ساعدونى اذاى اخرج من الاكتئاب اللى عندى

[fatfouta]

السلام عليكم

يا جماعة انا من ساعة ماجيت الرياض وانا عندى اكتئاب جامد جدا وبقالى اربع سنين على كده وحاولت انى اشتغل لكن قابلتنى مشكلة اودى ولادى فين وهما لسه تلات سنين وسنه ونص

والفكرة ان جوزى حابب البلد دى اوى لكن انا لا وحتى مش لاقيه صحاب وحاولت اكتر من مرتين انى انزل انا ولادى نقعد فى مصر ونسيب جوزى هنا لكن المحاوله بتنتهى بالفشل لاننا مش بنقدر هو مش بيقدر على الغربة لوحده وانا كمان مش ببقى مبسوطة لانه بعيد عننا وبيصعب عليا جدااا

الله يخليكوا قولوا لى اعمل ايه عشان الاكتئاب زايد جدا لدرجة انى مش ببقى عاوزة اخرج ولا اشوف حد وبس بقعد اعيط طول النهار والليل لدرجة ان جوزى زهق وقاللى انتى نكدية وبصراحة عنده حق

انا مش قادرة احب غيرك يا مصر بكل التعب اللى فيكى لكن انا روحى فيكى والله

[nona alawaal]

حل وحيد انك تجدى ما يشغل فراغك بشىء تحبينه ... و ياريت تجدى صديقة تتكلمى معها

و متفكريش فى الاكتئاب خالص

اهم شىء شغل كل وقتك .. نفسيتك هتتحسن ان شاء الله

[أبو محمد]

تم نقل الموضوع من باب "الهوايات" إلى هذا الباب "المغتربين المصريين" لما فيه من مشكلة تقابل كثيرا من المغتربين والمغتربات ..

مع تمنياتنا للأخت الفاضلة بحياة أفضل فى وسط أسرتها .. وتمنياتنا أن تلقى استجابة من أخواتها المغتربات اللآتى مررن بنفس التجربة أو ما يشابهها (سواء شخصيا أو من خلال المعارف)

[Emo]

أختي الفاضلة..

أكثر مايؤدي للإكتئاب..هو الفراغ..لا المكان ..

يعني سعادة الإنسان من جواه هو..

شوفي بتحبي ايه واعمليه..

استغلي النت في انك تنمي معرفتك ..وتقرأي..وتشاركي خبراتك وحياتك مع الآخرين..

سجلي في تحفيظ القرآن..واشغلي وقتك بالحفظ..وهناك هتلاقي الرفقة الصالحة اللي تعوض عندك احساس البعد..وكمان تقربك من ربنا وبذلك تزيل الوحشة..

فكري في نعم ربنا..

نعمة لم شمل الأسرة.زوالأمان..وراحة البال..

بس ماتحاوليش تضغطي على نفسك وتفكري كثير ان ده بسبب البلد..لأن ممكن تكوني في مصر ومتلاقيش حد فاضي يقلك السلام عليكم..

اتمنى من الله انه يبدل اكتئابك إنشراح ورضا وسعادة يارب..

كوني قوية..

كوني بــ رضا..

دمتي كما تحبين..

[MZohairy]

نصيحتي لك ان تستشيري طبيب نفسي استشاري

الموضوع بسيط و الحلول عنده حتكون سليمه و مجزيه 100%

[tarek nokia]

انا عندي فكرة كويسة جدا انك تدخلي مدرسة تعليم قرأن تدخلى اولادك الحضانة بنفس المدرسة ورسومه كويسة 50 ريال شهري للفرد حتلاقي نساء كتير تتكلمي معاهم وتتعلمي قران كمان واولادك حيلاقو اطفال زيهم والمكان مافيهوش اي رجالة كله نساء لو عجبتك الفكرة انا ممكن اسئلك فين

[Alrefaey]

فعلا الرياض بلد كئيبة وخصوصا لنا كمصريين مغتربين

الموضوع ليس قاصرا عليكى اختى الفاضلة الكثير من اصدقائى والمقيمين معى هنا بيعانو من نفس الشىء

