هل كل المصريين بالسعودية كدا

[nodey]

اخواني السلام عليكم وكل عام وانتم بخير بمناسبة عيد الاضحي المبارك

انا مدرس في المملكة من اربع سنوات

وحيث الزواج من سنه ونصف خبرتي في الحياة مش كثيره مما يجعلني انصدم من الناس كثير ويؤثر ذلك في نفسياتي وخصوصا انني لدي حادث في ساقي ومش عارف هي الناس يتجنب اللي زي واله ايه الموضوع

الواحد يجد زميله محتاج مساعده في شئ بسرعه البرق اقدم المساعده وزيادة

في الاعياد ارسل رسائل وبعضهم يعمل نفسه تقيل قوي ولا يرد حتي برنه

ابجلهم واحترمهم يقابلوا ده بنوع من اللامبلاه والاهمال وعدم الاهتمام

هل انا عبيط او ساذج او مخي صغير

هل الناس تعمل حسا ب للي يدوس عليهم وما يعبرهمش في الل....

مش عارف ايه كل الجحود ده من المصريين اللي موجودين معي وخصوصا في الشغل حاجة تقرف والله زنب وبلاوي وكلام من ورا بعض وكتيير من الامور اللي تحرق الدم

ارجو منكم تبصري للطريقو الامثل في التعامل مع الناس دي انا طهقت

[redwany]

السلام عليكم

اخى الفاضل تذكر الاتى:

انك لم تاتى الى السعوديه لتقيم صداقات وانك اتيت لاكل عيشك فقط

اذا كان المناخ فاسد من المصريين الذين يعملون معك وهذا الواقع المرير فليسعك بيتك

يكفيك شخص واحد فقط ترتاح له وتقضى معه اوقات فراغك او تنزهاتك

لاتعطى سرك لاى فرد فى المكان الذى تعمل فيه

انا اقولك اللى ناجحين هنا فى السعوديه فى اى مكان فيه تجمع من المصريين هم من يطبقون مثل فليسعك بيتك

اذا نويت ان تصادق فعليك مصادقة افرد لايعملون معك فى نفس المكان

[ozoozo]

اخي العزيز لا تنظر للحياه نظره رومانسيه بل تعرف علي الناس قدر حاجتك لهم لانهم هم ايضا يطبقو نفس المبدأ وماتعشمش زياده عن الزوم في حد -ما حك جلدك مثل ظفرك قتولي انت جميع امرك-واعلم ان مصالحك لو تقاطعه مع اي حد حتي لو اخيك فسيكون هناك مشاحنات لزالك فاصدقاءك كلما كانو بعيد عن العمل كان افضل

[Mohamed Fayek]

اخواني السلام عليكم وكل عام وانتم بخير بمناسبة عيد الاضحي المبارك

انا مدرس في المملكة من اربع سنوات

وحيث الزواج من سنه ونصف خبرتي في الحياة مش كثيره مما يجعلني انصدم من الناس كثير ويؤثر ذلك في نفسياتي وخصوصا انني لدي حادث في ساقي ومش عارف هي الناس يتجنب اللي زي واله ايه الموضوع

الواحد يجد زميله محتاج مساعده في شئ بسرعه البرق اقدم المساعده وزيادة

في الاعياد ارسل رسائل وبعضهم يعمل نفسه تقيل قوي ولا يرد حتي برنه

ابجلهم واحترمهم يقابلوا ده بنوع من اللامبلاه والاهمال وعدم الاهتمام

هل انا عبيط او ساذج او مخي صغير

هل الناس تعمل حسا ب للي يدوس عليهم وما يعبرهمش في الل....

