ما هو الوطن الذى تنتمى اليه ؟

[tarek hassan]

بعد ان تخرجت من الجامعه كنت مثل غيري من شباب الخرجين احاول ان احدد مستقبلي وان ابحث عن عمل يتناسب معي وكان من ضمن الخيارات السفر الي الخارج وبدأت في السعي الي السفر وبكل بساطه مش عارف ازاي دي حصلت عليها وجدت بين يدي فيزا لدوله اوربيه كبيره ولم اقاتل للحصول عليها ومش عارف ليه بعد تفكير وجدت نفسي دون تعقل او ان هناك دافع غير محسوس منعني من الاستمرار في السفر ورفضت فكره الغربه الي دوله اوربيه

وبعد ذلك بفتره قصيره وجدت بين يدي عقد عمل لدوله خليجيه وبردوا مش عارف ايه اللي خلاني اتلكك وارفض العقد بعد ان وقعت عليه وكان فاضل حجز التذكره وبردوا مش عارف ايه اللي خلاني استني في مصر وارفض جميع فرص العمل خارج بلدي

ومش كده وبس ده لما اغادر مدينتي لمده ايام وارجع ليها تاني بحس اني سايبها بقالي سنين ومابيتخيلش اني في يوم من الايام اتحرم من بحرها وجوها

يمكن انا بيتي شويه ولو سافرت ميت كيلوا بعيد عنها اقول ياغربتي

الواحد مننا اتلهي في اكل العيش والعيال والحياه بس بردوا لما باحب اشوف صحابي اشوفهم في اي وقت

وامي لو مر يوم ماشفتهاش بحس ان فيه حاجه غلط في حياتي

ودائما كنت من انصار البحث عن لقمه العيش داخل الوطن

اه ممكن ارجع اخر الليل بس في النهايه في حضن اولادي وزوجتي

ممكن اكون بالحس التراب بس في الاخر اسمي في بلدي وبين اخواتي

ولما الواحد بيمرض بلاقي اخواتي واصحابي معايا مابسيبونيش وده بيخلي المرض يخف بنسبه النص

والفطار عندي يوم الجمعه الصبح لو مارحتش اقف في طابور العيش واتعب واجيب العيش واقف عند بتاع الفلافل اللي الفلافل بتاعتو محروقه بالزيت المتنيل بستين نيله افضل اكل وكأني واكل خروف لوحدي

هوه ده الوطن

بحلوه وبمره الي بيحب مصريحبها علي حلوها ومرها

واللي اتعود يعيش بره مصر بصراحه مايقدرش يعيش فيها تاني

اه ممكن يزورها لفتره بس يعيش فيها باستمرار صعب شويه

عشان كده انا بحمد ربنا اني ماشوفتش غيرها عشان احب اعيش فيها ومابأش ناقم علي عيشتها

الوطن هو الاهل والحباب ولقمه العيش وده اختصار للموضوع

طاب صباحكم

فعلا رائع يا إسلام

[ايهاب سالم]

يعني سبحان الله المليون ونص كندي المشردين واللي الامم المتحدة كان عندها مبعوث لكندا بسببهم وقلتلها عيب وبلاش فضايح وشوفيلك حل في مشردينك طلوعوا مشردين هواية عشان الاستمتاع بالجليد. وبعدين فيها ايها لما الوطن يوفر مخدرات لولاده. طب في سويسرا بيصرفوا مخدرات للمواطن المدمن.

وبعدين المشردين مش عايزين يشتغلوا بمزجهم!! مش لما المليون عاطل والناس اللي عماله تتسرح عند حضرتك يلاقوا شغل يبقي المشردين يشتغلوا. تخيل حضرتك لو انت مسؤل HR في ماكدو وجالك ابليكاشن لواحد ماجستير ولادكتوراه من المهاجرين عشان يشتغل كاشير هتسيبة وتاخذ مشرد ديبقي صحيح وطن مبيقدرش العلم ولا العلماء.

