كيف انسي زوجي السابق

[ام جمانه]

السلام عليكم ورحمه الله وبركاته

احب ان اساللك هل بعد الطلاق توجهتى الى الله بالدعاء ان يخلف عليكى زوجا خيرا منها فعندما مات زوجه ام سلمه قال لها الرسول ادعى وقولى اللهم اجرنى فى مصيبتى واخلف لى خيرا منها وعندما نفكر كيف يبدل الله ام سلمه زوجا خير من زوجها وهو كان من افضل الصحابه ومن اول المسلمين والمهاجرين فلم يكن من هو افضل منه ولكن دعت بهذا الدعاء واخلف الله من هو افضل منه وهو النبى محمد صلى الله عليه وسلم فعلاجك هو الدعاء واكرر لكى الامر مارار وتكرار صدقينى مهما تتبعى من طرق او تذهبلى لالف طبيب نفسى ليسو افضل من الدعاء الى الله ان تنسيه ويبدللك من هو افضل منها فتخيرى اوقات الاجابه واذكر لكى بعضها ان لم تكونى تعريفها بين الاذان والاقامه وقت صلاه الجمعه وفى النصف الاخير من اليل وقت نزول المطر وعند الافطار اذا كنت صائمه تقربى من الله اكثر ستجدى حياتك افضل واشغلى وقتك بالعباده والتفكر فى الله ستنسى طليقك وادعى وقولى الهم لا تجعل فى قلبك الا حبك وحب من يحيبك ستنسى هذا الشخص باذن الله ويبدللك خير منها وصدقينى الدعاء دواء انا مجربه وجاب معايا نتائج جميله ولكن احذرى ان تجعلى تقربك من الله بقصد النسيان بل اجعليها من اجل الله فيرفع عنك الله

ويارب يرزقك بزوج فاضل ويجعل حياتك سعيده وابقى فرحينا لما تتخطبى

[ام جمانه]

نسيت اقوللك حاجه تانى متسمعيش كلام الى يقوللك اوعلا تدخلى تجربه تانيه هتفشلى وكلام ده بالعكس اول ما تحسى انك كرهتى حياتك السابقه معاه اوكرهتيه بجدا ادخل فى تجربه تانيه على طول لو اكان انسان كويس لانها من افضل الوسائل لنسيانه تماما والالتزام بحياه جديد مع شخص افضل بالتاكيد وعلى فكره موقفك ده مشابه لصديقه قريبه منى وهى الان فى افضل حال مع زوجها بعد تجربتها الاولى وبتحبه جدا بل اكتشفت انها مشاعرها اتجاه اول لم تكن حب وبالتوفيق

[fatmah]

نسيت اقوللك حاجه تانى متسمعيش كلام الى يقوللك اوعلا تدخلى تجربه تانيه هتفشلى وكلام ده بالعكس اول ما تحسى انك كرهتى حياتك السابقه معاه اوكرهتيه بجد ادخل فى تجربه تانيه على طول

يا اختي بالطريقة البتحكي بيها صاحبة الموضوع أعتقد أنها مش هتكرهه

الأفضل أن يردها

الصلح خير

تم تعديل 5 فبراير 2009 بواسطة fatmah

[سماسعد]

السلام عليكم ورحمة الله وبركاته

:blush2:

اختي الكريمة

ماينفعش ترجعيله لانه سابك وبقاله بيت وحياة تانيه عمرك ماهتكوني طرف فيها

وفي حاجه انا مستغرباها

ازاي بتحبيه قوي كده والطلقتم

وكمان من 3سنين يعني هو لو حبك او عايزك وشاريكي كان ردك وحاول يصالحك بكل الطرق

لكن ده عاش حياته وربنا رزقه بأولاد يعني ماشاء الله عايش حياة كاملة

بصي لنفسك انتي

قعدتي مع ذكرياتك والنتيجه ان الايام بتعدي عليكي وانتي لوحدك

أقعدي مع نفسك وقولي خلاص كفايه كده

هو ميستهلش انه ياخد من وقتي اكتر من كده

لان من حقك يكون ليك بيت واولاد وزوج بيحبك

وبلااش تسجني نفسك فذكريات مش هتفيدك

افتكريله ذكرياته الحلوة معاكي وكمان افتكري عيوبه واخطاءه في حقك وشوفي

هل يستاهل انك تضيعي مستقبلك وحلم ان تكوني ام علشان مجرد ذكريات استحالة تعود

ادي لنفسك الفرصه انك تحبي

ربنا خلق النساء بطبيعتهم بيحبو الحب مش بيقدرو يعيشو من غير مايحسو انهم بيحبو وبيتحبو

انسي انك اتجوزتي وافتكري ايام زمان قبل الزواج وانتي بتستني وتدعي ربنا يرزقك بانسان طيب وحنين ويحبك ويخاف عليكي

عيشي احلي ايام واحلمي بفارس الاحلام انسان عمرك ماشوفتيه يخطفك وينسيكي كل اللي فات

يارب تلاقيه قريب وتدعيلنا

[عنبو]