مش عارف ايه كل الجحود ده من المصريين اللي موجودين معي وخصوصا في الشغل حاجة تقرف والله زنب وبلاوي وكلام من ورا بعض وكتيير من الامور اللي تحرق الدم

ارجو منكم تبصري للطريقو الامثل في التعامل مع الناس دي انا طهقت

أولا أسأل سعادتك سؤال ... هو الأخ مدرس لغة عربية

ثانيا ياريت تكون ثقتك بالله كبيرة وبلا حدود وثقتك بنفسك أيضا ودائما وأبدا إعمل الخير ولا تنتظر المقابل وإهتم بشغلك فقط ولاتضيع وقتك فى تلك المهاترات وإن شاء الله ربنا حيكرمك

[DIA ELDIN]

اخواني السلام عليكم وكل عام وانتم بخير بمناسبة عيد الاضحي المبارك

انا مدرس في المملكة من اربع سنوات

وحيث الزواج من سنه ونصف خبرتي في الحياة مش كثيره مما يجعلني انصدم من الناس كثير ويؤثر ذلك في نفسياتي وخصوصا انني لدي حادث في ساقي ومش عارف هي الناس يتجنب اللي زي واله ايه الموضوع

الواحد يجد زميله محتاج مساعده في شئ بسرعه البرق اقدم المساعده وزيادة

في الاعياد ارسل رسائل وبعضهم يعمل نفسه تقيل قوي ولا يرد حتي برنه

ابجلهم واحترمهم يقابلوا ده بنوع من اللامبلاه والاهمال وعدم الاهتمام

هل انا عبيط او ساذج او مخي صغير

هل الناس تعمل حسا ب للي يدوس عليهم وما يعبرهمش في الل....

مش عارف ايه كل الجحود ده من المصريين اللي موجودين معي وخصوصا في الشغل حاجة تقرف والله زنب وبلاوي وكلام من ورا بعض وكتيير من الامور اللي تحرق الدم

ارجو منكم تبصري للطريقو الامثل في التعامل مع الناس دي انا طهقت

أولا أسأل سعادتك سؤال ... هو الأخ مدرس لغة عربية

ثانيا ياريت تكون ثقتك بالله كبيرة وبلا حدود وثقتك بنفسك أيضا ودائما وأبدا إعمل الخير ولا تنتظر المقابل وإهتم بشغلك فقط ولاتضيع وقتك فى تلك المهاترات وإن شاء الله ربنا حيكرمك

اؤيد كلام الاخ محمد فايق

[بركة]

أحب أرد على السؤال بتاعك

أولا السلام عليكم

ثانيا نعم تقريبا دي أحوال ناس كتير من المصريين في الغربة في العالم كله

معلش دي الحقيقة ......... كل واحد تقوقع على نفسه وأسرته وبس والدنيا والغلاء والهموم أخدته

بعيد عن العلاقات الاجتماعيه الجانبية....... التي يعتبرها البعض مضيعة للوقت وبالذات من الناس اللي بقالهم كذا سنه

في الغربة واتعودوا عليها ونسيوا الأزمات النفسية والاحتياج للعلاقات الاجتماعية المترابطة الودية التي تخفف من الغربة على النفوس .

الواحد لو قعد يتكلم على اللي جرحوه أو صدوه أو أحرجوه مش هايخلص الكلام في عشرات السطور !!!!!!!!!

ليس العيب فيك أو فيّ ..... انما هو في رومانسيتنا الزائدة في زمن العولمة والمصالح والغلاء والانانية ........

حتى الابتسامة أصبحت من الهدايا الثمينة التي لا يتلقاها الانسان الا في المناسبات ......

لكن هناك دائما الأمل في صديق مخلص ولو كان واحدا فقط ولن تجد ذلك الا في المتحابين في الله

رزقك الله بأحدهم وساعتها ستشعر أن الدنيا مازالت بخير ...........

[osmel33]

اخواني السلام عليكم وكل عام وانتم بخير بمناسبة عيد الاضحي المبارك

انا مدرس في المملكة من اربع سنوات

وحيث الزواج من سنه ونصف خبرتي في الحياة مش كثيره مما يجعلني انصدم من الناس كثير ويؤثر ذلك في نفسياتي وخصوصا انني لدي حادث في ساقي ومش عارف هي الناس يتجنب اللي زي واله ايه الموضوع

الواحد يجد زميله محتاج مساعده في شئ بسرعه البرق اقدم المساعده وزيادة

في الاعياد ارسل رسائل وبعضهم يعمل نفسه تقيل قوي ولا يرد حتي برنه

ابجلهم واحترمهم يقابلوا ده بنوع من اللامبلاه والاهمال وعدم الاهتمام

هل انا عبيط او ساذج او مخي صغير

هل الناس تعمل حسا ب للي يدوس عليهم وما يعبرهمش في الل....