يا أخ بلبل .. متزعلش نفسك

لو هيريحك نقول على الوطن وحش نقول مش مشكله

و انا كنت إبتعدت عن الموضوع خلاص و قلت كل واحد ينام على الوطن اللي يريحه

لكن مادام حضرتك فتحت الموضوع تاني ... يبقى انا لازم أوضح تاني

بالنسبه للبطاله ... مفيش وطن مفيهوش بطاله

لكن فيه (وطن) يوجد به نظام يسمى "صندوق التأمين على التوظيف " employment insurance أو EI و هو عباره عن إقتطاع مبلغ شهري من العاملين لوضعه في صندوق و إستثماره لصرف مرتب أسبوعي لمن يفقد شغله حتى يجد عمل أخر و لو عمله أصبح غير مطلوب يتم تدريبه على كاريير جديد برضه من نفس الصندوق

أنا يستقطع مني 1.7 % شهريا من راتبي لصالح صندوق EI و طبعا جهة عملي تدفع مبلغ أخر لنفس الصندوق عن كل موظف

إتفضل

و بعدين حضرتك ممكن تشرفنا و تشوف مجلات الوظائف المجانيه على الرصيف مليانه وظائف بتاعة 10 دولار في الساعه

لكن مش كل الناس بتقبل تشتغل الوظائف دي ... فبيفضلوا محسوبين على نسبة البطاله

و كمان المهم إنه لما حد بيفقد وظيفته أطفاله لا يتأثرون ... لأنهم يستمرون في نفس مدارسهم المجانيه و يتمتعون بنفس العلاج المجاني و تستمر منحة الحكومه الشهريه لهم بنفس القيمه

بالنسبه للمشردين .. مش عارف اعمل أيه اكتر من إني جبت لك قائمه بالملاجئ المتوفره لهم من الحكومه و من المنظمات الخيريه و التي توفر لهم مسكن و وجبات مجانيه كمان

مفيش مانع نكررها تاني

http://www.toronto.ca/housing/

http://atwork.settlement.org/sys/atwork_of...?doc_id=1000333

http://www.ywcatoronto.org/shelter_housing_support/index.htm

كمان ذكرت لك إني شفت بعيني سيارة مجلس المدينه بتاخدهم اثناء موجة برد و بعضهم فضل يفضل مكانه و ينام في محطات المترو أو تحت الكباري لأنه عايز يتعاطى مخدرات بمزاجه أو ببساطه لأن دماغه تعبانه و عايز يعيش بوهيمي و لو شفتهم على الطبيعه هتعرف من اول نظره إنهم مش طبيعيين

مفيش مانع إني أذكر حادثه اخرى حدثت معي عندما وصلت الوطن اول مره و كنت أبحث عن شقه للإيجار و توقفت امام عماره و وجدت سيده مسنه تجر عربة مشتريات و تدخل العماره سألتها فيه شقق فاضيه للإيجار هنا قالت لي العماره دي مش للإيجار .. العماره دي الحكومه أجرتها بالكامل لتسكين ال seniors يعني المسنيين و حضرتك سيد العارفين و أزيدك من الشعر بيت

السيده كانت من الوطن

و الله على ما اقول شهيد

قارن مشكلة المشردين في الوطن بمشكلة أطفال الشوارع في الوطن الأخر

كيف تعامل كل وطن مع المشكله

محدش يقول إنها مشكلة إمكانيات ماديه

فالوطن .... أي وطن ... لن يعجز عن إيواء أطفال مشردين

هؤلاء هم لحم الوطن

ده أخر كلام عندي في هذوها الموضوع

و كل واحد ينام على الوطن اللي يريحه

تم تعديل 7 ديسمبر 2008 بواسطة ايهاب سالم

[الدكتورة أم أحمد]

من يريد أن يترك الوطن لأن السبل قد تقطعت به فى أرجائه بحثا عن رزق أوفر .. فأنا أبارك مسعاه

من يريد أن يترك الوطن حنقا على الفساد .. فأنا أدعو له الله أن يوفقه

من يريد أن يترك الوطن بغضا لنظام حكم عشوائى مغرض .. فنعم البغض

من يريد أن يترك الوطن بحثا عن العلم والمعرفة والرقى .. فقلبى معه واحترامى له

أما من يريد أن يترك الوطن لأنه لا يحب هذا الوطن .. فأنا أتمنى أن يكون ذلك بأسرع ما يمكن .. حتى يبرأ الوطن من درنه ويعود

