ما يُنصح باحضاره مع كل أسره صغيره مهاجره - الأشياء اللازمه و الضرورى إحضارها

[rano]

بسم الله الرحمن الرحيم.

إخوانى الأعزاء السلام عليكم جميعا

لفت إنتباهى لهذه النقطه الهامه الأستاذ بايت عندما أفادنى بمعلومات هامه جدا  فى باب الرعايه الصحيه فى كندا و إقترح على فتح الباب فى هذا الموضوع فشكرا له.

و الحقيقه أنه بمجرد أن قرأت هذا الأقتراح كأنى زى الغريق الذى وجد قشه ليتعلق بها, فأنا هذه الأيام فى حيره كبيره زوجى سيسافر إن شاء الله الشهر القادم و أريد أن امده بكل ما هو ضرورى له و بعدها سوف نلحق به أنا و بناتى و أنا محتاسه ( أخوكوا مزنووق ) و قد سمعنا الكثير فى هذا الموضوع من أصدقاء لنا و الأهل كل واحد يقول كلام مختلف عن الآخر اللى يقول انتم هناك حتلاقوا كل حاجه و اللى يقول خذوا كل اللى تقدروا عليه ..... لى صديقه مقيمه فى أمريكا نصحتنى أنه طالما معى وزن أن اخذ كل ما أقدر أن اخذه من بطاطين, أدوات مطبخ, حلل, طبعا كل ملابسنا , بهارات   :)  , كل ما أستطيع وضعه فى الشنط ..... لدرجه ان  صديق  أخى وهو كندى المولد اساسا و قد عاش هناك كثيرا قال لى خذى جبنه رومى و جبنه بيضاء ها ها ها اه والله هذا ما قيل لى لأن سعر كيلو الجبنه البيضاء 50 دولار و الرومى حوالى 30 دولار إذا كنتم تحبونهم ..... و بعض الأصدقاء الآخرين قالوا لا يجب أخذ كل الملابس لأنها لن تستعمل لتغير الجو هناك عن هنا فى مصر

و خصوصا الملابس الشتويه لأن داخل أى مكان و حتى السيارات يوجد هيترز و فى الخارج سوف تلبسون ملابس عاديه مع بالطو ثقيل جدا لن تستعملوا مثلا البلوفرات و الملابس الصوفيه الثقيله و سوف تكون وزن زائد عالفاضى.

هذا غير الأوراق التى يجب إحضارها للى عايز يدرس أو يعمل أو أوراق مدارس الأطفال

مش عارفه إذا كنت قد نسيت أى شىء اخر فيا أهل الخبره اللى كنا حنلوص من غيركم أرجوا الإفاده

و للحديث بقيه إنشاء الله

[rano]

نسيت أن أوضح وجهه نظر صديقتى فى أخذ كل ما نقدر عليه و أعتقد إنها ممكن تكون وجه نظر صح نظرا لما سأقوله  و هى أنه بما اننا قادمون و لسه سوف نبدأ من جديد تأسيس بيت كامل جديد من إيجار و عفش و كل لوازم البيت من مطبخ و خلافه... كل شىء من الألف الى الياء فهذا سيوفر علينا كثير من المصاريف التى ممكن أن تنفعنا فى حاله  الحياه هناك مثلا  عدم إيجاد عمل على طول أو مثلا شراء سياره يعنى أى قرش سيتوفر من سكه أكيد حيكون له سكه أخرى يصرف فيه .... والله ده مش بخل و لكن أعتقد أنه يجب تدبير الأمور جيدا فى الفتره الأولى حتى لا نجد أنفسنا محتاسين فى الأول ولا أيه رأيكم  ؟

شىء اخر أريد السؤال عنه هل شهادات تطعيم  الأولاد المترجمه ضروريه لدخولهم المدارس؟ و هل يجب أن تكون مختومه من الصحه ولا بس شهاده من طبيب الأطفال بالتطعيمات التى أخذوها تكون كافيه؟

[samwel3246]

if you have furniture and household items and you think it is expensive and worth to bring it here you can do so but remember all the electric applinces like TV and kitchen electric is is not worth to bring any of it because the hydro here (electricity) is 110 in egypt is 240 so ...

all the items you bring here in a container is custome free if it is your own household items you can ship it here custom free.

speaking about food somthing realy let you think that you are going to the unknown !!!

my dear there is every thing here white chees egyptain product (edfeena) geferex and so on even  there is egyptian orang juice spices every thing and it is cheap

if you decide not to bring any thing exept your peresonal

colthes and not heavy items you can buy all these items here for all the house $CDN3000

SO DO NOT WORRY  this is not empty north pole

[Mike]

عزيزي كامل

ماذا عن السياره ....