مش عارف ايه كل الجحود ده من المصريين اللي موجودين معي وخصوصا في الشغل حاجة تقرف والله زنب وبلاوي وكلام من ورا بعض وكتيير من الامور اللي تحرق الدم

ارجو منكم تبصري للطريقو الامثل في التعامل مع الناس دي انا طهقت

الأخ الكريم اولاً كل عام وأنت بخير وأرجوا أن تعتبر أن الجميع هنا فى المنتدى أصدقاء ومش عارف أقولك أيه على نوعية البشر اللى أنت شوفتها بس كل اللى هاقولهولك أنك هنا فى المنتدى هاتلاقي الناس بتساعد بعضها بدون حتى ما يعرفوا بعض يعنى لو لفيت لفة كده فى كل أو بعض التوبيكات الموجودة هاتلاقى ناس بتطلب نصائح فى أمور كتيرة وناس بترد عليها بالنصيحة بدون ما يطلبوا منهم المقابل وده أن دل على شىء بيدل على أن المصريين الأغلبية فيهم معدنهم طيب وأن شوية الناس واللى للأسف أنت عاملت بعضهم مش هما دول كل المصريين أنا هنا عايش فى قطر ولى أصدقاء كتير محترمين ومع بعض على الحلوة والمرة ومش هانكر فيه طبعاً ناس مش كويسة برضه ومنهم من جنسيات تانية يعنى الموضوع هو نفوس بشرية وعلى فكرة أنا اتعرفت من خلال المنتدى الجامد ده على أصدقاء يعنى لو دخلت على محاورات المصريين فى قطر هاتلاقى جو من المودة والحب على الرغم أن فيهم ناس أنا شخصياً لحد دلوقت ما كلمتهمش تليفونياً ولا قابلتهم

أنا مش عايزك تكتأب أن قولت أنك لسه خبرتك فى الحياة مش كبيرة لكن النصيحة اللى هانصحك بيها أن فى بداية تعرفك على الناس "تلمسهم" يعنى تحاول أن تختبرهم وتتأكد من طباعهم قبل أن تسترسل فى عواطفك تجاههم وأخيراً عامل الناس بما أنت أهل له وليس بما هم أهل له

[محمد مباشر]

قلت الكلام دا قبل كدة في مشاركة واتحذفت واتقال عليا يهودي امريكي :lol:

[ahmedkamal]

اي جنسيه فيها الحلو والوحش بس احنا كمصريين ماتعرفش ممكن نبقى جدعان قوي مع الغريب انما مع بعض وحشين طبعا مش كلنا ولعلمك اللي وحش بره برده جوا مصر كان وحش برده وفكرت انك مسافر عشان تاكل عيش ياسيدي ماشي كل عيش بس عيش لان اللي فاكر ان الحكايه سنه ولاتنين يبقى واهم الغربه مرض مزمن ويمكن يكون وراثي كمان عشان كده لازم تكيف حياتك معاها للاسف الاجيال الحاليه متسرعه شويه طماعه مستعجله الرزق الاجيال الكبيره كانت مش حاسباها قوي زي بتوعم دلوقتي لكن احنا بجد مشكلتنا اننا بنعض بعض والنتيجه مش ناجحين ف اننا نسيطر ع شيئ مش زي البنانيين ولا الهنود ولا الفلبينيين دعوات الجميع باننا نكون كويسين وياريت نحاول نظهر بصورة كويسه لان بقيه الجنسيات عارفه اننا وحشين مع بعض فبيتعاملوا معانا ع الاساس ده وياما هتشوف بره مصر او جواها

[عبدوو]

موضوعك هزنى من الاعماق زى مابيقولوا , بس الفرق انك قديم فى الغربه ( 4 سنوات ) المفروض تكون عرفت الواقع وتأقلمت معاه اما انا لسه جديد لانج ماكملت 9 شهور ..

