توجيه اللوم للضحية و ايجاد الأعذار للجانى

[ssmaly]

دة موضوع فكرت فيه منذ زمن

و يتجدد التفكير فيه عند كل جريمة او حادثة

عندما تكون هناك حادثة اغتصاب لفتاة الكل بيوجه الاتهام اليها انها كانت السبب ويجد المبرر للجانى

هى اكيد كانت لابسه ملابس غير لائقة

*طب دى كانت محجبة

بيقى ليه كانت ماشية بالليل لوحدها فى المكان ده

*هى كانت ماشية مع خطيبها

بيقى كانوا بعملوا حاجة غلط وهى تستاهل اللى جرلها

*طب واحدة ماشيه صباحا فى ميدان عام ومنقبة

يبقى اكيد هى لابسة النقاب تمويه وهى على علاقة بالشباب اللى اغتصبوها او تحرشوا بها ولم يتم الأتفاق

*طيب طفلة صغيرة عندها 8 سنوات

يبقى الغلطة غلطة والدتها ازاى تيبسها تمشى لوحدها لأول الشارع

* طيب طفل صفير او طفلة صغيرة فى داخل المدرسة يحصلها الكلام دة

اكيد الطفل او الطفلة بيكدبوا و المدرس شكلة طيب

*طيب بنتين داخل بيتهم اتقتلوا

هما كانوا عايشين لوحديهم ليه اكيد ماكنوش كويسين

*دول اتقتلوا مش اغتصبوا مثلا يعنى جريمة ملهاش دعوة بالاخلاق

برضه الجانى لما يشفهم لوحديهم له حق ان يسرقهم ويقتلهم لو كان هناك راجل كان دة محصلش

يعنى احنا اقصد هنا الشرطة والصحافة والناس العاديين انساقوا فى هذا الظلم وهو ان نلوم الضحايا و نقول انهم غلطوا فى تصرفهم وهو الذى ادى الى حدوث هذة الجريمة والجانى معذورمش كفاية انهم انقتلوا ظلم كمان نظلمهم بعد قتلم

ياريت لا نظلم المجنى عليهم اولا

حتى لو كان المجنى عليه او عليها يرتكب اخطاء هذا ليس مبرر لقتله او اغتصابها حتى لو مشت بملابس غير محتشمة

زمان فى الستينات والسبعبنيات كانت البنات معظمها تلبس المينى والميكرو جيب (ممكن تتفرجوا على الافلام القديمة و تشوفوا الملابس كانت ازاى) وكانت لا توجد هذه الجرائم بهذا العدد واعتقد ان كانت الناس ايامها كانت لاتوجه اللوم للضحايا كما الان

انا تابعت ما قيل عن هذه الحوادث منذ زمن ووجدت كالاتى

1-الشرطة كانت تبرر عجزها و عدم كفاءتها فى بسط الامن فى مصر كلها (وهذا واجبها الاول والأخير) فى انها توجه اللوم للضحيه وتقول

مش ممكن يكون لكل مواطن رجل شرطة ييحميه (و لكن ممكن لراجل مهم الف رجل شرطة يحرسه ويخدم عليه فى مارينا)

2-انساقت الصحافة علشان ترفع مبيعاتها يعنى لازم تقول انها كانت ترتدى ملابس شفافة حمراء اللون و كانت مزوغة من المعهد(ممكن تكون متخرجة من المعهد من سنوات ) وانها كانت على علاقة بزميل لها ومش مهم ان يثبت كذب الجريدة مين حيتابع او يهتم بعد ذلك

3-و نحن بالتالى الناس العاديين نحاول ان نثبت لانفسنا حاجتين

1-ان دة مش حيصل لينا او لبناتنا لاننا مش بنغلط مثل ماهما غلطوا وعملين حسابنا وده حتى نطمن نفسينا ولو كذب

2-حتى نشعر بالسكنية وراحة الضمير بدلا من الشعور بالعجز عن فعل اى شىء لمظلوم ظلم بين

[newcomer]

اتفق مع حضرتك فى كتير مما ذكرت

لكن احب اضيف ان احنا لازم نفكر نفسنا ....... انه مش من حقنا و لا شغلتنا اساسا ان ندافع او نتهم لا جانى و لا مجنى عليه

الحكاية بقت سلطة من ساعة ما كل الناس بقت عندها الجرأه تفتى و تتكلم فى كل حاجة بداية من الدين و انتهاء بالطب