صحيحا خالصا لأبنائه الذين يحبونه .. فسيكون نهوضهم بوطنهم من كبوته أيسر وأسهل فى عدم وجود من لا يحبون وطنهم

حياك الله الأخ الفاضل أبو محمد كلام رائع

وطني هو البلد التي بها جذوري

ولا أعدل بمصر بلد آخر رغم كل ما نعانيه فيها

ومانعنيه فيها هو بسبب تقصرينا في حق أنفسنا وحق بلدنا وليس بسبب مصر

[داليا المصرية]

عندي سؤال لأبناء الوطن اللي مش في الوطن

ماذا علينا نحو الوطن

بنحكي كتير عن الفساد والطغيان والبطالة والدكتاتورية والجوع والتشرد في الوطن

طيب المغتربين المصريين أو العرب مؤثرين في البلاد اللي هما فيها وطنهم الجديد أو مؤثرين بالنسبة لوطنهم الأصلي

احنا شفنا ثورات تغيير أو ضغط غيرت للأفضل أو للأسوأ من جاليات أخرى والمثل بيقول إذا لم تنفع فضر بس يكون لك دور وخلاص

[حلواني]

قتباس

من يريد أن يترك الوطن لأن السبل قد تقطعت به فى أرجائه بحثا عن رزق أوفر .. فأنا أبارك مسعاه

من يريد أن يترك الوطن حنقا على الفساد .. فأنا أدعو له الله أن يوفقه

من يريد أن يترك الوطن بغضا لنظام حكم عشوائى مغرض .. فنعم البغض

من يريد أن يترك الوطن بحثا عن العلم والمعرفة والرقى .. فقلبى معه واحترامى له

أما من يريد أن يترك الوطن لأنه لا يحب هذا الوطن .. فأنا أتمنى أن يكون ذلك بأسرع ما يمكن .. حتى يبرأ الوطن من درنه ويعود

صحيحا خالصا لأبنائه الذين يحبونه .. فسيكون نهوضهم بوطنهم من كبوته أيسر وأسهل فى عدم وجود من لا يحبون وطنهم

حياك الله الأخ الفاضل أبو محمد كلام رائع

وطني هو البلد التي بها جذوري

ولا أعدل بمصر بلد آخر رغم كل ما نعانيه فيها

ومانعنيه فيها هو بسبب تقصرينا في حق أنفسنا وحق بلدنا وليس بسبب مصر

--------------------

تأكد من صحة الحديث قبل كتابته

بعد هذه الكلمات لا يوجد كلام افضل

اسمحولي اقول اسأل نفسك عن البلد التي تتمني ان تكون احسن بلد في العالم

اجابتك هاتحدد لك ان هو دا وطـــــــــــــــــــــــــــــــــــــــــــــــــــــــــــــــــــــــنك

تم تعديل 7 ديسمبر 2008 بواسطة حلواني

[أبو محمد]

يا أخ بلبل .. متزعلش نفسك

لو هيريحك نقول على الوطن وحش نقول مش مشكله

و انا كنت إبتعدت عن الموضوع خلاص و قلت كل واحد ينام على الوطن اللي يريحه

لكن مادام حضرتك فتحت الموضوع تاني ... يبقى انا لازم أوضح تاني

بالنسبه للبطاله ... مفيش وطن مفيهوش بطاله

لكن فيه (وطن) يوجد به نظام يسمى "صندوق التأمين على التوظيف " employment insurance أو EI و هو عباره عن إقتطاع مبلغ شهري من العاملين لوضعه في صندوق و إستثماره لصرف مرتب أسبوعي لمن يفقد شغله حتى يجد عمل أخر و لو عمله أصبح غير مطلوب يتم تدريبه على كاريير جديد برضه من نفس الصندوق

أنا يستقطع مني 1.7 % شهريا من راتبي لصالح صندوق EI و طبعا جهة عملي تدفع مبلغ أخر لنفس الصندوق عن كل موظف

إتفضل

و بعدين حضرتك ممكن تشرفنا و تشوف مجلات الوظائف المجانيه على الرصيف مليانه وظائف بتاعة 10 دولار في الساعه

