فين الفـــول ؟؟ ... يا غول !!

[achnaton]

size=24]غول الزراعة الفيومى .. بيفكرنى بالديك الرومى .. وبيقلده فى "البقللة"وبس .. تشوفة قاعد تقول نايم .. وفى الحقيقة بيحلم وهايم .. هايم بحب " الهانم " .. جارتنا .. وعشانها باع كل تقالدينا ..ومتعرفش إذا كنا بلد زراعى .. ولا الفساد أكل المراعى .. لا عاد عندنا من الزراعة محصول .. لا رز ولا عدس ولا فول .. أمال الشعب حا يكل إيه يا عم يوسف .. دا الهم اللى ركب الشعب لا يوصف .. ومن يوم ماشرفت سعادتك .. وعقدت الأتفاقيات .. والفلاح المصرى مد ايدة للشحات... يقول له هات .. وحنفضل عايشين لأمتى على المعونات .. الله يخرب بيوتكم ياللى بالى .. خربتم البر يابتوع ثورة الكاكى .. وشوفوا جريدة الوفد النعمانى كاتبة النهاردة .. إيه .. بعد المش ما أصبح صعب المنال .. حنستورد فول يا مصيبتك يا عبد العال .. وعبد العال ده كان عنده فى الكفر عندنا اربعتاشر مكمورة .. يجمع فول القرية المجاورة ويدفنها فيها وبعد مدة يغرق الأسواق بالفول المنياوى المعروف .. الله يخرب بيتك ياحلوف .. بدل الملايين اللى بندفعها لإستراد أكلة الشعب المفضلة والرخيصة .. ما تساعدوا الفلاحين يزرعوا الفول من تانى بدل الهيصة .. الهيصة اللى انتم عاملينها .. لدرجة أن الفلاح لما يزرع يبيع بخسارة .. عشان نستورد والعمولات تروح المغارة .. أنا خلاص .. حاأطق ..

أنت فين يامصـــــــرى ؟؟؟؟؟؟؟

..

تدرس الدول المنتجة والموردة للفول الى مصر، وضع قائمة أسعار جديدة للمستوردين المصريين. كشفت مصادر اقتصادية اتفاق مصدرى فول التدميس فى الصين وفرنسا وانجلترا واستراليا وكندا، علي إعادة تسعير الفول الذى يتم تصديره إلى مصر. وتتوقع المصادر زيادة كميات الفول المصدر الى مصر بعد انخفاض الانتاج المحلى فى العام الحالى إلى 50 ألف طن فقط. توقعت المصادر لجوء المستوردين المصريين للتعاقد علي استيراد ما يزيد علي 700 ألف طن قيمتها حوالى مليار دولار لتغطية احتياجات السوق المحلى.

وأكدت المصادر ان انتاج مصر السنوى من فول التدميس كان حتي العام الماضى 250 ألف طن، إلا أنه تراجع فى الموسم الأخير بنسبة 70%.. كما تزايدت الاحتياجات السنوية الى 700 ألف طن فى العام.

توقع الباشا ادريس نائب رئيس شعبة تجار الحاصلات الزراعية بالغرفة التجارية بالقاهرة، ارتفاع اسعار الفول المدمس بالأسواق المحلية نتيجة هذا الخلل. وأكد الباشا ان تراجع محصول الفول هذا العام يرجع لضعف سلالات التقاوى، وعدم صلاحية كثير من الأراضى المزروعة بالفول.

إخ ... وبس

[ragab2]

لا

أعتقد أنهم حاربوا الفول لتأثيره على الزكاء

ومعظم عقول مصر تربت على الفول ومنهم العبقرى العالم أحمد زويل ونجيب محفوظ

أنا شخصيا بعد تقدم السن وبقيت عجوز

أفضل الفول والجبنة البيضاء فى وجبة العشاء مع زيت الزيتون أو الذرة هروبا من اللحوم والبيض وتقليلا للكلسترول وحمض البوليك

وصناعة الفول المدمس انتقلت من مصر لكل البلاد وتعلبه لبنان تحت اسم فول مها وتعلبه أيضا الصين وتصدره للبلاد العربية للأسف

