المبادئ

[Mina]

1 المبدأ الأول : لا تحب أحدا غير نفسك ... لا تعبد سواك

2 المبدأ الثانى : لا ترافق غير من يؤلهك .. و يصطفيك

3 المبدأ الثالث : المال زينه الحياه الدنيا و الحياه الأخرى .. و كل الحيوات

4 المبدأ الرابع : الكلمه سيف مسموم .. فاحترس

5 المبدأ الخامس : المعرفه وهم ، و الحق ضلال ، و العدل .. كتاب .. عبثى

6 المبدأ السادس : ليكن التسطح شعارك ، و الزيف مبتغاك

7 المبدأ السابع : استهلك كحيوان

8 المبدأ الثامن : تصنع ايمان و تقوى

9 المبدأ التاسع : تحجر .. تحجر .. تحجر

10 المبدأ العاشر : لا تفكر

مينا

8 3 2007

[الباشمهندس ياسر]

خير يا مينا هوه ايه اللى حصل

مالك كده حاول تهدى بس

الدنيا لسه فيها خير

[ssmaly]

اذا كانت هى دى المبادىء التى ممكن انت تتبعها فمكانكفى بلادنا فوق القمة فوق فوق فوق اوى :closedeyes:

[Mina]

يا باشمهندس ياسر .. انت كاتب نفسك .. كيف السبيل الى الوصال ؟؟ .. كيف السبيل ؟ .. هو دا الموضوع .. للوصال ف كل حاجه

ssmaly ... اعتقد ان فيه عدم فهم للفكره .. دى المبادئ آه .. لكن مين قال انى بتبعها ؟ .. اعتقد انى لو كنت بتبعها مكنتش افكر اكتبها .. دى سطور ادانه مش تمجيد

[tarek hassan]

الفاضل مينا : باين عليك زعلان شوية ودا موقفك الساخر ربما لما آل إليه حال الناس

أو هو تنفيس حتى لا نصاب بالجنون كما أصيب صاحبي الذي حكيت عنه في موضوعي : خواطر مجنون

فإنه ذكر ت له بعض المبادئ

- ما لك ؟ جرى أيه ؟ إيه اللي جرالك ؟ هودا حالك ؟

- خد نفس عميق أيوه إحساس بارد . برد إحساسك

- عش مع الجمود . دا الجمود هو اللي عايش . ما لك ؟

- عايز تفرض تفكيرك إفرض تفكيرك خانك ؟

- بتفكر في هموم بلدك لا تخل بلدك في اهتمامك .

- متفكرش اقعد بمزاج راااايق أيوه روق مراااجك .

- اتكلم بس في الهايفة يا عم خل الهيافة كلامك

- الناس نفاقا أسيادك وفي ضميرك أنت سيد ناسك

- حق عدل مبادئ يا عم دوووس حقق أحلامك

- شفت نصحي مشى أموره قلب عيشه اتجوز عقبالك

- محاورات المصريين المصريين بتحاور حاسب أوعى تشارك

خرج المجنون عن صمته وصاح : أعوذ بالله من الشيطان الرجيم ثم استسلم للنوم وكأنه يستعد لعلقه جديدة

[ssmaly]

ssmaly ... اعتقد ان فيه عدم فهم للفكره .. دى المبادئ آه .. لكن مين قال انى بتبعها ؟ .. اعتقد انى لو كنت بتبعها مكنتش افكر اكتبها .. دى سطور ادانه مش تمجيد

طبعا ان لا أقصد انك تتبعها لانك كما قلت لك اذا كنت تتبعها فمكانك ليس هنا فى المحاورات كنت فوق القمة و معندكش وقت لامثالنا

طيب دى ادانة لمن ؟ قولى بصوت واطى علشان المحاورات ليها ودان وانا عندى عيال عايز اربيهم

[redwany]

استأذن صاحب المبادئ مينا واضيف بعض المبادئ

1- لا تؤجل عمل اليوم الى الغد ما دمت تستطيع ان تؤجله لبعد غد

2- حاول ان تستريح ولا تعمل بالنهار حتى تستطيع ان تنام بسهوله باليل

3- لاتقوم بالعمل والافضل تدع الاخرين يقومون به

4- السرير هو مملكتك الوحيده فحاول ان تقضى فيه معظم وقتك

5- ربما لن يستفيد احد عندما تعمل ولكن ربما يضر كثيرون بعملك

6- العمل يقوى الصحه فدعه للمرضى

[Mina]

يا أستاذ طارق هو تنفيس بديل عن الجنون فعلا .. و كلامك صادق جدا .. و مش غريب انه قريب جدا من كلامى .. لان الحوار واحد انت فاهم .. مش فاكر مين اللى قال الكتابه هى بديلى الوحيد عن الجنون او الانتحار بس اكيد حد بيفهم .

ssmaly .. اولا آسف على عدم فهمى أنا .. ثانيا دى مش ادانه لا لنظام و لا لاشخاص فى الحكم و لا لناس فى المجتمع و لا لطبقات معينه من البشر .. لكن ادانه للسيستم كله .. مش عارف اقول ايه بالظبط .. لكن ادانه فجه لواقع فج .. لمجتمع بجميع تفاعلاته و علاقات الاتصال اللى جواه و اللى براه مهيمنه عليه .. كلام كبير بس حقيقى . ممكن تكون دى ادانه للانسان الحالى فى المجتمع الرأسمالى ( الاستهلاكى / المظهرى ) الظريف اللى عايشينه .

redwany .. اضافات مهمه جدا لازم احطها فى كتاب المبادئ بتاعى ههههههههه .

