مين يعرف دكتور سنان شاطر؟

[Set_Amina]

فكرت كثيرا ولقيت ان مفيش حد هيساعدني في الموضوع الصعب ده الا اخواتي هنا في المنتدى

الموضوع ان بنتي وقعت على وشها وانكسرت سنانها الأمامية وطبعا مش معقول هاعمل لها كوبري سنان قدام، ولذلك قررت ازرع لها السنتين الواقعين ولكن الفكرة دي هنا في بلاد الخواجات هاتكلفني اللي ورايا واللي قدامي مع اني مفيش لا ورايا ولا قدامي والحمد لله، المهم قررت السفر الى مصر وزرع الاسنان لها هناك.

المطلوب من اخواتي الكرام اللي عايشين في مصر اللي يعرف دكتور سنان شاطر وعنده ضمير وطبعا مش غالي قوي يقولي عليه.

باشكركم مقدما ومؤخرا وربنا يقدركم على فعل الخير ياررررررب

أختكم المحتاسة ست أمينة

[White heart]

أعرفلك واحد معرفه من زمااااااان ورا نادى الصيد ممتاز،

لو حبيتى ابعتلك بياناته على بريدك الخاص، أخر مرة كنت فى مصر قام بالواجب و زيادة معايا، و فعلا عيادته مجهزة بأحدث الأجهزة، و ايدة صحيح ماهرة هو و الطقم اللى معاة و المعمل اللى بيتعامل معاة، و علاوة على كدة عمللى شهادة بالفرنسيه مكنتنى من استرداد تقريبا كل ما دفعته لديه عندما رجعت هنا من التأمينات....

[Set_Amina]

أعرفلك واحد معرفه من زمااااااان ورا نادى الصيد ممتاز،

لو حبيتى ابعتلك بياناته على بريدك الخاص، أخر مرة كنت فى مصر قام بالواجب و زيادة معايا، و فعلا عيادته مجهزة بأحدث الأجهزة، و ايدة صحيح ماهرة هو و الطقم اللى معاة و المعمل اللى بيتعامل معاة، و علاوة على كدة عمللى شهادة بالفرنسيه مكنتنى من استرداد تقريبا كل ما دفعته لديه عندما رجعت هنا من التأمينات....

ألف شكر أخي الكريم على سرعة ردك،، جازاك الله خيرا

طيب ابعت لك ازاي عنوان بريدي الخاص؟؟

[White heart]

عفوا يا عزيزتى،

لم أفعل شئ يستحق الشكر،

لقد قمت بأرسال بيانات الطبيب على بريدك هنا فلا داعى لأن ترهقى نفسك، و احتراما لخصوصيتك...

والف سلامه على بنت حضرتك...

[Set_Amina]

عفوا يا عزيزتى،

لم أفعل شئ يستحق الشكر،

لقد قمت بأرسال بيانات الطبيب على بريدك هنا فلا داعى لأن ترهقى نفسك، و احتراما لخصوصيتك...

والف سلامه على بنت حضرتك...

وصلتني الرسالة ولا يسعنى الا ان أدعو لك بكل الخير على اهتمامك

[BenNeal]

أعرفلك واحد معرفه من زمااااااان ورا نادى الصيد ممتاز،

..........و فعلا عيادته مجهزة بأحدث الأجهزة، و ايدة صحيح ماهرة هو و الطقم اللى معاة و المعمل اللى بيتعامل معاة، و علاوة على كدة عمللى شهادة بالفرنسيه مكنتنى من استرداد تقريبا كل ما دفعته لديه عندما رجعت هنا من التأمينات....

ياريت يا استاذ Whiteheart تنشر البيانات دى فى موضوع جديد باسم"Reference List" مثلا, تحت Topic "حماية المستهلك".

[linux]

موضوع قيم ...

أخوكم عمل شغل فى سنانه قبل مايجى أمريكا لأن ولاد الحلال نصحونى أن دكاترة الأسنان فى أمريكا نار ...

و قد تم ... و لكن ...

بعد عدة شهور كسرت ضرس (محشى ... ده غير المحشى اللى بناكله ... بلاش مخكم يروح لبعيد!) ... المهم رحت لدكتور أسنان ...

عارفين لما بص فى منقارى ... أقصد بقى قال لى أيه؟؟؟

قال لى أدينى أسم الدكتور اللى عمل لك حشو السنان ده! كان ها يبلغ عنه النقابة!

كنت مكسوف جدا وأنا بقول له أن الدكتور فى مصــر.

طلع الدكتور بتاع مصــر اللى "أيديه تتلف فى حرير" ما بيشلش التسويس بالكامل قبل ما يحط الحشو الجديد. طبعا ده بيخلى الهبل اللى زى حالاتى مبسوطين أن مافيش ألم!!

مهم جدا أن الواحد يعرف دكتور أمين و يفضل معاه.