وزراعة الفول أفضل من زراعة الكانتالوب الاسرئيلى

مين مابيحبش الفول

[الأفوكاتو]

هل هى مصادفة أن كلمة "فول" تعنى بالإنجيزية " عبيط" أو " غبى"؟

وهل تعتقد أن وير الزراعة أصبح "فول" من كثرة أكل ال"فول"؟

[kokowawa1979]

الأفوكاتو كتب :

وهل تعتقد أن وير الزراعة أصبح "فول" من كثرة أكل ال"فول"؟

يوسف نجمة داوود والي مابياكلش إلا الأكل المستورد من إسرائيل رأسا يأستاذ أفوكاتو ودي حقيقة لأنه يعلم أن الخضروات المصرية أصبحت مشبعة بالمبيدات السرطانية التي استوردها زبانيته في الوزارة

ولم تصل مصر في أي وقت من الأوقات إلى هذا الضياع في انتاج المحاصيل الأساسية في الحبوب والبقوليات ( القمح والذرة والفول ) حتى الفول الذي كان يعايرنا به بعض محدثي النعمة من دول الخليج أصبحنا نستورده من الصين !!! بذمتكم فيه كارثة أكتر من كدة !!! ومازال يوسف نجمة داوود على رأس عمله بعد 25 سنه تخريب في الزراعة !!!!!

ومن هنا صدقت المقولة أن القيادة السياسية ( حلوة القيادة السياسية دي ) لاتجرؤ على عزل يوسف والي من وزارة الزراعة نعم بالبنط العريض لا تجرؤ على عزله والجميع يعرف السبب

بينما كان على السهل على القيادة السياسية عزل المشير أبو غزالة وأحمد رشدي والدكتور أحمد الجويلي وعمرو موسى ( عنوان النزاهة )

ولو أمسك الدكتور الجويلي بزمام وزارة الزراعة لحدث انقلاب في الخريطة الزراعية المهترئة في مصر بفضل يوسف شارون لأن هذا الرجل ( الدكتور الجويلي) انسان يتمتع بحس وطني شريف ونزيه بعكس يوسف نجمة داوود الذي يتمتع بحس صهيوني قلبا وقالبا .

و........إن خلص الفول أنا غير مسئول !!!!!!!!!

[الأفوكاتو]

بعد نكسة 1967, وصلت قوات الجيش الإسرائيلى الى الشط الشرقى لقناة السويس. و كان الجنود المصريون يتبادلون الشتائم مع جنود إسرائيل عبر القناة.

و كانت العبارة المفضلة للجنود اليهود هى :

ياشعب ياللى ما بتكلوش غير الفول, و لا تسمعوش إلا لأم كلثوم.

و الآن: فقدنا الأثنين, و لن يتمكن اليهود من معايرتنا مرة أخرى,

و خلص الكلام كما يقول الأخ شريف عبد الوهاب.

[Faro]

[arabawy]

بينما كان على السهل على القيادة السياسية عزل المشير أبو غزالة وأحمد رشدي والدكتور أحمد الجويلي وعمرو موسى ( عنوان النزاهة ) 

ولو !!!

لااعرف سبب الرعب الذي يجعل الحاكم يحتفظ فقط بالمخربين ويطيح بكل ماهوا وطني الا اذا كان جزء منهم . ارجو ان يكون الحوار بحرية اكثر

[الطفشان]

بينما كان على السهل على القيادة السياسية عزل المشير أبو غزالة وأحمد رشدي والدكتور أحمد الجويلي وعمرو موسى ( عنوان النزاهة ) 

ولو !!!

لااعرف سبب الرعب الذي يجعل الحاكم يحتفظ فقط بالمخربين ويطيح بكل ماهوا وطني الا اذا كان جزء منهم . ارجو ان يكون الحوار بحرية اكثر

سبب الرعب بسيط جدا

و هو عدم الثقة بالنفس، و الخوف الشديد من اي منافس

فهو يعرف انه ليس له اي بعد شعبي و لا انجازات حقيقية يستند عليها بعكس سابقيه

و بالتالي فاي بديل يتم ازاحته فورا قبل ان يشكل خطرا عليه