لكن مش كل الناس بتقبل تشتغل الوظائف دي ... فبيفضلوا محسوبين على نسبة البطاله

و كمان المهم إنه لما حد بيفقد وظيفته أطفاله لا يتأثرون ... لأنهم يستمرون في نفس مدارسهم المجانيه و يتمتعون بنفس العلاج المجاني و تستمر منحة الحكومه الشهريه لهم بنفس القيمه

بالنسبه للمشردين .. مش عارف اعمل أيه اكتر من إني جبت لك قائمه بالملاجئ المتوفره لهم من الحكومه و من المنظمات الخيريه و التي توفر لهم مسكن و وجبات مجانيه كمان

مفيش مانع نكررها تاني

http://www.toronto.ca/housing/

http://atwork.settlement.org/sys/atwork_of...?doc_id=1000333

http://www.ywcatoronto.org/shelter_housing_support/index.htm

كمان ذكرت لك إني شفت بعيني سيارة مجلس المدينه بتاخدهم اثناء موجة برد و بعضهم فضل يفضل مكانه و ينام في محطات المترو أو تحت الكباري لأنه عايز يتعاطى مخدرات بمزاجه أو ببساطه لأن دماغه تعبانه و عايز يعيش بوهيمي و لو شفتهم على الطبيعه هتعرف من اول نظره إنهم مش طبيعيين

مفيش مانع إني أذكر حادثه اخرى حدثت معي عندما وصلت الوطن اول مره و كنت أبحث عن شقه للإيجار و توقفت امام عماره و وجدت سيده مسنه تجر عربة مشتريات و تدخل العماره سألتها فيه شقق فاضيه للإيجار هنا قالت لي العماره دي مش للإيجار .. العماره دي الحكومه أجرتها بالكامل لتسكين ال seniors يعني المسنيين و حضرتك سيد العارفين و أزيدك من الشعر بيت

السيده كانت من الوطن

و الله على ما اقول شهيد

قارن مشكلة المشردين في الوطن بمشكلة أطفال الشوارع في الوطن الأخر

كيف تعامل كل وطن مع المشكله

محدش يقول إنها مشكلة إمكانيات ماديه

فالوطن .... أي وطن ... لن يعجز عن إيواء أطفال مشردين

هؤلاء هم لحم الوطن

ده أخر كلام عندي في هذوها الموضوع

و كل واحد ينام على الوطن اللي يريحه

برغم التحذير العام والتحذير الخاص الموجه إليه شخصيا

فما زال الفاضل / إيهاب سالم يصر على الخلط بين معنى "الوطن"

الواجب "الانتماء" إليه من جهة

وسياسات وكفاءة القائمين على "إدارة شؤون الوطن" من جهة أخرى

ويتضح ذلك من العبارات المظللة باللون الأزرق ..

وبناء على ذلك فقد تم رفع مستوى الإنذار عنده

وإن كان العضو الفاضل قد اختار وطنه وفضَّله

كما يتضح من العبارات الملونة باللون الأحمر

فإننا نحترم اختياره وتفضيله ، ونرحب به ضيفا على محاورات "المصريين"

ولكن

لن نسمح له مطلقا بالإساءة إلى "وطن" باقى أعضاء الموقع المضيف

"محاورات المصريين"

عن فريق الإشراف

أبو محمد

[ايهاب سالم]

أنت حر في رفع مستوى الإنذار يا أبو محمد

فهذا من صلاحياتك

أما فأنا

لدي و طنيين ( أو وطنان )

كندا و مصر

و اظن هذا واضح من كلامي

الانسان اى انسان ليس له الا وطن واحد ده الاصل

لا أتفق معاك

في حالات كتير ممكن يكون عندك أكثر من وطن و تحبهم جميعا لكن بدرجات مختلفه

يعني مثلا لو واحد أبوه و أمه من بلدين مختلفين وعنده أقارب هنا و هنا وذكريات هنا وهنا

هيبقى عنده وطنين

لو واحد إتولد و عاش شبابه في بلد و هاجر بلد تانيه هيبقى عنده وطنين و جنسيتين لكن ممكن تختلف درجة حبه لكل وطن فيهم

زي ما ممكن الواحد يحب صديق أكثر من صديق أخر أو تحب زوجه أكثر من الأخرى

تم تعديل 7 ديسمبر 2008 بواسطة ايهاب سالم

[blbl]

