هل حقآ هنا فى القاهرة تحرش جماعى منظم ؟؟؟؟

[ابو محمود]

القبض على ٥٠ مراهقاً بتهمة التحرش فى وسط البلد أول أيام العيد

كتب فاروق الدسوقى وفاطمة أبوشنب ٩/ ١٢/ ٢٠٠٨

ضبطت أجهزة الأمن بالقاهرة ٥٠ حالة تحرش ومعاكسة أول أيام عيد الأضحى المبارك، فى حملة شنتها مباحث الأحداث، بإشراف اللواء فاروق لاشين، مدير الإدارة العامة لمباحث العاصمة، وأسفرت عن ضبط ٥٠ مراهقاً تحرشوا وعاكسوا الفتيات فى الميادين العامة وأمام دور السينما بوسط البلد، بينهم ١٥ من المنوفية والصعيد وكفر الشيخ.

كان اللواء إسماعيل الشاعر، مساعد أول وزير الداخلية، أمر بتكثيف الجهود لتأمين الميادين والمتنزهات وشوارع القاهرة، واستهدف ذلك قطاعات القاهرة الأربعة، وتم شن حملة من مباحث الأحداث لمنع وقائع التحرش والمعاكسات، وتبين أن الأحداث جاءوا من محافظات مصر المختلفة للاحتفال بالعيد فى وسط القاهرة، خصوصاً فى الميادين العامة وأمام دور السينما، واعتدوا على الفتيات بالألفاظ الخادشة للحياء، ومعاكستهم. تحررت المحاضر اللازمة، وأحيل المتهمون إلى نيابة الأحداث.

ج.. المصرى اليوم ؟؟؟؟

حبيت استهل موضوعى او فكرتى بهذة المعلومة (الخبر ) كى نناقش بهدوء مشكلة كانت تهل علينا كل عيد

وكل سنة وانتم طيبين

فهل فعلآ نحن طيبين لهذا الحد ؟؟؟؟؟

الفكرة ... ببساطة نحن نعلم ما هى الشرطة فى مصر .. فلن نسرف فى تعدد اوجهة تخاذلها وكيف انها لا تقوم بعمل الا عن طريق ضغط من اعلى سلطة او تكون هى العامل الأساسى للضغط على الحاكم فى تفكيرة وقرراتة

هل هناك تحرش ؟؟؟؟؟؟

سؤال غريب سوف يقول قائل ما هذا ؟؟؟ او قد ينظر للكلمة بعينين مفتوحتان مع فم فتح بتعجب !!!

هنلك بعضآ من التكهنات تدور فى العقل هل فعلآ كانت هناك حالات تحرش ؟

...............................................................................

للأسف يبدو ان تحرشات لم تحدث كما حدثت فى عيد الفطر انما الحملات الشرطيه التى قامت من اجل منع حدوث معاكسات من الشبان للشابات والمرجح انه لم تحث معاكسات او تحرشات انما هو تهريج ولمه من الصغار من اجل فرحة العيد وللأسف فان الساده الضباط لم يعودا الى رؤسائهم بخفى حنين اذ لا مناص من تحرير قضايا معاكسات للمراهقين لم تحدث على وجه الاطلاق حتى تكون الحملات قد استوفت الغرض على حساب المبتهجين بالعيد ولا ينال من هذا ان تتصدى الشرطه للاخلال بالنظام العام او الاداب العامه ولكن انظروا الى ما ترتديه الفتيات وكلهن محجبات فالبنطلون محتاج الى عمليه جراحيه لارتدائه وهو يظهر الجزء السفلى من الفتاه بتفصيل تام غطى على فستان الميكروجيب او المينى جيب فى الستينات وسبعينات القرن الماضى وكن غير محجبات او منقبات على رب الأسره المحترم قبل ان يطالب بجلد الشاب ان يتفضل بمعاينة بنطلون ابنته المحجبه قبل خروجها من البيت.........

.................................................

طبعا مفيش حد مع التحرش ولكن حد من حضراتكم شاف وسط البلد امبارح في طلعت حرب كانت عاملة ازاي .البنات ارتدين من الهواء سترا لهم وطبعا الامن موجود في كل مكان وكان في لواءات في الشارع وبصراحة كانوا حافظين الامن كويس جدا وانا عن نفسي مشفتش اي تحرش على الرغم انى شفت بنات اقل حاجة المفروض تتعمل معاهم انهم يتمسكوا اداب .الغريب ازاي يا مصريين يا اللي عندكم نخوة تسيبوا بناتكم تنزل الشارع في الوقت ده باللبس ده.......

