إنتى فين يا أم سمر...!!!!

[Cleo]

أم سمر (الشهيرة بشعنونة) بقالها كتير غايبة يا شباب...!!!!

تكونش راحت مصيف؟؟؟؟؟

طيب داروين يعرف يطمنا عليها؟؟؟؟

وحشتنا أقفاص الفاكهة اللى كان كل واحد فيها مليان "رمان" يتفجر فى المنتدى و يخللى الناس كلها تلف حوالين نفسها و كل واحد يبتدى يقلب فى دماغه بالكبشة أم إيد طويلة عشان يطلع خلاصة أفكاره للرد على شعنونة....

و إليها أهدى أغنية "يا مسافر وحدك..... طال غيابك لييييييييييه"

[Lancelot]

أم سمر و كروساية و نورا اللي بتروح و تيجي ...

إختفاء نسائي خايف إنه يكون هدوء ما قبل العاصفة ... لكن مش مهم طالما هيرجعوا ينوروا المنتدي تاني ....

[الطفشان]

ما صدقنا فرحنا بداروين

و بعده بظهور حشيش

حتى اختفت شعنونة

احنا حنعمل دفتر حضور و غياب يومي

و حيبقى فيه جزاءات للي مش بيحضر

[freefreer]

غياب ام سمر .. كغياب القمر .. ..

[kokowawa1979]

كليو كتبت :

أم سمر (الشهيرة بشعنونة) بقالها كتير غايبة يا شباب...!!!!

انت بتسألينا احنا ياست كليو وانت أعز أصحابها

مهمتك دلوقت إنك انت ترجعيها بأسرع ما يمكن

[se_ Elsyed]

بالتأكيد شعنونة فى المصيف .. وياريت تقضي أجازة سعيده وترجعلنا فريش وتحكيلنا عن مغامرتها أثناء الأجازة .

وفعلاً من الملاحظ أن فيه أعضاء كتير غائبين غالباً بسبب المصيف ، لذا أقترح نقل مقر المنتدى للساحل الشمالي لكي يتمكن الجميع من المشاركة .

أنت يا ولد يا اوبتي أنت ولانسلوت ياللي بتلعبوا فى الرملة هانك ووسختوا المايوه بتاعكم ... طيب كل واحد فيكوا هاياخد أنذار .

وليكن شعارنا خلال المرحلة القادمة " دقوا الشماسي .. دقوا الشماسي على البلاج دقوا الشماسي "

[farasha79]

انا هقوم بالواجب عنهم لغايه ما يظهروا من اول و جديد

بتكلم عن العنصر النسائي الغائب حجته معاه :lol:

[Cleo]

كليو كتبت :

أم سمر (الشهيرة بشعنونة) بقالها كتير غايبة يا شباب...!!!!

انت بتسألينا احنا ياست كليو وانت أعز أصحابها

مهمتك دلوقت إنك انت ترجعيها بأسرع ما يمكن

مش بس لما ألاقيها أبقى أرجعها...!!!!!! أان بعتلها إيميل من أسبوع و هى لسة ما رديتش عليا... ربنا يجيب العواقب سليمة.... أنا ابتديت أقلق على البنوتة دى...

[kokowawa1979]

لاغي للتكرار

[kokowawa1979]

سي السيد كتب :

وفعلاً من الملاحظ أن فيه أعضاء كتير غائبين غالباً بسبب المصيف ، لذا أقترح نقل مقر المنتدى للساحل الشمالي

ماتشوف لنا مكان تاني يكون أرخص من الساحل الشمالي شوية ياعم سي السيد

ويارب تكون الشعنونة في المصيف بصحيح

[linux]

من صفحة الأعلانات المبوبة:

بنتنا و أختنا أم سمر ملكة التلقاااااائية:

طال غيابك عن بيت العيلة ...

الفار أبتدى يلعب فى عبنا ...

أبتدينا نفكر نجيب جطة حشيش و اللى يحصل يحصل ...

ياستى مستعدين نشترى فن الزجاج بتاعك بس أرجعى ...

مش لاقين حد يتشعنن علينا ...

حرمت أنقد "بائــعة الأحلام" خلاص ... دى قصيدة رائعة!!