احنا كرجال دوامنا طويل وزوجتنا بيظلوا وقت طويل بالبيت بيملوا من الفراغ وعدم وجود اجتماعايات

والرياض بلد تشعرى انها مغلقة عدم وجود شاطىء مثل جده او الاسكندريه والنيل فى القاهرة وطبيعة جوها القاسى بالاضافة لعدم وجود روابط اجتماعيه ممكن تشعر الزوجه بالوحده والممل

انا هقول لحضرتك حاجه كى تعلمى انكى لستى وحدك انا زوجتى سعودية ومن اهل جده وتعمل هنا معى بالرياض ومع ذالك مش قادرة تتأقلم على جو الرياض تماما

ودائما تلح على كى ننقل عملنا جده او اى بلد ساحلية او مفتوحه شويه

الحل بالنسبة لحضرتك

الاول انك تبحثى عن عمل وتودى الاولاد حضانه قريبه منك

او تعملى وترسلى الى والدتك او حماتك تجلس مع الاولاد

اذاكان ليس لديك او لزوجك رغبه فى العمل فحاولى تشغلى نفسك بالانترنت والمشاركة فى المنتديات

الخروج اسبوعيا الى المتنزهات مثل حديقة سلام المولات

عمل علاقات اسريه وزيارات متبادله

اما بالنسبة للعلاج النفسى فليس مناسب لحضرتك الان تماما لوجود حلول بديلة ومعرفة علاجك

[fatfouta]

انا عندي فكرة كويسة جدا انك تدخلي مدرسة تعليم قرأن تدخلى اولادك الحضانة بنفس المدرسة ورسومه كويسة 50 ريال شهري للفرد حتلاقي نساء كتير تتكلمي معاهم وتتعلمي قران كمان واولادك حيلاقو اطفال زيهم والمكان مافيهوش اي رجالة كله نساء لو عجبتك الفكرة انا ممكن اسئلك فين

شكرا يا اخ طارق على اهتمامك ويا ريت لو المداد عندك او اى حد عندك دخل مدرسة ذى كده قوللى هى فين وانا هحاول اتصل بيهم

الف شكر وجزاكم الله خيراا

[fatfouta]

أختي الفاضلة..

أكثر مايؤدي للإكتئاب..هو الفراغ..لا المكان ..

يعني سعادة الإنسان من جواه هو..

شوفي بتحبي ايه واعمليه..

استغلي النت في انك تنمي معرفتك ..وتقرأي..وتشاركي خبراتك وحياتك مع الآخرين..

سجلي في تحفيظ القرآن..واشغلي وقتك بالحفظ..وهناك هتلاقي الرفقة الصالحة اللي تعوض عندك احساس البعد..وكمان تقربك من ربنا وبذلك تزيل الوحشة..

فكري في نعم ربنا..

نعمة لم شمل الأسرة.زوالأمان..وراحة البال..

بس ماتحاوليش تضغطي على نفسك وتفكري كثير ان ده بسبب البلد..لأن ممكن تكوني في مصر ومتلاقيش حد فاضي يقلك السلام عليكم..

اتمنى من الله انه يبدل اكتئابك إنشراح ورضا وسعادة يارب..

حبيبتى ايمو

انا متشكرة جداااا على انك حسيتى بيا وربنا يكرمك يا رب على دعائك ليا لانى فعلا فى زنقة حوجة لواحدة اتكلم معاها تكون حاسة بيا

لكن انتى عارفة انا من القاهرة ومن حى شبرا يعنى حى حيوى جداااا وعلطول ونس ومن ساعة ماجيت هنا حسيت بالوحدة وكمان بصراحة مقدرتش اصاحب حد لان ساعات الاقى نفسى منسجمة معاهم وعشرة لا لان افكارنا بتبقى مختلفة بسبب اننا بنبقى من محافظات مختلفة وهتجنن اعرف واحدة تبقى صديقة ليا تفهمنى ذى اصدقائى فى مصر