هل يمكن شحنها بدون جمارك برضه ؟!! (ياباني 2000 سي سي موديل 2002)

[freefreer]

بسم الله ا لرحمن الرحيم..

اخوانى و حبايبي و حته من قلبي.. السلام عليكم و رحمة الله  و بركاته..

وحشتونى .. اعتذر لأنشغالى فى موضوع  الرئيس عرفات ..

الأخت رانو .. كلام اصدقائكم صحيح .. وكلام اخى سام ايضا صحيح .. و ساعطيكى بعض النقاط التى تساعدك فى اتخاذ القرار ..

كل شيئ موجود .. هذا صحيح تماما ..

حيث ان هناك وزن كبير متاح .. مطلوب احضار مستلزمات الأيام الأولى .. لو ان هناك بطاطين زائدة عن الحاجة فى مصر .. يمكن احضارها للشتاء القادم .. بدلا من  شراء بطاطين اخرى .. الملابس الثقيلة مطلوبة .. لزوم السير فى الشارع .. و انتظار الأوتوبيس ..

الشتاء هذا بطولة لم ارتد انا و الأولاد فى المنزل سوى الملابس الصيفى ..

الأدوات الكهربائية .. هنا من ارخص ما يكون و احدث صيحة فى العالم .. و الكهرباء 110 فولت كما تفضل اخى سام ..

الأغذية رخيصة للغاية ولا ضرائب عليها ( الغير مصنعة ) .. و المصنعة عليها ضرائب خفيفة ..

الحلل و الطاسات الخ .. غالية فعلا .. و يمكن احضار الأحتياجات الأولية ..

يوجد هنا و خاصة فى الصيف .. ما يسمى جراج سيل .. الأسر هنا تشترى اشياء كثيرة جدا .. و بعد فترة يقررون التخلص منها .. و لأن عقليتهم اقتصادية فهم يقررون بيعها .. يعملوا اعلانات و يعلقوها على اعمدة النور و محطات الأتوبيس ..

و يعملوا هذا البيع فى ساحة المنزل او فى الجراج .. او حتى على الرصيف ان كانوا من سكان العمارات و ليس الهاوس ..

الكثير من هذه الأسر تكون محترمة و غنية .. و هؤاء يبيعون اشياء مستخدمة استخدام نظيف و احيانا غير مستخدمة بالمرة ..

اما ماذا يباع .. فكل ما يخطر على البال ..

غرف باكملها .. نوم جلوس .. سفرة .. الخ .. كراسى طرابيزات .. ادوات مطبخ .. اجهزة منزلية .. كتب .. ملابس .. ساعات يد و حائط .. نظارات .. احذية تزلج على الجليد .. لعب اطفال .. عرائس بالهبل .. سجاجيد .. كل شيئ و اى شيئ ..

و البعض يبيع باسعار غالية .. و البعض يبيع باسعار رخيصة للغابة .. و بشكل مذهل ..

الأدوية التى انتم متعودين عايها .. لا بأس من احضار البعض منها .. خاصة اذا كانت رخيصة بمصر .. قطرة معينة .. مرهم معين .. طبعا الميريكريكروم .. غير موجود فى العالم الأن .. الا فى مصر !

الأوراق احضروها بحالتها .. و ترجموا الشهادات التخرج من اى مكتب ترجمة ..او احضروا النسخة الأنخليزية منها

شهادة التطعيمات للأطفال مهمة لدخول المدرسة .. و توقيع الطبيب كافى .. لا تصديقات ..  مش مهم الأختام .. اى مستشفى اى طبيب اطفال .. يكتب الشهادة بالأنجليزية .. ودمتم

شهادة اخر سنة للطفال مهمة .. وان كانوا بيدخلوهم حسب السن .. ملهمشى دعوة هما اتعلموا ايه .. سنة كذا .. الكندى اللى سنة كذا بيدخل صف كذا .. يحطوة فيه ..