و مرورا بكل حاجة ينفع او ماينفعشى يفتوا و يتكلموا فيها

الظريف ان الناس ممكن يتخانقوا و يزعلوا من بعض علشان ده مع او ضد رأى التانى

و طبعا كله ابو العريف العالم ببواطن الامور...... وكأنه كان موجود ساعة الجريمة او الاجتماع او الحدث

بافتكر فى مسرحيات فؤاد المهندس القديمة ..... كان بيزعق لحد و يقوله " احفظ مركزك "

كنا بنضحك اوى و احنا بنتفرج ....... بس دلوقتى بيتهيأ لى كل واحد لازم يحفظ مركزه

لا انا افتى فى اللى ماعرفش فيه ....... ولا اسمح ( بالحسنه طبعا ) للجاهل انه يفتى فى اللى مايعرفش فيه

.

[newcomer]

كمان لما فكرت ان حد فينا او ولاده ممكن يكون فى المواقف دى .....

لقيت نفسى بادعى:

ربنا يسترنا فوق الارض و تحت الارض و يوم العرض

لانه فعلا لو كل واحد تخيل نفسه فى مكان المتهم اللى لسه ما ادانتهوش المحكمة

و لا مكان المجنى عليه اللى كفايه عليه بلوته

و لا حتى مكان المسئول و لا الشخص اللى بيشتغل فى العمل العام و هو بيتهم بالفساد و الرشوة....و..... من غير دليل و لا وثيقه

او يتخيل نفسه حتى من عيلة حد من دول و يشوف ساعتها هايتكلم ازاى و يقول ايه...

فعلا فعلا..... لا يؤمن احدكم حتى يحب لاخيه ما يحب لنفسه

[mffaswan]

اتفق مع حضرتك فى كتير مما ذكرت

لكن احب اضيف ان احنا لازم نفكر نفسنا ....... انه مش من حقنا و لا شغلتنا اساسا ان ندافع او نتهم لا جانى و لا مجنى عليه

الحكاية بقت سلطة من ساعة ما كل الناس بقت عندها الجرأه تفتى و تتكلم فى كل حاجة بداية من الدين و انتهاء بالطب

و مرورا بكل حاجة ينفع او ماينفعشى يفتوا و يتكلموا فيها

الظريف ان الناس ممكن يتخانقوا و يزعلوا من بعض علشان ده مع او ضد رأى التانى

و طبعا كله ابو العريف العالم ببواطن الامور...... وكأنه كان موجود ساعة الجريمة او الاجتماع او الحدث

بافتكر فى مسرحيات فؤاد المهندس القديمة ..... كان بيزعق لحد و يقوله " احفظ مركزك "

كنا بنضحك اوى و احنا بنتفرج ....... بس دلوقتى بيتهيأ لى كل واحد لازم يحفظ مركزه

لا انا افتى فى اللى ماعرفش فيه ....... ولا اسمح ( بالحسنه طبعا ) للجاهل انه يفتى فى اللى مايعرفش فيه

.

الله يفتح عليكي يا أختي الكريمة ..

هي دي المشكلة .. الجهل .. و الإستعراض بالعقلية الفزة الزائفة .. سبب كل المصايب اللي احنا فيها .. كل واحد فاكر نفسة اللي ماجابتوش ولادة .. و إنه هو اللي بيفهم وحده ولا احد غيره ممكن يكون بيفهم زيه .. مع إن الشخص ممكن يكون توقف من الإعدادية أو الدبلوم .. و اكتفى بهذا العلم الهزيل .. و مع ذلك يكابر و يناطح و ليما يتكلم .. لازم الناس كلها تقتنع بوجهة نظرة .. اللي هي أصلاً غلط في غلط ..

و لا أكبر من دليل ما حدث في قصة البنتين بتوع حي الندى .. و جريمة القتل البشعة اللي حصلت هناك ..

والله العظيم .. هذا ما قد حدث ..

تابعت الخبر بشكل يومي و على صفحات اكثر من جريدة مستقلة و قومية .. و للأسف الشديد .. كانت القومية هي الأكثر كذباً و تدليساً .. و المستقلة أيضاً لم تنأى بنفسها من هذه المسخرة .. بل كان لها دور أسود ..

الصحف القومية .. على أسمائها المختلفة .. في الأهرام .. يقولون تاجر مخدرات و خلاف على السعر و البضاعة .. و الجمهورية تقول .. حفلات الجنس الجماعي .. و الأخبار تؤكد سوء سمعة المجني عليهن و تعدد زوار الليل بفيلتهم .. و قصص و تخريف و حكاوي لا تدل إلا على الجهل و التخلف ..