وذى مانتى عارفة ان ساعات الواحد بيجيله زهق من النت

بس فعلا هو الحل الوحيد ذى مانتى بتقولى انى اتقرب من ربنا اكتر فى وقتى الفاضى ده يعنى انتى ادتدينى المفتاح ربنا يكرمك يا رب ويديكى اللى انتى عاوزاه واتمنى اننا نبقى اصدقاء

وادعيلى دايما ابقى قويه وحارب الشيطان واتغلب عليه

شكرا ليكى الف شكر

[fatfouta]

فعلا الرياض بلد كئيبة وخصوصا لنا كمصريين مغتربين

الموضوع ليس قاصرا عليكى اختى الفاضلة الكثير من اصدقائى والمقيمين معى هنا بيعانو من نفس الشىء

احنا كرجال دوامنا طويل وزوجتنا بيظلوا وقت طويل بالبيت بيملوا من الفراغ وعدم وجود اجتماعايات

والرياض بلد تشعرى انها مغلقة عدم وجود شاطىء مثل جده او الاسكندريه والنيل فى القاهرة وطبيعة جوها القاسى بالاضافة لعدم وجود روابط اجتماعيه ممكن تشعر الزوجه بالوحده والممل

انا هقول لحضرتك حاجه كى تعلمى انكى لستى وحدك انا زوجتى سعودية ومن اهل جده وتعمل هنا معى بالرياض ومع ذالك مش قادرة تتأقلم على جو الرياض تماما

ودائما تلح على كى ننقل عملنا جده او اى بلد ساحلية او مفتوحه شويه

الحل بالنسبة لحضرتك

الاول انك تبحثى عن عمل وتودى الاولاد حضانه قريبه منك

او تعملى وترسلى الى والدتك او حماتك تجلس مع الاولاد

اذاكان ليس لديك او لزوجك رغبه فى العمل فحاولى تشغلى نفسك بالانترنت والمشاركة فى المنتديات

الخروج اسبوعيا الى المتنزهات مثل حديقة سلام المولات

عمل علاقات اسريه وزيارات متبادله

اما بالنسبة للعلاج النفسى فليس مناسب لحضرتك الان تماما لوجود حلول بديلة ومعرفة علاجك

شكرا على اهتمامك بس انا والله بشتغل من قبل ماتجوز وجيب اولاد وبعد مابقى عندى ولادى خلاص انا مش قادرة اشتغل مع انى مش قادرة على قعدة البيت لانى واخدة على الشغل لكن المشكلة فى شغلى انى معنديش حد يقعد بالولاد لان حماتى ومامتى متوفيين وكمان كل الاشغال اللى جتلى بتبقى لغايت الساعة 5 مثلا طب هودى ولادى فين ده كله وخايفة اجيب حد يقعد معاهم لانى معرفش لا اخلاق اللى هتقعد معاهم ولا طباعها طبعا فمش قادرة اخاطر بولادى فى سبيل انى انا اكون مبسوظة بشغلى

عشان كده دايما تلاقينى بتعصب عليهم وحاسه انى مظلومة من جوايا وارجع اقول ان كله يهون عشان خاطرهم واهى فترة وتعدى بقى ولما يكبروا شويه نشوف

اما بالنسبة للعلاقات الاسرية انت عارف ان مافيش حاجة ثابته هنا فى الرياض حتى الناس بتتغير منهم اللى بيسيب شقته ويمشى واللى بيسافر واللى بيتشغل يعنى هو الواحد بس نفسه يلاقى واحدة تبقى صديقة

اما بالنشبة للطب النفسى انا فعلا استشرت طبيب وهو كمان بعد جلسات كتير قاللى الحل الوحيد هو الشغل عشان انتى شخصيتك كده ماتقدريش تقعدى من غير ماتطلعى الطاقات اللى جواكى

والله مش عارفة اقولكم ايه على اهتمامك ربنا يكرمكم كلكم ويديكوا كل اللى انتوا عاوزينه ويرد غربتنا يا رب جميعاااااااا

[hyyyr]