ولا يعطوا الأطفال الجدد المنهج كاملا و لكن يتدرجوا معهم و يرقوهم .. ( بكرة حتعرفى معنى الكلام دة ) ..

لو ان عناك اسئلة اخرى ارجو عدم التردد فى توجيععا و اتمنى انى لم انس شيئا ..

اخوانى و حبايبي و حته من قلبي.. السلام عليكم و رحمة الله  و بركاته

[freefreer]

عزيزى مايك .. طبعا .. مادمت مهاجرا .. تستطيع نقل جميع مقتنياتك الخاصة .. شامل السيارة

بس لية تدفع شحن و خلافة و هى هنا ارخص

[Mike]

لأني لسه جايبها جديده .... وح أخسر كتير لو بعتها

:(

[freefreer]

طب احسبها الأول .. و احسب الشحن و خلافة .. ربنا يسهل .. هو فية مؤشرات ان الفيزا بتاعتك قربت؟ .. نفسى اشوفك  :inlove:

[Red Horse]

ياعم مايك ده وقته تشترى فيه عربيات  ... افرض دلوقتى الحاج كوهين بعت لك الفيزا.. هاتعمل ايه

اخى فرى ... مايك تبعى انا ... حاجيبه كندا على كفالتى ماتقلقشى من ناحيته

!!!

الاخت رانو

لو تاخدى رأي ... واحنا نفس الحالة افضل يروح خفيف  يدوب على قد الهدوم .. الفترة الأولى اكيد محتاج يتحرك كتير والتركيز كله هيكون على الشغل ومافيش داعى الواحد يكتف نفسه ...احنا عايشين فى الرياض  وعندنا شقه هنا فيه كل شىء ومع ذلك قبل مانيجى هانبيع كل حاجة....مجرد رأى

[samwel3246]

regarding the car i do not think it is a good idea to ship it here  for one reason your car must pass the immesion test and every car in egypt may be not going to pass this test  in ontario there is new law came last year about emmision test (poultion test)

so sell the dam thing and you can buy another car here

i have crysler 1995 caravan in mint condition cost me $3500 7 passenger .

[samwel3246]

another advise to the newcomer

you can buy new furnitur from discount store  they are cheap .

if you do not have enough money when you are here you can go to the salvation army you can buy sofa for $25 matress for $30 that is if you are not rich

carrage sale also is a good idea but for somthing very quick to live in go to the discount warhouse in tronto area they are very cheape but if you have alots of money and you want to spend it then go to the brick or sears even the bay is good idea but things there are very expensive but good qulity.

remember you must pay cash or visa-m.c because you do not have credit history. so my advise get somthing you can use, once you are ok you got a job then throw them in watse box and replace it , people in canada they are differant than in the arab world even the arab here they do not care too much about brestege and how you live because this is your life not there life  SO STEP BY STEP every thing well be fine .

[Byte]

بالنسبة للعفش ، لا انصح باحضار اي شئ علي الاطلاق الا للي جاي كندا ومش ناوي يرجع مصر تاني ، وحتي في هذه الحالة لا يفضل احضار عفش لان تكلفة الشحن اغلي من تكلفة شراء عفش من كندا. نفس الكلام ينطبق علي السيارة كما قال فري.

بالنسبة لاسعار العفش ، انا لسه شاري اوضة سفرة ممتازة من جراش سيل ب 100 دولارـ ولحافKing size منSears ب40 دولار

ما تاخذوش اقتراح صديقكم باحضار الجبنة الرومي علي انه تهريج، فهي فعلا غالية جدا هنا. وكذلك اللب. والاهم منهم ليف الاستحمام "الليف الافريقي" بتاعنا

الاشياء اللي موجوده في كندا ولكن سعرها في مصر ارخص:

الليف _ اللب _ الجبنة البيضه والرومي _ البسطرمة _  السمن البلدي _ الكتب العربي _ ملايات السراير واكياس المخدات _ القهوة التركي _ السجاير

{خرطوشة السجاير الاولي معفاة ، ولكن ما زاد علي ذلك يخضع لجمرك رهيب : حوالي 30 دولار{

مشغولات خان الخليلي الرخيصة { في حدود 10 جنيه للقطعة} يمطن ان توفر لكم الكثير كهدايا رخيصة يفرح بها الكنديون جدا

[skamel]

i will add that there is here stores called " Dollar store" wher you can find a lot of utilities for a dollar ...yes one dollar ... and some other stores called " dollar+" and u can find there most of the kitchen utilites ,and they re very cheap.

when you shop in Canada i recommend "walmart" as it is cheap and it is guranteed to ,, so if you dont like what you bought u can return it within one month for a full refund _keep the receipt_.