كثير من الناس هنا وللاسف الشديد من الفئه الى انت بتتكلم عليها - الا مارحم ربى -

كلامك سليم 100 % ولاحول ولا قوه الا بالله

احيانا يكون اعتزال الناس غنيمه واحيانا يكون مكسب لك اذا كانوا صالحين

حاول ان تجدد حياتك وتستمتع بها مع اسرتك ان كانت اسرتك هنا او فى اى انشطه اخرى ( فى مسجد الحى او جميعات الاحياء مثلا ) .. الخ

نوع اهتماتك وصداقاتك واستعن بالله ولا تعجز ..

وان شاء الله ربنا يرزقك صديق صدوق صالح يعينك على الخير ويؤنسك فى غربتك ..

تقبل منى اعطر التحايا ..

وكل عام وانتم بخير .

[se_ Elsyed]

انا اقولك اللى ناجحين هنا فى السعوديه فى اى مكان فيه تجمع من المصريين هم من يطبقون مثل فليسعك بيتك

عفواً اخي الكريم .. كلامك خطأ 100 %

انا عن نفسي اختلطت بعشرات بل مئات من المصريين وكلهم ناس محترمة وزي الفُل وفئة قليلة جداً منهم كانوا ليسوا عند حسن الظن وذلك لإننا بشر فينا الصالح وفينا من دون ذلك وبكل فخر اقولها ان 100 % من اصدقائي الصدوقين اللي معاهم سري هم مصريين

طيب انا هاسأل سؤال : هو الناس اللي بتعمل زونب وبيبهدل بني جنسه و و و و و و ... ما عندهمش نت او ما بيكتبوش في منتديات مثلاً ؟

لإن لو بصيت على كل مثل تلك الموضوعات التي تصور المصريين على انهم وحوش ادميه لا تتوانى في سفك دماء ابناء بلدهم ... اتحدى لو لقيت واحد بيتكلم عن نفسه وسقول نعم انا وحش مصري ..

لكن على العكس هاتلاقي الجميع بيتكلم على إنه شخص وديع وفي حاله وخدوم وطيب وأمور .. اما جميع من تعامل معهم من المصريين كانوا وحوش كاسره فعشان كده فهو هايلزم بيته عشان يبقى ناجح وحلو

الغريب بقى ان لو جيبنا لكم احصائية عن مرتادي المنتدى من المصريين العاملين في السعودية يمكن تلاقيهم اكتر من اللي بييدخلوا من مصر .. والحمد الله اعتقد ان اغلبيتهم ناس محترمة وتقدم يد العون للجميع ..

فهل دول احنا نقناهم نقاوة من فوق القفص وسيبنا المفعص تحت ؟

ولا دول برضوا يعتبروا عينة عشوائية لما هو موجود بالفعل ؟

نرجو قليلاً من الحكمة وقليلاً من جلد الذات واهالة التراب على رؤوس المصريين يا سادة يا مصريين ياللي مش وحشين

[osmel33]

نرجو قليلاً من الحكمة وقليلاً من جلد الذات واهالة التراب على رؤوس المصريين يا سادة يا مصريين ياللي مش وحشين

المصريين للأسف معروفين بجلد الذات بل وتعذيبها وبالفهم الخاطىء لتصرفات الآخرين ومنه لله اللى كان السبب

[iloveegypt]

للامانة المصريين بالسعودية فيهم كتيير جدا ناس محترمة وبتحب بعض وبتقف جنب بعض

انا معايا مثلا اكثر من 70 مصرى فى مكان عملى لا قدر الله لو حدث مكروه لاحد تجد الغالبية واقفه بجواره ماديا ومعنويا

واتذكر نقل احد الامريكان الى المستشفى لمرضه تقريبا كل الل زاروه مصريين رغم وجود كل الجنسيات معانا

بس للاسف لو حد شاف واح او انتين يبدأ يعمم احنا عندنا مشكلة النظر لما هو مصرى بالمنظار الاسود فقط

وننسى الجانب الاخر

[se_ Elsyed]

نرجو قليلاً من الحكمة وقليلاً من جلد الذات واهالة التراب على رؤوس المصريين يا سادة يا مصريين ياللي مش وحشين

المصريين للأسف معروفين بجلد الذات بل وتعذيبها وبالفهم الخاطىء لتصرفات الآخرين ومنه لله اللى كان السبب

مين السبب ؟

اوعى تجيب سيرة حد من الحكومة !!!!!!