الأخت الفاضلة انا واسرتي الصغيرة بالرياض يشرفنا التعرف عليكم ممكن زوجك يراسلني على الخاص

[tarek nokia]

انا عندي فكرة كويسة جدا انك تدخلي مدرسة تعليم قرأن تدخلى اولادك الحضانة بنفس المدرسة ورسومه كويسة 50 ريال شهري للفرد حتلاقي نساء كتير تتكلمي معاهم وتتعلمي قران كمان واولادك حيلاقو اطفال زيهم والمكان مافيهوش اي رجالة كله نساء لو عجبتك الفكرة انا ممكن اسئلك فين

شكرا يا اخ طارق على اهتمامك ويا ريت لو المداد عندك او اى حد عندك دخل مدرسة ذى كده قوللى هى فين وانا هحاول اتصل بيهم

الف شكر وجزاكم الله خيراا

لا شكر على واجب المدرسة اسمها دار الأيمان بجانب التلفزيون او مول الصالحية وقريبة من شارع الخزان

[newcomer]

السلام عليكم

يا جماعة انا من ساعة ماجيت الرياض وانا عندى اكتئاب جامد جدا وبقالى اربع سنين على كده وحاولت انى اشتغل لكن قابلتنى مشكلة اودى ولادى فين وهما لسه تلات سنين وسنه ونص

والفكرة ان جوزى حابب البلد دى اوى لكن انا لا وحتى مش لاقيه صحاب وحاولت اكتر من مرتين انى انزل انا ولادى نقعد فى مصر ونسيب جوزى هنا لكن المحاوله بتنتهى بالفشل لاننا مش بنقدر هو مش بيقدر على الغربة لوحده وانا كمان مش ببقى مبسوطة لانه بعيد عننا وبيصعب عليا جدااا

الله يخليكوا قولوا لى اعمل ايه عشان الاكتئاب زايد جدا لدرجة انى مش ببقى عاوزة اخرج ولا اشوف حد وبس بقعد اعيط طول النهار والليل لدرجة ان جوزى زهق وقاللى انتى نكدية وبصراحة عنده حق

انا مش قادرة احب غيرك يا مصر بكل التعب اللى فيكى لكن انا روحى فيكى والله

حاسسسة بيكى جدا جدا جدا

هاقولك انا عملت ايه مع نفسى

صحيح متخلصتش من كل الاكتئاب......لكن الحمد لله احسن كتيير

* طبعا الياهو ماسينجر علشان اكلم مصر على قد ما اقدر

و الكاميرا و تجهيزات النت كلها

و علمت عدد كتير من اصحابى و قرايبى الماسينجير و بقى عندى ناس كتيير اكلمهم

عايزة اقولك ان ساعات فى المناسبات بيشغلوا لى الكاميرا علشان نبقى كلنا معاهم

و ده كويس علشان الولاد يرتبطوا باهلهم

* اشتركت فى مكتبة عامة ...... لو بتحبى تقرأى

حتى لو ما تحبيش القراءة الادبية .....هتلاقى كتب فى تربية الاطفال

و المطبخ و الهوايات.......

* اشتركت فى جيم ....... و اتعرفت على ناس كتيير

* اتعرفت على جيران من جنسيات تانية و مصريين

فكرة تبادل الثقافات ..... حاجة لطيفة بجد

* طبعا مش هاقولك ازاى تستفيدى من النت

يعنى الجرايد مثلا ...... هاتخد وقت و مفيده جدا

شوفى انا برمجت نفسى ان دى مرحلة و لازم هاعيشها....... يبقى باقل نكد ممكن

و بعدين الكتاكيت اللى معاكى دول مالهوش ذنب فى الاكتئاب ده

هاقولك حاجة .... لما ولادى كانوا صغيرين ..... كنت باقعد العب معاهم

قال يعنى بالاعبهم..... بس كنت باستمتع جدا ... و الله لحد دلوقتى باحب العب معاهم بالليجو و التركيبات

انتى عامله حاجة صح جدا انك لمه العيلة بتاعتك مع بعض

كمليها بقى

كمان حاولى تعملى لاولادك مجتمع ..... حضانة ..... جيران..... اصحاب

و مش هاوصيكى بقى كل ما تفتكرى :

