل أو تأكيد القواعد السابقة بما يضمن توفير جو صحى للحوار الحر المثمر

وفيما يأتى اقتباس لأول شرح لقواعد المشاركات ، وقد جاء - لأهميته - فى أول إعلان عن إعادة صياغة القواعد ..

كان الاتجاه إلى النص صراحة على ضرورة الالتزام بعدم الإساءة إلى "الوطن" تصريحا أو تلميحا .. ربما يكون ذلك مفيدا فى المواجهة السريعة لكل من يضمر سوءا تجاه "الوطن" نابعا من تجربة شخصية أو فهم سقيم لمعنى "الوطن"

وعلى الجانب الآخر يُخشى أن يترجم النص الصريح على أنه حجر على حرية انتقاد المساوئ من سياسات أوسلوكيات أو فساد مما لاينكره إلا غافل أو متغافل وهو مايعوق الجهود المخلصة للوصول إلى حلول لتلك النقائص

على أية حال .. أرجو أن تكون القواعد الجديدة بصورتها الحالية كافية لمواجهة من لا يفرقون بين "الوطن" ومن يديرون شؤون هذا "الوطن" .. بين الاستهانة بالوطن وانتقاد نقائص وسلبيات المواطنين من قاعدتهم إلى قمتهم .. هذا الخلط الذى سببه زعماء سابقون كانوا يعتبرون أى إساءة لهم أو لسياستهم إساءة لمصر ..

أرجو أن أكون قد أوضحت أن أى استهانة أو استهزاء أو سخرية بالوطن "مصر" هى مما يؤذى كل مصرى حقيقى .. وأن من يقع فى هذا الخلط السقيم عليه ألا يتوقع أى تساهل من "المصريين" فى "محاورات المصريين"

إن إعادة هذا الشرح هنا هو التحذير الأخير من فريق الإشراف مصحوبا برجاء خالص إلى جميع الأعضاء الأفاضل لمراعاة عدم الخلط المشار إليه فى الاقتباس السابق ..

ويأتى هذا التحذير نيابة عن جميع المصريين الأفاضل أعضاء "المحاورات" الذين عبَّروا - علنا وفى الرسائل الخاصة - عن استيائهم من تعمد الكتابة عن وطنهم بكل ما يسئ (فقط) ، وهو أسلوب أبعد ما يكون عن أسلوب النقد الذاتى البنَّاء الذى نشجعه ويتبعه أغلب الأفاضل من أعضاء "محاورات المصريين" .. وقد خص بعض الأعضاء الأفاضل العضو الفاضل إيهاب سالم باتباع هذا الأسلوب .. لذلك نتوجه إليه بصفة خاصة برجاء أن يأخذ هذا التحذير مأخذ الجد

ملحوظة : سيغلق الموضوع بشكل مؤقت لتنقية مداخلاته من أى إساءة إلى مستوى الحوار الراقى الذى نأمله

عن فريق الإشراف

أبو محمد

[أبو محمد]

نأسف للإغلاق المؤقت للموضوع .. وها قد أعيد فتحه بعد تنقيته

نرحب بالنقد الذاتى البناء من جميع الأعضاء "المصريين" للسلبيات التى لا ينكرها إلا من يُغلق عينيه وعقله .. وفى نفس الوقت فلن نقبل أى خروج عن الأسلوب البناء سواء من "مصريين" أو من "غير مصريين"

عن فريق المشرفين

أبو محمد

[blbl]

يعني سبحان الله المليون ونص كندي المشردين واللي الامم المتحدة كان عندها مبعوث لكندا بسببهم وقلتلها عيب وبلاش فضايح وشوفيلك حل في مشردينك طلوعوا مشردين هواية عشان الاستمتاع بالجليد. وبعدين فيها ايها لما الوطن يوفر مخدرات لولاده. طب في سويسرا بيصرفوا مخدرات للمواطن المدمن.

وبعدين المشردين مش عايزين يشتغلوا بمزجهم!! مش لما المليون عاطل والناس اللي عماله تتسرح عند حضرتك يلاقوا شغل يبقي المشردين يشتغلوا. تخيل حضرتك لو انت مسؤل HR في ماكدو وجالك ابليكاشن لواحد ماجستير ولادكتوراه من المهاجرين عشان يشتغل كاشير هتسيبة وتاخذ مشرد ديبقي صحيح وطن مبيقدرش العلم ولا العلماء.

[newcomer]

بعد ان تخرجت من الجامعه كنت مثل غيري من شباب الخرجين احاول ان احدد مستقبلي وان ابحث عن عمل يتناسب معي وكان من ضمن الخيارات السفر الي الخارج وبدأت في السعي الي السفر وبكل بساطه مش عارف ازاي دي حصلت عليها وجدت بين يدي فيزا لدوله اوربيه كبيره ولم اقاتل للحصول عليها ومش عارف ليه بعد تفكير وجدت نفسي دون تعقل او ان هناك دافع غير محسوس منعني من الاستمرار في السفر ورفضت فكره الغربه الي دوله اوربيه

وبعد ذلك بفتره قصيره وجدت بين يدي عقد عمل لدوله خليجيه وبردوا مش عارف ايه اللي خلاني اتلكك وارفض العقد بعد ان وقعت عليه وكان فاضل حجز التذكره وبردوا مش عارف ايه اللي خلاني استني في مصر وارفض جميع فرص العمل خارج بلدي

ومش كده وبس ده لما اغادر مدينتي لمده ايام وارجع ليها تاني بحس اني سايبها بقالي سنين ومابيتخيلش اني في يوم من الايام اتحرم من بحرها وجوها

يمكن انا بيتي شويه ولو سافرت ميت كيلوا بعيد عنها اقول ياغربتي

الواحد مننا اتلهي في اكل العيش والعيال والحياه بس بردوا لما باحب اشوف صحابي اشوفهم في اي وقت

وامي لو مر يوم ماشفتهاش بحس ان فيه حاجه غلط في حياتي

ودائما كنت من انصار البحث عن لقمه العيش داخل الوطن

اه ممكن ارجع اخر الليل بس في النهايه في حضن اولادي وزوجتي

ممكن اكون بالحس التراب بس في الاخر اسمي في بلدي وبين اخواتي

ولما الواحد بيمرض بلاقي اخواتي واصحابي معايا مابسيبونيش وده بيخلي المرض يخف بنسبه النص

والفطار عندي يوم الجمعه الصبح لو مارحتش اقف في طابور العيش واتعب واجيب العيش واقف عند بتاع الفلافل اللي الفلافل بتاعتو محروقه بالزيت المتنيل بستين نيله افضل اكل وكأني واكل خروف لوحدي

هوه ده الوطن

بحلوه وبمره الي بيحب مصريحبها علي حلوها ومرها

واللي اتعود يعيش بره مصر بصراحه مايقدرش يعيش فيها تاني

اه ممكن يزورها لفتره بس يعيش فيها باستمرار صعب شويه

عشان كده انا بحمد ربنا اني ماشوفتش غيرها عشان احب اعيش فيها ومابأش ناقم علي عيشتها

الوطن هو الاهل والحباب ولقمه العيش وده اختصار للموضوع

طاب صباحكم

كلام حضرتك حسيته صادق لدرجة توجع القلب و تدمع العين....... ربنا يديم عليك نعمة الرضا و يرد غربتنا جميعا

كل سنة وانتم طيبين و.........مصريين