ايه هي الحكومة بتتحكم في تصرفاتنا واخلاقنا وتعاملنا مع بعضنا كمان ؟

[MZohairy]

انا عن نفسي اختلطت بعشرات بل مئات من المصريين وكلهم ناس محترمة وزي الفُل و كلاس جدا جدا

زيي انا مثلا بلا فخر :closedeyes:

و ممكن نحط موديست كمان معايا لأنه كويس مش بطال برضه :closedeyes:

[osmel33]

اوعى تجيب سيرة حد من الحكومة !!!!!!

ايه هي الحكومة بتتحكم في تصرفاتنا واخلاقنا وتعاملنا مع بعضنا كمان ؟

لأ يا سيدي هاجيب سيرة الحكومة طبعاً أحنا ما بنخافش لو مؤاخذة :) "طبعاً أحنا فى الأمان لأننا دلوقت مش فى مصر"

بس الحكومة اللى أنا اقصدها أوسع وأشمل من الحكومة الحالية هى الحكومة اللى قبلها واللى قبلها واللـــــــــــــــــــــى قبلها لغاية لما نوصل لفرعون مصر وهاقولك ليه

أفترض ان فيه أب بيحرم ولاده ومعيشهم فى ضنق ومخليهم أهم حاجة عندهم أنهم يلموا فلوس وبغض النظر عن منين وإزاى هل تعتقد أولاً أن الأولاد هايطلعوا أسوياء مع بعضهم أولاً ثم مع غيرهم ثانياً مش ممكن طبعاً منين يا فرج وحتى لو فرضنا أن الأب ده بيصلى وبيصوم وبيأمر ولاده بالصوم والصلاة وطبعاً بالمعيشة الضنق

ركب الحالة دى على جكوماتنا المتعاقبة هى مش برضه الحكومة والرئيس تحديداً وتوابعه ولاة الأمر زى الأب ما هو ولى أمر أولاده والمصريين هما الأبناء مستنى أيه بقى يبقى الجكومة عامل أساسي ومهم

الحاجة الوحيدة اللى فارقة المجتمع الصغير اللى هو الأسرة هى المفروض حائط الصد عن التصرفات والأخلاق الغير سوية بس تقدر تنكر أن فيه شواذ وأن بيطلع من بيوت محترمة ناس مش محترمة ليه ؟ أنا شخصياً مش عارف

أيه رأيك بقى لما الأب كمان يشيل أيده من تربية ولاده أصلاً فاكر زمان كان بيجي فى التلفزيون فقرة برنامج صغير مش فاكر أسمه بتاع يونس شلبي علشان يعلم الناس التصرف الصح من التصرف الغلط "كل

اللى أنا فاكره عنه حلقة دى زبالة يا جاهل فاكرها ؟" كان بيحض الناس على التصرف الصح والسلوك الصح يبقى الحكومة ممكن تتحكم فى تصرفاتنا وأخلاقنا صح؟

وأكيد أنت بتشوف إعلان أقم صلاتك فى الخليج ده عبارة عن توعية دينية وسلوكية وغيرها وغيرها المهم كمان الأب بيشيل أيده من التربية وتقويم الأخلاق يبقى مستنى أيه غير أنك تلاقي بعض الناس ضايعين تماماً

انت عارف ليه بقى فيه أسوياء وناس محترمة موجودين بداية علشان ربنا عايز كده وكمان علشان الناس دى خط الأخلاق والقيم واضح تماماً عندهم

أنا اعلنها على الملأ صريحة واضحة المصريين مش وحشين المصريين ممكن يكونوا سادة العالم بدون أدنى مبالغة بعلمهم وأخلاقهم وكل شيء طيب فيهم ولكن مع وجود نظام وشوية حاجات كده من تدين وأخلاق وطبعاً لازم يكون الأب أب بجد

الله يسامحك يا س س ;) قلبت علينا المواجع

[elshafey]

اخي العزيز

والله لو راجعت ذاكرتك قبل ما تسافر هتلاقي العينة اللي بتتكلم عليها موجودة في مصر وبرة مصر