قلبتوا على المواجع

_____________________________________________________

لينكس سبارس لينكس

متخصص جراحة الأكلان، حاصل على الزمالة من جامعة براغيتوا بجرجا

[مصرى]

سلامتك بنتك العزيزة يا ست أمينة .. إذا كان سنها صغير فلن تكون فى حاجة الى عملية زرع أسنان وقد حدث هذا مع إبنى منذ سنوات وطلعت له سنة جديدة ..

أشهر دكاترة زرع الأسنان فى مصر هى الدكتورة سلسبيل وعيادتها فى شارع الماظة بمصر الجديدة وكانت رئيسة قسم الجذور بكلية طب الأسنان جامعة القاهرة وأظن أنها الآن على المعاش ..

[White heart]

BenNeal كتب:

ياريت يا استاذ Whiteheart تنشر البيانات دى فى موضوع جديد باسم"Reference List" مثلا, تحت Topic "حماية المستهلك".

فكرة طيبه يا عزيزى، و ربما باب "استشارات طبيه" يناسبه أيضا، على اننى أقترح الأنتظار حتى لا تصبح نوع من الدعايه المباشرة لهذا الطبيب، و ان ذهبت العزيزة "الست أمينه" الى هذا الطبيب أو غيرة، و بمشيئه الله نسمع كل خير على بنتها، فنترك لها حريه وضع بياناته أم لا....

شكرا على فكرتك..

[Set_Amina]

سلامتك بنتك العزيزة يا ست أمينة .. إذا كان سنها صغير فلن تكون فى حاجة الى عملية زرع أسنان وقد حدث هذا مع إبنى منذ سنوات وطلعت له سنة جديدة ..

أشهر دكاترة زرع الأسنان فى مصر هى الدكتورة سلسبيل وعيادتها فى شارع الماظة بمصر الجديدة وكانت رئيسة قسم الجذور بكلية طب الأسنان جامعة القاهرة وأظن أنها الآن على المعاش ..

ألف شكر اخي مصري على اهتمامك وياريت تشوف لي رقم تليفون الدكتورة دي اذا كانت لسه بتشتغل في عيادتها

[Set_Amina]

BenNeal كتب:

ياريت يا استاذ Whiteheart تنشر البيانات دى فى موضوع جديد باسم"Reference List" مثلا, تحت Topic "حماية المستهلك".

فكرة طيبه يا عزيزى، و ربما باب "استشارات طبيه" يناسبه أيضا، على اننى أقترح الأنتظار حتى لا تصبح نوع من الدعايه المباشرة لهذا الطبيب، و ان ذهبت العزيزة "الست أمينه" الى هذا الطبيب أو غيرة، و بمشيئه الله نسمع كل خير على بنتها، فنترك لها حريه وضع بياناته أم لا....

شكرا على فكرتك..

الحقيقة لو طلع دكتور ماهر وعنده ضمير يبقى اقل واجب تجاهه اننا نعرف باقي الاصدقاء عليه واكيد هايكونوا هما الكسبانين لان فعلا وجود دكتور شاطر وبيراعي ضميره في شغله بقى من الأشياء النادرة

[impossible]

ياريت تكملو جميلكو

وتوزعو الانشطة بتاعتكم على المحافظات والاقاليم

تبقى تغطية شاملة للجمهورية

وبعدين متبقااش دكاترة سنان بس

لا كل التخصصات

وشوية كمان وننتقل لاخواتنا فى الدول العربية

مش بهزر خااالص

بتكلم جد( وش واحد بيكرة الدكاترة كلهم عمى ودخل كلية طب مخصوص عشان ميروحش لدكاترة)

ياريت دكتور سنان يكون شاطر فى التقويم

بس يكون فى المنصورة

انا تقريبا فى سنة زرت نص الدكاترة (وش واحد عقدة الدكاترةعندة بتزيد يوم بعد يوم)

[se_ Elsyed]

سلامتك بنتك العزيزة يا ست أمينة .. إذا كان سنها صغير فلن تكون فى حاجة الى عملية زرع أسنان وقد حدث هذا مع إبنى منذ سنوات وطلعت له سنة جديدة ..

أشهر دكاترة زرع الأسنان فى مصر هى الدكتورة سلسبيل وعيادتها فى شارع الماظة بمصر الجديدة وكانت رئيسة قسم الجذور بكلية طب الأسنان جامعة القاهرة وأظن أنها الآن على المعاش ..

ألف شكر اخي مصري على اهتمامك وياريت تشوف لي رقم تليفون الدكتورة دي اذا كانت لسه بتشتغل في عيادتها

صح يا ست أمينة فاتت علينا دي .. مش يمكن اللى أتكسر ده هي الأسنان اللبنية وهاتطلعلها تاني .. ماهما الأطفال اللى تحت سن 6 سنوات كده .. سنانهم بتتكسر أو بتسوس من كتر أكل الحلاوه بس ربنا بيكرمهم وبيطلعوا تاني .

( وش واحد خبيث )