التحقيقات لم تنتهي و من أول يوم لأكتشاف الجريمة .. نازلين سلخ في البنتين و أهلهم .. و تأليف قصص خيالية .. لمجرد استمرار النشر في الموضوع .. ماهو كله بيهجص على كله .. و الشعب بيصدق و عاوز أكتر .. ايه القرف ده .. و أيه التخلف اللي احنا فيه ده .. تحقيق في جريمة لم تنتهي .. كيف يسمح مسئولي الصحف بمثل هذه المهازل .. لابد من وقفة ..

حاجة تانية ..

خبر في جريدة قومية .. إنه بنت كوافيرة اتلم عليها 6 شباب و اختطفوها و احتجزوها و فعلوا معاها الفاحشة .. و على لفظ المحرر بالجريدة (من ورا) ثم انتهى الموضوع بزواج احد المغتصبين و تنازل المتهمة .. ده رابط الخبر على موقع حوادث اونلاين .. لاني مش عارف اجيب الخبر من موقع الجريدة اللي نشرته ..

http://www.hawadeth.net/?browser=view&fr3ibrdiID=2576

بالله عليكم .. ايه السر من نشر موضوع زي ده .. و مادامت الضحية سحبت البلاغ .. و انتهى الموضوع بالزواج .. يبقى ابه سبب النشر !!! حد يفهمني و الخبر المنشور في موقع حوادث اونلاين جايب الاسم الاول للضحية و للمتهمين .. و الموقع التاني بتاع الجريدة القومية .. جايب الاسامي كاملة !! ايه اللي بيحصل بالظبط !!

يا جماعة المشكلة مش في الضحية ولا الجاني .. المشكلة في الاعلام المضلل و المبني على الفرقعة و المصلحة .. مع تغييب الشفافية .. نسأل الله السلامة

[أحمد سيف]

فعلا أنا لاحظت هذه المشكلة في مصر كثيرا ... الناس دوما تقف مع الجاني ضد الضحية وتدافع عن الأوضاع الخاطئة التي تعودت عليها

بعيدا عن مواضيع الاغتصاب والتحرش ... حاول أن تنتقد وضعا خاطئا تقابله في الشارع أو في العمل وستجد أن كل الناس ضدك وتدافع بحرارة عن الخطأ

حاول مثلا أن تطلب من أحد الأشخاص الذين يتجاوزون الطابور أن يلتزم بالنظام

أو حاول أن تطلب من سائق ميكروباص أن يلتزم بالحد الأدنى من الآدمية والذوق في السواقة والتعامل مع الناس

أو أطلب من أحد المدخنين في مكان مغلق أن يطفئ سيجارته

أو اطلب من زميلك في العمل أن يبطل رغي شويه علشان تعرف تشتغل

ستجد أن معظم الناس تنظر اليك باستهجان واستغراب ... مين اللي جاي يغير لهم أسلوب حياتهم ويعمل عليهم محترم ده

علشان كده هانفضل محلك سر ومافيش حاجه هاتتصلح في البلد طول ما احنا كده

[الباشمهندس ياسر]

فعلا أنا لاحظت هذه المشكلة في مصر كثيرا ... الناس دوما تقف مع الجاني ضد الضحية وتدافع عن الأوضاع الخاطئة التي تعودت عليها

بعيدا عن مواضيع الاغتصاب والتحرش ... حاول أن تنتقد وضعا خاطئا تقابله في الشارع أو في العمل وستجد أن كل الناس ضدك وتدافع بحرارة عن الخطأ

حاول مثلا أن تطلب من أحد الأشخاص الذين يتجاوزون الطابور أن يلتزم بالنظام

أو حاول أن تطلب من سائق ميكروباص أن يلتزم بالحد الأدنى من الآدمية والذوق في السواقة والتعامل مع الناس

أو أطلب من أحد المدخنين في مكان مغلق أن يطفئ سيجارته

أو اطلب من زميلك في العمل أن يبطل رغي شويه علشان تعرف تشتغل

ستجد أن معظم الناس تنظر اليك باستهجان واستغراب ... مين اللي جاي يغير لهم أسلوب حياتهم ويعمل عليهم محترم ده

علشان كده هانفضل محلك سر ومافيش حاجه هاتتصلح في البلد طول ما احنا كده

مش لاقى كلام اقوله

الله ينور يا هندسة

[newcomer]