ا/ايهاب يبدو ان حضرتك لم تزور اي دولة غير كندا. كل ما ذكرته واكثر موجود بدول كثير. صندوق البطالة موجود مدارس مجانية موجودة علاج مجاني موجود علاج اسنان مجاني مرتب للاطفال منحة للام بمناسبة الولادة.حتي امريكا مفرمة البشر والة الراسمالية فيها كتير من الكلام ده. مش فاهم ايه انفراد كندا بالمناسبة هي معونة البطالة كام ولفترة اد ايه. بل هناك دول بتصرف للعاطل تمن الهوايات ركوب خيل سينما سباحة بروفوشنال دفلوبمنت. كنت في زيارة لميلانو للسياحة وحدث حادث لابني. حضر الاسعاف ونقل للمستشفي وعمل اشعة وطقم دكاترة محترم من عيون لمخ واعصاب وفي النهاية لم ادفع مليم. اما بالنسبة لدعوة حضرتك فانا كنت فيها ومستحملتش كتير وحاليا بازورها كتير ولي الكثير من الاصدقاء في هاميلتون.

اما عناوين المؤساسات فحتي مصر فيها عناوين لجهات ممثلة وكل تبريراتك عن مشردين وعاطلين كندا ستجدها تنفع كتبرير لمشردي مصر.

[ايهاب سالم]

ا/ايهاب يبدو ان حضرتك لم تزور اي دولة غير كندا. كل ما ذكرته واكثر موجود بدول كثير. صندوق البطالة موجود مدارس مجانية موجودة علاج مجاني موجود علاج اسنان مجاني مرتب للاطفال منحة للام بمناسبة الولادة.حتي امريكا مفرمة البشر والة الراسمالية فيها كتير من الكلام ده. مش فاهم ايه انفراد كندا بالمناسبة هي معونة البطالة كام ولفترة اد ايه. بل هناك دول بتصرف للعاطل تمن الهوايات ركوب خيل سينما سباحة بروفوشنال دفلوبمنت. كنت في زيارة لميلانو للسياحة وحدث حادث لابني. حضر الاسعاف ونقل للمستشفي وعمل اشعة وطقم دكاترة محترم من عيون لمخ واعصاب وفي النهاية لم ادفع مليم. اما بالنسبة لدعوة حضرتك فانا كنت فيها ومستحملتش كتير وحاليا بازورها كتير ولي الكثير من الاصدقاء في هاميلتون.

اما عناوين المؤساسات فحتي مصر فيها عناوين لجهات ممثلة وكل تبريراتك عن مشردين وعاطلين كندا ستجدها تنفع كتبرير لمشردي مصر.

كل اللي حضرتك تشوفه ماشي

عايزين نخرج من الحلقه المفرغه دي

[Torontotruk]

ا/ايهاب يبدو ان حضرتك لم تزور اي دولة غير كندا. كل ما ذكرته واكثر موجود بدول كثير. صندوق البطالة موجود مدارس مجانية موجودة علاج مجاني موجود علاج اسنان مجاني مرتب للاطفال منحة للام بمناسبة الولادة.حتي امريكا مفرمة البشر والة الراسمالية فيها كتير من الكلام ده. مش فاهم ايه انفراد كندا بالمناسبة هي معونة البطالة كام ولفترة اد ايه. بل هناك دول بتصرف للعاطل تمن الهوايات ركوب خيل سينما سباحة بروفوشنال دفلوبمنت. كنت في زيارة لميلانو للسياحة وحدث حادث لابني. حضر الاسعاف ونقل للمستشفي وعمل اشعة وطقم دكاترة محترم من عيون لمخ واعصاب وفي النهاية لم ادفع مليم. اما بالنسبة لدعوة حضرتك فانا كنت فيها ومستحملتش كتير وحاليا بازورها كتير ولي الكثير من الاصدقاء في هاميلتون.

اما عناوين المؤساسات فحتي مصر فيها عناوين لجهات ممثلة وكل تبريراتك عن مشردين وعاطلين كندا ستجدها تنفع كتبرير لمشردي مصر.

تسلم ايدك ...