....................................................

المشرعون وضعوا قانون جديد (التحرش الجنسى) وأنا لاأعارضه ولكن من سيضمن عدالة تطبيقه فى ظل فوضى التلفيقات فلا تتعجب أن ترى إبنك أو أبنى متهماً بالتحرش لأنه كلم الضابط بطريقة غير لائقة وكده يبقى زاد سيف جديد على رقاب الشباب أرجوك خلى بالك ياأستاذ فاروق وطبعاً ياأستاذة فاطمة أى واحدة عايزة تدخل أى حد السجن الموضوع مش محتاج عناء وأهلاً بعصر النساء ولكن لى سؤال لسيادتك لو واحد أعمى عملوا له قضية تحرش وهم مش واخدين بالهم وأتضح لهم بعد كده أنه أخرص كمان هيحلوها أزاى الله أعلم.

,......................................................

هذة بعضآ من اراء بعض المهمومين بالحالة التحرشية فى مصر

فهل لجهاز الشرطة دور فى اظهار الحالة ( العمل على تفعيلها )

فلماذا لم تظهر فى العيد الحالى

ولماذا تم القبض على احداث ومن مدن غير القاهرة

ولماذا لايوجدبنات (هوى ) وسط ما تم القبض عليم

هل الأولاد فقط هم من يقومون ببداية التحرش ...

وجود الشرطة بكثافة فى الميادين مثل وسط البلد اوفى الشوارع الكبيرة ذلت الشهرة (جامعة الدول )والكورنيش

هل لها دور ؟؟

الشعب المصرى لا يقدر على التصدى للشرطة ؟؟

لماذا لا يخافون من الشرطة عند التحرش مع أن جميع مقاطع الصور والفيديو يظهر بها شرطة اثناء التحرش ؟؟

هناك اسئلة كثيرة وحلقات ناقصة من السلسلة لماذا التحرش يظهر ويذيد رغم ان الشرطة على استعداد لتجعل الشعب المصرى يبيت ليلة نائمآ جالس وليس مستلقى على اسرتة .!!

سؤال يجعلنى اسأل ... هل حقآ هناك تحرش جماعى منظم ؟؟؟؟

[أشرف حسين]

سؤال يجعلنى اسأل ... هل حقآ هناك تحرش جماعى منظم ؟؟؟؟

فعلا يا أ/محمود سؤال يحير و (يكسف)

عارف..يمكن بحكم البعد عن البلد فتره طويله يكون معنديش صوره وافيه عن البعد الحقيقي للمشكله

لكن اكيد احنا مش محتاجين أدله عشان نعرف ان التحرش و السفاله موجوده ف الشارع المصري

من زمان بشكل او بأخر حتي قبل هوجة التحرش الجماعي المزعومه...

لكن برضه الحق يقال عمري م حصل و شفتها بشكل (منظم)زي م بنسمع الايام دي

بصراحه السؤال اللي خطر على بالي بعد قراءة كلامك هو مش هل فعلا هو في

(تحرش جماعى منظم)

و لكن ايه اللى وصل بعض الشباب للدرجه دي من انهيار القيم و الانفلات الاخلاقي..

عارف اننا مش مجتمع ملائكي لكن كان دايما في حدود حتى في(قلة الادب) كان في ابن بلد..

و ياريت محدش ياخد من عامل السن و الرغبه او صعوبة الزواج عند الشباب عذر

لان نفس المشكلة ب تعانى منها الفتيات ايضا ولا هما اصنام يعني ؟؟

سؤال..لماذا لا نري مثل هذه الظواهر المخزيه في الغرب مثلا مع ان تصرفات و ملابس النساء هنا

ابعد م تكون عن الحشمه الجواب بكل بساطه ان ثقافة الناس دي مبنيه اساسا

على احترام القانون والحريه الشخصيه للاخرين او على الاقل(م بينهم بس)

اكيد حوادث التحرش بتحصل لكن وقتها العقاب بيكون رادع و فوري مفيش عند البنت

(استرني ونبي انا ف عرضك)

لن اقول ان علاج هذه الظواهر المقززه في سن قوانين و وضع انظمه لان للاسف القوانين موجوده

ولكنها محتاجه لتطبيق على الكبير قبل الصغير

احنا وصلنا للوضع ده يا أ/محمود لان الشاب و حتي الفتاه مش شيفين قدامهم رادع ولا حساب

دنيوى كان او حتى أخروى فالحياة أصبحت في عيونهم مجرد حياة بهيمية يعني عيش يومك

و اخطف اللي قدامك وبس !!