حاول مثلا أن تطلب من أحد الأشخاص الذين يتجاوزون الطابور أن يلتزم بالنظام

أو حاول أن تطلب من سائق ميكروباص أن يلتزم بالحد الأدنى من الآدمية والذوق في السواقة والتعامل مع الناس

أو أطلب من أحد المدخنين في مكان مغلق أن يطفئ سيجارته

أو اطلب من زميلك في العمل أن يبطل رغي شويه علشان تعرف تشتغل

ستجد أن معظم الناس تنظر اليك باستهجان واستغراب ... مين اللي جاي يغير لهم أسلوب حياتهم ويعمل عليهم محترم ده

علشان كده هانفضل محلك سر ومافيش حاجه هاتتصلح في البلد طول ما احنا كده

مع حضرتك ..... الناس فعلا هاتنضم للغلطان

يمكن دفاعا عن نفسهم..... ويمكن دفاعا عن طريقه حياة بتريحهم و اعتادوا عليها

لكن ..... خلينا نقول ان الشخص المحترم ده

غالبا بيكون مشغول بفكرته و انه يعدل الغلط اللى شايفه

و مابيركزش اوى على الطريقة

اللى هيه ( ده رأيى ) 70% من القصة

يعنى تلاقى حضرتك واحد بيشتكى من حد ضايقة ( ظالم او مظلوم ) و متنرفز اوى....

تلاقى حضرتك الشخص المحترم اللى بيحاول يصلح ده

فى وسط التجمع ( قرايب او صحاب )...... ويروح مديهم خطبة عصماء

عن الغيبة و النميمة و انهم اللى بيقول و اللى بيسمع

مصيرهم اسود!!

المثل بيقول " النصيحة فى الملأ ...... فضيحة"

رد الفعل الطبيعى .... ان كلهم يهاجموه

ماحدش قال انهم صح...... بس الدبلوماسيه مطلوبة

قيس بقى حضرتك على باقى السلبيات اللى حضرتك ذكرتها.

[newcomer]

.. ايه القرف ده .. و أيه التخلف اللي احنا فيه ده .. تحقيق في جريمة لم تنتهي .. كيف يسمح مسئولي الصحف بمثل هذه المهازل .. لابد من وقفة ..

.....من كام يوم ... فى المصرى اليوم.....خبر من نوعيه هم يبكى و هم يضحك

المانشيت بيقول ان السباك قال للطبيب هاشتكيك لرئيس الوزراء

فالدكتور قالوا لأ احسن اشتكينى لربنا

الموضوع بقى بيقول ان واحده ست ( ربنا يشفيها و يشفى كل مريض)

وقعت من تالت دور

طبعا عندها مشاكل و اتعملها عمليات كتير ...و....و...و..

المهم .....جوز الست دى سباك .....اتهم الدكتور انه السبب فى تاخر حالتها

المضحك فى الخبر .....ان المحرر كاتب : العملية اتعملت غلط....بشهادة جوزها ....السباك

مع احترامى لكل المهن الشريفة....لكن اكيد مايقدرش يقرر اذا كان العملية صح و لا غلط

المحزن ... ان المحرر ماسألش اى حد تانى فى القصة دى..... لا الدكتور المتهم و لا اى حد تانى

كل اللى حصل ... انه اثار الناس ضد مستشفيات الحكومة و الاطباء

تانى ..... بنحط بذور الحقد و الكراهيه بيننا و بين بعض

و اكرر كلام حضرتك......لازم لينا وقفة

تم تعديل 20 ديسمبر 2008 بواسطة newcomer

[أبو عمر المصري]

وطبعا ماننساش دور الصحافه المغرضه والأعلام في تشويه الحقائق والأفتراءات وسرعة الحكم على الأمور قبل ما تاخد التحقيقات مجراها

[ssmaly]

عندما لايجيد كل واحد عمله او عندما نشك فى عدم الاجادة او الفساد يكثر الفتوى

زمان كان الثقة فى الطبيب كانت على اعلى مستوى

كانت الثقة فى اجادته والثقة فى امانته الشخصية والمهنية كانت ليست محل شك

لم نسمع عن سرقة كلى لمريض وضع ثقته فى طبيب(و هو الامر الطبيعى ان نثق فى الاطباء)

لم نسمع عن اخطاء مهنية ناجمه عن اهمال

الشىء الاهم هو ان كل واحد فى مجال ما يتكاتف وينصر زميله فى هذا المجال حتى ولو على باطل