[Alshiekh]

ما هو وطنك؟

هل هو الذى ولدت فيه؟ الكثير من او من اولادنا المصريين ولدوا فى بلاد عربية او اجنبية

هل هو الذى ترعرعت ونشأت فيه؟ كذلك الكثير من المصريين من الجيل الثانى المهاجر نشأوا فى بلاد اخرى غير مصر

هل هو الذى تحمل جنسته وباسبوره؟ حاليا الكثير الكثير من المصريين يحملون جنسيات اخرى اجنبية

هل هو الذى تتكلم لغته؟

هل هو الذى يوفر لك الامان والرعاية لك ولأسرتك (صحية وتعلمية واجتماعة ومادية)

هل هو الذى يحتضنك شعبه بكل دفء و تشعر فيه بأنك لست وحدك وانك وسط اهلك وناسك

هل هو الحكومة وما تقدمه لك كمواطن؟من حماية داخل وخارج الوطن

هل هو الذى تعطيه اكثر مما يعطيك او هو الذى يعطيك اكثر مما تعطيه؟

زمان كان وطنك هو الذى تولد به وتنشأ فيه وتتعلم فى مدارسه و تتكلم لغته ويمكن لاترى اى مكان غيره طوال عمرك

و كنت ترى كل مافيه جميل مهما كان

حتى الحكومة كانت بتقول او بتعمل اى شىء كنا عارفين انه لصالحنا وصالح الوطن ولا توجد احسن من حكومتا فى العالم تعمل لصالح بلدها

والأن الوضع اختلط

هذا مجرد استفسار بدون قصد مخفى او خبيث

ممكن كل واحد يكتب ماذا يعنى الوطن بالسبة له وأولاده وبدون ان يتحول الموضوع لصدام و خلافات

على الرغم من ان كاتب الموضوع كان قد اوضح قصده من خواطره ، وتخوفه صراحة من ان يتحول الموضوع الى صدام وخلافات ، الا ان البعض اصر على الا يجيب على التساؤلات ، وان يتعمد ان يجعلها مبارة فى ابراز عيوب مصر والتى لاتخلو من مثلها اى دولة.

ماذنب ارض الآباء والأجداد ان نصب عليها جام غضبنا؟

هل ننتقد الوطن ( الأرض ) أم النظام ( الافراد ) الذى فضلنا ان نتفرج عليهم وان نأخذ الجانب السلبى وندعهم يرتعون فى الوطن يعملون فيه مائاء لهم أن يفعلوا؟

الافاضل الذين لايحلو لهم الا المعايرة بودى ان أسألهم " ماذا قدمتم للوطن " الناس التعبانين اللى ماكانش ليهم حظ من التعليم او الانفاق " الوطن الذى تربيتم على أرضه وشربتم من ماؤه وتعلمتم فى مدارسه وجامعاته ؟ هل رددتم له الجميل؟ بعد ان حصلتم على شهاداتكم من جامعاته وعملت منكم اشخاص ذوى حيثية وأهلتكم ان تضعوا ارجلكم على سلم الهجرة والتى بدونها ماكانت سفارة اى دولة لتنظر فى وجوهكم لا ان تسعى لاجتذابكم مواطنين بها؟

ولتعريف الوطن لو افترضنا انه ممكن ان يكون لى وطنان ، فابسط اجابة اننى لن اوافق على ان يقوم وطنى الذى اعيش فيه بأن يحارب وطنى الذى انتمى اليه بالاساس ، وسوف اتظاهر واعترض لو قام وطنى الثانى باعلان الحرب على وطنى الاول وبالطبع لن اشارك فى مقاتلة وطنى الاول ، على اعتبار ان وطنى الاول هو " مصر "

ونفس الاجابة حصلت عليها من الصينى ومن الهندى ومن الايطالى والمكسيكى والبلغارى.

وقد كان لى موضوع قريبا من هذا الخصوص " حاتدى إيه لمصــــر؟, ردا للجميـــــــــــــــــل "

[أبو محمد]

قدَّر الفاضل محمد أن ما يُصرف على الواحد من خريجى بعض الكليات قد يصل إلى أكثر من ربع مليون جنيه لكى يجد له موطئ قدم فى وطنه الجديد الشيك النظيف الذى يتمتع فيه بحريته الكاملة حتى فى ان يكون فقيرا مثل عم عمران "المضطر" .. ومن نافلة القول أن من بين من ساهم فى هذا المبلغ أناس بسطاء ربما لا يأخذون ال Morning Shower .. وقد تكون مساهمتهم تلك من بين أسباب عدم أخذ ذلك ال Shower

وجاء فى موضوعه سؤال مهم قد يساعد فى الإجابة على عنوان الموضوع .. أنا متأكد من أن هناك مجموعة تهرب حتى من سماع السؤال فضلا عن التفكير فى إجابة له ..