و عشان م طولش عليك يمكن يكون اللي حاصل شي طبيعي نتاج سياسة دولة

قايمه على حماية الفساد و تعزيزه

اقصد انه لما ضعاف النفوس يشوفو صفوة المجتمع و قياداته غرقانه في الانحلال و الحرام

يبقى عادي يا سيدي..

عودة القيادة والأمن والضبط والربط و قبل ذلك عودة الوازع الدينى و الاخلاقي هو السبيل الوحيد للخلاص

ياترى ده ممكن ... ممممم ... مش عارف !!

تم تعديل 14 ديسمبر 2008 بواسطة أشرف حسين

[ابو محمود]

بصراحة وبكل وضوح

الأخلاق فى مصر اصبحت فى انهيار كما تنهار القيم وينمو الفساد

فى يوم الجمعة البائت حبيت ادخل سينما فى وسط البلد وشاهدت بأم عينى شباب فى سن ال18 : 20 سنى يحتسون الخمور داخل دار السينما وهى عبارة عن مشروب بيرة معلبة وتحتوى على 15%كحول ومن انتاج شركة الجونة المصرية وكانت علب البيرة تحت الكراسى بكثرة مما شد انتباة من معى فكيف دخلت

الفيلم كان كوميدى وهو الدادة دودى يعنى لما يكون الفيلم بة شوطات جنسية يبقى السادة شاربى الخمور يعملو اية بعد نهاية الفيلم ..... اذآ تحرش واكثر من تحرش ...

علشان كدة الموضوع قبل ما يكون امنى هو دينى بحت الشباب اصبح يحتسى البيرة كما الكوكا كولا

والمخدرات لمن لايحب البيرة والخمور وهذا هو سبب تفشى ظاهرة التحرش الجنسى كما رايتها بأم عينى فى خامس يوم العيد

الأمن يقف فقط خارج السينمات والتجمعات للمشاهدة وليس للأمن

[أحمد سيف]

مرة أخرى يتم تقديم تبريرات متعددة لجريمة التحرش وإلقاء المسؤولية على الضحية بدل الجاني

انظروا الى ما ترتديه الفتيات وكلهن محجبات فالبنطلون محتاج الى عمليه جراحيه لارتدائه وهو يظهر الجزء السفلى من الفتاه بتفصيل تام غطى على فستان الميكروجيب او المينى جيب فى الستينات وسبعينات القرن الماضى وكن غير محجبات او منقبات على رب الأسره المحترم قبل ان يطالب بجلد الشاب ان يتفضل بمعاينة بنطلون ابنته المحجبه قبل خروجها من البيت

حد من حضراتكم شاف وسط البلد امبارح في طلعت حرب كانت عاملة ازاي .البنات ارتدين من الهواء سترا لهم

ولماذا لايوجدبنات (هوى ) وسط ما تم القبض عليم

هل الأولاد فقط هم من يقومون ببداية التحرش

أو نفي الموضوع جملة وتفصيلا

والمرجح انه لم تحث معاكسات او تحرشات انما هو تهريج ولمه من الصغار من اجل فرحة العيد

وانا عن نفسي مشفتش اي تحرش

أو التشكيك في القانون الموضوع لمحاربته

المشرعون وضعوا قانون جديد (التحرش الجنسى) وأنا لاأعارضه ولكن من سيضمن عدالة تطبيقه فى ظل فوضى التلفيقات فلا تتعجب أن ترى إبنك أو أبنى متهماً بالتحرش لأنه كلم الضابط بطريقة غير لائقة وكده يبقى زاد سيف جديد على رقاب الشباب أرجوك خلى بالك ياأستاذ فاروق وطبعاً ياأستاذة فاطمة أى واحدة عايزة تدخل أى حد السجن الموضوع مش محتاج عناء وأهلاً بعصر النساء ولكن لى سؤال لسيادتك لو واحد أعمى عملوا له قضية تحرش وهم مش واخدين بالهم وأتضح لهم بعد كده أنه أخرص كمان هيحلوها أزاى الله أعلم.