أرجعى و نوعدك نساعدك فى قراءة المنيو و الفاهيتا بالمايونيز ...

______________________________________

لينكس بطاطا لينكس و ولده أمشير

أمين سـر جمعية نانوس الغيط النموذجية عفاريت

[بنت شعنونة]

السلام عليكم..

شكرا ليكم كلكم والله على السؤال

لكن ربنا العالم بالحالة اللي الواحد فيها

عندي حالة اكتئاب بشع من اخر مرة كنت معاكم فيها

ويوم عن يوم بتزيد

ودلوقتي بفكر اني ارمي على نفسي التربنتين اللي كنت بشتغل بيه واولع في نفسي عشان ارتاح

صدقوني انا بقيت مش انا نهائي

والبركان انفجر مرة تانية وبقيت مش طايقا اي حاجا حتى والدي و اخواتي بقى ما فيش كلام بنا خلاص

ما بقيتش عاوزا اتكلم ولا عاوزة اعمل اي حاجا في الدنيا

واخيرا تفكيري كله دلوقتي اني اسيب البيت واروح اي مكان بعيد محدش يعرف طريقي فيه وبس

دعواتكم..

[Cleo]

السلام عليكم..

شكرا ليكم كلكم والله على السؤال

لكن ربنا العالم بالحالة اللي الواحد فيها

عندي حالة اكتئاب بشع من اخر مرة كنت معاكم فيها

ويوم عن يوم بتزيد وخلال الايام اللي فاتت دي حاولت انتحر 

ودلوقتي بفكر اني ارمي على نفسي التربنتين اللي كنت بشتغل بيه واولع في نفسي عشان ارتاح

صدقوني انا بقيت مش انا نهائي

والبركان انفجر مرة تانية وبقيت مش طايقا اي حاجا حتى والدي و اخواتي بقى ما فيش كلام بنا خلاص

ما بقيتش عاوزا اتكلم ولا عاوزة اعمل اي حاجا في الدنيا

واخيرا تفكيري كله دلوقتي اني اسيب البيت واروح اي مكان بعيد محدش يعرف طريقي فيه وبس

دعواتكم..

لاا حول ولا قوة إلا بالله...!!!!!! يعنى و عشان إيه ده كله؟؟؟؟ (...) و راح؟؟؟؟؟

إيشحال إن ماكانش المنتدى كله قاللك إن إنتى الكسبانة.......!!!!!!!

بلاش هبل والنبى...... ولا إنتى بتتلككى عشان تكتئبى و خلاص؟؟؟؟!!!!!

ياللا.... عووووووووودى ياااااا هاااااااااميييييييييييييسسسسس

آآآآآآتووووووون يتكلم...... و بيقوللك كفاية كدة و يالا إرجعيلنا بأه...

(ده أنا مش محضرة كبشة عادية.... ده أنا جبت حلة و ركبتلها إيد زعافة السقف و مستعدى أقلب بيها أفكارى معاكى.... بس انتى بس اتحفينا بموضوع من وش القفص)

[Katamando]

ممكن أفهم ما هو الداعي لهذه الكآبة اللامنطقية؟

كما قالت كليو ..... كلب وراح....

وكما قال محمد لطيف رحمة الله عليه : الجايات أكتر من الرايحات

وكلنا نرى ونتفق ونؤيد ونشدد على فكرة إلقاء الهم لأنه موضوع وعدى كسحابة صيف

أنا أناشد كل قوى المنتدى الهتاف العنيف لرفض وشجب وأستنكار والتنديد بحالة الكآبة الغير مبررة من الأخت شعنونة

وعلى رأي العالم (مذكر عالمة) الكبير شعبان عبد الرحيم

بس خلاص

(وش واحد ممتعض)

[Farida]

الأخت شعنونه

انا شايفه انك مكبره الموضوع حبتين هو صحيح انا ساعات بأختلف معاكى فى بعض الأراء بس علشان انا كبرت و فهمت الدنيا اكتر شويه الموضوع محتاج منك تقوية ايمان و تقويه ثقه بنفسك اكتر من كده انت حالتك احسن من ناس كتير الحمد لله و كفايه انك دكتورة و صغيره فى السن و تلقائيه و مرغوبه بدليل الخطاب اللى ورا بعض و ماديا مرتاحه ... فيه بنات كتير يتمنوا نص اللى انت فيه