يعنى اذا اخطا طبيب و عملوا تحقيق لازم تقرير فنى طبى يحدد اذا كان هناك خطا او لا المتبع ان يناصر المسؤل عن كتابة التقرير زميله و ولا يدينه( قانون القبيلة)

و أذا كان ضابط يسانده الضباط الاخرين (والتحقيق واوراقه كلها فى ايديهم)

و هكذا كل المهن

ده الى بيجعل ناس كثيرة بتشك وتفتى فى اى موضوع بدون ان تكون خبيرة اوتعمل فى هذه المهنة

[sherifhfm]

فعلا أنا لاحظت هذه المشكلة في مصر كثيرا ... الناس دوما تقف مع الجاني ضد الضحية وتدافع عن الأوضاع الخاطئة التي تعودت عليها

بعيدا عن مواضيع الاغتصاب والتحرش ... حاول أن تنتقد وضعا خاطئا تقابله في الشارع أو في العمل وستجد أن كل الناس ضدك وتدافع بحرارة عن الخطأ

حاول مثلا أن تطلب من أحد الأشخاص الذين يتجاوزون الطابور أن يلتزم بالنظام

أو حاول أن تطلب من سائق ميكروباص أن يلتزم بالحد الأدنى من الآدمية والذوق في السواقة والتعامل مع الناس

أو أطلب من أحد المدخنين في مكان مغلق أن يطفئ سيجارته

أو اطلب من زميلك في العمل أن يبطل رغي شويه علشان تعرف تشتغل

ستجد أن معظم الناس تنظر اليك باستهجان واستغراب ... مين اللي جاي يغير لهم أسلوب حياتهم ويعمل عليهم محترم ده

علشان كده هانفضل محلك سر ومافيش حاجه هاتتصلح في البلد طول ما احنا كده

والله يا اخى فكرتى بموضوع السجائر ده انا يمكن عملت 100 خناقه فى مصر بسبب الموضوع ده

كل مره اسافر فى اتوبيسات السوبر جيت اول ما الرحله تبدأ يبتدى التدخين وانا ابدأ الخناق ياناس يا بشر التدخين ممنوع تلاقى الكل بيبص عليك كأنك عندك تخلف عقلى ولما اكلم سواق الاتوبيس يقول لى يعنى حعملهم ايه اصلى ده كييف ، وتلاقى واحد مسقف "مثقف" بيقلك يا ستاذ دى حريه شخصيه

فكرتنى مره واحد زميلى اتحط فى نفس الموقف وكان الجو برد قارص ولما واحد قال له دى حريه شخصيه قال تمام وراح فاتح شباك الاتوبيس الى جنبه على الاخر طبعا دخل هوا شداد البروده وقال دى حريه شخصيه كمان انا بحب البرد طبعا فضل كده لغاية لما كل الى فى الاتوبيس بطله تدخين خالص

[ssmaly]

هناك ما قال عنه رأى عام

الرأى العام يجب ان يحترم فى كل شىء

اولا ان يحترم بعدم استغلاه لمصلحة شخص ما او مجموعة ما

ثانيا ان يحترم رأيه ويعتد به

المفروض ان الصحف بتلجا للراى العام و وتحاول ان توجه و لكن للمصلحة العامة وكشف الفساد

ام مشكلة الطابور والسجائر فأتعد المشكلة فى اننا شفنا كيف احترام الطابور وغير الدخنين فى الخارج ونريد ان نطبقه فى مصر

ودة صعب جدا واحيان بنجعل المصريين القمين فى مصر بيضحكوا علينا

انا مرة عملت خناقة فى بنك مع موظف البنك و قرايبى ضحكوا عليا وقالولى هو ده موظف فى سويسرا علشان انت تطلب منه

انه لا يمشى معالمة من خلف الشباك ويتعدى دورك ويحترمك وينظر اليك عندما تتحدث معه ولا يتجهالك دى مصر يا عبلة

الموضوع اكبر من كدة

انا كنت اقصد ان الرأى العام حتى على القضايا الكبيرة مثل الخطف والاعتصاب وممكن ان يحكم على الجانى بالسجن لفترات كبيرة

يوجه الوم للضحية مهما عملت او معملتش لتامين نفسها من الخطف وذلك ختى نبعد شبح الجريمة عنا اذهننا وانها ممكن ان تحدث لنا او لأولادنا ونذيح الشعور بالذنب عن كاهلنا ونستطيع ان ننام مرتاحيين