قانون الضرائب العقارية الجديد

[ذهبية]

بعد ايام قليلة و بداية مع العام الجديد سوف يبدا تطبيق قانون الضرائب على العقارات الجديد و بصراحة انا قريت فية كتير و مفهمتش اى شىء من بنودة ولا هو لمصلحة مين معمول للاغنياء كما يتشدق بية اعضاء مجلس الشعب و ووزير المالية يوسف بطرس غالى وان القانون لن يضر الفقراء او متوسطى الحال

طيب ممكن حد يفهمنى هتتحسب ازاى ؟؟؟ وممكن اعرف لو حد عندة شقة مقفولة و سايبها لعيالة مثلا هيدفع برضة ؟

طيب دة مش هيؤدى الى رفع القيمة الايجارية لان طبعا اصحاب البيوت هيضطروا نتيجة دة الى وضع الزيادة على الايجار والذى سوف يدفع هو المستاجر ؟

طيب يعنى بالذمة احنا هنلاحقها منين و لا مين مش كفاية زيادة ضريبة السيارات والتراخيص مش كفاية ضريبة المبيعات اللى فى كل حتة و اى حاجة تشتريها ؟ والكهربا و المياة و التليفونات و الغاز الطبيعى وووو

ممكن يا اخواتى حد يفهمنى اية طبيعة القانون دة؟؟؟؟؟؟؟؟ و ياترى هتنفذ ازاى ؟؟؟؟؟؟؟ اللى اعرفة انى لازم كل واحد يروح بنفسة يبلغ الضرايب بالشقة اللى عندة و مساحتها ووضعها و بعدين تتعمل لة لجنة تقدر الضريبة اللى علية الىل هتتاخد سنويا

طيب اللى مش هيروح يحصل لة اية يعنى طيب لو راح معايير الحكم على الشقة مين اللى بيحطها والمبلغ دة مين اللى بيحددة ؟

طيب لو جاء المبلغ جزافى اشكى لمين واخد حقى منين

طيب دة على الشقق بس ولا المحلات كمان

ممكن حد يقولى لو يعرف اى معلزمات عن هذا الموضوع اعتقد انة موضوع مهم و يهمنا جميعاااااا

ارجو من الاخوة الاعضاء اللى عندة اى معلومة لا يبخل بيها علينا

والف شكر ااااا لكم جميعااااا

اختكم ذهبية

[أحمد سيف]

ما عنديش تفاصيل كثير عن القانون بس مستعد أجاوب على السؤال المطروح في العنوان.

القانون بالقطع هو لمصلحة الخزينة العامة والحكومة طبعا ... حيث يتيح لها الحصول على موارد مالية إضافية تستغلها لتغطية بنود الإنفاق العام

لكن هل هو في مصلحة الشعب المصري ... هذه قضية خلافية على عدة مستويات، وتحتاج بحث مطول لمعرفة تأثيرات الضريبة الجديدة على الاقتصاد والشروط المختلفة التي تجعل عملية تحصيلها وإنفاقها مفيدة لعموم المواطنين.