بالنسبة للغالبية من المصريين (فى الداخل أو فى الخارج) فالسؤال لا يمثل أى مشكلة لأنه غير مطروح من الأساس ..

أما من هم فى وضع التساؤل (خاصة من لا يحبون كلام الشعارات والوطنية الفارغة) فأنا أطلب منهم أن يسألوا أنفسهم وأن يكونوا صادقين مع أنفسهم :

لو أُعلنت الحرب بين مصر و "وطن" المهجر .. فإلى أى الجيشين سينضم ؟ وإن لم يكن فى سن الانضمام إلى الجيوش فأى مجهود حربى سيدعم ؟ .. وإن لم يكن يملك ما يدعم به أيا من المجهودين الحربيين ، فلأى "وطن" سيكون ولاؤه ؟ إلى "الوطن" الفقير الذى اقتطع من لحم الحى ليجعل "الوطن" الجديد يستقبله فاتحا له ذراعيه ؟ أم "للوطن" الجديد الذى استقبله فاتحا ذراعيه ؟

من يخجل من الإجابة فليمتنع عن الإدلاء بها

ملحوظة : لا أعنى بالخجل هنا اتهام أى من الأعضاء الأفاضل بالجبن - لا سمح الله - ولكنى أعتقد أن الخجل ربما يكون لأن الولاء "للوطن" عند غير المهاجرين لا ينبع من قَسَم منطوق أمام شهود .. فى حين أن المهاجر قد أقسَم قسما رسميا بالولاء لدولة ما أو لشخص ما أمام شهود

تم تعديل 8 ديسمبر 2008 بواسطة أبو محمد
إضافة الملحوظة فى ذيل المداخلة

[لولا]

لو سألتك انت مصرى تقولى ايه ؟؟

تقولى مصرى ابن مصرى

و ابن مصر الله عليه

انا مصرى و ابويا مصرى

بسمارى و لونى مصرى

و بخفة دمى مصرى

و كل مصرى الله عليه

يحرم البعض نفسه من الكثيييييييييييييييييييييير عندما ينسلخ بإحساسه عن الوطن .. لا أعرف ساعتها لأى شيئ

ينتمى ؟؟ مهما إشتدت بمصر المحن والظروف القاسيه لا استطيع ان اراها فى ثوب آخر غير أنها وطنى .. بلدى الذى رغم كل ما يمر به

افخر لأقصى درجه انى انتمى له .

لولا

[فنان محتار]

وطنى هو المكان اللى لو بعدت عنه أحس بغربة وحنين

الاحساس دا ممكن يحصل معايا مثلا أوقات لما أبعد عن المرسم بتاعى

او حتى الاستوديو او لو غبت شوية عن اولادى ومراتى او مشفتش ابويا وامى

وطنى ممكن تكون القرية بتعتى النيل اللى محوطها والجبل اللى حاميها . الصحراء والخضرا

دى قريتى ووطنى وطنى ممكن اكون انا نفسى احيانا بحس بغربة وحنين لنفسى

وطنى المكان اللى فيه مش بدور على امان لانه كل الامان

وطنى هو الكون كل شبر فى الارض وطنى انا مليش حدود

الوطن مش لازم يكون محدود انا نفسى اروح امريكا وبرضه اعيش فى الصين نفسى اشوف ايطاليا

وبرضه ازور فلسطين اعيش فى نيوزيلاندا وبرضه اروح هولاندا

كل حته انا زى العصفور او السمكة او يمكن تكون نسمة بس تكون فى كل حته

هو دا وطنى انا وطنى هو انا

[الباشمهندس ياسر]

هو دا وطنى انا وطنى هو انا

فنان

كل سنة وانت طيب قبل اى كلام

بس هو سؤال واحد كده انا فهمتك صح ولا انت تقصد حاجة تانية؟؟

[احلام عادية]