يعني الناس التعبانة دي موجودة برة وجوة ويمكن الواحد مابيحسش بيهم جوة لأن في حبايب واصحاب كتير بحكم انك في بلدك وبين اهلك وصحابك والناس اللي متربي معاهم وتعرفهم من الصغر وبالتالي مابتخدش بالك من الناس التعبانة

لكن في الغربة الحبايب مش موجودين يعني مابتشوفش غير الوحش أو اللي بيبان ليك انه وحش لأنه مابيسألش ومابيعبرش

والموضوع حله بسيط اللي يعبرك عبره واللي مايعبركش ان شاالله عنه ماعبرك ... أنت رايح لهدف وطريق المفروض انك رسمته قبل ما تسافر .... لقيت فيه واحد كويس امسك فيه بايديك وسنانك لأنه مش هيتعوض .... وياما ناس عرفت بعض في الغربة وبقوا صحاب اكتر من اللي متربيين مع بعض

وبالنسبة لموضوع الزنب في الشغل ده موجود في كل حتة ورأيي في الموضوع ده اوعي تعمل زيهم وتنزل لمستواهم لأن ده مستوي اقل ما يقال عنه انه مستوي حقير وعمر ربنا ما هيباركلهم ابدا

هتقولي ما الزونب هتطولني في يوم .... أقولك وايه يعني .... رزقك ربنا كاتبه وأي واحد يحاول يقف في طريق رزقك تأكد انه مش هيقدر لأن ببساطة ربنا كتبهولك خلاص ومافيش مخلوق هيقدر يقف في سكته لأن الرزق في إيد رب العباد مش في ايد العباد

تحياتي

[أحمد سيف]

أكثر المشكلات اللي باسمع عنها بين المصريين المغتربين بتكون بين المدرسين ... مش عارف هل هذه المهنة بيكون ليها تأثير سلبي على العلاقات الاجتماعية

[magedghonim]

يا جماعة عشان خاطري

الي بيقول المصرين في السعودية وحشين(في صيغة سؤااال؟)

هو بيتكلم على اي اساس ... تجربة شخصية طبعا

ودة مش كفاية ابداا

وبعدين انا شايف ان العلاقات الانسانية بجد في الخليج

علاقات مش طبيعية بحكم ان معظم الناس مهتمة بس بالجوانب المادية(وانا واحد منهم)

طبعا دة شيء طبيعي بيفرضه الدوامات الطويلة والاقتصار في النفقات والمصاريف

على الاساسيات

بعكس مصر يعني ....

النقطة التانية المهمة هي ان الاساس في العلاقات العطاء وليس الاخد

يعني يا سيدي الفاضل المفروض ان الواحد يدي او يعمل خير لحد ويكون نيته لله

وبكدة بيكون اخد اجر العمل دة خلاص

فلو لقى حرمان او جحود من الطرف التاني ميزعلش لانه بيعامل ربنا في النهاية مش الناس

لو عرفنا نعمل بالمعنى دة هنرتاح جداااااااااا وان كان العمل بيه شيء مش سهل ابدا

فلو فكرنا في الموضوع من النقطتين دول مش هتلاقي المصريين وحشين ولا حاجة

دة بالعكس هتلاقيهم ملايكة ...................ومصر هي امي

[jamalpody]

حاجه غريبه جدا ............لاحظت ان الذي ينتقد المصريين ويصفهم بافظع الصفات هم المصريون نفسهم والمصريين هم الذين يروجون لهذه المقوله ويحاولون نشرها في كل مكان سمعت هذه العبارة كثيرا جدا جدا من مصريين

المصريين يا مصريين لو مش عارفينهم احب اعرفكم عليهم

المصريين شعب عاطفي لاقصي درجه ويمكن دي مشكلتنا الكبيرة

شعب خدوم برضه لاقصي درجه وبرضه دي ممكن تكون مشكلتنا

وشعب مترابط جدا في الغربه

يا جماعه نرجو ا عدم التعميم في احكامنا يعني مش معني ان انت قابلت واحد عمل معاك موقف مش ولا بد يبقي المصريين كلهم وحشين