المشكله اننا كلنا عارفين المبادئ دى .. لكن مين يقدر يغيرها ؟ أو يفكر ؟ او حتى .. مين يحب يغيرها ؟

ساعات بقول انا نفسى لو بقيت فى موقف او وضع معين همشى على المبادئ دى و اتنكر لاى افكار تانيه

دا كابوس من كوابيسى الكتيره

و آسف على كم الازعاج الرهيب اللى عملته الفتره اللى فاتت بخواطرى المفزعه و الفجه دى .. معلش .. هحاول بقدر امكانى اخفف الجرعات

كل سنه و انتم كلكم طيبين و يارب العيد الجاى يكون حد قدر يغير حاجه ف اى حاجه .. نفسى

[newcomer]

الحكاية مش سودة اوى كدة يا استاذ مينا

يعنى حضرتك شايف نفسك مش ماشى على المبادىء دى ......بداية مبشرة ....... الاول

بعدين تعالى نبص شوية كده...... جميل يمكن تلاقى اتنين تلاتة فى عيلتك زيك ...... هايل

شوف بره شويه ...... يمكن نلاقى كام واحد من الصحاب على كام واحد من الجيران عل كام واحد من المحاورات .......ممتاز

هوه يمكن حد من اللى فيهم امل دول تلاقيه مميل شوية على مبدأ من المبادىء دى و بيقلب فيه .......

ده بقى نلحقه ..... علشان لما حد فينا يميل برضه على مبدأ من المبادىء السودة دى......

ربنا يبعتلنا حد يلحقنا

اللى انا عارفاه كويس ( كانوا بيقولوا لنا كده و احنا صغيرين )ان مافيش انسان ملاك بجناحين و لا فيش انسان شيطان بقرنين

كل واحد فينا فى جانب بيحارب جانب و واجبنا تجاه بعض ان احنا نعين بعض على الجانب الشرير اللى فى انفسنا

يا استاذ مينا .... لو كانت الدنيا كده كان زمان الارض اتساوت بينا ..... زى ما حصل فى اقوام كتيير قبلنا

نقطة ضوء بس نبتدى بيها و نبص لها :unsure:

[ام بلال]

الحل بكل بساطة يا أستاذ مينا إننا نبدأ بأنفسنا ،و نتزوج ناس بيفكروا زينا .... بأولادنا ...... ثم بأقرب الناس لنا

ما فيش مانع ، نلاقي مكان زي هنا ننادي فيه للخير ، و بعدين ما تنساش إننا في دنيا ،

صحيح للأسف الخير قل جدا ، و الشر كتر ، لكن الحمد لله في خير

بصراحة أنا واحدة من الناس اللي ياما اتذيت من التعامل مع الناس ، عارف ليه ؟؟؟

لأن الطيبة الزائدة عن الحد التي تصل لدرجة السذاجة مرفوضة ، أبدلتها بمبدأ " حرس و لا تخون "

الناس بتقول بلسان حالها للأسف :" مافيش حساب و لا آخرة "

لكن بردك في ناس كويسة

كبر دماغك مع الناس الوحشة ( بس لازم تنصحهم)

و خليك في الناس الحلوة : " و الطيور على أشكالها تقع "

و شكرا

[dr gml]

1 المبدأ الأول : لا تحب أحدا غير نفسك ... لا تعبد سواك

2 المبدأ الثانى : لا ترافق غير من يؤلهك .. و يصطفيك

3 المبدأ الثالث : المال زينه الحياه الدنيا و الحياه الأخرى .. و كل الحيوات

4 المبدأ الرابع : الكلمه سيف مسموم .. فاحترس

5 المبدأ الخامس : المعرفه وهم ، و الحق ضلال ، و العدل .. كتاب .. عبثى

6 المبدأ السادس : ليكن التسطح شعارك ، و الزيف مبتغاك

7 المبدأ السابع : استهلك كحيوان

8 المبدأ الثامن : تصنع ايمان و تقوى

9 المبدأ التاسع : تحجر .. تحجر .. تحجر

10 المبدأ العاشر : لا تفكر

مينا

8 3 2007

أحس

أنها فقط صرخة اعتراض على واقع صعب

وأوضاع معكوسة

أو أنها استفزاز لترسيخ مبادئ مناقضة

فمثلا المبدأ العاشر(لاتفكر) يدعو اولا إلى التفكير!!!!

لك تقديرى واحترامى

جمال