[Horizon]

السلام عليكم جميعا :angry2:

العبد لله مهاجر جديد و وصلت كندا (مونتريال)من شهرين  يعنى ليسا طازة :D

حقيقة انبسطت قوى لما لقيت المنتدى والناس با تتكلم عن المشاكل الاساسية اللى بقابلهايا ريتنى عرفتكو قبل ما الفاس تقع فالراس

لفت نظرى الموضوع دهه و اهميته خصوصا اننى مريت بيه بالحكاية دى و ما كنتش عارف اجيب ايه معايا  و ما شاء الله الاخوة اللى هنا مقصروش فى حاجة فعلا كلامهم مضبوط و باكد عليه خصوصا فى حكاية السيارة و العفش .... مالوش لازمة

اه حبيت اضيف حاجة اساسية لو جاى كندا و ناوى تشترى كمبيوتر من هنا (براند نايم)كامل مفيش مشاكل الاسعلر هنا معقولةو فى عروض كتيرة  لكن لو انت مهندس كمبيوتر و واخد على الاجهزة التفصيل زى حالاتى  نصيحة هات على الاقل معاك el case كاملة من الداخل .... حتقولى ليه  عشان يا سيدى   انا سمعت كلام صحابى لما قالولى الاجهزة هنا ارخص من مصر ..... حقيقة الاجهزة الاصلية فعلا ارخص لكن مش حتكون زى اللى فى بالك  مواصفات مش قد كدا .....  يعنى لو عملت مثلا  جهاز باحسن المواصفات فى مصر حيعمل حوالى 3700 جنيه  نفس الجهاز دهه هنا حيعمل حوالى 3000 دولار كندى بالضريبة  و اكيد عارفين فرق العملة  قبل ما اسيب مصر كان دولار الكندى ب 286 تقريبا مش عارف دلوقتى كام

المهم لو قررت تجيبو من مصر اتآكد انpower supply شغال على 110 v

ومههههمممم جدا  ما تنساش arabic keyboard   صدقنى حتحتاجو  زى ما انا ما بكتبلكو دلوقتى و طبعاالسوفت واير بتاعك  واللزى منه   وندوز .. اوفيس.... اللخ

مش مهم الMONITOR اولا شيلة متعبة مالاهش لازمة  ثانيا اسعارهم هنا حلوة با اقل من200 دولار تجيب واحدة 17 بوصة

مش عايز احكلكو على البهدلة اللى انا فيها انا فيزا الهجرة بتاعتى كانت على كيوبيك الاقليم الفرنساوى فى كندا  و مش لاقى اى شغل عشلن كللو عايز اننى اتكلم فرنساوى و الحكومة هنا مشكورين قوى موفرين دورة تعليم فرنساوى (COFE) للمهاجرين الجدد بس طبعا الدورة دى كل يوم  5 ايام فى الاسبوع و FULL TIME و بيدفعولى بدل الوقت دهه بس طبعا مش كفاية ابدا  بحاول اشوف PART TIME GOB بعد الدورة عشان اوفر المصاريف  فى نفس الوقت بلف على الكليات هنا عشان اشوف حكاية المعادلة هنا  و ربنا يستر

اهه  مشكلة بايخة قابلتنى فى اول يوم احط رجلى فى كندا  ...الجماعة هنا ميعرفوش اختراع اسمو شطافة التواليت.....كلوعلى الناشف  :D  

ماكنش فى قدامى غير انى الجا للاختراع القديم بتاعنا ...... الكوز البلدى   باس ازاى الكلام دهه احنا مصريين و لازم نحل اى مشكلة تقابلنا باى افتكاسة   ...روحت على CANADIAN TIRE  وجبت مسدس رش مية بتاع الجناين  و خرطوم و تحويلة بمفتاح و ركبتها فى حنفية الحوض  و اهى شغالة اخر حلاوة  :cool:

الخلاصة لو موضوع الشطافة دهه مهم لك .. هات شطافة لوكس معاك :D    وشكرا

                           يوميات مهاجر جديد

[Horizon]

اهه اسف نسيت ان اضيف  الكنديين هنا بيفرحوا  قوى بالهدايا الفرعونية الرخيصة  ورق البردى  ابو 2 جنيه  تماثيل صغيرة , تقويم, فواصل للكتب حاجات خان الخليلى  

حاجات بسيطة بس بتفرق

نصيحة هات مل حاجات دى معاك

   يوميات مهاجر جديد

[Byte]

بالنسبة للشطافة ، انا عملت زيك يا وسام من اول يوم ، ولكني مركبها عالدش وشغالة سخن وبارد وعملتلها محول لاستخدامها او استخدام الدش وتكلفتها 40 دولار.

بالنسبة للشغل ، انا برضه عملت زيك بالظبط وقعدت 3 اشهر من غير شغل الي ان بدأت البحث خارج مونتريال فوجدت عمل في ظرف اسبوعبن، ابعد عن كيبيك

للبحث خارج كيبيك ، ابحث في كندا امبلويمنت ويكلي ، النسخة الالكترونية اشتراكها 50  دولار كل 3 اشهر:

http://www.mediacorp2.com//

يمكنك قرائة النسخة المطبوعة مجانا في المكتبة العامة

بالنسبة للكمبيوتر ، يمكنك تجميه الجهاز بنفسك وبالمواصفات التي تريدها.

ولو مش عايز تجمع ، في ناس كتير بتجمع كمبيوتر

سعر السوق لجهاز براند نام :

1 g SDRAM

128 DDRAM

P4 1.6 g processor

DVD/CDR-W combo

40 g hd

بالاضافة للاكسيسوريز المعتادة : 1700 دولار + الضرائب

ولو اشتريته متجمع يبقي حوالي 1300 دولار

ياتري الاسعار في مصر عاملة ايه

[Red Horse]

اسعار اللاب توب  ايه طيب فى كندا   يعنى معالج 1 جيجا مثلا مع هارديسك 40جيجا وذاكرة 128 ميجا مع سى دى رايتر وبقية المواصفات الأخرى.... انتو كده خليتونى اغير رأى  ده انا اهديت الكمبوتر بتاعى وقلت هناك هتلاقيه احسن وارخص

[rano]

فعلا يا جماعه سؤال مهم ما رأيكم فى موضوع الكمبيوترز ده؟؟؟ هل أحضر معى كل كارتات الكمبيوتر بتاعى و اشترى من هناك سكرين و تاور فقط و الا شيله مالهاش لازمه؟

[Byte]

بالنسبة للاب توب: انا اشتريت اللاب توب بتاعي من 6 اشهر { طبعا الاسعار دلوقتي ارخص} :

Compaq Presario , PIII 1G processor

256 M SDRAM

30 G HD

8 m Graphic dedicated DDRAM

DVD/CDR-W combo

15" TFT screen

swabable flobby

usb, IEEE, ports

56k modem

100/10 network card

windows xp home

carrying bag (value 90 $)

3 months cable internet (value 130 $)

الثمن كان 2200 دولار كندي + 14% ضرائب. يعني بالمصري حوالي 7250 جنيه

ممكن تجيب لاب توب بالامكانيات اللي انت عايزها باسعار تبدأ من 1500

عايز ارخص؟ اشتري كمبيوتر مستعمل.

واغلبكم معايا ليه؟ فيه مجلة اسبوعية متخصصة في اعلانات بيع الحاجات المستعملة، من الابرة للصاروخ:

http://www.buysell.com/

اتصفحوا فيها وخدوا فكرة تطمنكوا

[Byte]

انا رأيي يارانو انك ماتشتريش اي حاجة ، الا ستيكرز عربي  بالوان مختلفة للكي بورد. هاتي 10 ستيكرز مش هايخسروكي حاجة.

طبعا لو اي حد عنده كميوتر في مصر يجيبه معاه، لانه علي بال ما يرجع مصر الكميوتر بتاعه مش هايساوي تلاته تعريفه ، علي رأي عم ايوب.

كل اللي باقوله انكم ما تشتروش كمبيوتر علشان تجيبوه كندا.

اللي حقيقي ممكن تجيبوه ، برامج الكمبيوتر، وخصوصا البرامج العربي