لا اله الا انت سبحانك انى كنت من الظالمين

يا حى يا قيوم برحمتك استغيث .....اللهم لا تكلنى الى نفسى طرفة عين

و يارب يرد غربتنا جميعا على خير

و ربنا يديم عليكى و علينا حب بلدنا

[الطير السافر]

السلام عليكم

المشكلة ديه كانت زوجتى بتقابلها وكانت بجد ملهاش حل

والجماعة بصراحة قالوا حلول كويسة بس انا هقولك على تجربتنا هى مراتى اشتغلت مش بمؤهلها بس مش مشكلة احسن برضة من القعدة فى الببيت اللى حتى السوبر ماركت اللى على اول الشارع تخاف اى سيدة تنزل لوحدها عشان تجيب حاجة وهنا احسن شغل للنساء هو التدريس وبالنسبة للولاد احنا بصراحة لسه معندناش ولاد بس انا لاحظت ان فى الجنسيات الهندية بيعملوا الموضوع ده ان فى بعض الاسر اللى بتعتنى بالاولاد كحضانة داخلية للامهات العاملات وبتبقى فى البيوت عادى وانا شايفها فكرة كويسة ومتهيالى ان فى الجنسيات المصرية فى الموضوع ده بس مقبلتهوش بصراحة

والموضوع بتاع الاكتئاب ده على فكرة اغلب الزوجات هنا نفس الموضوع فمتقلقيش ابدا لانه مؤقت لو لقتيله حل

[MrPower]

ألا بذكر الله تطمئن القلوب

[شاب مصري]

أخي Alrefaey انا حسب معلوماتي ان المرأة السعودية التي تتزوج من أجنبي غير خليجي تسحب منها اللجنسية السعودية وبيحصل لها مشاكل في السعودية هل دا صحيح ؟

[ام بلال]

الأستاذ شاب مصري مسموح الآن زواج السعوديات من غير السعوديين ،

الأخت الفاضلة فتفوتة ، سأنقل لك تجربتي في الرياض :

هي بلد من 13 سنة كانت أكثر هدوءا من الآن ، و فعلا المصريين بيحبوا السكن في منفوحة بسبب زحمتها و بسبب انهم بيحموا يشعروا بزحمة مصر ، لكن الدفء الذي كنت تشعريه في مصر قد تفتقديه هنا ، علاجك ، من وجهة نظري :

--الإلتحاق بمدرسة تحفيظ قرآن في الفترة الصباحية ، و هي بتشغل الوقت جدا بما ينفع ، وفعلا غالبا ستجدي معظم أهلها مصريين ، ( عادة على حسب الأحياء)

--محاولة دراسة دبلوم أو ماجستير عن طريق النت ، و أفضل حاجة من وجهة نظري في فنون التربية أو الشريعة .

-- هناك مواقع كتيرة جدا مفيدة في النت ممكن تستفيدي منها

-- اعتبري منتدي حوارات المصريين عيلتك التانية ، فالكل بيخدم هنا بدون مقابل .

-- اقيمي علاقات اجتماعية ناجحة ، و لكن احذري من التداخل بدون داع لأنه أحيانا تحدث مشاكل ، كذلك جلسات الحريم الزائدة عن الحد و التي لا فائدة منها سوى اللت و العجن بصراحة مفاسدها أكثر من مميزاتها .

القراءة النافعة ، و كذلك سماع الشرائط الهادفة ، هتلاقي ده في التسجيلات الإسلامية متوفر ، الكتب في مكتبات اسلامية مثل قرطبة في السويدي و عامة مثل جرير و العبيكان .

أنا تحت أمرك على الخاص و ربنا يهون عليك لأنني مريت بنفس الظروف .