كل ذلك في سبيل إثبات وجهة نظر معينة وهي أن تظل الفتاة في بيتها ولا تخرج الى الشارع حتى يستطيع المجرمون والمضطربون نفسيا والشواذ أن يمارسوا حريتهم أيام الأعياد

أي منطق أعوج هذا ... هل يقترح صاحب الموضوع أن يتم إلغاء العمل بقانون التحرش الجنسي وترك الحبل على الغارب لمن يريد أن يمارس هذا العمل المشين و "اللي عنده كلب يلمه"

أتمنى إلا يكون الأمر كذلك فعلا ... لأننا جميعا نعلم أين يبدأ الموضوع ولكن لا أحد بالتأكيد يعرف أين سينتهي ... قد تكون الضحية التالية ابنتك المحجبة في طريقها الى المدرسة أو زوجتك المنقبة في طريقها الى المسجد ... بل قد تجد هذه الذئاب البشرية في صحن بيتك لإنك لم تحكم إغلاق بابك وتكون بذلك أنت الملام

التحرش جريمة سواء كان جماعي أو فردي، منظم أو عشوائي ... ولا بد أن يدفع مرتكبها ثمن فعلته دون تقديم تبريرات وأعذار له ... وهذه هي الخلاصة

[alsaher]

أنا عن نفسي لم أرى تحرش جماعي بالمعنى الدقيق

ولكن لا أعتقد أن هذا ينفي وجوده

خاصة أنني نادر التواجد في أماكن التجمعات والزحام حتى في المناسبات الكبيرة مثل الأعياد

ولكن ما هو مؤكد أن التحرش ولو باللفظ أصبح سمة موجودنة في الشارع

يعني يمكن أن تسأل أي فتاة بغض النظر عن لباسها

كام كلمة تسمعين منذ مرورك من أول الشارع إلى آخره ؟؟؟؟

كثير جدا جدا

حقيقة أننا لا يجب أن نحمل الفتيات كل شيء

فليس اللباس ولا غيره السبب

هناك حلقة مفقودة أجهلها

فمن خلال تحركي في الشوراع العمومية وفي المواصلا العامة

أجد أن التحرش الفظي يطال أغلب الفتيات بكل أشكال لباسهم , ربما ما عدا المنقبة

ولكن هذا ليس معناه أنه على الفتاة أن تلبس النقاب والجلباب الأسود لأجل تفادي سلبيات المجتمع الذكوري

ولكن يجب أن نبحث عن المشكلة وعن آليات حلها

وشكرا لهذا الطرح

[jamalpody]