الوطن الذي تنتمي اليه هو الوطن الذي يحقق لك الامن والامان والحماية وراحة البال اين كان وفي اي ارض وليس الوطن هو اسم البلد الذي تنتمي اليها جنسيتك انت ولدت جنسيتك مصري وديانتك مسلم او مسيحي اين كان فهذا لا اختيار لك فيه ولكن الوطن الذي تنتمي اليه هو من اختيارك انت وحدك فاصعب شيء علي اي انسان ان يعيش غريب في وطنه وبين اهله واحبابه فالغربة بين الاهل لا تجعلك تنتمي اليهم وان تحقق الامان والحماية في غير بلدي اكيد سانتمي اليه لكن هناك فرق بين حب بلدي وانتمائي لها الحب بداخلنا بالطبيعة او انت تحب مصر كما تحب امك وابوك ليس بالضروة ان مصر حققت كل الذي ابحث عنه حماية امان للمستقبل راحة بالي في ان لا ابحث غذا ماذا سيكون وماذا سافعل وهل هناك ما يسد جوعي لشهر او لسنه للاسف نحن نعيش علي اطهر ارض واحسن وطن ولكن لا نستطيع ان نحيا علي ارضه لانه لا يحقق الينا كل ما نتمناه

[شاب مصري]

ما هو وطنك؟

هل هو الذى ولدت فيه؟ الكثير من او من اولادنا المصريين ولدوا فى بلاد عربية او اجنبية

هل هو الذى ترعرعت ونشأت فيه؟ كذلك الكثير من المصريين من الجيل الثانى المهاجر نشأوا فى بلاد اخرى غير مصر

هل هو الذى تحمل جنسته وباسبوره؟ حاليا الكثير الكثير من المصريين يحملون جنسيات اخرى اجنبية

هل هو الذى تتكلم لغته؟

هل هو الذى يوفر لك الامان والرعاية لك ولأسرتك (صحية وتعلمية واجتماعة ومادية)

هل هو الذى يحتضنك شعبه بكل دفء و تشعر فيه بأنك لست وحدك وانك وسط اهلك وناسك

هل هو الحكومة وما تقدمه لك كمواطن؟من حماية داخل وخارج الوطن

هل هو الذى تعطيه اكثر مما يعطيك او هو الذى يعطيك اكثر مما تعطيه؟

زمان كان وطنك هو الذى تولد به وتنشأ فيه وتتعلم فى مدارسه و تتكلم لغته ويمكن لاترى اى مكان غيره طوال عمرك

و كنت ترى كل مافيه جميل مهما كان

حتى الحكومة كانت بتقول او بتعمل اى شىء كنا عارفين انه لصالحنا وصالح الوطن ولا توجد احسن من حكومتا فى العالم تعمل لصالح بلدها

والأن الوضع اختلط

هذا مجرد استفسار بدون قصد مخفى او خبيث

ممكن كل واحد يكتب ماذا يعنى الوطن بالسبة له وأولاده وبدون ان يتحول الموضوع لصدام و خلافات

بجد بجد بجد مش عارف :unsure:

ارفع راية لا اله الا الله محمد رسول الله ومايهمكش bxg::

[الباشمهندس ياسر]

ارفع راية لا اله الا الله محمد رسول الله ومايهمكش

:unsure:

[مغتربة]

مصر هى امنا الحقيقيه التى انجبتنا اما اى وطن اخر لن يعدو اكثر عن ام بالتبنى

لا يستطيع احد من البشر ان يحب امه البديله اكثر من امه الطبيعيه

و من قال غير ذلك حتما سيكون بيناقض نفسه

دمتم بخير

[nizza la bella]

مصر هى امنا الحقيقيه التى انجبتنا اما اى وطن اخر لن يعدو اكثر عن ام بالتبنى

لا يستطيع احد من البشر ان يحب امه البديله اكثر من امه الطبيعيه

و من قال غير ذلك حتما سيكون بيناقض نفسه

دمتم بخير

::وممكن نقول برضو الام اللى بتربى مش اللى بتخلف

تم تعديل 11 ديسمبر 2008 بواسطة nizza la bella