اولا السلام عليكم ورحمة الله وبركاته اولا لازم تعرفى ان طول لما حضرتك حاطه فى دماغك انك مش اقدرى تنسيه يبقى مش هتقدر تنسيه لان العقل الباطن بتاع الانسان ناجح بنسبة 100 فى 100 يعنى انت لو وجهته ناحية النجاح ينجح بنسبة 100 فى 100 لو العكس لو وجهتيه ناحية الفشل والاكتئاب هينجح فى الفشل والاكتئاب برضه نسبة 100 ب 100 فاولا حاولى تحطى فى دماغك ان خلاص انت هتنسيه وتكونى ايجابيه وتعملى رابط نفسى يعنى لما تحسى انك مش اقادره تعملى ايه تاخدى نفس عميق وطلعيه على مراحل وهكذا وتستعيدى جواكى الحاجات الايجابيه فى حياتك زى مثلا لما كنتى بتنجحى فى المدرسه اهو تفتكرى اى نجاح فى حياتك هتلاقى نفسك بداتى تبقى قويه مره مع مره هتلاقى الموضوع عدى وهتستغربى اذا هو عدى

بس زى لما انا بقلك العقل الباطن ناجح بنسبة 100ب 100 طبعا معلش مش هقدر اقولك اكتر من كده بس ابداى وان شاء الله اقولك تعملى ايه بعد كده لا يغير الله بقوم حتى يغيروا هم ما بانفسهم

[حماده عبده]

حضرتك والله العظيم مشكلتك حلها ساهل جدا جدا أنك تستغفري ربنا وتقربيله بقلبك وبصدق وتصلي أنا متأكد أنك مش بتصلي ويسلا م لو بأمكانياتك تعملي عمرة يبقي ياسلام علي النقاء الهتبقي فيه جربي وأدعيلي لكن الأنتي بتوليه ده حرام موت وحجات غريبة كلها من الشيطان ربنا يفك قربك الله ما أمين.

[عاشق]

انا بالطبع لست طبيبا نفسيا

ولكنى انسان عادي

استطيع ان استنتج بعض الحقائق من كلام اختنا التي تعتبر التفكير في زوجها السابق مرض نفسي

عفوا سيدتي لا اعتقد هذا ابدا .. انه ليس مرض نفسي

يجب اولا ان تقفي وقفة مع نفسك سيدتي وتحددي ما هي المشكلة

واعتقد انها حالة من الندم وجلد الذات

لقد اخطأتي سيدتي بهذا الطلاق ..

وهذه الحالة هي حالة ندم لان عقلك الباطن يحس انك تسرعتي واخطائتي بالطلاق

وفي اعتقادي ايضا سيدتي بانك لكي دور رئيسي في تراكم المشكلات

حتى وصلت الى حياتك الزوجية الى طريق مسدود وهو قرارا الطلاق

وحالتك الان لاتتعدي سوى

حالة انسانية

والانسانة بداخلك تعاتبك (عقلك الباطن) عن اخطاء ارتكبتيها ووصلت بك الى مرحلة الطلاق

اعتقد ان حالتك هذا هو التفسير الصحيح

لان لم اجد امراة بعد الطلاق تفكر بزوجها بهذا الشكل (اذا كان الزوج سيئ العشرة)

اما في حالة كان الخطأ من الزوجة فتتذكر دائما زوجها السابق حتى لو كان به عيوب (والكمال لله وحده)

فاحساس الندم الداخلى هو اقصي عقاب

واعتقد ايضا انها فترة وستنتهي ام عاجلا ام اجلا

ولكن اخشي ان تتخذي قرار متسرع بالزواج لمجرد اشباع رغبة داخلك

من الانتقام والتباهي امام الاهل والجيران وخاصة الزوج السابق

بانكي ما زلتي تعيشين حياة سعيدة مع زوج اخر حتى لو كان ذلك خلاف الصورة الحقيقة

ففكري بالزواج الثاني ولن على اسس سليمة وبدون اي تهور او انفعال

بمعنى اخر تفكير عقلاني بدون اي ضغوط نفسية وخارجية

وسيوفقك الله بحياتك الجديدة ... ولكن مع الاسف لم تنسي ابدا تلك التجربة

وأدعو لك الله بالتوفيق والسداد في حياة جديدة

وتقبلي مروري .. واسف لو كان تحليلي به شيئ من القسوه ولكن يجب ان نعترف بخطأنا

حتى لانقع فيه مره اخرى والحياه مليئة بالاخطاء ولكن المهم ان تعلم ونعي الدرس جيدا

والله الموفق

[عادل أبوزيد]

من سنة 2008  و لاحظت أن عددا من الزوار يتصفحونه فقمت برفعه

[عادل أبوزيد]

ربما يكون هذا الموضوع مفيد للرجال و السيدات الذين ربما يمرون بازمة منتصف العمر ، أو للزوجات و الزوجات الذين يمرون بمشاكل أسرية. تبدو لهم غير قابلة للحل او التعايش معها.

فكروا جيدا قبل ان تصلوا الى مرحلة البكاء على اللبن المسكوب.