[Alrefaey]

أخي Alrefaey انا حسب معلوماتي ان المرأة السعودية التي تتزوج من أجنبي غير خليجي تسحب منها اللجنسية السعودية وبيحصل لها مشاكل في السعودية هل دا صحيح ؟

تسحب منها الجنسيه لا . اما التعرض لمشاكل فممكن

زواج المواطن السعودى او السعوديه من اجنبى بيأخذ اجراات طويله ومعقدة ممكن تمتد الى سنتين او اكثر

هذه الاجراات عبارة عن تحقيقات مع الطرفين وتحضير اوراق

الا فى ثلاث حالات ممكن تكون بسرعه

موافقه من الامارة ودى بتأخذ ثلاث او اربع شهور

الزواج فى بلد الاجنبى خارج السعوديه

وجود جنسيه اخرى للمواطن السعودى ويعقد القران على اساس انه اجنبى

[nasser mohamed]

السلام عليكم و رحمة الله وبركاته

الأخت الفاضلة

إن ما تشعرين به ليس إكتئاب ولكنه شعور بالفراغ أو الوحدة ......

هذا أمر طبيعي لأن زوجك بالعمل طوال اليوم و أولادك ما زالوا بسن صغيرة...

.و نصيحتي لكي أن تشغلي نفسك بطرق مفيدة ..مثلا أكثري من القراءة فيما تحبين قرائته.

..تحدثي مع أقاربك علي الانترنت...

..ثقفي نفسك فيما هو مفيد...

.وإن امكن حاولي ان تجدي أي عمل تطوعي ....

.هناك طرق كثيرة لتشغلي بها نفسك...

.ولكن لا تجعلي ذلك يؤثر علي زوجك....

فوجودكما معا شيء اساسي ...

فلا يوجد حل سوي ان تشغلي نفسك.....

.وفقكي الله

[fatfouta]

الأستاذ شاب مصري مسموح الآن زواج السعوديات من غير السعوديين ،

الأخت الفاضلة فتفوتة ، سأنقل لك تجربتي في الرياض :

هي بلد من 13 سنة كانت أكثر هدوءا من الآن ، و فعلا المصريين بيحبوا السكن في منفوحة بسبب زحمتها و بسبب انهم بيحموا يشعروا بزحمة مصر ، لكن الدفء الذي كنت تشعريه في مصر قد تفتقديه هنا ، علاجك ، من وجهة نظري :

--الإلتحاق بمدرسة تحفيظ قرآن في الفترة الصباحية ، و هي بتشغل الوقت جدا بما ينفع ، وفعلا غالبا ستجدي معظم أهلها مصريين ، ( عادة على حسب الأحياء)

--محاولة دراسة دبلوم أو ماجستير عن طريق النت ، و أفضل حاجة من وجهة نظري في فنون التربية أو الشريعة .

-- هناك مواقع كتيرة جدا مفيدة في النت ممكن تستفيدي منها

-- اعتبري منتدي حوارات المصريين عيلتك التانية ، فالكل بيخدم هنا بدون مقابل .

-- اقيمي علاقات اجتماعية ناجحة ، و لكن احذري من التداخل بدون داع لأنه أحيانا تحدث مشاكل ، كذلك جلسات الحريم الزائدة عن الحد و التي لا فائدة منها سوى اللت و العجن بصراحة مفاسدها أكثر من مميزاتها .

القراءة النافعة ، و كذلك سماع الشرائط الهادفة ، هتلاقي ده في التسجيلات الإسلامية متوفر ، الكتب في مكتبات اسلامية مثل قرطبة في السويدي و عامة مثل جرير و العبيكان .

أنا تحت أمرك على الخاص و ربنا يهون عليك لأنني مريت بنفس الظروف .

يا حبيبتى ربنا يخليكى ليا انا مش عارفة اقولك ايه على اهتمامك بيا

وهو انا فعلا معتبرة حوارات المصريين عيلة ليا وماكنتش متوقعة كل الاهتمام ده من الناس دى كلها بس والله انا فرحانة جدااا دلوقتى عشان لقيت ناس كتير اوى جمبى وحاسة بيا وكله عاوز يساعد وربنا يخليكوا ليا يا رب

ويا ريت نبقى اصدقاء لانى فعلا مفتقدة الصداقة جدااااااااااا