رأيي انك تفكرى فى نفسك اكتر و تهتمى بدراستك و هوياتك و تتعلمى حاجات كتير و تشغلى نفسك على طول و فى الطريق جه واحد كويس و مناسب كان بها ما جاش هم الخسرانيين

[White heart]

بنت شعنونة كتبت:

عندي حالة اكتئاب بشع

ويوم عن يوم بتزيد

ودلوقتي بفكر اني ارمي على نفسي التربنتين

ص

دقوني انا بقيت مش انا نهائي

ما بقيتش عاوزا اتكلم ولا عاوزة اعمل اي حاجا في الدنيا

يا عزيزتى الف سلامه عليكى ...

مين فينا بس ما بيمرش عليه اوقات زى دى؟ و اصعب منها؟

بس صدقينى انا اتعودت فى الحالات اللى زى دى انى اعتكف بعض الوقت و اصلى و ايضا ابص حواليه واكيد بلاقى حاجتين مهمين جدا...

الاولى ناس بتحبنى... و التانيه ان فى ناس محتاجنى ...

و هوووووووووووب تلاقى الحاله قلبت بطريقه عكسيه تماما!!!

فاكرة الطفل المسكين اللى اتعرض لحادثه فى المستشفى اللى انت فيها ... و عملتى ايه علشانه؟ مش مهم "قد ايه" المهم انك كنت موجودة ساعتها جمبه و دة كفايه....

ربنا يعينك و ترجعلنا "أشعن" من الاول كمان.

[الطفشان]

شعنونة!

و بعدين معاكي؟

ايه اللي يستدعي تربنتينا و حرق و انتحار؟

دة كلام ناس عاقلة؟

لازم تتعلمي تفوتي

و كله بيعدي

[بنت شعنونة]

للأسف ما حدش فاهمني

وصعب جدا انه حد يفهمني

يا جماعة اقسملكم بالله العظيم تلاتا انه مش دا الموضوع اللي تاعبني

المشكلة ان الموقف نفسه خلاني ابص جوايا

وساعتها اتصدمت

انا طووووول عمري بهرب من اني ابص جوايا

ولما حصل الموقف الأخير دا اجبرني اني لازم ابص

وانصدمممت صدمة مهولة للي شفته

عارفة يا اخت فريدة اللي انتي بتقولي ان الناس بتحسدني عليه دا

عارفة انا دفعت تمنه كااام؟؟

دفعت تمنه انا...

تعرفي ترجعيلي الأنا دي؟

وخدي مني كلللللللل اللي معايا مش عاوزاه

دكتورة!!! هه!؟! وايه الفايدة وانا فاشلة؟؟

فلوس؟؟ ماراحت خلاص..

مرغوبة والدليل الخطاب!!.. خليها على الله بس

مشكلتي في الحياة دلوقتي اني عاوزاة انا اللي ضاعت مني

انا اللي ما اتشوهتش من زمااان

حد يعرف يرحعهالي؟؟

انا واثقا مليون المية انه ماحدش فاهم مني ولا كلمة

ولا ها يفهم

لآنه حتى اقرب الناس ليا ما فهمنيش

مافيش فايدة

[kokowawa1979]

أختي العزيزة الدكتورة شعنونة

أولا نورتي المنتدى من جديد

دكتورة!!! هه!؟! وايه الفايدة وانا فاشلة؟؟ 

يعني إيه فاشلة !!! انت بسم الله ماشاء الله زي الفل وأنا أعتقد إنك محسودة من أصحابك مش أكتر

ولاتجعلي ال أنا دي تؤثر عليك كل هذا التأثير

وما مضى أصبح ذكريات لاأكثر

صدقيني زيدي من تلاوة القرآن هتلاقي كل هموم الدنيا راحت يادكتورة

ألا صحيح هو انت تخصصك إيه بالضبط ؟

[الطفشان]

شعنونة

أيا كانت الاسباب

تعذيب النفس و جلد الذات لن يجدي في شئ