ومن الاسماعيلية ايضا انقل لكم رساله من بنت من الاسماعيلية عن نفس المشكله

ايه اليً حصل للشباب مش عارف ؟؟؟؟؟؟؟؟؟؟؟؟؟؟؟؟

واليكم نص رسالة الفتاه

لية كدة يا شباب بلدى

لية يا جماهير الاسماعيلى لية بجد عيب عليكم عيب

شوفو اللى حصل وانتوا تعرفوا انا قلبى واجعنى لية

وهاتعذورنى فى اللى بقولة كل واحد فيكم يتخيل ان دة

ممكن يحصل لامة او اختة او بنتة او مراتة

امبارح كان فيه ماتش كورة الاسماعيلي والاتصالات

والحمد لله الاسماعيلى هو اللى كسب وكلنا اتبسطنا

جدا ان فريق بلدى حبيبتى كسب بس الفرحة دى اتقلبت

غم وهم وحزن وغضب شديد من جماهير النادى بتاعى,

طلعوا من الاستاد وانطلقو فى الشارع زى المجانين من اول

الستاد لغاية اخر السلطان حسين

كنت بتمشى انا واخواتى شوية فى الشارع وبعد

كدة فجأه سمعنا صوت بنت بتصوت وكلنا اتخضينا

وحاولنا نعرف مصدر الصوت وفجأة سمعنا صوت تانى

بنت بتصرخ , اية الحكاية يا جماعة

عرفنا اية الحكاية وياريتنا ماعرفنا

شباب الاسماعيلي خارجين من الستاد جماعات جماعات

وبيمسكوا البنات من اماكن حساسة فى وسط الشارع يعنى

تحرش جنسي جماعى تلاقى الشباب خمسة ستة داخلين على بنتين

ولا حاجة ويلفوا حواليهم وكل واحد يمد ايدة ويلحق اللى يلحقة

المشكلة ان لما البنت بتتعرض للموقف دة من شاب ممكن تمسك فية

وتلم علية الشارع طب لو الشارع كلة كدة والشباب كتير يعنى هاتمسكى

فى دة هتلاقى اللى بيمسك هو من الناحية التانية وصويت البنات

على ولئينا تليفونا بيرن وواحدة صحبتنا فى محل فى السلطان حسين

بتقولنا تعالوا يا بنات بسرعة ادخلو عندى من اللى بيحصل دة

جرينا والله بسرعة دخلنا عندها وقفلنا الباب واحنا سامعين صوت البنات

وبعد فترة جت عربية البوليس بالسرينة بتاعتها عشان تفرق الشباب

وكل دة من شباب الاسماعيلى اللى خارج من الماتش طب لية كدة

دة احنا بنات بلدكم لية كدة ؟؟؟ بجد موقف مستفز وعيب عليكم

انتوا بتعملوا كدة لية بجد انا حزينة وغضبانة وزعلانة ومقهورة

وقلبى واجعنى و صعبان عليا البنات اللى اتعمل فيهم كدة وصعبان

عليا ان شباب بلدى يعملوا كدة

بجد مش عارفة اقول اية اوصف اللى انا حساه

[ابو محمود]

الأخ احمد سيف ... احبائى المحاورين

انا لا أحكم على البنات بأن تجلس فى البيت فأنى صاحب بنات

يأخى انت لم تقرآ مداخلتى وموضوعى جيدآ عزرآ

انا اقول ان الأمن متمثل فى الدولة لا يريد ان يحل المشكلة وهى مفتعلة ( متروكة ) كى تكبر

سيدى الفاضل انتشار البيرة والمخدرات بهذا الفجور فى مصر اصبح وباء

امشى فى اى مكان فى القاهرة ستشتم رائحة المخدرات (الحشيش ) ونبهت فى مواضيع لى هنا

عن رخص اسعار المخدرات ( الحشيش ) للحيلولة لمنع البانجو صاحب المشاكل للشرطة فهو مخدر قوى يؤدى الى أن يقوم من يدخنة بأفعال شاذة وغير مسسؤولة ويمسح ويدمر مركز الذاكرة فى المخ

انى اشاهد الشباب يملؤن العربات بالبيرة والمخدرات ويسكرون ويدخنون الحشيش داخل السيارات بمباركة من الشرطة وان تم الضبط يتم اعطاء الرشاوى (فساد أدارى ) فمن هنا نتعلم ان المخدرات والمسكرات لا تؤخذ الا مجموعة وهكذا نتوصل الى ان ما يتم من تحرش جماعى فى التجمعات الكبيرة بسبب التغيب عن الوعى لدى الشباب ولتعلم سيدى ان كثيرآ من بنات مصر تحتسى البيرة والحشيش فأن لمتكن تصدقنى فبأمكانك ان تتجول فى شوارع القارة وتشاهدهن على المقاهى والكافيهات الكبرى والمتوسطة فى مصر مما يجعل الصورة قاتمة والجامعات المصرية يتم تدخين المخدرات وشرب المسكرات بها مع علم الحرس الجامعى الذى ككل همةمنع الطلبة المتدينين من الظهور ومحارباتهم ..

الصورة تميل الى السواد وشديدة القسوة فقر مدجع وشباب عاطل ومهمش وأعلام يرسم لهمالوهم ويعطية فى كبسولات تؤدى الى اما العزلة او الأتجاة الى المخدرات

والطريقين خراب

ان التحرش الجنسى اسبابة معروفة ولكن علاجة يحتاج الى الشجاعةمن المسئولين

فهل نمل الشجاعة فى دولة شعارها كلة تمام

تحيتى